التفاحه
12-28-2009, 03:36 PM
الــــــــ س ــــــلام علــــــ ي ــكم
قريت ها الروايه واعجبتني وحبيت انزلها هينا اللي يبي يقراها يحفظها عنده بعدين يراها لانه طويله
السلام عليكم ورحمت الله
مساكم /صباحكم جوووري
معكم على العجاج مباشره الكاتبه :طيف وتقدورون تدلعوني طيوفه
في قصة((فيـ ـ ـ ـ ـ ـديته بس وينــــه))
اعرفكم على ابطال القصه :اميره/18 سنه
حصه/17 سنه
شذى/16 سنه نجود/ 13سنه
هاذولا خوات من الاب اميره و حصه خوات من الام والاب
وعايشات عند امهم
وشذى ونجود خوات من الاب والام وعايشات عند ابوهم
ولهم زوجت اب سوريه لها ولد وبنت
ومره من المرارير قرر ابوهم السنع انه يجمع اعياله
ودق على اميره وحصه
ام اميره :لااله الاالله محمد رسول الله اللهم يامقلب القلوب والابصار ثبت
قلبي على دينك اميره ردي على التليفون تقطع وهو يرن
اميره:انا مشغوله حصه ردي
حصه :وهــ بس عليكم وانا مالي شغل الا افتح الباب وارد على التلفون
بس يا الله يمكن احد عازمنا ولا يبي يجي لمنا
حصه:الووو
الاب:السلام عليكم
حصه: وعليكم السلام
الاب:من انتي حصه ولا اميره
حصه وهي مستغربه من هو هاذا الي يعرفنا ولا اعرفه
:ماتعرفنا على الاخ
الاب:استحي على وجهك انا ابوك اكيد انتي حصه
حصه وهي مستحيه وخايفه:وخزياااه منك يبه ماعرفتك
الاب: من القطاعه ماتجون ولا تمرون
حصه صباح الخير توك تفطن تسال عنا بعد 18 سنه
:ايه وش نسوي هاذي الدنيا حتى انت ماتجي لمنا
الاب: وانتي للحين لسانك طويل ابيكم اليوم تجون
اخوانك يبون يشفونكم
حصه:اليوم بنطلع وبكرى معزومين واللي عقبه عندنا زواج
>>> كان هاذا رد حصه كل مادق ابوه وقالها ابيكم تجون
دايم تصرفه
الاب:اقول عطين اميره
حصه: والله نبي نطلع واميره تروش
الاب :طيب مره ثانيه ان شا الله يا الله مع السلامه
اميره:حصه من اللي دق
حصه وهي مقصره صوتها:ابوي يبينا نروح لمهم
اميره:وش وش قلتيله بسررررعه قولي
حصه:لا تخافين قلتله نبي نطلع بس شكله ماصدق لانه قال عطيني اميره
اميره:شهقت هيييييييييييي بسرعه وش قلتيله وهي تظربها بسرعه قولي
حصه:انا قلتله انك مشغوله ..........
اما بالنسبه لشذى ونجوود كانت نجود تمنى تشوف اليوم الي يجوون فيه
اميره وحصه اما بالنسبه لشذى وكان عندها الوضع عادي $$
نسيت اقولكم ان لهم خوان اكبر منهم مشعل عمره 27 وفيصل 19
وهيفا اكبرهم كلهم....مشعل وهيفا متزوجين والباقي الله يوفقهم
المهم يوم من الايام قررو انهم يسافرون ويغيرون جو و
ياخذون اميره وحصه معاهم ..ودق ابو مشعل على اميره وحصه
وقال انه هالمره يكلم ام اميره عشان تقنع اميره وحصه
ابو مشعل:السلام عليكم
ام اميره : وعليكم السلام
ابو مشعل:وشلونك وش اخبار البنات
ام اميره/ الحمدلله تمام
ابو مشعل:والله ودي اقولك شي بس ابيك توافقين وتقنعين هالبنات الله يصلحهن
ام اميره:خير ان شاء الله وش عندك
ابو مشعل:والله قررنا نسافر هالسنه ونعرف العيال على بعض وش رايك
ام اميره:والله ياليتك مقرر من زمان خير ماقلت وانا بحاول اقنع البنات
ابو مشعل:والله مادري وش اقولك مااقول الا الله يجزيك الف خير
ام اميره:هاذولا اخوان مردهم لبعض طيب ماقلتلي وين بتسافرون؟
ابو مشعل:والله ..بناخذلنا عمره ونمر الطايف ..
ام اميره:خير ان شاء الله
ابو مشعل :يلا مااطول عليك مع السلامه
.................................................. .
ام اميره:يابنات تعالو بقولكم شي يفرحكم
حصه: وشو يمه نبي نطلع لاستراحه
ام اميره:لا
حصه: اجل عندنا زواج
ام اميره:لا
حصه:اكيــــــد جاء لاختي امووور عريس
ام اميره:وانتي ماعندك الا السوعان والهجوله ما تقولين شي مفيد
اميــره:وش عندك يمه
ام اميره:احصلتلكم سفره
البنات::صدق يمه اللــــــــــــــه وناسه وين نبي نروح
ام اميره: بتروحون مع ابوكم .......
حصه:لالالالالا يمه كلش ولا ابوي
ام اميره:اصبري وجعـــه خليني اكمل كلامي يقول انه بيسافر بكم
وانتم وخواتكم ومعكم عمكم ها وش قلتو؟؟؟
اميره:والله ودي اروح!!!!
حصه:من صدقك بتروحين مع ابوي
اميره:ايه وش فيها يعني بنسافر مع ابوي يعني انواع الهجوله
حصه :اقول ام السوعان ماتعرف امه وابوه عند السوعان
ام اميره : احسن منك على الاقل تروح تتعرف على اخوانها
حصه:والله ماعندي استعداد اسافر معهم حتى ولو على جثتي
اميره:والله اروح واشووف الدنيا واضحكلها كودها تضحكلي الا قوليلي
يما وين بيسافر فينا ابوي
ام اميره:يقول انه بيسافر لـ عمره وتمرون على الطايف
حصه: عمره !! من عمره هذا ليكون ابو ثاني وحنا ماندري
ام اميره:خلي عنك القرق وقومي سبعي المواعين انتي مامنك فايده
وانتي يااميره وش قلتي
اميره: افا عليك اكيد بهجول معهم
...
... في غرفة اميره وحصه..
اميره: حصه وش اخذ معي .؟
حصه:ولك وجه تسالين وانتي قاشه كل الي بالغرفه وش هالشنطه الي
يشوفك يقول بتهاجر وماصدقت على الله
اميره: باخذ الاونو والسلم والداب
حصه:وش رايك بعد تاخذين الكيرم ومري على السوني
اميره:حصه لا تستهبلين صدق قوليلي وش اخذ
حصه: قشي الغرفه ولا تسالين
اميره:توقعين شذى ونجوود كشخه
حصه:والله من اساميهم باين انههم كشخه(الله يرحم حال اسمي كانه حايس
بطاقة العائله كل اساميكم حلوه الا انا
اميره: و الله انك صادقه بس ماعليه اهم شي الخلاق وحب الوطن والدراسه
حصه:اما الدراسه كثري منها
..........
وجا اليوم الي تبي تروح اميره لم ابوها عشان تسافر معهم
اميره:مع السلامه يمه اشوفكم على خير
ام اميره:لا تنسين تدقين علينا
اميره: ولا يهمك يمهه اول مااوصل ادق عليكم وقبلت اميره راس امها
حصه:اميره لا تنسيني الله الله بالهدايا السنعه
اميره:كلن على همه سرى وحصه على همه سرت يا الله بس مع السلامه
حصه:مع السلامه واخيتي
اميره:الاخت في الله ماعندها طاري تقوم تسلم على فيصل
حصه:اقول انتي توكلي وخلي بعض ناس غافلين لايقمونا غصب عنا ونروح
نسلم
اميره:يمه خلي حصه تقوم تسلم على فيصل
ام اميره:هه اكيد تبي تروح غصبن عليها مو برضاها عاد ما باقي الاهاذي
حصه:انا مدري ليه يغصبون الواحد على شي هو مايبيه امري لله بروح اسلم
فيصل:السلام عليكم
البنات :وعليكم السلام
فيصل :كيفكم بنات
اميره:تمام اخبارك انت
فيصل: الحمد لله
ام اميره وهي قاصره صوتها:حصه وانتي ليه ساكته اتكلمي
حصه: وش تبيني اقول
فيصل :يا الله يابنات نمشي
اميره:ياالله توكلنا
فيصل:ليش وحصه ؟؟
حصه:هاه امي تعبانه وابي اجلس عندها
اميره:يا الله فيصل
ودعت اميره حصه وامها وطلعو
.......في المنزل....
ام اميره:الحين انتي متى تبي تعقلين وتخلين عنك الكذب
حصه : ليه وش سويت
ام اميره:انواع البرائه ماتدري وش سوت ليش تكذبين على اخوك و
تقولين ان امي تعبانه تبين ادق على اميره واقولها تقوله الصدق
حصه: ايه عادي!!!!!
.................................................. ...............
وصلت اميره لبيت ابوهاااااااا
اول مادخلت استقبلوها خواتها شذى ونجود ...ومرة ابوهم+++
وكانت اميرهـ مستحيه
وقالت شذى لنجود هههه شوفي اختنا مستحيه ههههههه
ويضحكون البنات واميره ضايع وجه مالقته
سالت شذى اميره سؤال عشان توخر عنها الحيا
شذى:بينها وبين نفسها والله يمكن من كثر الحيا شكلها مهب راده علي
اميره بتسافرين معنا؟
اميره:ايه بسافر معكم
شذى : انواع البرائه..وسالت مره ثانيه طيب جبتي ملابس ؟
طبعا شذى تستهبل عليها
اميرهـ هاذي مو وقتها انا ميته من الحيا وهي تسال اساله مثل وجهه:اكيد
نجود:ويـن حصه ليه ماجت معك
عاد اميره من قوة الحيا ماترد
... يدخل ابو مشعل الله يعين
هلاااااااااا بـ اميره
اميره قامت تسلم على ابوها
ابو مشعل:هلا وين اختك ام لسان
اميره:امي تعباانه ووجالسه عندها
ابو مشعل:اييييه والله اني عارف هالبنت
مرة الاب خلود:هذي بنتك ياحليلها والهي مابتشبهلك كتيير
ابومشعل:اقول وراه ماتروحين تحطين الغدا
خلود:من عيوني ابومشعل
ابومشعل:يلا اخلصي نبي نمشي
شذى:يبا ليه ماتطلعلنا جواز عشان نسافر برا لـ باريس ياحليلي عندي
طموح
ابومشعل:اقول قومي ساعدي خالتس
شذى :بينها وبين نفسها امحق من خاله
.................................................. ...
بالطريق^^شذى ونجود خلو اميرهـ تفصخ الحيا عاد شذى مرررره
خرباااااااااااااانه ومهستره ولو تقعد عندها دقيقه فطست من الضحك
وتحب الضحك والاستهبال ونجود بنت تقريباً هاديه وعلى نيتها وحبوبه
المهم نتاااايج ها السفره ان اميره تعرفت على خواتهاوتقربو من بعض
وحبو بعض ولما ارجعت اميره لم بيتهم
.........
.................
حصه كانت تسبع المواعين ودخلت عليها اميره:حصه انا جيت
حصه:هلااااااااا اوخيتي اشتقتلتس كثيييييييييييييير ههههههههههه
اميره:يابعدي وش اخبارك .؟
حصه:تمام اخبارك انتي وش سويتي وكثرتي من الهدايا ومن شفتي وش
قالولك
اميره:اشوي اشوي علي انتي ووجهك لاحقين على السوالف
ام اميره:هلا بنيتي رجعتي الحمد لله على السلامه
اميره/الله يسلمك ويخليك لي يا اغلى ام با الدنياء
..........................
في غرفت اميره وحصه
اميره:فاااااااااااتك يا حصيصه نص عمرك فلللللللله السفره تمنيتك مخليه
الدلع عنك وجايه معي تخيلي ركبت البعير هههههه
حصه:وشلون ركبتيه يا الجريئه
اميره:البنات لزمو علي وركبته ورحنا لم حديقه ولعبنا با المراجيح
حصه:هاذا حدكن ههههههههههههه
اميره:لو انتي معنا كان ماقلتي كذا تخيلي اخذنا بيت جناااااان وكل يوم
الصبح نطلع تهريب انا وخواتي لم الشارع
حصه:هاه شكل البنات فله
اميره:شويه الا انواع الاستهبال والضحك وناااسه مافيه حواجز بينا
حصه:النوبت الاخرى بتهور واروح معك واشوفهن
اميره:والله يا حصوص اذا شفتيهن تبي تحبينهن وتبي تقولين ابي اروح
لمهم دايم .....................
حصه اعجبها كلام اميره عن خواتها وقررت انها تروح لمهم
وجا يوم من الايام اتصلت هيفاء على البنات اميره و حصه ..
هيفاء:الووو
اميره:الو هلا والله
هيفاء وش اخباركم وشلون الوالدهـ
اميره:الحمدلله بخير وانتم وش اخباركم واخبار البنات..؟
هيفاء الحمدلله .......المهم قعدو يسولفون ويخرطون وقالت
هيفاء:ماودكم تجون لمنا ..؟
اميره:والله ودنا وش دعوى عادي
هيفاء خلاص اخلي مشعل ولا فيصل يمرونكم
اميره:على خير ان شاء الله
هيفاء يلا مع السلامه
اميره: مع السلامه
.........................
... هيفاء:شــــــذى نـــــجود تعالو بقولكم شي
جو البنات وش وش السالفه
هيفا ء:بقولكم شي بس بشرط؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شذى :وشي بسرعه الله يعينا على شروطها اكيد تنظيف البيت وتسبيع
هيفاء:ايــه ولا ترى ماني قايله السالفه...
