ابوفهد
07-29-2007, 06:32 PM
.......:شذى حبيبتي في ناس خطبوك من أبوك...
شذى وهي مستغربه: هلا يمه شتقولين في ناس خطبوني؟
ام محمد وهي تناظر بنتها الوحيده:إيــــه خطبوك وينتظرون الرد عشان يجون يخطبون رسمي..
شذى بفضول : مين هم...انا اعرفهم ؟
ام محمد: لا ما تعرفينهم...ولا أنا اعرفهم بعد؟
شذى: إذا انا ولا انت نعرفهم مين يعرفهم؟
ام محمد : خالد اخوك يعرف المعرس...
شذى وهي تناظر امها: مرة وحده معرس زين يمكن ما أوافق...يا خوفي بس يطلع زي راكان اللي قبله ما يعرف...
امها تقاطعها: اخوك خالد يمدح فيه ويقول مثله ما ينرد...
شذى: يعني بس خالد يعرفه.....
امها وكأنها تذكرت حاجة: انت بعد تعرفين خالته اخت امه...
شذى باندهاش: خالته اعرفها انا ؟ من تقصدين يمه ؟
امها وهي تبتسم: فكري ...تتوقعينها مين؟
شذى وهي محتارة: مين من الجيران او من اصدقاء العيلة؟؟
امها: ما حزرت....و باقولك حاجة ترى اهل المعرس مو من الشرقيه؟
شذى واندهاشها زاد: مو من الشرقية...وانا اعرف خالته واخوي خالد يعرف مرس الغفلة...ومثلة ما ينرد.....يمه خلاص تراني خلاص وصلت حدي قولي لي مين وماله داعي هالفوازير اللي انت مسويتها..
امها: اوكيه بقولك...
تقاطعها شذى بضحتكتها الرنانة: هههههههههه احلى يمه اوكيه هذي من وين جابيتها....والله الوالده حركات..اوكية..بكرة ايش رح تقولين...تشاو...ههههههههههههه
ام محمد : تضحكين على امك هاه؟ زين يا شذى موتي بفضولك نامي الليلة بدون ما تعرفين عريس الغفلة على قولتك...
شذى وهي تحاول تكتم ضحكتها : خلاص يمه والله آسفه بس بالله من اللي علمك عليها أكيد سعود ما غيره صح
ام محمد: ماني بقايله زين...
شذى قامت وحبت فوق راس امها : خلاص السموحة يمة بس قولي لي من المعرس تكفين يمة الله يخليك الله يوفقك الله يـ....
ام محمد تقاطعها: خلاص زين زين باقول عاد انتي تلصقين بالواحد إلين يقولك....
شذى: زين مين المعرس؟؟؟
ام محمد: خالته تراها معيدة بالكلية عندك بقسم لغة عربية؟؟
شذى والفضول ذابحها: بالله عندي بالكليه وبقسمي بعد مين هذي؟
ام محمد:اسمها عبير...عرفتيها؟
شذى والبسمة شاقتها: من جد ونااااسة الصراحة اذا هو على خالته رح يكون جنتلمان...
ام محمد باستغراب: وش جنتلمانه انتي وخشتك؟
شذى وهي مبسوطة:ما عليك مني...زين اذا هو مش من الشرقيه اجل من وين؟
ام محمد: من الرياض...
شذى وهي تناظر امها: من الرياض...وجا الشرقية يخطبني...ليه خلصو بنات الرياض عشان يدور برا...
ام محمد:يقول لاخوك خالد احنا ندور على العرق الطيب...
شذى: اوكيه يمه قولي لي عنه نبذه مبسطة و موجزة اكيد خالد قال لك شي عنه لو بسيط؟؟
ام محمد: خالد يقول ان اسمه تركي وهو ضابط وان عايلته مشالله عليها ناس معروفين بسمعتهم الطيبة ويقول ان ابوه واخوه الكبير يشتغلون في التجارة وعندهم خير...
شذى وهي تبتسم: ضابط يمه انت تتكلمين من جد؟
ام محمد: تعرفيني يا شذى انا ما احب المزح في امور الجد اللي زي كذا
شذى:زين اسفه يمه...كملي
ام محمد: بس هذا اهم ما قاللي اخوك...
شذى بضيق: شوفي يمه قولي لي حتى الفتافيت اللي قالها السيد خالد زيــــــــن ؟؟
ام محمد: اوفففف زين بقولك...يقول ان تركي هذا جاء الشرقيه في دورة مدة ستة شهور وخالد خويه يوسف تعرفين في العسكريه بعد...يوم جا تركي دورته العسكريه كان يوسف معه اللي صار ان يوسف عزم تركي كذا مرة ونادى خالد اخوك....يقول عنه رجل والنعم فيه ما في مثله اثنين
شذى وهي تناظر امها بنص عين:كذا عزيمة تخلي تركي هذا...يخطب اخت خالد اللي شافه مرات معدودة هاه؟..
ام محمد وهي تضرب بنتها بخفه على كتفها: يا النبيهه توني اقولك خالته عندك بالكليه اكيد سألها عنك ومدحتك له(واخذت ام محمد تمسح على شعر بنتها) والله وكبرتي يا شذى وبنزوجك...
شذى وهي تبتسم لأمها:اكيد باكبر يا يمه مثل الناس...يعني تبيني اصغر مثلا؟...بس يمة كيف عرف تركي اني انا اخت خالد ادرس عند خالته هاه؟
ام محمد: خالته هذي عبير كلمتني وهي اصلا اللي دلته علينا بس لقاء تركي بخالد كان صدفة...
شذى: يمه توك تقولين ما اعرفهم...
ام محمد: والله ما اعرفهم هي كلمتني وعرفتني بنفسها و قالت لي الموضوع وخالد كلمه تركي وينتظرون الرد عشان زي ما قلتلك...
شذى: ارد على واحد ما اعرفه الله يهداك يمه....
ام محمد: اخوك يمدحه وانتي توك تمدحين خالته...
تقاطعها شذى : بس هذا ما يكفي يمه لازم نشوفهم ونسأل عنهم زين وبعد كذا لكل حادث حديث...
ام محمد:خلاص يعني انتي ما عندك اعتراض للحين؟
شذى:اعترض على ايش؟؟
ام محمد: يعني يا حبيبتي انتي مو معترضة(وبغت شذى تقاطعها) اسمعيني للآخر خليهم يجون ونشوفهم وبعدها نسأل عنهم اذا طلعوا اهل خير الله يحييهم واذا كان غير كذا ننهي الموضوع من اوله ولا كانه صار شي..
اعجبت شذى براي امها: يمشي اللي تقولينه يام محمد..
ام محمد:الله يحفظك يا شذى ويكتبلك اللي فيه الخير...
وقامت ام محمد عن بنتها وطلعت من غرفة شذى عشان تقول لابو محمد براي بنتهم الوحيده
شذى عمرها 19سنه اصغر وحده في اخوانها وحدانية بين ثلاثة اولاد حلوة مملوحة وهي طويلة وجسمها روعة و يسمونها البنات باربي من حلاوة جسمها و شعرها لآخر ظهرها حلو وكثيف وناعم وهي بيضاء صافيه تميزها بحة صوتها الناعمة وهي طيبة وحبوبة و شذى مجنونة بالموضة والأناقة..
اخوانها محمد اكبر واحد عمره 33 يشتغل مساعد طيار بالخطوط السعودية
متزوج مريم ومريم هذي ملقوفة وفيها لعانة احيانا تكون ملكة الطيبة واحيانا العكس
وعندهم بنتين ريم 5سنين و رنا سنتين
ومحمد ومرته ساكن مع اهله بحكم سفره الدائم ما يقدر يخليهم لوحدهم عشان كذا ساكن مع اهله..
خالد 28سنه ثاني واحد متزوج بنت عمه مها وساكن بفيلة جنب اهله وهو يشتغل مهندس بناء
سعود24سنة توه راجع من برا كان يدرس بجامعة اكسفورد ببريطانيا واول مارجع تعين مدير علاقات عامه باهم الشركات الكبرى بالشرقية هو احلى اخوانه واملحهم بس طبعا بعد شذى...
.................................................. ..............................
ام محمد بعد ما طلعت من غرفة شذى كانت بتروح لغرفتها إلا شافت رنا بنت محمد طايحة تبكي على الأرض...
ام محمد: وش فيها راني تبكي...(وشالتها من الأرض)...وش فيك يا رنا تبكين؟
إلا تجي مريم وتشيل بنتها من يد ام محمد وتقول وهي معصبة : خالتي ما تشوفينها طايحة على وجهها اكيد بتبكي...
ام محمد : وش فيك معصبة ؟؟
مريم : ما فيني شي بس بنتي طايحة...إلا شسالفة الرجال اللي خاطب شذى اسمعكم تتساسرون فيه ولا حد قال لي او افكر يقولي حتى مها مرة خالد تعرف السالفة وانا آخر من يعلم...
ام محمد تركتها لأنها ما تبي مشاكل ومشت عنها وقالت: ما حصل شي واذا صار شي قلنا لك ....
معروف عن مريم اللقافة واللعانة...بس قدام محمد حمامة سلام ...الكل منقهر منها حتى شذى بس دايم يوقفونها عند حدها ومحد يشكي لمحمد منها لانهم شايفينه يحبها ومرتاح معها..
مريم قعدت تاكل بنفسها من القهر لأنها ما تعرف شي في السالفة ومنقهرة من محمد زيادة لأنه اكيد بيعرف ولا قالها مع انه زوجته وام عياله...
________________________
وفي الرياض...
متعب: احلى يا تركي بتاخذ لك شرقاويه هاه
تركي وهو يبتسم لاخوه: شفت اخوك مب هين
متعب وهو يغمز لتركي: اهل الشرقية اهل الدلع يا تركي
هنا يتدخل اخوهم الكبير بندر: شوف يا تركي اذا المرة اللي بتاخذها زينة
حلوة...لا تنسى اخوك الكبير عشان اذا عجبتك باخذ اختها...
تركي وهو يناظر اخوه بندر نظرة سخرية: ما تقدر لأن المدام مارح توافق على هالشي...وبعدين خلك مرتاح ماعندها خوات...
بندر وهو معصب: وش دخل مرتي في السالفة هاه؟
متعب وهو يكلم بندر: بندر يا عمي خلك مع بنت عمك ام فارس احسن لك...
بندر ابو فارس: امزح على طول صدقت انت و اخوك.....
الكل ضحك عليه لما قال كذا
بندر: المهم ما علينا تركي لو تاخذ لك وحده من بنات عمانك او خوالك احسن لك
تركي: خلاص يا بندر قفل السالفه تعرف ما حد منهم عاجبني او حتى داخل مزاجي
متعب وهو يكلم بندر: تذكر بعض الناس يوم دموعهم اربع اربع لما خلصوا الثانوية توهم بزران يبون يتزوجون بنت عمك سلمى...
تركي وهو يضحك: عادكم تتذكرون انا نسيت السالفة تدرون لها 8سنين يعني فيه ناس ماتوا وناس ولدوا وناس تزوجوا وتطلقوا وانتم عادكم فيها
بندر ابو فارس: لا مو عادنا فيها بس تقول مو عاجبينك بنات عمك..
تركي بضيق: هذا حب مراهقه حب عيال...وبعدين خلاص انا بتزوج يعني خلاص قفلوا عليها...
ويقوم تركي عنهم ....
ابو فارس: وين تعال ...خلاص بنسكت...
تركي وهو ماشي:لا تسكتون كملوا كلامكم...بس ياليت تبعدوني وما أكون محور حديثكم....
متعب: اقول تركي وين رايح؟
تركي:بروح مع واحد من اخوياي عازمني على العشا...ويناظر تركي ساعته...شفتوا اخرتوني الساعة تسعة ونص ونا متفق على الساعة تسع...
متعب وهو يضحك:لما تودع العزوبية وتتزوج لازم تكون تسع ونص بالبيت مافيه سهر برا البيت...مافيه تاخير...
تركي وهو يبتسم:خير ان شالله انا لما اتعدل يكون بمزاجي وبراحتي...
وطلع تركي ...
تركي وهو في سيارته رايح لموعده...
دق جواله...
....: تركي
تركي:هلا والله يباه...
ابو بندر: تركي توني مسكر من ابو محمد ويقول حياكم الله ...
تركي :يعني موافقين...
ابو بندر:أكيــــــد...ومن يقدر يرفض تركي ولد عبدالله...
تركي:أخذت منهم موعد...
ابو بندر: إيه على الخميس الجاي بنروح الشرقية ....والله يعين على اختيار خالتك...
تركي:إن شاء الله خير ....
ابو بندر:إن شالله تامر على شي؟
تركي:ما يامر على عدو...
ابو بندر:في حفظ الله..
تركي:مع السلامة.....
ويقفل الجوال تركي ويفكر في مسقبله مع بنت ما يعرف عنها إلا اسمها
....
تركي عمره سبعة وعشرين سنه شاب الكل يحلم فيه وسيم لدرجة تبهر الاعين ورجل خلوق وطيب يحب الاعتماد على نفسه في كل الامور رفض يشتغل مع ابوه وحب يعمل لنفسه ومستقبله دخل العسكريه
لأنها حلمه من صغره ودايم يقول عنها مصنع الرجال...عيبه عصبيته الزايدة وغروره الزايد ويبي اللي معاه يمشون مثل الساعة يعني بدون اخطاء...
هو ترتيبة الرابع في العائله...
اكبر واحد ابوفارس بندر 40سنه متزوج عائشة بنت عمه
بعده فاطمة 37سنه متزوجة ولد خالها ناصر
وبعدها متعب 30 سنه متزوج سارا بنت عمته
وبعدين تركي...
وبعدين آخر العنقود بشاير18سنه حلوة ودلوعة...
في بيت شذى وبالتحديد بغرفتها مع صديقتها ريم...
ريم:الصراحة ما نقدر نتكلم خاطبك ضابط بناء على رغبتك وحلمك...
شذى وهي تناظر رفيقتها بفرح: شفت شلون...
وتزيدها ريم: لاااااااااااااا وبعد مثل ما تمنيت تسكنين بالرياض...
شذى وعيونها بتطلع:أنا؟؟؟ متى قلته؟؟؟.........
ريم بنص عين:لا تحاولين تنكرين(وتقلد صوت شذى)ياربي ياليت إحنا عايشين بالرياض مع بنات عمي سعد بدل هالرطوبة والحر اللي بالشرقية ذابحنا...
شذى وهي تسند ظهرها على الكرسي: هذا بس كلام وخرابيط....
ريم: إلا تعالي قلتي رح يجون يوم الخميس يعني(وتحسب ريم على اصابعها)يعني بعد خمس ايام
شذى: يالله مرة قريب...
ريم:بتشوفينه ويشوفك مثل ما قلت قبل شوي؟
شذى:yes
ريم:يعني سألتو عنه؟؟؟؟؟؟؟؟
شذى وهي تتربع وتعدل جلستها: طبعا ما خلى أبوي الله يحفظه أحد بالرياض نعرفوه إلا خلاه يسأل وشغل فريق التحري حقه بالرياض يسال عنه والنتيجة هي...إنهم مدحوه ومدحوه أهلة بعد...
ريم وهي تضحك:بالله من فريق التحري هذا؟؟؟هههههههههه
شذى وهي تضحك من ضحك صديقتها: هذول الله يسلمك يتكونون من ثلاثة أبطال هم عمي سعد وخالي فهد و خويه عبدالهادي...
ريم وهي تضحك:يعني النتايج تطمن...
شذى:ع الآخــــــر... وظحكوا....
وبعد فترة سكوت طويلة بينهم...
قامت شذى من على الكرسي وراحت وقفت قدام المرآية وقعدت تتأمل نفسها وبعدها لفت على ريم : ريم تتوقعين تركي بيرفضني.......لو رفضني والله أنهار إلا أموت...تذكرين أمل يوم رفضها خطيبها لما شافها البنت نهارت مسكينة...
ريم بجدية:شذى؟...إيش هالكلام أساسا مافي مقارنة بينك إنت وهي...صدق إنها حبوبة وطيبة بس إنت احلى...أساسا مافيه مجال للمقارنة بينك وبينها...هي جمالها متواضع مرررة
شذى: ولو...الجمال مو كل شي بالحياة أهم شي الراحة النفسية...يمكن مايرتاح معاي...
ريم: ما أدري شقول لك...بس احسن حل صلي استخارة واطلبي من الله إنه ينور بصيرتك
شذى:صليت استخارة وهذا دايم ادعوا الله إنه يكتبي لي الخيرة...
ريم:الله يوفقك...
شذى تقرب من ريم:ريم شوفي ألحين بفتح الباب وبلقى مريم تحاول تتسمع...
ريم وهي تحط يدها على راسها:ياربي...هذي ما تشبع دايم تتصنت؟؟
وتقوم شذى وتاشر لها على الباب وبخفة سريعة تفتح الباب ومثل ما توقعت مريم قدامها تسوي نفسها رايحة لغرفتها لأنها قريبة من غرفة شذى...
شذى وهي حاطة يدها لى خصرها:إنت شتسوين هنا؟؟؟
مريم تحاول تخفي ارتباكها:رايحة لغرفتي(وتقوي عينها وتقول بعصبية)ولا لازم آخذ الأذن من آنسة شذى قبل لأروح غرفتي هاه؟
شذى بتحدي:إيه لازم زين؟...وبعدين ترى حركاتك مكشوفة...
مريم بعصبية:أي حركات؟
وتدّخل ريم وتسحب شذى على داخل الغرفة...
ريم لمريم:هلا مريم...
مريم ببرود:هلا...
ريم لشذى:خلاص يا شيخة بلى مشاكل؟
شى بقهر:تقهرني يا عالم...أنا متأكدة إنها تتسمع بس..
ويقطع حديثهم صوت جوال ريم...
ريم:هلا...وين أنت؟...أوكيه لحظة....اوووووه زين خلاص جايية....لا تاكلني...بااااااي...
شذى:مين اخوك؟
ريم:إيه تحت ينتظرني...
شذى: طبعا تجين يوم الخميس...
ريم وهي تاخذ عبايتها:بشوف...
شذى: وش تشوفين تجين يعني تجين....
ريم تلبس العباية:بشوف...وبعدين التليفون بينا...
شذى:مثل ما قلتي...بينا التليفون...
ريم:أوكيه يلله باااي...
شذى:بااااي...ترا اليوم بكلمك...
ريم وهي طالعة: في انتظارك........
وبعد ما راحت ريم دخلت شذى غرفتها و وراحت وانسدحت على فراشها وقعدت تفكر...
غربية؟؟ليش اختارتها عبير من بين البنات...ليش ما اختارت ريم مع إن ريم املح منها واحلى بكثير...زين يعني يمكن وجود عبير معها كان صدفة ووجودهم الثنتين بنفس المكان صدفة...او يمكن هي اختارتها لتركي...طيب ليش مادور في الرياض اكيد بيلقى سكان الرياض بالملايين الله العالم...
ريم صديقة شذى حلوة وأحلى من شذى بكثير بس هي وشذى صديقات من الطفولة...
.................................................. ..................
في غرتهم...
مريم بعصبية:ليش ما قلت لي يا محمد إن فيه أحد خطب أختك؟
محمد وهو تعبان متمدد على فراشه:نسيت...
مريم:ولو هذا مو عذر...
محمد معصب:خلاص نسيت يعني ما أنسى؟....
مريم:زين تدري إنهم بيجون يوم الخميس هذا؟
محمد:من قال لك؟
مريم:شذى قالت لي...(كذابة تتصنت عليها)....
محمد بينام خلاص:حلو...خلاص مادام شذى قالت لك خل تقولك الباقي...
مريم بقهر:ليش ما تقولي إنت؟ مو إنت زوجي؟
محمد: بكرة وراي سفر لجدة والمدينة خلاص خليني انام...
مريم مقهورة:زين...بس بكرة نكمل كلامنا على الفطور ...
محمد بضيق:خير إنشالله...
وبعدها نام محمد لأنه تعبان طول اليوم في المطار وبالليل راح المستشفى يزور خوية...وبعدها معزوم وما وصل البيت إلا متاخر ولقى مريم تنتظره يدري غنها صاحبة مشاكل بس حبوبة...
محمد عصبي ويحب اهلة ومرته وما يرضا لهم المهانة وبنفس الوقت ما يبيهم يغلطون....
.................................................. ................
في الصباح على الفطور.........
ام بندر: تركي لا تزال مصمم على رايك؟...
تركي زهق من هالسالفة: يمه خلاص كفاية خلاص خطبنا وبنروح نشوف العروسة....
ام بندر:بس انا...
يقاطعها تركي:على عيني وراسي بس بلاها سالفة إنتي تبيني ارتاح خليني على ما انا عليه...
ام بندر:ناس ما نعرفهم مهوب احسن من ناس نعرفهم منا وفينا...
تركي وهو يشرب الشاي:يمه...لما سألتك بالبداية وافقتك وألحين تعترضين ما يصلح يمه بعد ما كلمناهم ترضينها لبشاير؟؟
ام بندر:لأ.... يا تركي خالتك هي اللي دلتنا عليهم ويمكن بعدها ما تعجبك العروس وبعدين بس هي اللي تعرفها؟
تركي:وانا اعرف اخوها...مشالله عليهم....وانا استخرت و ربي ريح قلبي لهالشي....
