لا تتنهد

[جودي ابوت]

لا تـــــــــــــــــــــــتنهد ..
القصه مـــــــــرره رووعـــــــــه وغيـــــر ..
للأمانه القصه منقوله ..
الجـــــــــــــــــــزء الأول..........
فتح راكان اللاب توب و ضغط زر التشغيل و راح يلبس البيجاما , كان
الوقت متأخر والساعة 2 بالليل.
الولد دااايخ و فيه النوووم بس المشكلة انه خلاص تعود يدخل النت متأخر
يومياً بهالوقت بس عشانها.
فتح الانترنت اكسبلورر و بدا الاتصال و بينه وبين نفسه كان يتمنى من
كل قلبه يلقاها اون لاين
فتحت الصفحة الرئيسية و بسرعة جررب يدخل المسنجر لكن المسنجر بكل
لعانة رفض يدخله؟
- هذا وقتك عاد !!
جلس يجرب مرة و ثنتين و ثلاث بينه وبين نفسه كان يقول أنا وش حادني
والله أني نعسان وفيني النوم
لكنه عارف أن الموضوع ما يستحمل تأخير خصوصا أنه صار لها فوق الأسبوع
ما تدخل مسنجر و لا ردت على الإيميل
الي أرسله لها !.
* المشكلة ان أم النوم ذي ما تنام زي خلق الله من جت العطلة و هي سهر
بالليل و خياس بالنهار
بعد عشر محاولات و للمرة الـ11 اخيراً تم تسجيل الدخول ..بس بعد كل
>>هالتعب لقى كل قائمته أوف لاين!
هو ما كان يبغى الا هي بس وش عليه اكيد هالشينة مسوية لي بلوك !
بهالوقت كانت مرام طفشااانة و تحوس بالنت و مسوية أوف لاين عالمسنجر و
لما شافت تسجيل دخول فررررحت
_ و اخيرا بلقى احد اسولف معه..
بس خاب أملها لما شافت النك نيم:
"Reality Sucks I'm Gonna Keep On Dreamin "
- وعععع ليش حظي زفت كذا من بين 29 شخص عندي ما يطلع لي اون لاين الا
هالبثر!
>>
وظلت مرام تكمل دجتها بالنت و بعد نص ساعة فجأة جاها طلب إضافة من
إيميل غريب!
قعدت تتأمل الإيميل هل يا ترا هو لبنت والا ولد!
وقررت مثل كل مرة تقبل الإضافة و تتأكد الحيين عشان اذا كان ولد تحذفه
على طوول!
لما جت بتغير إلى اون لاين انتبهت ان راكان للحين اون لاين , لا و
مغير النك عشان يلفت انتباهها:
"مراموووه اذا كنتي اون لاين شيلي البلوك عني ترا السالفة مهمممة"
*علي انا يا راكانوه هاه !
مير عناد لخليك بلوك أسبوع عشان ثاني مرة تعرف تقول عني تافهة!
#على فكرة مرام ما تضيف أولاد بالمسنجر عندها , لكن راكان مو اي ولد ,
راكان يصير ولد خالتها.
هو اكبر منها ب 6 سنوات, على الرغم من ان عائلتهم محافظة جداً لدرجة
انها ما تذكر ملامح وجهه لأنه كبر بدري
عنها و صارت ما تشوفه ابداً .. في عايلتهم بمجرد ما يبلغ الولد
خلااااص ما عاد يدخل عند الحريم حتى في الأعياد
و المناسبات الحريم الي يكشفون له هم الي يجون يسلمون عليه , اما بنات
خالاته و اي بنت مو من محارمه ما عاد
يسلم عليها او يجي لسانه على لسانها!
*آخخخ يالقهر معقولة زعلت من آخر محادثة بيننا لما قلت لها انك
تافهة! بس انا ما قلت شي غلط هي صدق اهتمامتها تافهة!
اجل حاطة النك حقها بذاك اليوم :
"تؤبرني هالضحكة يا ناااس" !
و حاطة الصورة الشخصية لها ذاك الهندي شاروخان !
المشكلة انها تتهمني انا بالتفاهة . لا هي ما كانت تقصدني انا بس كانت
تتكلم بشكل عام عننا يالسعوديين
و .. لحظة وش فيني صرت أتكلم مثلها نست نفسها هالسيرلانكية ماسكة لي
كل كلمة و الثانية بس انتو يالسعوديين
وانتو يالخليجيين!
مرام كانت حاقدة من قلللب على كلام راكان لها , بس بينها و بين نفسها
كانت حاسة انه رمى قنبلة بوجهها ,
ليش قالي كذا ؟!
كانت دايماً لما تفتح نقاش معه و يجي طاري الشباب ترمي كلمة قوية و
تجرح ........
"تؤبرني هالضحكة يا ناااس" :
ما اصدق أول مرة ادري انه فــعايلتنا شاب زي هشام!
"Reality Sucks I'm Gonna Keep onDreamin":
ليه وش فيه هشام زود عن شباب عايلتنا!
"تؤبرني هالضحكة يا ناااس":
اممم ما فيه زود على قولتك بس يكفي انه فكر يدور له وظيفة صيفية حسيت
لاول مرة انه بعايلتنا شباب مو تافهين و متكلين على أنفسهم .
*أنصدم راكان من كلمة مرام بس هالمرة قرر انه ما يسكت لها حس أنها مصختها !!
"Reality Sucks I'm Gonna Keep on Dreamin":
ليه عمتي مرام ومن قالك ان باقي شباب العايلة تافهين!
"تؤبرني هالضحكة يا ناااس" :
ما يحتاج احد يقولي واااضحة زي الشمس مو شباب عايلتنا سعوديين
معناته أنهم تافهين !
"Reality Sucks I'm Gonna Keep onDreamin" :
ليش هي صارت معادله
اي شاب سعودي = تافه!
"تؤبرني هالضحكة يا ناااس" :
إمممم .. تقدر تقول يسسس
"Reality Sucks I'm Gonna Keep on Dreamin":
ودي اعرف أنتي تتكلمين من جد!
"تؤبرني هالضحكة يا ناااس ":
لا أتكلم من خال هههههههههههههههه
"Reality Sucks I'm Gonna Keep onDreamin":
اممم ما ودي أرد عليك بنفس أسلوبك و أقول أنتو يـ"السعوديات" !
لكن بقولك اسمحيلي أنتي آخر وحدة تتكلم عن التفاهة
"تؤبرني هالضحكة يا ناااس":
خير عمي راكان وش عندك ماسك علي يوم تقول اني تافهة!
"Reality Sucks I'm Gonna Keep onDreamin" :
لا ابد سلامتك بس من شاف القرد الي أنتي حاطة صورته و قرا النك نيم
حقك عرف وش هي التفاهة!
*انصدمت مرام من هالكلام و من كثر ما انصدمت مر أسبوع على آخر محادثة
بينها و بين راكان , مع أنها كانت متعودة
تكلمه بشكل شبه يومي عالمسنجر, صار لها من يوم ما أضافها عنده سنة ,
يا ربي سنة كاملة بس لو يدري احد عنهم
من العايلة وش بيقول! وايش بتسوي فيني أمي!
مرام من وعت على الدنيا وأبوها فري عالأخرر , بعايلتهم كانت أسرة مرام
تعتبر أكثر أسرة فري , لأن أبوها أولمن دخل الستالايات بالعائلة ,
وهو أول من دخل الانترنت بيته في الوقت
الي كانوا باقي العايلة يعتبرون النت كفر و العياذ بالله!
شوي شوي قدرت مرام تقنع أبوها يسمح لها تستخدم النت و بحجة ان
المدرسات يطلبون منها مقالات و القاءات عشان الإذاعة بالمدرسة
..أبوها كان مقتنع إن الانترنت شر لا بد منه و الأفضل نخلي العيال
يستخدمونه تحت إشرافنا بدل ما ينتشر بعدين
و يصيرون يدخلونه من ورانا و يستخدمونه بطريقة غلط!
بعد ترجي و تبكي عند أمها وافقت بس بشرط أنها ما تعلم
احد من العايلة ...
وشوي شوي صار استخدام النت ينتشر في العايلة بس ظل محظور على الشباب و
ظلت مرام البنت الوحيدة الي
تستخدمه , بعد كم سنة صارت تستخدم المسنجر بعدما فهمت أمها انه يختلف
عن التشات و ان بالمسنجر هي تقدرتختار البنات الي تسولف معهم و أقنعتها أنها أصلا ما تبغاه
الا عشان دروس الترجمة مع صديقتها "أنفال" , مرام
كانت مقتنعة بينها و بين نفسها أنها مستحيييل تقبل على نفسها أنها
تكلم ولد خصوصاً بعدما أنصدمت من اول واحد
تعرفت عليه بالمسنجر و تفاجأت فيه بعد محادثتين بس يرقمها!
* والله أتاري السعودي بيبقى سعودي أول ما يشوف طيف حرمة بيرقمها !
ومن عقبها حرمت مرام على نفسها أنها تضيف أي تماسيح للمسنجر
**مرة من المرات كانت تكلمها مضاوي بنت خالتها -أخت راكان- الي كانت
تبغى منها شوية تصاميم عشانها متوهقة مع مدرسة الفنية ,
مرام كانت شاطرة بالرسم و الأشغال اليدوية حاولت توصل
لمضاوي فكرة تصميم على شكل حورية
كانت تحتفظ بالرسمة عندها الي هي من توقيع جيم وارن:
مضاوي: أقول مرامووه لا تجنيني والله تراي متوهقة و لازم اسوي الرسمة
الييوم وش الحل؟... تدرين وشلون اذا تقدرين أطبعيها و أرسليها مع السواق .
مرام : اممم السواق موب فيه مودي عبد المحسن اخوي للملعب و بيقعد معه لما
تخلص المباراة .
مضاوي: وش ملعبه ؟
مرام :مدري عنه بس الظاهر اليوم فيه مباراة الهلال ؟
مضاوي: يا فضيه أخوك ذا , طيب وش الحل ؟!
مرام: ما أدري عنك؟
ولمعت فكرة براس مضاوي ..
مضاوي : مرووم حبيبتي مو أنتي عندك إيميل صح ؟
مرام: إيه .
" مرام ومضاوي كانوا صديقات و مضاوي تدري عن كل أسرار مرام "
مضاوي: طيب شوفي انا بكلم راكان أخوي و اخذ منه أيميله و أرسليها أنتي له و
أخليه يطبعها لي .
مرام: طيب بسرعة شوفي لي أيميل أخوك و انا بروح اشبك النت وأنتي كلميني على
جوالي اوكي مو تستهبلين و تدقين على خط البيت!
مضاوي: وش قالوا لك مو لهالدرجة غبية.. يالله باي .
..راحت مضاوي تكلم أخوها راكان ..و تفاجأت برنة الجوال جنبها اتاريه على
الشاحن الي بالصالة
وتروح تدق باب غرفة راكان الي بهالوقت كان بغرفته على النت..
أنصدم راكان لما قالت له مضاوي السالفة كان قاعد يحاول يستوعب و مو
مصدق أنه مرام تدخل نت ..
مضاوي كانت مستعجلة وتلح عليه يعطيها الإيميل
طلب منها تروح تجيب ورقة وقلم و كتب لها عنوان الإيميل ..
أخذت منه عنوان أيميله و راحت تركض تكلم مرام و هو بنفس اللحظة كان
تحت تأثير الصدمة
"" مرام بنت خالتي تدخل نت , لا و عندها إيميل بعد ؟!! ""
بهاللحظة قطعت مضاوي تفكيره ..
مضاوي: هاه راكان يالله اطبع الصور..
راكان: وش صوره؟!
مضاوي: الي أرسلتها مرام , من شوي قفلت منها و تقول أنها أرسلتها لإيميلك
يالله عاد أطبعها ؟!
راكان: لحظة خليني افتح ايميلي ....
..بهاللحظة وهو يفتح الايميل لقى بالبريد 3 إيميلات , واحد منهم كان من
مرام بنت خالته !
لفت نظره المرسل: It's Me
اما العنوان كان فاضي!
فتح الايميل و قام عن الكرسي بعد إلحاح مضاوي بس بعد ما قعد يردد بينه
و بين نفسه:
maro0o0om@hotmail.com (maro0o0om@hotmail.com)
ظل واقف وهو مب مصدق ! معقولة مروم بنت خالته الدبة الي آخر مرة شفتها
كانت من خمس سنين <<<< شوفه بالغلط !
ما ينسى إلى الآن كيف أنصدم بشكلها!
كانت مرام في مرحلة المراهقة جسمها صار مليان شوي و وجهها منتفخ و
مليان حبوب شباب
بس ذيك الحبة غريبة شوي الي بخشمها ! أمم لا هذا زمام! وشو؟! زمام ؟!
هالبنت موب صاحية مبين أنها متمردة !
يحليها مرامووه البزر صارت حرمة من بعد ما كانت أشهر بنت في لعبة المصارعة
بس أكثر شي لفت انتباهه يومها شعرها البوي! لاااااااااااا هالغبية قصته
..مرام من يوم كانت صغيرة تحب الشعر القصير عكس أمها الي كانت تبي بنتها
تصير مثل بنات خالاتها بشعر طويل يوصل للظهر ,
دايم أمها تقول لها يا حسافة الشعر فيك. هو من جد شعر
مرام كان انعم من شعور بنات خالاتها
بمراحل والي محليه كثافته و درجته البنية الغامقة عكس بنات العايلة
الي شعورهم سود .. لدرجة أنها لما كانت تحنيه تكون هي البنت الوحيدة في العايلة الي يبين فيه الحنة!
... و فجأة أنتبه راكان انه مو لحاله بالغرفة ..
مضاوي: راكان أقولك بسرعة أبيك تطبعها لي وشفيك ما ترد!
راكان: نعم ؟!
مضاوي: الله ينعم عليك , بغيتك تخلصني و تطبع لي الصور؟
راكان: إن شاء الله .
و يروح راكان يشغل الطابعة بعد ما شبكها باللاب توب..
بعد ما خلصت مضاوي أخذت الصور المطبوعة و هي تأشر لراكان بالورقة في
وجهه
راكان الي كان سرحان أنتبه لحركة أخته والتفت عليها:
راكان: وش تبين ؟
مضاوي: سلامتك بس تراي خلصت و مشكور على الخدمة , جعلي أطبع لك
بطاقات عرسك انشالله
ابتسم راكان لأخته و فز قلبه لطاري العرس و تذكر شروق بنت عمه
راكان: العفووو يا حلوووة أوامر ثانية ؟
مضاوي: لا مشكور .
و توها مضاوي بتقوم إلا و راكان يسألها:
راكان: مضاوي , مرام بنت خالتي عندها نت ؟!
مضاوي: لا عندها بـيجر , هههههه يا حليلك اجل لو ما عندها كيف أرسلت لي الصور ؟
راكان: لا قصدي يعني عندها جهاز خاص فيها تدخل منه نت ؟!
مضاوي: إيه .
سكت راكان هويبغى أخته تتكلم بدون ما يسأل بس هي كانت مشغولة بالصور الي طبعها لهم.
راكان: مضاوي أبيك تقولين السالفة بالتفصيييل, هي وشلون قدرت تقنع أهلها؟
الي عرفه أن خالتي مرة شديدة ؟!
مضاوي: مممم أبوها موافق بس خالتي لا , بعد ما ضغطت عليها مروم وافقت ..
راكان: للحين مو مستوعب السالفة ما توقعت وحدة من بنات عايلتنا تستخدم النت ؟
مضاوي: ليش هو مو عيب ولا حرام ؟! بعدين نسيت أنه مرام بنت خالتي أبوها فري
نسيت أنه أهداها يوم نجحت العام جوال كاميرا ؟
سكت و ما علق هو فعلاًَ أبو مرام فري على قولة مضاوي بس سالفة النت
للحين صادمته ..
مضاوي: و على فكرة لا تجيب طاري الموضوع عند أمي أخاف تعلم خالتي أم مرام و
تنفهم السالفة غلط . تعرف وشلون عاد الحريم بيفسرونها
هاااااااااااو مرام تكلم راكان في الانترنت ومدري وش ,, أوكي راكان؟
راكان: هاه إيه إنشالله .
..طلعت مضاوي من غرفته و هو مو مستوعب كلمتها الأخيرة لأنه كان مشغول
بشي ثاني ..كان يردد بينه وبين نفسه :
maro0o0om@hotmail.com (maro0o0om@hotmail.com)

[جودي ابوت]

الجــــــــــــــزء الثــــاني ......
"ست الحبايب يا حبيبة يا أغلى من روحي و دمي" :
من معاي؟
"حايرة والشوق بين عيونج .... خايفة حبين ويلومنوج" :
وعليكم السلام
"ست الحبايب يا حبيبة يا أغلى من روحي و دمي" :
أقولك من معي ؟
"حايرة و الشوق بين عيونج .. خايفة تحبين و يومونج" :
وإذا عرفتي اسمي بيفرق معك ؟
"ست الحبايب يا حبيبة يا أغلى من روحي و دمي" :
مو قصدي الاسم بس ؟ قصدي الشخص الي معي ؟ أنا
ما أحب أكلم أشخاص غريبين بالمسنجر ؟
و إيميلي مو معروف يعني كل الي عندي بالمسنجر صديقاتي ؟ من معي ؟
"حايرة و الشوق بين عيونج .. خايفة تحبين و يلومونج ":
وشو هو تحقيق ؟ يعني تبين تعرفين اسمي و عمري و هواياتي ؟ لا تكونين
بتخطبين ههههههههه
"ست الحبايب يا حبيبة يا اغلى من روحي و دمي":
عن قلة الأدب ترا والله لو مانطقت بحطك بلوك ترا ما عندي وقت للسخافات
"حايرة و الشوق بين عيونج .. خايفة تحبين و يلومونج":
مراموووووه يمة منتس والله أنتس تخوفين !
"ست الحبايب يا حبيبة يا أغلى من روحي و دمي" :
مرامووه للمرة الأخيرة من معي ؟!
"حايرة و الشوق بين عيونج .. خايفة تحبين و يلومونج ":
أنا جوري من منتدى بنات !من يومين أرسلتي لي عالخاص طلب إضافة
و هذاني أضفتك !
"هنا تيبس الدم بعروق مرام وحست كأن أحد كب عليها موية مغلية !"
"ست الحبايب يا حبيبة يا أغلى من روحي و دمي" :
معليش آسفة مرررة على أسلوبي بس كنت متضايقة من موقف صاير لي و حطيت
حرتي فيك !
"حايرة و الشوق بين عيونج .. خايفة تحبين و يلومونج" :
ههههههه لا عادي أكتشفت الجانب السيء فيك
"ست الحبايب يا حبيبة يا أغلى من روحي و دمي" :
أي جانب ؟
"حايرة و الشوق بين عيونج .. خايفة تحبين و يلومونج" :
أنك عصبية هذا أولاً , ما ينمزح معك وهذا ثانياً هههههههه
*"مرام : وا خزيااااااه يا ربي أنا وش سويت !"
"ست الحبايب يا حبيبة يا أغلى من روحي و دمي" :
هههه و الله مو لهالدرجة , تراك أخذتي إنطباع غلط بوقت غلط .
"حايرة و الشوق بين عيونج .. خايفة تحبين و يلومونج":
أممممم ممكن , أنا قلت لنفسي وش فيها البنت أخبرها بالمنتدى ذووق و
كيوووت ... بس هنا شفت الوجه الآخررر من دلع بنات نياااااهااااااااااااا
"ست الحبايب يا حبيبة يا أغلى من روحي و دمي ":
هههههههههه أجل لسه ما شفتي شي .. أنتي بس جربي تعلمين أحد بالي صار و
شوفي أنا وش بسوي فيك
"حايرة و الشوق بين عيونج .. خايفة تحبين و يلومونج" :
يمه منتس ! فوق ما أنتي موريتني العين الحمرا من أول محادثة تبين
تهدديني بعد !
"ست الحبايب يا حبيبة يا أغلى من روحي و دمي" :
إيه
"حايرة و الشوق بين عيونج .. خايفة تحبين و يلومونج ":
طيب .. أنا أورتيس بكرة بتلقين هالمحادثة نازلة في قسم الضحك و
الفرفشة
وهذا وجهي إن ما كل الأعضاء شكروني هذا غير الإدارة الي بتعطيني وسام
المواطنة الصالحة و هذا إذا ما عينوني مشرفة بعد
" ست الحبايب يا حبيبة يا أغلى من روحي و دمي " :
كل هذا عشانك نزلتي محادثتنا !على العموم نسيتي أني مشرفة و مراقب عام
في المنتدى و أقدر بضغطة زر أوقف عضويتك
"حايرة و الشوق بين عيونج .. خايفة تحبين و يلومونج" :
هاه حبيبتي مررروم أنتي اسمك مرام صح ؟
"ست الحبايب يا حبيبة يا أغلى من روحي و دمي" :
لا رقــيــة ! يعني بالذمة مبين من الإيميل ؟
"حايرة و الشوق بين عيونج .. خايفة تحبين و يلومونج" :
تشرفنا أخت رقية , بس ما اهون عليك صح ؟ أعتبريني مثل بنتك
"ست الحبايب يا حبيبة يا أغلى من روحي و دمي" :
وش بنته وووووجعتييييييييين ! ليه أنتي كم عمرك ؟ و على فكرة وش اسمك ؟
"حايرة و الشوق بين عيونج .. خايفة تحبين و يلومونج" :
طيب إمممممم أعتبريني أختك الصغيرة !
"حايرة و الشوق بين عيونج .. خايفة تحبين و يلومونج" :
يؤ صح نسيت أقولتس اسمي أنا نوف .. عمري 16 سنة .. بأولى ثانوي
أسكن في الرياض و الأصل من القصيم ..أريد زوجاً أسمر .. طويل .. شعره
ناعم .. موظف في إحدى السفارات في الخارج .. رومانسي يحب أكل المطاعم ..
و يقدر الحياة الزوجية
"ست الحبايب يا حبيبة يا أغلى من روحي و دمي" :
وش قالوا لتس عني خطابة !
"حايرة و الشوق بين عيونج .. خايفة تحبين و يلومونج " :
مدري عنتس قلت يمكن عندتس مشاريع من وفق راسين بالحلال
لولوووووووييييييييييييييييييش
"ست الحبايب يا حبيبة يا أغلى من روحي و دمي :
ههههههههههههههههههههههههههههههههههههههههه
"حايرة و الشوق بين عيونج .. خايفة تحبين و يلومونج ":
إلا صدق أنتي بأي سنة ؟!
"ست الحبايب يا حبيبة يا أغلى من روحي و دمي ":
بدينا بالغلط ! حالياً متفرغة للبيت و النوم و الأكل و الشرب بعد 16
سنة دراسة ....
"حايرة و الشوق بين عيونج .. خايفة تحبين و يلومونج":
صدق و الله حسبتك صغيرة !
_ في هذه اللحظة وصل مرام إيميل و أكيد عرفتوا المرسل , بدون انتباه
ضغطت مرام على الإيميل وكملت المحادثة ..
ست الحبايب يا حبيبة يا أغلى من روحي و دمي :
ليه يعني ألحين أكتشفتي أني عجوز !
"حايرة و الشوق بين عيونج .. خايفة تحبين و يلومونج ":
أوووووو بس لا والله مو قصدي بس من أسلوبك في المنتدى و دجتك حسيت أنك
وحدة لسه في الثانوي .. على العموم أنتي متخرجة من أي قسم ؟
"ست الحبايب يا حبيبة يا أغلى من روحي و دمي" :
من كلية التربية , إنجليزي
"حايرة و الشوق بين عيونج .. خايفة تحبين و يلومونج" :
وععععع أكره الإنجلش
ست الحبايب يا حبيبة يا أغلى من روحي و دمي :
ليه عاد معروف الانجليزية لغة العصر !
"حايرة و الشوق بين عيونج .. خايفة تحبين و يلومونج ":
أدري بس تدريسهم مررررة خاااايس كله
He – Him
She – Shim مع حفظ الحقوق لحسين عبد الرضا
"ست الحبايب يا حبيبة يا أغلى من روحي و دمي" :
هههههههههههههههههههههههههههههههههههه الله يرجك أنتي و إياه
"حايرة و الشوق بين عيونج .. خايفة تحبين و يلومونج ":
برررب
"ست الحبايب يا حبيبة يا أغلى من روحي و دمي ":
تيت
_وراحت مرامتفتح نافذة ثانية للاكسبلورر , بهالوقت أنتبهت أنه فيه نافذة مفتوحة
أصلاً ! فتحتها لقت إيميل واصلها من راكان !
* يوووه وش يبي ذا بعد !
إقتباس »
_ مرام أدري أن أنتي زعلانة من آخر محادثة بيننا , و أنا حاولت أعتذر لك
أكثر من مرة بس ما حصلتك مسنجر
أدري أنك مبلكتني بس من جد أنا آسف و أبغاك الحين تشيلين البلوك فيه
سالفة مهمة أبغى أقولك إياها
بعطيك خيط واحد عشان تتحمسين :
مضاوي أختي + ثامر ولد عمتي = ؟!!
*أستغربت مرام من أسلوب راكان , أكيد هو ندم !
بس وش سالفة مضاوي و ثامر ؟
أمس شفت مضاوي ببيت جدتي و ما قالت شي جديد !
لا يكون بس مسوي لي مقلب و طابخ لي السالفة عشان أتحمممس و أشيل
البلوك عنه ؟!
ظلت مرام محتارة وتقلب السالفة براسها , لما فتحت المسنجر مرة ثانية
لقت راكان حاط نيك نيم :
" ابتدأ العد التنازلي .. لو ما شلتي البلوك في خلال عشر دقايق أنسي
السالفة الي بغيتك فيها "
* يممممه منه هالدب ! وش عرفه أني أون لاين ؟!
بينها وبين نفسها هي تدري أنه راكان فاهمها وصار يعرف مواعيد دخولها
النت أكثر منها !
و في لحظة ضعف قررت أنها تشيل البلوك عنه و تعرف السالفة ..
بس كالعادة كبرياء الأنثى عندها منعها أنها تبادر بالمحادثة !
- على الجهة الثانية كان فيه واحد متشقق من الوناسة :
- هههههههههه والله و عرفت أجيبك يا مرامووووووه .. لكن هين مسوية ثقل
.. بشوف قوة تحملك ؟
كل واحد فيهم ظل يعاند و ينتظر الثاني يبادر بالمحادثة !
تذكرت مرام النك نيم حقه و خافت أنه يسوي تهديده و يطلع من المسنجر
بدون ما يقول السالفة .
"ست الحبايب يا حبيبة يا أغلى من روحي و دمي" :
سلام
- هههههههههههههههههههههههههههااااااااااااااااااااااي يا حبي لكم يا
بنات أفكاري
و الله و عرفت لك يا مراموووه ,, لكن هين , خلني أغير النك أول عشان
تعرفين ثاني مرة تسفهين !
بعد مرور دقيقة بالضبط !
"يالله نعيش بدنيا غير !! ":
وعليكم السلام
*يبي يستهبل .... والله مو وقتك
"ست الحبايب يا حبيبة يا أغلى من روحي و دمي" :
ساعة عشان ترد السلام ! ترا رد السلام واجب !!
" يالله نعيش بدنيا غير !! ":
أي ساعة كنت مشغول شوي , بعدين تراي رديت السلام وما أخذ مني دقيقة مو
أسبوع !
* شفت أنك بايخ والله أني عارفة أنه ما عنده سالفة و بيقعد يحاسبني
على البلوك !
"ست الحبايب يا حبيبة يا أغلى من روحي و دمي ":
نعم وش بغيت ؟!
"يالله نعيش بدنيا غير !!" :
الله ينعم عليك
"ست الحبايب يا حبيبة يا أغلى من روحي و دمي" :
شف عاد تراها واااااااااااااااااااااصلة حدي منك بتقول آلحيييين وش
تبي و إلا ترا ما يردني إلى البلوك ؟ وأنت جربتني و ما أتوقع ودك تجرب مرة ثانية !
- يمه منها ذي شكله المزااااج خربااااااااااان
"يالله نعيش بدنيا غير !!" :
لا تهددين ! أنتي وش على بالك الناس لعبة بيدك ! أنا شرحت لك بالإيميل
أني ما كنت أقصد و أنتي سفهتيني و حاولت أثبتلك حسن نيتي وأعتذرتلك بس ما جاب نتيجة معك !
هذا جزاي الي أبغى أعتذر منك ؟
"ست الحبايب يا حبيبة يا أغلى من روحي و دمي" :
يعني سالفة مضاوي أختك كذب وأنت سويت كذا بس عشان حضرتك تعتذر !
"يالله نعيش بدنيا غير !! ":
آهه صدتك !يعني أنتي شلتي البلوك بس عشان مضاوي ؟
"ست الحبايب يا حبيبة يا أغلى من روحي و دمي ":
اللهم طولك يا روح أبي أعرف فيه سالفة وإلا لا ؟
"يالله نعيش بدنيا غير !!" :
إيه فيه ؟
"ست الحبايب يا حبيبة يا أغلى من روحي و دمي ":
أحلف ؟
يالله نعيش بدنيا غير !! :
أصغر عيالك أنا!!
شوفي أنا ناوي أقول لك بس بشرررط !
* بعد ناوي يتشرط !
"ست الحبايب يا حبيبة يا أغلى من روحي و دمي" :
وش شرطك ؟!
"يالله نعيش بدنيا غير !! ":
أمممم أولاً تسامحيني لأني فعلاً ما كنت أقصد بس أنتي قهرتيني شوي
"ست الحبايب يا حبيبة يا أغلى من روحي و دمي" :
و ثانياً !!
"يالله نعيش بدنيا غير !!" :
توعديني أنك ما تسفهين ثاني مرة أزعلي بكفيك بس فرغي و طلعي كل الي في
قلبك أرسلي أيميل و شرشحيني و شرشحي الي خلفوني بعد
"ست الحبايب يا حبيبة يا أغلى من روحي و دمي ":
هههههههههه طيب مسامح بس لا تكرره أنت و وجهك !
بعدين أشرشحك ممكن لكن الي خلفوك آسفة ما أرضى على خالتي
"يالله نعيش بدنيا غير !!" :
أعوذ بالله ما تقدرين تكملين جميلك !
"ست الحبايب يا حبيبة يا أغلى من روحي و دمي ":
يالله عاد وش سالفة مضاوي تراك ما تنعطى وجه !
"يالله نعيش بدنيا غير" :
أي سالفة و مين مضاوي ؟
ست الحبايب يا حبيبة يا أغلى من روحي و دمي :
والله أني حاسة أنك تستهبل من الأول بس تدري وشلون الشرهة علي أنا
الغبية الي صدقتك !
يالله نعيش بدنيا غير !! :
أنتي وش متعشية؟!
"ست الحبايب يا حبيبة يا أغلى من روحي و دمي ":
سؤال سخيف مثل وجهك بس جواباً لك شاورما
"يالله نعيش بدنيا غير !! ":
بالشطة وإلا بدون .
* سخيف و ربي أنه سخيف .
يالله نعيش بدنيا غير !! :
ما جاوبتي ؟!
"ست الحبايب يا حبيبة يا أغلى من روحي و دمي ":
على إيش ؟!
"يالله نعيش بدنيا غير !!" :
الشاورما بالشطة وإلا بدون ؟!
ست الحبايب يا حبيبة يا أغلى من روحي و دمي :
بالشطة , لا و أبشرك ما أحبها إلا بشطة تباسكو
يالله نعيش بدنيا غير !! :
آهه عشان كذا .
ست الحبايب يا حبيبة يا أغلى من روحي و دمي :
ما فهمت؟!
يالله نعيش بدنيا غير !! :
عشان كذا لسانك طوييل و ترادين , بوصي أبو عبدالمحسن إن جا يجيب
المقاضي لا يشتري تباسكو وبقوله هذي وصية من فاعل خير خايف على محارمك
* ههههههههه والله أنك بايخ و سخيف مدري ليش للحين متحملتك !
شاورما بالشطة :
أحد قالك قبل انك سخيف و دمك ثقييييل !
يالله نعيش بدنيا غير !! :
لا كل الي يعرفوني يقولون أني مملوح و وسيم و أقدر الحياة الزوجية .
* وش سالفة الحياة الزوجية ! بالأول نوف و ألحين ذا السخيف !
إلا على طاري نوف ما عاد رجعت ؟ وراحت مرام تشيك على نوف لقتها أوف
لاين ! أووووف يعني الحين ما لي إلا هالماصل؟
يالله نعيش بدنيا غير !! :
مراموووه وين رحتي ؟ بعدين وش هالنك الله يرجك ههههه
شاورما بالشطة :
رحت السطح أشيك على الحمام لقيتهم ناموا قعدت أغني لهم وأنا أطق أصبع
" الله أكبر يا حمام من صلاة العصر نام! "
يالله نعيش بدنيا غير !! :
هههههههههههههههههههههههههههههههههههههههههههههههههه هههههههههههههههه
يا قدمك من وين طلعتي بهالأغنية ؟!
شاورما بالشطة :
من أرشيف غصب ون ! أنت وش عليك ؟
يالله نعيش بدنيا غير !! :
ههههههههههههههههههههههههههههههههههههههههههههههه
تتذكرين برنامج أحلى التهاني الي كانوا يدورون بالقاعات ويقابلون
المعاريس ههههههههههههههههه
*الظاهر أنه نشبة و مطووووووووول !
شاورما بالشطة :
إيه أتذكره .
يالله نعيش بدنيا غير !! :
تتذركين ذاك العرس الي سويناه يوم كنا صغار وأنا
أختاروني المعرس ....
* يووووه الولد شكله بيرجع يبنبش في الماضي
شاورما بالشطة :
إيه أتذكر .. أقول راكان أمي تناديني و ألحين لازم أطلع يالله مع السلامة
- ههههههه أكيد بتقول مع السلامة ,, يا حليلها تستحي بس ما فيها شي كنا بزران
يا حليلها وهي مسوية دور مرتي هههههههههههههههههههههههههههههه
يالله نعيش بدنيا غير !! :
طيب مع السلامة ألاقيك بكرة بس مو مثل هالوقت ..إمممم لا ابكر عشان
يمديني أقول السالفة ..
شاورما بالشطة :
أي سالفة ؟!
يالله نعيش بدنيا غير !! :
سالفة مضاوي .
شاورما بالشطة :
يعني فيه سالفة ! طيب قل يالله
يالله نعيش بدنيا غير !! :
لا خلاص ما عاد يمدي .. دخت مرررة و بكرة عندي دوام .. بعدين مو قلتي
تو خالتي تناديك؟
* يا شين المصالة .. طيب وش دخلك أعتبرني صرفتها !
شاروما بالشطة :
هاه لا خلاص هي كانت تتطمن علي و راحت ,, أيوه وش السالفة ؟
- والله أني عارف أنك كنت تصرفيني .. لكن هيييين !
يالله نعيش بدنيا غير !! :
إممم السالفة مرة طويلة و محتاجة تركيز ,, بعدين قلتلك دداااااايخ
تراي المفروض نايم من ساعة و إلا تحسبين الناس ما وراهم دوامات زيك !
* يا كرهي لك راكانووه ,, لكن هين مردودة
يالله نعيش بدنيا غير !! :
تصبحين على خير .
شاروما بالشطة :
و أنت من أهله ....
يالله نعيش بدنيا غير !! :
مرام خوذي هاللنك إهداء ..
وطلع راكان من المسنجر..
بس ظلت مرام تضحك من قللللللب على الإهداء ..
خبللل وربي خبلللللل ......