نجوود :يلا عادي بس وشي هالشي؟<<<ذابحتها الشرافه هع هع هع
هيفاء :اذاخلصتوا من البيت علمتكم..!
شذى: يوووووووو علينا طيب وشي الشي خخخخخخخ
هيفا : تستهبلين يلا بس قومي مع اختك وحده تمسك المكنسه والثانيه
بالمطبخ ، بسرعه
البنات بدو يشتغلوون بسرعه وعاد مو صح يشتغلون على شان شي
خلصوا بسرعه
..........
البنات هلكين من التعب ..هيــــفاء يلا قولي خلصنا شغلنا
هيفاء:لهتويتي انتي واختك عرفتوا تخلصون اشغالكم بسرعه
شذى:ايــــــــــه لا تمننين علينا بسرعه قولي ولا حوست البيت
هيفاء: ودك تحوسين...الشي هو،،،ان البنات بيجون اليوم ..
نجود و شذى!!!!!!!!!!علامة تعجب واستفهام؟؟؟؟؟
نجود:من البنات؟
هيفاء: بهالسرعه نسيتوهن
شذى:اخلصي منهن....
هيفاء :اميره وحصه بيجيبهن فيصل..!
نجوووود:اللـــــــــــه ونــــــاسه !!!!!!!!
شذى:الله اليوم بنقلبها استهبال ورقص وردح ونستانس يمكن اخليهن
ييهجن معي خخخخخخخخ
..........خربانه هالبـــنـــت<<<<
هيفاء:اركدن واهجدن واعقلن وخلكن ثقيلات
شذى:اوووووووه جت المديره اقول بلا خرط فاظي اليوم بفلها معهم
مو صح يانجود ولا مع المديره انتي ....؟
نجود:ايه والله صادقه .
................................
.................................................. ..........
لما جو البنات!
هيفاء:هاه اميره وحصه اخباركم واخبار الاهل
اميره:تمام الحمد لله
هيفاء:حيا الله خواتي تو ماينور البيت
حصه:منور بوجودنا قصدي بوجودكم
اميره وهي تضرب حصه وتكلمها بصوت واطي:
حصوص خلينا نعدي اليوم هاذا على خير
حصه:طيب الواحد مايغلط
اميره:علي هاالكلام
شذى :وش فيكم
حصه :من غير نفس سلامتك مافيه شي
مشعل:السلام عليكم
البنات :وعليكم السلام
مشعل:عندنا اليوم اضيوف
نجود ذولاي خواتي حصه واميره
مشعل: يا هلا والله
.......المهم كان ذاك اليوم با نسبه لهم تعارف وكله
رسميات ومع الايام تقربو البنات لم بعض اكثر وصارو
مايستغنون عن بعض وكانت ام اميره دايماً تقول
لااميره وحصه الله يرحم ايام اول اللي كنا نترجاكن
ترجي علشان تروحون تسلمون على ابوكم والحين
مبلشاتن كل يوم نبي نروح نبي نروح وكانو البنات
يضحكون كل ما تذكرو اشكالهم
المهم مره من المرارير راحت اميره وحصه لم ابوهم
وكانو جالسين يتقهوون
اميره:حصوص نجود شذى خلوود تعالو تقهوو
حصه:يا هلا بمن جاب الفناجيل والدله
خلود :الله الله
اميره: ايـــــــه صدق من قال مو هب حباً لعليان حباً لجصته
شذى:ايش
حصه:انا اشهد ان من قال ها المثل ماكذب
نجود:اقول وين نبي نروح اليوم
اميره:مشا الله من اللي يبي يوديك
نجود:اليوم اليوم الوطني نبي نروح نتمشى
شذى وحصه :ايــــــــــــــه صح كل عام وانتم بخير
ههههههههه بس صدق وين نبي نروح
خلود:اي مكان تبون كيفكم
اميره:نبي نروح للمجمع وش رايكم بنات
الجميع:موااافقين
نجود :وهي تناقز شذى وين بنطلوني الاخضرووبلوزتي البيضاء
شذى:مدري عنك وش دراني حصه وشرايك نلبس كل شي اخضر ببيض
حصه:الله فله خلاص انا موافقه
اميره:ومين يبي يوديكم يا حلوين فيصل مسافر ومشعل با الرياض وابوي طالع
خلود:ماعليكم انا ادبرلكم بس انتم عطوني رصيد
اميره:خوذي جوالي حلال بلال عليك اهم شي تدبرينا
شذى:خلود من تبين تكلمين عليه
خلود:شوفو انا بكلم بس ما بدي منكون صوت اتفأنا
البنات:افااااااا عليك بس نعجبك اتفأنا
خلود:اصصصصصص الوو
مشاري:هلا
خلود :كيفك مشاري ؟؟ انا خلود زوجت خالك بو مشعل
مشاري:يا هلا انا تمام اخبارك انتي
خلود:منيحه مشاري بدي اطلب منك شغله ممكن
مشاري:امري يامرت الخال
خلود :اليوم بنات بو مشعل بدهم يطلعون ويغيرون جو
ومافيه احد يطلعهون فألت ازا مو مشغول بدي اياك تودينا عا المجمع
مشاري:طيب انا بوديكم بس خالي يدري.؟
خلود:ايه اكيد اجل بنطلع ولا ناخز ازن زوجي
مشاري :ايه يصير خير
خلود:مشاري شو بدي خبرك ان اميره وحصه بنات بو مشعل معانا
مشاري:اميره وحصه منين اطلعن ذولي
خلود:هههههههه بعدين بخبرك
مشاري:الدعوى فيها سوالف
خلود:ههههههه اي لكان يا الله نتظرك بعد صلات العشاء
مشاري:على خير ان شا الله مع السلامه
خلود مع السلامه ربي يوفأك ويرزأك بنت الحلال
اللي بتسعدك <<<<و هي تناضر اميره وحصه
..........
حصه: وشو ذا مشاري اول مره اسمع فيه
اميره:وبعدين وش قصدك ياخلود تدعين له وتناضريننا
خلود:والله ماقصدت شي بدعيله حرااام
شذى:مشاري ذا ولد عمتي دايما يجيبنا ويودينا
اذا صار ماعندنا احد وصديق فيصل اخوي
حصه:مشا الله عضو جديد يعني
اميره:الله يخلف على امي متاثره اخيتي با المنتديات
شذى ونجود:هههههههههههههه
}}}}}}}}}}}}}مداخله نسيت اقولكم ان اميره وشذى يحبون يفرضون
رايهم وكلامهم هو الماشي على عكس حصه ونجود
حصه كانت طيبه وحنونه واخذه الدنياء بساطه اما نجود بريئه وتحب
تسولف كثير بس محد يسمعها غير حصه وكانت تحب حصه كثير
............
بعد صلاة العشاء
خلود:بنـــــــــــــــــــــــــات اوليك طلعو تاخرنا عا الزلمه
حصه:انا مدري ليه بعض ناس كل ماجينا نطلع لزقو با المررايه
اميــره: حصيصه شكل مالك حاجه ضفي خشتك وروحي اركبي احسن لك
شذى:اجل الواحد يروح بشهبته لم الناس
نجود:انا من العصر وانا ادور ربطه بيضا مالقيت
خلود:ترا انا طلعت ومالي شغل فيكون
حصه:خلووود اصبري بروح معاك
وطلعت حصه وخلود وركبو
خلود:السلام عليكم
مشاري: وعليكم السلام
خلود:تاخرنا عليك
مشاري:لا عادي متعود
حصه:ههههههههه وب صوت واطي ما الومه المسيكين
مشاري:خلود ما عرفتينا عا الاخت
خلود:هاذي بنت بو مشعل حصه من زوجته الثانيه
مشاري:يا هلا اختي
حصه منحرجه ولا تدري وش تقول:.......
مشاري :وش اخبارك
حصه: الحمد لله تمام اخبارك انت
مشاري: الحمد لله
خلود: حصوص وين البنات تاخروو
حصه :يعني ماتعرفينهن عجزت انقثهن من عند المرايه
مشاري:بصوت عاااالي هههههههههههههه حلوه
حصه بينها وبين نفسها وش فيني انا فصخت الحيا مره
وحده يا خزياه من الولد :الحين بروح انا ديهم
شذى:هااااااااااااي مشاري وش لونك
مشاري:صباح الخير كان جلستو بعد اشوي تو الناس
شذى:مشاري ماعرفتك على خواتي <<تبي تضيع السالفه
مشاري:ايه ضيعي السالفه وشلونك اميره
اميره:تمام
نجود:اهلين شوشو
مشاري:وانتي للحين ماتغطيتي
حصه:عندك اياه
مشاري:افااا عليك اوريك فيها انا
نجود :لا والله خوفتني
مشاري:هاه ما سمعت وش قلتي
حصه:نجوووود عيب استحي على وجهك
مشاري:لا ماعليك انا متعود عليها
اميره وهي تهمس باذن حصه :فيه ناااس طقو الميااانه
حصه:ههههههههههه ايه والله انك صادقه يا خزياه منه بس خلاص ماني متكلمه
حصه وهي تهمس باذن شذى:شذى قوليله يوقف عند البقاله يشتري لنا مويه
شذى:مشاري تقول حصه وقف عند البقاله تبي مويه
مشاري:وليه هي ما تطلب مني
شذى:مستحيه اقالها
مشاري:وش دعوى وين اللي تو تسولف معي
حصه :حرااام عليك انا سولفت انا ماقلت شي
مشاري:ههههههههههههههه وش فيك
حصه:لا سلامتك
خلود:ترى حصه واميره عاقلات مو مثل شذى
حصه:وهـ بس اروح فدوه لك
مشاري:واضح مشا الله
شذى: لا تفرحين حصوص ترى هو يقصد اموووره
حصه:اقول اهجدي بس نغره ههههه
مشاري: هههههههههههههه من اللي يبي يجي ياخذكم
خلود :بو مشعل
مشاري :كانه مشغول خلوني انا ارجعكم<<جازتله السواليف
خلود:لا الله يوفأك ويخليك
وبعد ما نزلو مشاري يسولف على روحه /ياحليلك يا حصه فله شكلها
حبوبه مثل خواتها <<<وش فيني بديت اسولف على روحي ههههههه
شكلها اعجبتني لا بس ويني وين الحب انا
........وفي المجمع ........
كانت خلود تبغى تشتري ملابس العيد وقالت لـ اميره تعالي ادخلي معاي
من شان تساعديني على اختيار ملابس العيد ....
اجلسوا شذى حصه نجود بالكراسي الي برا وكان المجمع فيه هيئه
وعاد تعرفون انتم يوم وطني لازم شرطه وهيئه......
شذى كانت جالسه في الكرسي حاطه رجل على رجل ومنزله عبايتها
على كتوفها وشايله الطرحه عن عيونها....المهم
وكانوا جالسين شذى وحصه ونجود دخلت المحل اما شذى وحصه
جالسين يحشون فـ العالم شوفي ذا شوفي ذاك.....