ام بندر:بس عندي سلمى بنت عمك احسن ...او جواهر بنت خالتك...
تركي وهو قايم من الفطور:ما ابي لا الاولى ولا الثانية انا اعرفهم واحس ما بقدر اعيش معهم....
ام بندر:كمل فطورك؟
تركي:الحمدلله شبعت...بعد وراي دوام...
ام بندر :الله يحفظك.......
بعد ما طلع تركي...
قعدت ام بندر تفكر صح هي اللي غلطت في البداية ما اعترضت يوم الخطبة صارت رسمي توها تتكلم بعد ما يصير هذا مو من الأصول...
.................................................. ....
مريم:انا اشوف إن شذى مهوب صغيرة على الزواج خلها تتزوج ونفتك مو كل ما يجيها عريس تدور لها حجة وترفضة
محمد:كيفها....إنت شيخصك؟....
مريم بعصبية:كيف ما يخصني؟
محمد وهو يعدل شماغة: شوفي حبيبتي هذا وانا اخوها ما تدخلت فلا تدخلين احسن لك...انا وإنت مالنا شغل...
مريم تحرضه:بس هذي اختك؟
محمد وهو يناظرها:وهذي حياتها لوحدها إذا استانست لوحدها وإذا حزنت بعد لوحدها فلا ندخل فيها.......
مريم:............
محمد: زين إنك عرفت إذا انت فاضية اقعدي مع بناتك شوي مو قاطتهم على الشغالة
مريم:مين قال قاطتهم اصلا انا طول اليوم معهم...
محمد:باين...وهذا انا اشوف بعيوني...
يوم الخميس...
بغرفة شذى.....
شذى بارتعاش: يمه انا خايفة يا ريم احس خلاص بموت من الخوف...
ريم وهي تمسك يد شذى:خلاص يا بنت ايش هالحركات كلها نص ساعة وتشوفين المعرس؟
شذى: ريم لا تقولين كذا لك ثلاث ساعات الحين وانتي تحسبين الوقت باقي ساعتين باقي ساعة باقي نص ساعة يعني وبعدين؟؟
ريم:زين وليش ما احسب لك الوقت انا بعد تراني متوترة مثلك اذا هذا الشي يوترك يا.........يا عروسة...
شذى وهي معصبة: جب زين....عروسة بعينك...
ريم وهي حاطه يدها على صدرها: بسم الله علي وشفيك معصبة حد ضربك؟؟ انا ما قلت شي يزعل؟؟كل بنت تتمنى انها تصير عروس
شذى:ريم تكفين خلاص...انا متوترة مرة ...واحس ماني قادرة افكر والله كأني بامتحان آخر السنه إلا اشد من كذا...
ريم: شي طبيعي إنك تكونين متوترة وخايفة...بس(وتناظر ريم شذى من فوق لتحت) انت ووجهك ايش رح تلبسين لا تقولين...
تقاطعها شذى: إيه بدخل وانا لابسه كذا...عندك مانع؟؟؟
ريم: إيه عندي مانع...من جد هذا لبس انتي ووجهك...والله كأنك داخلة عزى بأحد ميت...
كانت شذى لابسه تنورة سوداء طويله مع بلوزة كم طويل تدرجات البني والبيج و رافعة شعرها بطريقة شوي رسمية وحاطه ماسكرا
خفيفه على عيونها...
شذى بعصبية: والله؟؟؟ انا عاجبني شكلي كذا...وبعدين عشان مايظن إني انا مو مصدقه فيه وطايره فيه...خليني كذا احسن ...
ريم: اتوقع لو يشوفك ينحاش...ابد بيقول داخله علي هذي بالغصب وما تبيني لا تصيرين خفيفه بس لا تسيرين كذا مره ثقيله...
شذى: الثقل زين...والبنت الخفيفه ماحد يبيها...
ريم: ماقلنا صيري خفيفه... بس شذى تكفين نزلي شعرك عشاني...بيني له انك حلوة...يله نزلي شعرك لا ترفعينه كذا...
شذى بعناد: لأ يعني لأ ...
ريم: بالله عليك نزليه و هالعناد ماله داعي يا بنت الناس...فلي شعرك وامسكي نصه من فوق بكليب احلى من هذا...
شذى:...................
ريم باقناع: والله شكلك كذا يقول عمرها 29سنه مو 19....
شذى: لاااااااا...لا تقولين كذا...امانه شكلي كذا اكبر من سني بكثير؟؟؟؟
ريم بمكر: إيـــــــه والله شكلك على حافة الثلاثينات...بس عدلي شكلك شوي عشاني...يالله مو عشاني عشانك نفسك انتي...
شذى:..........................
ريم تزيد: شذى والله اذا دخلت كذا احتمال99% انه يرفضك... كذا كأن احد مصفقك...أكيد بيقول هي مجبورة علي وانا ما ابي
وحده ما تبيني...فراح ينسحب بنفسه ويعتذر....
شذى: ريم رجاء لا تخوفيني...لهالدرجة شكلي رايح فيها...زين يالله شوري علي وش اسوي..بس لبس ماني مغيرته لو إيش...
ريم: بس غيري يا شــ....
تقاطعها شذى: ريم ملابسي مارح اغيرها لو يكون من يكون خليني كذا احسن وعن شعري بغير تسريحته عشانك...
وراحت شذى عند درجها وقاد تدور كليب احلى من اللي هي لابسته وطلعت كليب لونه بني مموج ببيج حلو وناعم...
ولفت على ريم وقالت لها: ريـم وش رايك في هذا؟؟؟
ريم: إيه هذا أحلى من اللي قبله...ألحين فلي شعرك من تحت وامسكي بس اطرافه من فووق..
وفكت شذى شعرها وقعدت تعدل فيه...وعملت مثل ما قالت لها رفيقتها ريم وبعد ما خلصت...
ريم بفرح: إيـــــــــــــه كان كذا احلى من الأول ...بس
شذى مقاطعتها بعصبيه: بس إيش بعد ؟؟؟....
ريم: بس كنت ابي اسأل ألحين انتي بتحطين مكياج ولا ايش السالفه؟؟؟...
شذى: طبعا لأ...انا بس حطيت ماسكرا وبس ....خليه يشوفني على طبيعتي أحسن...
ريم: زين حطي بس غلوس لا تحطين مكياج كامل...
شذى:ريــــــم رجاء بلى حنه زيادة على راسي...كذا وبس...
ريم: زيــــــن بس اخر شي أنتي بتلبسين اكسسوارت ولا لأ....بس لا تقولين لأ لأنك بجد بتثبتين لي إنك عجوز...
شذى: زين إنك ذكرتيني تصدقين والله نسيت...
وراحت شذى لعلبة اكسسواراتها وتبي تطلع شي تلبسه...إلا سحبت ريم العلبه منها وقالت لها:
انا اللي بختارك يا حلوة...لأن اليوم شكل ذوقك فيه زفت من كثر ما تفكرين...
شذى بابتسامه: ريموه...اعطيني العلبه تراني مهوب ناقصه لفلسفتك...
ريم برجاء: شذى الله يخليك انا خليني اختار لك والله انك اليوم رفعت ضغطي من لبسك...
شذى بمزح: لا تغلطين انتي ووجهك ولا تشوفين الباب هاه؟؟....((تقصد تطردها))...
ريم: اقول يله اقلبي ووجهك يا الحولا انا اللي باختار لك...
وتجرها شذى من شعرها بمزح: ريـــــم انا حولا يا الحولا لا تخليني الحين احذفك برا....
ريم بصراخ: آآآي....آآآي....عورتيني يالخايسه...ولا تخليني انا ألجأ للسلاحي الخاص اظافيري والعب بوجهك هاه...آآآي
شذى تفك ريم: امزح معك يا الهبله...وبعدين انتي من جدك انك تبين تشوهيني واليوم شوفتي؟؟؟....
ريم وهي تعدل شعرها: طبعا لأ...بس عشان تفكيني...وبعدين خليني أنا اللي اختار لك وش تلبسين من اكسسوارات بليــــز؟؟؟...
شذى تناظرها بابتسامه: اوكيــــه....خلاص اختاري لي ريم....بس هاه يكون ناعم ما فيه دفاشه... بليز ريم...
ريم وهي تحوس بالعلبه وتدور لها: خيـــــر انشالله...بما انك تبين ناعم باختار لك شي حلو...
.................................................. ............
بالصاله ببيت ابو محمد اهل شذى...
كانت مها زوجة خالد ومريم زوجة محمد وام محمد قاعدين...
بينما الرجال قاعدين بالمجلس مع اهل تركي اللي جو لما صارت الخطبه رســــمي....
مريم: مها...ايش قال لك خالد عن خطيب شذى؟؟؟
مها تعرف حشرية مريم ردت عليها: مثل اللي تعرفينه ما شي جديد...
مريم: وش دعوة؟؟؟ المعرس من طرف خالد وانت زوجته أكيـــــــد قال لك شي عنه...
مها: هو قال لي انهم مشالله عليهم اخلاق وسمعه طيبه...
مريم: وفلوس كثيره...
مها: مشالله عليك يا مريم هذا انتي تعرفين اجل ليش تسألين هاه؟؟....
مريم: اللي قلتيه شي معروف... وهم معروف عنهم فلوسهم الكثيره....
مها: اطمني من هالناحيه...خالد يقول إنه ما ياخذ ريال من اهله...هواللي يصرف على عمره من راتبه.... من شقاه...
مريم:يعني ما ياخذ من اهله فلوس؟؟؟؟...
مها:ولا ريال....وبعديـن انتي وش يهمك لو ياخذ او لأ... انتي بتاخذينه ولا شذى؟...
مريم:لأ مو قصدي كذا...بس كان ودي اعرف عنه اكثر...لأن محمد قال لي انهم ناس هوامير بالرياض...
مها ما حبت انها تكمل كلامها مع مريم فقعدت تكلم خالتها ام محمد اللي كانت ساكته وتناظرهم...
مها: اقول خالتي وينها العروس شذى هاه ؟....لي ساعه ونص من جيت ولا شفتها؟؟؟...
مريم تقاطعهم: وينها يعني..اكيد بغرفتها مع صديقتها ريم فوق من جات وهم الثنتين بالغرفه ماطلعت لهم 3ساعات...
مها وكأنها ما سمعت مريم: والله يا خالتي إني فرحت من قلبي بشذى وبنفس الوقت حزنت عليها مره...
ام محمد: ليـــه حزنت؟؟؟...
مها:لأن خالد قال لي ان تركي المعرس ساكن بالرياض واكيد إذا الله كتب نصيب بتروح الرياض وبنفارقها والله...
ام محمد بحزن:والله نفسي يا مها امس بالليل كانت سهرانه معي ولما راحت تنام قعدت ابكي من بعدها لان فراقها صعب علي...
مريم بخاطرها((إلا ابركها من ساعه خليها تذلف وتفكنا هالعله واحسن مافي زوجها انه بعيد منا))
مريم تكلم ام محمد: إي والله يا خالتي فراقها صعب علينا كلنا...وما اقدر اتخيل البيت من دون شذى حتى بناتي بيفارقونها...
ام محمد تناظرها باستغراب لأن المشاكل بين مريم وشذى ماتوقف فكيف رح تحزن عليها...
فهمت مريم القصد من نظرة ام محمد لها ومن متى هم حبوا بعض فقالت: تدرين يا خاله إن العشرة ماتهون لو يوم فما بالك بسنين...
ام محمد باقتناع:صدقت يابنتي العشرة ماتهون...وكل بنت لها يوم تفراق فيه بيت اهلها...
مها: خالتي اليوم تركي بيشوف شذى؟؟؟...
ام محمد: اليوم إيه بيشوفها وتشوفه...والله انها يامها مره مرعوبه من هاليوم...
مها: كل البنات كذا يا خاله واتذكر يوم جا خالد بيشوفني سويت بامي العيــــد من الخوف...
ام محمد: بس انتي تعرفين خالد من قبل وشفتيه وشافك بس هي مسكينه ما عمرها شافته ولا شي...
مها: وانتي صادقه يا خالتي...بس بعدين بتقعد تضحك على نفسها لما تتذكر.....
وفي هاللحظه يدق جوال مريم وترد مريم....وبعد ما سكرت....
مريم: اقول خالتي هذا محمد يبي يكلمك هناك بالصاله اللي بقسم الرجال....
وتقوم ام محمد لولدها....
مها: مريم محمد وش يبي بخالتي؟؟؟..
مريم: شكله يبيها تعدل شذى عشان تدخل تشوفه...لأنه سألني اذا شذى خلصت او لأ....
مها وهي تقوم: اجل خليني اطلع لشذى اشوف اذا خلصت او لأ....
وقامت مها عن مريم.....
وراحت مريم لام محمد ومحمد عشان تشوف وش صار بالمجلس عند الضيوف...
.................................................. ...............
....:انتي وش يعجبك؟؟...ما يعجبك العجب
شذى وهي تلبس عقد ناعم عندها: انا ما يعجبني العجب بمزاجي زين الحمدلله والشكر انتي من جدك ألبس الهبال اللي طلعتيه
ريم: أي هبال انتي يالهبله؟؟؟هذا اغراضك انا ماجبت شي من عندي...
شذى:أدري...بس والله لو اسمع كلامك بروح فيها...حشى كأني بعرس مو نظره عاديه...
ريم بنص عين: نظره عاديه؟؟؟((وتكمل بعصبية)) هذي يا مجنونه بتحدد مستقبلك وباقي عمرك...((وتقلدها)) نظره عاديه...
شذى: يعني انتي ووجهك تبيني اكشخ كأني رايحه عرس...اما عليك هبال مو طبيعي...
ريم: الصراحة يا شذى ياليتني اليوم ما جيت لأني ما استفدت غير انك رفعت الظغط والسكر عندي..
شذى تجاريها:إي والله...وانا بغيتك عون صرت فرعون...
ريم تبحلق بعيونها: انا فرعون يا شذى؟؟؟؟؟؟؟؟؟...
بهاللحظة دق باب غرفة شذى...
ريم وهي تطالع شذى وتقول بصوت واطي:هذي مريم؟؟..وش عندها صايره مؤدبه وتدق الباب خبري فيها انها تقط اذنها...
شذى وهي تضحك:انتي يالهبله هذي امي اكيد....الدنيا بتتعدل ومريم عمرها ما تعدلت...
وقامت شذى وفتحت الباب....
شذى بصراخ: مــــــــــــــــــهـــــــــــــا....هلا والله متى جيتي...والله انك جيتي بوقتك...انا موووت محتاجتك...
مها وهي تسلم على شذى: لي اكثر من ساعه تحت...بالبدايه بغيت اطلع لك بس قلت خليها تتعدل على راحتها...
وقامت ريم تسلم على مها: هلا مها شلونك؟؟؟...
مها: تمام وانتي...
ريم: بخير بس شكل شذى مطنشتنا....
مها: ليـه؟؟؟..
ريم: من لقى احبابه نسي اصحابه...انا لي معها اكثر من ثلاث ساعات واول ما شافتك نست قعدتي معها طول اليوم...
شذى وهي تضحك:ما عليك منها يامها انتي بس قولي لي وش رايك بشكلي كذا......حلو؟؟؟؟؟.
مها وهي تتأملها: إيه كذا حلو ...بس ما ادري احس ناقصك شي؟؟؟....
شذى بثقه: ابتسامتي....
ريم : اوووووووووووووووه يالثقه...
شذى وهي حاطه يدها على خصرها: اكيــــــــــــــــد واثقه اذا شذى ماهي واثقه بنفسها...أجل مين اللي يثق؟؟؟
مها:اقول خلصيني...استعدي ترى محمد يقول جهزوا...عشان تدخل...
وقتها تحولت ثقة شذى إلى خوف: تتكلمين من جد يا مها بلا مزح؟؟؟.....
ريم وهي تضحك: اقول يا الواثقه...وين الثقه اللي قبل شوي شكلها تبخرت من سمعت طاري انه يشوفك...
شذى: ريــــــم...تكفين خليني إلى ما ادخل وارجع اسوي فيك يوم ما تنسينه...
ريم شافت توتر شذى فقالت: شذى حبيبتي لا تتعبين عمرك لأنك بتدخلين من هنا وانا بروح لبيتنا من هنا....
شذى تبي تقهر ريم: احسن شي بتسوينه من يوم عرفتك...
ريم:اوكيه يا حلوة حطي يدك ورجولك بماي بارد...لأني بقعد عندك إلى ما يروح تركي الرياض زين؟؟؟
وهنا دخل ام محمد على شذى وريم ومها ومعها ريم الصغيره بنت محمد...
ام محمد:اقول حبيبتي شذى خلصتي محمد اخوك تحت ينتظرك عشان تدخلين تشوفين تركي...
شذى برعب: لا يمه باقي ما خلصت انتظري شوي...
وقتها تشيل ريم صديقة شذى ريم بنت محمد:احلى ما فيه هالبنت اسمها ...تهبل يا شذى طالعه علي...
شذى: طالعه عليك إلا على اخوي محمد يا الذكيه...
ريم تبي تلطف الجو: لأنها ماخذه نفس اسمي عرفت ليش؟؟؟
ابتسمت لها شذى ابتسامه سريعه وقالت لأمها: يمه ما ابي اشوفه خلاص هونت...
ام محمد باستغراب: إيش هونت؟؟؟....
شذى برعب:إيه هونت خليه يرسل صورته وانا بشوفها...كذا احسن...
ريم: هين انتي توافقين عليه...بس المشكله هو رح ينصدم يوم العرس لمن يشوفك...
شذى بضيق: كلي تبن زين...
ام محمد: شذى بلا دلع البنات ذا وقومي معي...ولا ترا انادي لك ابوك ياخذك...
مها: شوي شوي عليها ياخاله...كل البنات كذا...((وتلف على شذى)) شذى ليه ما تبين تدخلين؟؟؟....
شذى: مها تدرين إني ميته رعب وانا ما دخلت...فما بالك لو دخلت اتوقع يغمى علي من الخوف...
مها وهي ماسكه يدين شذى وتبي تطمنها: كل البنات كذا وبعد الزواج تتذكرين نفسك وصدقيني بتضحكين عليها...
شذى: ولو احس انا غير...... ما أدري لأني لا اعرفه ولا هم يحزنون...
هنا رق قلب ام محمد على وحيدتها فلمتها بحظنها وقالت: سمي بالرحمن ياشذى وتوكلي على الله واخوك محمد بيكون معك
شذى:ما ادري شأقول يمه ....
ام محمد: زين يالله نزلي معي.....
شذى بتوتر: زين يمه بس اعدل نفسي و انزل معك...
ام محمد: وطول الوقت اللي فات وش تسوين؟؟؟....
شذى: اجهز نفسي....
وراحت شذى لعند التسريحة وتعدل نفسها....
ريم: لا تحاولين يا شذى خايسه خايسه........
شذى: بعينك خايسه........
مها: لا تخافين تمزح والله تهبلين.......
وشذى وهي طالعه مع امها: اعرف ريم ومزحها....
وهنا تشد ريم شذى من يدها وتقول لها بصوت واطي: اقول شذى هالله هالله بالقز قزيه من راسه للرجوله زين؟؟؟....
شذى تفكها وتقول:زين إذا قدرت اشوف...تبيني اقز....
ونزلت شذى مع امها.....
ريم: تتوقعين يا مها ان تركي حلو؟؟؟........
مها: ما ادري......
ريم: زين ما سألت خالد زوجك؟؟؟........
مها باستغراب: اساله عن إيش؟؟؟؟....
ريم بضيق:إذا تركي حلو او لأ.....
مها بابتسامه: تتكلمين من صدقك انتي،عشان خالد يذبحني...
ريم:ليـــــــــه؟؟؟...
مها:لأنه زوجي وبيغار علي منه....
ريم بمزح: اموت بالغيره انا....
مها:إيه خليك كذا بنت مؤدبه...
وضحكت ريم من كلام مها...
وقعدت ريم ومها فوق بغرفة شذى يسولفون....
.................................................. .......................
بالمجلس عند الرجال كان جالس تركي وابوه ابو بندر وابو محمد وعياله كلهم محمد وخالد و سعود ...
ابو بندر: وإذا ما عندكم مانع يابو محمد نبي تركي يشوف بنتكم ؟؟....
ابومحمد:ابد ما عندنا مانع...وهذا من حقه إنه يشوفها لو يبي ألحين......
ابو بندر:تسلم يابو محمد...
ابو محمد: ابد يابوبندر ما جبنا شي من عندنا هذا من الدين والسنه....
ابو بندر: اصيل وتعرف الأصول يابومحمد...وماعليك امر لو يشوفها ألحيـــن....
ابو محمد:مايامر عليك عدو....وشوف يا سعود لتركي طريق عشان يشوف اختك...
سعود:تامر يباه...((ويلف على تركي ))وحياك ياتركي معي...
تركي بابتسامه:الله يحييك....
ويقوم سعود من المجلس ومعه تركي للمجلس ثاني بجنب مجلس الرجال عشان تركي يشوف شذى وتشوفه.....