[جودي ابوت]

الجـــزء الثالث ..
رجعت مرام من صحارى مول و هي مرة تعبانة !
على غير عادتها قررت ما تشتري لها عشا من المطعم و أخذت لها موكا بس !
- الله ما فيه أحلى من أني أبدى يومي بالمول .
وبدت تنشر الأغراض الي شرتها عشان تقيسهم
-يووه شكله هالجينز ما رح يدخل ! هذا و أنا ما افطرت و لا أخذت لي غير
هالموكا ! لكن من غير شر بكرة بيبدأ الدايت.
قررت تاخذ لها شاور سريع عشان تدخل نت بدري .
-يمكن يدخل راكان ألحين أبي أعرف السالفة ..
إنشالله يكون فيه سالفة أصلاً !
بعدما خلصت الشاور جابت عدة الأظافر الجديدة , وعلى مهلها فتحت اللاب
توب و دخلت مسنجر و مثل ما توقعت كان راكان أون لاين ..
شاورما بالشطة :
سلام
لا تـــتـــنــهـــد :
وعليكم السلام
شاورما بالشطة :
أيوه وش سالفة مضاوي أختك !
لا تـــتـــنــهـــد :
بدري !غريبة وش مصحيك بدري ؟!
شاورما بالشطة :
بدري من عمرك .. وش السالفة ؟
لا تـــتـــنــهـــد :
أي سالفة ؟
شاورما بالشطة :
راكان و ربي أنك سخيف أنا من رجعت من السوق دخلت نت و هي مو من عادتي
بس عشان اعرف وش سالفة أختك
و أنت ألحين تستخف دمك و تقولي أي سالفة ؟!
لا تـــتـــنــهـــد :
بأي سوق كنتوا ؟!
شاورما بالشطة :
تدري وشلون مع السلامة أنا حاسة أن ما عندك سالفة بس ناوي تلعب بأعصابي !
لا تـــتـــنــهـــد:
أول جاوبي على السؤال , لأني مودي أهلي السوق قلت بخاطري يمكنكم
متواعدين و شفتي مضاوي هناك
و قالت لك السالفة ...
شاورما بالشطة :
كنا بصحارى , ما شفنا أهلك , وش السالفة ؟
لا تـــتـــنــهـــد :
آهه , لا أهلي موديهم للفيصلية و شكلهم مطولين امي قالت أرجع البيت و
إذا خلصنا بنكلمك !
شاورما بالشطة :
؟!
لا تـــتـــنــهـــد :
شوفي مرام و ربي لا تزعلين بقولك السالفة بس أخاف تفوتني صلاة العشا !
شاورما بالشطة :
طيب خلاص مع السلامة
لا تـــتـــنــهـــد :
مرام والله جد أنتي ما ترضين تفوتني الصلاة بس خليني أرجع
و اقولك !
شاورما بالشطة :
إيه يا شاطر أهم شي الصلاة لا تفوتك ...
لا تـــتـــنــهـــد :
أحسك تتطنزين ! عموماً ما رح اطول و أنتي روحي صلي و أول ما تخلص
الصلاة أدخلي و بتلقيني أون لاين
وساعتها والله العظيم لأقولك السالفة أوكي ؟
شاورما بالشطة :
طيب باي .
_ يا ربي أنا ليش متحمسة معه ؟ أحسه يستهبل و بمجرد ما يرجع من الصلاة
بيقولي أنها كانت كذبة لفقتها عشان تشيلين البلوك !
و إلا اصلاً لو فيه سالفة تخص مضاوي ليش هو الي يعلمني؟
أنا غبية بدق على مضاوي أكيد لو فيه سالفة بتقول لي شي ....
... جاري الاتصال بـ .. مضاوي
( إن الهاتف المطلوب لا يمكن الاتصال به الآن , نرجو محاولة
الاتصال في وقت لاحق !)
-يوووه طيب برسلها plz call me ,خخخخ أحسن خلي الفاتورة تصير عليها !
و قعدت مرام تلعب بأظافرها و تقص من هنا و تبرد من هنا لحد ما رن جوالها ..
مرام: آلوو أهلييييييييييين
مضاوي: هلا بك مرووم , وش عندك مرسلة plz call me ! ما خبرتك قعيطية
لهالدرجة !
مرام: هههههه , و أنا ما خبرتك تصبرين عن جوالك و تخلينه مقفل و أنتي
بالبيت , وشلون و أنتي بالسوق لا و بالفيصلية !
مضاوي: بسم الله علي الرحمن الرحيم , أولاً وش دراك أني ما أصبر عن جوالي !
ثانياً وش دراك أني بالفيصلية ؟
* آخخخخ هنا مرام توهقت , أول مرة من عرفت راكان على المسنجر يزل
لسانها بهالطريقة!
مرام: مدري كني سمعت أمي تقوله , بس وينك إحنا
كنا بصحارى سويت shopping من الساعة 5 العصر إلىىى 7 و نص المغرب .
مضاوي: إخص و ش مصحيك يالبطة من العصر ! أخبرك أنتي من ستايل حمامن جانا
مسيّـان ! ما تصحين إلا 7 و نص !
مرام: بسم الله علي منكم وأنتو وش عليكم , لا تكون وسادتي أشتكت لكم ؟
مضاوي: ههههه إي والله , الله يعظم اجرها , مسيكينة أحسها لو بتنطق يوم
بتقول لك : أعطني حريتي أطلق يديــّا ...
مرام: لا و صرنا نغني لأم كلثوم بعد ! وش عندك يا بنت هاه أنطقي أعترفي ,
أخرسي خالص أنتي طالق !
مضاوي: ههههه لا و الله إلا أنتي الي طالق .. أنجزي يا بنت وش تبغين ترا
ألحين بيفتحون المحلات و أنا ما بعد صليت !
مرام: لا بس كنت بسلم مشتاقة لك .
مضاوي: تشتاق لك العافية ....
مرام: لا تقولين هالكلمة أحسك تدعين علي بطريقة غير مباشرة !
مضاوي: هااااااااااو مراموووه , يا منزوعة الحيا ! ألحين لا قلت لتس تشتاق
لتس العافية صرت أدعي عليتس!
مرام: شوفي حبيبتي أنتي تقولين " تشتاق لك العافية " يعني بما معناه جعلك
تمرضين ذاك المرض الي من عقبه تشتاق لك العافية فهمتي ؟!
مضاوي: اقول عمتي مرام بلا فلسفة للحين ما خلصت من السوق و باقي لي كم محل
و بعد شوي ما رح ندري إلا رويكين جاي ولاقطنا !
مرام: بس مو راكـ ....
مضاوي: وشو ؟
مرام: لا و لا شي سلامتك !
مضاوي: يالله باي .
* يوووه للمرة الثانية بغت تغلط مرام غلطة عمرها و تقول أن راكان
بيصلي و بيرجع البيت عشانـ .. يوووه السالفة ؟
وش السالفة شكل راكانووه بيطلع لي قروون !
- لما رجعت مرام للاب توب لقت راكان أون لاين , بس هالمرة قررت تنتظره
هو يتكلم خلاص ذليت نفسي عاد !
لا تـــتـــنــهـــد :
باك
شاورما بالشطة :
حياك
شاورما بالشطة :
حرماً !
لا تـــتـــنــهـــد :
جمعاً إن شاء الله
شاورما بالشطة :
لا إنشالله
لا تـــتـــنــهـــد :
وجععع وش الي لا إنشالله , بعدين تعلمي الإملاء صح
تراها تنكتب كذا : لا إن شاء الله !
شاورما بالشطة :
هههههه قلبنا حصة إملاء
لا تـــتـــنــهـــد :
ههههههه بس ما قلتي وش الي لا ؟
شاورما بالشطة :
جعلي ما أطب الحرم معكم يا عيال خالاتي
لا تـــتـــنــهـــد :
آفاااا ليييييييييش ؟
شاورما بالشطة :
أبد نسيت حضرتك آخر مرة رحنا , و ترا هالكلام من زمــــاان كيف
هبلتوا فينا يالتماسيح
بس صاكين علينا الشقة و ما تخلونا ننزل للحرم إلا وقت الصلوات و
أنواااع العقدددد .. لولا أمي نورة الله يخليها ذخر لنا كان ما تهنينا !
لا تـــتـــنــهـــد :
الله و أكبر يالعقددد! بس شي أكيد ما بنخليكم تنزلون الحرم غير وقت الصلوات !
و إلا كان ما غير دوران و سعسعة بالأسواق , ترا مكة نروح لها عشان
نتعبد موب عشان نوسع صدورنا !
شاورما بالشطة :
إيه صح نتعبد زيكم بالضبط يالتماسيح !
لا تـــتـــنــهـــد :
وش قصدك ؟
شاورما بالشطة :
سلامتك بس أنتو كنتو تسهرون للساعة 7 الصبح بره الشقق , الله و اعلم
مارح أحط بذمتي و اقول أنكم كنتو تدورون و "تسعسعون" بالأسواق ,
لكن بقول أنكم شبابن صالحين و كنتوا " تتعبدون" بالحرم
و حنا يعني يالحريم ما يحق لنا نتعبد الله بالحرم
لا تـــتـــنــهـــد :
بتقنعيني إنكم لو بتنزلون من الشقق بتروحون " تتعبدون" بالحرم ؟
شاورما بالشطة :
و أنت بتقنعني إنكم تسهرون للساعة 7 الصبح في الحرم ؟ عموماً : " لا
تمنعوا إماء الله مساجد الله "
لا تـــتـــنــهـــد :
و بيوتهن خير لهن !
شاورما بالشطة :
بس هذاك مو أي بيت هذاك بيت الله و أنتو كنتو تمنعونا عنه ؟ يا ويلكم
بس من حساب ربي يوم القيامة !
لا تـــتـــنــهـــد :
يووووه خلاص آسفين عمتي مرام , المرة الجاية محد بيمنعك أعتكفي في
الحرم ,زي ما تبين.
شاورما بالشطة:
و أنا وش اقول من الصبح ؟ ما عاد فيه جايات معكم يا عيال خالاتي
لا تـــتـــنــهـــد :
ممكن سؤال ؟ وش فتح السالفة ؟
* وبهاللحظة يرن جوال راكان ..
شاورما بالشطة :
أنا قلتلك حرماً , و أنت قلت جمعاً ...
لا تـــتـــنــهـــد :
برب
شاورما بالشطة :
تيت
راكان: _آلو , هلا يمة .. لا الحين بالبيت ؟ هاه خلصتوا ؟طيب خلاص عشر بكون
عند الباب بس من أول رنة تطلعون مو زي العادة تخلوني أنطق !
لا تـــتـــنــهـــد :
باك
شاورما بالشطة:
حياك
لا تـــتـــنــهـــد :
يووه دقيقة مرام اوكيه ؟
شاورما بالشطة :
وش عندك أنت ؟ عالعموم أنا بطلع ألحين أوكي ؟
لا تـــتـــنــهـــد :
لا استني لا تطلعين ما قلتلك الساللفة ؟
* الله يغثك أنت و سالفتك
شاورما بالشطة :
بسررعة طيب ..
بعد دقيقتين رجع راكان ..
لا تـــتـــنــهـــد :
باك
شاورما بالشطة :
حياك
لا تـــتـــنــهـــد :
أيوه .. شوفي تذكرين من فترة كنت تسولفين عن أنك لو بتصيرين خطابة
بتخطبين مضاوي أختي لثامر ولد عمتي ؟
شاورما بالشطة :
كح كح وش هالغبار ؟يا قدمك
شاورما بالشطة :
طيب إيه اذكر و بعدين ؟
لا تـــتـــنــهـــد :
و لا قبلين
شاورما بالشطة :
يوووه وش دخل هذا بالسالفة ؟ إذا أنت فاضي تراي مشغولة ؟
لا تـــتـــنــهـــد :
لا والله مشغولة بإيش يا حسرة ؟ عموماً من قالك أني فاضي نسيتي أني
بروح اجيب أهلي من السوق ؟
* لا زم يرمي كلمة تجرحني
شاورما بالشطة :
يالله باي أمي تناديني ؟
* يوووه شكلها زعلت , آفف من هاللسان .. قصدي هالأصابع
لا تـــتـــنــهـــد :
طيب أستني خليني أكمل ؟
شاورما بالشطة :
للحين ما خلصت سوالفك البايخة مثل وجهك؟
تدري الشرهة مو عليك الشرهة علي الي مضيعة وقتي معك
* كأني أشم ريحة بلوك ! و الله شكلي مصختها بقولها السالفة و أمري على
الله !
لا تـــتـــنــهـــد :
الله يسامحك , عموماً السالفة بإختصار من كم أسبوع كلمت عمتي تخطب
مضاوي أختي لثامر ولدها و وافقنا عليه و بعد بكرة بيجي يشوفها .
شاورما بالشطة :
أ ح ل ف
لا تـــتـــنــهـــد :
والله العظيم
شاورما بالشطة :
لا تـــتـــنــهـــد :
ههههههههه كل هذا من الصدمة , و إلا زعلتي عشانهم ما
عطوك حقوق الخطابة ؟
شاورما بالشطة :
يا حبي لي , و الله يطلع مني شكلي من جد بشتغل خطابة .
لا تـــتـــنــهـــد :
عاد الله يسلمك لا كثر البزنس عندك لا تنسين تدورين لي
شاورما بالشطة :
أنت بالذات ما فيه أمل أتعامل معاك ؟ ألحين عشان سالفة بسيطة تنقال
بثلاث ثواني ذليتني عليها إممم أسبوع ؟
لا تـــتـــنــهـــد :
لا والله أنا ما ذليتك كنت ناوي أقولك من زمان بس قلت خلي الموضوع
يصير رسمي..بعدين مستغرب أنه مضاوي ما قالت لك مو أنتو صديقات ؟
* والله أنك صادق ! صدق مجتمعنا متخلف وش فيها إذا هي قالت لي أنه ثامر خطبها ؟
لا تكون تحسبني بأنظلها..و الله عاد يا مضاوي لو تدرين أن اخوك يمون لدرجة أنه قالي
عن خطوبتك قبلك وش بتسوين؟
هههههه وش تسوين اصلن الحق لي أني أزعل يعني بالذمة وش شكلي و أنا
أعرف من ولد خالتي عن خطوبة أخته !
* لا تـــتـــنــهـــد يرسل لك إشارة تنبيه !
شاورما بالشطة :
خــيـــر !
لا تـــتـــنــهـــد:
وين رحتي ؟
شاورما بالشطة :
رحت السطح
لا تـــتـــنــهـــد:
هههههههههه عجبك الإهداء ؟
شاورما بالشطة:
ههههههههههه الله يرجك .. والله ضحكت من قللللللللب و رئة و
شرايين بعد .
لا تـــتـــنــهـــد:
بس ما قلتي وش رايك بالخطوبة ؟ ما أحسك متفاجئة ؟
من جد تتوقعين هو حاط العين عليها من زمان و إلا جت صدفة ؟
* يا حليلك يا راكان تبغاني أقولك أن مضاوي تموت بثامر ولد عمتكم من
يومها صغيرة ؟
شاورما بالشطة :
تقدر تقول رمية من غير رامِ !بس على العموم الله يوفقهم و يهنيهم إن
كانوا مكتوبين لبعض!
لا تـــتـــنــهـــد:
إخص منتي سهلة و تعرفين رمية من غير رامي ؟
شاورما بالشطة :
ههههههه أعرف رامي و أعرف الهداف بعد ! بعدين تراها تنكتب رامِ <<--
كذا مو بالياء
لا تـــتـــنــهـــد:
هههههههه قلبنا حصة إملاء
شاورما بالشطة :
إي والله .. يالله ضف وجهك و مشكور على السالفة الحصرية
لا تـــتـــنــهـــد:
وين اضف وجهي ألحين الساعة 9 و 10 دقايق و أمي مواعدتني الساعة 10 ,
يعني بتنطقين هنا لحد ما تجي الساعة 9 و نص و إلا ربي يرحمك و يدخل أحد معي على المسنجر
شاورما بالشطة :
يووووه الساعة 9:10 يالله مع السلامة جا مسلسلي و بيخلص و كله منك !
لا تـــتـــنــهـــد:
أي مسلسل يمكن يعجبني
لا تتنهد لا يمكنك إرسال الرسالة لأن الحالة المعينة لـشاورما بالشطة هي
غير متصل !
*ما عنددددها وقت !
بعد مرور ثلاثة أيام على آخر محادثة بينهم , قررت مرام بالعاني أنها
ما تدخل مسنجر مع راكان , عشان ما تحرجه
بموضوع أخته مضاوي , أو بالأصح تنحرج هي لأن مضاوي ما قالت لها !
خصوصاً أن خالتها ما عطت أمها خبر !

[جودي ابوت]

الجــــــزء الرابـــــع ..
اليوم كانوا في بيت أمهم نورة الي من توفى زوجها أبو عبدالله و هي
ساكنة بالبيت مع ولدها فيصل و زوجته الحامل ..
كانت مبسوطة عالآخرر بجمعة بناتها و حريم عيالها الأسبوعية ..
و الكل كان ملتم حولها و سوالف و قهوة , و فجأة ..
مادورا إلا بأم عبدالله تنط ذيك النطة و هي تشرب فنجال قهوتها :
ام عبدالله: ترانا بنروح لمزرعة الخرج ذا الأسبوع و كلكم بتجون !
- الكل بدا يتغمغم و محد كان مقتنع بالروحة , بس طبعاً بناتها ما يقدرون
يقولون لا !
بس حفيداتها - ( مرام و مضاوي بنت خالتها,و بنات خالهم عبدالله وجدان و
شيماء و نورة و أخيراً ليلى بنت خالتهم وسمية ) -ما عجبتهم الفكرة !
كانوا يجلسون على كنب مستقل و سمعوا نطة جدتهم ..
مرام : يووووه وش قصة أمي نورة مع مزرعة الخرج!
ليلى: وشفيها مرووم خلينا نطلع مع بعض من زمان ما تجمعنا في المزرعة ؟
وجدان: إحنا مب رايحين معكم و هذا أهم شي
مضاوي:خييييير ! ما سمعتي أمي نورة تو تقول كلللكم بتروحون .
وجدان : لا يا حبيبتي إحنا بنروح الشرقية مع خالاتي يوم الإربعاء .
مرام:يوووه كملت يعني بنروح عشان نتقابل أنا و أنتي – وتأشر على مضاوي!
ليلى : خيير و أنا وين رحت !
مرام : مدري أخاف أمك ما توافق عشان عندك دور ثاني – وتطلع لسانها - !
ليلى : إيه طيب ما توافق ! إذا بتروحون بروح معكم و بقولها عشان مرام
تدرسني إنجليزي – وتطلع لسانها - .
و تنط الخالة وسمية بالسالفة :
وسمية : إي والله صادقة ليلى , ليتك تدرسينها إنجليزي يا مرام .. أنتي
بسم الله عليك متخرجة من الإنجليزي و كودها تفلح على يدينك !
مرام : سوري خالتي ما أعرف أدرس بنتك البليدة ذي ! بعدين ترا الدروس
الخصوصية مو ببلاش !
وسمية : أبد درسيها و لك علي إذا نجحت أن أعطيك الي تبين , حتى لو
تبين معرس – وتضحك-
مرام تضايقت من خالتها ! أفففف والله توي صغيرة ليش غصب يحسسوني إني
عانس !
مرام : لا والله توني صغيرة على العرس , بخلي العرس للي يبيه – و
تطالع مضاوي –
- مضاوي أستحت بس في بالها أن مرام للحين ما تدري عن ثامر , مسكينة
مضاوي تحسب مرام تحارشها!
وجدان : إي و الله يا عمتي إذا عندك معرس حوليه علي شكل مرام مطولة .
و مادرت وجدان إلا و أمها تعطيها ذيك النظرة .. أختها شيماء تضحك و
تهمس لها: قلعتك تستاهلين , توك متخرجة من الثانوي لاحقة على العرس .
مرام : شوفي يا ليلى إذا والله فيه
شي مو فاهمته ترا عادي بشرحلك , وبدون عريس – وهي تغمز لها –
ليلى : أجل خلاص بجيب كتبي كلها في المزرعة !
مرام : وش هالاستغلالية ! إحنا إتفاقنا كان على الإنجلش ؟ بعدين عمتي
ليلى أنتي راسبة بكم مادة ؟
ليلى وبابتسامة عريضة: 5 مواد , بس المجموع 7 كتب .
مرام : الله يزيد و يبارك ! لا و متأملة بالنجاح !
وسمية – أم ليلى -: فالتس ما قبلناه !
ليلى : هههههههه يا حوبي لتس يا أوميمتي شفتي وشلون قلب الأم يا
مرامووه قال إيش قال زيد و بارك!
مرام : ههههههه لا و الله أنتي مو صاحية أنا عارفة أولى ثانوي مو سهلة
بس 7 كتب كثيرة!
ليلى : لا و أبشرك الإنجليزي حاملة الفصل الأول و الثاني !
بغت مرام تغص بالعصير الي تشربه !
و في بالها : لا حووول فصلين لا و إنجليزي يعني كتابين يعني 4 كتب !
ليلى : بسم الله عليتس كل ذا تحبيني و خايفتن علي !
مرام : لا و الله خايفة علي . مالت عليك و على نتيجتك
لو أنك ماخذة مؤبد كان أهون .
- وضحكوا البنات .. وخلصت السهرة و الكل راح لبيته يستعد لمزرعة الخرج !
مرام من اول ما رجعت بدت الدوامة مع أمها , تحاول تقنع فيها أنهم ما
يروحون المزرعة !
مشاعل – أم مرام - : مراموووه و وجعتين ! لا تغثيني قلت بنروح يعني
بنروح !
مرام : طيب أنتي روحي مع أخواني بدوني !
مشاعل : وش نقول لهم إذا قالوا وينها ؟بعدين وشلون نخليك بالبيت لحالك؟
مرام : وديني بيت أمي سارة ! أكيد عماتي بيتجمعون عندها الخميس و
الجمعة !
مشاعل : لا والله من متى أنا أخليك تروحين لبيت أمك سارة و تنامين
عندهم ؟وش تبين اخواتي يقولون ؟ أكيد بيحسبونك ما تبينهم ؟
مرام بعصبية : إيه بصراحة ما أبيهم !
مشاعل : خير إنشالله وش هالكلام ؟ وش الي ما تبينهم و أنتي اليوم كنت
تسولفين وتضحكين معهم!
مرام : يمه أسولف معهم شي و اروح أقابلهم المزرعة 24 ساعة شي ثاني ؟
بعدين سمعتي ليلى بنت اختك وش تقول ؟
عمتي ليلى تبغاني أدرسها أربع كتب ! ما دريت والله بروح أستانس و أوسع
صدري و إلا اروح أشتغل مدرسة خصوصية !
مشاعل : أستحي على وجهك مو أسمها بنت أختي اسمها بنت خالتي تخلخلت
عظامك!
مرام : إيه خالتي ذي ما سمعتيها و هي تتميلح و تقول درسيها وأجيب لك
المعرس ! وش عليها مني إنشالله عمري ما أعرست , لا أكون قاعدة على قلبها !
مشاعل : استحي على وجهك وش هالحكي ؟ بعدين تراها صادقة منتي صغيرة و
ما فيها شي لو جابت لك معرس تراها خالتك و في مقام أمك .
مرام : حتى أنتي يمة ! طيب إذا أنا هم على قلبك قوليلها تدور لي على
عريس !
مشاعل : مرام وشفيك أنتي من جينا و أنتي مسوية لنا سالفة من لا شيء !
بعدين ما يحتاج اقولها تدور على عريس . يكفي آخر ناس تقدموا لك و أنتي رفضتيهم بدون سبب !
مرام : يمه لا تجننيني ! وش
الي بدون سبب ! الرجال مطلق و أنا بنت ! وش ناقصني عشان آخذ واحد مطلق!
مشاعل : مو ناقصك شي بعدين و إذا صار مطلق ؟ تراه ولد عايلة و ما
عليهم كلام .بس أنتي الي تتدلعين!
مرام – وعيونها تدمع - : لهالدرجة أنا رخيصة بعينك يمه ! واحد مطلق و
ما ندري وش سبب طلاقه و تبغين اقبل فيه !
مشاعل : يقولون البلا من مرته !
مرام : أجل وش تبينهم يقولون ؟ تبين أهله يقولون لك طلقها لأن البلا
منه ؟
مشاعل : و أنتي وش دراك أن البلا منه !
و بهاللحظة يدخل عبد المحسن- أخو مرام و يجي بعدها بالترتيب عمره 17 سنة
عبد المحسن : أي بلا ! تراي و الله يمه مو مسوي شي !
مشاعل : الي على راسه بطحة و تغمز له .
يجي عبد المحسن و ينسدح عليها بدون كلام وما أنتبه لأخته ..
عبد المحسن : يمه تكفين كلمي أبوي يشتري لي سيارة .
مشاعل : يا ولدي خلاص أبوك وعدك و السيارة بتجيك السنة الجاية بس أنت
شد حيلك و جب النسبة الي ترفع الراس !
عبد المحسن : يعني وش ذا يمه و الله صرت استحي قدام خوياي يوديني و
يجيبني السواق! إلا إذا ترضون أني أتعقد وأطيح بكبودكم و محد يزوجني !
مشاعل : بسم الله عليك وش هالحكي قم بس – و تدف راسه –
يوم أعتدل بجلسته أنتبه لأخته و شكلها متضايقة مرررة .. ويقوم و هو
يهز و يرقص و يقرب منها عشان يحارشها:
عبد المحسن : هيلا يا رمانة هلا هيلا يا رمانة .. الحلوة زعلانة ..
مروووم زعلااانة .
مرام : عن إذنكم .
عبد المحسن : وش فيك مرام قاعد أكلمك ما تردين ؟ أحد مزعلك بشي !
مشاعل : ما فيها شي بس تتدلع ما تبي تروح معنا المزرعة .
عبد المحسن : طيب لا تروح وش المشكلة .
مشاعل و هي قايمة : اقول أنت بس أسكت و ما عليك منها , وتراك أنت
بتروح بعد .
عبد المحسن : طيب بسم الله علي وشفيك قلبتي علي , تبيني أروح رحت كم
أم عبد المحسن عندي!!
مشاعل : إيه على بالي بتسوي لي مناحة زي أختك !
و يقوم عبد المحسن لغرفة أخته , و يطق الباب ..
مرام : نـــعـــم !
عبد المحسن : أنعم الله عليك وفتح لك أبواب رزقه ! افتحي بكلمك شوي .
و تفتح الباب و يدخل عبد المحسن يروح يجلس على الكرسي الهزاز الي
بغرفتها و هي ترجع لمكتبها و تكمل شغلها على اللاب توب ..
عبد المحسن : مرام , لا تزعلين من أمي .. ترا و الله مو قصدها .
مرام -بدون اهتمام- : طيب .
عبد المحسن : ممكن تخلين الي بيدك تراه موب طاير !
مرام : نعم , هذا اللاب توب و تركناه !
عبد المحسن : الله يعين رجلك عليك وش هالأسلوب؟
مرام : شف لو سمحت لا تفتح هالطاري قدامي مرة ثانية ! و إذا أنا طايحة
بكبودكم لهالدرجة حطوا إعلان بالجرايد "مطلوب عريس حالاً"
عبد المحسن: هههههههه و بالمرة بحط بين قوسين ترا هدية أخوها كامري 2010 !
مرام : .......
عبد المحسن : طيب تراها مزحة المفروض الناس بعد ما أحد يمزح يضحكون و
يقولون هاهاهها أو إذا ما عجبتهم بالمرة يقهقهون , ويقولون قهقهقهقهقهقه
غصب عنها مرام ابتسمت ..: و الله ما يضحكني في هالدنيا إلا أنت !
و أنتبهت لصوت تسجيل دخول , ألتفتت لقته راكان و على طووول دخل معها
بمحادثة !
Fly Me to The Moon :
سلام
Fly Me to The Moon :
يا ساتر منك وش هالنك ؟!
* وش هالوهقة ! و على طووول راحت تغير الحالة من متصل إلى مشغول .
عبد المحسن : من هذي ؟!
مرام – وهي تبلع ريقها -: وحدة من بنات الجامعة .
عبد المحسن : طيب قولي لها عندي أخ في مقتبل العمر وسيم و يرغب في
التعرف على بنت من بنات الجامعة .
مرام : ضف وجهك ! قال إيش
قال تعارف قال !
عبد المحسن : طيب بضف وجهي , بس أسمعي مرام أنا أدري أنك زعلتي من أمي
عشان سالفة المزرعة , بس يا بنت الحلال وسعي صدرك ترا الدنيا ما تسوى ,
إذا على المزرعة ترا محد يكرهها كثري بس هذاني أنجبرت أروح مثلك ,
مع العلم أنك بنت و انا ولد بس هذاني أمي تغصبني زيي زيك – ويغمز لها
مرام : ليش يعني في العرف عندك ان البنت عادي تنجبر و الولد لا !
عبد المحسن و هو قايم بيطلع: يوووه ألحين اشتغلت جمعية حقوق المرأة ,
يا بنتي خلاص آسفين و حقك علي .. و روحي شوفي بنات الجامعة لا تبطين عليهم ..
-رجعت مرام للاب توب , و فتحت المحادثة حقت راكان مرة ثانية ..
Fly Me to The Moon :
شكلك مشغولة إذا فضيتي تراي هنا
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
و عليكم السلام
Fly Me to The Moon :
وش فيك عسى ما شر ! أخبر هذا الدعاء إذا يئس المريض من حياته !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
طيب أنا يائسة من حياتي فيها شي لو دعيت على نفسي بالراحة !
Fly Me to The Moon :
لا ما فيها شي ؟ مرام عسى ما شر شكلك موب في المود !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
خليني ساكتة أحسن !
Fly Me to The Moon :
براحتك .. بس من جد إذا فيه شي مضايقك بحاول أساعدك قد ما اقدر .
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
بصفتك مين ؟!
Fly Me to The Moon :
نــعـــم !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
آسفة راكان أنا واصلة حدي عالآخررر مليت من حياتي و الله العظيم مليت !
Fly Me to The Moon :
أذكري ربك و تعوذي من الشيطان .
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
أعوذ بالله من الشيطان الرجيم....
Fly Me to The Moon :
طيب أنا ما اقدر اساعدك بشي غير أني أقولك مهما كان الشي الي مضايقك
كبير.. ترا ربك أكبر .. وهو ألحين قريب منك أدعي ربك يخفف همك و أنا بعد بدعي
لك و إلا أحسن شي قومي صلي لك كم ركعة و أنتي تدرين الحين وقت النزول
الرباني.
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
مشكور ما تقصر .. جزاك الله خير .
Fly Me to The Moon :
يالله اتركي كل الي بيدك و قومي صلي !
* يووه وش يبي ذا ؟ طيب وشلون أقوله ما علي صلاة !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
بخليها بآخر الليل , سمعت أنه النزول الرباني يكون بآخر ساعة قبل
الفجر....
Fly Me to The Moon :
براحتك .. أهم شي وسعي صدرك يا بنت الحلال ترا الدنيا و الله ما تسوى
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
معك حق .. بس والله مليت !
Fly Me to The Moon :
مليتي من إيش !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
مليت من أسلوب حياتي ! ليش مضطرة أنه غيري يتحكم بحياتي ؟!
أنا بنت عمري 21 سنة و للحين مضطرة أن أمي و أخواني يمشوني على كيفهم !
البنات في المجتمعات الثانية تعتمد على نفسها من يصير عمرها 16 سنة !
وأنا للحين أعامل مثلي مثل ريناد أختي كأني السنة الجاية بروح للروضة !
Fly Me to The Moon :
شوفي أنتي لو تقارنين بينك و بين "بنات المجتمعات الثانية" رح تتعبين .
بس أحمدي ربك على الوضع الي أنتي عايشته .
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
عطني سبب واحد عشان احمد ربي عليه !
Fly Me to The Moon :
بنت أستغفري ربك ! أحمدي ربك انك لاقية سقف يضمك تحته !أنك لاقية لقمة
تاكلينها و أنتي مو دافعة قيمتها !على نعمة اللبس و نعمة النوم و أنتي مرتاح بالك !
لا وراك إيجار و لا وراك ديون ! و إلا أنتي تحسبين الاستقلالية مالها ثمن !
بعدين عمرك 22 مو 21
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
النعم الي أنت تعدهم هذي أحمد ربي و أشكره عليها .. بس مو على حساب
استقلاليتي !أنا من تخرجت ومحد لاقي سيرة غيري !
وش عندها ما أعرست ! تراها موب صغيرة !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
لا و ما توظفت بعد ! عز الله صار يضرب فيني المثل في العايلة : وش له
تكملون الدراسة ؟هذي مرام بنت مشاعل تخرجت لا هي بالي توظفت و لا هي بالي أعرست !
و الله العظيم توني صغيرة عمري ما بعد كملت الواحد و عشرين وبدوا يسوون لي شغل العوانس!
Fly Me to The Moon :
ههههههه طيب ببلعها غصب و بصدق أن عمرك 21
بس من متى أنتي يهمك كلام الناس ؟ الي أعرفه أن حكمتك بالحياة : أنا
>>ملء جفوني عن شواردها وحطي خطين تحت النوم ههههههههههه
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
تستخف دمك أنت الثاني بعد ! إيه عمري 21 و إذا مو مصدق اروح أجيبلك
شهادة الميلاد و أسوي لها سكان !
Fly Me to The Moon :
لا لا مصدق ! بس من جد اتكلم أنتي لا يهمك كلام الناس خلك واثقة من
نفسك إذا أنتي تحسين نفسك صغيرة و بدري على العرس ما عليك من الناس ؟
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
آآآآآآه خلها على الله إذا صار البلا من اقرب الناس الي المفروض
يدعموني وين بتجي الثقة بالنفس؟
* هذي أكيد خالتي ! والله مسكينة الله يعينك !
Fly Me to The Moon :
فيه أغنية لكاظم الساهر عندي بس متعيجز أجيبها لك أحسها تنفع لك : لا
لا تتنهد / لا لا لا تتنهد بعد شوي الضحكة
تعود / و النارالي في صدرك تبرد لا لا لاتتنهد
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
ههههههههه يا شين العجَز .. بعدين وش عندك للحين تسمع كاظم ؟
Fly Me to The Moon :
للحين و إلى بعديـــــــــــــــــــــن
تراي إذا حبيت أحد اخلص له إلى الأبد
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
ههههههههههههههههههههههههههه
Fly Me to The Moon :
مع أني مدري وش سبب الضحك
بس بعديها لك احتراماً لمشكلتك الي حليتها
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
أي حل ؟
Fly Me to The Moon :
مو أتفقنا أنك بتقومين تصلين ركعتين !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
إيه صح بس هذا حل لنص المشكلة !
Fly Me to The Moon :
لا حول و لا قوة إلا بالله صارت مشكلتك Puzzlعطينا النص الثاني
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
آآآآآآآآه أمي نورة تبي تطلعنا المزرعة بالويك إند , و أنا ما أبغى بس
أمي غاصبتني !
Fly Me to The Moon :
حتى أنتي بعد ! تو وأنا مع مضاوي و أمي بالصالة بدو يتناقرون و بغت
توصل بينهم للشيطان الرجيم !
عاد أنا قمت من عندهم لا يجيني نصيبي وما دريت إلا أمي تلتفت علي و
أنا قايم و تقول لي تراك أنت الي بتودينا !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
هههههههههه والله أمي نورة مستبدة ! شكل العايلة كلهم ما يواطنون
المزرعة و مع ذلك أتحدى أحد ينفس بكلمة عندها !
Fly Me to The Moon :
على قولتك شكل العايلة كلها مغصوبة !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
يا حظ بنات خالي عبد الله بيروحون للشرقية مع خوالهم مو إحنا !
Fly Me to The Moon :
هههههههههه وش رايك أقنع أمي نورة نمشي
لمكة بدال الخرج
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
يا ويللللللللللللللك
Fly Me to The Moon :
ههههههههههه لهالدرجة السفر الجماعي معنا لا يطاق !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
أنت عارف أهم سبب يخلينا يالبنات ما نبغى المزرعة ! أنتو يالتماسيح !
Fly Me to The Moon :
آفااااااا وش دعوة ؟ الي يشوفنا يقول ماسكين العصا و رادينكم لا
توسعون صدوركم !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
أنتو.. ماسكين ألعن من العصا ! المشكلة كل الأشياء الي توسع الصدر عندكم !
صالة البلياردو , المسبح , الدبابات ! عاد تمنيت جدي الله يرحمه حاط
المطبخ عندكم عشان نفتك يالبنات من همه , كل كلمة والثانية قوموا جيبوا الشاي قوموا
صلحوا لنا كيك!
Fly Me to The Moon :
هههههههههههههههههههههههههههههههههههههه
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
الي قهرني آخر مرة طلعنا رحنا لخالي فيصل و قلنا له خل الشباب يطلعون
للدبابات عشان يخلى لنا الجو بالمسبح !
يوم دق علينا قال أنهم طلعوا للدبابات بس بقى محمد ولد أخوي عبدالله و
معه أصدقاه بالمسبح ! يعني قمة اللعانة ! لا قدرنا نلعب دبابات و لا قدرنا نسبح!
Fly Me to The Moon :
ههههههههههههههههههههههههههههههههههههههههه
والله رحمتكم , من جد ما قد أنتبهت ها أن أبوي سعد الله يرحمه حاط كل الترفيهيات بقسمنا!
بس أنتوا ما عندكم سالفة المفروض يوم خلصوا محمد و ربعه من المسبح طبيتوا عقبهم !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
وععععععععععععععععععععععععععععععع
تبغانا نقبل المسبح من عقب تماسيح
Fly Me to The Moon :
هههههههههه قلعتكم مسوين فيها رقيقات و نظيفات !
طيب وش قعدتوا تسوون غير الكيك والشاهي ؟!
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
قعدنا نلعب مونوبولي , تصدق بالله أول مرة في حياتي ألعب مونوبولي و
تخلص!
Fly Me to The Moon :
ما فهمت ؟!
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
يعني بالعادة لعبة المونوبولي حدنا فيها ساعة بعدين نطفش و نبطل ! ذيك
المرة من الطفش
خفنا تخلص و ما نلقى شي نسويه ؟أنت عارف للحين مخلينها هناك عشان لو
رحناعلى الأقل نوسع صدورنا بشي !
Fly Me to The Moon :
ههههههههه و عندي لكم نصيحة جيبوا معكم أونو تراها توسع الصدر !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
لا ما أحبها بس من جد راكان ما ودي أروح المزرعة والله قررررررف بعدين
ألحين صيف و أكيد مليانة حشرات وعععععععععععع
Fly Me to The Moon :
هههههههههههههه
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
آخخخخ أضحك وش وراك مارح تشتغل مدرس خصوصي
Fly Me to The Moon :
ليش عساك بتعطين دروس خصوصية !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
إيه ليلى بنت خالتي راسبة بخمس مواد و تبغاني أدرسها إنجليزي إذا رحنا
المزرعة !
Fly Me to The Moon :
ههههههههههههههههههههههههههههههههههههههههههههههه
خمس مواد مرة وحدة يا حبي لها هالخبلة هههههههههههههههههههههه
اللهم أحيني ما علمت الحياة زيادة لي في كل خير,و توفني ما علمت الوفاة راحة لي من كل شر :
ضحكت من سرك مالت عليك ! بعدين هي هي أنت وش يا حبي لها !
Fly Me to The Moon :
إيه يا حبي لها وش عليك أنتي ؟
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
وجععععععععععععععععععععععع هي أنت ترا ما ارضى عليها وش الي يا حبي لها !
Fly Me to The Moon :
هي هي لا يروح بالك بعيد نسيتي أنها اختي من الرضاع !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
أشوى .. إلا ألحين وش زود ليلى يوم يرضعونها وأنا لا ؟!
Fly Me to The Moon :
ليه أنتي محد رضعك !
االلهم أحيني ما علمت الحياة زيادة لي في كل خير,و توفني
ما علمت الوفاة راحة لي من كل شر :
لا يا حسرة
Fly Me to The Moon :
إممم تعالي أنتي ما فيه أحد بعمرك ! نسيتي أن من 22 سنة محد شرف على
الدنيا بالعايلة غيرك !
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
وجعععععع ألحين من الصبح اقولك 21 .. صدق إذا قالوا الأقارب عقارب !
Fly Me to The Moon :
عقارب بعينك ! يالله وجععع بروح أنام .
اللهم أحيني ما علمت الحياة زيادة لي في كل خير,و توفني ما علمت
الوفاة راحة لي من كل شر :
بون نوي .
Fly Me to The Moon :
هههههههه وأنتي من أهله....
* يا حبي لك يا راكان والله أنت الوحيد الي تقدرني بالعايلة كلها