ومرت الهيئه وشافوهم وصرخ رجل الهيئه على شذى ..غطي عيونك
عدلي جلستك وارفعي عبايتك يووووم راح
شذى:ههههههههه
حصه:ههههههههههه الحمدلله والشكر احد تهوشه الهيئه ويضحك
الله يكفلك بس
شذى:اقول اتركيهم هذولا وامشي نتمشى لما يخلصون
حصه: ........شذى شوفي شوفي لايفوتك
شذى:وش عندك
حصه:شوفي الي يصور تراه يطلع التصوير على التلفزيون
شذى:اللـــــــــــه ونــــــــــــاسه امشي امشي بس ندور ونطلع بالتلفزيون
حصه:الحمدلله وليه بيعرفونك بالعبايه..خخخ
شذى:ماعليك امشي عادي لو لابسه عبايه اشوفه انا اذا عادوا المقطع
انا اعرف نفسي ههههههههههههه
حصه:الحمدلله ان لي عقل هههه يلا امشي
شذى:ماسمعتي المثل الي يقول :اترك العقل وتمتع بالدلاخه ككككك
حصه:اقووول يلا امشي
وقامو شذى وحصه يتمشون ويحشون با العالم لما ادخلو محل عطور
شذى:اللـــــه حصوص شوفي ذا العطر جنااااااان
حصه:وريني الله يهبل بس انتي وخشتس ما تروحين الا للغالي روحي
للنقدرعليه
شذى:اقول لو سمحت بكم سعره ؟
راعي المحل:هاي بـ500ولو بدك تاخذيه بنخفضلك
شذى:بس
حصه:يووووه رخيص مررره شوفي يا شذى والله والله اذا تجرت لاشتريه
لك الحين ذا وهو وخشته مايدري ان مصروفي كله 205 ولا يستهبل
شذى:لا يمزح معنا راعي المحل بيعطينا ارخص من كذا مو هيك....؟
راعي المحل:تكرم عيونك ولوووووو
حصه:يوووه هاذا تصلحله خلوود بعدين انتي وكشتك يلا نروح لمحل ثاني
وراحن شذى وحصه لـ محل ملابس داخليه
شذى:هيييي شوفي ههههههه يصلحلك خخخخخخخخخخخ
حصه:اقول اعقلي
شذى:ليه مهبوله ولا نفسيه امشي نغير المحل
حصه:شذى شفتي قميص النوم ذا اذا اعرستي بشتريه لك بس بشرط انتي
اللي تدفعين حسااابه
شذى:والله يعني هذا هديه اقول اشونني مااقربلك هههههه
حصه:ههههههه اشوننا مانقرب لابعض يا اختي
شذى/حصه تعالي ندخل المحل ذا
حصه/شذى شوفي اويلاه التنوره جناااان
شذى/اي حلوه لو سمحت كم سعر هاذي
البائع/400
شذى/بس رخيص امشي ضفي وجهك بس
حصه/لا مانب طالعه الا التنوره معي تدبرين الفلوس الحين
شذى/منين اجيبلك هاه
حصه/لاتخلينن احلف ما اطلع الا والتنوره معي
شذى/احلفي احد رادتس احلفي من اليوم لباكر واذا خلصتي تلقيني برا
حصه/يا الله الشكوى لله امشي مال الطيب نصيب
شذى/انتي تفتحين ابواب مسكره عليك اصلا تعرفين انك منتب شاريته
حصه/قلت يمكن تضحك لي الدنياء مره
شذى/والله محد داري عنك امشي بس تراك فتحتي الجروح
حصه/ هاذا اللي انا ابيه ههههههههههههه
شذى/اقول اخلصي بس ههههههههههههههه
المهم جلسو البنات يتمشون ويضحكون وبعدين تعشو وما لقوا احد يرجعهم
وقررو ان يدقون على مشاري يجي يا خذهم ...وبل جاء واخذهم وداهم
للبيت وفي البيت.... حصه:شذى افتحي التلفزيون بسرعه
وتنقز شذى وتفتح التلفزيون شذى:حصه على اي قنات تتوقعين نطلع
mbcولا الجزيره
حصه:هههههههههه وحبيل اخيتي بريئه عا القنات الاخباريه اكيد
اميره:وش عندكن انتن
حصه:شفنا با المجمع رجال يصور والاخت في الله بدت ترزز قدام الكام
تبي تطلع با التلفزيون
اميره ونجود:ههههههههههههههههههه حلوه حلوه
شذى:ايه الحين اذا طلعت تعرفن وشلون تطنزن
خلود:قصرو اصواتكون ابوكن نايم
اميره: اقول منتي طالعه حطي فلم هندي نتابعه اصرفلك
شذى:لالالا علكيف خشتك هو ماني مغيره القنات
خلود:حطي محطة غنوه بدنا ندبك
نجود:كلن على همه سرى وانا على همي سريت
خلود:انتم شكلكم مطولين انا بروح انام تصبحو على خير
البنات :وانتي من اهله
نجوود:اميره حصوص وش رايكم بمشاري
اميره:ولد حلال ما عليه بس ياحليله حبوب
شذى:وبعض ناس وش رايهم <<وهي تناضر حصه وتضحك
حصه:هيه انتي وش قصدك لاالحين اكفخك باالريموت
شذى:ياهوووووووه اموت انا عا المعجبين
حصه:ههههههه اموووره اقول ياشين اللي يألفون قصص من عندهم
شذى وهي واقفه عند راس حصه:هيه انتي انا اللي ياشيني
نجود بكل بروده:الحين هي قالت شذى
شذى وهي تناضر حصه :بمشيها ها المره
اميره:ههههههه ماقلتلكم اليوم دخلنا انا ونجود لمحل سالت انا راعي المحل
عندك جاكت اسود قال هو لالااسف مابوش عاد نجود انقزت وقالتله الا
بوش بوش يعني الا عندك ههههههه
الكل :ههههههههههههههههه
فيصل:السلام عليكم
البنات:وعليكم السلام
فيصل:وينكم اليوم البيت مافيه احد
نجود:طلعنا للمجمع تعرف اليوم اليوم الوطني
فيصل:فاااااضيات انتن
حصه:وش ورانا
شذى:فيصل اطلعبنا نتمشى
فيصل:دورو احد انا بطلع لم العيال
نجود:ياحبيلك ودنا تدري اليوم من ودانا مشاري وانت ماتدودينا
فيصل:اجل دقي عليه يتمشى بك
شذى:صديقه يودينا وهو مايودينا
حصه/اشوى اني ماشاوفت لطلعه
فيصل:اقول ضفي عن وجهي انتي وبجااامتك اللي اكبر منك
وانتي احسن لك لاتشاوفين لشي الا اذا شفتي السياره عند الباب مع السلامه
نجود:اووووف كسل
اميره:اقول قومي سوي لنا شاهي خن نطلع با الحوش
شذى:يقهر اعوذ با الله ياليتني ولد
حصه/ياكثر ماقلت ياليتني ولد
اميره/انا اصلا دايم اقولها يعني شي عادي
حصه وهي حاطه رجل على رجل:يابنت يا اللي با البراحه ..... وش فيكم
تناضروني ؟؟؟؟؟
شذى:احر ماعندي ابرد ما عندها
حصه:ما سمعتي با المثل اللي يقول اضحك لدنيا تضحكلك
شذى تناضرها وهي مررره معصبه؟؟!!!
حصه/تدرون وش فضل سنة الضحى<<<<<تبي تضيع السالفه
وتنرفز البنات>>>>>>> عن أبي أمامة ؛ قال : قال
رسول الله صلى الله عليه وسلم : " من صلى صلاة الصبح في مسجد
جماعة ، يثبت فيه حتى يصلي سبحة الضحى ، كان كأجر حاج أو معتمر
؛ تاماً حجته وعمرته". وكملت حصه عن أبي هريرة ؛ قال : قال: " لا
يحافظ على صلاة الضحى إلا أواب" . قال: "وهي صلاة الأوابين".
وبعد عن أبي ذر ، عن النبي صلى الله عليه وسلم ؛ أنه قال :" يصبح
على كل سلامى من أحدكم صدقة ؛ فكل تسبيحة صدقة ، وكل تحميدة
صدقة ، وكل تهليلة صدقة ، وكل تكبيرة صدقة ، وأمر بالمعروف صدقة ،
ونهي عن المنكر صدقة ، ويجزئ من ذلك ركعتان يركعهما من الضحى" .
أخرجه مسلم.صح لساني وعز الله مقامي
شذى/انتي تقهرين ساعات احس انك بعآآآآآآآلم ثاني
نجود:حصه انتي ليش كذا مو معصبه مثلنا
حصه:نجود انتي متى تغطين؟؟؟؟
نجود: جانا مشاري الثاني اوووووف يا ليتنا با الرياض
(((نجود وشذى كانو عايشين عند امهم با الرياض بس توفت ورجعو
للقصيم عاشو عند ابوهم)))
حصـــــه وهي تنهت :آآآه يا الرياض يالبى قلب اللي عايش با الرياض
شذى مقربه من حصه :ومن اللي با الرياض
حصه:هاه منو
شذى:الدعوى فيها سواالف اصبري بسوي الشاهي وبتقولين لي السالفه
ولما طلعو با الحوش
شذى:يلا حصوص قولي لي السالفه
حصه:وش سالفته بعد بدت تألف
شذى:اللي لبى قلبه با الرياض
اميره:آآآآآآه يا شذى فتحتي جروح اختي
حصه:لا جروح ولا مخوش مهنا سوالف
شذى:مايمديك قولي السالفه اميره فضحت فيك
حصه: اقول انتي وياه اعقلن
اميره:عادي قولي شذى مو غريبه ولا ترى انا بقول
حصه:طيب سكري اللمبه نجود عشان الجو يصير رمنسي
شذى:الدعوه فيها رمنسيه ههههههههههه قولي السالفه ما علينا
حصه:السالفه وما فيها اني كنت احب ولد خالتي ركان وهو عايش با الرياض
شذى::اخس وهاذا كم عمره
حصه:يمكن 29سنه
شذى وهي مطيره عيونها:يوووه بينك وبينه اكثر من عشر سنين
حصه:عاد الحب مايعرف كبير ولا صغير
شذى:طيب هو يدري انك تحبينه
حصه:هههههههههه ياقلبي انت متأثره با المسلسلات طبعا لابس عرف بعد
ماتزوج اني احبه
شذى:ليش انتي ماتكلمينه
حصه:وليه انا مهبوله عشان اكلمه عيب
شذى:اسمحيلي حصوص انتي تعقدين السالفه عادي واذا كلمته ولد خالتي واحبه
حصه:انتي ياشذى عايشه بمجتمع غير عن مجتمعنا وفيه اشياء عندكم
متساهلين فيها مررره انا السراحه يوم جيت انصدمت انتو عيشتكم غير
شذى:امممممممم يمكن اهم شي ماعلينا كملي سالفتك
حصه:اقولك والعام بالاجازه دقت خالتي على امي وبشرتها ان ركان يبي
يتزوج
شذى:لالالالالالالالالالالا قولي غيرها ليش وانتي
حصه:انا الله يكفلن يوم سمعت ها الخبر انصدمت بس مابيدي شي اقدر اسويه
نجود:ياعمري اخيتي
شذى:وحضرتي زواجه
حصه:اكيد بحضره وهـ ياناااس لو تشوفينه وهو لابس البشت وجاي لم امي
يقول وش رايك آآآآآآه يذبح يذبح ياشذى يعذب
شذى:وانتي كنتي فيه
حصه:ايه ياليتني ماكنت فيه ياناس احبه
شذى:السراحه انتي قويه تحضرين زواجه بعد طيب يوم شفتي زوجته
وش كان شعورك
حصه: تبي السراحه ما حسيت باي شي يمكن لانه مو معها بس هو احلا منها
اميره:اكيد حبيبي القلب ....
حصه:اقول اهجدي انتي ويا ها بس
شذى:طيب للحين تحبينه
حصه:وكل يوم احبه اكثر وتدرين انه قبل كم يوم متصل على امي يبشرها
ان الله ارزقه بولد وسماوه على ابوه
شذى:ياقلبي اختي معليش خيرها بغيرها
حصه:شذى انا وعرفتي من احب بس انا ماعرفت من تحبين
شذى:ياويل حالي ومن فيه يستاهل انك تحبينه جبيه والله لااحبه
اميره:ياكافي ههههههههههههههه
نجود:وانتي اميره اخبار عمر للحين تحبينه
اميره كانت تحب ولد خلتها عمر منذ ايااام الطفوله وهو اكبر منها بسنه
وحتى هو يحبها ونجود وشذى يدرون ان اميره تحب ولد خالتها
اميره:آآآآه منه تمام
شذى:بنات انا قلتلكم مواصفات فارس احلامي
حصه:هههههههه بعد له مواصفات
شذى:ايه هه اكيد ابيه رمنسي ويحبني وله كتوف عراض وتاجر ويسافر
فيني لباريس
اميره:ذابحتك باااريس انتي
حصه:انا ابي رجل حجازي بس يشتغل بعنيزه ولا با الرياض ويكون حنون
اميره:جاري البحث عن معاريس خواتي
شذى وحصه:هههههههههههههههههه
.........وفي الصباح
خلود:بنات يا الله اصحو عندي لكم خبريه
اميره:وش عندك بعد
خلود:صباح الورد
اميره:هلا صباح النور
خلود:هههههههههه ذكرتيني بابو مشعل اول ماتزوجنا كانت كل صبح
اقوله صباح النور وكان يقولي هلا ومره جيت صحيته وقلتله صباح النور
رد علي هماك قايله لي امس
البنات:ههههههههههههههههه
شذى: وش الخبر اللي عندك
خلود:بدكون تعرفو قومو نفطر بعدين بعلمكون
حصه:بدا التصريف
خلود:ايش
حصه:لا اقول با الحوش صوارير
شذى:هههههههههههههههههههههه ايه كثار
خلود:قومو وخلو عنكم الكسل
وقامو البنات وراح للمطبخ يسون فطور
خلود:حصوصه تعالي بدياك تعملي فتوش
حصه:مشا الله فتوش على ها الصبح
اميره:وانا وش اسوي ولا اقلب خشتي
خلود:شو تقلبي ماتقلبي لا بدياك تعملي فوول
شذى:انا ابي حليب وينه ولا هونت
نجود:يا شين اللي يزمر على الصبح
حصه:يابنت يا اللي با البراحه ......وش فيكم انتم تناضرون
نجود:انا من يوم اعرفك وانتي بس تعيدين وتزيدين بها البيت بس ما
قد سمعت باقي القصيده
حصه:ومن قالك انه فيه باقي
خلود:اميره روحي صحي فيصل خليه يفطر معنا
اميره:حصيصه روحي قومي فيصل
حصه:شذى روحي قومي اخوك
شذى:وهو موهب اخوك نجود روحي قومي فيصل بسرعه
حصه:والله حاله انا امر عبدي وعبدي يامر عبدوه هههههه
نجود:انا مدري من وين متعلمات العجز
اميره:هه افاعليك تعالي وخلود تعطيك دورات با العجز
خلود:لا تكفين خلي عنك الخرط ويا الله امشو افطرو
حصه:ههههه والله كبرنا وصرنا نعرف نهرج بريداوي بحته اجل خرط
شذى:هههههههههههههههههههه
...ولما اجلسوا عا الفطرور
اميره:يلا خلود وشو الخبر
خلود:بيدي ياكون تحزرو
حصه:ياربي عليه وعلى بصاقته
الجميع:هههههههههههههههههههه
خلود:ابوكن قرر انه يطلع فينا على الشرقيه
شذى:احلفي؟؟؟؟؟؟
اميره:تكذبين!!!!
نجود:قولي والله
حصه:بنات فقر هههههههههههههه
خلود:والله العضيم وجهزو حالكون بدنا نسافر با الاجازه اللي بعد العيد
شذى: وحبيل ابوي احبك يبه
نجود وهي تناقز:الله نبي نسافر وناااسه
اميره:يوووه مانب مصدقه
حصه:ياربيه متى اروح للبيت عشان اقول لاامي
ويدخل فيصل عليهم بها اللحضه
فيصل/وش فيكم اعصابكن قصرو اصواتكم
شذى/بعذرك بلاك ماتدري اننا بنسافر
فيصل/ وين ان شاالله
حصه/لشرقيه
فيصل يضحك بأعلى صوته /ههههههههههههههههه اللي يسمعكن يقول
ذولا بيسافرون لم باريس
اميره/بنات احس بتحطيم
البنات/هههههههههههههههه
......وفي بيت ام اميره.....