.................................................. ......................
بالمجلس الثاني....
سعود لتركي: حياك يا تركي البيت بيتك...
تركي: الله يسلمك...
ويروح تركي يجلس بالمجلس ويدخل سعود ينادي أخته....
تركي بخاطره((يارب اكتب لي الخير ووفقني باختياري))...
ويقعد تركي يحاول يرسم صورة تقريبيه عن شذى من خلال وصف خالته عبير لها.......
.................................................. ................................
سعود: اقول شذى يله قدامي بسرعه.....
شذى بخوف وهي متمسكه بأمها: يماه خايفه تعالي معي...
سعود يقلدها:يماه خايفه تعالي معي....اقول انتي هي بلا دلع يلا امشي قدامي انا اللي بدخل معك...
شذى متفاجأه: انت؟؟؟؟.........ليه وين محمد وخالد؟؟؟....
سعود يخزها: مع ابوي بمجلس...ليه انا مهوب عاجبك يا آنسه شذى؟؟؟.......
شذى: بصراحه انا كان ودي محمد او خالد....كبار ويعرفون بهالسوالف مهوب انت بزر باقي....
ام محمد: لا سعود فيه الخير والبركه....
سعود يعصب من كلام اخته ويقرب منها ويمسكها مع شعرها ويجرها على فوق إلى ما وقفت على اطراف اصابيع رجلها...
سعود بمكر:تبيني أدخلك يا شذى على تركي كذا???????...
ام محمد: سعود فك اختك....
شذى:آآآي....سعود حرام عليك فكني احس خلاص شعري بيتقطع في يدك...آآآي حشى هذي مو يد انسان...
ام محمد تفك شذى من سعود: سعود بس اترك اختك هذا بدال ما تطمنها...
سعود: امزح يمه معها وش فيك....
شذى وهي تعدل شعرها ونفسها: ألحين انت تمزح انت ووجهك؟؟؟...هذا وقت مزح...
سعود بابتسامه:وش رايك بمزحي حلو خفيف صح؟؟؟....
شذى بطنازة: إيــــه مزحك مووووت خفيف...
سعود:أوووووه نسيت الرجال بالمجلس...يلله شذى امشي معي...
شذى: يلله هذا انا معك...
ام محمد:الله يكتب لك الخير كله ياشذى...
سعود:الله عليك يماه تبين الخير كله لشذى وتنسين عيالك ...
ام محمد: كلكم يا سعود ولا تزعل...
سعود: اقول شذى يله ابطينا على الرجال بالمجلس...
وتمشي شذى مع اخوها والخوف متملك قلبها.................................
.................................................. ....................................
......:شذى حبيبتي تراه انسان مثلنا ما ياكل آوادم ...وش اللي يخوفك منه؟؟؟......
شذى وهي واقفه عند الباب:...انت ماتفهم خايفه...
سعود: اقول والله لو ما تمشين لأجرك بشعرك مثل قبل شوي احذفك عنده داخل...
شذى بنظرات حقد:.............
سعود بضيق:لنا ساعه عند الباب ليه ما تدخليــن؟؟..
شذى بعد ماجمعت باقي قوتها: يلله ادخل توكلنا على الله...
سعود:إيه خليك كذا....
ودخل سعود ومعه شذى اللي تمشي بخوف وارتباك....
سعود: حياك يا بنت فيصل...
ولما شاف تركي سعود وهو داخل وكان وراه طيف امرأه ما لمحها زين وقف...
سعود: ارتاح يا تركي...هذي اختي شذى...
وقعد تركي وسعود...وراحت شذى وقعدت بجنب اخوها سعود وهي عيونها بالأرض ماهي قادرة تشيلهم...
تركي:شخبارك يا شذى؟؟؟...
شذى بارتباك: بخـير....
وقعد تركي يقز بشذى ويناظرها...
تركي وهو ما شال عينه من شذى:شخبار الدراسه معك يا شذى؟؟؟...
شذى: بخيـر...
تركي يسألها:انشالله ناجحه هالسنه؟؟؟...
سعود يتدخل: من هالناحيه لا تخاف بالدراسه مصريه شذى...
تركي بابتسامه عريضه: صدق يا شذى اللي يقوله أخوك سعود؟؟؟....
شذى بخاطرها((هين يا سعود تقوله إني انا مصريه وتفشلني خل الناس تروح ويصير خير))وكل هذا وهي ما رفعت عيونها...
تركي: هاه شذى انتي بالدراسه مصريه ولا إيش يقصد سعود؟؟؟...
شذى بخجل: يبالغ سعود.....مهوب للدرجة المصريين عاد...
وقعد تركي وسعود يضحكون عليها....
و قعدت شذى تفكر((مشالله على الأخ تركي طايح فيني قز من أول مادخلت وانا ما لمحت شي منه غير ثوبه ياربي ابي اشوفه))
وقعدت تقول بخاطرها((لازم ارفع عيني واشوفه هالرجال باعيش معه طول عمري يارب عطني الشجاعه إني اقدر اشوفه واطالعه بس))
تركي حب يحرك الجو شوي وقال:وإذا شذى موافقه علي أباخذها الليله معي الرياض مره وحده وبلاعرس بلازحمه؟؟؟...
من صدمة شذى بهالكلام رفعت عينها وقعدت تطالع فيه من الصدمه...وش هالكلام؟؟؟ حلوة ياخذني بلوشي كذا؟؟؟....
سعود يبي يقهر شذى: وإذا علينا إحنا اهلها ماعندنا مانع....الله يستر عليها...
هنا كل تفكير شذى وقف وقعدت تطالعه وما قدرت تنزل عينها من اللي شافته...
كان حلو ووسيم....كان أحلى مما توقعت بكثير...للدرجه حست إنه هو أحلى منها بواااجد ...وفيه جاذبيه لها مهوب طبيعيه...
تركي بمكر:هاه شذى...وش قلت،سرينا الليله على الرياض؟؟؟...
شذى لا إيراديا: طبعا لأ......وبعدها استحت ونزلت عيونها....
هنا قعد يضحك سعود ومعه تركي على ردت فعلها...
تركي وهو يناظر شذى: لا تخافين امزح معك ومارح تمشين انشالله معي من الشرقيه للرياض إلا بعرس اهل السعوديه كلها تتكلم عنه.
حست شذى من كلامه إنه موافق عليها وراضي عنها....ويبيها...
.................................................. ...........................
بالصاله....
مريم: خالتي...وين شذى من رجعت ما شفتها؟؟؟....
ام محمد:اول ما دخلت طلعت فوق لغرفتها عند ريم صديقتها...
مريم: ومها وين؟؟؟....
ام محمد:مها قاعده تكلم أهلها داخل من الجبيل...
مريم منقهره: وشذى بتقعد طول اليوم كذا بغرفتها؟؟؟....
ام محمد: براحتها....هي دخلت وطارت على فوق حتى ما اعطتني فرصة اكلمها وسألها....
مريم:أكيد بتقول البير وغطاه لريم...مشالله ريم كل شي تعرفه...
ام محمد تبي تسكتها:صديقتها ورفيقتها...إذا ما قالت لها بيتقول لمن؟؟؟....
مريم تبي تشعلها:لك انتي...امها....
ام محمد:في الليل لمن الكل ينام اروح لها بغرفتها وتقول لي عن كل شي بعيد عن الزحمة....
مريم:.......................
.................................................. ............................
.......:ريم يجنن يجنن يجنن....
ريم بحماس: يجنن...من هذا تركي؟؟؟....
شذى:إيه....أجل مين يعني مثلا سعود؟....
ريم:ماعلينا من سعود..... وش رايك فيه؟؟؟.........
شذى متحمسه:الصراحه احلى مما توقعت جميل ووسيم ياريم للدرجه ما توقعتها...
ريم: يعني أحلى من اخوك سعود؟؟؟
شذى: مافيه مجال للمقارنة أحلى بمليووون مرة...
ريم: يعني مثل خالته عبير؟؟؟؟
شذى بحماس:أحلى احلى.....
وتكمل شذى كلامها:تصوري ياريم أحلى مني....
ريم: من جد تتكلمين؟؟؟....
شذى: والله العظيم احلى مني وانا ميتة خوف...
ريم: من إيش خايفة؟؟؟......
شذى:إنه يرفضني لأنه أحلى مني...
ريم:........................................
شذى:انا حسيت من كلامه إنه راضي عني ويبيني بس خايفه....
ريم :شوفي شذى انا ما بطلع من عندك إلا وقلتي لي وش صار من طلعت من الغرفه إلى ما رجعتي لي ألحين...
شذى: تآمرين آمر....
وقعدت شذى تحكي للريم من اول مانزلت إلى ما جا اخوها سعود و وسالفتها معه إلى ما رجعت يعني من طقطق إلى السلام عليكم...
.................................................. ...........................................
وبالليل بالفندق.....
كان تركي وابوه ابوبندر حاجزين جناح كامل لهم بفندق الميريديان....
تركي:هلا يباه....وش بغيت؟؟؟...
ابو بندر:سلامتك يا تركي....بس بغيت أسألك وش رايك بالجماعه اليـوم؟؟؟...
تركي : انت قول رايك بالأول يابو بندر؟؟؟ .....رايك يهمني؟؟؟....
ابو بندر:الصراحه ما توقعت إنهم كذا؟؟؟..مشالله عليهم شكلهم رجال أصول و يعجبونك...
تركي وكأنه ارتاح من كلام ابوه: حتى انا يابوبندر مثـــلك...اعرفهم ....ناس حسب ونسب...وطلعوا بعد اصحاب شهامه وخير
ابو بندر: انا في البدايه كنت متردد...بس ألحين توكلنا على الله...
تركي:يعني افهم من كلامك يايباه انهم عاجبينك ....وموافق عليهم....
ابو بندر:لو كنت رافض ماكنت جيت معك وخطبت لك...بس انا اقول إني متردد وكنت ابي اللي يريحك...
تركي وهو يبتسم لأبوه: طول عمرك يابو بندر حكيم وصاحب كلمه وانا ما اخترت هالعائله إلا لمن سألت عنهم وجاني اللي يسرك...
ابو بندر: وانت يا تركي يوم شفت البنت...اعجبتك؟؟؟...
تركي بابتسامة رضى:الصراحه يباه ارتحت لها مبين انها حبوبه...
ابو بندر: ومزيونه؟؟؟....
تركي بثقه:أكيد...لو خايسه ماخذيتها...
ضحك ابو بندر من كلام ولده وقال: تركي ترى الجمال مو اهم شي ...الجمال يروح...وتبقى الأخلاق والعشرة الحسنه...
تركي: وانت صادق...
ويزيد ابو بندر:جمال الوجه بتمل منه بعد شهر شهرين...سنه سنتين...ومايبقى من زوجتك إلا عشرتها الحسنه...
تركي وهو مقتنع:معك حق يباه..بس ترى انا ماكنت ادور على الجمال لوحده لو كنت ابي وحده حلوة يا كثرهم بنات اقاربنا...
ابو بندر وهو منتبه...
تركي يكمل كلامه:بس انا كنت ابي وحده مميزه في كل شي وبكل شي وتكون حبوبه....وجذابه...
ابو بندر: وبعدين....
تركي: المهم هذا الكلام قلته لأمي وفاطمه اختي وخالتي عبير وعمتي حصه، في البدايه كان يقولوا لي عن بنات اقاربنا وحده وحده
بس انا مافيه وحده داخله مزاجي بنات اخوالي...بنات اعمامي...بنات صديقات امي...الجيران...ولا وحده....
انتبه تركي لنظرة ابوه المستغربه له... وفهم قصده...
تركي: وقالوا لي سلمى...بس سلمى خلاص ماصرت أبيها مثل اول...صدق كانت تشد انتباهي بس هذا من زمان قبل 8سنين واكثر..
ابو بندر: بس كنت يا تركي تبيها وتبكي علشانها والدنيا كلها بكوم وسلمى عندك كوم ثاني...الصراحة ماتوقعت تاخذ غيرها...
تركي:هذا الكلام يوم كنت بالثانوي وقبل لا ادخل العسكريه يباه هذا حب مراهقين وكنت احبها لأنها الوحيده اللي في عمري من
اقاربنا وهي اصغر مني بسنه...وكانت هي الوحيده اللي اشوفها قدامي...بس الحين انا اعتبرها مثل اختي بشاير وبس مو أكثر...
ابو بندر: سبحان اللي يغير ولا يتغير....
تركي حب يغير السالفه: بس يباه انا مستغرب من شي ليه ماخليت امي تجي معنا...
ابو بندر: انا قلت هالمرة رجال...وإذا فيه نصيب المرة الثانيه تجي معنا...
تركي: وانت صادق...بس مسيكينه كانت تبي تشوف العروس...
ابو بندر بابتسامه:من ألحين عروس...
تركي:أكيــــــــد...هي تطول تركي...
وهنا دق جوال تركي...
تركي:هلا...هلا بخالتي عبير........انا........اوكيه..........زوجك وين..........نص ساعه واجيك.....يالله في امان الله...
ابو بندر:مين؟؟؟....خالتك عبير....
تركي:إيـــــــــــــه يباه......شكلك يباه تعبان تبي تنام...
ابو بندر:إي والله تعبان وهلكان ودي انام...
تركي:أجل انا استأذن يباه بروح لخالتي عبير الحين...
وناظر ابو بندر الساعه وقال:بس الحين الساعه11وين تروح وزوجها بيكون نام...
تركي وهو قايم: هي عزمتني...وسألتها عن زوجها قالت نام من الساعه ثمان وهي عازمتني على سهره عندها لما عرفت إن رحلتنا بكره
ابو بندر: خلاص...بس لا تتأخر تدري ...سبع الصبح وحنا بالمطار...
تركي:لا توصي حريص....تآمر على شي؟؟؟....
ابو بندر وهو رايح لفراشه: ابد....سلامتك...
تركي:مع السلامه ...
ابو بندر: في حفظ الله...
ويطلع تركي من غرفة ابوه ويروح لغرفته يعدل نفسه ويلبس ثوبه...و خطرت على باله شذى وابتسم لما تذكرها...
هو صح توقعها أحلى من الواقع بكثيــــــر...بس دخلت مزاجه وبقوووة بعد...حس إنها جذابه اكثر مما هي حلوة
"الله يهديك يا عبير عليك مبالغات في شكلها مهيب طبيعية" وابتسم لما تذكر كيف صورتها خالته في باله ملاك مامثلها في البشر
صدق انها حلوة...بس مومثل وصف عبير لها...بس شافها تناسبه ولايقه له....
وبعد كذا طالع الساعه إلا شاف نفسه تأخر على خالته اللي ساكنه بالمباركيه واللي تنتظره.........
اقدم لكم الجزء الثاني من القصه
الجزء [2] من قصة يا عيونه بس يكفيني عذاب..
......:لا يا يمه كان رحنا معهم مايصير كذا.... هذا اخوي موغريب عني...
ام بندر: وانا امه بس ما رحت معهم......خلاص يابشاير فكيني واللي يرحم والديك....
بشاير بزعل: والله قهر....كان رحنا وش رح يخسرون اليوم الصبح سافروا وبكره الصبح بعد بيرجعون...
ام بندر:زيـــن وانا وش بيدي....
بشاير:كان اصريتي على ابوي إنك تروحين...بعد هذا ولدك ........ خطيبته هذي ماعمرك شفتيها ولا تعرفينها....
ام بندر:حاولت فيـــه بس رفض....وقال المهم تركي يشوفها مو انتي...مش هو اللي بيتزوجها....
بشاير:اوففففف قهر كان ودي انا بعد اروح وأشوفها......بس حسافه إن شالله بالخطبه اروح واشوفها....
ام بندر:يصير خير.....
بشاير بحماس: عاد خالتي عبير ميته عليها تقول أحسن بنت عندها بالكليه هي.....وتقول إنها محبوبة بين البنات وطيبه وحبوبه...
ام بندر: دايم مايلعب براسكم انتي واخوك تركي ومتعب غير هالعبير....
بشاير ولا كأنها سمعت كلام امها وتكمل:وتقول بعد إنها أكبر مني بسنه....الله وناسه وأخيرا بألقى أحد بالعايله بسني...
ام بندر:ليـــــــــه وين الباقي؟؟؟....
بشاير:مين يمه تقصدين....عايشه مرة أخوي بندر اللي ولدها فارس بعمري...او مرة اخوي سارا اللي أكبر مني بثمان سنوات...
ام بندر: عندك فارس....
بشاير :فارس يمه الله يهداك هذا ولد ابي بنت وحده بعمري....تقولين لي فارس....
ام بندر: عندك نوف بنت اختك فاطمه.....
بشاير:يمه نوف؟؟؟....حرام عليك عمرها 14سنه توها بزر....
ام بندر:أي بزر؟؟؟...أنتي أكبر منها باربع سنوات بس ...بالأبتدائي كنت مع بعض....
بشاير: يمه...نوف بزر وانا كبيره عنها...حتى تفكيرها عن تفكيري غيــــــر.....
ام بندر:تدرين يا بشاير إن أختك فاطمه ماهي راضيه على هالزواج....
بشاير:أدري....اصلا من متى كانت فاطمة موافقه على زواج تركي من غير سلمى...
ام بندر: وهي صادقه مافي أحسن للولد من بنت عمه....
بشاير: اقول يمه بلا فاطمه بلا سلمى...تدرين إن اسم العروس شذى؟...اسمها عاجبني واحسها إنها بنوته مثلي وبنصير صديقات
ام بندر: وبعديــــــــــــن؟؟؟....
بشاير بضيق: وش بعدين يمه شكلك زهقتي مني؟؟؟.......
ام بندر: وانتي صادقه هذرة على راسي وبكره لازم اقوم الصباح بدري عشان ابوك واخوك راجعين من السفر....
بشاير بضحكه: قولي كذا....شوق الحبيب لحبيبه....
ام بندر: اقول يله اذلفي عن وجهي...ماتستحين وانتي تقولين كذا....
بشاير وهي عند الباب بتطلع من غرفة امها: لأ....ما أستحي تدرين ليش؟؟؟....لأنك امي وهذاك ابوي....
ام بندر: اقوووول.......
بشاير هربت وصكت الباب وراها....
ام بندر:الله يهديك ويصلحك يا بشاير.........
.................................................. ..........................
في بيت عبير وبالتحديد بالمجلس الخاص بالضيوف...
تركي:الصراحه يا عبير ماتوقعتها كذا.......
عبير بابتسامه:أكيـــــــــد أحلى مما تصورت....صح؟؟؟......
تركي: تبين الجد؟؟؟...الصراحه توقعتها أحلى بكثير مما شفت....
عبير بابتسامه باهته:.......يعني؟؟؟...................
تركي: الله يهداك صورتيها لي ملاك متلبس بصورة انسان....واللي شفته العـــكس....
عبير انبهتت زياده: وبعدين......يعني ماتبيها؟؟؟.......
تركي بحزن مصطنع: الصراحه ابيك تدورين لي حجه كيف انسحب؟؟؟...البنت ذي ما أبيها....أحس دمها ثقيل وسخيفه....
عبير بعصبيه:تبي تنسحب؟؟؟
تركي بحزنه المصطنع:صدقيني الأمر مو بيدي....النفس وماتهوى...نفسي عافت البنت وماأبيها....
عبير وهي معصبه:عفت البنت هاه؟؟؟...أصلا انت ماتستاهل إن الواحد تخليه يدور لك وحده مافيه مثلها ثنتين....وشذى والله وهذا
أنا أحلف إنها بنت مافيه أحسن منها....بس ما أقول إلا إن الله يعطيها اللي أحسن منك بألف مره وجعلك ما تلقى احسن منها...
تركي بعد ما شاف كيف خالته تأثرت قعد يضحك عليها وعلى موقفها بالسالفه...
عبير عرفت إنه كذاب: تكذب علي أنت ووجهك هاه؟؟....أقول لا تمزح معي كذا زين؟؟؟....من جد خرعتني يا الأهبـــــل...
تركي وهو يضحك:أنا أهبل؟؟...بس مقبوله منك يا أخت امي.....
عبير: تركي تكلم جد وش رايك بشذى؟؟؟.....
تركي وهو يعدل جلسته:تبين الجد يا عبير؟...شذى توقعتها أحلى من كذا على حسب كلامك...بس والله إني مرتاح لها وأبيها...
عبير باستغراب: ليه شذى مهوب حلوة؟؟؟....والله إنها تهبل...
تركي يماشي خالته: حلوة ما اختلفنا...بس انتي من وصفك لها توقعتها ملاك...
عبيـــــر: تقصد يا تركي إني مبالغه بوصفي لها...
تركي: بصريح العبارة إيــــه وبقوة بعد....بس لا تخافين شذى أبيها وعاجبتني وداخله مزاجي بعد....
عبير: داخله مزاجك ليه هي كورة؟....
تركي ضحك من كلام خالته ومن تعليقه عليها...
عبير: تضحك....بس يله ما علينا...أبيك تقول لي وش صار معك لما رحت لهم...
تركي:أدري ما عزمتيني إلا عشان اقول لك....
عبير : اخلص علي وقول....