[جودي ابوت]

الجـــــــزء الخامــــس ..
في مزرعة الخرج .. كانت الجدة نورة بسيارة ولدها فيصل و زوجته هدى أول
الواصلين ..
من حماس الجدة ما خلت فيصل يفطر هو وحرمته .. الحرمة من خلصت مصلية
الفجر و هي لابسة عباتها
حتى الخدامات صحتهم بدري , و رجت البيت رجة الي يشوفها يقول عزيمة
مندي وهي الي بتطبخ !
طبعاً فيصل ما يقدر على أمه و يدري أنها بتمشيهم على هواها و ما وده
يروحون يرتزون بالمزرعة لحالهم !
حاول يوهم أمه أن عنده مشوار ضروري للسوبر ماركت عشان يجيب مقاضي بس
أمه ما خلته :
ام عبدالله: اقولك موب لازم تجيبهم , دق على واحد من عيال أختك و هم جايين
يجيبون المقاضي معهم ترانا أبطينا !
فيصل: وش أبطينا عليه يمه والله لاحقين أصلن ما بعد تحرك أحد ترانا بنكون
أول الواصلين !
ام عبدالله: شف عاد بتوديني آلحيييين , وإلا بخلي عبد الحي يوديني !
فيصل: تسوينها والله .. طيب بس ترانا بالطريق بنمر البقالة باقي أشياء ما
شريناها !
ام عبدالله: وش غرضك يوم أنك عارفن أننا بنروح للمزرعة من زمان ورا ما جبت
الأغراض هاه ؟!
و عشان يصرف الموضوع :
فيصل: هدى .. هدى يالله ترانا بنركب أنا و أمي لا تبطين علينا !
و تنزل هدى تتمخطر .. و هي تسحب العباية ..
هدى: هذاني نزلت ..
فيصل: يالله يالله ترانا أبطينا !
يالله يمه .
- و يمسكون خط الخرج , و مثل ما توقع فيصل وصلوا بدري و ماكانوا الهنود
متوقعين وصولهم
من وصلوا راح هو و زوجته لوحدة من الغرف وشغلوا التكييف و كملوا
نومتهم ..
أم عبد الله راحت مع وحدة من الخدم تدور بالمزرعة , تتطمن على الغنم و
الدجاج .. وقررت تقعد بالدكة تتقهوى لحالها ....
بعد مرور ساعتين وصلت سيارة Gmc سودا كان يسوقها راكان
... راكب بجنبه أخوه عبد الملك – 16 سنة – و أمهم , أخته مضاوي مع
الخدامات ورا ..
كان الكل بالسيارة يغط بالنوووم , بس صحوا من السيارة مرتاعين على صوت
الكلكس ..
راكان : ههههههه خوفتكم صح النوم !
عبد الملك : عمى إن شاء الله وش عندك أنت !
أم راكان : عمى يعميك و يقطع آذانيك . لا تدعي على ولدي !
راكان : إيه يمه تعجبيني , هي أنت نسيت أني أخوك الكبير وفي مقام أبوك!
عبد الملك: آفففف أنا وش مقعدني معكم قدام , الحمدلله اننا و صلنا بس !
و يروح راكان لم الباركينق ويلاقي سيارة فيصل خاله ..
راكان : ههههه يا حليلها أمي نورة و الله صاروا أول الواصلين .
و توه بينزل الأغراض من السيارة إلا و الخدامة جاية من داخل ..
راكان: وين بابا فيصل؟
الخدامه: نايم .
راكان: أجل أنا بروح لقسم الرجال و أنت – يأشر لعبد الملك أخوه – تعال معي
و يروحون لقسم الرجال ويوم مروا من عند الدكة لقوا أمهم نورة منسدحة
.. بس ما كان مبين هي نايمة و إلا لا !
عبد الملك يروح يركض و هو متشقق من الوناسة هو يحب يهبل بها .. و لما
قربوا من عندها..
راكان يلحقه ركض ولما وصلوا الدكة صرخ بأعلى صوته :
عبد الملك لاااااا ووجعععع !!
إلا و أم عبد الله تفزع من النوم ..
أم عبد الله :بسم الله الرحمن الرحيم ..وش فيكم وش صاير ..
عبد الملك غشى من الضحك .. يوم وصل راكان درا أنها كانت نايمة ..
راكان : ما فينا شي يمة .. بسم الله عليك عسى ما أرتعتي ..
ويحب راسها و يجلس جنبها ..
أم عبد الله : راكان .. هلا والله بوليدي - وتعدل جلستها- وينك يمه ما
تجي تسلم ما تقول بروح لأمي نورة أسلم عليها....
عبد الملك – وهو يضحك - : لاهي يمة مع العرس و أم العيال ناشبتن له
مسيكين أخوي هذا و إنا ساكنين معهبنفس البيت ما نشوفه !
و عطاه راكان نظرة
أم عبد الله – مسوية فاهمة -: إيه الله يوفقه بس , وشلونها مرتك عساها
طيبة !
هنا غشى راكان و عبد الملك من الضحك مررة وحدة ..
وأم عبد الله ما فهمت ليش يضحكون: ضحكوني معكم يا مال العافية والصلاح
و الستر ..
و يحاول راكان يمسك نفسه :
لا يمه ما فيه شي سلامتك .. بس ما عليك من ذا الخبل .. بعدين يمه
تراني ما بعد أعرست وإلا خلاص مليتوا و تبون الفكة مني !
أم عبد الله بتحكي يوم شافت عبد الملك للحين يضحك : ملــيّــك و وجع !
ما بعد صرت أصغر عيالكم يوم إنكم تتهزون بي !
و يقوم عبد الملك يحب راسها .. آفا يا أم عبد الله أنتي الخير و البركة ..
إلا وش رايتس يمة تزوجيني بس و ما عليتس من راكان شكله ذا مب معرس أبد !
أم عبد الله : إي والله يا راكان وش بلاك ما بعد أعرست , تراك يا ولد
مب صغير!
راكان هنا يحاول يغير الموضوع :إلا وين خالي فيصل ما أشوفه ؟
عبد الملك : تراه يمه يصرفتس هههههههههههه ألحقي عليه و أنا ولدتس ..
أم عبد الله تشد أذن عبد الملك : ورا ما تسكت أنت هاه !
و يغشى راكان من الضحك ..
وبهاللحظة تجي أم راكان معها صينية القهوة و يفز راكان ياخذها من يد
أمه الي راحت تسلم على أمها ..
.. و بعد السلام ..
أم راكان : وشفيكم تضحكون من شوي ؟!
أم عبد الله : أنتي ألحين ورا ما تزوجين ولدتس ؟ وش بلاتس عجزتن عنه !
أم راكان : هذا هو عندتس يمه إذا بتقوين عليه يالله أخطب له من بكرة ..
راكان متضايق : يوووه يمه وش هالكلام لا تكونون مليتوا مني بس !
أم عبد الله : وش ذا الحتسي يا ولدي ! ألحين نبيك تكمل نص دينك عسى
الله بس يرزقك بالمرة الصالحة....
و بهاللحظة يرن جوال راكان , لقاها فرصة يقوم يرد عشان يتغير الموضوع...
أم راكان : أبد شفتي يمه من يجي طاري العرس يصرفنا ! وأبد هذي حياتنا
أم عبد الله : هو قاصره شي ؟
أم راكان : لا والله يمه , ما شالله عليه له كم سنة يشتغل .. بس هو
الي ما يبي يعرس !
بعدين الخير واجد و أبوه الي موب مقصر عليه بشي يقوله أنت بس قل أبعرس
و أنا أتكفل بكل شي ..
أم عبد الله : أجل وش عنده تراه موب صغير ألحين هو من عمر فيصل ولدي و
فيصل ولدي متعدي الثلاثين ..
و يغشى عبد الملك من الضحك ..إلا بجية راكان و هو يقفل جواله ..
أم راكان : و أنت بس ما عندك إلا هالضحك و التبطح , ما غير حاط أذنك
عند سوالف الحريم !
راكان : وش عندك ضحكنا معك ..
عبد الملك : فاتك أمك و أمي نورة قاعدين يطبخون خطة عشان يزوجونك
بالأخير أمي نورة سوت إنقلاب عسكري و رمت القنبلة بوجهك تقول أنك يالشايب متعدي
الثلاثين هههههههههههههههههههههههههههههههههه
أم عبد الله – وهي تضحك - : وش يقول ذا الهيس الأربد !
راكان يضحك مجاملة .. والله صادقة مرام يوم تقول أنهم ما يرتاحون إلا
لما يتحكمون بحياتنا !
هذا وأنا ولد قعدوا يدبرون لي طريقة عشان اعرس و يفتكون مني ! أجل وهي
بنت وش بيسوون فيها ؟!
أم عبد الله : هاه وش قلت ؟
راكان : عن وش ؟
أم راكان : قاعدين أنا و أمي نفكر من تصلح لك . بس عاد أنا أقولها ما
نبي من بنات العايلة !
و هي تقولك من شوي أنت وش رايك ؟
راكان : ربي يقدم الي فيه الخير , بعدين يمه نورة أنا ما تعديت
الثلاثين , توني عمري 27 سنة.
أم عبد الله : هي هي وأنا أمك , السبعة وعشرين أخت الثلاثين ! وش
قالوا لك ما أعرف للحساب !
أم راكان : إي ولله أمي صادقة لحق عمرك يا ولدي و أنت شاور لي بالعرس
تراك موب صغير ..
وألحين نقدر نختار لك ونتشرط س بكرة إذا وصلت الثلاثين مارح تتشرط !
راكان : أتشرط ؟
أمعبد الله : إيه تتشرط . نبي لك بنت النسب و الحسب و الجمال و الأخلاق
راكان : و الله أهم شي عندي أنها تصلي و تخاف الله أما الشكل أبيها
مقبولة ..
أم راكان وهي متشققة – أخيراً عرفت أجرك بالحكي :أجل خلاص تم من بكرة
– يوه أستغفر الله بكرة إحنا بالمزرعة – من نرجع الرياض ببدأ ادور لك
راكان : يووه يمه ما دام السالفة فيها بحث خلاص أخطبي لي شروق بنت عمي !!
أم راكان – مو مستوعبة - : وش قلت ؟
راكان توه أنتبه للي قاله .. وشلون فلتت مني هالكلمة : هاه ولا شي .
عبد الملك : قال يمه أخطبي لي شروق بنت عمي .
أم راكان : ادري وش قال بعدين أنت وش مقعدك هنا ..
و يطلع صوت كلكس سيارة ..
عبد الملك :آففف أنا وش مقعدني معكم كل سوالفكم عن العرس , بروح أشوف
من الي جا يمكنهم خالتي مشاعل ..
أم عبد الله : يالله يا بنيتي أخاف أن مشاعل جايتن مع رجلها , يالله
ندخل داخل .
أم راكان وهي قايمة – و تسند أمها - : إنشالله يمه بس يا ولدي لا تخاف إنشالله أول
ما نقضى من ملكة مضاوي بكلم مرت عمك و أخطب لك شروق .
خلى المكان إلا من راكان .. يووه وش فيني المفروض أحس أني مستانس !
أمي و بتخطب لي شروق الي أبيها ! و قعد يتبسم و هو يتخيل نفسه يجهز
الغرفة لهم إممم لا لا بطلع بشقة لحالي خلينا ناخذ راحتنا مع بعض ..
-وما درى إلا و أحد يهمس في أذنه :بووووووووووووووووه
و يفز راكان من الروعة , يوم التفت لقاها ليلى و ميتة من الضحك .. و
وراها أخوه عبد الملك و هو غشيان عالآخررر
راكان : لا بارك الله فيك و لا في هالخبل الي بسبته أرضعتك أمي معنا !
عبد الملك : هي أنت ما أرضى علي !
و تخبطه ليلى بجفاسة .. وجععععع و أنا اقول بيدافع عني ما أقول إلا
مالت ..
عبد الملك يلتفت لراكان : يمه منك نظلتنا تو وش حليلنا و إحنا نتآمر
عليك .. بهالسرعة قدرت تقلبها علي !
راكان : الله يهنيكم ببعض ..ألحين يالشينة وش جايبك لقسم الرجال بدون
عباية ! فرضي جا ألحين أحد من العمال وإلا جت خالتي مشاعل !
ليلى : وشفيك أنت هذا جزاي جاية أسلم على أخواني من الرضاعة !
راكان : إذا هذا سلامك لا تسلمين ! بعدين ودي أعرف وش أستفدتي من
الراعة معنا و أنتي فاشلة لهالدرجة ! نعنبو بليسك ساقطة بخمس مواد !
ليلى أنصدمت من كلام راكان , هي مخبية الرسوب حتى على أبوها !
ليلى : يمممه منك وش عرفك ؟!
راكان قعد يتذكر ..
إممم مدري يمكن سمعت السالفة بالغلط .. إيه صح مــ.. و سكت بصعوبة !
*لدقيقة بغى يزل لسانه و يقول مرام قالت لي !
ليلى : مــ ؟ أكيد مضاوي هالدبة , بروح أهزأها هالحقيرة .. بس أنتبه
راكان لا توصل السالفة لأبوي !
راكان يسوي نفسه يناظر وراها و هو منصدم .. ليلى تجمدت بمكانها ..
أكيد أبوي وراي ..
يوم ألتفتت ما لقت أحد و راحت تلحق راكان بتضربه : يالدب بغيت أموووت
من الروعة , نسيت ان أبوي حطنا ورجع الرياض!
أما عبد الملك كالعادة لقى شي يضحك عليه ..
شوي و إلا فيصل خالهم جاي .. و يوم شاف ليلى أستغرب منظرها و هي تلاحق راكان
* ليلوووه , يالله أدخلي عند الحريم !
ليلى : منيب داخلة , و إلا وش فايدة الرضاعة إذا ما جلست مع أخواني !
راكان : حشا ذليتينا بهالرضاعة , ما سوت خير أمي فينا .
عبد الملك : إي والله يالله انقلعي داخل .. ألحين بتجي خالتي مشاعل
وأكيد الي بيجيبهم أبو عبد المحسن !
ليلى : و إذا صار تراه في حسبة أبوي ..
فيصل : لا مب جايين ألحين تو مشاعل مكلمة تقول إنهم بيجون بعد صلاة
العصر !
راكان : خير عسى ما شر ؟
فيصل و هو يطلع جواله ..
: لا بس توني مقفل منها تقول أنه مرام بنتها تعبانة وأمس كله كانت
بالإسعاف والليل كله ما ناموا منها و إذا صلوا العصر بيجون .
راكان حس كأن قلبه بيوقف : وشفيها عسى ما شر !
فيصل :ما سألتها والله . بس أتوقع أنها متسممة !
ليلى – و هي قايمة - : بروح داخل أعلمهم ..
فيصل : لا تخوفينهم بالذات أمي نورة ترا بالساهل تروّع !
ليلى : لا لا بس بقول لأمي وخالتي .
عبد الملك : يوووه , وش هالطفش أجل عبد المحسن موب جاي بدري يعني بنطق
لحالي !
راكان بعصبية : و أنت بس هذا الي هامك يقولك البنت تعبانة تقول طفش و
بقعد لحالي !
عبد الملك و فيصل يتبادلون النظرات ..
فيصل : أنت وشفيك ترا أخوك ما قال شي ! بعدين تراه موب تسمم خطير أكيد
ماكلة شي بايت و إلا تسممت من أكل المطاعم ..
راكان : وأنت وش دراك توك تقول ما سألتها !
و يقوم راكان و هو متنرفز : عن إذنكم عندي مكالمة مهمة ..
فيصل: وش فيه أخوك ؟
عبدالملك: إممم أمي و أمك قلبوا راسه يبونه يعرس .. وهو يقول مابي !
فيصل: آهه .. و كمل فيصل لعب بجواله..
راكان يمشي و هو متضايق .. ظل يلف المزرعة و هو يفكر .. مرام مريضة !
يا ساتر لا يكون بسبة الموضوع الي قالت لي ذاك اليوم .. الله يلوم الي
يلومك ..هذا و أنا ولد شفت وش لون كلامهم مثل السم ! وشلون و هي بنت ..
لا يكون بس هذا الي مرضها ! الله يستر .. والله ودي أتطمن عليها بس ما
فيه مجال!
قرر يطلع بالسيارة شوي من المزرعة , و يروح لصديقه حمد ..
و يمر الوقت و هو يتمشى مع خويه حمد بالخرج , وداه لاستراحتهم .. و
عزم حمد ربعه
و حلفوا على راكان يبات الليلة عندهم ..
ما قدر يقول لا خصوصاً أنه حمد من أعز أصدقائه .. بس أسـتأذنهم عشان
يبلغ أهله ..
وراح يتصل بأخوه عبد الملك..
ن: راكا هلا عبد الملك , تراي عند واحد من الربع و ببات عنده الليلة , بلّغ
أمي خلاص !
عبدالملك: يوووه ألحين بتسوي لي سالفة طيب ليش ما تدق عليها ؟
راكان: يووه خلاص لا تسوي لي سالفة أنا بلغتك وأنت بلغها قالها تراه بيبات
عند حمد صديقه من ايام الجامعة خلاص .
عبدالملك: طيب , أوامر ثانية !
راكان: لا بس بكرة الصبح بكون عندكم خلاص .
عبدالملك: فاتك على العشا سوينا باربكيو محترم أنا و خالي فيصل و حسونة ..
ويسمع راكان صوت عند عبد الملك : حسونة بعينك أصغر عيالك أنا !
عبدالملك: و أرسلنا لأمي نورة شوي منه بس يقولون ما قدرت تاكله أرها ما جابت
طقم أسنانها
راكان: ههههههه الله يهنيكم , بس وش دعوة مرسلين لأمي نورة بس ! و الباقي !
عبدالملك: الباقي يدلون المطبخ ! بعدين الله يعافيهم البنات مسوين كيك يحبه
قلبك ....
* تذكر راكان كلام مرام له عن المطبخ !
راكان: طيب يوم أن البنات مسوين لكم كيك يحبه قلبي على قولكم ليش ما صرتوا
أحسن منهم و ذوقتوهم من الباربيكيو حقكم !
عبدالملك: وش عندك ركوون صاير رقيق هاليومين وحان البنات , بعدين لا تخاف ترا
عيال عمي ما جوا ما فيه إلا الشيف بنات خالاتي ..
ويسمع صوت عبد المحسن : شيف بعينك , تراك تسب أخواتي و أخواتك يالثور !
راكان: هههههههه تستاهل ما جاك و يالله ضف وجهك و سلم على عبد المحسن ..
عبدالملك: يبلغ مع السلامة .
,, و ظل راكان يسولف مع ربعه و سهروا و كملوا السهرة إلى الفجر ....
بعد صلاة الفجر جابوا البطانيات و فرشوها و كل واحد فيهم أستلم فرشته
إلا راكان ظل يتقلب و ما جاه نوم .. و هو يفكر بأحد معين .... عرفتوا مين ؟!
بعد صلاة العصر ..
رجعوا الشباب للمجلس , و دخل عبد المحسن و عبد الملك لوحدة من الغرف و
قفلوا على أنفسهم عشان ياخذون قيلولة !
راكان جالس مع فيصل يتفرجون على التلفزيون .. وفجأة قام فيصل ..
راكان: على وين ؟
فيصل: بروح عند الحريم , تلاقي ألحين معهم قهوة و حلى و أنواع السوالف ,
وإحنا مقابلين هالتلفزيون .
راكان: آهه طيب أعمل حسابي معك !
فيصل: ههههههههه , تؤبرني حبيب ألبي أنا بروح اقعد معهم !
راكان: و تخليني لحالي !
فيصل: والله أنت أمس مخليني لحالي مع عبد المحسن و عبد الملك !
راكان: يووووه أنا وش جابني ! ليتني قعدت مع الشباب في استراحة حمد !
وطلع جواله .. خليني أدق على مضاوي أشوف وش يسوون داخل !
مضاوي: هلا و غلا راكان ..
راكان: هلا بك .. هاه كيف الاستراحة معكم إنشالله مبسوطين !
مضاوي: يعني .. إلا أنت وينك هذا خالي فيصل جالس معنا ؟
راكان: أنا بمجلس الرجال ..
مضاوي: ليش ما جيت معه ؟ تعال ما فيه أحد غريب .. و أمي نورة تسأل عنك
بعد.. تراها زعلت يوم عرفت أنك نمت أمس عند خويــّك !
راكان: وشلون أجي داخل و البنات ؟
مضاوي: إمممم مرت خالي فيصل نايمة , و مرام بنت خالتي مشاعل ماسكة ليلى بنت
خالتي وسمية تذاكر لها.. داخل يعني ما حولك أحد ..
راكان: طيب يالله هذاني جاي ..
و يروح راكان لقسم الحريم .. و يبدأ بالسلام على جدته أم عبد الله ثم خالاته
مشاعل و وسمية ثم يحب راس أمه و يجلس جنب خاله فيصل و أخته مضاوي ..
وسمية : عاش من شافك يا راكان , وينك فيه مختفي ؟
راكان : والله يا خالتي هالدنيا لاهيتنا ..
أم عبدالله : الله لا يلهينا إلا بطاعته ..
الكل بصوت واحد : آمين ..
مشاعل : هاه يا راكان ما ودك تعرس ؟!
راكان بينه وبين نفسه : " وشفيهم مستلميني على سالفة العرس , أخلص من
أمي نورة تجيني أنتي ! شكلك طقيتني بعين يا مراموووه ! "
راكان : والله يا خالتي إن كان عندك عروس دلينا عليها !
أم راكان : والله العروس عندي أنا - و تغمز له –باركوا لمضاوي بنتي تقدم لها ثامر ولد
عمتنا و ملكتهم إنشالله بعد أسبوعين ..
الكل بصوت واحد : مبروووووووك .. الله يوفقها ....
فيصل : هذي الحركة أسميها خيانة يا مضاوي !
مضاوي -وهي مستحية- : وش خيانته ؟؟
فيصل : وشلون تعرسين قبل مرام بنت مشاعل هذا وهي صديقتك الصدوقة ..
مشاعل ما عجبها الحكي عن بنتها .. بس تبغى تسوي روحها رياضية ..
مشاعل : لا وش خيانته الله يبارك لها و يوفقها , وبنتي مرام ربي
يرزقها بالصالح من عباده.
أم عبد الله : إلا هي وراها ما اعرست ما تقدم لكم أحد !
مشاعل : إلا والله يا خالتي يتقدمون لها بس هي تقول توني صغيرة !
أم عبد الله : وش صغيرة عليه ! هذا مضاوي أصغر منها وبتعرس قبلها ولا
قالت توني صغيرة ...
أم راكان : لا يمه موب عرس ألحين ملكة بس , و العرس قلنا بنخليه السنة
الجاية ..
أم عبد الله : أهم شي بنتس جاها رزقها ! بس مرام وش زودها يوم أنها ما
تعرس و تعيــّي على الرجال الكفو !
.. راكان تضايق مرة من كلامهم , والله أنهم مب صاحيات وش هالحكي ! وحب
يغير الموضوع:
راكان : إلا وين ليلى يا خالتي ؟ لا تكون تستحي مني تراي أخوها !
وسمية :لا وش تستحي .. هي داخل مع مرام بنت مشاعل الله يعافيها تذاكر لها
إنجليزي تكفى يا راكان أدع لها شكلها بتعيد السنة والله !
مضاوي : خوذيها كلمة مني يا خالتي و لا تتعبين عمرك , بنتك بتعيد السنة !
أم راكان : وش هالكلام ؟
مضاوي : والله يمه مو اول مرة تعيدها ! هالبنت مب وجه دراسة أبد!
أصلن هي تقول لولا أمي كان من خذت المتوسط جلست بالبيت !
وسمية : مو على كيفها , أهم شي بهالوقت للبنت شهادتها .
أم راكان : لا يا أختي والله بنات هالوقت أهم شي لهم الستر , الوحدة
منهم إذا خذت الثانوي وش تبي بالجامعة !هذي مرام بنت مشاعل يا عمري عليها وش أستفادت !
راكان وصل حده من كلامهم ! في لحظتها جته فكرة جهنمية عشان يغير الجو
عند البنات خاصة " مرام "
راكان : إلا عندي فكرة يا خال , وش رايك نسوي خير بالبنات
و نوديهم لذاك المكان !
فيصل : أي مكان ؟!
راكان يهمس له في أذنه .. وفيصل يضحك بصوت عالي ..
مضاوي : وين بتاخذونا !
أم راكان : و من قال بتروحون ..
فيصل : إلا بناخذهم و أنتي ما عليك يالله مضاوي روحي نادي البنات من
داخل , وشوفي هدى إذا هي بتجي و إلا لا !
- مضاوي ما صدقت خبر و راحت ركض تبشر مرام و ليلى ..
فجأة سمعوا الي بالصالة صراخ البنات << = = صراخ الفرح طبعاً
انبسط راكان عالآخر و طلع مع فيصل للسيارة ....
و طلعت ليلى مع مضاوي و مرام لابسات العباية ..
مشاعل : مرام وين رايحة ؟
مرام : هاه مضاوي تقول أن خالي فيصل بيطلعنا
مشاعل : مو بس خالك فيصل , راكان معهم .. تعالي أقعدي معنا .
وسمية : خليها تروح توسع صدرها تراه ولد خالتها مو غريب ..
مشاعل : لا يعني لا
مضاوي بإحتجاج : خالتي طيب هذي ليلى بتروح معنا !
مشاعل : ليلى تصيلا أخته من الرضاع ! بعدين لو درا ابوها وش بيسوي ؟
مرام بينها و بين نفسها " إيه حطي العذر على أبوي "
مرام : خلاص روحوا أنتو أصلاً من البداية ما تحمست .
و يطلعون مضاوي و ليلى .. و هم ساكتين و أنقهروا من موقف خالتهم ..
لما ركبوا السيارة جلس راكان يطالع بالمراية .. وأنتبه أن فيه وحدة
ناقصة !
راكان : وين ليلى يا مضاوي ؟ لا تكون خالتي ما رضت عشان المذاكرة ترا
لاحقة عليها ..
>ليلى : آفا عليك ركووون .. يا حبي لأميمتي الله يحللها عند غيرها !
فيصل :أجل وين مرام ؟
ليلى : أمها ما وافقت
راكان بفزع : ليش ؟
مضاوي : مدري عنها تقول مو لازم تروح عشانك أنت الي بتودينا !
راكان -بعصبية-: وأنا وش بسوي لها باكلها ؟
فيصل – حب يخفف التوتر - : وأنتي يا ناكرة الجميل هانت عليك أبلتك
تجين وتخلينها؟
ليلى : والله ما دامت أمي سمحت لي بحب يدي وجه و ظهر و بقول الحمدلله
راكان - مو عارف كيف يتصرف , اصلن هو مقترح هالمشوار بس عشانها- :
فيصل تعال معي نقنعها !
فيصل :أنت وش عليك أم و بنتها لا تتدخل بينهم !
بس راكان ما سمعه لأنه فعلاً نزل و لحقه فيصل .. وراحوا لقسم الحريم
راكان : شف لي الطريق .
فيصل يدخل و يشوف ما فيه أحد و ينادي راكان ..
يوم دخلوا قسم الحريم , أستغربوا يوم شافوهم راجعين ..
أم راكان : وشفيكم بسم اله عليكم مو توكم تقولون بتطلعون البنات .
راكان : إلا يمه بس فيه أحد ناقص .
أم راكان : لا يا ولدي تو البنات طالعين بعباياتهم , اجل وين راحوا ما
داموا ما ركبوا معكم؟
راكان : لا جوا وركبوا السيارة ...
وسمية : أجل وراك تقول فيه أحد ناقص ..
راكان مدري ليه انعقد لسانه ما عرف يفتح الموضوع , وفيصل كالعادة مو
هامة شي !
راكان : خالي فيصل جا ينادي حرمته .. وأنا جيت أدور جوالي مدري وين
رميته !!
فيصل عرف أن راكان أستحى يفتح الموضوع ..خصوصاُ أن مشاعل عقدت السالفة
بسبته ..
فيصل : إيه كنت بروح أشوفها , بعدين وين مرام يا مشاعل ؟
مشاعل : لا مرام مو رايحة معكم .
فيصل : ليه عسى ما شر .
مشاعل : تقول تعبانة شوي ...
فيصل و راكان يتبادلون النظرات - فاهمين أنها تصرف -
فيصل : أقول بلا دلع , روحي ناديها يالله , أنت رح للسيارة جوال
لاحقين عليه– يأشر على راكان-
و أنا بروح أشوف حرمتي....
>مشاعل قامت بملل .. ورجعت لقت أخوها فيصل جاي من عند حرمته ..
مشاعل : تقول مو رايحة ..
فيصل - بضيق - : بسلامتها !
مشاعل : و حرمتك !
فيصل : هاه لقيتها نايمة ما حبيت أزعجها ..
و راح للسيارة و ركب و راكان ينتظر مرام تجي ..
يوم أنتبه فيصل أن راكان ما بعد مشى ..
فيصل : يالله حرك !
راكان : و مرام ؟
فيصل : قلعتها راحت امها تناديها بس تقول أنها هي الي ما تبي تروح !
راكان يطفي محرك السيارة .. مضاوي روحي ناديها ..
فيصل : أنت ما سمعت البنت ما تبي تروح ! أنت وش حارقك ؟ يالله حرك ما
يسوى علينا المشوار !
راكان : مضاوي أنزلي ناديها !
مضاوي : طيب !
و تنزل مضاوي .. يوم شافها فيصل تأخرت نزل يستعجل عليهم ..
فيصل من دخل الصالة و هو يصارخ .. مضاوي
مرام والله لو ما نزلتوا ألحين ترا بكفر فيكم .. أنزلو و عمى ..
و الحريم ماتوا من الضحك عليه ..
في غرفة البنات ..
مضاوي: مراموووه لا تجنيني , بالسيارة راكان و ألحين أنتي !
مرام: قلت لك ماني رايحة !
مضاوي: مراموووه أسمعي خالي فيصل يزاعق .. و أنتي تعرفينه ما ينمزح معه !
مرام: مشكلته , أنا متنكدة و واصلة حدي و أنتي تقولين خالي فيصل !
مضاوي: شوفي مررووووم أنتي ألحين بتخربين المشوار علينا ! و راكان حالف
أننا ما نمشي إلا لما تجين !
*مرام أستغربت .. وش عنده راكان ؟!
مضاوي: إممم طيب ياالله جيبي عبايتي !
و تنزل مرام و هي تتمخطر مسوية زعلانة .. و تمر من الصالة بدون ما
تكلم أمها!
فيصل : أخيراً رضت علينا الليدي مرام !
مرام بدلع : توني أدري غلاي أتاري مشواريكم ما تسوى بدوني ..
مضاوي - تضربها على كتفها - : أقول يالله عن المصالة ترا حامت كبدي ما
يسوى علينا هالمشوار , ذليتونا أنتي وراكانوه !
- " أنا و راكان" !
ركبت السيارة بعد مضاوي .. و سكرت الباب بشويش .. وهمست بصوت واطي
يرجف ..
الــســلام عليكم ..