حصه::يمه تعااالي بقولك
المها<<هاذي اخت اميره وحصه من امهم:: استحي على وجهك امي تجي
لمك اشبري وجهك
امير:: وجهه مغسول بمرق هههههههههههه
حصه وهي ماسكه شوشت اميره والمها::الحين انتن وش جاكن على وجهي
ولا عشاني احلا منكن ولا عشان اسمي احلا من اساميكن
المها:بعض الحيان تصير الثقه الزايده مالها اما داعي
اميره وهي تناضر حصه::وخصوصاًعند بعض الناس
حصه وهي تضرب راس المها واميره بعض :عشان تعرفن من بعض الناس
ام اميره::والحين انتن ماتعرفن الا تهاوشن
المها: لا يمه نمزح مع بعض
حصه:يمـــــــه ماقلتلك
اميره:انا بقولها انا الكبيره
حصه: لا وهو على كيف خشتك
اميره::حصيصه انا اللي بقول احترميني لو مره بحياتك
حصه:اقول هاها بس
ام اميره/لاحول ولا قوت الا باالله الله يهديكن
المها:هههههههه الحين تهاوشن ولا ندري وش السالفه قولو ولا انا بقول
حصه::السالفه ان ابوي يبي يسافر بنا لم الشرقيه
اميره::نروح ولا لا
ام اميره:: لا والله روحو واستانسو وافرحو وغيرو جو
المها: الله يخلف علي لا تنسن الهدايا بس
حصه::ياهووووووووه بروح اولم اغراضي من الحين
اميره:يؤؤؤؤ تدرين باقي على الموعد شهر ونص
المها:تعرفين انتي يا اميره اذا صار الواحد طاف
اميره:لا والله قصدك بنت فقر حدها الرياض واذا تقطعت تقطعت راحت
لم مكه والطايف
حصه:يمه ترى بفقع خشش بناتك وش اقالنهن الحين
ام اميره:: اتركنها خلنها مستانسه وانتي يا المها قومي سوي قهوه وشاهي
وانتي اميره قومي ساعديها
حصه:غريبه امي ماقالت قطعي بصل <<هههههههههه
ام اميره:اميره قطعي بصل وانتي حصيص قومي معها
البنات:ههههههههههههههههه
تركي<<هاذا اخو اميره وحصه من امهم ونسيت اقولكم ان ام اميره كانت
متزوجه واحد قبل ابو مشعل وجابت منه ست بنات ولد وبعد ماتوفى تزوجت
ابو مشعل لانها كانت تبي ولد يكون مع تركي بس جابت اميره وحصه
واسماء البنات -اسماء وهي الكبيره متزوجه ومعها بنت
جواهر اصغر من اسماء متزوجه ولها ولدين وبنت-فاطمه متزوجه ولها
بنتين-واخر البنات المها بعد متزوجه ولها ولد - وتركي اكبر من المها
وتركي صاير لهم تقريبا مثل الاب وهو حنون وطيب ويحب خواته كثير
ومايبيهم يزعلون منه <<الله لا يفرق بينهم
تركي::مشا الله اشوف البنات مستانسات
حصه وهي طايره من الفرحه: ماقلتلك
تركي :: وشو
حصه:نبي نسافر مع ابوي لم الشرقيه واخيرا بشوف ها اللي اسمع فيها
ولا عمري شفتها
تركي:: حلو <<بس غريبه وشلون قرر يسافر بكم
حصه::ادري انك تقول غريبه خابره مقحط <<يعني بخيل
تركي::هههههههههههه تفهمينها وهي طايره
اميره: انا اشم ريحت حش
حصه:: لا من قال اننا نحش بحد استغفر الله
تركي::هههههههههههههههه استغفر الله استغفر الله والله مو قصدي بس
طلعت غصباًعني
حصه::عاااااااااادي حش من اليوم لبكرى ماعندك احد لا تستحي
.....ولما قرب موعد السفر وكان باقي عليه اسبوع..
تعبت ام اميره ولما وداها تركي للمستشفى قالو ان السكر والضغط عندها
مرتفع ولازم ترقد وجت اميره جلست عند امها با المستشفى وحصه
جلست عند اخوها تركي وزوجت اخوها با البيت
اميره كانت تحب تعرف ولقت بنات با المستشفى وتعرفت عليهم كانت اميره
تتمشى با الاسياب وجتها ساره
ساره ::لو سمحتي ممكن استخد م التلفون
اميره:ايه ممكن
بعد ما خلصت ساره من التلفون
اميره: لو سمحتي ممكن نتعرف..؟؟
ساره بابتسامه : ايه ممكن
اميره: انا اسمي اميره وعمري 18 وجايه مع امي
ساره:انا ساره وعمري 17 وراقده مع اختي هند وعمرها 18 تعالي اعرفك
عليهاو نسهر مع بعض
ساره:هند جبتلك صقيقه جديده هههههههههه
هند:مشا الله هههههههه ماتعرفنا عا الاخت
<<المهم ان البنات تعرفو على بعض وصارو مثل الخوات ياكلون ويقعدون
ويسولفون مع بعض ويستهبلون كمان
ساره:اميره هاذا جوالك
اميره:ايه
هند:ياحليلكم مثلنا عادي تصورون با الجوال
اميره:هههههههه حتى انتم بس حنا نصور وحنا متلثمين
ساره:هههههههههه اميره منو ذولي اللي مصورات با الشارع معك
اميره:هاذي بنت خالتي اول مره نطلع حنا وياه وصورنا ههههههه
هند:الله وناسه <<اقول خلو عنكم الجوال وقومن دورن لنا شي ناكله
ساره:اميره امشي ننزل لم البقاله
اميره:يا الله
...ساره:: اميــــــــــــره يا الله قبل ماينصك الااصنصير
اميره:ساره جازتلي ها السستر وصورت انا وياها با الجوال
ساره:ههههههههه اجل انا صوريني معك
اميره:عشان واوريها حصيص اختي شوفي ابصور بس ابي صورتنا تطلع
تضحك هههههههه
ساره:اللـــــــــــه جناااان ههههههههه ابي صوره ثانيه بس ابيها وانا واقفه
عند البقاله
اميره:سارونه شوفي
ساره:وشو وش اشوف
اميره:اللي هناك؟؟؟يهبل
ساره::اهـ وش ها اللي يعذب وشوله توريني اللحين احبوه
اميره: لا على كيفك انا اللي شفتوه الاوله يعني انا احبوه
ساره:من اللحين هواش عليه اجل ما ابيه امشي ندخل البقاله..اميره صورين
عند ثلاجة العصير عشان كل ما اشتهيتي عصير تشوفين ها الصوره
اميره:ههههههههههه خلاص
بعد ما قشو البقاله كلها راحو لم هند وهو با الطريق بيرحون لمها ساره
شافت سرير وانبطحت فيه
ساره:اميره ابي وحيـــــــــــد جيبي الدكتور وحيـــــد قلبي فيه طقاقات ابي
وحيــــــــــــــد
اميره:هههههههه ساره قومي ولا اب صورك
ساره:لا لا ابي وحيد تعالي انتي يا سستر ابي وحيد
السستر:هاذا كريزي مين وحيد
اميره وهي بلشه تصور :روحي دوريله اي دكتور اسمه وحيد مصر سوداني
هندي اللي هوهو اهم شي يكون اسمه وحيد
ساره:اميره ما جربتي تتزحلقين با السيب هاذا
اميره: لا والله
ساره:تعالي وحطي الغراض با الارض >>ورفعو اميره وساره عبياتهم
وبدو رايحين جايين يتزحلقون با السيب واشكالهم تموت من الضحك
اميره:السراحه فله بس مهوب بتله الهبال امشي تلقين هند تتنتضرنا
هند:وينكن انتن ..؟؟
ساره واميره::اسلام عليكم ايوها القوم
هند: وعليكم السلام وينكن
اميره:ابد قعدنا نهجول با اطراف المستشفى
ساره:وعجبنا واحد ولقطنا معوه صوره
هند:ههههههه وين الصوره
اميره:اقول اقلطو على الميسور
اهم شي ان البنات قضو يومين مع بعض بس كنها با النسبه لهن لحضتين
واخذو ارقام بعض وطلعت ام اميره من المستشفى
......بيت ام اميره.....
تركي: ياولد فيه احد
حصه:مهنا حدى خش ماعندك احد
تركي:هههههههه مهنا حدى
حصه:يا هلا والله با الطش والرش والبيض المفقش تو ماينور المنتدى
قصدي البيت ههههههه
المهاء:الله يخلف على امي بس ههههههههههه
ام اميره:هلا والله
اميره وهي طفشانه: تمسون على خير بروح انام
جواهر :غريبه وش عندها اكيد لاقيه له احد هيناك
المهاء:ههههههههههه خبرته عاد انتي
تركي:بنات وحده منكن تعود على طق الابره لان امي عطوه بدال الحوب ابره
جواهر:لازم وحده من البنات اللي با البيت تعود
اميره:والله انا ماعندي طاري انا ما اتحمل اشوف الابره عشان اطقها
تركي :اميره هاذي امك ..؟
حصه:اشكوىلله يا الله انا بضحي بمشاعري عشان امي الحنونه
جواهر:خلاص انا اعودك عليها ترها سهله وماتبي شي
...وبعد اسبوع.....
ابو مشعل: هلا والله اميره كيف حالك
اميره:الحمد لله اخبارك انت
ابومشعل:انا تمام شوفي وانا ابوك ترى نبي نسافر بعد يومين تجهزوا
انتي واختك
اميره:يصير خير انشالله
... وسكرت اميره التلفون وهي تفكر مين بيقعد عند امها اذا سافروا
راحت اميره لم امها وكانت جالسه وجنبها حصه وتركي وزوجته
اميره:يمه دق ابوي يقول ترى نبي نسافر بعد يومين
حصه:الله وناسه
تركي:بترحون ومن يجلس عند مي ويعطيعا الابره
حصه:ايه صح
اميره:حصه تجلس عندها وانا اسافر
حصه:لا هو على كيفك انتي وخشتك تروحين تستانسين وانا اجلس هينا
ام اميره:انتي سافري وحصوص بنيتي تجلس عندي
حصه:لا يمه لاتخلينها تروح تستانس
تركي:يا اختي ما اذكرك نذله كذا خليها تروح تشوف الدنياء
اميره:فيه ناس بهم نذاله بشكل غير طبيعي
حصه:ياحبيلك يمه لا تخلينها تروح
ام اميره :حصه لاتغثيني خليها تروح تشوف الدنياء
حصه:وانا انحجر هينا ترى كله اسبوع
تركي وهو يغمز لحصه :حصه خلاص خلصنا
حصه:وهـ خلاص بكيفكم
اميره:اصلا وافقتي ولا لا رايحه رايحه
تركي وهو يهمس لا حصه خلاص لاترفعين ضغط امي يمكنها خيره لك
حصه:يمه تراي امزح اصلا انا ماودي اروح
ام اميره:يا الله يا اميره قومي ولمي عفشك
حصه وهي تهمس لتركي ترى ماعلي منك تبي تودينا كل يوم محل ماعندي
طاري اقعد با البيت اهش الذبان
تركي :يصير خير
....بغرفة اميره وحصه.....
اميره:حصيصه وش اخذ معي مايوه ولستك هههههههههههههه
حصه:بعد تضحك مثل كل مره خوذي الغرفه كلها
اميره: حصه تراي سمعتك انتي وتركي شوفي لاتطلعون من البيت لمين اجي
حصه:ماتبين توت بعد الا نبي نطلع وبعد كل يوم بمكان ونبي نهجول
اميره:يارب تركي ينشغل كل ها الاسبوع هههههههههه
حصه:يا النذله يارب مايستجيب
اميره:اخذه النذاله منك ههههههه
حصه:عاالاعموم بنشوف من اللي يستانس بها الاسبوع ويمكنها خيره لي
وسافرت اميره مع ابوهاوخواتها لم الشرقيه ....اما با النسبه لحصه
فكانت كل ذاك الاسبوع جالسه با البيت لان امها تعبانه وتركي تعبان
وزوجت تركي حامل ولا تقدر تطلع وكان كل يوم يجيهم ضيوف
يشوفون ام اميره وحصه على قولتها لاميره انا من يوم رحتو لين جيتو
وانا طاقه لي خيمه با المطبخ اسبع وسوي قهوه وشاي وانكب العشاء
واذا راحو الضيوف دخلت عا المسنجر وجلست هي واختها فطوم الى
الفجر مع بعض يسولفون وفاتحين الكميرا<<فطوم ماتبي اختها تحس
با الطفش عشان كذا تقعد معها الى الفجر وهي فاتحه الكميرا
اما بنسبه لأميره فكانت مستانسه وفالتها......في الشرقيه>>>>
شذى:يبــــــــه
ابومشعل :وحطبه وش تبين<<<قمه في الحنان
شذى:ترى انا ماني متزوجه الاواحد من الشرقيه..كانت اميره جنبها
تضربها>> يبه بعد اميره تبي مثلي
امير:اوريك يبه ماعليك منها كذاابه
شذى:شوفي ترى مهوب نافعك الحيا اذا جابلي ابوي لاتقولين ابي مثله
ابومشعل:شذى الحين انتي متى تعقلين..؟
خلود:ههههههههههه هاذي هي شذى ماتغير لوش مايصير
نجود:شوف ترى مانبي يبه عشاء فوول دورنا شي غير الفول
خلود:اي والله ابومشعل بدنا سمك
اميره بينها وبين نفسها:يارب مايجيبلهم الفول ارحم اشوي
نجودوهي ضامه اميره وتضحك:حبيبتي لاتخافين انتي بن جيبلك ساندوش
شذى:ههههههههههههههههه
ابومشعل:بنزل اشوف الشقق ذولي لا اشوف احد يطامر وراي
شذى:سم يبه محدن مطامر
نجود:شذى اميره:وش رايكن نروح للبقاله دام ابوي نزل
خلود:روحو وانا بقول انكم رحتو لدورات المياه بس لاتتاخرو
وراحن البنات لم البقاله وهن يهجولن من قسم لقسم جلسن يصورن
با الجوال وشافهن شاب وراح نادى اصدقاوه ويم جو كانن البنات يبي يطلعن
المهم ان واحد من ها الشباب بزع بنفسه وقال:حلفت ماحد يدفع غيري
زهره زهره زهره
قريت ها الروايه واعجبتني وحبيت انزلها هينا اللي يبي يقراها يحفظها عنده بعدين يراها لانه طويله
السلام عليكم ورحمت الله
مساكم /صباحكم جوووري
معكم على العجاج مباشره الكاتبه :طيف وتقدورون تدلعوني طيوفه
في قصة((فيـ ـ ـ ـ ـ ـديته بس وينــــه))
اعرفكم على ابطال القصه :اميره/18 سنه
حصه/17 سنه
شذى/16 سنه نجود/ 13سنه
هاذولا خوات من الاب اميره و حصه خوات من الام والاب
وعايشات عند امهم
وشذى ونجود خوات من الاب والام وعايشات عند ابوهم
ولهم زوجت اب سوريه لها ولد وبنت
ومره من المرارير قرر ابوهم السنع انه يجمع اعياله
ودق على اميره وحصه
ام اميره :لااله الاالله محمد رسول الله اللهم يامقلب القلوب والابصار ثبت
قلبي على دينك اميره ردي على التليفون تقطع وهو يرن
اميره:انا مشغوله حصه ردي
حصه :وهــ بس عليكم وانا مالي شغل الا افتح الباب وارد على التلفون
بس يا الله يمكن احد عازمنا ولا يبي يجي لمنا
حصه:الووو
الاب:السلام عليكم
حصه: وعليكم السلام
الاب:من انتي حصه ولا اميره
حصه وهي مستغربه من هو هاذا الي يعرفنا ولا اعرفه
:ماتعرفنا على الاخ
الاب:استحي على وجهك انا ابوك اكيد انتي حصه
حصه وهي مستحيه وخايفه:وخزياااه منك يبه ماعرفتك
الاب: من القطاعه ماتجون ولا تمرون
حصه صباح الخير توك تفطن تسال عنا بعد 18 سنه
:ايه وش نسوي هاذي الدنيا حتى انت ماتجي لمنا
الاب: وانتي للحين لسانك طويل ابيكم اليوم تجون
اخوانك يبون يشفونكم
حصه:اليوم بنطلع وبكرى معزومين واللي عقبه عندنا زواج
>>> كان هاذا رد حصه كل مادق ابوه وقالها ابيكم تجون
دايم تصرفه
الاب:اقول عطين اميره
حصه: والله نبي نطلع واميره تروش
الاب :طيب مره ثانيه ان شا الله يا الله مع السلامه
اميره:حصه من اللي دق
حصه وهي مقصره صوتها:ابوي يبينا نروح لمهم
اميره:وش وش قلتيله بسررررعه قولي
حصه:لا تخافين قلتله نبي نطلع بس شكله ماصدق لانه قال عطيني اميره
اميره:شهقت هيييييييييييي بسرعه وش قلتيله وهي تظربها بسرعه قولي
حصه:انا قلتله انك مشغوله ..........