تركي بابتسامته الفاتنه: تآمرين آمـــــــــــر....يا أحلى خطابه شفتها...
وقعد تركي يحكي لخالته وش صار معه لما راح لهم وشاف شذى العروس ووصف لها شعوره ناحية شذى واهلها اللي ارتاح لهم.....
.................................................. ..........................................
في الصباح يوم الجمعه.....
وبالتحديــــــد في بيت ابو بندر....
ام بندر: بشاير شوفي الشغاله حضرت كل شي ترى ابوك وتركي بيوصلون بعد نص ساعه تقريبا...
بشاير وهي تعدل شعرها : لا تخافين مامي كل شي تمام واوكيـــــــــــه....
ام بندر: شوفي بشاير مو اول ما يجي ابوك تنطين عنده وتقعدين تسوين مناحه عشان ما رحت معه...لأنه بيجي تعبان...
بشاير ولا كأنها سمعت كلام امها:يمه شعري كذا حلو؟؟؟....
ام بندر: انتي سمعت اللي قلته ولا لأ؟؟؟....
بشاير: ياحياتي يا يمه...هذا ثالث مرة تقولين لي الكلام نفسه درينا وعرفنا وفهمنا...خلاص اللي يشوفك يقول إني بزر...
ام بندر:أعرفك اول مايجي ابوك تنسين كل اللي قلته...
بشاير: خلاص خلاص فهمنا والله فهمنا....بس ماقلتي لي شرايك بشعري ؟؟؟...
ام بندر: تدرين إني ما احب الشعر الأجعد ...حلاة البنت يكون شعرها ناعم وحلو....مو مثلك كل شوي وانتي تلعبين فيه بهالجل...
بشاير: بالعكــس شعري وهو مجعد شكل احلى ويعطني لوك اجنبي...الشعر الناعم ما احبه...
ام بندر: كيفك....بس هذا رايي...
بشاير:يمه....عزمتي سارا ومتعب على الغدا تراني ما اتصلت عليهم...بس اتصلت على بندر وفاطمه وقلت لهم يجون على الغدا...
ام بندر: لا متعب انا كلمته من أمـــــــس...ورح يجي هو وزوجته ....
بشاير: زين طمنتيني...بعد خفت سارا تزعل مني...
ام بندر: لااا سارا اعرفها قلبها ابيض وطيبه ما تشيل بخاطرها....
وبعد كذا طلعت بشاير لغرفتها وقعدت ام بندر بالصاله تنتظـــــــــر زوجها وولدها وأخبارهم....
.................................................. ...............................
........:ليـــــه مو عاجبك ؟؟؟.....
محمد: ما أدري يامريم احسه مغرور ومتكبــــر...وانا هالفئه ما اطيقها...
مريم: ولو هذا مو سبب....اخوانك وابوك الكل يمدح فيه....
محمد: وش اسوي لهم؟؟؟....الولد هذا مهوب عاجبني وماني مرتاح ازوجه ختي...
مريم: احسن شي لشذى إنكم تزوجونه لها....بيعيشها بنعيم ماحلمت فيـــه...
محمد: الغنى والفلوس موسبب يخلينا نزوجه لاختي.....تركي هذا ما عمرنا شفناه إلا لما جا يخطب...
مريم انقهرت من محمد الكل موافق على تركي حتى شذى اللي ما يعجبها احد موافقه عليه إلا هو وهي ما تصدق متى الفكه من شذى
ام المشــــاكل برايها...
مريم تحاول تقنع محمد:محمد حبيبي...لا توقف في طريق اختك...إذا تبيه خلها على راحتها...موهذا كلامك....
محمد بضيق:إيــــه كلامي...بس ابوي طلب رايي بالموضوع...ورح اقوله اللي بخاطري...
مريم: محمد....قول لأبوك رايي من رايك يا يباه.... والراي المهم للشذى وابوك...
محمد: وأنــــــا...ولا تكونين ناسيه إني اخوها الكبير...
مريم:لأ...مانسيت يا عمري....بس انت كذا بتوقف بطريق اختك....ويمكن تقعد حاقده عليك طول حياتها لأنه ما رح تلقى مثله...
محمد:بس يا مريم هذا ما نعرفه.....ولو نزوجها واحد من اقاربنا أحسن وافضل....
وقعدت مريم تقنع في محمد إلى ما حست إنه مش رافض بس بنفس الوقت مهوب موافق....
.................................................. .....................
كانت الساعه تدق على الواحده ظهرا....
كانت شذى قاعده بالصاله اللي بالطابق الثاني ببيتهم وتطالع التي في وحاطه على مسلسل مصري تابعه، وهي بنفس الوقت سرحانه
بعالم ثاني ولا هي حاسه باللي حواليها....
شذى بخاطرها تفكر بصالح ولد صديقة امها فوزيه اللي كانت بينهم قصة حب ملتهبه بس المشكله كانت إنها من طرف واحد بس اللي
هو من طرف شذى، كان صالح هذا رفيق وصديق الطفوله بالنسبه لشذى، صدق ما كان حلو بس هو في نظرها انسان مافيه احلى و
املح منه، صالح أكبر من شذى بسنتين كان ولد مشكلجي وصاحب هواش وفزعات وكانو كل الأولاد اللي بسنه يخافون منه وهو وحيد
امه وابوه ومع هذا ماكان دلعهم مأثر فيه وكان يعتبر شذى مثل أخته لأن ماعنده اخوات...صـــالح كان ماخذ عقل شذى من أيام
الطفوله إلى أيـــام الصبا...كان في نظرها الحبيب والصديق...بس اللي صدمها لما عرفت إنه ينظر لها كأخت وليس كحبيبه...كانت
تشوف إنه شريك حياتها المستقبليه وإيش أحلى من حياه تقضيها مع صالح...بس اللي جرحها زياده هو لمن قالت أمه فوزيه صديقة
ام محمد إنه مايفكر يتزوج بوحده غير ببنت خاله...ولحظتها عرفت إنه حتى ما يفكر فيها وبكت على حظها الي خلها تحبه
وتعرفه...وحاولت تتنسى حبها الأولاني، وقعدت تفكر بتركي اللي شاغل هو تفكيرها ألحيــن و حياتها معه إذا بتتزوجه...وكيف
رح تقـــدر تعيش بعيد عن أهلها وتصير متزوجه وتترك عالم البنات و أحلامهم وتدخل الحيــــاة الزوجيه.......
وهي قاعده سرحانه ما تحس إلا بصوت أفلام الكرتون على سبيس تون وتطالع إلا بنات محمد ريم ورنا يطالعون التلفزيون....
شذى: من غير القناة وحط على سبيس تون؟؟؟......
ريــــم:مامــا....
شذى: وبعدين مع امكم...ماتشوفيني قاعد اتابع التلفزيون تجي تغير القناة....
وتدخل مريم بهاللحظة وسمعت كلام شذى....
مريم: اولا المسلسل هذا اللي كنت تابعينه انتهى...وشفتك بوادي ثاني والبنات ازعجوني قلت اشغلهم بالتلفزيون ويفكوني...
شذى:اوكيــــــــه خلاص...وين محمد؟؟؟....
مريم: راح المطار من قبل نص ساعه لأن عنده رحلـه لدبي....
شذى:يرجع بالسلامه إن شالله....
مريم:ليـــــــه بغتي منه شي؟....
شذى تبي تقهرها:سالفه خاصه بيني وبينه....
وقامت شذى من الصاله ونزلت تقعد مع ابوها بالطابق اللي تحت، وهي ماكان عندها لا سالفه محمد ولا شي بس كانت تبي تقهر
مريم لأنها فضوليه....
.................................................. .........................................
بالريــــاض ببيت ابو بنـــدر......
وبعد ماقام الكل من الغدا....
فاطمه لأبوها: مشالله عليك يباه رحت خفيف انت وتركي ورجعتوا خفاف....
ابو بندر: إيــــــــــــه يا بنتي كذا أحسن و أفضل في امور مثل كذا.....
فاطمه: بس ما كأنكم استعجلتو شوي بالروحه...كان سألتوا عن البنت زياده وعن اهلها...
و خزها تركي بقوة على كلامها...
فاطمه تكمل: أنا قلت شي غلط يا تركي؟؟؟....
تركي:إيــه لأن خلاص خطبنا وقضينــا....فكلامك هذا ماله داعــــي...
عصبت فاطمه من كلامه: تركي...انا ماقلت كذا إلا عشان مصلحتك......
تركي:اقـــــول كلامك مامنه فايده....فعشان كذا ياليت تسكرين هالسيــــرة....
فاطمه بعصبيه: تراني اختك....ومصلحتك تهمني...وأنا ماقلت كذا إلا عشان بعدين ماتتحسف او تقول إنك استعجلت...
تركي:آسف يافاطمه ولا تزعليـــن...وإعرفي إنك عزيزة وغاليه بس هالكلام من جد مامنه فايده....
يتدخل متعب:بس أما يا تركي شذيت عن القاعده وأخذت وحده من برا العايله.....
فارس:وانت صادق...الصراحه ياعم تركي...أنا معك في إن إحنا نضخ دماء جديدة في العائله ونغير شوي وناخذ من برا...
وقعد الكل يضحك من كلام فارس ولد بندر....
تركي بابتسامه: سمعت يا فاطمه هذا الكلام ولا بلاش.....
متعب بمزح: مافيــــه ...فارس ياخذ بنت عمه نجود اللي هي بنتي....
ابو فارس بندر: عزالله كدينا خيــر إذا بزوج بنتك ولدي...بنتك هذيك ولد اعوذ بالله مو بنت قشرا ومفترسه...
متعب وهو يمدح بنته:أقول لا يغركم مظهرها من برا تراها كلها نعووومه ورقه...
ابو بندر: ما علينا ألحيـــن من انجود المهم....ترى إذا تركي بياخذ بنت ابو محمد بتصير الخطوبه بعيــد الأضحى والزواج بالصيف..
ابو فارس: مشالله يباه اتفقتوا بعد على كل شي....كان جبتوا البنت معكم مرة وحده...
تركي:بندر اقول اترك عنك الطنازة انت ووجهك....ابوي نفسه بكذا.... الخطبه بعد شهرين بعيد الأضحى والزواج بالصيف...
متعب:أنا اقول بعد كذا أحســــــن...إذا ردوا بجواب اهل العروس اتفقوا معهم على كذا...
تركي وهو يناظر اخته فاطمه اللي حس إن الكلام مو عاجبها: وش رايك يا فاطمه براي ابوي؟؟؟....
فاطمه من غير نفس:وش لي كلام وراي من بعد كلام ابوي...اللي يبيه ابو بندر يصير.....
ابو بندر:بارك الله فيك يافاطمه وانا دايم اقول ماحد في الحريم مثل فاطمه......
تركي بابتسامه خبيثه:اقول فاطمه....وين ناصر عن الكلام هذا والمدح عشان يسمعه....
فاطمه بثقه: تطمن ناصر يعرف مكانتي زيـــن.....
.................................................. ...............................................
سارا:هاه بشاير وش قال تركي عن العروس لمن شافها؟؟؟.....
بشاير: تركي هذا لعين يوم سألته عن شكلها وأوصافها ما جاوب علي طنشني وقال لي باختصار إنها حلوة وعاجبته....
سارا:اسمع خالتي ام بندر تقول إن عبير هي اللي دلتكم عليها وإنها مستخفه على البنت وهي اللي قعدت ورى تركي لين خطبها...
بشاير:إيه صادقه امي...بس تركي بعد يوم راح دورته العسكريه اللي بالشرقيه شاف اخوها وتعرف عليه عن طريق زميل له....
سارا بتعجب: سبحان الله...صدفه خير من ألف ميعاد...
بشاير: فاطمه اختي مهوب راضيه....وكانت تبي لتركي سلمى بنت عمي اخت عايشه مرة بندر اخوي....
سارا: لا وش يبي بسلمى...سلمى ألحين بالأردن مع اخوها تكمل دراستها بالكيميا وتبي تصير ياحظي دكتوره فيها...
بشاير: بيني وبينك أحسن خل تذلف سلمى ما أطيقها ولا أحبها....مغرورة بعمرها ودراستها خليهم ينفعونها....
سارا:لا تقولين كذا هذي بنت عمك.....
بشاير: روحي زين...أصلا هي ترد المعاريـس من زمان عشان حجة هالدراسه والقرف حقها....
سارا: بس بيرجعون بعد سنه وهي مشالله عليها بتصير الدكتورة سلمى...يعني هي مهوب هينه...
بشاير: ما علينا من هالسلمى....تدرين عن مرة تركي اسمها شذى؟؟؟....
سارا:إيــــه اعرف تو خالتي ام بندر قالت لي....اسمها ناعم ودلوع....
بشاير قعدت تضحك من سارا....
سارا: ممكن اعرف وش اللي قلته يضحك....
بشاير بضحكه: وش دلوع؟؟؟....اول مره بحياتي اشوف اسم دلوع....
سارا بابتسامه: وانتي انشالله تقعدين تعلقين على كل كلمه اقول لها....انا اقصد إنه اسم دلع...
وهنا دخلت عليهم عايشه مرة بندر وسكتوا....
عايشه لبشاير: مبروك يا بشاير على خطبة تركي....
بشاير:الله يبارك فيك...وعقبال ولدك فارس...
عايشه:آمــــــــــــــين....
وقعدوا يسولفون سارا وبشاير وعايشه بمواضيع ثانيه ....عشان عايشه أخت سلمى معروف إنها كانت تتمنى إن اختها تتزوج تركي
بس الأمـــور سارت عكس هواها وهذا الشي قهرها....
الجـــزء الثاني....
كان ابو محمد وعيالــه الثلاثه محمد وخالد وسعــود وام حمد كلهــــم مجتمعيــن بالمجلس عنده بالبيـت...
عشـــان ياخذ ابو محمد رايهم بزواج شذى وخطيبها تـركـــي....
سعود: الصراحـــه يا يباه انا ماعندي مانــع من تركي مادام الكل يمدح فيـــه وهو مشالله عليه مبين إنه رجل بمعنى الكلمه...
ابو محمد:يعني يا سعود مانت معترض على زواج اختك شذى من تركي؟؟؟
سعود: وليه اعترض...مشالله رجال ينشد الظهر فيه...والراي رايك يا بومحمد انت والوالده....وصاحبة الشان شذى...
خالد: حتى انا يا يباه ماعندي أي اعتـــراض بالعكس،ناس يشرفون....
ابو محمد وهو ناظر ولــده محمد: هاه يا محمد وش رايك؟؟؟....عندي احساس يقول انت مهوب راضي على تركي...
محمد: الراي رايك يابو محمد....اللي تقوله يصيـــر...
ابومحمد: لا...بس رايك يهمني، اخوانك كلن قال رايه وانت بعد قــــول رايــك؟...تراه يهمنا كلنا...
محمد بغى يقول اللي بخاطره بس تذكر زوجته مريم وكلامها له وكيف إنه بيوقف في طريق اخته شذى إذا اعترض لأن ابوه دايم يقتنع بشوره
ورايه،وفي نفس الوقت حس إن اهله يبونه وإن شذى تبيه وماحب إنه يخرب عليهم...
محمد: تركي ما ينرفض يايباه....وإذا شذى تبيه على بركة الله...
ام محمد:الله يوفقك يا محمد...الصراحه كلامك عيــن العقل وكنت اشوف وش كنت بتقول لأني اثق برايك وكلامك...
خالد:هالله هالله يا يماه...عشان محمد ساكن عندك تقولين كذا وانا ما كأني ولدك ولا كأن كلامي يهمك...
سعود: ما عليــك ياخالد من الوالده...الله لنا....
ام محمد بابتسامه: لا والله بالعكس رايكم كلكم يهمني...بس لأن محمد الكبير وبكري بعد... فلازم اعرف وش رايه ولا كلامكم كله صح...
ابو محمد بجديته المعروفه:أقـــــول يام محمد أنتي وش رايــك بالموضوع؟...
ام محمد:اللي تشوفونه...انا ماعندي مانع و الخيـــر في المكتوب إن شالله...
ابو محمد:إنشالله...عاد انا باكلم ابو بندر وأرد لهـــم خبر عشان نحدد باقي الأمـــور...
محمد:يعني يباه شذى موافقه؟؟؟...
ابومحمد:أكيــــد رايها الأول....امك سألتها وانا كنت جامعكم عشان أشوف إذا أحد عنده اعتراض او لأ......
سعــود بابتسامه:والله وكبرتي ياشذى وصرتي عروس؟؟؟....
ام محمد:سبحان الله ما اسرع الأيـــام.....
*******
وببيت خالد أخـــو شذى...
كان خالد وزوجته مها قاعدين بالصاله يتابعون التلفزيون....
خالد وكأنه مل من الفيلم اللي يطالعونه:أقــــول مهاوي...وش اخبار عمي والله من زمان عنه...
مها وهي تناظره:والله هذا من كثر ماتكلمه مشالله عليك....
خالد وهو يمدد رجله :تدرين والله مشغول وماني فاضي...
مها:أنــا ما قلتلك رح زوره بالجبيل...قلت تكلمه بالجوال كلها خمس دقايق ولا خايف على فاتورتك؟؟؟...
ابتسم خالد من كلام زوجته وقال:يعني انا بخيل؟؟؟...بس الحق معك والله خليني اكلمه الحيــن...
وياخذ الجوال ويدق على عمه...ويلقى الجوال مغلق...وحاول كذا مرة ويطلع الجوال مغلق...
خالد يناظر مها بقلة حيله: الجوال مغلق...
مها:أكيد ألحين تتعذر لي بهالعذر....حاول مرة ثانيه دق عليه بوقت ثاني...
خالد:إيه بدق عليه بوقت ثاني...بس تدرين جهزي نفسك على الأسبـــوع الجاي نروح الجبيل زيارة لأهلك...
مها والفرحه طايره من عيونها:والله؟؟...من جد تتكلم خالد نروح لهم...
خالد:إيـــــه اتكلم من جد...وش فيك ماتصدقيني يعني؟؟؟....
مها:إلا مصدقتك...بس هاه مو قبل السفر بليله تأجله وتقول عندك شغل وما أدري ايش عندك...
خالد بابتسامه:لا إنشالله مايصير عندي ظروف ونروح لهم....بس عندي شرط...
مها: وشو؟؟؟...
خالد:بنروح لهم الأربعاء بستأذن من شغلي ونروح لهم...بس كلها يوم واحد ماتفشليني هناك وتطلبين ننام عندهم...
مها: خلاص ولا يهمك اللي تبيه بيصير....بس تدري خلني أدق على اخواتي وأبشرهم...
خالد:لا خليهم مفاجأه أحســـن....
مها بفرح: وأنت الصادق....مفاجأة احسن...
خالد:إلا ما سألتيني وش صار اليوم لمن دعاني أبوي عنده...
مها وكأنها تتذكــر:إي صح نسيت أسألك وش صار...أكيد عشان زواج شذى صح؟؟....
خالد:إي صح...
مها:يعني يبي ياخذ رايـــكم بالموضوع؟؟؟...
خالد:إيـــه ،طبعا الكل موافق...أمي سعود ابوي وحتى شذى أمي تقول إنها موافقه...بس محمد...
مها باستغراب:وش فيه محمد؟؟..
خالد وهو يفكر:أحس إنه مو موافق...كأنه متردد...حتى ذاك اليوم لمن جا ابو بندر وتركي...أحس إن محمد مهوب عاجبه تركي...
مهــا:يعني محمد معتـــرض؟؟؟...
خالد: مو معترض...لمن سأله الوالد ما قال إنه موافق...قال اللي تشوفونه...غريبه من محمد عمره ماكان سلبي كذا وماله راي...دائما رايه
يمشي...عند أبوي...تدرين لو قال محمد مانبيه ارفضوه...ابوي بيرفضه....
مها:غريبـــه من محمد....
خالد:بسابوي بيرد لهم خبر إن إحنا موافقين عليهم....
مها:إيـــه....لهم من خطبوا وجو الشرقيه أسبوعين وأكثـــر....
خالد:ما أصدق شذى بتتزوج....والله كأني أذكرها باقي مالبست العبايه صغيرة كأنه يوم أمس...
مها:إي والله حتى أنا...بنفقدها...
كان خالد ومها كأنهم اصدقاء مو بس أزواج يسولفون مع بعض وياخذون راي بعض في أبسط الأمور ولو تكون تافهه وعلى كذا دايم متفاهمين
ونادر مايجي واحد منهم ويزعل الثاني...وتجمع بينهم طيبة قلبهم وطولة بالهم...
*******
كانت شذى و سعود قاعدين بالصاله عندهم بالطابق الاول...
شذى: ياربـــــــي وبعدين معك....متى توديني السوق لي يومين وانا أطر منك...
سعود وهو يلعب بجواله:نعم خيـــــر وش تبين؟؟؟....
شذى بضيق: أنت ماتفهم عربي...أقولك ابي السوق...
سعود:زين وأنا إيش دخلني إذا تبين السوق....
شذى مقهورة: يا أخي عليك برود ماشفته على أحد....أبيك توديني السوق فاهم؟...
سعود وهو يطالعها:أنــا أوديــك؟؟؟....لا اسمحيلي اليوم بطلع مع أخوياي معزوم...