[جودي ابوت]

الجــــزء الســــــادس...
مرام: السلام عليـــــــــــكم
الكل ..و عليكم السلام ..
راكان أول مرة يسمع صوتها !!
وش هالنعومة والرقة !! <<== منخدع برجفة صوتها
حاول يمسك نفسه قد ما يقدر عشان ما يلتفت .. أبي أشوفها ..
حتى لو كانت بالعباية و ما رح يبين منها إلا عيونها ..
و بدا يحرك السيارة .. و بخاطره " هالبنت أنا من متى ما شفتها أو لمحت خيالها !
من سبع سنين ! لا أكثر .. بس صوتها خيااااال .."
و طلعوا من المزرعة .. بس الجو في السيارة كان متوتر شوي ..
ليلى -تحاول تخفف التوتر - : شغلوا مسجل , عطونا أغاني حلوة !
ويشغل راكان المسجل ..
" الليلة إحساسي غريب .. عاشق و أنا مالي حبيب"
ابتسمت مرام .. حتى هنا كاظم يا راكان !
مضاوي : راكان والي يسلمك شغل راشد ....
راكان : ما عندي أشرطته ..
ليلى الي كانت وراه بالضبط طلعت شريط من شنطتها : طيب خذ شغل هالشريط
راكان : هذا شريط مو أصلي.. !
ليلى : إيه هذا أغاني طق .. فيصل العليان , موضي و هدى الحكمي .. الي تبي !
راكان –يرمي الشريط جنبه- : هذا الي ناقص أشغل طق !
ليلى : يووه المشوار لنا وإلا لك ..
راكان : لي .. بعدين كيفي !هذي سيارتي بشغل الأشرطة الي أبيها !
مرام كانت بعالم ثاني " يووووه ما توقعت صوته كذا ! صوته يشبه عبد
الرحمن بن مساعد ! و ألتفتت تبي تشوفه .. كان شكله من جنب مو واضح مرة ..
أسمر و لابس نظارات شمسية .... أفففف هالشماغ مغطي بعض ملامحه بس مبين
خشمه .. يوووه ودي يلتفت أبغى أشوفه زين .."
و على يسار الطريق كانت
تبين عمارة فيها بقالة ..بدا راكان يهدّي شوي لحد ما وقف
راكان : هالعمارة الله يسلمكم كانت مخبأ للإرهابيين , وعلى فكرة صارت
مواجهات بينهم و بين الضباط .. إذا تلاحظون آثار رصاص من جنب ..
مضاوي وصوتها يررجف: راكان والي يسلمك ترا مو ناقصين رعب ..
ليلى : وأنت مصدقته ! قال إرهابيين قال ! مسوي فيها دليل سياحي !
راكان و هو ملتفت .. وش رايك تجين تسوقين بدالي ؟!
و أخيراً جت عينه بعينها .. هي يمكن لحظة بس قدر أخيراً يشوف هيئتها
.. مع أنها جالسة .. و مو مبين طولها ..
بس شكل جسمها متوسط الطول , تميل للنحافة بس مليانه شوي !! "
ليلى : إي والله وش رايك بس بدل ذا الخرابيط تودينا لبر وتعلمونا
السواقة !
راكان : تشوفين هذا الرجال الي طالع من مدخل العمارة ..
والكل يلتفت حتى فيصل ..
ليلى : إيه وشفيه ؟!
راكان : هذا يراقبونه المباحث , مشتبهين فيه أنه
>>متحالف مع الإرهابيين!
ليلى – بتحدي - : كثر منها !
فيصل : أستحي على وجهك نعنبو بليسك أصغر عيالك هو , تكلمي بأدب ..
راكان : خلها يا خال , نست هي أني أمس كنت مع صديقي حمد و تراه يشتغل
بالمباحث و هو الي قال لي كل هالكلام , و إذا مو مصدقة أكلمه قدامك ألحين ..
فيصل – يفتح الباب-: لا وش تكلمه خلني أنزل أسأله !
البنات صرخوا بصوت واحد: لاااااااااااااااااااا
و يضحك عليهم .. يجي جنب شباك مرام و يأشر لها تفتح الشباك ..
فيصل : وش تبغون من البقالة ؟
ليلى و مضاوي : بيبسي ..
مرام توها بتتكلم إلا فيصل يقاطعها : شاني ..
مضاوي تضحك عليها : فشلتينا ما بقى أحد في العايلة ما درى أنك ما
تحبين الشاني !
مرام تطلع راسها من الشباك : إذا ما فيه شاني جب ميرندا فراولة ..
"راكان يبتسم ..شكلها أنطلقت شوي " و يفرالشريط ..
ليلى : راكان والي يسلمك شغل شريطنا !
راكان : أشرطة طق لا ترانا مو رايحين عرس ! بعدين اسمه شريطي مو
شريطنا!
ليلى : لا مو شريطي شريط مرام !
راكان سكت .. و طلع شريط كاظم .. ودخل شريط الطق بدون تعليق !
ليلى : ليتني من أول ما ركبنا قلت أنه مو شريطي!
و أول أغنية طلعت بصوت فيصل العليـّان :" مــن يقول إني لغيرك , أنا
لك ماني لغيرك أنا متعلق مصيري , يا حبيبي في مصيرك "
إلا و بدخلة فيصل للسيارة و يوزع المشروبات ويناول راكان سفن آب و هو
يهز طربان ..
فيصل : الله وش هالأغنية السنعة , يسلم بؤك يا ســمــيــيّ ..
مضاوي : إلا يسلم بؤك يا راشد !
ليلى : أنا ناوية أجيبه بعرسي ..
مرام – تهمس لمضاوي - : إلا جيبيه لعرسك أنتي ! ذي من كثرما تعيد أولى
ثانوي شكلها بتعنس !
مرام و مضاوي يضحكون ..
ليلى : وش تقولون......
مضاوي : مالك دخل !سوالف حريم توك صغيرة !
ليلى :لا يتناجى اثنان دون ثالثهما !
مرام : بس إحنا مو ثلاثة إحنا واحد – اثنين – ثلاثة و تأشر على فيصل و راكان قدام
أربعة - خمسة , و تسوي نفسها تأشر جنب ليلى : يووه ستة
مضاوي : من السادس !
مرام : قرينها ..
والكل أنفجر من الضحك .. عدا ليلى الي تحاول توصل لمرام عشان تضربها
بس مضاويتمسك يدها : هدّي أعصابك يا بنت الحلال .. يووووه شوفي أنكب البيبسي
على عبايتك!
و راكان مبسوط عالآخررر من الجو الحلو ..
مرام بدت تتحسس من الوضع .. فيه شي غريب .. الي يشوف الطريقة الي
نتجاهل فيها بعض ألحين ما يصدق كيف درجة الميانة والسواليف على
المسنجر , من يصدق !
أنا و راكان !ما انسى أول محادثة بيننا ! كنت أحسبه واحد غريب يستخف
دمه..
بس هو ما لعب علي و على طول قال أنه راكان ولد خالتي .....
وما أنسى كيف لما شافني رسمية معاه وما عطيته وجه قالها بصريح العبارة ..
"أنا كنت أحس بالفضول و مستغرب أنك أول بنت في العايلة أسمع أنها تدخل نت!"
عشان كذا أضفتك .. وإذا الإضافة مزعجتك سوي بلوك و ديليت و أنا بتفهم
و ما رح أزعل !
بس أنا أستعبطت وما حذفته , ما أنكر حسيت بالإطراء لما قالي أني ما
توقعت في عايلتنابنات شخصياتهم قوية و يفرضون حجتهم على الأهل زيك !
بس أنا وشلون تحررت من الحواجز و وصلت معه لهالمرحلة ....
ما انكر بالبداية كنت أسولف سوالف عامة .. عن الدراسة , و الامتحانات
ما أنسى أول مرة ساعدني و عطاني مواقع الترجمة ..
من يومها بديت أحس أنه فعلاً انسان طيب و مو ناوي يستهبل ! يستهبل وش
هالكلام الهبل مو لواحد بسنه !
الهبل للي بعمر عبد المحسن أخوي ! يعني لو الي أضافني عبد الملك أخوه
هل كنت بخليه يوم واحد بمسنجري ! "
أنتبهت مرام أن السيارة وقفت و التفتت لقتهم بينزلون .. شدت مضاوي من
عبايتها.....
مرام : وين نازلين !
ليلى سمعتها -و حبت تحرجها- : بنروح الشانزيلزيه ! أنزلي و أنتي ساكتة
أنا اقول أنه عقلتس موب معتس من شفتس و أنتي تقحنـيـن بهالشاني !
و نزلت هي ما تدري وش السالفة ....
نزلوا كلهم من السيارة ..
يتقدمهم في المشي فيصل و راكان ..
و الثلاثي المرح يمشون مع بعض وراهم ..
المنطقة كانت شبه مهجورة .. بيوت طين شوية زرع و نبتات بالأرض ..
فجأة يلتفت خالهم فيصل : أنتبهوا لا تدعسون هالنبتة , ترا يقولون الي
يدعسها يـمـرح بالحمّــام وأنتوا بكرامة ..
ليلى : اقول خالي لا يكثر ..
فيصل يلتفت لراكان : شفت قلت لك ما رح يصدقوني ! لكن خلهم لا بغت وحدة
منهم الحمــّام تروح تخشخش بين ذا الشجر و تطلع عليها الكلابة ..
مضاوي تسمرت بمكانها : فـ يـ هـ كــلاب هـــ نــ ا !
يلتفت راكان – و هالمرة قدر يشوف هيئة مرام وهي واقفة ! - : فيه كلاب و قطاوة
و ثعابين و عقارب بعد !
البنات تسمّروا بمكانهم !!
بس مرام تحاول تسوي نفسها قوية .. يمزحون ما عليكم منهم ..
فيصل و راكان كملواطريقهم ..
مضاوي : يمه المكان يخوف أبي أرجع ..
راكان : لا .. لسه ما شفتوا شي من المكان .. ما يسوى علينا بنزين
السيارة ..
ليلى : وش عندكم بهالمكان ..هي أنت وإياه إياني وإياكم تكونون ناوين
على بيت الرعب !!
فيصل : لا ارحم منه بشوي ..
وصلوا منطقة مرتفعة نقدر نقول عنها بداية جبال , بعدوا الشباب عنهم متر
و مضاوي من التعب جلست على طوووول .. و مرام طلعت جوالها تبغى تصور المنظر ..
ليلى : و الله أنك رايقة , مسوية فيها يابانية ..
مرام : مو شغلك ..
و مرام لاهية بالتصوير راكان كان يراقبها وهو يتبسم ....
فيصل كان يكلمه بس هو ماركز معه وفجأة راكان يقاطعه : جهز جوالك !
فيصل : ليه !
راكان : شكل البنات أكتشفوا الهدية .....
فيصل يضحك : إي والله وشلون غاب التصوير عن بالي ..ويطلع جواله..
فجأة مرام تسمـّرت بمكانها - وبصوت يررررجف - بنات تشوفون الي أنا
أشوفه ..
مضاوي قامت مفزوعة : وش تشوفين لا يكون إرهابيين !
مرام تأشر على سور محوط ....
والبنات ألتفتوا للجهة الي هي تأشر عليها ..
ليلى : بنات لا تكون هذي ..
مضاوي تصرخ بهستيريا : مــــــــــقـــــــــبـــــــــــــرة !!
فيصل و راكان غشوا من الضحك .. هم أصلاً جايـبـيـن البنات بالعاني هنا
فيصل ما عاد قدر يصور ... و من كثر ما ضحك طاح جواله منه ..
راكان يحاول يلم نفسه .. فيصل قم شفهم لا ألحين تطيح وحدة مغمى عليها
فيصل : ههههههههههههههههههههههههههه ههههههههههههههه آآآآآآآه بطني
يا ربيه من زمان ما ضحكت كذا هههههههههههههه
وفجأة ما دروا إلا بشبشب ليلى يطب عليهم بس ما ضرب أحد فيهم ..
و يقوم راكان لهم .. يوم قرب مضاوي على طول راحت تحضنه وهي تبكي و
تصارخ..
مضاوي : راكان الله يخليك رجعني البيت .. راكااااااااااااااان
راكان حس أن مزحتهم ثقيلة.. أول مرة يشوف أخته تبكي كذا !
راكان : يا بنت الحلال أذكري الله ..
ويسكت شوي ..
يوم شافها ما هدت :يالله مشينا للسيارة ..
ويطالع فيصل .. ويأشر له.. تعال يالله مشينا ....
ويجي فيصل و هو للحين يضحك وبيده شبشب ليلى ..
فيصل : آخخخخخ يا بطني والله عليكم أشكال هههههههههههه ..
ليلى : أنتوا ما تستحون جايبينا للمقابر !
فيصل : إحنا رجال يا بنت أوخيتي مخلين الحيا للحريم ..
ليلى : وأنا يوم قالت لي مضاوي أنكم بتودونا مشوار اقول لاااااا الشمس من وين طالعة اليوم!
وش هالرحمة الي نزلت بقلوبكم .. والله أنكم شياطين ..
فيصل : هي هي أنتي بدينا بالغلط .. بعدين وشفيها المقابر تراها
نهايتنا و إياكم ..و الموت حق علينا -ويلتفت لراكان- يالله خذهم للسيارة ..
راكان : و أنت !
فيصل : انا بروح اسلم عليهم و يأشر للمقابر !
ليلى تتحلطم : جعلك ما ترجع
فيصل : قلتي شي ليلوه !
ليلى : سلامتك , لا تنسى تسلم لنا عليهم .. ترا لولا الحيا كان جبنا
قهوتنا وشاهيناودخلنا نسلم عليهم ونقهويهم , بس يقولون زيارة النساء للقبور ما تجوز
فيصل : اقول روحي و أنا خالتس لا يكثر ..
وصلوا للسيارة و راكان ما زال ماسك يد أخته .. فتحت ليلى الباب و ركبت
و ركبت وراها مرام ....
و راكان ماسك يد أخته : لا تزعلين مضاوي والله كنا نمزح !
مضاوي : الله يسامحكم ..
ليلى لما شافت راكان ركب: لا والله بنزعل.. وش هالمزح! مزحكم مثل وجيهكم !
راكان : أنتي مركبة رادار ! اخبر أني كنت أكلم أختي ..
و تضحك مرام لا شعورياً .. و تضحك مضاوي على ضحكها , وراكان يضحك
لضحكهم ..
ليلى : قل أعوذ برب الفلق .. ومن شر حاسد إذا حسد .. بسم الله علي وش
الي مركبة رادار إلا صوتك واصل عندي في السيارة ..
راكان يطالعها بالمراية بس هو مركز على الي جنبها: ليتك تركزين في
دروسك مثل ما أنتي مركزة معنا ! إلا بشري وش أخبار الدروس الخصوصية !
ليلى : بسم الله علي و أنت وش دراك أني آخذ دروس خصوصية !
راكان : مضاوي قالت لي ..
* مرام تنهدت تنهيدة قوية .. بس ما انتبه لها إلا راكان !
ليلى : و أنتي بس مشتغلة نمــامة ! ما دام عندك لسان و تعرفين تحكين
ليش ما قلتي لنا إنك بتعرسين !
مرام مسوية متفاجئة : بتعرس!!
* و راكان يبتسم " يقالها ما تدري"
مضاوي - استحت من كلام ليلى - : ألحين هذي طريقتك في قولة مبروك !
مرام : ألف ألف مبرووووك تستاهلين كل خير , و ربي فرحت لك من كل قلبي !
ليلى : إلا بقول مالت عليتس من صديقة .. لو بغيت أبارك لتس بدعي لنفسي ..
شوفي مراموووه مو تسوين زي ذا الخاينة الي جنبتس , أبيتس أول ما
يكلمون الخطاطيب تعلميني أول بأول ..
مضاوي : ألحين أنتي كنتي تذاكرين مع مرام داخل , و ما سمعتي الخبر مع
الحريم , و إذا مرام ما تدري أنتي وشلون دريتي !
ليلى : بلاتس ما تدرين يا حبيبتي المعرس داق لي بيجر !
مضاوي : عن الحركات عاد أتكلم من جد كيف عرفتي ؟!
مرام : إي والله يالخاينة متى عرفتي ! و ليش أنا آخر من يعلم!
* ههههههههه قوية , جحدتني ما كأني معلمها !
ليلى تغير الموضوع : الحين وينه هذا ! عسى بس ما نوى يدخل يسلم عليهم
قبراً قبراً !
والكل أنفجر من الضحك ..ما عدا مضاوي ..
مضاوي : يا بنت جاوبيني كيف عرفتي !
ليلى : إذا رجعنا المزرعة أقولك .
مرام : إلا ما سألتك مين العريس ؟
* أوسكار يا بنت خالتي أوسكااااااااااااااار !
مضاوي : إذا رجعنا المزرعة أقولك .
ويركب فيصل السيارة .. و كملوا طريقهم للمزرعة بعد ما بدى الظلام ينزل
رجعت العايلة من المزرعة ..
و الكل صار مشغول بالتحضير لملكة مضاوي ..
مرام و ليلى من جهة .. صاروا يروحون السوق مع بعض .. و أمهاتهم معهم
طبعاً .. عشان إذا رجعوا من السوق يكملون مذاكرة ..ليلى شرت لها أول فستان جاهز
اقترحته أمها وسمية..
بس مرام لا ! وسمية خالتها تتـّريق عليها : الله يعين أمك إذا جا
جهازك !
مشاعل : تعالي شوفي هالفستان .. حلو ويلبق لك ..
مرام : وع لونه فضي.. وين إحنا فيه يمه تبغيني ألبس فضي !
مشاعل للهندي : فيه منه ألوان ثانية ؟!
مرام : حتى لو فيه ألوان ثانية ما عجبني الموديل , مو ستايلي !
مشاعل : تراك جــنــنــتــيني ! هذا و هي ملكة و بالبيت مو لاقية
فستان ! أجل بالعرس وش بتسوين ؟!
مرام : بالعرس بـفـصّل , ما بآخذ جاهز .. أنا مزنوقــة بالوقت
وإلا مين بيستقبلني من المشاغل!
باقي على الملـكة يوم واحد و مرام لحد
الآن مو لاقية فستان !
مشاعل : قلت لك خلاص حلفت ما أروح معك السوق جننتيني !
مرام : وبعدين يعني وش ألبس في الملكة !
مشاعل : ألبسي شي من الخلاقين الي عندك الي يشوفك يقول الدولاب فاضي !
مرام : نـعـم ! شوفي يمه لو ما شريت فستان جديد والـلـه أن ما أروح !
مشاعل : بتروحين غـصــب !
مرام : إيه هين ! تراي حلفت زيـيّ زيّك .. ما فيه فستان = ما فيه روحة !
بــدر – أبو عبد المحسن – داخل و بيده ريناد –بنتهم الصغيرة : وشفيكم
أصواتكم واصلة لآخر الشارع !
مشاعل : بنتك ذي بتموتني ناقصة عمر !
بدر : بسم الله عليك وش هالكلام ! بعدين محد يموت ناقص عمر و إذا متّي
>>ترا المقبرة وسيعة..
مشاعل : بسم الله علي منك ما صدقت !
بدر : أنتي الي قلتي ..
و يلتفت لمرام : من الي مزعل بنتي ..
مرام : يبة شف أمي ما بتوديني للسوق تقول ألبسي من الي عندك في الملكة !
ترضى علي يبة قدامهم الكل يصير كاشخ و أنا لابسة فستان ملبوس !
بدر: آفا يا أم عبد المحسن ! وشفيك على البنت خليها تروح السوق و تشتري
الي تبي!
مشاعل : والله أني ما قصرت الله يطول بعمري ,بس خلاص رجولي تكسرت من
الدوران مع بنتك ما بقى سوق ما رحنا له , هذي ليلى بنت أخت وش حليلها ما خالفت
و شرت اول فستان عجب أمها !
مرام : والله عاد ليلى ذوقها يختلف عني ..
مشاعل : أجل أقعدي بكيفك ..
مرام : يعني ما بروح للمـلــكة !
مشاعل : إلا بتروحين .. وش اقول لهم إذا قالوا وينها ليش ما جت ؟!
مرام -وهي قايمة- : منيب رايحة مو غصب .. خلاص قولي لهم ما لقت فستان
مشاعل :هاه سمعت بنتك وشلون ترد علي !
بدر : بعد أنتي الله يهديك , وش الي تلبس شي قديم !
مشاعل : مادامك حانّها أجل ورا ما توديها أنت !
بدر : إيه بوديها !
ريناد : بابا و أنا بتوديني معاكم ؟!
بدر وهو شايلها : إيه يالله مشينا !
مشاعل : أجل أشتروا لريناد صندل فوشي .. لا تنسون .....
يطق الباب على غرفة مرام : يالله يا بنتي أنا و أختك بنسبقك للسيارة
لا تتأخرين !
مرام : وين بنروح ؟!
ريناد : ابوي بيودينا السوق ..
في السيارة ..
أبو عبد المحسن : على وين ؟
مرام : إممم مجمع الموسى الي ورا مكتبة الملك فهد ..
أبو عبد المحسن : إنشالله يا بنتي تلقين هناك الي تبينه ....
مرام : أكيد بلقى صديقتي أنفال تقول إن السوق كله محلات فساتين جاهزة
من أول محل دخلته خلاص حست أنها يا تاخذ هالفستان يا ما رح تشتري شي!
* بس هذا هو أبيه !
مرام : وريني هالفستان لو سمحت ..
و يطلعه لها الموظف:مدام فيه عــنــّا منه لونين .. هيدا الأسود .. و
فيه منه أحمر كمان
مرام : لا أبغى الأسود
الموظف: طيب ..بشوف لك واحد من جوه إزا سمحتي!
مرام :إمممم لحظة ما سألتك بكم ؟!
الموظف: خلينا نشوف المقاس أول مدام , و إزا على السعر مارح نختلف عليه ..
مرام : لا خلينا نشوف السعر أول بعدين المقاس ..
أبو عبد المحسن : يا بنتي وش عليك من السعر ؟ أهم شي الفستان عجبك خوذيه ..
مرام : بس يبـةـ..
أبو عبد المحسن : وأنت ليش واقف يالله جب لنا المقاس ..
و يدخل الموظف المخزن , و يطلع بعد خمس دقايق ..
الموظف: أففف منيح الي لقيته هيدا آخر قطعة إنشالله بيكون على مقاسك ..
مرام : طيب وين أقيس ؟!
الموظف: في غرف قياس موجودة بالطابق الي فوق .. و حتى بدون ما تدفعي روحي
قيسيه بعدين إزا ناسبك بنتفق على السعر ..
مرام : طيب بكم ؟
الموظف: يا مدام قلنا ما رح نختلف على السعر ..
أبو عبد المحسن : يالله يا بنتي خلصينا روحي أنتي و ريناد قيسي
الفستان و أنا بقعد هنا .. عندك جرايد اليوم ؟ ؟
الموظف: إيه أهلا و سهلا أستاز ..
في غرفة القياس ..
مرام: ريناد وش رايك ؟
ريناد: حلو يهبلللل , أبغى فستان زيك فستاني مو حلو
" ههههههههه وين أمي تسمعك يوم أني اقولها خليني أشتري لها على ذوقي
تعاندني !"
مرام: بس رنووود فستانك حلوووو و لونه بنــّاتي يناسب عمرك , شوفي فستاني
أسود حق الكبار
ريناد: أبي فستان كبار زيك !
مرام: يووه أنتي راعية طويلة وخري بس لا ألحين أبدأ أعرّق بالفستان ,
خليني أشوف شكلي زين ..
" واااااااو الفستان روووعة , أقل شي ينوصف بالروووعة .. شوفي يا بنت
كيف مخصر على جسمك تقولي مفصّل خصيصاً لي أنا ! هو طويل شوي بس ما عليه أخلي
الخياطة تقصر منه ! لا أخاف تروح الحركة الي بالذيل ؟ أهم شي أبيه "
و تشلح الفستان و تدخله بالكيس بشويش .. خلاص صار فستانها ..
ونزلت لأبوها الي كان قاعد يتقهوى مع الموظف و يسولفون عن الأسهم ..
" ههههههه يا حبي لأبوي والله أنه متواضع و اجتماعي ! الله يرزقني
بواحد مثلك "
ولما دخلت المحل ..
الموظف: شو يا آنسة بنقول مبروك ..
مرام: إيه طلع مضبوط , يالله بكم الفستان ..
ابو عبدالمحسن: مو مشكلة السعر يوم أنه مضبوط ..بس عاد راعنا بالسعر يا محمود ترا
الأسهم نازلة ههههههههههه
الموظف: ههههه ولو حاضرين أستاز .. إممم الفستان بـ 2900 بس كرمالك رح أحسبه
بـ 2700ريال !
مرام: لاااااا كثير ! خليه بـ 2500 ؟!
الموظف: ما بيصر مدام ..يا ريت بئدر !
ابو عبدالمحسن: إلا بتـئدر – على قولك - .. يالله يا محمود إن
كانك بتكسب زباين راعنا ..
الموظف: إممممم كرمالك أستاز بحسبه 2600 وهيدا أقل شي !
ابو عبدالمحسن: أقل شي ؟ يالله يا رجال ما بقى على الألفين وخمس إلا مية ..
الموظف: طيب كرمال عيونكن 2550 ..
أبو عبد المحسن هو يطلع محفظته.. : الله و أكبر يعني إلا الخمسين ..
الموظف:معليش أستاز قدر ظروفي والله ما بقدر .. بعدين والله بدّي أكسبكن
كزباين .. بس كمان لازم يربح المحل !!
و تتم العملية .. و تطلع مرام مع أبوها و ريناد للسيارة ..
@@@@@@@@@@@@@@@@@@@@@@@@@@@@@
وما أستغني عن ردودكم