اما بالنسبه لشذى ونجوود كانت نجود تمنى تشوف اليوم الي يجوون فيه
اميره وحصه اما بالنسبه لشذى وكان عندها الوضع عادي $$
نسيت اقولكم ان لهم خوان اكبر منهم مشعل عمره 27 وفيصل 19
وهيفا اكبرهم كلهم....مشعل وهيفا متزوجين والباقي الله يوفقهم
المهم يوم من الايام قررو انهم يسافرون ويغيرون جو و
ياخذون اميره وحصه معاهم ..ودق ابو مشعل على اميره وحصه
وقال انه هالمره يكلم ام اميره عشان تقنع اميره وحصه
ابو مشعل:السلام عليكم
ام اميره : وعليكم السلام
ابو مشعل:وشلونك وش اخبار البنات
ام اميره/ الحمدلله تمام
ابو مشعل:والله ودي اقولك شي بس ابيك توافقين وتقنعين هالبنات الله يصلحهن
ام اميره:خير ان شاء الله وش عندك
ابو مشعل:والله قررنا نسافر هالسنه ونعرف العيال على بعض وش رايك
ام اميره:والله ياليتك مقرر من زمان خير ماقلت وانا بحاول اقنع البنات
ابو مشعل:والله مادري وش اقولك مااقول الا الله يجزيك الف خير
ام اميره:هاذولا اخوان مردهم لبعض طيب ماقلتلي وين بتسافرون؟
ابو مشعل:والله ..بناخذلنا عمره ونمر الطايف ..
ام اميره:خير ان شاء الله
ابو مشعل :يلا مااطول عليك مع السلامه
.................................................. .
ام اميره:يابنات تعالو بقولكم شي يفرحكم
حصه: وشو يمه نبي نطلع لاستراحه
ام اميره:لا
حصه: اجل عندنا زواج
ام اميره:لا
حصه:اكيــــــد جاء لاختي امووور عريس
ام اميره:وانتي ماعندك الا السوعان والهجوله ما تقولين شي مفيد
اميــره:وش عندك يمه
ام اميره:احصلتلكم سفره
البنات::صدق يمه اللــــــــــــــه وناسه وين نبي نروح
ام اميره: بتروحون مع ابوكم .......
حصه:لالالالالا يمه كلش ولا ابوي
ام اميره:اصبري وجعـــه خليني اكمل كلامي يقول انه بيسافر بكم
وانتم وخواتكم ومعكم عمكم ها وش قلتو؟؟؟
اميره:والله ودي اروح!!!!
حصه:من صدقك بتروحين مع ابوي
اميره:ايه وش فيها يعني بنسافر مع ابوي يعني انواع الهجوله
حصه :اقول ام السوعان ماتعرف امه وابوه عند السوعان
ام اميره : احسن منك على الاقل تروح تتعرف على اخوانها
حصه:والله ماعندي استعداد اسافر معهم حتى ولو على جثتي
اميره:والله اروح واشووف الدنيا واضحكلها كودها تضحكلي الا قوليلي
يما وين بيسافر فينا ابوي
ام اميره:يقول انه بيسافر لـ عمره وتمرون على الطايف
حصه: عمره !! من عمره هذا ليكون ابو ثاني وحنا ماندري
ام اميره:خلي عنك القرق وقومي سبعي المواعين انتي مامنك فايده
وانتي يااميره وش قلتي
اميره: افا عليك اكيد بهجول معهم
...
... في غرفة اميره وحصه..
اميره: حصه وش اخذ معي .؟
حصه:ولك وجه تسالين وانتي قاشه كل الي بالغرفه وش هالشنطه الي
يشوفك يقول بتهاجر وماصدقت على الله
اميره: باخذ الاونو والسلم والداب
حصه:وش رايك بعد تاخذين الكيرم ومري على السوني
اميره:حصه لا تستهبلين صدق قوليلي وش اخذ
حصه: قشي الغرفه ولا تسالين
اميره:توقعين شذى ونجوود كشخه
حصه:والله من اساميهم باين انههم كشخه(الله يرحم حال اسمي كانه حايس
بطاقة العائله كل اساميكم حلوه الا انا
اميره: و الله انك صادقه بس ماعليه اهم شي الخلاق وحب الوطن والدراسه
حصه:اما الدراسه كثري منها
..........
وجا اليوم الي تبي تروح اميره لم ابوها عشان تسافر معهم
اميره:مع السلامه يمه اشوفكم على خير
ام اميره:لا تنسين تدقين علينا
اميره: ولا يهمك يمهه اول مااوصل ادق عليكم وقبلت اميره راس امها
حصه:اميره لا تنسيني الله الله بالهدايا السنعه
اميره:كلن على همه سرى وحصه على همه سرت يا الله بس مع السلامه
حصه:مع السلامه واخيتي
اميره:الاخت في الله ماعندها طاري تقوم تسلم على فيصل
حصه:اقول انتي توكلي وخلي بعض ناس غافلين لايقمونا غصب عنا ونروح
نسلم
اميره:يمه خلي حصه تقوم تسلم على فيصل
ام اميره:هه اكيد تبي تروح غصبن عليها مو برضاها عاد ما باقي الاهاذي
حصه:انا مدري ليه يغصبون الواحد على شي هو مايبيه امري لله بروح اسلم
فيصل:السلام عليكم
البنات :وعليكم السلام
فيصل :كيفكم بنات
اميره:تمام اخبارك انت
فيصل: الحمد لله
ام اميره وهي قاصره صوتها:حصه وانتي ليه ساكته اتكلمي
حصه: وش تبيني اقول
فيصل :يا الله يابنات نمشي
اميره:ياالله توكلنا
فيصل:ليش وحصه ؟؟
حصه:هاه امي تعبانه وابي اجلس عندها
اميره:يا الله فيصل
ودعت اميره حصه وامها وطلعو
.......في المنزل....
ام اميره:الحين انتي متى تبي تعقلين وتخلين عنك الكذب
حصه : ليه وش سويت
ام اميره:انواع البرائه ماتدري وش سوت ليش تكذبين على اخوك و
تقولين ان امي تعبانه تبين ادق على اميره واقولها تقوله الصدق
حصه: ايه عادي!!!!!
.................................................. ...............
وصلت اميره لبيت ابوهاااااااا
اول مادخلت استقبلوها خواتها شذى ونجود ...ومرة ابوهم+++
وكانت اميرهـ مستحيه
وقالت شذى لنجود هههه شوفي اختنا مستحيه ههههههه
ويضحكون البنات واميره ضايع وجه مالقته
سالت شذى اميره سؤال عشان توخر عنها الحيا
شذى:بينها وبين نفسها والله يمكن من كثر الحيا شكلها مهب راده علي
اميره بتسافرين معنا؟
اميره:ايه بسافر معكم
شذى : انواع البرائه..وسالت مره ثانيه طيب جبتي ملابس ؟
طبعا شذى تستهبل عليها
اميرهـ هاذي مو وقتها انا ميته من الحيا وهي تسال اساله مثل وجهه:اكيد
نجود:ويـن حصه ليه ماجت معك
عاد اميره من قوة الحيا ماترد
... يدخل ابو مشعل الله يعين
هلاااااااااا بـ اميره
اميره قامت تسلم على ابوها
ابو مشعل:هلا وين اختك ام لسان
اميره:امي تعباانه ووجالسه عندها
ابو مشعل:اييييه والله اني عارف هالبنت
مرة الاب خلود:هذي بنتك ياحليلها والهي مابتشبهلك كتيير
ابومشعل:اقول وراه ماتروحين تحطين الغدا
خلود:من عيوني ابومشعل
ابومشعل:يلا اخلصي نبي نمشي
شذى:يبا ليه ماتطلعلنا جواز عشان نسافر برا لـ باريس ياحليلي عندي
طموح
ابومشعل:اقول قومي ساعدي خالتس
شذى :بينها وبين نفسها امحق من خاله
.................................................. ...
بالطريق^^شذى ونجود خلو اميرهـ تفصخ الحيا عاد شذى مرررره
خرباااااااااااااانه ومهستره ولو تقعد عندها دقيقه فطست من الضحك
وتحب الضحك والاستهبال ونجود بنت تقريباً هاديه وعلى نيتها وحبوبه
المهم نتاااايج ها السفره ان اميره تعرفت على خواتهاوتقربو من بعض
وحبو بعض ولما ارجعت اميره لم بيتهم
.........
.................
حصه كانت تسبع المواعين ودخلت عليها اميره:حصه انا جيت
حصه:هلااااااااا اوخيتي اشتقتلتس كثيييييييييييييير ههههههههههه
اميره:يابعدي وش اخبارك .؟
حصه:تمام اخبارك انتي وش سويتي وكثرتي من الهدايا ومن شفتي وش
قالولك
اميره:اشوي اشوي علي انتي ووجهك لاحقين على السوالف
ام اميره:هلا بنيتي رجعتي الحمد لله على السلامه
اميره/الله يسلمك ويخليك لي يا اغلى ام با الدنياء
..........................
في غرفت اميره وحصه
اميره:فاااااااااااتك يا حصيصه نص عمرك فلللللللله السفره تمنيتك مخليه
الدلع عنك وجايه معي تخيلي ركبت البعير هههههه
حصه:وشلون ركبتيه يا الجريئه
اميره:البنات لزمو علي وركبته ورحنا لم حديقه ولعبنا با المراجيح
حصه:هاذا حدكن ههههههههههههه
اميره:لو انتي معنا كان ماقلتي كذا تخيلي اخذنا بيت جناااااان وكل يوم
الصبح نطلع تهريب انا وخواتي لم الشارع
حصه:هاه شكل البنات فله
اميره:شويه الا انواع الاستهبال والضحك وناااسه مافيه حواجز بينا
حصه:النوبت الاخرى بتهور واروح معك واشوفهن
اميره:والله يا حصوص اذا شفتيهن تبي تحبينهن وتبي تقولين ابي اروح
لمهم دايم .....................
حصه اعجبها كلام اميره عن خواتها وقررت انها تروح لمهم
وجا يوم من الايام اتصلت هيفاء على البنات اميره و حصه ..
هيفاء:الووو
اميره:الو هلا والله
هيفاء وش اخباركم وشلون الوالدهـ
اميره:الحمدلله بخير وانتم وش اخباركم واخبار البنات..؟
هيفاء الحمدلله .......المهم قعدو يسولفون ويخرطون وقالت
هيفاء:ماودكم تجون لمنا ..؟
اميره:والله ودنا وش دعوى عادي
هيفاء خلاص اخلي مشعل ولا فيصل يمرونكم
اميره:على خير ان شاء الله
هيفاء يلا مع السلامه
اميره: مع السلامه
.........................
... هيفاء:شــــــذى نـــــجود تعالو بقولكم شي
جو البنات وش وش السالفه
هيفا ء:بقولكم شي بس بشرط؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شذى :وشي بسرعه الله يعينا على شروطها اكيد تنظيف البيت وتسبيع
هيفاء:ايــه ولا ترى ماني قايله السالفه...
نجوود :يلا عادي بس وشي هالشي؟<<<ذابحتها الشرافه هع هع هع
هيفاء :اذاخلصتوا من البيت علمتكم..!