شذى:لاااا إلعب على غيري دائما تقول(وتقلده) ...أبطلع اليوم مع اخوياي...أنا معزوم عند أخوياي....
سعود يبي يقهرها: اعذريني اليوم باطلع وبكره واللي بعده ؛خويي سلطان جاي الشرقيه من الرياض ...اللي كان معي ببريطانيا يدرس...
شذى:أوكيه إذا أنت لهالدرجه مو قادر تأجل موعدك كذا خذني معك وقطني بالسوق ولمن تخلص مر علي وخذني من السوق...
سعــود بطنازة:باللــه؟؟؟....تصدقين فكرة...
شذى:تتطنـــز؟؟؟...
سعود بجديه:طبعا أتطنز أنتي ووجهك تتكلمين من جد ،حلوة هذي أخليك بالسوق لحالك...
شذى:حبيبي ماأحد يوديني السوق غيرك...
سعود:وانا يوم كنت أدرس من كان يوديك؟؟؟...خلي محمد ولا خالد ياخذونك السوق مشالله كل واحد فيهم مثل كبر الباب...
شذى:هذول متزوجين وعندهم حريم وعيال...أنت عزابي لاعندك شغل ولا حرمه ولاعيــال بمعنى أصح فاضي ماعندك إلتزامات...
سعود بطنازة:حلوة إلتزامات ذي،بس تتطنزين علي ياشذى؟ الأسبوع هذا كله مافيه سوق وخلي غيري يوديك اوكيـــه؟؟....
شذى:عـــادي آخذ تاكسي وأروح يعني ابد متكسرة انا عندك...
سعود وهو يقوم ويحط جواله بجيبه:تاكسي أنتي ووجهك هاه؟عشان وجهك هذا أغير معالمه وزين إذا تذكرتي إن اسمك شذى...
شذى مقهورة:............
سعود وهو طالع عند الباب:سي يو.......
شذى بعد ماطلع أخوها:اقلب وجهك ياالنذل...تهدد مالت عليك يا الخايس يعني أبد متقطعه أنا عندك...
وقامت وشغلت التلفزيون وقعدت تطالع فيـــلم أجنــبي....من الزهق اللي هي فيه....
كانت مريم وبناتها عند أهلها طول هذاك اليوم،وام محمد عند صديقتها فوزيه ام صالح....وابومحمد معزوم عشا عند صديق قديم له...
*******
بالريــــاض...الليل الساعه عشر...
بشــاير:أقــــول تـــركي...
تركي وهو يقرا المجله:نعـــم....
بشاير:وش رايك لو تكلم أمي....
تركي بدون مايرفع عينه :في إيــش اكلمها؟؟؟....
بشاير:في إنها تخليني أروح عند صديقتي مرام...
تركي ومايزال مطنشها:ليه هي رافضه؟؟؟....
بشاير بضيق:إيه رافضه....
تركي يقرا:خلاص مو لازم تزورينها...
بشاير بقهر:زين ياخي على الأقل عبرنا،طالع فينا شوي إيش هذا؟؟؟.... ما أحب اكلم أحد وهو ملتهي في شي ثاني...
تركي توه يرفع عيونه يطالع أخته:نعم إيش تبين؟؟.....
بشاير بهدوء:تركي كلم أمي الله يخليك،البنات كلهم مجتمعين عندها بعد بكره وأمي رافضه هالشي بتاتا إني أروح...
تركي:ليـــــــه رافضه؟...أكيد قلتي لها شي يزعل او إنك سويتي شي...
بشاير متردده:تقريبـــا...بس أمي الله يهداها زعول...بسرعه تزعل...
تركي رجع يقرا المجله وطنشها....
بشاير بقهر:تـــــــــــــركـــــــــــــــــي....
تركي يناظرها:خير وش تبين...
بشاير : ابيك تكلم امي...
تركي ببرود:آسف أنا مالي دخل بينكم انتي وامي...
بشاير:تكفى الله يخليك....
تركي:زين انتي مع هالوجه إيش سويتي علشان تزعل...
بشاير:لأني رفضت إني اروح معها بيت خالي المصون اللي هو أخوها وقلت قرف ما ابي اروح لهم لأنه ببيت خالي تجيني الغلقه...
تركي:وبعدين...
بشاير تكمل:بعدين امك زعلت ومارضت اقول عن اخوها كذا،فقالت لي ترضين احد يقول عن بيت اخوك متعب كذا قلت بطنازة وبمزح طبعا
إنه عادي عندي إذا احد قال كذا عن متعب وبيته وبالعكس رح أشجعه فزعلت وانقهرت مني فقالت لي:أنا ماني ام بندر إذا رحتي لخويتك..
تركي بابتسامه:عشان كذا رافضه...بس ليه زعلتيها كان رحتي مجامله لها...
بشاير:ياخي طول عمري وانا اجامل قلت بس هالمره...بس طلعت امك ياي ماعندها ديمقراطيه....
ابتسم لها تركي وقال:الصراحه كسرتي خاطري،بس اعذريني مااقدر اكسر كلمة امي...
بشاير:بس امي تعزك ولو كلمتها انت... وجيت واعتذرت انا لها بتوافق....
تركي:اولا تستاهلين لأنك رفعت ظغط امي ثانيا ما أحب اتدخل ثالثا تراني اقدر اخليك تروحين بس كذا منذله مارح اكلم امك على قولتك...
بشاير:بليـــــــــز تركي...
تركي:خلاص اقلبي وجهك مارح اكلمها...
بشاير:بس انا اختك الوحيده...
تركي:ووحده كبر امك اسمها فاطمه وين راحت...
بشايربرجاء:طالعني انا بشورة أختك اشاركك البيت وفاطمه هذي متزوجه وعندها عيال وتاركه البيت من يوم انا وانت صغار،انا اختك الصغيرونه
تركي بجديه:أنتي هيه لا تتمسكنين...ما رح اكلمها....
بشاير:ليه خايف تكسحك وترفض؟؟؟.....
تركي بثقه:لو انتي مو متأكده إن كلمتي عند امي ماتطيح ماكان كلمتيني يا الهبله بس على كلامك ذا مارح اكلمها....
بشير بتوسل:تكفى تركي الله يخليك...
تركي:لأ....
بشاير بابتسامه:زين وإذا قلت عشان خاطر شذى كلمها بس.....
تركي وهو يبحلق فيها بعيونه:وش دخل شذى ألحين...
بشاير تزيدها:الله يخليك زين موعشاني انا اختك اللي أدري انك تموت فيني وعلي...
تركي بطنازة:إي موت انا احبك...
بشاير:بس عشان خاطر البنت الأمورة اللي تنتظرك بالشرقيه وقطعت الصحاري والفيافي عشانها وعشان تطلب يدها من السلطان...
قعد تركي يضحك من كلامها...وبعدها قال:خلاص بشاير باكلم أمي بس هاه هذي اخر مرة تطلبيني بشي اسمه شذى ولا ترى اذبحك...
بشاير:اوكيه اخر مرة...بس هذي يسمونها غيره؟؟؟...
تركي وهو راجع يقرا المجله:لأ ...يسمونه الغلا...
بشاير وهي قايمه:بدينــــا....
تركي يخزها.....
بشاير وهي فرحانه وقايمه من عنده تبي تبشر صديقاتها:آسفه على كلمتي ...بأسحبها...
وطلعت تركض لحجرتها...
تركي بخاطره ((من جد هالبنت هبله إذا اندلت على شي تعلق فيه))....
ورجع يكمل يقرا المجله الي ماخلته بشاير يقراها زيـــن....
*******
وبالخبر كان سعود وخويه سلطان قاعدين بستار بكس....
سعود بابتسامه:هاه شرايك بالشرقيه...ماتغيرت للأحسن؟؟؟...
سلطان:وأنت صادق...طالعه أحسن وأحلى من الأول....
وقعدوا يسولفون وياخذون أخبار بعض خاصه إن لهم سنتين ماشافوا بعض......
وبعدها قال سعود:الصراحه ياسلطان في سالفه ودي أفاتحك فيها بس خايف...
سلطان:لا وش دعوة...قول اللي بخاطرك إحنا أخوان وأكثر...
سعود بتردد:ولا تزعل؟؟...
سلطان:ولا آخذ بخاطري بعد...
سعود:الصراحه ياسلطان الآسباب والاعذار اللي خلتك تقطع دراستك في بريطانيا وترجع السعوديه مهيب مقنعتني واحس إنــك...
ووقف سعود عن الكلام ويبي يشوف تعابير وجه خويه سلطان إذا ماشيه معه ولا لأ...
سلطان:كمل كلامك وش فيك وقفت؟؟؟....
سعود:أحس إنك تخبي وراها أسباب ثانيه،يعني بالله عليك سبب إنك تخلي دراستك وباقي لك سنه ونص وتاخذ الشهاده عشان إنك اشتقت
للسعوديه ولأهلك وحنينك زاد لهم....
سلطان بدفاع عن نفسه:يعني الواحد مايشتاق لأهله؟ لبلده؟....
سعود وهجومه زاد:لأ مو كذا ياسلطان،كلنا اللي معك إشتقنا لأهلنا حتى زياد أذكر كان والله بالليل يوم عيد الفطر يبكي وكأن ميت له احد
منة كثر مااشتاق لهم،بس إحنا بغربه كلنا مو لوحدك،وبعدين رجعتك كانت غريبه ياخي حتى وداع ماودعتنا ولا تركت لنا خبر ومادرينا
إحنا أخوياك اللي معك بالشقه إنك سافرت إلا لمن دقيت علينا وقلت إنك وصلت السعوديه وحتى الجامعه فصلتك،ورجعتك كانت غريبه...
سلطان مارد وقعد يطالع بسعود وهو يشرب قهوته....
سعود:لأنك كنت متفوق وشاطر،ولأن طموحك كان أعلى من كذا،أذكر إنك كنت تقولي تبي منصب يهز بلد....وإنك كنــ...
سلطان يقاطعه بسخريه:من كثر الوظايف ألحين...
سعود وهو يشرب قهوته:لا بس بشهادتك كنت تقدر تسوي اللي تبيه وفجأة رجعت كذا وبوظيفه اسمح لي أقول إنها صغيره بحقك،إنك تشغل
بشركه خاصه وبراتب ضئيل...
سلطان وهو يطالعه:وبعدين وش عندك؟؟؟؟....
سعود وهو يشد على يد سلطان:سلطان أنا خويك وماحد يعرفك بالشله كثري، فضفض قول اللي بخاطرك وصدقني بترتاح وتريحني معك...
سلطان وهو يناظر سعود:لهالدرجه يهمك أمري؟؟؟...
سعود بجديه:وأكثر مماتتصور،صدقني ياسلطان إنت اخوي اللي ماجابته أمي....
سلطان:باقولك ياسعود،بس ياليت الكلام مايطلع لأحد....
سعود بشدة:أفا بس ياسلطان عيب عليك هالكلام،كلامك في بير ماله نهايه...
سلطان بحزن:سامحني ياسعود،بس اللي فيني يهد الصخر...
سعود يناظره:قول يا سلطان اللي مضيق عليك انا كنت متوقع وراك شي....
وناظره سلطان بحزن،وقعد يحكي له همومه وش اللي صار معه وسعود كان منصدم من اللي قاله سلطان...
حتى نسى إنه يبشره بخطبة أختـــه شذى....
*******
ام بندر:لأ يا تركي...مارح أخليها تروح عقابا لها على كلامها على بيت خالها...
تركي:وإذا قلت ياام بندر عشاني هالمرة بس،هي قالت لي ماكان لها نفس تطلع من البيت هذاك اليوم مهوب بس بيت خالي اللي ماتبيه...
ام بندر:طيب وبعدين....
تركي :خلاص عديها لها هالمرة عشاني وبعدها سوي اللي يريحك...
ام بندر:تركي سامحني ما أقدر،خلها تتأدب...
تركي:يمه أفا انا مالي قدر عندك أطلبك وترديني؟؟؟...
ام بندر تراضي ولدها:ولا تزعل تركي،خلاص هذي المره سماح بس هاه لاتعيدها...
تركي يبتسم لأمه:ياحياتي والله يا يمه، وعلى كذا بأجيب بشاير تعتذر لك...
ويطلع تركي من غرفة أمه وراح ينادي بشاير من غرفتها...
تركي يدق الباب على غرفة بشاير:بشاير...بشاير...افتحي الباب...
وتفتح الباب بشاير و كان فيها النوم:نعم خير تركي بغيت شي؟؟؟...
كانت مرتبكه وخايفه لأن تركي عمره ماجا يدق الباب عليها هالوقت لأن الساعه 12 الليل.....
تركي وهو يتسند على الباب:لا يا حلوة،جيت اقولك روحي اعتذري لأمك عشان تروحين لصديقتك مرام...
بشاير والنوم طارمن عينها: كلمت أمي؟؟؟...
تركي وهو رايح لغرفة أمه: الحقيني يلا روحي اعتذري لها...
بشاير وهو تمشي وراه: أظمن يا تركي إنها موافقه؟؟؟...
تركي :إي افا عليك بس ترى واسطتك مهيب هينه...
ودخل تركي ومعه بشاير لغرفة امه ام بندر....
تركي وهو يأشر على بشاير: وهذي هي جايه تعتذر لك عشان تسامحينها....
بشاير راحت تبوس راس امها وقالت لها: آسفه يمه بس كانت نفسي ذاك اليوم منسده...
ام بندر:ماعلينا،بس ترى عشان تركي سامحتك...
بشاير بترد على كلام أمها إلا أشر لها تركي تطلع وتقول لها تصبحين على خير....
بشاير:تصبحين يا يمه على ألف خير...
ام بندر:وأنتي من أهله....
تركي:تصبحين يا الغاليه على ألف خير...
ام بندر:وانت من اهله يا الغالي...
وبعدها طلعت بشاير وتركي من غرفة ام بندر....
بشاير:مشالله عليك ياتركي امداك؟؟،مالي من كلمتك ساعتين...
تركي:قلت لك خلاص يعني خلاص بتروحين لخويتك...
بشاير:صدق دهنت سيري عند الوالده بسرعه...
تركي:اقول يله انتي بعد تصبحين على خير ورانا بكرة دوام...
بشاير وقفت لأخوها وضربت له تحيه عسكريه وقالت:تصبح على خير أيها الضابط....
طالعها تركي وقال: زين يله وانتي من أهله...
وراح لغرفته ينام،لأن بعد ماكلمته بشاير دق عليه رفيق عمره طلال وطلعوا هم بعد لمشوار ساعتين وتوه راجع....
*******
كانت الساعه وحده بالليل وتو سعود راجع البيت وهو مهوب طايق يشوف أحد....
كان يفكر في كلام سلطان صديقه،مو معقول اللي يقوله...كل هذا صار لسلطان وأنا ما ادري...((ونعم الخوي والله انا له)) كان كذا يقول عن نفسه
باستهزاء وسخريه...لأن كان لسلطان معزه خاصه بقلب سعود،،،
شذى كانت قاعده مع أمها ام محمد بالصاله يسولفون وسمرانين وماخذين راحتهم لأن مريم ماكانت موجودة،ويدخل سعود بهاللحظه
وقعد يناظر أمه وأخته شذى...
ام محمد:هلا والله بسعود...وينك للحين؟؟؟....
شذى بلقافه:وين يعني...معــزوم كالعادة...الأخ مشالله بزنس مان مهوب فاضي...
سعودبعصبيه:جب زين تتطنزين مع هالخشه...
ام محمد:بسم الله عليك وش فيك كذا معصب،أختك تمزح ماقالت شي...
سعود وهو داخل غرفته وماله نفس يطالع بوجه احد:تصبحــون على خيــر...
ودخل وام محمد تطالع بنتها شذى بإستغراب...
ام محمد:وش فيه سعود معصب وزعلان كذا؟؟؟....
شذى:والله ما أدري عنه...أكيد ألحين متهاوش ولا زعلان مع واحد من شلة المحبه أصدقاه...
ام محمد سكتت وماعلقت على كلام شذى اللي تتطنز فيه على أخوهــا....
قعدت تفكر في سعود إيش فيه،،،دايما ولو يكون زعلان ما يدخل بهالطريقه دائما يسلم ويبتسم لها....
*******
وفي الكليه الصبــاح....
ريم: شذى قومي يللا خلينا نروح الكفتيريا أنا جايعه موووت...
شذى وهي تطالع ريم:أنتي هيه يالهبله،تراك انتفختي هاليومين،بسك أكل...
ريم بدهشه:حــــرااام عليك،أنا متنت...ولا تقولين هالكلام عشان إنك أضعف مني وجسمك أحلى مني...
شذى بغرور:من ناحية الجسم لا تتكلمين ولا تقارين نفسك فيني،بس من جد يا ريم أحس إنك زايده كم كيلو....
ريم:لا ما أتوقع إني زايده يا حلوة،يمكن تظنين كذا لأني القميص اللي لابسته الأبيض هذا مقلم بالوردي بالعرض فصاير مزودني كم كيلو...
شذى:على بالك ما أشوف،بس ولو أحسك زايده كم كيلو خففي ياشيخه مو كل ماتحسين إنك جايعه تروحين ركض تاكلين...
ريم وهي تقوم:اقول اذلفي عن وجهي والله بروح أشتري لي فطيرة مع بيبسي...
شذى تقاطعها:بيبسي لا يا الهبله يساعد على السمنه...تو جسمك يحلو هالسنه ترجعين تخربينه...
ريم بلا مبالاه: شذى أنتي ووجهك لاتسوي لي فيها أخصائية تغذيه ويعني إنك فاهمه ترى كلنا ندري ،بس أنا اقاطع الدنيا كلها إلا البيبسي
شذى:براحتـــك...بس هاه تراني بروح للشله تلقيني عندهم...
ريم وهي رايحه: وانا بروح مع ضحى ورفيقتها ينتظروني هناك...
شذى قامت وتطالع ساعتها باقي على المحاظرة الثانيه ساعه إلا ربع...وهي سنه ثانيه ملت من الدراسه،بس يلله مابقى إلا سنتين هانت كانت
كذا شذى تواسي عمرها خاصه إنها مو رتاحه مرة للقسم اللي هي فيه((لغه عربيه)) بس دخلت عشان أغلب شلتها فيه....
وهي ماشيه دقت جوال على أمل...
أمـــل:هــــــــلا والله بهالصوت....
شذى بضحكه:هلا بالمهلي هلا...
أمل:وينك من زمـــان عن هالصوت،أول ماشفت اسمك بشاشة الجوال ماصدقت...
شذى:ليــــــه حرام عليك،والله إني دايم اسأل عنك...حتى إني الحين داقه أسال وينك ودي اقعد معك انتي والبنات...
أمل بفرح:والله؟ حياك إحنا في مكانا القديم لا تغير ولا شي .....عاد أبيك تقولين لنا بالتفصيل اللي يجيب السكته عن خطبتك...
شذى بضحكه:أووووه منكم يا البنات تبون تعرفون كل شي... يلا سي يو...أنا جايتكم...
وسكرت شذى وكان مكان شلتهم شوي بعيد...
وشذى ماشيه حست بعيون تراقبها فخاطرها(وبعدين مع هالمعجبات)<<<البنت واااثقه...
كانت اللي تطالعها عبير،حست شذى بعد كذا إنها عبير: ياربي على الإحراج والله فشله أروح أسلم عليها بس أخاف تظن إني فرحانه بولد
أختها أو أطنش بس بعد فشيـــله مو من الذوق اطنش...وبالذات عبير...
وبعد مد وجزر وتفكير قررت الخيار الثاني اللي هو تطنش ولا كأنها شافتها او لمحتها....
كانت عبير تطالع شذى ومنبهرة منها... البنت هذي تحبها حييييل ودخلت قلبها من أول ما شافتها...
كانت شذى لابسه تنورة جينز ميدي فوق الكعب بشوي والجينز كان شوي باهت لونه،مع تي شيرت أورانج روعه من زارا وجزمه سبورت
من نايك لونها سماوي مع جوارب برتقاليه قصيرة، وشعرها كان مرفوع بطريقه مهمله مع خصل مجعده نازله من على ألاطراف وعلى وجهها
وكان مكياجها ناعم وحلو غلوس اورانج مائي مع بلاش اورانج كانت حاطته بطريقه دائريه أبزرت فيه حلاوة خدودها المدورة طبعا مع
الكحل العربي اللي داعجه عيونها فيه بطريقه جذابه ولابسه عدسات بحريه وطالع شكلها روووووعه...
عبير بهاللحظه خطر على بالها تدق على تركي...وبالفعل دقت عليه...
تركي:هلا والله...
عبير بابتسامه:هلا بولد أختي هلا بالعريس ...
تركي وهو يكلم اللي عنده:خلاص أنتوا اطلعوا وبعد شوي بلحقكم...
عبير:تكلمني؟؟؟...
تركي:لا أبد اكلم اللي عندي...
عبير: تركي...خف على الجنود شوي أحس إنك جلف وجاف معهم...
تركي بجديه:شوفي حبيبتي العسكريه كذا شده وغلظه ما فيها يمه ارحميني،هذي يا حلوة تعرفين وش يسمونها؟؟؟..