[جودي ابوت]

الجـــــــــزء السـابـــــــع......
وبعد ما اشترت مرام الفستان...
* يوووه أمك قالت أشتروا جزمة لريناد !
مرام: إمممم وش رايك يبة توقف عند الفيصلية ؟ تراها على الطريق !
ابو عبد المحسن: تبغين شي بعد؟
مرام: إيه الله يعافيك خاطري بإكسسوارات وشنطة و جزمة !
ابو عبدالحسن: ههههههههه كل ذا ! أنا قلت شي مو أشياء !
مرام: والله أنت كريم و إحنا نستاهل !
بعد ما خلصوا من الـ Shopping .. أبو عبد المحسن عزم البنات على مطعم
وهم ينتظرون العشا ..
مرام: هاه يبة ما رح نسافر هالسنة ..
بدر: إلا إنشالله بس ربك يسهلها ..
مرام : وين بنروح ؟!
بدر: أنتوا وش تبغون ؟ أمك تبي سوريا !
مرام: لا عاد موب حلى سوريا ! أولــة العام كنا فيها وما أنبسطت مرة !
بدر: أجل وين تبغون ؟
مرام: أنا أقول خل نروح مكان جديد ؟ خل نروح نيو زيلاندا !
بدر: الله نيوزيلاندا مرة وحدة !
مرام: إيه يبه والي يسلمك ..
بدر: لا لا لو بنروح مكان بعيد رحنا لوس انجلوس و إلا فلوريدا ! بس أنا
ما أتحمل السفر بالطيارة لمكان بعيد ! خصوصاً إذا معنا بزران !
ريناد: أنا موب بزر !
بدر: بسم الله علي و أنتي حاطة إذنك معنا !
ريناد: إيه بابا وش قالوا لك ما أفهم ؟!
بدر: إلا تفهمين ماشالله عليك .. و إنشالله السنة الجاية بتدخلين الروضة
ريناد: مابي أبغى انوم بالبيت زي مرام .
مرام:الله صرت قدوة حسنة لبنتكم في النوم بس !
بدر: ههههههه ماشالله عليك كم تنومين من ساعة في اليوم ؟
مرام: تأخر الطلب .. قل لهم وين العشا ؟
بدر :ههههههه صرّفي و أنا ابوك .. بس إنشالله أول ما نرجع من السفر بسجلك
في معهد تاخذين دبلوم أفيد لك من السهر و النوم ..
مرام: لا يبة ما أبغى دبلوم .. إذا تبي تدبرني دور لي وظيفة !
بدر: ما لقوا وظايف للرجال يلاقون لكم وظايف .. على العموم عطيني أوراقك
بكرة .. و أعطيها لعمك اسم أنه يشتغل في الديوان ..
مرام: تتوقع عاد فيه وظايف !
بدر:هو مواعدني و قايل لو نزل لك علي أسجل مرام .. تراه يعدك مثل بنته و أغلى ..
مرام:و يعلم ربي أني أعده مثلك , بس أنت اغلى ..
بدر: هههههههههه ما دمتي تعرفين تقولين كلام حلو , ورا ما تعلمين أمك ؟!
ريناد: أمي كلامها حلو !
بدر: وأتي يالسوسة حاطه أذنك معنا ....
مرام: اقوول مو كأن العشا تأخر !
رجعت البيت و راحت لغرفتها على طوول ..
أمها تطق الباب عليها .. وريني بسررعة ..
لحظة يمة خليني آخذ شاور ما رح ألبسه و أنا كذا بخياسي !
مشاعل : يوووووه , أنا بروح اكلم أختي بشوف وش يحتاجون ناخذ لهم بكرة
وإذا لبستي تعالي وريني !
مرام طلعت من الحمام و هي مبسوووطة.. الحمد لله بررركة الي رحت مع
أبوي ! و طلعته من الغلاف , و قعدت تتأمل فيه..
"صحيح شكله ناعم و بسيط بس كلاسيك.. قماشه ساتان على الموضة يعني بصير ستايل!!
يبغى لي أسرح شعري Weavy .. أخاف أقصه و ما يبقى فيه شي يتسرح !بخلي
القص بعدين "
و بدت تلبسه.. و لبست معاه عقد شانيل الألماس – هدية ابوها بمناسبة تخرجها –
و لبست الجزمة معاه و نزلت شعرها بعد ما سوت له تجفيف عالسريع و راحت
للمراية..
و فجأة و هي تتأمل نفسها سمعت الباب يطق ..
مرام: مين ؟
ريناد: مرام يالله بابا يقول وينك ما وريتيه الفستان !
مرام: يا حبي لأبوي ..
و نزلت مع الدرج .. أبوها الي كان يقرا الجريدة سمع خطوات الكعب و رفع
راسه يطالعها ..
و أمها الي كانت تكلم أختها سكتت فجأة .. أقول يا أختي بكلمك بعدين ..
مشاعل : الله الله وش هالزين ! يا جعلي شوفك كاشخة عروس !
مرام الي كانت تنزل وإبتسامتها شاقة الوجه , عبست فجأة .. و وقفت بنص
الدرج..
بدر – أبو عبد المحسن - :مشالله الله يحفظك و يخليك لعين ترجيك ..إيه
هذي بنت ابوها
مشاعل: انزلي خليني أشوفه زين ..
و كملت نزول ..
مشاعل : يا سلام لو أدري أنك بتشترين هالزين كان خليت أبوك يوديك
من زمان .. إلا ما قلتي لي بكم ؟
مرام : كم تعطينه ؟
مشاعل : إمممم من 600 إلى 800 ريال !
مرام -أنصدمت - : حرام عليك يمة !
مشاعل -الي أنصدمت - : أجل بكم أخذتيه
مرام توها بتقول السعر بس أنتبهت ابوها يغمز لها ..
بدر : بـ 1500 ريال !
مشاعل : هااااااااااااااااااو و الله أنلعب عليكم ؟
بدر : وش هالكلام ؟
مشاعل تقوم و تطالع القماش : شوفوا هذا ساتان متره عند أبو عشرة ..
وهذا الذيل الي ورا كله دانتيل و كلفة و قماشهم مو ذاك الزود و ..
بدر : اقول خلاص البنت عاجبها الفستان وهذا أهم شي ..
مشاعل : بلاني ما رحت معكم وإلا لو أني رايحة كان خذناه بــ 600 ريال
و تـخـب!
مرام لا شعورياً دمــعــت عيونــهــا .... وراحت تركض بالدرج
..... صدمت في عبد المحسن ..
عبد المحسن : الله وش هالكشخة وش هالزين لا لا ما اصدق الحلوة هذي أختي !!
مرام : عبد المحسن بـعّد شوي لو سمحت ..
و طلعت فوق بدون ما تخليه يــكــمــل !
عبد المحسن ينزل .. وشفيها مرام ..
بدر : أمك ما تقصر , بس نازلة في البنت تحطيم !
مشاعل : وأنا وش قلت ! بعدين أنت وشلون تطاوعها و تدفع في الفستان
هالقيمة ..
بدر : هم شي عندي شوفة بنتي مستانسة ! ويقوم بعصبية ..
عبد المحسن : وش السالفة يمه !
مشاعل : ابوك وأختك شروا ذا الفستان الي عليها بـ 1500 !
عبد المحسن : طيب وشفيها !
مشاعل : والله ما يستاهل أنا أول ما شفته عطيته 500 ريال بس !
بدر -رجع يوم سمعها تعيد السالفة - : و ما دمتي تفهمين بذا الأشياء
ليش ما وديتيها أنتي هاه ؟
مشاعل : والله لو أدري أنكم بتشترون ذا الخلقة وتدفعون 1500 كان رحت أنا
بدر : أنتي الحكي معك ضايع ..
دخلت غرفتها و شلحت الفستان و رمته على السرير ..
وجلست على الكرسي الهزاز تبكي
ليش أمي تعاملني كذا! هذا و أبوي ما علمها السعر الحقيقي !
أجل لو عرفت أنه بـ 2500 وش سوت ! كان خلتني أرجعه !
آآآآه يا ربي أنا متى برتاح من هالحياة !
و سمعت صوت الباب .. مين ؟!
بدر: أنا أبوك..
مرام: يبه أنا بنام ألحين ..
بدر: أجل نامي بحفظ الله .. ,اقري الأذكار يا بنتي و لا تشيلين بخاطرك ..
مرام: مشكور يبه أنا ما زعلت تصبح على خير ..
بدر: و أنتي من أهله .....
أنام ! من وين يجي النوم !
خلني أروح للنت من جت ملكة مضاوي و أنا ما عاد شيّــكت على إيميلي ..
راحت تفتح اللاب توب .. و دخلت الحمام تغسل وجهها ..
رجعت تشبك الاتصال و فتحت المسنجر و سوت تسجيل دخول ..
"المتصلين 4 بس !
إمممم هذي مبلكتها .. و هذي بــثــرة ! وهذي مدري مين ؟!
إمممم يالله خلني أسولف مع أنفال .. مع أني من زمان عنها .."
Never Worry Allah Is Always With You :
سلامـ
عيونــك صــوبــت قــلــبــي .. و ســهــم الــعــيــن مـا يـرحـم :
وعليكم السلامـ
Never Worry Allah Is Always With You :
كيفك يا عــســل ....
عيونــك صــوبــت قــلــبــي .. و ســهــم الــعــيــن مـا يـرحـم :
تمام يا بــصــل
Never Worry Allah Is Always With You :
آفاااااااا وش هالحتسي !
عيونــك صــوبــت قــلــبــي .. و ســهــم الــعــيــن مـا يـرحـم :
وينتس فيه يالقاطعة ! من زماااان عنتس لا مسنجر و لا مسجات و لاشي !
يختي إذا فاتورتك ما تسمح فيه خدمة جديدة سوتها الاتصالات$$ "Plz call Me "
.. وبهاللحظة أرسلت مرام لأنفال مسج ..
عيونــك صــوبــت قــلــبــي .. و ســهــم الــعــيــن مـا يـرحـم :
يالبخيلة ! يا قليلة الخاتمة .. ما صدقتي !!
Never Worry Allah Is Always With You :
هههههههههههه يالله خليك قد كلمتك و دقي ..
و تدق أنفال على مرام ..
انفال: يالله عطيني تقرير مفصل من يوم ودعتك آخر مرة في بيت عبير إلى
هاللحظة .....
مرام: أبد الله يسلمك ..لا جديد .. مضاوي بنت خالتي بتعرس !
انفال: مضاويييييي أخت راكااااااااااااااااااااااااااااااااااااااااااااااا ااان !
مرم: يمه منك وشلون عرفتي أن عندها أخو و اسمه راكان !
انفال : يالحقيرة نسيتي أول ما تعرفنا على بعض قلت لك عندك أخوان !
قلتي لا بس عندي خال .. عاد ما انسى صدمتي يوم تزوج خالك فيصل ..
إلا الله يسامحه وشخباره
ام:مرههههههههههه طيب ما عليه و حرمته حامل ....
انفال: هب بهالسرعة !
مرام:هبت عليك رياح تشيلك إنشالله وجععععع بعدين تراهم متزوجين من 6 شهور
انفال: هههههههه يا حليلك أتذكرك وأنتي مزعجتنا يوم تقولين دوروا لي فستان
و أقولك أسمعي كلامي يالبقرة مالك إلا الجاهز و أنتي مسوية فيها تبغين تفصيل !
مرام : ههههههههههه الله يعافيك أنتي عارفة اليوم أنك انقذتيني !
انفال: أكيد أنتي مدري وش تسوين بدوني في الحياة ... وشلون انقذتك !!؟
مرام :أنتي عارفة ملكة مضاوي بكرة ,و صار لي أسبوعين أدور ما لقيت فستان
جاهز , عاد تذكرتك يوم تمدحين لي مجمع الموسى رحت اليوم مع أبوي و شريت واحد
انفال: وش أخباره عمو
مرام:هي أنتي بتخطفين رجال العايلة كلهم !
انفال:لا أنا مابي إلا راكان ..
مرام : و ليش راكان بالذات ؟!
انفال: قلت لك أنك حقيرة بس أنتي ما تسميعن ! بعد ملكة فيصل خالك ..
و بعد الانهيار العصبي الي جاني أنتي وعدتيني أنك تزوجيني إياه بما أنه
أقرب واحد للعرس في عايلتكم ! إلا تعالي لا يكون ناوي يعرس و يخليني !
مرام : وش دراني عنه ! يوم الي بيعرس برسل لك البطاقات مع كارد مني مكتوب :
Hard Luck My Dear With The Next Guy In Our Family
انفال: وجععععععع و أنا بس غرضي أتفرج على شبابكم يضيعون من بين يديني واحد
ورا الثاني .. خلاص زوجيني أبوتس
مرام: بسم الله على ابوي ! تبين يجيه جلطة منتس !
انفال: وجعتين .. وش قالوا لتس عني بكت سجاير !
مرام : لا شيشة !
انفال: هههههههههه بايخة
مرام : مثلك
_ و تسمع مرام صوت تسجيل دخول .. يووووه أنا ما طفيت الجهاز ..
انفال : طيب أوصفي لي الفستان ..
مرام : لحظة شوي بس ..
و تقرب للجهاز .. كان المتصل راكان .. و دخل معها بمحادثة ..
* يوووه تونا بسيرتك !!
بــحياتك يا ولدي امرأة عيناها سبحان المعبود ..
السلام عليكم
و تغير الحالة إلى مشغول ..
Never Worry Allah Is Always With You :
وعليكم السلام .. راكان انا مشغولة شوي ..
بــحياتك يا ولدي امرأة عيناها سبحان المعبود ..
براحتك .. بس كنت بسأل وينك .. من زمااان عنك على بالي أني مسوي شي
يستاهل البلوك !
Never Worry Allah Is Always With You :
شوف معاي مكالمة .. اخلصها و ارجع أوكي
بــحياتك يا ولدي امرأة عيناها سبحان المعبود ..
Take Your Time
مرام : ايوه ..
انفال: وجع وين رحتي على بالي رحتي الحمام و رجعتي !
مرام :لا بس طلعت ناسية المسنجر مفتوح والحالة أون لاين .. فطلع لي ..
وحدة من البنات القدام صرفتها و جيت
انفال : من هي ؟
مرام : وحدة متعرفة عليها من منتدى..
انفال : آهه طيب وصفي الفستان ..
وجلست مرام تسولف مع أنفال و نست المسنجر ..
بــحياتك يا ولدي امرأة عيناها سبحان المعبود ..
مرام أنا ضروري أطلع ألحين ....
* يوووه نسيته !!
Never Worry Allah Is Always With You :
أوكي
بــحياتك يا ولدي امرأة عيناها سبحان المعبود ..
مع السلامة
Never Worry Allah Is Always With You :
مع السلامة ..
ويطفي راكان اللاب توب ..
" هذي وشفيها ! صار لها أسبوعين و زيادة ما تدخل مسنجر معي !
>>من يوم ما رجعنا من المزرعة و هي ..
لحظة لا تكون زعلت يوم سالفة المقبرة ! والله عاد قلعتها أنا كان قصدي أغير الجو لهم ..
و الله أني غبي مزعل نفسي عشان وحدة ما تستاهل !!
آآآه يالله بس الله يخلص ملكة مضاوي على خير .. و أمي تخطب لي شروق
بنت عمي و هالمغرورة أنا الي ببلكها و بحذفها بعد !! "
مرام بالمشغل .. و الكوافيرة تسرح شعرها و تقرق فوق راسها ..
الكوافيره : أنت شعرك مرة حلو ناعم و كثيف ماشالله .. إيش رايك تصبغيه ..
مرام ك لا ما فكرت اصبغه !
الكوافيره : ليش أنتي لون شعرك بني باهت ! إيش رأيك تصبغيه بني شوكولا و نعمل لك
خصل بيج بيطلع روووعة !
مرام : إممم افكرر !
الكوافيره ك إيوه أنتي ماشالله عليك سمرا على حنطي و الصبغة الي حعملها لك رح
تبين سمرتك .. و تعطيك نيو لوك روووعة !
مرام : قلت بفكر ..
و تطلع جوالها ..خليني أكلم مضاوي أشوف وش مسوية !
و تدق على جوال مضاوي تلاقيه مقفل !
خليني أدق على البيت !!
.. آلو
مرام : آلو السلام عليكم .. ممكن مضاوي !
.. مشغولة .. مين يبغاها !
مرام : خلاص آسفة على الإزعاج ..
.. مع السلامة ..
* مو كأن هذا راكان ! بس ليش يكلمني كذا و إلا هو ما عرفني !
يعني لو قلت له أنا مرام كان بيكلمني بأسلوب ثاني !
بعدين انا غبية وشلون ادق على خط البيت و البنت ملكتها اليوم !
مرام : يمه تراي خلصت بروح للبيت ..
مشاعل: ما دمتي خلصتي قبلي مري محل الحلويات قبل .. بعدين روحي فيها بيت
خالتك .. ما ودي نتأخر عليهم ..
مرام : إنشالله ..
مشاعل : وإلا تدرين روحي البيت قبل و خلي عبد المحسن يروح معك .....
مرام : طيب ....
وصلوا البيت قبل آذان العشاء ..
كان باب البيت مفتوح .. و نزل عبد المحسن و مرام و دخلوا ..
عبدالمحسن: نادي وحدة من الشغالات تشيل الحلويات
مرام : إنشالله
دخلت للمطبخ الخارجي .. ونادت وحدة من الشغالات ..
دخلت البيت .. شكله ما بعد وصل أحد من خالاتي !
و راحت تشلح العباية .. و جلست تتعدل عند مراية المدخل الي قبل الصالة
طلعت عطرها من الشنطة . COCO CHANEL ....
"آخخخخخ هالعطر مع أنه قديم بس يظل عطري المميز !
أحس نفسي Lady لما أستخدمه .. يكفي أنه طقم مع القلادة حقتي
مسوية فيها تنسيق قلادة شانيل و عطر شانيل .. لحظة توني أنتبه ..
العطر و القلادة هدايا أبوي لي .. يا عمري أبوي أحس أني مديونة له بكشختي اليوم "
وفجأة سمعت صوت رجال بيطلع من الصالة .. بس قاعد يكلم أحد جوّه ..
+ طيب يمه إذا جو الرجال ببلغكم ..
و تــســمــرت بمكانها !! خلاص ما يمديها تتغطى لأنه ..
شــــــ ـــافـــ ــــ هـــــ ــــا !!

[جودي ابوت]