شذى: يوووووووو علينا طيب وشي الشي خخخخخخخ
هيفا : تستهبلين يلا بس قومي مع اختك وحده تمسك المكنسه والثانيه
بالمطبخ ، بسرعه
البنات بدو يشتغلوون بسرعه وعاد مو صح يشتغلون على شان شي
خلصوا بسرعه
..........
البنات هلكين من التعب ..هيــــفاء يلا قولي خلصنا شغلنا
هيفاء:لهتويتي انتي واختك عرفتوا تخلصون اشغالكم بسرعه
شذى:ايــــــــــه لا تمننين علينا بسرعه قولي ولا حوست البيت
هيفاء: ودك تحوسين...الشي هو،،،ان البنات بيجون اليوم ..
نجود و شذى!!!!!!!!!!علامة تعجب واستفهام؟؟؟؟؟
نجود:من البنات؟
هيفاء: بهالسرعه نسيتوهن
شذى:اخلصي منهن....
هيفاء :اميره وحصه بيجيبهن فيصل..!
نجوووود:اللـــــــــــه ونــــــاسه !!!!!!!!
شذى:الله اليوم بنقلبها استهبال ورقص وردح ونستانس يمكن اخليهن
ييهجن معي خخخخخخخخ
..........خربانه هالبـــنـــت<<<<
هيفاء:اركدن واهجدن واعقلن وخلكن ثقيلات
شذى:اوووووووه جت المديره اقول بلا خرط فاظي اليوم بفلها معهم
مو صح يانجود ولا مع المديره انتي ....؟
نجود:ايه والله صادقه .
................................
.................................................. ..........
لما جو البنات!
هيفاء:هاه اميره وحصه اخباركم واخبار الاهل
اميره:تمام الحمد لله
هيفاء:حيا الله خواتي تو ماينور البيت
حصه:منور بوجودنا قصدي بوجودكم
اميره وهي تضرب حصه وتكلمها بصوت واطي:
حصوص خلينا نعدي اليوم هاذا على خير
حصه:طيب الواحد مايغلط
اميره:علي هاالكلام
شذى :وش فيكم
حصه :من غير نفس سلامتك مافيه شي
مشعل:السلام عليكم
البنات :وعليكم السلام
مشعل:عندنا اليوم اضيوف
نجود ذولاي خواتي حصه واميره
مشعل: يا هلا والله
.......المهم كان ذاك اليوم با نسبه لهم تعارف وكله
رسميات ومع الايام تقربو البنات لم بعض اكثر وصارو
مايستغنون عن بعض وكانت ام اميره دايماً تقول
لااميره وحصه الله يرحم ايام اول اللي كنا نترجاكن
ترجي علشان تروحون تسلمون على ابوكم والحين
مبلشاتن كل يوم نبي نروح نبي نروح وكانو البنات
يضحكون كل ما تذكرو اشكالهم
المهم مره من المرارير راحت اميره وحصه لم ابوهم
وكانو جالسين يتقهوون
اميره:حصوص نجود شذى خلوود تعالو تقهوو
حصه:يا هلا بمن جاب الفناجيل والدله
خلود :الله الله
اميره: ايـــــــه صدق من قال مو هب حباً لعليان حباً لجصته
شذى:ايش
حصه:انا اشهد ان من قال ها المثل ماكذب
نجود:اقول وين نبي نروح اليوم
اميره:مشا الله من اللي يبي يوديك
نجود:اليوم اليوم الوطني نبي نروح نتمشى
شذى وحصه :ايــــــــــــــه صح كل عام وانتم بخير
ههههههههه بس صدق وين نبي نروح
خلود:اي مكان تبون كيفكم
اميره:نبي نروح للمجمع وش رايكم بنات
الجميع:موااافقين
نجود :وهي تناقز شذى وين بنطلوني الاخضرووبلوزتي البيضاء
شذى:مدري عنك وش دراني حصه وشرايك نلبس كل شي اخضر ببيض
حصه:الله فله خلاص انا موافقه
اميره:ومين يبي يوديكم يا حلوين فيصل مسافر ومشعل با الرياض وابوي طالع
خلود:ماعليكم انا ادبرلكم بس انتم عطوني رصيد
اميره:خوذي جوالي حلال بلال عليك اهم شي تدبرينا
شذى:خلود من تبين تكلمين عليه
خلود:شوفو انا بكلم بس ما بدي منكون صوت اتفأنا
البنات:افااااااا عليك بس نعجبك اتفأنا
خلود:اصصصصصص الوو
مشاري:هلا
خلود :كيفك مشاري ؟؟ انا خلود زوجت خالك بو مشعل
مشاري:يا هلا انا تمام اخبارك انتي
خلود:منيحه مشاري بدي اطلب منك شغله ممكن
مشاري:امري يامرت الخال
خلود :اليوم بنات بو مشعل بدهم يطلعون ويغيرون جو
ومافيه احد يطلعهون فألت ازا مو مشغول بدي اياك تودينا عا المجمع
مشاري:طيب انا بوديكم بس خالي يدري.؟
خلود:ايه اكيد اجل بنطلع ولا ناخز ازن زوجي
مشاري :ايه يصير خير
خلود:مشاري شو بدي خبرك ان اميره وحصه بنات بو مشعل معانا
مشاري:اميره وحصه منين اطلعن ذولي
خلود:هههههههه بعدين بخبرك
مشاري:الدعوى فيها سوالف
خلود:ههههههه اي لكان يا الله نتظرك بعد صلات العشاء
مشاري:على خير ان شا الله مع السلامه
خلود مع السلامه ربي يوفأك ويرزأك بنت الحلال
اللي بتسعدك <<<<و هي تناضر اميره وحصه
..........
حصه: وشو ذا مشاري اول مره اسمع فيه
اميره:وبعدين وش قصدك ياخلود تدعين له وتناضريننا
خلود:والله ماقصدت شي بدعيله حرااام
شذى:مشاري ذا ولد عمتي دايما يجيبنا ويودينا
اذا صار ماعندنا احد وصديق فيصل اخوي
حصه:مشا الله عضو جديد يعني
اميره:الله يخلف على امي متاثره اخيتي با المنتديات
شذى ونجود:هههههههههههههه
}}}}}}}}}}}}}مداخله نسيت اقولكم ان اميره وشذى يحبون يفرضون
رايهم وكلامهم هو الماشي على عكس حصه ونجود
حصه كانت طيبه وحنونه واخذه الدنياء بساطه اما نجود بريئه وتحب
تسولف كثير بس محد يسمعها غير حصه وكانت تحب حصه كثير
............
بعد صلاة العشاء
خلود:بنـــــــــــــــــــــــــات اوليك طلعو تاخرنا عا الزلمه
حصه:انا مدري ليه بعض ناس كل ماجينا نطلع لزقو با المررايه
اميــره: حصيصه شكل مالك حاجه ضفي خشتك وروحي اركبي احسن لك
شذى:اجل الواحد يروح بشهبته لم الناس
نجود:انا من العصر وانا ادور ربطه بيضا مالقيت
خلود:ترا انا طلعت ومالي شغل فيكون
حصه:خلووود اصبري بروح معاك
وطلعت حصه وخلود وركبو
خلود:السلام عليكم
مشاري: وعليكم السلام
خلود:تاخرنا عليك
مشاري:لا عادي متعود
حصه:ههههههههه وب صوت واطي ما الومه المسيكين
مشاري:خلود ما عرفتينا عا الاخت
خلود:هاذي بنت بو مشعل حصه من زوجته الثانيه
مشاري:يا هلا اختي
حصه منحرجه ولا تدري وش تقول:.......
مشاري :وش اخبارك
حصه: الحمد لله تمام اخبارك انت
مشاري: الحمد لله
خلود: حصوص وين البنات تاخروو
حصه :يعني ماتعرفينهن عجزت انقثهن من عند المرايه
مشاري:بصوت عاااالي هههههههههههههه حلوه
حصه بينها وبين نفسها وش فيني انا فصخت الحيا مره
وحده يا خزياه من الولد :الحين بروح انا ديهم
شذى:هااااااااااااي مشاري وش لونك
مشاري:صباح الخير كان جلستو بعد اشوي تو الناس
شذى:مشاري ماعرفتك على خواتي <<تبي تضيع السالفه
مشاري:ايه ضيعي السالفه وشلونك اميره
اميره:تمام
نجود:اهلين شوشو
مشاري:وانتي للحين ماتغطيتي
حصه:عندك اياه
مشاري:افااا عليك اوريك فيها انا
نجود :لا والله خوفتني
مشاري:هاه ما سمعت وش قلتي
حصه:نجوووود عيب استحي على وجهك
مشاري:لا ماعليك انا متعود عليها
اميره وهي تهمس باذن حصه :فيه ناااس طقو الميااانه
حصه:ههههههههههه ايه والله انك صادقه يا خزياه منه بس خلاص ماني متكلمه
حصه وهي تهمس باذن شذى:شذى قوليله يوقف عند البقاله يشتري لنا مويه
شذى:مشاري تقول حصه وقف عند البقاله تبي مويه
مشاري:وليه هي ما تطلب مني
شذى:مستحيه اقالها
مشاري:وش دعوى وين اللي تو تسولف معي
حصه :حرااام عليك انا سولفت انا ماقلت شي
مشاري:ههههههههههههههه وش فيك
حصه:لا سلامتك
خلود:ترى حصه واميره عاقلات مو مثل شذى
حصه:وهـ بس اروح فدوه لك
مشاري:واضح مشا الله
شذى: لا تفرحين حصوص ترى هو يقصد اموووره
حصه:اقول اهجدي بس نغره ههههه
مشاري: هههههههههههههه من اللي يبي يجي ياخذكم
خلود :بو مشعل
مشاري :كانه مشغول خلوني انا ارجعكم<<جازتله السواليف
خلود:لا الله يوفأك ويخليك
وبعد ما نزلو مشاري يسولف على روحه /ياحليلك يا حصه فله شكلها
حبوبه مثل خواتها <<<وش فيني بديت اسولف على روحي ههههههه
شكلها اعجبتني لا بس ويني وين الحب انا
........وفي المجمع ........
كانت خلود تبغى تشتري ملابس العيد وقالت لـ اميره تعالي ادخلي معاي
من شان تساعديني على اختيار ملابس العيد ....
اجلسوا شذى حصه نجود بالكراسي الي برا وكان المجمع فيه هيئه
وعاد تعرفون انتم يوم وطني لازم شرطه وهيئه......
شذى كانت جالسه في الكرسي حاطه رجل على رجل ومنزله عبايتها
على كتوفها وشايله الطرحه عن عيونها....المهم
وكانوا جالسين شذى وحصه ونجود دخلت المحل اما شذى وحصه
جالسين يحشون فـ العالم شوفي ذا شوفي ذاك.....