عبير:وش يسمونها؟؟؟...
تركي بثقه:هذي مصنع الرجال،هذي الشده والقوة...
عبير تغير السالفه:ماعلينا أنا مادقيت عشان كذا،بس بغيت اقولك إن شذى هذي هي قدامي...
تركي:والله؟؟...
عبير:إي والله هذي هي ماره من عندي قبل شوي تهبل لابسه اورانج طالعه قمر...
تركي:أكيد...بس سؤال طالعه مغرورة هي او لأ؟؟؟..
عبير:شي مهوب هين شذى...ماتعطي أحد وجه، تصدق قبل شوي مرت من جنبي ولا طالعتني...
تركي:ياويلي على هالغرور...كل هذا كبر فيها...
عبير:لااا...بس أكيد ما انتبهت لي...ولا هي اول كل تلمحني تجي تسلم علي...بس بغيت أخبرك فيها...
تركي:ياحبي لها تهبل...تدرين أبيك توصفين لي شكلها يا عبير...
عبير:اوصفلك شكلها...((وتقلد المصريين))ده بعدك...
تركي بعصبيه:أجل ليه داقه علي أنتي ووجهك؟؟؟....
عبير:كذا...تقدر تقول عبط...
تركي:اوكيه عبير بس مارح انساها لك...تدقين على كذا تبين تشوقني بس...
عبير:وانا تراني...
يقاطعها تركي:خلاص خلاص درينا إنك عبير يلا باي عندي شغل وتدريب وأنتي معطلتني...
عبير:زين يا تركي مسوي لي فيها شخصيه مهمه...
تركي ضحك من خالته اللي يعزها: إي شخصيه مهمه عندك مانع؟؟؟...
عبير من غير نفس: بـــااااي...
تركي:بايات....
وبعد ما سكرت من تركي تنهدت فخاطرها تقول((يا حبي لهالتركي على غروره وثقتهة الزايده بس حبيب))...
********
وبعد هذا اليوم بيومين دق ابو محمد على ابو بندر يبلغه موافقتهم وإنه يشرفهم مناسبتهم والزواج منهم...
ابو بندر لتركي:أبشر بعزك يا تركي اهل العروس وافقوا...
تركي:والله ...الله يبشرك بالخير...
ابو بندر:الصراحه توقعت ردة فعلك أكبر من كذا...
تركي:بس انا كنت واثق إنهم بيوافقون...
ابو بندر:تركي...ترى الغرور مهوب زين...
تركي بجديه:المسأله مهيب غرور يابو بندر قد ماهي ثقه بنفسي وبمكانتي وإني ما انرد...
ابو بندر:ما اقول غير الله يصلحك يا تركي...
تركي:آميــــن....
ابو بندر: اجل إستعد الاسبوع الجاي نروح الشرقيه ونتفق معهم على كل شي...
تركي بحماس:اللي تامر به يا يباه...
ويدق جوال تركي...
تركي: هلا بمتعب...
متعب: وين الوالد دق على جواله مغلق...
تركي وهو يناظر أبوه:الناس تسلم بالأول...وبعدين هذا هو أبوي عندي...
متعب:عطني ابوي باكلمه...
تركي يمد لجوال لأبوه...
تركي:يباه هذا متعب...
ابو بندر يكلم متعب:هلا بمتعب وينك...
متعب:هلا فيك يباه،بس وينك الله يهداك أدق على جوالك مقفل...
ابو بندر:إيه صح نسيته قفلته بالصلاه وماتذكرت افتحه ،ليه خير إنشالله...
متعب:ماعلينا،بس بغيت أقول لك الأرض اللي عندك بالروضه بيعها لأني لقيت لها مشتري اللي وصيتني عليها...
ابو بندر:زين الله يبشرك...وبيدفع قيمتها؟؟؟...
متعب:أفا عليك بس والسعر اللي حددناه وفوق اللي شرطته لي...
ابو بندر:اقول متعب أهل عروسة تركي ردوا علينا إنهم موافقين ...
متعب فرحان لأخوه:مبروك والله يستاهل تركي...
ابو بندر:الاسبوع الجاي بنروح لهم عشان نتفق معهم على كل شي...
متعب:زين والله..
ابو بندر:عاد قلت تخاوينا؟؟؟...
متعب:أفا عليك بس أكيد بروح معكم...
ابو بندر:أجل يله ما اطول عليك...في حفظ الرحمن...
متعب:في حفظ الله يا الغالي...
وسكر متعب من ابوه...
ابو بندر:متعب اخوك بيخاوينا لأهل عروسك...
تركي بابتسامه:عز الخوي والله متعب....
وهو بسيارته راجع البيت فكـر بشذى..(والله مسكينه لها أسبوع وهي تبيني أخذها للسوق)..فكر باقي على بال مايوصل للبيت ربع ساعه
ويمكن أكثر من هالزحمه اللي بالشوارع خاصه إن الوقت عشا...
أخذ الجوال اللي كان حاطه بجنبه ويبي يدق عليها طالع الساعه بالجوال ماكان باقي على صلاة العشا شي وأخذ يتأكد من ساعة يده
إلا يسمع الآذان بكل مكان بدت المساجد تأذن ويطالع المحلات بعد هي بدت تسكر وتغلق أبوابها إلى بعد الصلاه(الأسواق بالسعوديه تسكر بوقت الصلاة)...
فكر وقال((بعد الصلاة أمر عليها،وخلني أدق عليها من ألحين تتجهز مو تتركني ساعه أنتظرها))...
دق على تليفون البيت...
ريم بنت محمد بصوت طفولي:ألــــو...
سعود:ألو هلا ريم...
ريم بتعجب:مين على التليفون...
سعود بضيق:أنا عم سعود...
ريم بفرحة الأطفال:عم ثعود...أنا أحبك...
سعود بضيق أكثر:ثعود بعد غيرتي اسمي.....وأنا بعد أحبك...وين شذى؟؟
ريم:من زمان ماثفتك...انا أحبك مرررره...
سعود وهو مهوب طايق لفلسفة الأطفال:ريم حبيبتي نادي لي شذى بسررررعه عشان أعطيك حلاوة كبر راسك...
ريم مستغربه:فيه حلاوة كبر راسي؟؟؟...
طووط...طووط...طووط....
قفل الخط سعود التليفون ودق على جوال شذى...
سعود يكلم نفسه:وش هالذكاء كان دقيت من البدايه على جوالها بدل زحمة البزارين هذي ...
شذى:إنت هيه تكلم نفسك؟؟؟...
سعود متفاجأ:إنتي من متى على الخط؟؟؟...
شذى:من أول ما دقيت...
سعود:بسم الله منك امداك تردين يوم سمعتيه يدق...
شذى:لأنه كان معي اقرا مسج توه جاي وإنت طلعت لي والعياذ بالله...
سعود:هذا جزاي تقولين كذا وأنا الحين داق عليك عشان تتجهزين بعد الصلاة آخذك للسوق...
شذى بفرح:والله؟؟ ياحياتي ياسعود آسفه وهذي كلمتي وسحبتها...
سعود :شوفي هذا أنا سامحتك،بعد الصلاة مباشرة ألاقيك مخلصه من ألحين استعدي وجهزي حالك...
شذى بابتسامه:طياره...
سعود:تشاو...
شذى:بايو...
بعد ما صكرت من سعود...((واااااااو وأخيرا ما بغى ياخذني السوق...بس غريبه هو يدق بنفسه ويعرض السوق علي من دون طلب او واسطة امي))
وبعدها قالت بخاطرها...((وأنا وش دخلني من نفسه او غيره خلني اروح ألبس واستعد...بس لا يهون))....
وبعدها راحت تلبس وتستعد وخلصت بسرعه...وبعد كذ صلت العشا، ونزلت بالصاله تنتظر اخوها وهي لابسه عبايتها ومتجهزة بس تنتظر
يدق عليها جوال وتطلع له....
*******
ريم:ماما...عم ثعود يقول بيجيب لي حلاوة كبر راسي...
كانت مريم ومعها الخدامه توكل بناتها الصغار بالصاله اللي فوق عشان تنومهم مبكر لأن ريم تروح الصباح الروضه ورنا النوم
المبكر أفضل لصحتها ولنموها وطبعا عشان تفتك منهم باقي الليل وتقعد على راحتهـــا...
مريم باستغراب:مين قالك كذا؟؟؟
ريم والشغاله تأكلها:عم ثعود...
مريم:متى قالك الكلام؟؟؟...
ريم ببرائة الأطفال:هو قال لي لما دق تليفون...
مريم تحقيقها يزيد:زين ماما وش كان يبي؟؟؟...
ريم:كان يقول يبي عمه ثذى...
مريم مستغربه:وش كان يبي فيها؟؟؟...
هزت ريم كتفها بالنفي ولفت تطالع التلفزيون...أما مريم فكانت تموت وتعرف وش كان يبي بها....
اقدم لكم الجزء الثاني من القصه
الجزء [2] من قصة يا عيونه بس يكفيني عذاب..
......:لا يا يمه كان رحنا معهم مايصير كذا.... هذا اخوي موغريب عني...
ام بندر: وانا امه بس ما رحت معهم......خلاص يابشاير فكيني واللي يرحم والديك....
بشاير بزعل: والله قهر....كان رحنا وش رح يخسرون اليوم الصبح سافروا وبكره الصبح بعد بيرجعون...
ام بندر:زيـــن وانا وش بيدي....
بشاير:كان اصريتي على ابوي إنك تروحين...بعد هذا ولدك ........ خطيبته هذي ماعمرك شفتيها ولا تعرفينها....
ام بندر:حاولت فيـــه بس رفض....وقال المهم تركي يشوفها مو انتي...مش هو اللي بيتزوجها....
بشاير:اوففففف قهر كان ودي انا بعد اروح وأشوفها......بس حسافه إن شالله بالخطبه اروح واشوفها....
ام بندر:يصير خير.....
بشاير بحماس: عاد خالتي عبير ميته عليها تقول أحسن بنت عندها بالكليه هي.....وتقول إنها محبوبة بين البنات وطيبه وحبوبه...
ام بندر: دايم مايلعب براسكم انتي واخوك تركي ومتعب غير هالعبير....
بشاير ولا كأنها سمعت كلام امها وتكمل:وتقول بعد إنها أكبر مني بسنه....الله وناسه وأخيرا بألقى أحد بالعايله بسني...
ام بندر:ليـــــــــه وين الباقي؟؟؟....
بشاير:مين يمه تقصدين....عايشه مرة أخوي بندر اللي ولدها فارس بعمري...او مرة اخوي سارا اللي أكبر مني بثمان سنوات...
ام بندر: عندك فارس....
بشاير :فارس يمه الله يهداك هذا ولد ابي بنت وحده بعمري....تقولين لي فارس....
ام بندر: عندك نوف بنت اختك فاطمه.....
بشاير:يمه نوف؟؟؟....حرام عليك عمرها 14سنه توها بزر....
ام بندر:أي بزر؟؟؟...أنتي أكبر منها باربع سنوات بس ...بالأبتدائي كنت مع بعض....
بشاير: يمه...نوف بزر وانا كبيره عنها...حتى تفكيرها عن تفكيري غيــــــر.....
ام بندر:تدرين يا بشاير إن أختك فاطمه ماهي راضيه على هالزواج....
بشاير:أدري....اصلا من متى كانت فاطمة موافقه على زواج تركي من غير سلمى...
ام بندر: وهي صادقه مافي أحسن للولد من بنت عمه....
بشاير: اقول يمه بلا فاطمه بلا سلمى...تدرين إن اسم العروس شذى؟...اسمها عاجبني واحسها إنها بنوته مثلي وبنصير صديقات
ام بندر: وبعديــــــــــــن؟؟؟....
بشاير بضيق: وش بعدين يمه شكلك زهقتي مني؟؟؟.......
ام بندر: وانتي صادقه هذرة على راسي وبكره لازم اقوم الصباح بدري عشان ابوك واخوك راجعين من السفر....
بشاير بضحكه: قولي كذا....شوق الحبيب لحبيبه....
ام بندر: اقول يله اذلفي عن وجهي...ماتستحين وانتي تقولين كذا....
بشاير وهي عند الباب بتطلع من غرفة امها: لأ....ما أستحي تدرين ليش؟؟؟....لأنك امي وهذاك ابوي....
ام بندر: اقوووول.......
بشاير هربت وصكت الباب وراها....
ام بندر:الله يهديك ويصلحك يا بشاير.........
.................................................. ..........................
في بيت عبير وبالتحديد بالمجلس الخاص بالضيوف...
تركي:الصراحه يا عبير ماتوقعتها كذا.......
عبير بابتسامه:أكيـــــــــد أحلى مما تصورت....صح؟؟؟......
تركي: تبين الجد؟؟؟...الصراحه توقعتها أحلى بكثير مما شفت....
عبير بابتسامه باهته:.......يعني؟؟؟...................
تركي: الله يهداك صورتيها لي ملاك متلبس بصورة انسان....واللي شفته العـــكس....
عبير انبهتت زياده: وبعدين......يعني ماتبيها؟؟؟.......
تركي بحزن مصطنع: الصراحه ابيك تدورين لي حجه كيف انسحب؟؟؟...البنت ذي ما أبيها....أحس دمها ثقيل وسخيفه....
عبير بعصبيه:تبي تنسحب؟؟؟
تركي بحزنه المصطنع:صدقيني الأمر مو بيدي....النفس وماتهوى...نفسي عافت البنت وماأبيها....
عبير وهي معصبه:عفت البنت هاه؟؟؟...أصلا انت ماتستاهل إن الواحد تخليه يدور لك وحده مافيه مثلها ثنتين....وشذى والله وهذا
أنا أحلف إنها بنت مافيه أحسن منها....بس ما أقول إلا إن الله يعطيها اللي أحسن منك بألف مره وجعلك ما تلقى احسن منها...
تركي بعد ما شاف كيف خالته تأثرت قعد يضحك عليها وعلى موقفها بالسالفه...
عبير عرفت إنه كذاب: تكذب علي أنت ووجهك هاه؟؟....أقول لا تمزح معي كذا زين؟؟؟....من جد خرعتني يا الأهبـــــل...
تركي وهو يضحك:أنا أهبل؟؟...بس مقبوله منك يا أخت امي.....
عبير: تركي تكلم جد وش رايك بشذى؟؟؟.....
تركي وهو يعدل جلسته:تبين الجد يا عبير؟...شذى توقعتها أحلى من كذا على حسب كلامك...بس والله إني مرتاح لها وأبيها...
عبير باستغراب: ليه شذى مهوب حلوة؟؟؟....والله إنها تهبل...
تركي يماشي خالته: حلوة ما اختلفنا...بس انتي من وصفك لها توقعتها ملاك...
عبيـــــر: تقصد يا تركي إني مبالغه بوصفي لها...
تركي: بصريح العبارة إيــــه وبقوة بعد....بس لا تخافين شذى أبيها وعاجبتني وداخله مزاجي بعد....
عبير: داخله مزاجك ليه هي كورة؟....
تركي ضحك من كلام خالته ومن تعليقه عليها...
عبير: تضحك....بس يله ما علينا...أبيك تقول لي وش صار معك لما رحت لهم...
تركي:أدري ما عزمتيني إلا عشان اقول لك....
عبير : اخلص علي وقول....
تركي بابتسامته الفاتنه: تآمرين آمـــــــــــر....يا أحلى خطابه شفتها...
وقعد تركي يحكي لخالته وش صار معه لما راح لهم وشاف شذى العروس ووصف لها شعوره ناحية شذى واهلها اللي ارتاح لهم.....
.................................................. ..........................................
في الصباح يوم الجمعه.....
وبالتحديــــــد في بيت ابو بندر....
ام بندر: بشاير شوفي الشغاله حضرت كل شي ترى ابوك وتركي بيوصلون بعد نص ساعه تقريبا...
بشاير وهي تعدل شعرها : لا تخافين مامي كل شي تمام واوكيـــــــــــه....
ام بندر: شوفي بشاير مو اول ما يجي ابوك تنطين عنده وتقعدين تسوين مناحه عشان ما رحت معه...لأنه بيجي تعبان...
بشاير ولا كأنها سمعت كلام امها:يمه شعري كذا حلو؟؟؟....
ام بندر: انتي سمعت اللي قلته ولا لأ؟؟؟....
بشاير: ياحياتي يا يمه...هذا ثالث مرة تقولين لي الكلام نفسه درينا وعرفنا وفهمنا...خلاص اللي يشوفك يقول إني بزر...
ام بندر:أعرفك اول مايجي ابوك تنسين كل اللي قلته...
بشاير: خلاص خلاص فهمنا والله فهمنا....بس ماقلتي لي شرايك بشعري ؟؟؟...
ام بندر: تدرين إني ما احب الشعر الأجعد ...حلاة البنت يكون شعرها ناعم وحلو....مو مثلك كل شوي وانتي تلعبين فيه بهالجل...
بشاير: بالعكــس شعري وهو مجعد شكل احلى ويعطني لوك اجنبي...الشعر الناعم ما احبه...
ام بندر: كيفك....بس هذا رايي...
بشاير:يمه....عزمتي سارا ومتعب على الغدا تراني ما اتصلت عليهم...بس اتصلت على بندر وفاطمه وقلت لهم يجون على الغدا...
ام بندر: لا متعب انا كلمته من أمـــــــس...ورح يجي هو وزوجته ....
بشاير: زين طمنتيني...بعد خفت سارا تزعل مني...
ام بندر: لااا سارا اعرفها قلبها ابيض وطيبه ما تشيل بخاطرها....
وبعد كذا طلعت بشاير لغرفتها وقعدت ام بندر بالصاله تنتظـــــــــر زوجها وولدها وأخبارهم....
.................................................. ...............................
........:ليـــــه مو عاجبك ؟؟؟.....
محمد: ما أدري يامريم احسه مغرور ومتكبــــر...وانا هالفئه ما اطيقها...
مريم: ولو هذا مو سبب....اخوانك وابوك الكل يمدح فيه....
محمد: وش اسوي لهم؟؟؟....الولد هذا مهوب عاجبني وماني مرتاح ازوجه ختي...
مريم: احسن شي لشذى إنكم تزوجونه لها....بيعيشها بنعيم ماحلمت فيـــه...
محمد: الغنى والفلوس موسبب يخلينا نزوجه لاختي.....تركي هذا ما عمرنا شفناه إلا لما جا يخطب...
مريم انقهرت من محمد الكل موافق على تركي حتى شذى اللي ما يعجبها احد موافقه عليه إلا هو وهي ما تصدق متى الفكه من شذى
ام المشــــاكل برايها...
مريم تحاول تقنع محمد:محمد حبيبي...لا توقف في طريق اختك...إذا تبيه خلها على راحتها...موهذا كلامك....
محمد بضيق:إيــــه كلامي...بس ابوي طلب رايي بالموضوع...ورح اقوله اللي بخاطري...
مريم: محمد....قول لأبوك رايي من رايك يا يباه.... والراي المهم للشذى وابوك...
محمد: وأنــــــا...ولا تكونين ناسيه إني اخوها الكبير...
مريم:لأ...مانسيت يا عمري....بس انت كذا بتوقف بطريق اختك....ويمكن تقعد حاقده عليك طول حياتها لأنه ما رح تلقى مثله...
محمد:بس يا مريم هذا ما نعرفه.....ولو نزوجها واحد من اقاربنا أحسن وافضل....
وقعدت مريم تقنع في محمد إلى ما حست إنه مش رافض بس بنفس الوقت مهوب موافق....
.................................................. .....................
كانت الساعه تدق على الواحده ظهرا....
كانت شذى قاعده بالصاله اللي بالطابق الثاني ببيتهم وتطالع التي في وحاطه على مسلسل مصري تابعه، وهي بنفس الوقت سرحانه
بعالم ثاني ولا هي حاسه باللي حواليها....
شذى بخاطرها تفكر بصالح ولد صديقة امها فوزيه اللي كانت بينهم قصة حب ملتهبه بس المشكله كانت إنها من طرف واحد بس اللي
هو من طرف شذى، كان صالح هذا رفيق وصديق الطفوله بالنسبه لشذى، صدق ما كان حلو بس هو في نظرها انسان مافيه احلى و
املح منه، صالح أكبر من شذى بسنتين كان ولد مشكلجي وصاحب هواش وفزعات وكانو كل الأولاد اللي بسنه يخافون منه وهو وحيد
امه وابوه ومع هذا ماكان دلعهم مأثر فيه وكان يعتبر شذى مثل أخته لأن ماعنده اخوات...صـــالح كان ماخذ عقل شذى من أيام
الطفوله إلى أيـــام الصبا...كان في نظرها الحبيب والصديق...بس اللي صدمها لما عرفت إنه ينظر لها كأخت وليس كحبيبه...كانت
تشوف إنه شريك حياتها المستقبليه وإيش أحلى من حياه تقضيها مع صالح...بس اللي جرحها زياده هو لمن قالت أمه فوزيه صديقة
ام محمد إنه مايفكر يتزوج بوحده غير ببنت خاله...ولحظتها عرفت إنه حتى ما يفكر فيها وبكت على حظها الي خلها تحبه
وتعرفه...وحاولت تتنسى حبها الأولاني، وقعدت تفكر بتركي اللي شاغل هو تفكيرها ألحيــن و حياتها معه إذا بتتزوجه...وكيف
رح تقـــدر تعيش بعيد عن أهلها وتصير متزوجه وتترك عالم البنات و أحلامهم وتدخل الحيــــاة الزوجيه.......