الجـــــــزء الثامـــــــن ...
شــــــ ـافــــــــهــــــــــ ـــــــــــــــا !! واقفة عند مراية المدخل .. !!
مع أنها ما التفتت بس قدر يشوف إنعكاس وجهها بالمراية ..!!
+ يوووه آسف
و يمشي بعد ما مسك نفسه بالغصب عشان ما يلتفت ..
" لا مو معقولة ... هــذي مـــــــرام !! وش هالأناقة !!"
لابسة فستان أسود ... و شعرها مسدول يوصل تحت الأكتاف بشوي ..
بس كـثـيف و زايدته حلاوة التموجات ..الميك آب بسيط ..
بس الي محليه الروج الأحمر الصارخ الي عطى شكلها تناقض خيالي!!
" طالعة كأنها ممثلة بهوليوود على الريد كاربت !!
" بنت الذين يا مراموه كبرتي و أحلـوّيتي ..!! "
لولا الزمام الي بخشمها كان ما عرفتها ؟!
أنا وشلون طاوعني قلبي أمر من عندها كذا ..كان لازم اللحظة تطول شوي ....
المفروض سلمت عليها .. لا لا بايخة .. من أكون عشان أسلم ؟!...
أستغفر الله العظيم وش قاعد أقول أنا !! "
كل هالأفكار تمر بذهن راكان و هو رايح للمسجد يصلي العشا ..
بس عند مدخل الصالة ..
" يــمــه ليش أنا وقفت كذا !! المفروض غطيت وجهي على الأقل .."
معقولة هذا راكان !!
أنا ذيك المرة يوم كنا بالزرعة ما شفت ملامحه كويس .. بس كان مبين أنه حليو !!
الي شفته اليوم غير !!يمكن بهذيك المرة كان لابس نظارة شمسية مغطية ملامحه ..
بس من شوي كان كاشخ و طاق الزين ..
وإلا عطره يوووووه من عطره .. أموت بالعطور القوية كذا !!
أتوقع أنه خالط العطر مع دهن عود .. و متبخر بعد !!
أنا للآن أشم ريحته و إلا يتهيأ لي !! "
و أنتبهت أنه أم راكان واقفة عند المدخل تطالعها ..
أم راكان : وش هالزين وش هالحلى !! لا وتقول أمك أنك ما كنتي بتجين !!
كنت بزعل عليك أنا ومضاوي إلى يوم الدين ..
مرام تتبسم و تقرب تسلم عليها : الله يسلمك خالتي .. والله ما تدرين
أمس بس شريت الفستان..
أم راكان : إيه قالت لي أمك السالفة .. بس مالها حق أمك تقول أنه ما
يستاهل سعره ..إلا مبين إنه غالي و ما تلبسه إلا الغالية ..
" و أمي لازم تعطي تقرير مفـصّل "
مرام : الله يخليك .. هاه وين مضاوي ؟!
أم راكان : هذي هي فوق عندها الكوافير للحين ما خلصوا !إلا وين أمك ؟
مرام : لسه ما جت .. أنا جابني السواق مع عبد المحسن عشان الحلى ..
أم راكان : إيه الله يعافيكم يالله روحي فوق شوفي مضاوي تستناكم ..
و سمعوا صوت حريم ..
أم راكان : هلا و غلا بمرت أخوي .. حمدلله عالسلامة .. متى رجعتوا !
أم محمد : الله يسلمك يا أم راكان .. والله وصلنا اليوم الفجر ..
وجدان : مبروك عمتي ..
أم راكان : الله يبارك فيك يا بنيتي عقبالكم ..
وجدان : آمــيـــن !!
أم محمد : وش هالزين يا مرام وش هالحلاوة ..
مرام : الله يسلمك يا خالتي حمدلله على السلامة , نورت الرياض ..
أم محمد : منورة بأهلها , عقبالك !
مرام : مشكورة ..يالله بنات بسبقكم عند مضاوي ..
وجدان : لا أنتظرينا .. بنجي معاك ....
مرام : أنتو بتتعدلون .. أنا خلصت بدري بروح أشوف وش مسوية العروس ..
تفتح الباب بشويش ..
و تلاقي مضاوي جالسة بهدووووء على الكرسي .. و مطمنة راسها بخجل ..
مرام: مبروووووووك يا عروس !!
مضاوي: مرااااااااااااااااااااام .. و تفز لها تسلم عليها و تحضنها ..
مرام : يوووه وشفيك هااادية كذا .. تراها ملكة بس ! مو دخلة !
مضاوي: أسكتي والي يرحم والديك تراي ميتة خوووف !
مرام: أحمدي ربك أنه مارح يدخل يلبسك الشبكة ! وإلا كان عرفتي الموت !
مضاوي: إي والله الله يريحها عمتي يوم قالت أنه مو داخل حسيت أني أرتحت ..
مرام: عمتي و إلا خالتي !!
مضاوي: هههههههه الله يرجك .. ما تفرق أهم شي عندي ألحين – وتنزل راسها – ثامر
مرام : الله يهنيك و يوفقك
مضاوي: عقبالك !
مرام : -تبتسم مرام - الظاهر بسمعها كثير اليوم !
مضاوي: وش هالحلاوة شكلك يجنن !!
مرام : لا مخليتلك الحلاوة
مضاوي: أسكتي يالعبدة ! تراي زعلانة منك و لاتكلميني!!
مرام : آفا توي حلوة وش قلبني عبدة !!
مضاوي: أجل منتي جاية لملكتي هاه !!
مرام : هههههههه مجرد تهديد وهذاني جيت !!
مضاوي:إيه بس مجرد أنك قلتيها بلسانك زعلتيني منك !!
مرام : أنتي عارفة كانت عندي أزمة فستان .. بعدين تراها ما تسهلت إلا أمس !
شريت الفستان و الشنطة و الجزمة !!
مرام : حركااااات لابسة قلادة شانيل !
مرام : هذي هدية من حـبـيـبي !!
ليلى : وجعععععع وش هالحتسي أنا شاكة من الأول فيتس بس يالله أعترفي !!
مرام : وين داخلة مدرعمة بلا إحم و لا دستور ..
ليلى: لاإحم و دستور !! هاه مراموووه!!و تقولين حبيبي
بعد !! حبتس القرادة أنتي وإياه..
مرام :هاه ليلووووه أحترمي نفسك و لاتغلطين على حبيبي وبعد عمري عسى الله
يخليه ذخر لي ..
ليلى : مرام بديت اشك فيك ! من وين هالقلادة ؟!
مرام : يعني مين ! أبوي الله يخليه لي !!
ليلى : أيه اشوى على بالي بعد ..
و دخلوا بنات الخال عبد الله .. وقعدوا يسلمون على مضاوي و يسولفون عن
الشرقية ..
في مجلس الرجال .. وصل الشيخ .. وبدت كتابة العقد ..
راكان ما كان داري الي يصير حوله ..
" أنا وش فيني من شفتها و أنا مــعتــفس وحالتي حالة..
ليه مو قادر أركز مع أحد .... راكان ركز هذي ملكة أختك الوحيدة !!
جتني فكرة .. الحين أبوها موجود و الشيخ موجود .. و الشهود موجودين ..
و العروس و أمها داخل .. و أهلي و أهلها موجودين ..
ليش ما تصير الملكة اليوم !! لازم حوسة و خطوبة يعني!!
لا لا وين يا راكان ركــز !! بعدين لحظة أنا قلت لأمي تخطب لي شروق بنت عمي !!
شروق !! قلّوا البنات !!
والله أني مغفل و دلخ و غبي بعد.. المفروض من الأول قلت لأمي تخطب لي مرام !!
على الأقل وحدة ناضجة و تفهمني و تعرف شوي عني !!
بعدين مرام جامعية و أحسها مثقفة وفاهمة بس شروق مامعها إلا الثانوي !!
بعدين مرام شفتها .. يا ربي ليتني ما شفتها ..
ركز شوي يا راكان بالي حولك .. و مرام لاحقين عليها "
" مــذهـــلــــة !!
مــاهي بــس قــصــة حــســن !
رغم أن الحــســن فيــها بـحد ذاته مشكلة !!
مــذهــلــة !!
كل شي فيها طبيعي و مو طبيعي
أجمل من الأخيلة "
" مذهلة تــمـــلأك بالأسئلة
هـــي حــقـيقة أو خيــال !
هي ممكنة وإلا محــــال!
هو سهلها صعب المنال!
أو صــعــبـها تستهله ! "
" يا بدايات المحبة ويا نهايات الوله
الحسن سبحان ربه
ظــالـم ومـا اعـدلـه
أعذب من الأمنيات
عـالم من الأغنيات
يا أجمل الشعر البديع
من آخره لين اولـــــه
ليه عمري ما لقى لبرده دفا إلا دفاكي
و ليه أنا عيني تشوف و ما تشوف إلا بهاكي
يا أجمل من الأخيلة
هذا جواب الأسئلة
كي تكوني في عيوني
و من حنيني و بس فيني و مو بدوني
" مـــذهـــلة ! "
راكان .. الله يسامحك يا بو نورة .. وأنا كل الي ناقصني أسمع مذهلة
خلاص أنا قررت .. أنا لو بعرس بآخذ مرام ..
يالله كل ما أتذكر كيف كان شكلها !
أحس القدر كاتب لي أني أشوفها بهذيك اللحظة ..
لو فرضنا مثلاً أنه أمي أرسلتني بدل عبد الملك للطباخ
كان ما شفتها !! آآه يا ربي وشلون بصبر للصبح و أقول لأمي تخطبها !!
لحظة لحظة ..... وأنا وش معجلني !
البنت عندي بالمسنجر .. خليني أول أتأكد من مشاعرها
يمكن البنت ما تحبني .. أصلن من عقب حركة المقبرة
وهي سافهتني .. و مسوية فيها ثقل ! أكيد ما عادت تطيقني ....
هو يحق لها تزعل .. بس والله أني على نيتي ما كنت ابغى ازعلها ..
كنت ابغى أغير الجو عشانها .. و ربي أني ما طلعتهم ذاك المشوار إلا عشانها ..
بس أنا غبي .. مسوي فيها دمي خفيف و موديها المقبرة !
بالله علي فيه أحد يودي بنت رقيقة مثل مرام للمقبرة !!
أنا المفروض موديها الكورنيش << - - كورنيش بالخرج ما تجي
أي شي إلا المقبرة !
و يقولون ليش ما فيه سعوديين رومانسيين !! وين الأماكن الرومانسية !!
لحظة لحظة هي خلقة تكره السعوديين بدون سبب !
الحين لقت لها سبب !
إذا أنا الي أعرف أفكارها ما قدرتها و موديها للمقبرة !
لا و مسوي فيها رومانسي مشغلّها كاظم آخخخ يالقهرر خربتها بالأخير !
المشكلة ليتها ما كانت معنا بالمشوار .. ليت الي زعلت ليلى كان قلعتها..
بس هذي مـــــرام ! "
رجع البيت مبكر على غير عادته .. لقى أمه جالسة بالصالة ..
عبد الملك أخوه نايم عندها و هي قاعدة تكلم بالتليفون ..
راكان : يمه أبغاك بموضوع ضروري ....
تأشر له بيدها : إيه .. إيه .. أقول يا أختي مع السلامة هذا راكان
عندي يبغاني بموضوع .. هاه .. إيه أكيد عن العرس .. ههههه آمين الله يوفقه و يرزقه
بنت الحلال الي تسعده .. يالله في أمان الله ..
ام راكان : سم يا ولدي ...
راكان : من كنتي تكلمين ؟!
ام راكان : هذي أختي وسمية ..
راكان : وش أخبارها ؟
ام راكان : طيبة و ما عليها .. تسلم عليك و تقول الحمدلله أنك نويت على العرس ؟!
راكان : يووه لهالدرجة وصلتها الأخبار ؟!
ام راكان : آفااا عليك .. تراي ما نسيت و إذا إحنا لهينا بملكة أختك تراي ألحين
تفرغت لك.. و بكرة إنشالله بكلم أم خالد نخطب لك شروق ..
راكان: لا يمه لا تكلمين ..
ام راكان : وراه ؟
راكان ك خلاص هونت ..
ام راكان : وراه يا كافي ؟
راكان :لا ما فيه شي بس ما أبغى أعرس ألحين ..
ام راكان : طيب خلنا نخطب البنت لك .. تراها مزيونة
و الحين هي بـعـين الزبون .. أخاف تطير من يدك !
* قلعتها !
راكان : ميخالف يمه أنا تسرعت .. و فكرت بالموضوع زين ولقيت أنه شروق ما
تصلح لي!
ام راكان : بسلامتك يا ولدي .. زين الي جت منك و لا مني !
راكان : ليش يمه أنتي بخاطرك شي و ما قلتيه ؟
راكان :إممم ياولدي أم خالد ما أرتاح لا و لا أواطنها .. مغرورة و شايفة
نفسها .. تقول محد أبوه سفير إلا هي ..
راكان : ههههههه يمه و أنا كنت باخذها و إلا بآخذ أمها ؟
ام راكان : لا أنت بتاخذها بس أمها بتصير خالتك و جدة عيالك ..
بعدين تراها البنت و أخواتها أردى من أمهم ..فيهم شوفة النفس مدري على وش !!
حتى يوم قلت لخالتك وسمية قالت وش تبون بهم؟؟
راكان : الله يستر علينا و عليهم
..... بعدين ماله داعي تعلمين خالتي وسمية قبل ما تصير الخطبة !
ام راكان : ما فيها شي ذي خالتك .. المهم تبغاني أدور لك عروس.. وإلا تبيني
أوصي أم سلطان الخطابة ؟!
* لا توصين أحد .. العروس جاهزة !
راكان :لا يمه وش خطّابته ! أنا ألحين أقولك هونت ..
بس لاتخافي قريب بعرس والله قريب ..
ام راكان : قريب يعني عقب يومين ؟!
راكان : ههههههههه وش دعوة يمه ! تبين تفتكين مني ؟!
اماراكان: لا والله وش هالكلام .. بس ودي أفرح فيك زي ما فرحت بأختك !
و يقوم يحب راسها : والله يمه خلاص هالمرة وعدتك و ما بخلف وعدي ..
إذا صدق ظني كلها شهر و إلا شهرين و بجي أقولك أخطبي لي !
ام راكان : هااااااااااااااو .. راكانوووه لا تصير حاط حلالك كله بالأسهم !!
راكان : هههههههههه لا نصه !
ام راكان : يوووه عسى ما خسرت واجد .. راكان يا ولدي إذا الي عايق عن العرس
فلوس ترا الحلال واجد .. و أبوك موب قاصرن عنك .. بيزوجك و بيتكفل بك
وهذا بيتنا كبير و وسيع .. و ..
راكان : يمه يمه و الله السالفة موب أسهم و لا فلوس .. بس أدعي أنه ربي
يسهلها و إنشالله ما يصير إلا الي تبين ..
ام راكان : إلا أنت الي أعقد النية و ربك يسهلها .. ترا يقولون الرجال إذا بغى
يعرس هو ينوي من هنا و تنفتح له أبواب الرزق و السعة ..
* يا رب !
مرام : آفففف و أخيراً تكرموا الصيانة .. و رجعوا الجهاز ..
عبد المحسن: أنتي مو صاحية يقول الموظف لقوا 20 فيروس و 6 ملفات تجسس !
مرام : أقول حسونة سكر الباب وراك !
عبد الجسن: المهم شريت لك برنامج حماية Kasper Sky يقولون أنه أفضل من النورتون
و خليتهم يركبونه لك .. لا تنسي الـ Up Date كل يوم اوكي ..
مرام مشغولة بتصفح النت : أوكي .. مشكور أخوي ربي لا يخليني منك !
و تفتح المسنجر ..
" لديك 47 رسالة في علبة الوارد للبريد الالكتروني الخاص بك "
وه بس هالبنات يا حوبي لهم و الله إيميلي ما يسوى بدونهم !
يوووه كل الشعب متصلين !!
طيب .. معليش بنات المدرسة سوري عالبلوك بس مو وقتكم ألحين.....
إمممم زميلات التدريب .. معليش مرة وقتكم غلط !!
يا حبي لها مو هذي الكتكوتة من بنات المدرسة الي تدربت عندهم ..
سوري يا قلبي .. ما فيه أمل أسولف معك ألحين ..
بقى أنفال و نوف و مها و عبير ..
إمممم ... يالله ..
Best Frinds Listen To What You Don't Say :
سلامـ
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
وعليكم السلالالالالالالالام ... مرامووووووووووووووووووووووووه
Best Frinds Listen To What You Don't Say :
هاي عبيرووووووووووووووووووووووووووووووووووووووووووه
وحشتيــــــــنـييييييييي مووووووووووووووووووووووووووت
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
يابعد عمري و ينتس مختفية يالدبية على بالنا إنتس سبقتينا و اعرستي !!
Best Frinds Listen To What You Don't Say :
ههههههههههه لا لا تطمنوا لسه ما خرب الترتيب الهرمي حقنا !!
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
أشوى على بالييييي أنتس سويتي إنقلاب علي و سبقتيني بالعرس
Best Frinds Listen To What You Don't Say :
يا خراشي هوه أنا اقدر أتجوز و أسيبك
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
و لييييييي على ألبي تسلمي حبيبة البي أحووووبتتتتتتتتتتتتتتتتتتتتتتس
Best Frinds Listen To What You Don't Say :
ههههههههههه خربتي البرستيج .. إلا أنفال و مها أون لاين ما ودتس
نحتشر بغرفتن وحدة و نسولف جماعي عشان مالي خلق أعيد السوالف ..
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
إحنا الحين مع بعض بتشات الإقلاااااع ما ودتس تروحين هناك !!
Best Frinds Listen To What You Don't Say :
لا لا مالي خلق التشات.. تعالوا عندي عازمتكم على مفطح
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
صدق أنتس قرويــة .. أعزمينا على كبة نية .. ورق عنب !! تبولة !! عزيمتس مثل وجهتس
Best Frinds Listen To What You Don't Say :
أقول نادي البنات خلهم يجون عندي ..ترا السالفة حياة و مووت
بعد ثواني ..
يا مدلــع لا تتدلع ما بين الناس .. وحدك لا تمشي صوبك حرااااااس :
مراموووووووووووووووووووووووووووووووووووووووووووووو وووووو
: Best Frinds Listen To What You Don't Say
مهاااااااااااااااااااااااااااااااااااااااااااااااا اااااااااااااااااااااااااااااااااااوي
يا مدلــع لا تتدلع ما بين الناس .. وحدك لا تمشي صوبك حرااااااس :
Missed Yaaaaaaaaaaaaaaaa
Best Frinds Listen To What You Don't Say :
Me toooooooooooooooooooo وين الطقاقة أنفال ؟!
يا مدلــع لا تتدلع ما بين الناس .. وحدك لا تمشي صوبك حرااااااس :
هذي عبــيرووووو تسحبها لتس من كشتها بس من سمنتها ما طاعت تدخل !!
Best Frinds Listen To What You Don't Say :
لا تكون معــية تجي قالت لي عبيروووه أنكم مسنترين بتشات الإقلاع !
يا مدلــع لا تتدلع ما بين الناس .. وحدك لا تمشي صوبك حرااااااس :
إيه حتى فضحتنا جت و طبت علينا مدرعمة و تصارخ تعالوووا جت مرااااااااام
Best Frinds Listen To What You Don't Say :
هههههههههههههه فضيحة تلاقين الي معكم يحسبوني مرام الكويتية
يا مدلــع لا تتدلع ما بين الناس .. وحدك لا تمشي صوبك حرااااااس :
بسم الله عليتس .. والله أنتس أحلى
أنفالوووووه الطقاقة :
مراااااااااااااااااااااااااااااااااام خوديني بالأحضان
Best Frinds Listen To What You Don't Say :
هههههههههه تعالي بالحضن يختي إزيك عاملة إيه واحشاني أوي أوي أوي !!
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
يوووووه ما طاعت تجي معطتها لتس من كشتها !! حتى شوفي القــمــل يمشي بيديني
بروح أغسل وأرجع
Best Frinds Listen To What You Don't Say :
مشكووورة يا أم كفوري نخدمتس بالأفراح
يا مدلــع لا تتدلع ما بين الناس .. وحدك لا تمشي صوبك حرااااااس :
ههههههههههههههههههههههههههههههههههههههههه قويييييييييية
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
ما فيه شي يضحك أقلبي خشــتــس يا مهـــيّـــة .. وأنتي مرامووه وش السالفة ؟
أنفالوووووه الطقاقة :
أي سالفة ؟!
شو بحــبك لـمـا بـتـحـكي .. ترســم عــشــفــافك ضحكي..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
و أنتي وش عليتس ؟ ! اسمتس مرام ؟
أنفالوووووه الطقاقة :
لا بس أنا صديقتها الصدوقة .. يعني أسرارها كلها عندي ..
يا مدلــع لا تتدلع ما بين الناس .. وحدك لا تمشي صوبك حرااااااس :
طيب أتحداك تقولين وش السالفة الي تبيها ؟!
أنفالوووووه الطقاقة :
برب
يا مدلــع لا تتدلع ما بين الناس .. وحدك لا تمشي صوبك حرااااااس :
هههههههههه تتحدوني أنها ما عندها سالفة وألحين بتروح ترقع لعمرها ..
* مرام لقت أنفال ساحبتها برايفت ..
أنفالوووووه الطقاقة :
طلبتس قولي تم ؟
Best Frinds Listen To What You Don't Say :
وش جابك هنا ؟
أنفالوووووه الطقاقة :
لا تغيرين الموضوع ! المهم أبي أعرف وش تبغين فينا أكيد بتعرسين !
Best Frinds Listen To What You Don't Say :
عقاباً لتس و ردعاً لأمثالتس من السعوديات الي كل سالفتهم أعرستي
بتعرسين منيب قايلتن لتس و ألحين يالله مع السلامة ..
* ويرجعون للمحادثة الجماعية ....
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
هاه خلصتوا ..
أنفالوووووه الطقاقة :
معليش بنات بس مرام سحبتني على البرايفت و تقول أنها مستحية تقولكم..
السالفة و ما فيها أن ربي قدّر عليها و صدرت فاتورتها و ما قدرت تسدد
و بما أنها عاطلة زيها زينا .. فما لها إلا الله ثم إحنا يعني تبينا
نقط ونسددها لها
Best Frinds Listen To What You Don't Say :
يا عمري يا أنا رحمتني
يا مدلــع لا تتدلع ما بين الناس .. وحدك لا تمشي صوبك حرااااااس :
هههه قلتلكم ما عندها سالفة .. هاه مرووم وش بغيتي ؟!
و ممكن تختصرين عشاني طولت و أختي تبغى النت بعدي ..
Best Frinds Listen To What You Don't Say :
عبيروووه وينك ؟!
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
هــذانــي هنيـّـا بس يالله أنحشرت أبي الحمام !
يا مدلــع لا تتدلع ما بين الناس .. وحدك لا تمشي صوبك حرااااااس :
هههههههههههههههههههههههههههههههههه
Best Frinds Listen To What You Don't Say :
ههههههههههههههههههههههههههههههههههههه
أنفالوووووه الطقاقة :
هههههههههه يالله روحي لا تتبلل المحادثة علينا
يا مدلــع لا تتدلع ما بين الناس .. وحدك لا تمشي صوبك حرااااااس
هههههههههههههههههههههههههههههههههههه
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
و أنتي بس شغلتس في الحياة كراكرررررررررررر .. يالله أخلصي علينا أبونا يقول أبطيتي علي ..
و تعرفون ما يصبر عني
يا مدلــع لا تتدلع ما بين الناس .. وحدك لا تمشي صوبك حرااااااس :
قولي له رح أرقد معاي صحباتي العزيزات
باركوا لي ولدي الكبير رجع لحضني بالسلامة :
أبوكم أعرستي ؟ من هو نسيبنا ؟ و وشو من لحية.....
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما بتبكي
بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
إخص حركاات مرروووم .. مبروووك و حمدلله على سلامة ولدتس و يتربى بعزتس
يا مدلــع لا تتدلع ما بين الناس .. وحدك لا تمشي صوبك حرااااااس :
مروووم وش السالفة ؟
أنفالوووووه الطقاقة :
يوووه عاد هالمغــبرة مــهــيــّــة !!
شوفي إحنا يالصديقات الثلاث الي من دخلتي بيناتنا خربتي المثلث حقنا
بس ميخالف تحملناك و لا قد قلناها بصراحة في وجهك .. أوووووبس قلتها
يا مدلــع لا تتدلع ما بين الناس .. وحدك لا تمشي صوبك حرااااااس :
هههههههههه لهالدرجة دمي ثقيل !! عالعموم يالله
مع السلامة .. و أنتي مرروم أشوفك على خير ..
أنفالوووووه الطقاقة :
هي هي تراني أمـــــــزح !!
يا مدلــع لا تتدلع ما بين الناس .. وحدك لا تمشي صوبك حرااااااس :
أدري بك تمزحين ..
باركوا لي ولدي الكبير رجع لحضني بالسلامة :
لا لحظة ما قلنا لك السالفة ..بس إحنا نسمي اللاب توب / ولدي الكبير ..
والجوال / ولدي الصغير .. عاد ولدي الكبير توه راجع من المستشفى يؤ قصدي الصيانة
فهمتي ؟!
يا مدلــع لا تتدلع ما بين الناس .. وحدك لا تمشي صوبك حرااااااس :
هههههههههههههههههههههههه الله يرجكم .. والله أنكم منتهين !!

[جودي ابوت]

الجــــــــــــــــــزء التاسع ......
* وبهاللحظة يدخل راكان أون لاين .. ما توقعت مرام أنه يطب عليها
بهاللحظة ..
*لا لا فيه شي مو طبيعي !! ما أصدق عيوني أخيرررررررررررن !!
صدق إذا قالوا قلب المؤمن دليله .. كويس أني ما تهورت و رحت انام !!
Lady Killers:
السلام عليكم
باركوا لي ولدي الكبير رجع لحضني بالسلامة :
وعليكم السلام
Lady Killers:
كيف الحال ؟
باركوا لي ولدي الكبير رجع لحضني بالسلامة :
الحمدلله
Lady Killers:
من زمان عنكـ ؟ عسى المانع خــيــر ؟
باركوا لي ولدي الكبير رجع لحضني بالسلامة :
إمممم إلا الشر بعينه و علمه
Lady Killers:
يا ساتر !!
باركوا لي ولدي الكبير رجع لحضني بالسلامة:
هههههههههههههههههههههههه
أمزح بس زي ما تشوف ولدي الكبير / لاب توبي العزيز كان في الصيانةو توه راجع لي
*يتنهد تنهيدة قويــة .. لا المزااااااااااااااااااج
عااااااااااااااااااااااااااااااااااااال العااال
Lady Killers:
هههههههههههههههههههههه الحمدلله على سلامته ..
باركوا لي ولدي الكبير رجع لحضني بالسلامة :
راكان أنا ألحين مشغولة معاي صاحباتي و من زمان عنهم .. و مو قادرة
اتشتت هنا و هناك ..
* آفاااا نظلت نفسي !!
Lady Killers:
لا تستحين قوليها عادي أقلب وجهك !
باركوا لي ولدي الكبير رجع لحضني بالسلامة :
عـــــــــادي اقلب وجهك
* آخخخخخخخخخخ يا خسارة وهذا وقت صاحباتك ..مادمتي رايقة سولفي معي
شوي! و صاحباتك لاحقة عليهم!!
Lady Killers:
هههههههههههههههههههههه
باركوا لي ولدي الكبير رجع لحضني بالسلامة :
لا والله موقصدي أصرفك .. بس من جد أنا الاب توب طول و هو خربان عندي
و على ما وداه عبد المحسن للصيانة .. وعلى ما رجع مشوااااااااااااااااار
تصدق لقيت بالوارد 47 إيميل !!
Lady Killers:
ههههههههههههههههههه 47 إيميل في ظرف كم يوم؟!
باركوا لي ولدي الكبير رجع لحضني بالسلامة :
إمممم حوال الأسبوعين !
* إمم يعني من بعد ملكة مضاوي ما عاد دخلت ..
كويس شكلها مو زعلانة مني !
Lady Killers:
طيب أهم شي تطمنت عليك .. إلا ما ودك تضيفيني مع صاحباتك ؟!
خليني أشوف نوعية صداقاتك ؟!
باركوا لي ولدي الكبير رجع لحضني بالسلامة :
عــشـــم إبلـــيـــس !
Lady Killers:
ههههههههههههههه وش دعوة ؟ بعدين هم كم الي معك ؟
باركوا لي ولدي الكبير رجع لحضني بالسلامة :
ثلاث .. ليش ؟!
Lady Killers:
يا سلااااااام وأنتي الرابعة .. عــز الطلب .. يالله ضيفيني بسرعة ترا
الشرع محــلل أربع ..
باركوا لي ولدي الكبير رجع لحضني بالسلامة :
وجعععععععع هذا الي بيخرب بيني و بين صديقاتي !!
يالله ضف وجهك طولت عليهم
Lady Killers:
هههههههههههههههههه لا تطولين عليهم يالله ضفي وجهك ..
إممممممممممممممم أشوفك بكرة ؟!
باركوالي ولدي الكبير رجع لحضني بالسلامة :
يمكن على حسب ! بخلي السكرتيرة تتأكد من الجدول !
Lady Killers:
سلمي لي عليها
باركوا لي ولدي الكبير رجع لحضني بالسلامة :
مين ؟!!
Lady Killers:
السكرتيرة...
باركوا لي ولدي الكبير رجع لحضني بالسلامة :
أقلب وجهك يالله بااااااااااااي
* هههههههههه حللوووو شكلها تغار علي .. هههههههه يا حبيلي ماخذ مقلب بنفسي..
Lady Killers:
باي ..
و على طول سوى تسجيل خروج ..
"لا الحمدلله الأوضاع مضبوطة..... الحين خلينا نفكر بالخطوة الجاية !!"
باركوا لي ولدي الكبير رجع لحضني بالسلامة :
باااااااااك
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما
بتبكي بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
وينتس بوه ؟!
أنفالوووووه الطقاقة :
حيـــــاتس
يا مدلــع لا تتدلع ما بين الناس .. وحدك لا تمشي صوبك حرااااااس :
كويس مرووم رجعتي مخليتني لحالي مع ريــا و سكينة
أنفالوووووه الطقاقة :
أقوووول ترانا ساكتين لتس من اليوم لكن شكلنا بنتعشى فيتس قبل
ماتتغدين فينا
باركوا لي ولدي الكبير رجع لحضني بالسلامة :
Come On Gurls Relax
باركوا لي ولدي الكبير رجع لحضني بالسلامة :
بنات بالله عليكم ما أشتقتوا لي !
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما
بتبكيبتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
No
أنفالوووووه الطقاقة :
لا
باركوا لي ولدي الكبير رجع لحضني بالسلامة :
هههههههههههه وجعتين متفقين !
أنفالوووووه الطقاقة :
أخلصي وش تبين ؟
باركوا لي ولدي الكبير رجع لحضني بالسلامة :
عارفة أني بندم بعدين بس أبغى أعزمكم عندي .. ودي نسوي دورية وش رايكم ؟!
أنفالوووووه الطقاقة :
تم !
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما
بتبكي بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
بـــشــرط .. تجيبين D.j ؟!!
باركوا لي ولدي الكبير رجع لحضني بالسلامة :
لا يا عيوني .. نسيتي وزارة الداخلية عندنا ما تسمح بهالشي ..
لكن بحاول أهرب الستيريو حق حسونة و نشغله أوكي ؟
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما
بتبكي بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
Done
باركوا لي ولدي الكبير رجع لحضني بالسلامة :
وأنتي يا مها ؟
يا مدلــع لا تتدلع ما بين الناس .. وحدك لا تمشي صوبك حرااااااس :
بسأل وزراة الداخلية .. بعدين بآخذ موافقة وزارة الخارجية ..
بعدين ينعرض الموضوع على مجلس الوزراء !
وإذا طلعت الموافقة .. جيت !
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما
بتبكي بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
حــشـــا معاملة حكومية منتو أوادم !
يا مدلــع لا تتدلع ما بين الناس .. وحدك لا تمشي صوبك حرااااااس :
وش أسوي لازم امي توافق .. بعدين أبوي يوافق .. بعدين أخوي يوافق
عشانه بيــوديــني .. بس مبدئياً أنا موافقة ....
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما
بتبكي بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
شوفي ترا إذا قال منيب موديتس أمرتس ترا بيتكم لم بيتنا !!
يا مدلــع لا تتدلع ما بين الناس .. وحدك لا تمشي صوبك حرااااااس :
I'll See يالله بنات تصبحون على خــيــر
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما
بتبكي بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
وأنتي من أهله
باركوا لي ولدي الكبير رجع لحضني بالسلامة :
و أنتي من أهله .. سلمي على مجمع الوزارة .. قولي ترا مرام تحبــكم
يا مدلــع لا تتدلع ما بين الناس .. وحدك لا تمشي صوبك حرااااااس :
هههههه يبلغ ..
باركوا لي ولدي الكبير رجع لحضني بالسلامة :
يالله أجل أنا بطلع بعد
شو بحــبك لـمـا بـتـحـكي .. ترســم عــشــفــافك ضحكي ..شو بحبك لما
بتبكي بتشكـــي و عم بــتغــلــغــل فــيــيّ .. حبيبي "وائل كفوري" أنت الأحلى :
و أنا بعد ..
أنفالوووووه الطقاقة :
يوووه وش هي مغاير
باركوا لي ولدي الكبير رجع لحضني بالسلامة :
وأنتي خفي عن عيونك
باركوا لي ولدي الكبير رجع لحضني بالسلامة :
إيه بنات لا تنسون العزيمة .. و تعالوا بدري ترا فيه هدية لأول وحدة تجي
أنفالوووووه الطقاقة :
لوووووووووووول .. أجل بصلي الظهر في بيتكم
باركوا لي ولدي الكبير رجع لحضني بالسلامة :
إذا لقيتي أحد يفتح لك
أنفالوووووه الطقاقة :
ضفي وجهتس يالعبدة
باركوا لي ولدي الكبير رجع لحضني بالسلامة :
بون نوي ...
*****
مرام : يمه ترا صديقاتي يقولون الدورية وصلت عندي !
ام عبدالمحسن : يا حليلهم .. وشخبارهم ما توظفت وحدة منهم ؟
مرام : وين يتوظفون وإحنا بالعطلة؟
ام عبد المحسن: الله يوفقكم جمــيعاً ..
مرام : آمين .. المهم قلت لهم خلوها الخميس الجاي بس خلوني أشاور أمي
إذا إحنا فاضين ..
ام عبد الحسن: خليها الجمعة .. كذا تضمنين أن ما ورانا شي ؟
* غريبة وافقت بدون ما اترجاها
مرام : خلاص .. بس يبغى لي أروح السوبر ماركت ومحلات الحلويات أبي شي راهي
ام عبد الحسن : إنشالله ..
* لا فيه سر ؟؟ مو بالعادة أمي توافق بهالسهولة !
FranKly My Dear I don't Give A damn:
السلام عليكم
True Friends Are Hard to Get Harder to Leave
And Impossible toForGet:
وعليكم السلام
FranKly My Dear I don't Give A damn:
من طول الغيبات !
True Friends Are Hard to Get Harder to Leave
And Impossible toForGet:
هههههههه ما فيه غنايم !!
FranKly My Dear I don't Give A damn:
لا من جد وشفيك صايرة قليلة .. أول كنتي كثيرة شكلي صكّيتك بعين
True Friends Are Hard to Get Harder to Leave
And Impossible toForGet:
لا تخاف محصنة نفسي بالأذكار
FranKly My Dear I don't Give A damn:
هههههههههههههه
FranKly My Dear I don't Give A damn:
الله خيرٌ حافظ ..وش آخر الأخبار ؟
True Friends Are Hard to Get Harder to Leave
And Impossible toForGet:
أبد للآن طـفـش .. أحاول أقنع ابوي نسافر بس لسه ما خلص اشغاله ..
FranKly My Dear I don't Give A damn:
على وين الوجهة هالصيفية ؟!
True Friends Are Hard to Get Harder to Leave And
Impossible toForGet:
إمممم لو علي رحنا نيو زيلاند أو هونج كونج .. بس ما دام الموضوع
طلع من يدي شكلنا بالآخر بنصيف – مع الأسف – بــسوريا !
FranKly My Dear I don't Give A damn:
وليش مع الأسف !
True Friends Are Hard to Get Harder to Leave
And Impossible toForGet:
ما ودي خلاص رحنا لها العام .. بس يمكن هالسنة تصير حلوة لأننا بنروح مع عمي وعياله
FranKly My Dear I don't Give A damn:
أي واحد من أعمامك ؟
True Friends Are Hard to Get Harder to Leave
And Impossible toForGet:
عــمــي عـبـد العزيــز .. وشكل عيال عمتي بيــقـّـطون بالسالفة ..
FranKly My Dear I don't Give A damn:
أذكر فيه وحدة تقرب لنا حلفت يمين أنها ما تسافر سفرة جماعية؟
بس شكلها مو قد كلامها ؟!
True Friends Are Hard to Get Harder to Leave
And Impossible toForGet:
هههههههههههههههههههههه
لا تألف على لساني .. انا حـرّمـت الســفر الجماعي معــ"كــ"ــم يا عيال خالاتي ....
FranKly My Dear I don't Give A damn:
ههههههههههههههههههههههههه....وشفيهم عيال عمك زود ؟
True Friends Are Hard to Get Harder to Leave
And Impossible toForGet:
لا عيال عمي وسـيعين صدرك ..يعجبوني ماخذين الحياة إيزي .. وكل شي عندهم مسموح !!
آخر سنة سافرنا معهم رحنا مــصــر ..ونااااااااااااااااااااسة .. تخيل أنهم من الفللللة استأجروا باخرة
على النيل بس لنا !!وقــشــّــونا كلنا حريم و بزران وشياب ..
FranKly My Dear I don't Give A damn:
ههههههههههههههههههههههههههههههههههههه
True Friends Are Hard to Get Harder to Leave
And Impossible toForGet:
هالصيفية مع أني ما أحب سوريا بس ما داموا بيودونا إنشالله تكون حلوة السفرة..
بيستأجرون مزرعة .. و بيستأجرون سيارات ..و بيلفون بنا باللاذقية بعد !!
يا حوبي لهم عيال عمي .. إنشالله بس يجي معهم عبد الرحمن .
* نــــ ع ـــم !! وش تبي ذي ؟
FranKly My Dear I don't Give A damn:
من يكون ؟
True Friends Are Hard to Get Harder to Leave
And Impossible toForGet:
هذا يصير ولد عمي فهد .. مرة كووول و يحب الوناسة وسعة الصدر ..
يوم كنا بمصر راح للحسين و شرا عــود و قعد يعزف لنا ذا الخبلللل..
مسوي فــيــها عبادي!! صح كان عزفه ما عليه بس كان مآخذ مقلب بنفسه ..
و لما شاف السالفة عجبتنا راح باليوم الثانيو شرا طيران !!
FranKly My Dear I don't Give A damn:
ههههههههههههههههههههههههههههههه
True Friends Are Hard to Get Harder to Leave
And Impossible toForGet:
حتى ما أنساها أني كنت أتغطى منه .. بس الحمار كان يغافلني
ويدخل قبل لا أتـغطى ويقول هي أنتي حرمتي وشوله تتغطين ؟
* لا مصختها .. شكلي بعجل بموضوع الخطوبة .. عيال عمها ينخاف منهم !!
ما عرفت هل هذا مزح و إلا ؟!
FranKly My Dear I don't Give A damn:
كنتي تقولين تبغين تسافرين نيوزيلاند ؟
True Friends Are Hard to Get Harder to Leave
And Impossible toForGet:
إي والله خاطري اشوفها !!أحسن شي فيها بعيدة عن العالم ..
إذا الدنيا صيف عندهم شتا .. و إذا الدنيا نهار عندهم ليل !!
عالم بحد ذاتها .. طبيعة .. و حضارة .. و مدنية بنفس الوقت ..
FranKly My Dear I don't Give A damn:
و هونج كونج ؟
True Friends Are Hard to Get Harder to Leave
And Impossible toForGet:
رووعة .. شفت لها صور بالنت .. أتمنى أروح و أشرب من الشاي الي عندهم
.. مرة شفت برنامج و ثائقي .. مطلعين واحد يسوي شاي يجون له الذواقة من
كل العالم .. حتى كان يتطنز على شاي ليبتون و يقول هذا غــســال !!
تدري كوب الشاي عنده بــ 300 دولار !!!!!
FranKly My Dear I don't Give A damn:
ههههههههههههههههههه خلاص إنشالله تروحي لها مع عريسك بشهر العســل
و تشربوا من هالشاي مع بعض !
True Friends Are Hard to Get Harder to Leave
And Impossible toForGet:
هههههههه لا لا أنا مجهزة نفسي شهر عسلي بيكون بجزر موريشوس !!
* إخص والله ما تلعب البنت!!
FranKly My Dear I don't Give A damn:
هههههههههههههههههه لا تكونين حجزتي القاعة بعد !!
خليه يجي اول ...
* وش قــصــده بهالكلمة !
True Friends Are Hard to Get Harder to Leave
And Impossible toForGet:
وش قالوا لك عــانس ! بعدين تراه جا !
FranKly My Dear I don't Give A damn:
تمزحين صح ؟
True Friends Are Hard to Get Harder to Leave
And Impossible toForGet:
يقول الرسول – صلى الله عليه وسلم – بما معناه فيه امور ما تستحمل
الهزل .. أهمها الزواج !
* تستهبل أكيد تنغزني تبغاني أتقدم لها !
FranKly My Dear I don't Give A damn:
فيه عريس ؟
True Friends AreHard to Get Harder to Leave
And Impossible toForGet:
ايــه ..
- راكان يبلع ريقه !
FranKly My Dear I don't Give A damn:
خلاص الموضوع رسمي !
True Friends Are Hard to Get Harder to Leave
And Impossible toForGet
شوف هو مو رسمي ..أنا عارفة المفروض ما ابلغك إلا لما تكون خطوبة رسمي
بس حبيت ارد لك معروفك يوم تعلمني عن خطوبة مضاوي ....
*خبر خطوبتك صار معروف! الله يسامحك أنتي تدفنيني بالحيا !!
-يكــتــب و يديه ترجف –
FranKly My Dear I don't Give A damn:
يعني خلاص وافقتي .. نقول مبروك ..
- بليز يا رب لا لا قولي لا !!
True Friends Are Hard to Get Harder to Leave
And Impossible toForGet:
لسه ما رديت .. بس هو عريس مواصفاته كويسة ..
و أول مرة أحس نفسي مرتاحة بالعادة من يجي طاري عرس أحس بالفزع!
* بالله قد شفتوا منحوس مثلي ؟!
FranKly My Dear I don't Give A damn:
وش الي مخليك مرتاحة؟
True Friends Are Hard to Get Harder to Leave
And Impossible toForGet
هو متخرج من جامعة الملك فهد و يشتغل بأرامكو .. أحس هذي بحد ذاتها ميزة .. أبغى ابعد عن الرياض..
و يقولون بأرامكو أن خطوط النت عندهم مجاناً خخخخخخخخخخ
FranKly My Dear I don't Give A damn:
الزواج ما فيه مزح .. بعدين ما احسه يعني شي مميز و إذا صار يشتغل
بأرامكو ؟ و إذا صارت خطوط النت مجان هذا مو سبب عشان تتزوجين ؟
True Friends Are Hard to Get Harder to Leave
And Impossible toForGet:
لا مو لهالسبب ! بس أنا من زمان تمنيت أني لما أتزوج أضطر أعيش أول سنة زواج
بره الرياض .. تدري يقولون أول سنة بالزواج هي أصعب سنة !
True Friends Are Hard to Get Harder to Leave
And Impossible toForGet:
و أنت أعرف بمجتمعنا .. الزواج عندنا Package .. الوحدة تتزوج العريس بأهله ..
و لابد من تدخلاتهم بحياة الاثنين .. بس لما يكونوا لحالهم بمكان غريب
يصيرون يعتمدون على بعض .. و وقتهم كله لبعض .. بعدين تعال أنت وش حارقك ؟!
آآآه فهمـــت ..
* قلبه يدق بقووووووة !
FranKly My Dear I don't Give A damn:
وش فهمتي ؟
True Friends AreHard to Get Harder to Leave
And Impossible toForGet:
أنت تغار مني عشان بعرس قبلك و بتصير أنت العانس بالعايلة
خخخخخخخخخخخخ
FranKly My Dear I don't Give A damn:
إيش السخافات الي تقولينها؟ أنتي من جد بايخة و تافهة وغبية
* خــــــــيـــــــــــر وش فيه ذا بدا يغلط ؟
True Friends Are Hard to Get Harder to Leave
And Impossible toForGet:
عن الغلط و أحترم نفسك صدق أنك حقير ..
FranKly My Dear I don't Give A damn:
أنا حقير ! قلت لك غبية و عمرك ما بتفهمين !!
True Friends Are Hard to Get Harder to Leave
And Impossible toForGet:
و لك عيــن تكررها ؟ أبغى افهم وش الغلط الي قلته ؟
وش الشي الي ما فهمته ؟
FranKly My Dear I don'tGive A damn:
أني أحــــــــــــــــــــــــبـــــك !!