ومرت الهيئه وشافوهم وصرخ رجل الهيئه على شذى ..غطي عيونك
عدلي جلستك وارفعي عبايتك يووووم راح
شذى:ههههههههه
حصه:ههههههههههه الحمدلله والشكر احد تهوشه الهيئه ويضحك
الله يكفلك بس
شذى:اقول اتركيهم هذولا وامشي نتمشى لما يخلصون
حصه: ........شذى شوفي شوفي لايفوتك
شذى:وش عندك
حصه:شوفي الي يصور تراه يطلع التصوير على التلفزيون
شذى:اللـــــــــــه ونــــــــــــاسه امشي امشي بس ندور ونطلع بالتلفزيون
حصه:الحمدلله وليه بيعرفونك بالعبايه..خخخ
شذى:ماعليك امشي عادي لو لابسه عبايه اشوفه انا اذا عادوا المقطع
انا اعرف نفسي ههههههههههههه
حصه:الحمدلله ان لي عقل هههه يلا امشي
شذى:ماسمعتي المثل الي يقول :اترك العقل وتمتع بالدلاخه ككككك
حصه:اقووول يلا امشي
وقامو شذى وحصه يتمشون ويحشون با العالم لما ادخلو محل عطور
شذى:اللـــــه حصوص شوفي ذا العطر جنااااااان
حصه:وريني الله يهبل بس انتي وخشتس ما تروحين الا للغالي روحي
للنقدرعليه
شذى:اقول لو سمحت بكم سعره ؟
راعي المحل:هاي بـ500ولو بدك تاخذيه بنخفضلك
شذى:بس
حصه:يووووه رخيص مررره شوفي يا شذى والله والله اذا تجرت لاشتريه
لك الحين ذا وهو وخشته مايدري ان مصروفي كله 205 ولا يستهبل
شذى:لا يمزح معنا راعي المحل بيعطينا ارخص من كذا مو هيك....؟
راعي المحل:تكرم عيونك ولوووووو
حصه:يوووه هاذا تصلحله خلوود بعدين انتي وكشتك يلا نروح لمحل ثاني
وراحن شذى وحصه لـ محل ملابس داخليه
شذى:هيييي شوفي ههههههه يصلحلك خخخخخخخخخخخ
حصه:اقول اعقلي
شذى:ليه مهبوله ولا نفسيه امشي نغير المحل
حصه:شذى شفتي قميص النوم ذا اذا اعرستي بشتريه لك بس بشرط انتي
اللي تدفعين حسااابه
شذى:والله يعني هذا هديه اقول اشونني مااقربلك هههههه
حصه:ههههههه اشوننا مانقرب لابعض يا اختي
شذى/حصه تعالي ندخل المحل ذا
حصه/شذى شوفي اويلاه التنوره جناااان
شذى/اي حلوه لو سمحت كم سعر هاذي
البائع/400
شذى/بس رخيص امشي ضفي وجهك بس
حصه/لا مانب طالعه الا التنوره معي تدبرين الفلوس الحين
شذى/منين اجيبلك هاه
حصه/لاتخلينن احلف ما اطلع الا والتنوره معي
شذى/احلفي احد رادتس احلفي من اليوم لباكر واذا خلصتي تلقيني برا
حصه/يا الله الشكوى لله امشي مال الطيب نصيب
شذى/انتي تفتحين ابواب مسكره عليك اصلا تعرفين انك منتب شاريته
حصه/قلت يمكن تضحك لي الدنياء مره
شذى/والله محد داري عنك امشي بس تراك فتحتي الجروح
حصه/ هاذا اللي انا ابيه ههههههههههههه
شذى/اقول اخلصي بس ههههههههههههههه
المهم جلسو البنات يتمشون ويضحكون وبعدين تعشو وما لقوا احد يرجعهم
وقررو ان يدقون على مشاري يجي يا خذهم ...وبل جاء واخذهم وداهم
للبيت وفي البيت.... حصه:شذى افتحي التلفزيون بسرعه
وتنقز شذى وتفتح التلفزيون شذى:حصه على اي قنات تتوقعين نطلع
mbcولا الجزيره
حصه:هههههههههه وحبيل اخيتي بريئه عا القنات الاخباريه اكيد
اميره:وش عندكن انتن
حصه:شفنا با المجمع رجال يصور والاخت في الله بدت ترزز قدام الكام
تبي تطلع با التلفزيون
اميره ونجود:ههههههههههههههههههه حلوه حلوه
شذى:ايه الحين اذا طلعت تعرفن وشلون تطنزن
خلود:قصرو اصواتكون ابوكن نايم
اميره: اقول منتي طالعه حطي فلم هندي نتابعه اصرفلك
شذى:لالالا علكيف خشتك هو ماني مغيره القنات
خلود:حطي محطة غنوه بدنا ندبك
نجود:كلن على همه سرى وانا على همي سريت
خلود:انتم شكلكم مطولين انا بروح انام تصبحو على خير
البنات :وانتي من اهله
نجوود:اميره حصوص وش رايكم بمشاري
اميره:ولد حلال ما عليه بس ياحليله حبوب
شذى:وبعض ناس وش رايهم <<وهي تناضر حصه وتضحك
حصه:هيه انتي وش قصدك لاالحين اكفخك باالريموت
شذى:ياهوووووووه اموت انا عا المعجبين
حصه:ههههههه اموووره اقول ياشين اللي يألفون قصص من عندهم
شذى وهي واقفه عند راس حصه:هيه انتي انا اللي ياشيني
نجود بكل بروده:الحين هي قالت شذى
شذى وهي تناضر حصه :بمشيها ها المره
اميره:ههههههه ماقلتلكم اليوم دخلنا انا ونجود لمحل سالت انا راعي المحل
عندك جاكت اسود قال هو لالااسف مابوش عاد نجود انقزت وقالتله الا
بوش بوش يعني الا عندك ههههههه
الكل :ههههههههههههههههه
فيصل:السلام عليكم
البنات:وعليكم السلام
فيصل:وينكم اليوم البيت مافيه احد
نجود:طلعنا للمجمع تعرف اليوم اليوم الوطني
فيصل:فاااااضيات انتن
حصه:وش ورانا
شذى:فيصل اطلعبنا نتمشى
فيصل:دورو احد انا بطلع لم العيال
نجود:ياحبيلك ودنا تدري اليوم من ودانا مشاري وانت ماتدودينا
فيصل:اجل دقي عليه يتمشى بك
شذى:صديقه يودينا وهو مايودينا
حصه/اشوى اني ماشاوفت لطلعه
فيصل:اقول ضفي عن وجهي انتي وبجااامتك اللي اكبر منك
وانتي احسن لك لاتشاوفين لشي الا اذا شفتي السياره عند الباب مع السلامه
نجود:اووووف كسل
اميره:اقول قومي سوي لنا شاهي خن نطلع با الحوش
شذى:يقهر اعوذ با الله ياليتني ولد
حصه/ياكثر ماقلت ياليتني ولد
اميره/انا اصلا دايم اقولها يعني شي عادي
حصه وهي حاطه رجل على رجل:يابنت يا اللي با البراحه ..... وش فيكم
تناضروني ؟؟؟؟؟
شذى:احر ماعندي ابرد ما عندها
حصه:ما سمعتي با المثل اللي يقول اضحك لدنيا تضحكلك
شذى تناضرها وهي مررره معصبه؟؟!!!
حصه/تدرون وش فضل سنة الضحى<<<<<تبي تضيع السالفه
وتنرفز البنات>>>>>>> عن أبي أمامة ؛ قال : قال
رسول الله صلى الله عليه وسلم : " من صلى صلاة الصبح في مسجد
جماعة ، يثبت فيه حتى يصلي سبحة الضحى ، كان كأجر حاج أو معتمر
؛ تاماً حجته وعمرته". وكملت حصه عن أبي هريرة ؛ قال : قال: " لا
يحافظ على صلاة الضحى إلا أواب" . قال: "وهي صلاة الأوابين".
وبعد عن أبي ذر ، عن النبي صلى الله عليه وسلم ؛ أنه قال :" يصبح
على كل سلامى من أحدكم صدقة ؛ فكل تسبيحة صدقة ، وكل تحميدة
صدقة ، وكل تهليلة صدقة ، وكل تكبيرة صدقة ، وأمر بالمعروف صدقة ،
ونهي عن المنكر صدقة ، ويجزئ من ذلك ركعتان يركعهما من الضحى" .
أخرجه مسلم.صح لساني وعز الله مقامي
شذى/انتي تقهرين ساعات احس انك بعآآآآآآآلم ثاني
نجود:حصه انتي ليش كذا مو معصبه مثلنا
حصه:نجود انتي متى تغطين؟؟؟؟
نجود: جانا مشاري الثاني اوووووف يا ليتنا با الرياض
(((نجود وشذى كانو عايشين عند امهم با الرياض بس توفت ورجعو
للقصيم عاشو عند ابوهم)))
حصـــــه وهي تنهت :آآآه يا الرياض يالبى قلب اللي عايش با الرياض
شذى مقربه من حصه :ومن اللي با الرياض
حصه:هاه منو
شذى:الدعوى فيها سواالف اصبري بسوي الشاهي وبتقولين لي السالفه
ولما طلعو با الحوش
شذى:يلا حصوص قولي لي السالفه
حصه:وش سالفته بعد بدت تألف
شذى:اللي لبى قلبه با الرياض
اميره:آآآآآآه يا شذى فتحتي جروح اختي
حصه:لا جروح ولا مخوش مهنا سوالف
شذى:مايمديك قولي السالفه اميره فضحت فيك
حصه: اقول انتي وياه اعقلن
اميره:عادي قولي شذى مو غريبه ولا ترى انا بقول
حصه:طيب سكري اللمبه نجود عشان الجو يصير رمنسي
شذى:الدعوه فيها رمنسيه ههههههههههه قولي السالفه ما علينا
حصه:السالفه وما فيها اني كنت احب ولد خالتي ركان وهو عايش با الرياض
شذى::اخس وهاذا كم عمره
حصه:يمكن 29سنه
شذى وهي مطيره عيونها:يوووه بينك وبينه اكثر من عشر سنين
حصه:عاد الحب مايعرف كبير ولا صغير
شذى:طيب هو يدري انك تحبينه
حصه:هههههههههه ياقلبي انت متأثره با المسلسلات طبعا لابس عرف بعد
ماتزوج اني احبه
شذى:ليش انتي ماتكلمينه
حصه:وليه انا مهبوله عشان اكلمه عيب
شذى:اسمحيلي حصوص انتي تعقدين السالفه عادي واذا كلمته ولد خالتي واحبه
حصه:انتي ياشذى عايشه بمجتمع غير عن مجتمعنا وفيه اشياء عندكم
متساهلين فيها مررره انا السراحه يوم جيت انصدمت انتو عيشتكم غير
شذى:امممممممم يمكن اهم شي ماعلينا كملي سالفتك
حصه:اقولك والعام بالاجازه دقت خالتي على امي وبشرتها ان ركان يبي
يتزوج
شذى:لالالالالالالالالالالا قولي غيرها ليش وانتي
حصه:انا الله يكفلن يوم سمعت ها الخبر انصدمت بس مابيدي شي اقدر اسويه
نجود:ياعمري اخيتي
شذى:وحضرتي زواجه
حصه:اكيد بحضره وهـ ياناااس لو تشوفينه وهو لابس البشت وجاي لم امي
يقول وش رايك آآآآآآه يذبح يذبح ياشذى يعذب
شذى:وانتي كنتي فيه
حصه:ايه ياليتني ماكنت فيه ياناس احبه
شذى:السراحه انتي قويه تحضرين زواجه بعد طيب يوم شفتي زوجته
وش كان شعورك
حصه: تبي السراحه ما حسيت باي شي يمكن لانه مو معها بس هو احلا منها
اميره:اكيد حبيبي القلب ....
حصه:اقول اهجدي انتي ويا ها بس
شذى:طيب للحين تحبينه
حصه:وكل يوم احبه اكثر وتدرين انه قبل كم يوم متصل على امي يبشرها
ان الله ارزقه بولد وسماوه على ابوه
شذى:ياقلبي اختي معليش خيرها بغيرها
حصه:شذى انا وعرفتي من احب بس انا ماعرفت من تحبين
شذى:ياويل حالي ومن فيه يستاهل انك تحبينه جبيه والله لااحبه
اميره:ياكافي ههههههههههههههه
نجود:وانتي اميره اخبار عمر للحين تحبينه
اميره كانت تحب ولد خلتها عمر منذ ايااام الطفوله وهو اكبر منها بسنه
وحتى هو يحبها ونجود وشذى يدرون ان اميره تحب ولد خالتها
اميره:آآآآه منه تمام
شذى:بنات انا قلتلكم مواصفات فارس احلامي
حصه:هههههههه بعد له مواصفات
شذى:ايه هه اكيد ابيه رمنسي ويحبني وله كتوف عراض وتاجر ويسافر
فيني لباريس
اميره:ذابحتك باااريس انتي
حصه:انا ابي رجل حجازي بس يشتغل بعنيزه ولا با الرياض ويكون حنون
اميره:جاري البحث عن معاريس خواتي
شذى وحصه:هههههههههههههههههه
.........وفي الصباح
خلود:بنات يا الله اصحو عندي لكم خبريه
اميره:وش عندك بعد
خلود:صباح الورد
اميره:هلا صباح النور
خلود:هههههههههه ذكرتيني بابو مشعل اول ماتزوجنا كانت كل صبح
اقوله صباح النور وكان يقولي هلا ومره جيت صحيته وقلتله صباح النور
رد علي هماك قايله لي امس
البنات:ههههههههههههههههه
شذى: وش الخبر اللي عندك
خلود:بدكون تعرفو قومو نفطر بعدين بعلمكون
حصه:بدا التصريف
خلود:ايش
حصه:لا اقول با الحوش صوارير
شذى:هههههههههههههههههههههه ايه كثار
خلود:قومو وخلو عنكم الكسل
وقامو البنات وراح للمطبخ يسون فطور
خلود:حصوصه تعالي بدياك تعملي فتوش
حصه:مشا الله فتوش على ها الصبح
اميره:وانا وش اسوي ولا اقلب خشتي
خلود:شو تقلبي ماتقلبي لا بدياك تعملي فوول
شذى:انا ابي حليب وينه ولا هونت
نجود:يا شين اللي يزمر على الصبح
حصه:يابنت يا اللي با البراحه ......وش فيكم انتم تناضرون
نجود:انا من يوم اعرفك وانتي بس تعيدين وتزيدين بها البيت بس ما
قد سمعت باقي القصيده
حصه:ومن قالك انه فيه باقي
خلود:اميره روحي صحي فيصل خليه يفطر معنا
اميره:حصيصه روحي قومي فيصل
حصه:شذى روحي قومي اخوك
شذى:وهو موهب اخوك نجود روحي قومي فيصل بسرعه
حصه:والله حاله انا امر عبدي وعبدي يامر عبدوه هههههه
نجود:انا مدري من وين متعلمات العجز
اميره:هه افاعليك تعالي وخلود تعطيك دورات با العجز
خلود:لا تكفين خلي عنك الخرط ويا الله امشو افطرو
حصه:ههههه والله كبرنا وصرنا نعرف نهرج بريداوي بحته اجل خرط
شذى:هههههههههههههههههههه
...ولما اجلسوا عا الفطرور
اميره:يلا خلود وشو الخبر
خلود:بيدي ياكون تحزرو
حصه:ياربي عليه وعلى بصاقته
الجميع:هههههههههههههههههههه
خلود:ابوكن قرر انه يطلع فينا على الشرقيه
شذى:احلفي؟؟؟؟؟؟
اميره:تكذبين!!!!
نجود:قولي والله
حصه:بنات فقر هههههههههههههه
خلود:والله العضيم وجهزو حالكون بدنا نسافر با الاجازه اللي بعد العيد
شذى: وحبيل ابوي احبك يبه
نجود وهي تناقز:الله نبي نسافر وناااسه
اميره:يوووه مانب مصدقه
حصه:ياربيه متى اروح للبيت عشان اقول لاامي
ويدخل فيصل عليهم بها اللحضه
فيصل/وش فيكم اعصابكن قصرو اصواتكم
شذى/بعذرك بلاك ماتدري اننا بنسافر
فيصل/ وين ان شاالله
حصه/لشرقيه
فيصل يضحك بأعلى صوته /ههههههههههههههههه اللي يسمعكن يقول
ذولا بيسافرون لم باريس
اميره/بنات احس بتحطيم
البنات/هههههههههههههههه
......وفي بيت ام اميره.....