وهي قاعده سرحانه ما تحس إلا بصوت أفلام الكرتون على سبيس تون وتطالع إلا بنات محمد ريم ورنا يطالعون التلفزيون....
شذى: من غير القناة وحط على سبيس تون؟؟؟......
ريــــم:مامــا....
شذى: وبعدين مع امكم...ماتشوفيني قاعد اتابع التلفزيون تجي تغير القناة....
وتدخل مريم بهاللحظة وسمعت كلام شذى....
مريم: اولا المسلسل هذا اللي كنت تابعينه انتهى...وشفتك بوادي ثاني والبنات ازعجوني قلت اشغلهم بالتلفزيون ويفكوني...
شذى:اوكيــــــــه خلاص...وين محمد؟؟؟....
مريم: راح المطار من قبل نص ساعه لأن عنده رحلـه لدبي....
شذى:يرجع بالسلامه إن شالله....
مريم:ليـــــــه بغتي منه شي؟....
شذى تبي تقهرها:سالفه خاصه بيني وبينه....
وقامت شذى من الصاله ونزلت تقعد مع ابوها بالطابق اللي تحت، وهي ماكان عندها لا سالفه محمد ولا شي بس كانت تبي تقهر
مريم لأنها فضوليه....
.................................................. .........................................
بالريــــاض ببيت ابو بنـــدر......
وبعد ماقام الكل من الغدا....
فاطمه لأبوها: مشالله عليك يباه رحت خفيف انت وتركي ورجعتوا خفاف....
ابو بندر: إيــــــــــــه يا بنتي كذا أحسن و أفضل في امور مثل كذا.....
فاطمه: بس ما كأنكم استعجلتو شوي بالروحه...كان سألتوا عن البنت زياده وعن اهلها...
و خزها تركي بقوة على كلامها...
فاطمه تكمل: أنا قلت شي غلط يا تركي؟؟؟....
تركي:إيــه لأن خلاص خطبنا وقضينــا....فكلامك هذا ماله داعــــي...
عصبت فاطمه من كلامه: تركي...انا ماقلت كذا إلا عشان مصلحتك......
تركي:اقـــــول كلامك مامنه فايده....فعشان كذا ياليت تسكرين هالسيــــرة....
فاطمه بعصبيه: تراني اختك....ومصلحتك تهمني...وأنا ماقلت كذا إلا عشان بعدين ماتتحسف او تقول إنك استعجلت...
تركي:آسف يافاطمه ولا تزعليـــن...وإعرفي إنك عزيزة وغاليه بس هالكلام من جد مامنه فايده....
يتدخل متعب:بس أما يا تركي شذيت عن القاعده وأخذت وحده من برا العايله.....
فارس:وانت صادق...الصراحه ياعم تركي...أنا معك في إن إحنا نضخ دماء جديدة في العائله ونغير شوي وناخذ من برا...
وقعد الكل يضحك من كلام فارس ولد بندر....
تركي بابتسامه: سمعت يا فاطمه هذا الكلام ولا بلاش.....
متعب بمزح: مافيــــه ...فارس ياخذ بنت عمه نجود اللي هي بنتي....
ابو فارس بندر: عزالله كدينا خيــر إذا بزوج بنتك ولدي...بنتك هذيك ولد اعوذ بالله مو بنت قشرا ومفترسه...
متعب وهو يمدح بنته:أقول لا يغركم مظهرها من برا تراها كلها نعووومه ورقه...
ابو بندر: ما علينا ألحيـــن من انجود المهم....ترى إذا تركي بياخذ بنت ابو محمد بتصير الخطوبه بعيــد الأضحى والزواج بالصيف..
ابو فارس: مشالله يباه اتفقتوا بعد على كل شي....كان جبتوا البنت معكم مرة وحده...
تركي:بندر اقول اترك عنك الطنازة انت ووجهك....ابوي نفسه بكذا.... الخطبه بعد شهرين بعيد الأضحى والزواج بالصيف...
متعب:أنا اقول بعد كذا أحســــــن...إذا ردوا بجواب اهل العروس اتفقوا معهم على كذا...
تركي وهو يناظر اخته فاطمه اللي حس إن الكلام مو عاجبها: وش رايك يا فاطمه براي ابوي؟؟؟....
فاطمه من غير نفس:وش لي كلام وراي من بعد كلام ابوي...اللي يبيه ابو بندر يصير.....
ابو بندر:بارك الله فيك يافاطمه وانا دايم اقول ماحد في الحريم مثل فاطمه......
تركي بابتسامه خبيثه:اقول فاطمه....وين ناصر عن الكلام هذا والمدح عشان يسمعه....
فاطمه بثقه: تطمن ناصر يعرف مكانتي زيـــن.....
.................................................. ...............................................
سارا:هاه بشاير وش قال تركي عن العروس لمن شافها؟؟؟.....
بشاير: تركي هذا لعين يوم سألته عن شكلها وأوصافها ما جاوب علي طنشني وقال لي باختصار إنها حلوة وعاجبته....
سارا:اسمع خالتي ام بندر تقول إن عبير هي اللي دلتكم عليها وإنها مستخفه على البنت وهي اللي قعدت ورى تركي لين خطبها...
بشاير:إيه صادقه امي...بس تركي بعد يوم راح دورته العسكريه اللي بالشرقيه شاف اخوها وتعرف عليه عن طريق زميل له....
سارا بتعجب: سبحان الله...صدفه خير من ألف ميعاد...
بشاير: فاطمه اختي مهوب راضيه....وكانت تبي لتركي سلمى بنت عمي اخت عايشه مرة بندر اخوي....
سارا: لا وش يبي بسلمى...سلمى ألحين بالأردن مع اخوها تكمل دراستها بالكيميا وتبي تصير ياحظي دكتوره فيها...
بشاير: بيني وبينك أحسن خل تذلف سلمى ما أطيقها ولا أحبها....مغرورة بعمرها ودراستها خليهم ينفعونها....
سارا:لا تقولين كذا هذي بنت عمك.....
بشاير: روحي زين...أصلا هي ترد المعاريـس من زمان عشان حجة هالدراسه والقرف حقها....
سارا: بس بيرجعون بعد سنه وهي مشالله عليها بتصير الدكتورة سلمى...يعني هي مهوب هينه...
بشاير: ما علينا من هالسلمى....تدرين عن مرة تركي اسمها شذى؟؟؟....
سارا:إيــــه اعرف تو خالتي ام بندر قالت لي....اسمها ناعم ودلوع....
بشاير قعدت تضحك من سارا....
سارا: ممكن اعرف وش اللي قلته يضحك....
بشاير بضحكه: وش دلوع؟؟؟....اول مره بحياتي اشوف اسم دلوع....
سارا بابتسامه: وانتي انشالله تقعدين تعلقين على كل كلمه اقول لها....انا اقصد إنه اسم دلع...
وهنا دخلت عليهم عايشه مرة بندر وسكتوا....
عايشه لبشاير: مبروك يا بشاير على خطبة تركي....
بشاير:الله يبارك فيك...وعقبال ولدك فارس...
عايشه:آمــــــــــــــين....
وقعدوا يسولفون سارا وبشاير وعايشه بمواضيع ثانيه ....عشان عايشه أخت سلمى معروف إنها كانت تتمنى إن اختها تتزوج تركي
بس الأمـــور سارت عكس هواها وهذا الشي قهرها....
الجـــزء الثاني....
كان ابو محمد وعيالــه الثلاثه محمد وخالد وسعــود وام حمد كلهــــم مجتمعيــن بالمجلس عنده بالبيـت...
عشـــان ياخذ ابو محمد رايهم بزواج شذى وخطيبها تـركـــي....
سعود: الصراحـــه يا يباه انا ماعندي مانــع من تركي مادام الكل يمدح فيـــه وهو مشالله عليه مبين إنه رجل بمعنى الكلمه...
ابو محمد:يعني يا سعود مانت معترض على زواج اختك شذى من تركي؟؟؟
سعود: وليه اعترض...مشالله رجال ينشد الظهر فيه...والراي رايك يا بومحمد انت والوالده....وصاحبة الشان شذى...
خالد: حتى انا يا يباه ماعندي أي اعتـــراض بالعكس،ناس يشرفون....
ابو محمد وهو ناظر ولــده محمد: هاه يا محمد وش رايك؟؟؟....عندي احساس يقول انت مهوب راضي على تركي...
محمد: الراي رايك يابو محمد....اللي تقوله يصيـــر...
ابومحمد: لا...بس رايك يهمني، اخوانك كلن قال رايه وانت بعد قــــول رايــك؟...تراه يهمنا كلنا...
محمد بغى يقول اللي بخاطره بس تذكر زوجته مريم وكلامها له وكيف إنه بيوقف في طريق اخته شذى إذا اعترض لأن ابوه دايم يقتنع بشوره
ورايه،وفي نفس الوقت حس إن اهله يبونه وإن شذى تبيه وماحب إنه يخرب عليهم...
محمد: تركي ما ينرفض يايباه....وإذا شذى تبيه على بركة الله...
ام محمد:الله يوفقك يا محمد...الصراحه كلامك عيــن العقل وكنت اشوف وش كنت بتقول لأني اثق برايك وكلامك...
خالد:هالله هالله يا يماه...عشان محمد ساكن عندك تقولين كذا وانا ما كأني ولدك ولا كأن كلامي يهمك...
سعود: ما عليــك ياخالد من الوالده...الله لنا....
ام محمد بابتسامه: لا والله بالعكس رايكم كلكم يهمني...بس لأن محمد الكبير وبكري بعد... فلازم اعرف وش رايه ولا كلامكم كله صح...
ابو محمد بجديته المعروفه:أقـــــول يام محمد أنتي وش رايــك بالموضوع؟...
ام محمد:اللي تشوفونه...انا ماعندي مانع و الخيـــر في المكتوب إن شالله...
ابو محمد:إنشالله...عاد انا باكلم ابو بندر وأرد لهـــم خبر عشان نحدد باقي الأمـــور...
محمد:يعني يباه شذى موافقه؟؟؟...
ابومحمد:أكيــــد رايها الأول....امك سألتها وانا كنت جامعكم عشان أشوف إذا أحد عنده اعتراض او لأ......
سعــود بابتسامه:والله وكبرتي ياشذى وصرتي عروس؟؟؟....
ام محمد:سبحان الله ما اسرع الأيـــام.....
*******
وببيت خالد أخـــو شذى...
كان خالد وزوجته مها قاعدين بالصاله يتابعون التلفزيون....
خالد وكأنه مل من الفيلم اللي يطالعونه:أقــــول مهاوي...وش اخبار عمي والله من زمان عنه...
مها وهي تناظره:والله هذا من كثر ماتكلمه مشالله عليك....
خالد وهو يمدد رجله :تدرين والله مشغول وماني فاضي...
مها:أنــا ما قلتلك رح زوره بالجبيل...قلت تكلمه بالجوال كلها خمس دقايق ولا خايف على فاتورتك؟؟؟...
ابتسم خالد من كلام زوجته وقال:يعني انا بخيل؟؟؟...بس الحق معك والله خليني اكلمه الحيــن...
وياخذ الجوال ويدق على عمه...ويلقى الجوال مغلق...وحاول كذا مرة ويطلع الجوال مغلق...
خالد يناظر مها بقلة حيله: الجوال مغلق...
مها:أكيد ألحين تتعذر لي بهالعذر....حاول مرة ثانيه دق عليه بوقت ثاني...
خالد:إيه بدق عليه بوقت ثاني...بس تدرين جهزي نفسك على الأسبـــوع الجاي نروح الجبيل زيارة لأهلك...
مها والفرحه طايره من عيونها:والله؟؟...من جد تتكلم خالد نروح لهم...
خالد:إيـــــه اتكلم من جد...وش فيك ماتصدقيني يعني؟؟؟....
مها:إلا مصدقتك...بس هاه مو قبل السفر بليله تأجله وتقول عندك شغل وما أدري ايش عندك...
خالد بابتسامه:لا إنشالله مايصير عندي ظروف ونروح لهم....بس عندي شرط...
مها: وشو؟؟؟...
خالد:بنروح لهم الأربعاء بستأذن من شغلي ونروح لهم...بس كلها يوم واحد ماتفشليني هناك وتطلبين ننام عندهم...
مها: خلاص ولا يهمك اللي تبيه بيصير....بس تدري خلني أدق على اخواتي وأبشرهم...
خالد:لا خليهم مفاجأه أحســـن....
مها بفرح: وأنت الصادق....مفاجأة احسن...
خالد:إلا ما سألتيني وش صار اليوم لمن دعاني أبوي عنده...
مها وكأنها تتذكــر:إي صح نسيت أسألك وش صار...أكيد عشان زواج شذى صح؟؟....
خالد:إي صح...
مها:يعني يبي ياخذ رايـــكم بالموضوع؟؟؟...
خالد:إيـــه ،طبعا الكل موافق...أمي سعود ابوي وحتى شذى أمي تقول إنها موافقه...بس محمد...
مها باستغراب:وش فيه محمد؟؟..
خالد وهو يفكر:أحس إنه مو موافق...كأنه متردد...حتى ذاك اليوم لمن جا ابو بندر وتركي...أحس إن محمد مهوب عاجبه تركي...
مهــا:يعني محمد معتـــرض؟؟؟...
خالد: مو معترض...لمن سأله الوالد ما قال إنه موافق...قال اللي تشوفونه...غريبه من محمد عمره ماكان سلبي كذا وماله راي...دائما رايه
يمشي...عند أبوي...تدرين لو قال محمد مانبيه ارفضوه...ابوي بيرفضه....
مها:غريبـــه من محمد....
خالد:بسابوي بيرد لهم خبر إن إحنا موافقين عليهم....
مها:إيـــه....لهم من خطبوا وجو الشرقيه أسبوعين وأكثـــر....
خالد:ما أصدق شذى بتتزوج....والله كأني أذكرها باقي مالبست العبايه صغيرة كأنه يوم أمس...
مها:إي والله حتى أنا...بنفقدها...
كان خالد ومها كأنهم اصدقاء مو بس أزواج يسولفون مع بعض وياخذون راي بعض في أبسط الأمور ولو تكون تافهه وعلى كذا دايم متفاهمين
ونادر مايجي واحد منهم ويزعل الثاني...وتجمع بينهم طيبة قلبهم وطولة بالهم...
*******
كانت شذى و سعود قاعدين بالصاله عندهم بالطابق الاول...
شذى: ياربـــــــي وبعدين معك....متى توديني السوق لي يومين وانا أطر منك...
سعود وهو يلعب بجواله:نعم خيـــــر وش تبين؟؟؟....
شذى بضيق: أنت ماتفهم عربي...أقولك ابي السوق...
سعود:زين وأنا إيش دخلني إذا تبين السوق....
شذى مقهورة: يا أخي عليك برود ماشفته على أحد....أبيك توديني السوق فاهم؟...
سعود وهو يطالعها:أنــا أوديــك؟؟؟....لا اسمحيلي اليوم بطلع مع أخوياي معزوم...
شذى:لاااا إلعب على غيري دائما تقول(وتقلده) ...أبطلع اليوم مع اخوياي...أنا معزوم عند أخوياي....
سعود يبي يقهرها: اعذريني اليوم باطلع وبكره واللي بعده ؛خويي سلطان جاي الشرقيه من الرياض ...اللي كان معي ببريطانيا يدرس...
شذى:أوكيه إذا أنت لهالدرجه مو قادر تأجل موعدك كذا خذني معك وقطني بالسوق ولمن تخلص مر علي وخذني من السوق...
سعــود بطنازة:باللــه؟؟؟....تصدقين فكرة...
شذى:تتطنـــز؟؟؟...
سعود بجديه:طبعا أتطنز أنتي ووجهك تتكلمين من جد ،حلوة هذي أخليك بالسوق لحالك...
شذى:حبيبي ماأحد يوديني السوق غيرك...
سعود:وانا يوم كنت أدرس من كان يوديك؟؟؟...خلي محمد ولا خالد ياخذونك السوق مشالله كل واحد فيهم مثل كبر الباب...
شذى:هذول متزوجين وعندهم حريم وعيال...أنت عزابي لاعندك شغل ولا حرمه ولاعيــال بمعنى أصح فاضي ماعندك إلتزامات...
سعود بطنازة:حلوة إلتزامات ذي،بس تتطنزين علي ياشذى؟ الأسبوع هذا كله مافيه سوق وخلي غيري يوديك اوكيـــه؟؟....
شذى:عـــادي آخذ تاكسي وأروح يعني ابد متكسرة انا عندك...
سعود وهو يقوم ويحط جواله بجيبه:تاكسي أنتي ووجهك هاه؟عشان وجهك هذا أغير معالمه وزين إذا تذكرتي إن اسمك شذى...
شذى مقهورة:............
سعود وهو طالع عند الباب:سي يو.......
شذى بعد ماطلع أخوها:اقلب وجهك ياالنذل...تهدد مالت عليك يا الخايس يعني أبد متقطعه أنا عندك...
وقامت وشغلت التلفزيون وقعدت تطالع فيـــلم أجنــبي....من الزهق اللي هي فيه....
كانت مريم وبناتها عند أهلها طول هذاك اليوم،وام محمد عند صديقتها فوزيه ام صالح....وابومحمد معزوم عشا عند صديق قديم له...
*******
بالريــــاض...الليل الساعه عشر...
بشــاير:أقــــول تـــركي...
تركي وهو يقرا المجله:نعـــم....
بشاير:وش رايك لو تكلم أمي....
تركي بدون مايرفع عينه :في إيــش اكلمها؟؟؟....
بشاير:في إنها تخليني أروح عند صديقتي مرام...
تركي ومايزال مطنشها:ليه هي رافضه؟؟؟....
بشاير بضيق:إيه رافضه....
تركي يقرا:خلاص مو لازم تزورينها...
بشاير بقهر:زين ياخي على الأقل عبرنا،طالع فينا شوي إيش هذا؟؟؟.... ما أحب اكلم أحد وهو ملتهي في شي ثاني...
تركي توه يرفع عيونه يطالع أخته:نعم إيش تبين؟؟.....
بشاير بهدوء:تركي كلم أمي الله يخليك،البنات كلهم مجتمعين عندها بعد بكره وأمي رافضه هالشي بتاتا إني أروح...
تركي:ليـــــــه رافضه؟...أكيد قلتي لها شي يزعل او إنك سويتي شي...
بشاير متردده:تقريبـــا...بس أمي الله يهداها زعول...بسرعه تزعل...
تركي رجع يقرا المجله وطنشها....
بشاير بقهر:تـــــــــــــركـــــــــــــــــي....
تركي يناظرها:خير وش تبين...
بشاير : ابيك تكلم امي...
تركي ببرود:آسف أنا مالي دخل بينكم انتي وامي...
بشاير:تكفى الله يخليك....
تركي:زين انتي مع هالوجه إيش سويتي علشان تزعل...
بشاير:لأني رفضت إني اروح معها بيت خالي المصون اللي هو أخوها وقلت قرف ما ابي اروح لهم لأنه ببيت خالي تجيني الغلقه...
تركي:وبعدين...
بشاير تكمل:بعدين امك زعلت ومارضت اقول عن اخوها كذا،فقالت لي ترضين احد يقول عن بيت اخوك متعب كذا قلت بطنازة وبمزح طبعا
إنه عادي عندي إذا احد قال كذا عن متعب وبيته وبالعكس رح أشجعه فزعلت وانقهرت مني فقالت لي:أنا ماني ام بندر إذا رحتي لخويتك..
تركي بابتسامه:عشان كذا رافضه...بس ليه زعلتيها كان رحتي مجامله لها...
بشاير:ياخي طول عمري وانا اجامل قلت بس هالمره...بس طلعت امك ياي ماعندها ديمقراطيه....
ابتسم لها تركي وقال:الصراحه كسرتي خاطري،بس اعذريني مااقدر اكسر كلمة امي...
بشاير:بس امي تعزك ولو كلمتها انت... وجيت واعتذرت انا لها بتوافق....
تركي:اولا تستاهلين لأنك رفعت ظغط امي ثانيا ما أحب اتدخل ثالثا تراني اقدر اخليك تروحين بس كذا منذله مارح اكلم امك على قولتك...
بشاير:بليـــــــــز تركي...
تركي:خلاص اقلبي وجهك مارح اكلمها...
بشاير:بس انا اختك الوحيده...
تركي:ووحده كبر امك اسمها فاطمه وين راحت...
بشايربرجاء:طالعني انا بشورة أختك اشاركك البيت وفاطمه هذي متزوجه وعندها عيال وتاركه البيت من يوم انا وانت صغار،انا اختك الصغيرونه
تركي بجديه:أنتي هيه لا تتمسكنين...ما رح اكلمها....
بشاير:ليه خايف تكسحك وترفض؟؟؟.....