[جودي ابوت]

الجـــزء العاشر ..

_ لا شعورياً مرام فصلت الخط .. و سكرت اللاب توب !!
* خلاص .. أنا بموووت .. مو قادر أستحمل ....
ليش كذا يا مرام ؟! ثلاثة أيام ؟
أهون عليك هالثلاثة أيام !
ليه قطعتي المحادثة ؟ عشاني قلت أحبك ؟
طيب كان عطيتني رد ..
قوليها .. قولي أني ما أعني لك شي !!
قولي أني مجرد شخص مزعج أقتحم حياتك ..
وأرتكب غلطة فـظـيـعــة بحقك و حق نفــســه !
بس لو رجعت بي اللحظة مرة ثانية .. ما كنت بعتذر !!
أعتذر عن إيش ؟! أني حبيتها !!
هو الحب غلط ؟ و إلا الغلط أنك تحب الشخص الغــلــط !!
ليش قاطعتيني !!إذا ما تبغين محادثة مباشرة .. ردي بالإيميل ..
و ربي أني برضى بنصيبي لو ما كان لي نصيب معك ..
صدق إذا قالوا الزواج قسمة و نصيب !!
لا مو صدق !! مرام لي و مستحيل أوافق أنها تــتزوج غيــري !!
والله يا مرام أني بسعــدك .. وبحقق لي كل أمنياتك ..
بوديك شهر العسل موريشوس ..و بنروح بعدها لــهونج كونج ..
والصيفية الي بعدها نروح لنيوزيلاند ....
آآآه ما أتخيل أني ضيعتها من بين يدي!!
كنت أقدر أقول لأمي تخطبها لي من هذيك الليلة ..
بس أنا الغبي ..
صبرت و على بالي البنت بتــنــتــظرني !!
تنتنظرني ليش ؟ هي تدري عن مشاعري أصلاً ؟!
طيب وهذي هي عرفت ؟!
صحيح متأخر .. بس عندها خبر ..
يا ترا وش بيصير ؟!
بتتزوج هالحقير الي متقدم لها !!
لا لا هو مو حقير .. هي الحقيرة !!
أنا وش قاعد أقول ؟ قاعد اسبــها !!
أسب نفسي ؟! قالتها و صدقت بنت الذين ..
أنا حــقــــيـــر !!
لأني ما عرفت قدرها ..
مو كأن هذا صوت آذان الفــجــر ..
(اللهم رب هذه الدعوة التامة و الصلاة القائمة ..
آت محمداً الوسيلة و الفضيلة ..
وابعثه المقام المحمود الذي و عدته ..
إنك لاتخلف الميعاد..)
"يالله خلني أروح أصلي بالمسجد ..
وأدعي ربي أنه يهون مصيبتي .. "
راكان : الســلام عليكـــم
ابو راكان: وعليكم السلام .. هلا راكان ولدي وينك ما عاد نشوفك ..
صار لك أسبوع و حالتك حالة تنام بالنهار و تسهر بهالليل..
حتى الغدا و العشا ما تكون معنا..
راكان :معليش يــبــه بس كنت مشغول شوي
ابو راكان : أي شغل يا ولدي .. ترا العمر يخلص .. و الشغل ما يخلص ؟
راكان:الله يهونها ..
امراكان : راكان يا ولدي حالك موب عاجبني .. حتى ربعك ما عاد دورتهم ؟!
و كله صاك على عمرك بهالغرفة .. وش فيك يــمــه عسى ما شر ؟!!
راكان : يمــه هذاني قدامك ما فيني شي
ابو راكان : أمك صادقة أنت صار لك فترة متغير .. و مسألة السهر ذي موب عاجبتني ..
أنت أكثر واحد منظم بنومك .. وأكلك وشربك كله معنا ..بس من تالي ما صرنا نشوفك ..
راكان : خلاص قلت ما فيني شي ليش مو مصدقين ؟! بعدين تراني مو صــغــير !!
ابو راكان : هذا الي مخوفنا عليك .. أنت موب صغير .. شف يا ولدي أنا ساكــت عنك
على بالي أنك تعرف مصلحتك ..بس ألحين خلاص لازم أتكلم معك بصراحة ..
راكان : خير يبه .. وش صاير ؟
ابو راكان : أنت ما عدت صغير .. و الي بعمرك الحين متزوجين و معهم عيال ..
شف خالك فيصل هذا هو تزوج و ألحين مرته حامل ..
و هذي أختك مضــ ....
راكان : يبه أنت قلتها أنا موب صــغــير .. أنا رجال .. و مصلحتي أنا أعرف
فيها ..و إذا بغيت أعرس ما رح أستحي .. بجي وبقولكم أخطبوا لي ..
الأم : طيب يا وليدي إذا أنت للحين تبي شروق..
راكان : يمه .. الله يخليك لا تفتحين الموضوع أنا قلت لك هوّنــت أوكي ؟
الابو : وش شروق ؟ شروق بنت أخوي ؟
الأم : إيه .
الأبو : هذا الراي الزين .. إذا تبي و أنا ابوك أكلم عمك ترا...
راكان : يــبــه لو سمحت .. أنا قلتلها لأمي عشان اسكتها ..
بس ألحين لو بعرس مارح آخذ شروق ؟
الأم : أجل من تبي ؟!
راكان : يوووووه خلاص قلت لو بعرس بقولكم .. عن إذنكم ..
* بعد ما قام راكان
امراكان : : يا ربي ولدي بسم الله عليه .. أكيد ذي عين ما صــلـّــت على النبي !!
ابو راكان : أذكري الله أنتي الثانية بعد ....
بعد فترة هدوء .. تــجـي مــضــاوي ..
مضاوي : يــمــه بــروح بيت خالتي مشاعل .. و بنروح أنا و إياهم المشغل ..
ابوراكان : من بيوديك ؟
مضاوي:إممممم ودني أنت يبه لو سمحت ؟!
ابوراكان :لا أنا منيب طالع ..
مضاوي: يوووووه .. يعني وشلون يمه أنتي مواعدتني .. وأنا أتفقت مع مرام ؟!
ام راكان : شوفي أخوك راكان .. جا من ساعة تقريباً بس مدري أخاف أنه نايم ؟!
ابو راكان : لا وش راكانه ؟ خلاص موب لازم ..
مضاوي : إلا يبه لازم .. بروح أصحــيه ..
سمع الباب يطق .. قام مفزوع .. مثل المجنون !
راكا ك ميــن ؟
مضاوي : أنا مضاوي .. أفتح أبيك بسالفة مــهــمة ..
راكان : الله ياخذ.. الله يهديك مضاوي ما تدرين أني نايم ..
مضاوي : يالله بسرررعة ..
راح يفتح لها الباب ....
مضاوي : بسم الله عليك ليش وجهك كذا يخوووف ؟
راكان : كنت في غرقة النوم .. خير وش السالفة ..
مضاوي :أبيك توديني مشوار ..
عصب راكان عليها ..
راكان : والله الفضاوة ألحين ما تستحين على وجهك .. مصحيتني من عز
نومي عشان أوديك مشوار .. شايفتني سواق عند الي خلفوك ..
يالله برره.....
و يروح لفراشه .. يحط راسه على المخدة ..
مضاوي: يا ربيه وش هالحياة ؟ ألحين لما خليتوني أتفق مع مرام نروح المشغل
و يوم صارت البنت موافقة و بتوديني بسيارتها .. ما ألقى أحد يوديني لها ؟!!
و هي بتطلع ..يفز راكان من سريره ..
راكان: ...مضاوي
و هي بتفتح الباب ..
مضاوي: أدري بطفي النور ..
راكان : يالله ألبسي عباتك ..
تلتفت مضاوي ..
مضاوي : راكان تستهبل ؟!
و يقوم و يروح الحمام ..
راكان : ترا بــغــيّر رايي ..
مضاوي: لا لا لا لا العباية جاااهزة بسبقك تحت .. أوكي ....
" جتني من حيث لا أعلم!!"
في السيارة .. الجو عند راكان تمااام ..نبيل شعيل مسوي شغله معاه
"مــتخــيل أنا راح أتــحـــمل .. بعــدك عنـــي مهمــا طــوّل
و قــلبــك لمــا عنّي يـــرحل .. ينساني وأنســـــاه !!
متــخيل أنسى أيــــامي .. حزنــي و فرحتي و آلامي ..
شــوقي و ضحكتي وأحــلامــي .. كل الــي عــشـناه !!
متــخــيـــل أني راح أقــدر أصــبر وأتحمل أكثر ..
حــتــى لـــو جــروحي تـــكبر .. لا حبيبي لا لا لا لا ..
و أنــا نــاطر حبــيــبــي . ترجــع لي يــا حبـــيــبــي ...
و أنــا نــاطر .. مهما حاولت أداري لهفة روحي وناري..
مهمــا طــــال إنتظـــاري أنا نـــــــــــــــــــــــــــاطــر "
مضاوي: راكان ممكن سؤال ؟
راكان :تــفــضــلــي
مضاوي :وش الي غــيّــر رايك ؟
راكان : بإيــش ؟!
مضاوي : وش الي خلاك توديني ؟
راكان : ما عرفنا لك .. يوم رفضت تقولين ما عندي أحد يوديني ..
و يوم صرت بوديك .. تقولين وش غــيّر رايك ؟ هذي قــولــة شــكــراً ؟
مضاوي: هههههههههه يا حوبي لك يا أوخييّ جعل عيني ما تبكيك ؟
راكان : إلا وش عندك مع مرام بنت خالتي ؟
مضاوي: بدينا بالتحقيقات ؟ على العموم بنروح المشــغــل عشان بــصــبغ شعري...
راكان :أنتي بتصبغين شعرك .. هي وش دخلها ؟!
مضاوي: ههههههه أنا الي ألــحّــيــت علـيـها ..
راكان : ليش ؟!
مضاوي: شوف هي مرام بسم الله عليها تفهم بهالأشياء .. تقدر تقول أنها
ذووووووق دايم تتابع الموضة .. ولبسها دوم ستايل .. و تعرف الي يناسب كل وحدة
يمكن يساعدها أن عندها نت .. يعني مع أنها سمرا و جسمها مو ذاك الزود
بس تعرف تنسق وتختار ملابسها ..
" بتعلميني بذوق و شكل مرام .. الله العالم أنك تغارين منها يالعصلا ..
قال جسمها مو ذاك الزود !يكفي شكلها بملــكــتــك يا مضاوي ..
مع إحترامي لك كانت أحلى منك بملييووووون مرررة"
و يحاول يـجـس النــبــض ..
راكان: إلا وش أخبارها مرام ؟
مضاوي: ما عليها طيبة ..
راكان:ما جاكم خبر عنها ؟
مضاوي: خبــر ؟ زي إيش ؟
راكان: و لا شي سلامتك ..
" لو فيه شي كان قالت لها ..وإلا ليه تقولها ؟
أخاف بس أنه مرام بترد لها حركتها يوم تنخطب و ما تعلمها ..
آآآه يا مرام للأسف الخــبـــطــة صارت براسي أنا !! "
مضاوي: مشكور يا أخوي ..
راكان: العفوووو ..
و أنتبه أنها بتنزل .. "يعني ما استفتدت شي !!"
راكان : مضاوي ..
مضاوي:نــعــم ؟
راكان :شوفي إذا خالتي فيه بسلم عليها ....
مضاوي: لا ما هي موجودة رايحة للجيران ..
راكان : أجل من بيروح معكم المشغل ؟
مضاوي: محد بس أنا و مرام ؟
راكان : من بيوديكم ؟
راكان : الــســواق .
راكان : لا والله .. و خالتي و أمي وشلون يخلونكم تروحون لحالكم مع السواق..
مضاوي: لا إله إلا الله .. لازم تنكيد .. راكان مع السلامة ..
راكان : وش مع السلامة .. أصغر عيالك تسفهيني ؟
أنا الي بوديكم فاهمة.. ويالله روحي ناديها لا تتأخرين
مضاوي: طيب
مضاوي: حرام عليك .. يا بنت ما فيها شي و راكان مثل أخوك ..
مرام : قلت لا يعني لا .. مارح أركب معاه .. و هذا السواق موجود يودينا !
مضاوي: يا ربيه منك .. هو مارح يرضى نركب مع السواق ..
بغى ينجن يوم عرف أنه أمك مارح تروح معنا !!
مرام : مالي شغل فيك .. أنا بركب مع السواق و أنتي أركبي معه ..
مضاوي: أقول بلا ثقالة دم .. عشان تذبحك أمك لو تدري ....
مرام : ما رح تقول شي من الي بيعلمها ؟
مضاوي: هو الي بيعلمها نسيتي .. يالله مرام هو قال لا تتأخرون ..
شوفيه قاعد يدق علي .. يالله حرام عليك لاتخربين المشوار
عشان سبب تافه ..
" سبب تافه .. لو تدرين أخوك وش مسوي ؟! "
مرام: مضاوي لا تحرجيني ما ابغى أركب مع أخوك ؟
مضاوي: وش هو بياكلك ؟ يالله بس قومي و أذكري الله ..
وأوعدك هذي أول و آخر مرة تركبين معه .
مرام متضايقة على الآخررر ..
مضاوي: يالله شوفي 7 مكالمات لم يرد عليها .. والله ليذبحني و يحرم يوديني
مشاوير مرة ثانية !!
مرام : طيب يالله ..
مضاوي: أنا بسبقك للسيارة ..
تركب السـيــارة .. و تسكر بالباب بـقـوة ..
هالمرة ما ســلــمــت !!
مضاوي: يالله يا راكان .....
" أخيراً جيتي .. لكن هيّن يا مرام .. مو راكان الي تسوين فيه كذا !! "
و تمشي السيارة ..
" يالله يا راكان هذي فرصتك .. لو ما سويتها ألحين ....
بتضيع مرام من يدي .. لا لا مو ألحين ..
خلينا الآن في هــدنة .. أبغى استمتع باللحظة ..
هي موجودة الآن ورا ..شكلها معصبة على الآخررر ..
حتى السلام ما سلمت !!
آخخخخخخ يالقهررر .. لو أنها قاعدة وراي بالضبط ..
كان عرفت أقــزّهــا زين ..لا لا أحسن لي أنها مو وراي ..
أخاف من الارتباك ما عاد اركز السواقة و يصير لنا حادث والبنت يجيها
شي بســبــتي "
وصـّـلهم المشغل .. و نزلت مرام و خبطت الباب..
هالمرة كانت الخبطة أقوى من الي قبل ...
راكان : مضاوي .. متى أرجع ؟!
مضاوي: إذا خلصنا بدق عليك ..
و تمر الدقايق على راكان مثل الساعات ..
" يوووه وش يسوون هذولي ؟!
لا لا مو معقولة أكيد ساعتي فيها شي !!
كل هالوقت الي مر بالأخير نص ساعة !
نص ساعة كفاية بس هالبنات مدري وش يسوون ؟
أبغى أعرف ليش يخيسون بالمشاغل ! "
و يقرر بدل ما يلف بالشوارع .. يروح لكوفي شوب قريب ..
وبالصدفة يقابل هناك شباب كان يعرفهم أيام الثانوية ....
مرام: ياااااااااااااااااااااااي شكلك يجننننننننننننننننننن شهتيني أصبغ!
مضاوي: جد والله حلو ؟
مرام: حلو قليلة فيه قولي روووووووووووعة !
مضاوي: إممم مدري أحس أني تغيرت بقوووة !
مرام: أكيد بتتغيرين ..اسمعي أهم شي أنتي الآن لا تفكرين كثير ..
يقولون البنت تقعد يومين على ما تتقبل صبغة شعرها !
مضاوي: يا ويلي يومين !
مرام: ليه أنتي مو عاجبك !
مضاوي: إلا عاجبني ..
مرام: يالله ترانا تأخرنا بكلم السواق ..
مضاوي: لا لا أرسلت مسج لراكان يوم بدت تستشور شعري ..
تلقينه ألحين عند الباب ..
مرام: وشوله تعــنّــيــنه ؟ كان خليتيني أكلم السواق ..
مضاوي: لا ماراح بعيد .. رد علي يقول أنه في كوفي شوب قريب من هنا ..
يالله خليني أكلمه ..
- هلا راكان .. يالله أنت عند الباب .. يالله هذانا طالعين ..
" جاك الموت يا تارك الصلاة "
مضاوي: راكان فاتك شكلي الجديد .. طلعت أجنننننننننننن
راكان: مو مهم رايي أهم شي راي ثامر – ويــغــمز لها -
مضاويك يوووه يا راكان ..
"يالله لو ما سويتها ألحين .. مارح أستفيد و بندم كل عمري على هاللحظة "
يطلع جواله و قلبه يدق بقووووة .. و يحطه على الصامت ..
ويضغط زر الاتصال ..
مضاوي: إلا على فكرة ما سألتك ..
- و يأشر لها تسكت و يأشر على الجوال.....
- آلوووو .. هلا حــمــد .. وينك ياخي ..
وينك من زمان ما شفناك و لا تتصل و لا تسأل ؟
طيب على الأقل خل نشوفك على المسنجر ....
أجل أسبوع يالظالم ؟
على العموم كنت بعزمك على شاورما بالشطة ..أدري بك تحبها ..
لا تخاف شطة تباسكو ..
- مرام يوم سمعت هالكلمة فز قلبها .. لا لا مستحيل يكون قاصدني ..
-أسمع الآن مشغول و معي الأهل ..
بس هاه ترا الموعد اليوم الساعة 12 ونص بالليل ..
أستناك هاه ..
شف لو ما لقيتك أون لاين ..بشيلك من بالي للأبد ..
بس هاه قبل بفضحك عند أخوي عبد الملك ..
- مرام حست الدنيا تلف و تدور فيها .. هذي آخرتها يا راكان !!
من رجعت من المشغل و حالتها حالة !!
وش يبغى مني ؟ ليش الساعة 12 و نص ؟
أخاف أنه نوى يفضحني فعلاً ..
وش يفضحني أنا ما سويت غلط ؟
يا ربي أدخل مسنجر و إلا لا ؟ الله لا يوفقك يا راكان ..
من عرفتك و أنا ما اشوف إلا المصايب ..
وتطالع الساعة : 11 و نص !!
يووووه بقى ساعــة !!
أبغى الوقت يمر بسرعة .. وش اسوي ؟
ما رح انتظر لـ 12 ونص بدخل من ألحين !
الــصــبـــر مــفــتــاح الــفـــرج :
الســلام عليكم

[جودي ابوت]