حصه::يمه تعااالي بقولك
المها<<هاذي اخت اميره وحصه من امهم:: استحي على وجهك امي تجي
لمك اشبري وجهك
امير:: وجهه مغسول بمرق هههههههههههه
حصه وهي ماسكه شوشت اميره والمها::الحين انتن وش جاكن على وجهي
ولا عشاني احلا منكن ولا عشان اسمي احلا من اساميكن
المها:بعض الحيان تصير الثقه الزايده مالها اما داعي
اميره وهي تناضر حصه::وخصوصاًعند بعض الناس
حصه وهي تضرب راس المها واميره بعض :عشان تعرفن من بعض الناس
ام اميره::والحين انتن ماتعرفن الا تهاوشن
المها: لا يمه نمزح مع بعض
حصه:يمـــــــه ماقلتلك
اميره:انا بقولها انا الكبيره
حصه: لا وهو على كيف خشتك
اميره::حصيصه انا اللي بقول احترميني لو مره بحياتك
حصه:اقول هاها بس
ام اميره/لاحول ولا قوت الا باالله الله يهديكن
المها:هههههههه الحين تهاوشن ولا ندري وش السالفه قولو ولا انا بقول
حصه::السالفه ان ابوي يبي يسافر بنا لم الشرقيه
اميره::نروح ولا لا
ام اميره:: لا والله روحو واستانسو وافرحو وغيرو جو
المها: الله يخلف علي لا تنسن الهدايا بس
حصه::ياهووووووووه بروح اولم اغراضي من الحين
اميره:يؤؤؤؤ تدرين باقي على الموعد شهر ونص
المها:تعرفين انتي يا اميره اذا صار الواحد طاف
اميره:لا والله قصدك بنت فقر حدها الرياض واذا تقطعت تقطعت راحت
لم مكه والطايف
حصه:يمه ترى بفقع خشش بناتك وش اقالنهن الحين
ام اميره:: اتركنها خلنها مستانسه وانتي يا المها قومي سوي قهوه وشاهي
وانتي اميره قومي ساعديها
حصه:غريبه امي ماقالت قطعي بصل <<هههههههههه
ام اميره:اميره قطعي بصل وانتي حصيص قومي معها
البنات:ههههههههههههههههه
تركي<<هاذا اخو اميره وحصه من امهم ونسيت اقولكم ان ام اميره كانت
متزوجه واحد قبل ابو مشعل وجابت منه ست بنات ولد وبعد ماتوفى تزوجت
ابو مشعل لانها كانت تبي ولد يكون مع تركي بس جابت اميره وحصه
واسماء البنات -اسماء وهي الكبيره متزوجه ومعها بنت
جواهر اصغر من اسماء متزوجه ولها ولدين وبنت-فاطمه متزوجه ولها
بنتين-واخر البنات المها بعد متزوجه ولها ولد - وتركي اكبر من المها
وتركي صاير لهم تقريبا مثل الاب وهو حنون وطيب ويحب خواته كثير
ومايبيهم يزعلون منه <<الله لا يفرق بينهم
تركي::مشا الله اشوف البنات مستانسات
حصه وهي طايره من الفرحه: ماقلتلك
تركي :: وشو
حصه:نبي نسافر مع ابوي لم الشرقيه واخيرا بشوف ها اللي اسمع فيها
ولا عمري شفتها
تركي:: حلو <<بس غريبه وشلون قرر يسافر بكم
حصه::ادري انك تقول غريبه خابره مقحط <<يعني بخيل
تركي::هههههههههههه تفهمينها وهي طايره
اميره: انا اشم ريحت حش
حصه:: لا من قال اننا نحش بحد استغفر الله
تركي::هههههههههههههههه استغفر الله استغفر الله والله مو قصدي بس
طلعت غصباًعني
حصه::عاااااااااادي حش من اليوم لبكرى ماعندك احد لا تستحي
.....ولما قرب موعد السفر وكان باقي عليه اسبوع..
تعبت ام اميره ولما وداها تركي للمستشفى قالو ان السكر والضغط عندها
مرتفع ولازم ترقد وجت اميره جلست عند امها با المستشفى وحصه
جلست عند اخوها تركي وزوجت اخوها با البيت
اميره كانت تحب تعرف ولقت بنات با المستشفى وتعرفت عليهم كانت اميره
تتمشى با الاسياب وجتها ساره
ساره ::لو سمحتي ممكن استخد م التلفون
اميره:ايه ممكن
بعد ما خلصت ساره من التلفون
اميره: لو سمحتي ممكن نتعرف..؟؟
ساره بابتسامه : ايه ممكن
اميره: انا اسمي اميره وعمري 18 وجايه مع امي
ساره:انا ساره وعمري 17 وراقده مع اختي هند وعمرها 18 تعالي اعرفك
عليهاو نسهر مع بعض
ساره:هند جبتلك صقيقه جديده هههههههههه
هند:مشا الله هههههههه ماتعرفنا عا الاخت
<<المهم ان البنات تعرفو على بعض وصارو مثل الخوات ياكلون ويقعدون
ويسولفون مع بعض ويستهبلون كمان
ساره:اميره هاذا جوالك
اميره:ايه
هند:ياحليلكم مثلنا عادي تصورون با الجوال
اميره:هههههههه حتى انتم بس حنا نصور وحنا متلثمين
ساره:هههههههههه اميره منو ذولي اللي مصورات با الشارع معك
اميره:هاذي بنت خالتي اول مره نطلع حنا وياه وصورنا ههههههه
هند:الله وناسه <<اقول خلو عنكم الجوال وقومن دورن لنا شي ناكله
ساره:اميره امشي ننزل لم البقاله
اميره:يا الله
...ساره:: اميــــــــــــره يا الله قبل ماينصك الااصنصير
اميره:ساره جازتلي ها السستر وصورت انا وياها با الجوال
ساره:ههههههههه اجل انا صوريني معك
اميره:عشان واوريها حصيص اختي شوفي ابصور بس ابي صورتنا تطلع
تضحك هههههههه
ساره:اللـــــــــــه جناااان ههههههههه ابي صوره ثانيه بس ابيها وانا واقفه
عند البقاله
اميره:سارونه شوفي
ساره:وشو وش اشوف
اميره:اللي هناك؟؟؟يهبل
ساره::اهـ وش ها اللي يعذب وشوله توريني اللحين احبوه
اميره: لا على كيفك انا اللي شفتوه الاوله يعني انا احبوه
ساره:من اللحين هواش عليه اجل ما ابيه امشي ندخل البقاله..اميره صورين
عند ثلاجة العصير عشان كل ما اشتهيتي عصير تشوفين ها الصوره
اميره:ههههههههههه خلاص
بعد ما قشو البقاله كلها راحو لم هند وهو با الطريق بيرحون لمها ساره
شافت سرير وانبطحت فيه
ساره:اميره ابي وحيـــــــــــد جيبي الدكتور وحيـــــد قلبي فيه طقاقات ابي
وحيــــــــــــــد
اميره:هههههههه ساره قومي ولا اب صورك
ساره:لا لا ابي وحيد تعالي انتي يا سستر ابي وحيد
السستر:هاذا كريزي مين وحيد
اميره وهي بلشه تصور :روحي دوريله اي دكتور اسمه وحيد مصر سوداني
هندي اللي هوهو اهم شي يكون اسمه وحيد
ساره:اميره ما جربتي تتزحلقين با السيب هاذا
اميره: لا والله
ساره:تعالي وحطي الغراض با الارض >>ورفعو اميره وساره عبياتهم
وبدو رايحين جايين يتزحلقون با السيب واشكالهم تموت من الضحك
اميره:السراحه فله بس مهوب بتله الهبال امشي تلقين هند تتنتضرنا
هند:وينكن انتن ..؟؟
ساره واميره::اسلام عليكم ايوها القوم
هند: وعليكم السلام وينكن
اميره:ابد قعدنا نهجول با اطراف المستشفى
ساره:وعجبنا واحد ولقطنا معوه صوره
هند:ههههههه وين الصوره
اميره:اقول اقلطو على الميسور
اهم شي ان البنات قضو يومين مع بعض بس كنها با النسبه لهن لحضتين
واخذو ارقام بعض وطلعت ام اميره من المستشفى
......بيت ام اميره.....
تركي: ياولد فيه احد
حصه:مهنا حدى خش ماعندك احد
تركي:هههههههه مهنا حدى
حصه:يا هلا والله با الطش والرش والبيض المفقش تو ماينور المنتدى
قصدي البيت ههههههه
المهاء:الله يخلف على امي بس ههههههههههه
ام اميره:هلا والله
اميره وهي طفشانه: تمسون على خير بروح انام
جواهر :غريبه وش عندها اكيد لاقيه له احد هيناك
المهاء:ههههههههههه خبرته عاد انتي
تركي:بنات وحده منكن تعود على طق الابره لان امي عطوه بدال الحوب ابره
جواهر:لازم وحده من البنات اللي با البيت تعود
اميره:والله انا ماعندي طاري انا ما اتحمل اشوف الابره عشان اطقها
تركي :اميره هاذي امك ..؟
حصه:اشكوىلله يا الله انا بضحي بمشاعري عشان امي الحنونه
جواهر:خلاص انا اعودك عليها ترها سهله وماتبي شي
...وبعد اسبوع.....
ابو مشعل: هلا والله اميره كيف حالك
اميره:الحمد لله اخبارك انت
ابومشعل:انا تمام شوفي وانا ابوك ترى نبي نسافر بعد يومين تجهزوا
انتي واختك
اميره:يصير خير انشالله
... وسكرت اميره التلفون وهي تفكر مين بيقعد عند امها اذا سافروا
راحت اميره لم امها وكانت جالسه وجنبها حصه وتركي وزوجته
اميره:يمه دق ابوي يقول ترى نبي نسافر بعد يومين
حصه:الله وناسه
تركي:بترحون ومن يجلس عند مي ويعطيعا الابره
حصه:ايه صح
اميره:حصه تجلس عندها وانا اسافر
حصه:لا هو على كيفك انتي وخشتك تروحين تستانسين وانا اجلس هينا
ام اميره:انتي سافري وحصوص بنيتي تجلس عندي
حصه:لا يمه لاتخلينها تروح تستانس
تركي:يا اختي ما اذكرك نذله كذا خليها تروح تشوف الدنياء
اميره:فيه ناس بهم نذاله بشكل غير طبيعي
حصه:ياحبيلك يمه لا تخلينها تروح
ام اميره :حصه لاتغثيني خليها تروح تشوف الدنياء
حصه:وانا انحجر هينا ترى كله اسبوع
تركي وهو يغمز لحصه :حصه خلاص خلصنا
حصه:وهـ خلاص بكيفكم
اميره:اصلا وافقتي ولا لا رايحه رايحه
تركي وهو يهمس لا حصه خلاص لاترفعين ضغط امي يمكنها خيره لك
حصه:يمه تراي امزح اصلا انا ماودي اروح
ام اميره:يا الله يا اميره قومي ولمي عفشك
حصه وهي تهمس لتركي ترى ماعلي منك تبي تودينا كل يوم محل ماعندي
طاري اقعد با البيت اهش الذبان
تركي :يصير خير
....بغرفة اميره وحصه.....
اميره:حصيصه وش اخذ معي مايوه ولستك هههههههههههههه
حصه:بعد تضحك مثل كل مره خوذي الغرفه كلها
اميره: حصه تراي سمعتك انتي وتركي شوفي لاتطلعون من البيت لمين اجي
حصه:ماتبين توت بعد الا نبي نطلع وبعد كل يوم بمكان ونبي نهجول
اميره:يارب تركي ينشغل كل ها الاسبوع هههههههههه
حصه:يا النذله يارب مايستجيب
اميره:اخذه النذاله منك ههههههه
حصه:عاالاعموم بنشوف من اللي يستانس بها الاسبوع ويمكنها خيره لي
وسافرت اميره مع ابوهاوخواتها لم الشرقيه ....اما با النسبه لحصه
فكانت كل ذاك الاسبوع جالسه با البيت لان امها تعبانه وتركي تعبان
وزوجت تركي حامل ولا تقدر تطلع وكان كل يوم يجيهم ضيوف
يشوفون ام اميره وحصه على قولتها لاميره انا من يوم رحتو لين جيتو
وانا طاقه لي خيمه با المطبخ اسبع وسوي قهوه وشاي وانكب العشاء
واذا راحو الضيوف دخلت عا المسنجر وجلست هي واختها فطوم الى
الفجر مع بعض يسولفون وفاتحين الكميرا<<فطوم ماتبي اختها تحس
با الطفش عشان كذا تقعد معها الى الفجر وهي فاتحه الكميرا
اما بنسبه لأميره فكانت مستانسه وفالتها......في الشرقيه>>>>
شذى:يبــــــــه
ابومشعل :وحطبه وش تبين<<<قمه في الحنان
شذى:ترى انا ماني متزوجه الاواحد من الشرقيه..كانت اميره جنبها
تضربها>> يبه بعد اميره تبي مثلي
امير:اوريك يبه ماعليك منها كذاابه
شذى:شوفي ترى مهوب نافعك الحيا اذا جابلي ابوي لاتقولين ابي مثله
ابومشعل:شذى الحين انتي متى تعقلين..؟
خلود:ههههههههههه هاذي هي شذى ماتغير لوش مايصير
نجود:شوف ترى مانبي يبه عشاء فوول دورنا شي غير الفول
خلود:اي والله ابومشعل بدنا سمك
اميره بينها وبين نفسها:يارب مايجيبلهم الفول ارحم اشوي
نجودوهي ضامه اميره وتضحك:حبيبتي لاتخافين انتي بن جيبلك ساندوش
شذى:ههههههههههههههههه
ابومشعل:بنزل اشوف الشقق ذولي لا اشوف احد يطامر وراي
شذى:سم يبه محدن مطامر
نجود:شذى اميره:وش رايكن نروح للبقاله دام ابوي نزل
خلود:روحو وانا بقول انكم رحتو لدورات المياه بس لاتتاخرو
وراحن البنات لم البقاله وهن يهجولن من قسم لقسم جلسن يصورن
با الجوال وشافهن شاب وراح نادى اصدقاوه ويم جو كانن البنات يبي يطلعن
المهم ان واحد من ها الشباب بزع بنفسه وقال:حلفت ماحد يدفع غيري
زهره زهره زهره