منتدى اشراق العالم - مضحك مبكي مع موظف الفرنسي ( و فصلت عليه )

يسعد مساكم يا احباب

جيت البنك الفرنسي

بس شغلتي ودي اغير تاريخ الاستقطاع من القرض

بدل ما يكون تاريخ 25 ميلادي / يكون 28 ميلادي فقط لاغير

و تم الرفض بل و مستحيل هذا يصير

طيب وش اللي يصير ، قال مالك إلا تسوي إعادة جدوله

قلت يله سو إعادة جدوله ( من باب امشي معه اشوف وش عنده )

وجلس يطقطق بالجهاز و يتكلم مع نفسه على انه موجه لي الكلام

قال شف باقي لك سنه
و البرنامج حسبها باقي لك 6 شهور
و الزود بسيييط جداً مقداره 200 ريال وشوي
و القسط يا طول العمر 5000 وشوي من اصل 2100
انا هنا ضحكت قلتله انت صاحي ؟ من جدك تكلم
انت عارف وش ابي ؟ انت مقتنع من اللي تقوله ؟؟
قال ايه مقتنع ونص ؟؟
انا هنا فصلت عليه
و اخذ الاوراق من قدامه
عندك كلام غير هذا ، أو انتم تحبون الشكاوي
شال باقي الاوراق وشوي و يعفطها وقال يله راح اشتك هههه واضحك
قلت انت الموظف و قدم لي الشكوى
انت اللي تسويها وانا اوقع
راح و جاب نموذج فيه تغييرات وضمنها
تغيير التاريخ
وطقيت التوقيع
شكرته و طلعت

عاد تتوقعون ممكن يغيرونه
أو اشوف درب ثاني ، شكلي هالاسبوع شكاوي

و شكراً