الجزء الحــــادي عشـــــــــر ..
أهــواك بـــلا أمــــــل :
و عــلــيــكم السلام
الــصــبـــر مــفــتــاح الــفـــرج :
أهلين نوف كيف حالك ؟!
أهــواك بـــلا أمــــــل :
بخــير .. كيفك مروم ؟!
الــصــبـــر مــفــتــاح الــفـــرج :
لا تسأليني عن حالي
أهــواك بـــلا أمــــــل :
خــير عسى مــا شر ؟!
الــصــبـــر مــفــتــاح الــفـــرج :
الشر ما يجيك .. بس تعبانة نفسيتي شوي
أهــواك بـــلا أمــــــل :
يا عمري عليك .. من جد لك فقدة بالمنتدى ..
كذا وحدة من البنات سألوا عنك؟!
الــصــبـــر مــفــتــاح الــفـــرج :
يا حوبي لكم .. وأنتو كمان واحشيني
أهــواك بـــلا أمــــــل :
والله من جد .. لك فقدة .. على بالي أنك اعرستي
الــصــبـــر مــفــتــاح الــفـــرج :
ههههه لا لا تطــمــنوا قــاعدة على قلوبكم
أهــواك بـــلا أمــــــل :
أشوى .... يعني بتنضمين معنا ؟
الــصــبـــر مــفــتــاح الــفـــرج :
لوين ؟!
أهــواك بـــلا أمــــــل :
منظمــة عــــازبـــات بــــلآ حــــدود ..
الــصــبـــر مــفــتــاح الــفـــرج :
هههههه حلو اسمها
أهــواك بـــلا أمــــــل :
الله مير يسلمتس
أهــواك بـــلا أمــــــل :
وش أخبارتس وش علومتس .. سولفي شوي ؟
الــصــبـــر مــفــتــاح الــفـــرج :
أخباري زفت .. ما عليتس مني .. عطيني أخبارتس ؟
أهــواك بـــلا أمــــــل :
يا ساتر .. شوفي مرام صح أننا مو صاحبات مرة
لكن إذا تبغين تفــضــفــضين تكلمي .. ترا كثيرمدحوني يقولون أني
حــلالة مــشاكــــل !!
الــصــبـــر مــفــتــاح الــفـــرج :
يعلم ربي أن أعتبرك صديقة ..
بس الشي الي أنا فيه ما رح يحله غيري !!
أهــواك بـــلا أمــــــل :
ما رح أضغط عليك أكثر .بس صدقيني لو تبغين تتكلمين عن
مشلكتك تأكدي أن كلي آذان صاغية .. وبحاول قد ما أقدر أساعدك..
* خلني أعلمها بالمشكلة .. اسم أن البنت ما تعرف من أكون ؟! ..
بعدين أنا مو خسرانة شي .. على الأقل هي ما رح تحكي عني عند أحد ..
أقولها وإلا لا ؟ يالله خل أتكلم هي خاربة خاربة ....
الــصــبـــر مــفــتــاح الــفـــرج :
إممممم وش أقولك يا نوف ..
مشكلتي مرة معقددة والسالفة مررة طويلة !!
أهــواك بـــلا أمــــــل :
شوفي مرام .. أنا بقول شي و أنتي قولي صح و إلا غلط ؟
الــصــبـــر مــفــتــاح الــفـــرج :
وش بتقولين ؟ ما فهمت ؟
أهــواك بـــلا أمــــــل :
مشكلتك هذي فيها ولــد ؟
الــصــبـــر مــفــتــاح الــفـــرج:
تــقـــريــبــاً
أهــواك بـــلا أمــــــل :
ما فيه شي اسمه تقريباً .. يا إيه يا لأ ؟
الــصــبـــر مــفــتــاح الــفـــرج :
مع الأسف إيـــــــــــــــه
أ
هــواك بـــلا أمــــــل :
شوفي يا مرام .. أنتي بنت عايلة .. و ما أتوقع أنك صغيرة لدرجة
أنك ما تعرفين أنه العيال كــذابين .. وصدقيني مهما قالك هالشخص
من كلام حب و غرام .. ما رح يكون جاد فيه .. لأنه بالأخير يبغى منك شي
واحد بس !أنا وأنتي نعرفه .. لاتقولين هذا غير و هذا يكلمني كل يوم و تراه
يموووت فيني ..>كل البنات يستـــغــبون .. و على بالهم الولد بالأخير بيتزوج ..
بالنهاية البنت يضيع شرفها ..والولد يتزوج بنت ناس!!
الــصــبـــر مــفــتــاح الــفـــرج :
هي هي أنتي وش على بالك .. السالفة مو مثل ما فهمتي؟
أهــواك بـــلا أمــــــل :
أجل فهميني
الــصــبـــر مــفــتــاح الــفـــرج :
لحظة لحظة .. خليني أضحك ...ههههههههههههههههههه
خوفتيني بكلامك .. ما عطتيني فرصة أفهمك تقولين بالعة راديو !
أهــواك بـــلا أمــــــل :
ههههههههه هذا جزاي بساعدك
الــصــبـــر مــفــتــاح الــفـــرج :
الله يخليك بس خوفتيني .. حسستيني كأني أشوف برنامج Dr.Phill !!
أهــواك بـــلا أمــــــل :
وأنتي الصادقة فوزية الدريع
الــصــبـــر مــفــتــاحالــفـــرج :
ههههههههههه يا حوبي لها هالحرمة ..
ودي يستنسخون منها وحدة لنا في السعودية ..
أهــواك بـــلا أمــــــل :
هههههههههههههههههههههه
الــصــبـــر مــفــتــاح الــفـــرج :
شوفي يا حلوة .. أنا بنت عايلة محافظة ..
و يعلم ربي أن عمري ما أرضى الغلط لنفسي ..
بس مدري وشلون أشرح لك المشكلة ؟
أهــواك بـــلا أمــــــل :
الــصــبـــر مــفــتــاح الــفـــرج :
شوفي يا محفوظة السلامة .. هذا الله يسلمك ولد خالتي ..
عندي بالمسنجر صار له فوق السنة !!
و يا ما صارت بيننا محادثات بس ربي يعلم أنها بريئة ..
و أنا واثقة من نفسي أن بحياتي ما قلت له شي غلط ..
وهو بعد ربي يعلم أنه كان محترم معي و لا عمره مسّــني بكلمة
أهــواك بـــلا أمــــــل :
طيب
الــصــبـــر مــفــتــاح الــفـــرج :
المهم .. آخر محادثة بيننا مــدري وش فتح طاري الزواج ..
قلت له عن واحد متقدم لي .. فجأة لقيته بدى يغلط علي و يقول يا تافهة و يا غبية ..
أهــواك بـــلا أمــــــل :
الــصــبـــر مــفــتــاح الــفـــرج :
شفتي كيف ؟ لمهم أني ما سكت له ..
بس بالأخير قالي كلمة ....
أهــواك بـــلا أمــــــل :
وش قال هالحقير ؟!
الــصــبـــر مــفــتــاح الــفـــرج :
قال أنه يحبني
أهــواك بـــلا أمــــــل :
طيب وبعدين وش رديتي ؟!
الــصــبـــر مــفــتــاح الــفـــرج :
ما رديت .. بس مدري وشلون من الصدمة قطعت الخط ..
ومن عقبها صرت أتجنبه و ما رديت على إيميلاته ..
و بيوم قررت أحذفه نهائي عشان ما عاد يضايقني وجوده ..
أهــواك بـــلا أمــــــل :
حلو .. أهم شي أنك ما رديتي عليه ..
كأنك تقولين له بطريقة غير مباشرة تراني مو من هالنوعية
الــصــبـــر مــفــتــاح الــفـــرج :
بس هو ما سكت
أهــواك بـــلا أمــــــل :
وش سوّى ؟
* و تناظر الساعة .. 12 و نص إلا خمس !!
بدت تررررجف .. بقولها بدون تفاصيل !
الــصــبـــر مــفــتــاح الــفـــرج :
هددني أني إذا ما دخلت معه اليوم الساعة 12 ونص عالمسنجر إنه بيفضحني
عند أخته !!
أهــواك بـــلا أمــــــل :
وش يفضحك !! وجع الله يلعنه !!
الــصــبـــر مــفــتــاح الــفـــرج :
لا تلعنين
أهــواك بـــلا أمــــــل :
و لك عين تدافعين عنه !!
الــصــبـــر مــفــتــاح الــفـــرج :
لا مو قصدي أدافع عنه .. بس ما أحب اللعن ..
سبي فيه بكل طريقة بس لا تلعنين !!
أهــواك بـــلا أمــــــل :
الحين ما دخل الساعة 12 و نص ؟
الــصــبـــر مــفــتــاح الــفـــرج :
لا ما دخل ؟
أهــواك بـــلا أمــــــل :
أجل فرصة أطلعي بس و أسفهيه .. وهذا وجهي لو قدر يسوي شي ..
الــصــبـــر مــفــتــاح الــفـــرج :
لا لا أنا مو خايفة منه .. و بدخل معه مو لأنه هددني .. يخسى إلا هو
أخاف منه
لكن أبغى أعرف وش عنده هذا أولاً .. ثانياً أبغى أعرف ليش سوى هالحركة
الدنيئة !!
و لا تنسين أنا واثقة من نفسي و متأكدة أني ما غــلــطت بشي .
أهــواك بـــلا أمــــــل :
على راحتك
الــصــبـــر مــفــتــاح الــفـــرج :
وش تنصحيني أسوي وش أقول ؟
أهــواك بـــلا أمــــــل :
إممممم مو مهم أنتي وش بتقولين ؟ المهم هو وش بيقول ؟
الــصــبـــر مــفــتــاح الــفـــرج :
مــا أدري !
أهــواك بـــلا أمــــــل :
الله يســــتـــر !!
" هههههههههههههههههه
يا حليلك مروووم ..
موجودة قبل الموعد ! أكيد أنها مسنترة هنا من زمان ..
بس خليها تنطق شوي .. دورها تنتظرني !!
أسبوع يا مرام ؟
بروح آخذ لفة شوي و برجع لها ..
منجدّي أنا ؟
أقول يالله كفاية كذا .. أخاف تزهق و تطلع "
I'm The KinG:
السلام عليكم
الــصــبـــر مــفــتــاح الــفـــرج :
وعليكم السلام
I'm The KinG:
كيف حالك ؟
الــصــبـــر مــفــتــاح الــفـــرج :
كويسة
I'm The KinG:
أنا بخير الله يسلمك
* تستخف دمك أنت ووجهك !
الــصــبـــر مــفــتــاح الــفـــرج :
وش بغيت ؟!
I'm The KinG:
أبد سلامتــك
الــصــبـــر مــفــتــاح الــفـــرج :
لا تطولها و هي قصيرة .. وش تبغى ؟!
I'm The KinG:
ليه مستعجلة وراك شي ؟
الــصــبـــر مــفــتــاح الــفـــرج :
مو شغلك ؟ وش بغيت ؟!
I'm The KinG:
سلامتك بس بغيت أعرف ليش كنتي مختفية هالأسبوع !
الــصــبـــر مــفــتــاح الــفـــرج :
لا والله تسوي نفسك ما تعرف !
I'm The KinG:
إيه ما أعرف ؟كل الي أعرفه أني قلت لك أحبك ..
و ما عطتيني فرصة أكمل كلامي .. وكان لازم أعرف ردك !!
الــصــبـــر مــفــتــاح الــفـــرج :
وش تكمل وش تقول ؟ خلاص الرد و أعتبره وصلك ..
أنت نسيت قبلها أني كلمتك عن خطوبتي !
I'm The KinG:
لا أنتي قلتي لسه ما رديت .. يعني كان عندي أمل ..
بعدين أنا ما غلطت بشي .. من حقي أعبر عن مشاعري ..
خصوصاً لما أشوف البنت الي أتمناها زوجتي بتتزوج غيري !!
الــصــبـــر مــفــتــاح الــفـــرج :
تــعــبر عن مشاعرك !! و أنــا ؟
ما همتّك مشاعري و أنت اليوم قاعد تستفزني..
و تهددني أنك تــفــضــحــني !!
I'm The KinG:
ما كان قصدي و ربي أني ما كنت أبغى أوصل لهالطريق ..
>بس أنتي الي حدّيتيني .. أرسلتلك إيميلات ما رديتي علي ..
وأنا قبل حذرتك أن إذا فيه شي مزّعلك قوليه .. بس لا تحسسيني أني و لا شي ؟!
الــصــبـــر مــفــتــاح الــفـــرج :
أنا آسفة لأني بيوم من الأيام وثقت فيك ..
أنتاليوم حسستني أني غبية من جد لأني بيوم من الأيام قبلت إضافتك !!
أنت يمكن ما تعرف بس أنا ما أضيف عيال بمسنجري .. كنت فاهمة طريقة
شبابنا .. بالبداية مجرد تعارف بس !! أبغى نكون أصدقاء !! وفجأة
تلاقيه يعطي الرقم !! لما جيت أنت قلت لنفسي هذا ولد خالتي مستحيل يكون زيهم !
وفعلاً وثقت فيك ثقة عمياء .. بس للأسف أنت طلعت أسوأ منهم !!
* أنا وش سويت ؟ بدال ما اقربها مني خطوة .. بعدتها عني ألف خطوة !
I'm The KinG:
مرام أنتي ألحين تقطعين قلبي .. أنا غلطان و حقك علي..
بس أنا الي سويته اليوم مو عشان أهددك - لا سمح الله –
آخر شي أفكر فيه أني أفضحك .. وأفضحك ليش ؟
لو كنت أشوفك تسوين شي غلط كنت ذبحتك !!
كل الي قصدته .. أني أحاول أفّهمك مشــاعري ؟
و أعرف وش صار على خطوبتك..
و جعله آخر يوم بعمري لو كنت أكذب عليك ألحين ..
الــصــبـــر مــفــتــاح الــفـــرج :
أنت ألحين وش تبغى بالضبط ؟!
I'm The KinG:
أبغاك تسامحيني .. والله والله ما كان قصدي أسبب لك كل هذا ..
الــصــبـــر مــفــتــاح الــفـــرج :
الله يسامحك ..
I'm The KinG:
و أنتي ؟!
الــصــبـــر مــفــتــاح الــفـــرج :
وأنا وش ؟
I'm The KinG:
سامحتيني ؟!
الــصــبـــر مــفــتــاح الــفـــرج :
خلاص أعتبر الموضوع منتهي
* يعني ما تبغين تقولين سامحتك !!
طيب أنا فعلاً غلطتي كبيرة و أستاهل منها أي شي !
I'm The KinG:
الحين بس أرتحت أن الموضوع أنتهـــى ...
بس باقي الشي الثاني الي كنت أبغاك فيه ..
الــصــبـــر مــفــتــاح الــفـــرج :
؟!
I'm The KinG:
وش صار على موضوع خطوبتك ؟!
الــصــبـــر مــفــتــاح الــفـــرج :
يــهــمــك الــمــوضوع ؟!
I'm The KinG:
لأقصى درجة
* ودي أكذب عليه بس ما يمديني ! أصلن أكيد أمي عطت أهله تقرير مفصل ....
الــصــبـــر مــفــتــاح الــفـــرج :
مــا صــار نــصــيـــب !
- راكان ما درى بنفسه إلا و هو يبوس الشاشة !!
" يا منت كريم يا رب .. هههههههه وش فيني قلبت مصري !!"
I'm The KinG:
الحمدلله
الــصــبـــر مــفــتــاح الــفـــرج :
؟!
I'm The KinG:
قــصــدي ربي ما كتب نصيب .. بس ربي يعوضك بالخير ..
* يووه وش في كلامي صار كذا .. معليش من الفرحة هههههههههه
ركز شوي يا راكان بقى لك خطوتين بس !!
I'm The KinG:
مرام .. أنا عشت أسوأ أسبوع بحياتي ..
ما عرفت طعم للنوم و كل وقتي كنت أقضيه هنا
أنتظر أخبار منك .. والحمد لله ما دامت الخطوبة ما تمت ..
يمكن ربي كاتب لنا أننا نكون لبعض .. عشان كذا ودي أتقدم لك ؟
الــصــبـــر مــفــتــاح الــفـــرج :
مو ألحين يا راكان .. إذا أنت عشت أسوأ أسبوع بحياتك على قولك ..
أنا بعد مريت بظروف ما يعلم فيها إلا الله ..
I'm TheKinG:
طيب أنا بس أبي أعرف رايك .. تقبلين تتزوجيني وإلا لا ؟
* مو كأنه قاعد يخطبني من نفسي ؟
الــصــبـــر مــفــتــاح الــفـــرج :
شوف أنا ما أبغى ارد ألحين .. خصوصاً توني طالعة من خطوبة ما تـمّـت ..
على العموم أحنا بنسافر للبحرين بعد بكرة .. و أبغاها فرصة أفكر ؟!
* تــفكرين !
I'm The KinG:
بعد بكرة بتسافرون .. طيب متى بترجعون !
الــصــبـــر مــفــتــاح الــفـــرج :
ما رح نطول يومين بس ..
I'm The KinG:
تروحون و ترجعون بالسلامة .. بتروحون لحالكم ؟!
الــصــبـــر مــفــتــاح الــفـــرج :
إيــه بس أبوي و أمي وأخواني
* أشوى على بالي عيال عمها البثرين بيروحون ؟! يا ربي ودي أعرف إنطباعها !!
بس خلاص ما بضغط عليها أكثر من كذا !!
I'm The KinG:
طيب الله يرجعكم بالسلامة ..
و إذا رجعتي أنتظر ردك أوكي ..
فكري زين و تراي شاريك للآخر يا بنت خالتي ..
الــصــبـــر مــفــتــاح الــفـــرج :
أوكي يالله مع السلامة .
I'm The KinG:
مع السلامة تصبحين على خير ....
الــصــبـــر مــفــتــاح الــفـــرج :
بــاك
أهــواك بـــلا أمــــــل :
هاه وش صار ؟؟ بشّري وش يبي ؟!
الــصــبـــرمــفــتــاح الــفـــرج :
يا حوبي لك متحـمـسـة معي
أهــواك بـــلا أمــــــل :
يووووووووه أنطقي وش صاااااااااااار ؟
الــصــبـــر مــفــتــاح الــفـــرج :
إممممم تخيلي يبغى يخطبني !
أهــواك بـــلا أمــــــل :
بس ؟!
الــصــبـــر مــفــتــاح الــفـــرج :
إيه بس ؟!
أهــواك بـــلا أمــــــل :
و أنتي صدقتي ؟!
الــصــبـــر مــفــتــاح الــفـــرج :
ليش ؟!
أهــواك بـــلا أمــــــل :
لو أنه صادق ليه ما تقدم لأهلك؟!
الــصــبـــر مــفــتــاح الــفـــرج :
مو أنا قلت لك أني علمته عن خطوبتي ..
هو يحسبني مخطوبة للحين !
أهــواك بـــلا أمــــــل :
إيه صح ما سألتك أنتي ألحين وافقتي على الي متقدم لك !
الــصــبـــر مــفــتــاح الــفـــرج :
إيه وافقت .. بس ما صار نصيب ..أهله - مالت عليهم- جو و شافوني..
يوم دقت أمه لأمي بعدين قالت : ليش ما قلتي أن بنتك سمرا ؟!!
أهــواك بـــلا أمــــــل :
وجعععععععع أكررره الحريم الي كذا !!
الــصــبـــر مــفــتــاح الــفـــرج :
لا و الحقيرة تقول أنه مشترط يبي بيضا .. وإلا والله بنتك حلوة
بس ربي ما كتب لنا نصيب !!
أهــواك بـــلا أمــــــل :
هههههههههههههههههههه أقص يدي إن ما كانت هي الي تتشرط !
الــصــبـــر مــفــتــاح الــفـــرج :
يمكن .. بس مرة أنقهرت منهم .. حتى أمي مرررة أنقهرررت من الحركة ..
أهــواك بـــلا أمــــــل :
إي والله ما ألومكم ..
الــصــبـــر مــفــتــاح الــفـــرج :
عاد أمي كانت مررة متأملة بهالعريس ..
تخيلي قبل ما أدري بالموضوع .. قررت أعزم صاحباتي ..
و يوم استأذنت أمي قالت إيه ميخالف ..
الــصــبـــر مــفــتــاح الــفـــرج :
أنا مررة استغربت ردة فعلها .. بالعادة تقعد تسوي لي سالفة ..
و أقعد أسبوع أقنع فيها .. بس هالمرة حسّني قلبي أنه فيه شي ..
و أتاري الحرمة تبي تمهد لي بموضوع العرس ..
وخايفة أني أسوي سالفة زي كل واحد يتقدم لي ..
أهــواك بـــلا أمــــــل :
هههههههههههههههههههههههههههه
أهــواك بـــلا أمــــــل :
ما قلتي وش بتسوين بولد خالتك ؟
الــصــبـــر مــفــتــاح الــفـــرج :
ما أدري !
أهــواك بـــلا أمــــــل :
أنتي وش قلتي له ؟
الــصــبـــر مــفــتــاح الــفـــرج :
قلت له بفكر
أهــواك بـــلا أمــــــل :
تبغين شوري
الــصــبـــر مــفــتــاح الــفـــرج :
شــوري علي ؟!
أهــواك بـــلا أمــــــل :
أنتي شكل الفكرة عاجبتك .. بمجرد أنك ما قلتي له لا معناها قبول مبدئي ..
خليني أسألك أنت تحبينه ؟!
الــصــبـــر مــفــتــاح الــفـــرج :
إمممممممممممم تقدرين تقولين أني أرتاح له ..
هو بالسنة الأخيرة عرفت أشياء حلوة بشخصيته ..
أهــواك بـــلا أمــــــل :
تحبينه و إلا لأ ؟!
الــصــبـــر مــفــتــاح الــفـــرج :
وش عرفني ؟! أنا أعرف شوي من شخصيته ..
إنسان مرررة حساس .. و كووووووووووووووووووووول
يعجبني فيه أنه فاهمني ..و يــقدر أفكاري ..
أهــواك بـــلا أمــــــل :
كيف يعني ؟
الــصــبـــر مــفــتــاح الــفـــرج :
تخيلي آخر مرة طلعنا للمزرعة .. كنت مرررة تعبااانة و طفشااانة ..
و ليلى بنت خالتي – حسبي الله عليها – كانت راسبة وتبغاني أذاكر لها ..
المهم هو عنده خبر بأني أكره المزرعة .. ما دريت إلابأخته تجي وتقول أنه يبغى يطلعنا مشوار ..
و يوم جيت أروح معهم أمي سوّت لي سالفة و ما خلتني أروح ..
أهــواك بـــلا أمــــــل :
آهه
الــصــبـــر مــفــتــاح الــفـــرج :
المهم رجعت و أنا مررة زعلانة وخاطري أروح معهم ..
ما دريت إلا بأخته جاية تترجاني أروح ..
تقول أنه حلف ما يروحون المشوار إلا و أنا معهم ..
أهــواك بـــلا أمــــــل :
هههههههههههه يا حليله أتاريه عاشقك من زماااااااااااان
الــصــبـــر مــفــتــاح الــفـــرج :
لو تدرين وين ودانا كان ما قلتي عاشقك !
أهــواك بـــلا أمــــــل :
وين رحتوا؟!
الــصــبـــر مــفــتــاح الــفـــرج :
المـــقــــبــــرة
أهــواك بـــلا أمــــــل :
هههههههههههههههههههههههههههههههههههههههههههههههههه ههههه
الــصــبـــر مــفــتــاح الــفـــرج :
إيه اضحكي .. بلاك ما شفتيها بعينك
أهــواك بـــلا أمــــــل :
ههههههههههههههههههههههههههههههه
يا حليله ولد خالتك ذا والله أنه مــهــوّي
إذا ما تبينه أرسليه لي
الــصــبـــر مــفــتــاح الــفـــرج :
ضفي وجهك الشرهة مو عليك .. على الي قاعدة تشكي لك
أهــواك بـــلا أمــــــل :
ههههههههههههه هذا جزاي !!
ما قلتي وش اسم العريس ؟
الــصــبـــر مــفــتــاح الــفـــرج :
عناد فيك ما رح أقول
أهــواك بـــلا أمــــــل :
يا خبر بفلوس
الــصــبـــر مــفــتــاح الــفـــرج :
يالله مع السلامة .. تصبحين على خير ..
أهــواك بـــلا أمــــــل :
و أنتي من اهله
- رجعت من البحرين .. وهي حاسة بطمأنينة ..
أستخارت ربها أكثر من مرة ..
و الحمدلله تحس أنها مرتاحة للفكرة ....
" أنا و راكــان !! "
يا ربي ألحين توهقت .. كيف برجع أفتح الموضوع ؟!
هو لو يموت ما عاد أدخل معه مسنجر ..
يكفي روعتي هذيك المرة يوم يقول أحبك !!
أحسن حل أرسل له إيميل ..
أرسل له أقول موافقة .. لا لا بايخة ..
وش الحل ؟ "
فتحت اللاب توب .. ودخلت المسنجر ..
ما لقته أون لاين ..
فتحت الإيميل .. لقت كذا شخص مرسل لها.....
من بينهم راكان !
وش السالفة ؟
يمكن غـــيــّــر رايه ؟
فتحت الإيميل .. وعلى طول نزلت دموعها !!!
تمسح دموعها الي تنزل بغزارة بس مو قادرة ..
يا ربي ليش كاتب لي هالـكــلام !!
__________________________________________________

[جودي ابوت]

الجـــــــــــــــزء الأخيــــــــــــــــــــر .....
" مــرام ..
بناديك مــرام ..كــذا ..بدون العزيزة مــرام ..أو إلى
الغالــــيـــة مرام ..
لأن أنتي مو عزيـــزة .. و لا غــالــية .. مــا أدري بالضبط كيف
أصنفك ؟!
عشان كــذا قررت أنــاديــك باسمك .. مـــــرام !
أنا بالضبط مثلك .... ما أدري لــيه مرسل هالإيميل !!
بس كل الي أعرف أقول أني أشتقت له ..
تتذكرين من سنة و 4 شــهــور .. أكيد تـــتــذكــرين ..
جتني مضاوي أختي .. و طلبت مني إيميلي .. قالت كلام كثير .. بس الي أتذكره ..
أنها قالت أن مرام بنت خالتي بترسل لها .. صور أو شي زي كــذا .....
أنا ما صدقتها .. توقعتها تمزح ! مستحيل مرام بنت خالتي ..
هذيك البنت الدبدوبة الصغنونة !!
و شوي شوي لقيت نفسي بدون شعور .. زي ماأنا قاعد أكتب لك ألحين ..
لا لا أنا مو قاعد أكتب لك .. أتفقنا أني مشتاق لإيميلك ..
المهم ما حسيت إلا و أنا ضايفك بالمسنجر .. لو بتسأليني الآن ليه بقول مدري ؟!
و لو سألتيني وقتها .. كنت بقول مدري ؟!
شي داخلي حركني و خلاني أسوي هالخطوة الجريئة ..
و سبحان الله .. شوي شوي .. كبرتي بعيني ..
ما عدتي هذيك البنت الدبدوبة الصغنونة الي كل ما شافتني و إحنا صغار ..
قالت لي راكان أتــــحـــداك تصــارعني ههههههههههه ..
تدرين لما شفتك ببيتنا آخر مرة .. قصدي أول مرة ..
شفت الأنــثـــى فــيــك !
اسمع بالأفلام يقولون أنه الانسان يعرف شريك حياته من أول نظرة ..
و ربي أني بهذيك الثانيتين الي شفتك فيها .. قلت بس .. هذي هي !
المشكلة أني بغيت أغلط غلطة عــمــري و أفرّط فيك ..
بس يمكن القدر الي كتب لي في البداية أني أخطي الخطوة الأولى ..
و أضيفك عندي بالمسنجر .. كتب لنا أن الخطوة الأخيرة بتكون بيدينك ..
أنا أعترفت لك هنا بكل شي ..
لو ما عنى لك هالإيميل شي .. صدقيني ما بــزعل ..
لأني متأكد أني سويت كل الي علي .. الخطوة الأخيرة بيدك ..
أتمنى أنك تكونين وصلتي لقرار ..
و عشان ما احرجك .. بعتبر مجرد تجاهلك لهالإيميل رفض لطلبي ..
و إذا كنتي منحرجة من طريقة الرد .. بقولك لا تنحرجين .. أضغطي على زر Reply
و أنا من بعدها بكلم أمي عشان تخطبك لي ..
ملاحظــة / تراي لقيت عرض شهر العسل 7 أيام بموريشوس بــ 10 ألاف ريال يا بلاش
راكـــــــــان "
- ههههههههههههههههههههههههههههههه لقطها ابن الذين !!
آآآآه مضبّط وضعه على الآخرررر إذا بتردين بلا تجاهلي ..
و إذا بإيه .. أضغطي Reply ..
-كان يحوس بالنت و مــو مخلي موقع رياضة إلا فتــحــه !
آفففف ملللللل و بعدين ..الى متى بنتــظرها !!
هي قالت لي بآخر محادثة ..
بنسافر بعد بكرة .. و بنقعد يومين بس !
و مر على آخر محادثة 5 أيــام !!
يعني المفروض يكونون رجعــوا ؟!
معقولة شافت الإيميل !
أنا غبي !!كل مالي وأحــقــرني !!
أنا وشلون قلت لها إذا لترفضين الطلب تجاهلي الإيميل !!
يعني هي تبيها من الله !! خلقة البنت مطنشتني !!
يا ربيه أبي أعرف بس إذا هي قرت الكلام وإلا لا !!
بالله وش قلبها مصنوع منه ؟! ما حست بشي ؟!
مــا تأثرت ؟!
معقولة كل الكلام الي قلته ما حرك شي فيها ؟!
يكفي الإغراءات الي سويتها لها ..
كذبة شهر العسل ذي المفروض تخليها توافقىوهي مغمضة
خخخخخخخ يا حبي لي و الله أني خطير أجل أسبوع في موريشوس بـ 10 آلاف ريال
يالله خلني أجرب أفتح الإيميل للمرة الأخيرة ..
البنت ذي موب ناوية تجيبها على بر !!
ويفتح صندوق الإيميل الوارد ..
و تتوسع عيونه عــلـــى الآخررررر !!
قلبه يخفق بقوووووة ..و يديه ترجف و يحس بقشعريرة بكــل جسمه !!
أخاف أني أحلم ؟!
مو معقولة ... هذي مرام .. قــصــدي المــعــزبــة
مسوية Reply لإيميلي !! يعني موافقة ..
يا ربي ليش أرجف كذا .. ركز
شوي يا راكان و جـمـع أفكارك !!
لحظة خلني أفتحه يمكنها ردت علي و قالت لا !!
ليش صرت موسوس كــذا !!
الله لا يلومني !! بعد الي شفته منها الأسابيع الي فاتت ..
كل شي جايز !!
الله يستر ..
ويفتح الإيميل .. و قلبه يزيد خفقانه .. و يغمض عيونه ..
* يا رب !!
" مو مصدق عيوني .. هذا إيميلي الي أرسلته لها !!
وافقت !!
لحظة لحظة خلني أقراه ..
وش أقراه بعد أنا حافظة صم و أقدر أسمّعه كلمة كلمة ..
يقوم .... يطلع من غرفته .. ويصارخ !!
يــمــه .. يمـــــــــــــــــــــــــــــــــــه !!
ام راكان : ســم !!
راكان : أبيك تخطبين لي مرام بنت خالتي !!
.....مرام يالله قومي
مرام : يمــه بس شوي ..
ام عبد الحسن :وش شوي أستحي على وجهك .. ما بقى على آذان المغرب إلا ساعة !
مرام : يــمــه ما علــي صلاة .. إذا أذّن العــشــاء قوميني !
ام عبد الحسن : يا بنتي قومي .. خالتك تو مكلمة تقول راكان بيجي يشوفك !
و تفز مرام من سريرها !
مرام : نــعــم .. ما سمعت !
ام عبد الحسن : راكان بيجي يشوفك !
مرام :وشوله يجي يمه ماله داعي !
ام عبدالمحسن : هاااااااو منتي صاحية .. لازم يجي يشوفك !
مرام: وش يشوف .. يا ربيه و أنتي ليش تقولين إيه ؟
ام عبدالمحسن: وش تبين اقول ؟ هي تقول الولد مستعجل و يبي يشوفها ..
بعدين خلينا نخلص بدري عشان يجون الرجال نهاية الأسبوع و يحددون الملكة !
مرام: هذاك قلتيها .. الرجال بيجون .. يعني الشوفة ما لها داعي ..
ما رح تقدم و لا تأخر ؟
ام عبدالمحسن: و أنتي ما تبين تشوفينه ؟
مرام: لا !
ام عبدالحسن: بس هو يبي ..
مرام : و أنا وش علي منه !!
ام عبدالحسن: و الله عاد بيصير رجلك و الرجال ما طلب إلا حقه !
* يا ثقل دمكـ راكانوووه مسوي فيها أنك ما شفتني بمــلــكــة مضاوي ..
مرام : أبوي بيصير فيه ..
ام عبدالحسن :لا بس عبد المحسن !
* اردى بشوي !
مرام : و أبوي ؟
ام عبدالحسن: أبوك يقول ما يبي يحرجك و يحرجه .. و يقول انكم بتاخذون راحتكم
أكثر مع عبد المحسن ..
مرام : راحتنا .. ليش كلها دقيقة و طالعة ..
ام عبدالمحسن: يوووه يا مــرام لا تجنــنــيــني !
يالله ألبسي و أكشخي .. خالتك تقول أنه بيجي بعد صلاة المغرب !!
مرام :يا ربيه يمه والله مستحية أحس أني ببكي من الخوف ..
ام عبدالمحسن: أذكري الله هذاك طالعة تهبلين ..
مرام: يمه أحس شكلي بايخ داخلة بدون شي ؟
ام عبدالمحسن : تبغين تقدمين له عصير ؟
مرام : لا لا أخاف أطيحه عليه !
ام عبدالحسن : طيب يالله أدخلي .. أخوك مقابلة من ربع ساعة ..
تلقينهم ملّــوا من بعض ..
مرام : ودي ألف طرحة على شعري مستحية منه !!
ام عبدالحسن :لا ما يصير .. لازم يشوفه !!
مرام : طيب أدخلي معي ..
ام عبد الحسن :يوه و هو جاي يشوفني و إلا يشوفك ..
مرام : يمه أنتي تصيرين خالته ..
ام عبد الحسن :لا لا مارح ادخل بس أنتي أدخلي ..
و تــدفــها لمجلس الرجال .. بالقوة ..
دخلت .. ما تشوف شي قدامها ..
* و أمي تقول قدمي له عصير .. كان والله أن أحطه على الطاولة و ما
اقدمه له ..
و بصوت ناعم يررجف : الــســلام عليكم ..
كانوا يسولفون و يضحكون .. ما انتبهوا لها ..
بس فجأة رفع عيونه لقاها تمشي خطوة قدام و خطوة ورا ..
ألتفت عبد المحسن للجهة الي عيون راكان تطالعها ..
عبدالمحسن: هلا مرام ما أنتبهت أنك دخلتي ..
* إيه أشــوى.. على بالي أنهم منطنشيني !
مرامتبلع ريقها ..) الســــــلاااا م عليكــم ....
راكان حس برهبة و نـــزل عيونه .. أول مرة يحس بهالشعور ..
* يالخبل أرفع عيونك .. أشبع منها ..
كويس جلست جنب أخوها .. عشان إذا رفعت راسي أشوفها زين
و يرفع راسه .. لقاها قاعدة و متكـــومة على نفسها ..
مشبكة اصابعها ببعض .. و إيديها ترررررجف ..
يبيها ترفع عيونها شوي .. يبغى يشوف منها شي..
طيب خليني اسألها ..
راكان: كيف حالك مرام ؟
مرام: الحمدلله .
*آخخخخ يالقهرر ما رفعت راسها ..
راكان:كيف كانت البحرين ؟
و هنا رفعت راسها .. التقت عيونهم لثانية و بسرعة نزلت عيونها ..
مرام: حلوة ..
عبد المحسن: والله يا راكان انبسطنا بشكل .. ما غير ندور أنا و مرام على السينما
ما خلينا فيلم ما شفناه ..
* يووه أشوى أنك يا حسونة موجود .. مسوي جو حلو .. كمل سوالفك ...
راكان: حلو .. أهم شي أنبسطتي يا مرام ؟
مرا م: إيــه .
* يووووه كل هذا حيــا ! كويس أني خذت بنصيحة مضاوي و ما لبست نعال ..
شكلها ما شافت مني إلا هالجزمة ..(هههههههههه) بس شكلها هي مســكّــت !!
* عبد المحسن بزعمه يفتح موضوع ..
عبدالمحسن: شفت يا راكان أثاث المجلس ..
راكان ما فهم .. وجلس يطالع الأثاث ..
راكان: إيــه .
عبدالحسن: ترا هذا ذوق مرام ..
راكان:ماشالله ..
عبدالمحسن: و فيه كذا غرفة بالبيت على ذوقها ..سبحان الله من تشوفها تعرف أنه
ذوق مرام ..حتى غرفتي هي الي منسقتها لي على ذوقها ..
* يووووووووه شكل الولد بدا يخور ! يا نصبك يا عبد المحسن من زين
غرفتك .. ليتك تطاوعني و تخليني أنسقها لك ....
راكان (يطالعهم و يتبسم) : الله يخليها لك .....
عبدالمحسن: ماشالله عليها ما تخلي شي ما تفهم فيه .. حتى الكورة تفهم فيها ..
* ورا ما تسكت شوي ! خل البنت تنطق ! أنا جاي أشوفها و إلا أشوفك !
راكان: وش تشجعين ؟!
مرام: هاه .. مدري .. أقصد ما أتابع ..
* علينا !
عبدالمحسن: يالنصااااااااااااااااااااابة .. وين راحوا ريال مدريد !
-و هنا غشى راكان من الضحك .. هو يدري أنها تتابع الدوري الإسباني ..
حتى هي قايلة بلسانها أنها تشجع الريال و أخوها يشجع برشلونة !
مرام: عن إذنكم ..
عبدالمحسن: إيه صرفي صرفي ..
-من الربكة مرام بدل ما تمر من عند الطاولة صدمت فيها ..
وهنا غشى عبد المحسن و راكان بنفس اللحظة ..
* يا سخفك أنت و إياه !
الكل بالعايلة أستغرب خبر خطوبتهم ..
تحددت الملكة و الشبكة بنفس الليلة ..
مرام صارت ما عاد تدخل مسنجر ..
مو لأنها مستحية من راكان لا خخخخخخخخ
هي الود ودها تذبحه عقب الشوفــة !!
قال بشوفها قال !! المشكلة هو بنفسه قال أنه شافني بملكة مضاوي ؟!
بيوم الملكة ..
تفاجأت مرام أنه عريسها يبغى يدخل يلبسها الشبــكـة !
مرام:يمه وش معنى أنا ؟! يوم أخته ما دخلوا رجلها عليها وأنا إلا بتبلشوني ؟!
ام عبد المحسن : أقول لا تقعدين كل شوي تسوين سالفة .. خلاص يبي يدخل حيـّاه
تراك الحين زوجته على سنة الله ورسوله .. لو يبي ياخذك ألحين
ما نقدر نقول لا ..
مرام: هاه نــعــم ؟ ما سمعت ! وش الي ياخذني ؟! اقول يمه لا تحديني
أروح غرفتي و اسكر الباب بالقفل !
ام عبد المحسن : اسكتي يالله هذا هو جا ..
و تحس بقلبها يرررررجف .. و بدت ترتبك على الآخررر
قعدوا الحريم يسلمون عليه .. أولهم أمه و جدته أم عبد الله .. وخالته وسمية ..
و يباركون له ..
* سبحان الله 27 سنة و أنا أعرفكم توه يحلى السلام !
ام عبدالمحسن: مرامممووه قومي قومي سلمي عليه .. قومي قررب الله يفشلك ..
راكان: السلام عليكم ..
حست أن صوتها مخنوق !!
مرام:ووو عليكمممم السلااام
راكان: مبروك ..
مرام: _____
راكان: الله يبارك فيني
و تجيب خالتها أم راكان الشبكة ..
ويبدون يلبسونها .
يوم وصل راكان عند الدبلة .. أحتار ..
ويلتفت لمضاوي أخته ..
راكان: في اليمين و إلا اليســار ؟!
مضاوي: في اليمين ..
و يدخل الدبلة في يسار مرام ..
مضاوي:لا في يمينها هي ..
راكان: طيب قولي من الأول ..
قعدوا شوي .. و قاموا يباركون للمعاريس .. طلعوا من عندهم و خلوا ليلى
و مضاوي معاهم " يــجــســرونـــهم "
ليلى: مبروووك يا عريس .. الله الله بمرام .. تراها ابلتي ومـا ارضى
تزعلها ....
راكان: أي أبلى .. خلاص من اليوم بنقطع العلاقة ..
ليلى: مســكــين !! مرووم ما ترضى فيني صح مروم ؟!
مرام: هاه إيه ..
ليلى: شفت ههههههههههههه
راكان: اقول ليلوووه ليش ما تمسكين يد مضاوي و تورينا عرض أكتافك .. سمعت
صوتك بما فيهالكفاية .. الحلوة الي جنبي للحين ما سمعت منها جملة مفيدة ..
و ترفع مرام راسها .. يطالعها راكان و هو يتبسم ..
ليلى: قاعدين على قلبببك ؟؟
و يقرب من مرام ..يهمس لها بأذنها ..
راكان: تدرين وش مسميها بالجوال؟!
مرام(ترفع راسها) : .. وش مسميها ؟
و يطلع الجوال .. و يوريه إياها .. " خــالتي قمــاشة "
و تضحك مرام .. صح ضحكتها رقيقة و كأنها مغصوبة عليها ..
بس يمكن لأنها مستحية ..
مرام: هههههههههههههههههههههههههههه
ليلى : وش عندكم تتساسرون ؟
راكان(ويلتفت لمرام): .. شفتي والله أنها ألعن ..
و تزيد مرام ضحكتها .. راكان خلالالاص بيذوووب معها ..
ليلى: يووه وش السالفة ..
راكان: السالفة يا آنسة ممكن تهوونا شوي ..
مضاوي: معليش يا أخوي .. امي و أم العروس موصينا نحرسكم ..
ليلى: إيه يخافون تسوون حركة كذا و إلا كذا!
راكان(و يلتفت لمرام ): ودي اصكهم بلوك !
مرام خلاص ضحكت الضحكة الطبيعية ..
راكان: إيه إيه اضحكي .. لأنك ما جربتي البلوك أنتي و وجهك ..
ليلى :وش بلوكه ؟
راكان: مو شغلك ..
مضاوي: على فكرة وين بتروحون شهر العسل ؟
مرام تطالع راكان و هي تتبسم ..
راكان بـكــل ثقة ..
راكان: يبي لها حكي.. أكيد مكة ؟
* أختفت البسمة !
مرام: نــعــم ....
راكان: الله ينعم عليك حبيبتي .. بس تعرفين أحنا معاريس جدد ..
ودنا ربي يبارك لنا بحياتنا .. و حلو نبدأ أول مرحلة من مستقبلنا بعمرة ..
مرام: _______
يقرب ويهمس لها ..
راكان: هالمرة أنا الي بصـك عليك بالشقة .. و ما بننزل إلا بوقت الصلوات ..
وباقي الوقت نتعبد ربي بالشقــة
* تبتسم مرام بقووووة و هي مستحية ..
مرام: إيه وأنا الي بطاوعك .. ترا يمدحون الخرج ..
يقولون فيها أماكن حلوة توسع الصدر و تراهم بعد فتحوا مقابر جديدة ..
و راكان خلاااص يضحك من قلللللب ..
راكان: تدرين على نكتــتــك
هذي موب خسارة فيك موريشوس
تــــــــــــــــــــــــــــــــــمــــــــــــــ ــــــــــــــــــــــــــــــــــــــت ...
:
.......وش رايكـــم ؟؟

[تعبت اشكي]

رووووووعه القصه
http://img261.imageshack.us/img261/8476/rdd37kt.gif

[بنت سكر]

قصه حلوه

مشكوره قلبي

الله لايحرمنا منك

[جودي ابوت]

رووووووعه القصه
http://img261.imageshack.us/img261/8476/rdd37kt.gif
انتي اروع مشكورة حبيبتي على المرور

[جودي ابوت]

قصه حلوه

مشكوره قلبي

الله لايحرمنا منك
ولا يحرمني منك ومن ذوقك مشكورة يا قلبي على المرور

[قمرهم كلهم]

http://www.4zz.net/up/uploads/c41fdf84bc.gif (http://www.4zz.net/up)