تركي بثقه:لو انتي مو متأكده إن كلمتي عند امي ماتطيح ماكان كلمتيني يا الهبله بس على كلامك ذا مارح اكلمها....
بشير بتوسل:تكفى تركي الله يخليك...
تركي:لأ....
بشاير بابتسامه:زين وإذا قلت عشان خاطر شذى كلمها بس.....
تركي وهو يبحلق فيها بعيونه:وش دخل شذى ألحين...
بشاير تزيدها:الله يخليك زين موعشاني انا اختك اللي أدري انك تموت فيني وعلي...
تركي بطنازة:إي موت انا احبك...
بشاير:بس عشان خاطر البنت الأمورة اللي تنتظرك بالشرقيه وقطعت الصحاري والفيافي عشانها وعشان تطلب يدها من السلطان...
قعد تركي يضحك من كلامها...وبعدها قال:خلاص بشاير باكلم أمي بس هاه هذي اخر مرة تطلبيني بشي اسمه شذى ولا ترى اذبحك...
بشاير:اوكيه اخر مرة...بس هذي يسمونها غيره؟؟؟...
تركي وهو راجع يقرا المجله:لأ ...يسمونه الغلا...
بشاير وهي قايمه:بدينــــا....
تركي يخزها.....
بشاير وهي فرحانه وقايمه من عنده تبي تبشر صديقاتها:آسفه على كلمتي ...بأسحبها...
وطلعت تركض لحجرتها...
تركي بخاطره ((من جد هالبنت هبله إذا اندلت على شي تعلق فيه))....
ورجع يكمل يقرا المجله الي ماخلته بشاير يقراها زيـــن....
*******
وبالخبر كان سعود وخويه سلطان قاعدين بستار بكس....
سعود بابتسامه:هاه شرايك بالشرقيه...ماتغيرت للأحسن؟؟؟...
سلطان:وأنت صادق...طالعه أحسن وأحلى من الأول....
وقعدوا يسولفون وياخذون أخبار بعض خاصه إن لهم سنتين ماشافوا بعض......
وبعدها قال سعود:الصراحه ياسلطان في سالفه ودي أفاتحك فيها بس خايف...
سلطان:لا وش دعوة...قول اللي بخاطرك إحنا أخوان وأكثر...
سعود بتردد:ولا تزعل؟؟...
سلطان:ولا آخذ بخاطري بعد...
سعود:الصراحه ياسلطان الآسباب والاعذار اللي خلتك تقطع دراستك في بريطانيا وترجع السعوديه مهيب مقنعتني واحس إنــك...
ووقف سعود عن الكلام ويبي يشوف تعابير وجه خويه سلطان إذا ماشيه معه ولا لأ...
سلطان:كمل كلامك وش فيك وقفت؟؟؟....
سعود:أحس إنك تخبي وراها أسباب ثانيه،يعني بالله عليك سبب إنك تخلي دراستك وباقي لك سنه ونص وتاخذ الشهاده عشان إنك اشتقت
للسعوديه ولأهلك وحنينك زاد لهم....
سلطان بدفاع عن نفسه:يعني الواحد مايشتاق لأهله؟ لبلده؟....
سعود وهجومه زاد:لأ مو كذا ياسلطان،كلنا اللي معك إشتقنا لأهلنا حتى زياد أذكر كان والله بالليل يوم عيد الفطر يبكي وكأن ميت له احد
منة كثر مااشتاق لهم،بس إحنا بغربه كلنا مو لوحدك،وبعدين رجعتك كانت غريبه ياخي حتى وداع ماودعتنا ولا تركت لنا خبر ومادرينا
إحنا أخوياك اللي معك بالشقه إنك سافرت إلا لمن دقيت علينا وقلت إنك وصلت السعوديه وحتى الجامعه فصلتك،ورجعتك كانت غريبه...
سلطان مارد وقعد يطالع بسعود وهو يشرب قهوته....
سعود:لأنك كنت متفوق وشاطر،ولأن طموحك كان أعلى من كذا،أذكر إنك كنت تقولي تبي منصب يهز بلد....وإنك كنــ...
سلطان يقاطعه بسخريه:من كثر الوظايف ألحين...
سعود وهو يشرب قهوته:لا بس بشهادتك كنت تقدر تسوي اللي تبيه وفجأة رجعت كذا وبوظيفه اسمح لي أقول إنها صغيره بحقك،إنك تشغل
بشركه خاصه وبراتب ضئيل...
سلطان وهو يطالعه:وبعدين وش عندك؟؟؟؟....
سعود وهو يشد على يد سلطان:سلطان أنا خويك وماحد يعرفك بالشله كثري، فضفض قول اللي بخاطرك وصدقني بترتاح وتريحني معك...
سلطان وهو يناظر سعود:لهالدرجه يهمك أمري؟؟؟...
سعود بجديه:وأكثر مماتتصور،صدقني ياسلطان إنت اخوي اللي ماجابته أمي....
سلطان:باقولك ياسعود،بس ياليت الكلام مايطلع لأحد....
سعود بشدة:أفا بس ياسلطان عيب عليك هالكلام،كلامك في بير ماله نهايه...
سلطان بحزن:سامحني ياسعود،بس اللي فيني يهد الصخر...
سعود يناظره:قول يا سلطان اللي مضيق عليك انا كنت متوقع وراك شي....
وناظره سلطان بحزن،وقعد يحكي له همومه وش اللي صار معه وسعود كان منصدم من اللي قاله سلطان...
حتى نسى إنه يبشره بخطبة أختـــه شذى....
*******
ام بندر:لأ يا تركي...مارح أخليها تروح عقابا لها على كلامها على بيت خالها...
تركي:وإذا قلت ياام بندر عشاني هالمرة بس،هي قالت لي ماكان لها نفس تطلع من البيت هذاك اليوم مهوب بس بيت خالي اللي ماتبيه...
ام بندر:طيب وبعدين....
تركي :خلاص عديها لها هالمرة عشاني وبعدها سوي اللي يريحك...
ام بندر:تركي سامحني ما أقدر،خلها تتأدب...
تركي:يمه أفا انا مالي قدر عندك أطلبك وترديني؟؟؟...
ام بندر تراضي ولدها:ولا تزعل تركي،خلاص هذي المره سماح بس هاه لاتعيدها...
تركي يبتسم لأمه:ياحياتي والله يا يمه، وعلى كذا بأجيب بشاير تعتذر لك...
ويطلع تركي من غرفة أمه وراح ينادي بشاير من غرفتها...
تركي يدق الباب على غرفة بشاير:بشاير...بشاير...افتحي الباب...
وتفتح الباب بشاير و كان فيها النوم:نعم خير تركي بغيت شي؟؟؟...
كانت مرتبكه وخايفه لأن تركي عمره ماجا يدق الباب عليها هالوقت لأن الساعه 12 الليل.....
تركي وهو يتسند على الباب:لا يا حلوة،جيت اقولك روحي اعتذري لأمك عشان تروحين لصديقتك مرام...
بشاير والنوم طارمن عينها: كلمت أمي؟؟؟...
تركي وهو رايح لغرفة أمه: الحقيني يلا روحي اعتذري لها...
بشاير وهو تمشي وراه: أظمن يا تركي إنها موافقه؟؟؟...
تركي :إي افا عليك بس ترى واسطتك مهيب هينه...
ودخل تركي ومعه بشاير لغرفة امه ام بندر....
تركي وهو يأشر على بشاير: وهذي هي جايه تعتذر لك عشان تسامحينها....
بشاير راحت تبوس راس امها وقالت لها: آسفه يمه بس كانت نفسي ذاك اليوم منسده...
ام بندر:ماعلينا،بس ترى عشان تركي سامحتك...
بشاير بترد على كلام أمها إلا أشر لها تركي تطلع وتقول لها تصبحين على خير....
بشاير:تصبحين يا يمه على ألف خير...
ام بندر:وأنتي من أهله....
تركي:تصبحين يا الغاليه على ألف خير...
ام بندر:وانت من اهله يا الغالي...
وبعدها طلعت بشاير وتركي من غرفة ام بندر....
بشاير:مشالله عليك ياتركي امداك؟؟،مالي من كلمتك ساعتين...
تركي:قلت لك خلاص يعني خلاص بتروحين لخويتك...
بشاير:صدق دهنت سيري عند الوالده بسرعه...
تركي:اقول يله انتي بعد تصبحين على خير ورانا بكرة دوام...
بشاير وقفت لأخوها وضربت له تحيه عسكريه وقالت:تصبح على خير أيها الضابط....
طالعها تركي وقال: زين يله وانتي من أهله...
وراح لغرفته ينام،لأن بعد ماكلمته بشاير دق عليه رفيق عمره طلال وطلعوا هم بعد لمشوار ساعتين وتوه راجع....
*******
كانت الساعه وحده بالليل وتو سعود راجع البيت وهو مهوب طايق يشوف أحد....
كان يفكر في كلام سلطان صديقه،مو معقول اللي يقوله...كل هذا صار لسلطان وأنا ما ادري...((ونعم الخوي والله انا له)) كان كذا يقول عن نفسه
باستهزاء وسخريه...لأن كان لسلطان معزه خاصه بقلب سعود،،،
شذى كانت قاعده مع أمها ام محمد بالصاله يسولفون وسمرانين وماخذين راحتهم لأن مريم ماكانت موجودة،ويدخل سعود بهاللحظه
وقعد يناظر أمه وأخته شذى...
ام محمد:هلا والله بسعود...وينك للحين؟؟؟....
شذى بلقافه:وين يعني...معــزوم كالعادة...الأخ مشالله بزنس مان مهوب فاضي...
سعودبعصبيه:جب زين تتطنزين مع هالخشه...
ام محمد:بسم الله عليك وش فيك كذا معصب،أختك تمزح ماقالت شي...
سعود وهو داخل غرفته وماله نفس يطالع بوجه احد:تصبحــون على خيــر...
ودخل وام محمد تطالع بنتها شذى بإستغراب...
ام محمد:وش فيه سعود معصب وزعلان كذا؟؟؟....
شذى:والله ما أدري عنه...أكيد ألحين متهاوش ولا زعلان مع واحد من شلة المحبه أصدقاه...
ام محمد سكتت وماعلقت على كلام شذى اللي تتطنز فيه على أخوهــا....
قعدت تفكر في سعود إيش فيه،،،دايما ولو يكون زعلان ما يدخل بهالطريقه دائما يسلم ويبتسم لها....
*******
وفي الكليه الصبــاح....
ريم: شذى قومي يللا خلينا نروح الكفتيريا أنا جايعه موووت...
شذى وهي تطالع ريم:أنتي هيه يالهبله،تراك انتفختي هاليومين،بسك أكل...
ريم بدهشه:حــــرااام عليك،أنا متنت...ولا تقولين هالكلام عشان إنك أضعف مني وجسمك أحلى مني...
شذى بغرور:من ناحية الجسم لا تتكلمين ولا تقارين نفسك فيني،بس من جد يا ريم أحس إنك زايده كم كيلو....
ريم:لا ما أتوقع إني زايده يا حلوة،يمكن تظنين كذا لأني القميص اللي لابسته الأبيض هذا مقلم بالوردي بالعرض فصاير مزودني كم كيلو...
شذى:على بالك ما أشوف،بس ولو أحسك زايده كم كيلو خففي ياشيخه مو كل ماتحسين إنك جايعه تروحين ركض تاكلين...
ريم وهي تقوم:اقول اذلفي عن وجهي والله بروح أشتري لي فطيرة مع بيبسي...
شذى تقاطعها:بيبسي لا يا الهبله يساعد على السمنه...تو جسمك يحلو هالسنه ترجعين تخربينه...
ريم بلا مبالاه: شذى أنتي ووجهك لاتسوي لي فيها أخصائية تغذيه ويعني إنك فاهمه ترى كلنا ندري ،بس أنا اقاطع الدنيا كلها إلا البيبسي
شذى:براحتـــك...بس هاه تراني بروح للشله تلقيني عندهم...
ريم وهي رايحه: وانا بروح مع ضحى ورفيقتها ينتظروني هناك...
شذى قامت وتطالع ساعتها باقي على المحاظرة الثانيه ساعه إلا ربع...وهي سنه ثانيه ملت من الدراسه،بس يلله مابقى إلا سنتين هانت كانت
كذا شذى تواسي عمرها خاصه إنها مو رتاحه مرة للقسم اللي هي فيه((لغه عربيه)) بس دخلت عشان أغلب شلتها فيه....
وهي ماشيه دقت جوال على أمل...
أمـــل:هــــــــلا والله بهالصوت....
شذى بضحكه:هلا بالمهلي هلا...
أمل:وينك من زمـــان عن هالصوت،أول ماشفت اسمك بشاشة الجوال ماصدقت...
شذى:ليــــــه حرام عليك،والله إني دايم اسأل عنك...حتى إني الحين داقه أسال وينك ودي اقعد معك انتي والبنات...
أمل بفرح:والله؟ حياك إحنا في مكانا القديم لا تغير ولا شي .....عاد أبيك تقولين لنا بالتفصيل اللي يجيب السكته عن خطبتك...
شذى بضحكه:أووووه منكم يا البنات تبون تعرفون كل شي... يلا سي يو...أنا جايتكم...
وسكرت شذى وكان مكان شلتهم شوي بعيد...
وشذى ماشيه حست بعيون تراقبها فخاطرها(وبعدين مع هالمعجبات)<<<البنت واااثقه...
كانت اللي تطالعها عبير،حست شذى بعد كذا إنها عبير: ياربي على الإحراج والله فشله أروح أسلم عليها بس أخاف تظن إني فرحانه بولد
أختها أو أطنش بس بعد فشيـــله مو من الذوق اطنش...وبالذات عبير...
وبعد مد وجزر وتفكير قررت الخيار الثاني اللي هو تطنش ولا كأنها شافتها او لمحتها....
كانت عبير تطالع شذى ومنبهرة منها... البنت هذي تحبها حييييل ودخلت قلبها من أول ما شافتها...
كانت شذى لابسه تنورة جينز ميدي فوق الكعب بشوي والجينز كان شوي باهت لونه،مع تي شيرت أورانج روعه من زارا وجزمه سبورت
من نايك لونها سماوي مع جوارب برتقاليه قصيرة، وشعرها كان مرفوع بطريقه مهمله مع خصل مجعده نازله من على ألاطراف وعلى وجهها
وكان مكياجها ناعم وحلو غلوس اورانج مائي مع بلاش اورانج كانت حاطته بطريقه دائريه أبزرت فيه حلاوة خدودها المدورة طبعا مع
الكحل العربي اللي داعجه عيونها فيه بطريقه جذابه ولابسه عدسات بحريه وطالع شكلها روووووعه...
عبير بهاللحظه خطر على بالها تدق على تركي...وبالفعل دقت عليه...
تركي:هلا والله...
عبير بابتسامه:هلا بولد أختي هلا بالعريس ...
تركي وهو يكلم اللي عنده:خلاص أنتوا اطلعوا وبعد شوي بلحقكم...
عبير:تكلمني؟؟؟...
تركي:لا أبد اكلم اللي عندي...
عبير: تركي...خف على الجنود شوي أحس إنك جلف وجاف معهم...
تركي بجديه:شوفي حبيبتي العسكريه كذا شده وغلظه ما فيها يمه ارحميني،هذي يا حلوة تعرفين وش يسمونها؟؟؟..
عبير:وش يسمونها؟؟؟...
تركي بثقه:هذي مصنع الرجال،هذي الشده والقوة...
عبير تغير السالفه:ماعلينا أنا مادقيت عشان كذا،بس بغيت اقولك إن شذى هذي هي قدامي...
تركي:والله؟؟...
عبير:إي والله هذي هي ماره من عندي قبل شوي تهبل لابسه اورانج طالعه قمر...
تركي:أكيد...بس سؤال طالعه مغرورة هي او لأ؟؟؟..
عبير:شي مهوب هين شذى...ماتعطي أحد وجه، تصدق قبل شوي مرت من جنبي ولا طالعتني...
تركي:ياويلي على هالغرور...كل هذا كبر فيها...
عبير:لااا...بس أكيد ما انتبهت لي...ولا هي اول كل تلمحني تجي تسلم علي...بس بغيت أخبرك فيها...
تركي:ياحبي لها تهبل...تدرين أبيك توصفين لي شكلها يا عبير...
عبير:اوصفلك شكلها...((وتقلد المصريين))ده بعدك...
تركي بعصبيه:أجل ليه داقه علي أنتي ووجهك؟؟؟....
عبير:كذا...تقدر تقول عبط...
تركي:اوكيه عبير بس مارح انساها لك...تدقين على كذا تبين تشوقني بس...
عبير:وانا تراني...
يقاطعها تركي:خلاص خلاص درينا إنك عبير يلا باي عندي شغل وتدريب وأنتي معطلتني...
عبير:زين يا تركي مسوي لي فيها شخصيه مهمه...
تركي ضحك من خالته اللي يعزها: إي شخصيه مهمه عندك مانع؟؟؟...
عبير من غير نفس: بـــااااي...
تركي:بايات....
وبعد ما سكرت من تركي تنهدت فخاطرها تقول((يا حبي لهالتركي على غروره وثقتهة الزايده بس حبيب))...
********
وبعد هذا اليوم بيومين دق ابو محمد على ابو بندر يبلغه موافقتهم وإنه يشرفهم مناسبتهم والزواج منهم...
ابو بندر لتركي:أبشر بعزك يا تركي اهل العروس وافقوا...
تركي:والله ...الله يبشرك بالخير...
ابو بندر:الصراحه توقعت ردة فعلك أكبر من كذا...
تركي:بس انا كنت واثق إنهم بيوافقون...
ابو بندر:تركي...ترى الغرور مهوب زين...
تركي بجديه:المسأله مهيب غرور يابو بندر قد ماهي ثقه بنفسي وبمكانتي وإني ما انرد...
ابو بندر:ما اقول غير الله يصلحك يا تركي...
تركي:آميــــن....
ابو بندر: اجل إستعد الاسبوع الجاي نروح الشرقيه ونتفق معهم على كل شي...
تركي بحماس:اللي تامر به يا يباه...
ويدق جوال تركي...
تركي: هلا بمتعب...
متعب: وين الوالد دق على جواله مغلق...
تركي وهو يناظر أبوه:الناس تسلم بالأول...وبعدين هذا هو أبوي عندي...
متعب:عطني ابوي باكلمه...
تركي يمد لجوال لأبوه...
تركي:يباه هذا متعب...
ابو بندر يكلم متعب:هلا بمتعب وينك...
متعب:هلا فيك يباه،بس وينك الله يهداك أدق على جوالك مقفل...
ابو بندر:إيه صح نسيته قفلته بالصلاه وماتذكرت افتحه ،ليه خير إنشالله...
متعب:ماعلينا،بس بغيت أقول لك الأرض اللي عندك بالروضه بيعها لأني لقيت لها مشتري اللي وصيتني عليها...
ابو بندر:زين الله يبشرك...وبيدفع قيمتها؟؟؟...
متعب:أفا عليك بس والسعر اللي حددناه وفوق اللي شرطته لي...
ابو بندر:اقول متعب أهل عروسة تركي ردوا علينا إنهم موافقين ...
متعب فرحان لأخوه:مبروك والله يستاهل تركي...
ابو بندر:الاسبوع الجاي بنروح لهم عشان نتفق معهم على كل شي...
متعب:زين والله..
ابو بندر:عاد قلت تخاوينا؟؟؟...
متعب:أفا عليك بس أكيد بروح معكم...
ابو بندر:أجل يله ما اطول عليك...في حفظ الرحمن...
متعب:في حفظ الله يا الغالي...
وسكر متعب من ابوه...
ابو بندر:متعب اخوك بيخاوينا لأهل عروسك...
تركي بابتسامه:عز الخوي والله متعب....
وهو بسيارته راجع البيت فكـر بشذى..(والله مسكينه لها أسبوع وهي تبيني أخذها للسوق)..فكر باقي على بال مايوصل للبيت ربع ساعه
ويمكن أكثر من هالزحمه اللي بالشوارع خاصه إن الوقت عشا...
أخذ الجوال اللي كان حاطه بجنبه ويبي يدق عليها طالع الساعه بالجوال ماكان باقي على صلاة العشا شي وأخذ يتأكد من ساعة يده
إلا يسمع الآذان بكل مكان بدت المساجد تأذن ويطالع المحلات بعد هي بدت تسكر وتغلق أبوابها إلى بعد الصلاه(الأسواق بالسعوديه تسكر بوقت الصلاة)...
فكر وقال((بعد الصلاة أمر عليها،وخلني أدق عليها من ألحين تتجهز مو تتركني ساعه أنتظرها))...
دق على تليفون البيت...
ريم بنت محمد بصوت طفولي:ألــــو...
سعود:ألو هلا ريم...
ريم بتعجب:مين على التليفون...
سعود بضيق:أنا عم سعود...
ريم بفرحة الأطفال:عم ثعود...أنا أحبك...
سعود بضيق أكثر:ثعود بعد غيرتي اسمي.....وأنا بعد أحبك...وين شذى؟؟
ريم:من زمان ماثفتك...انا أحبك مرررره...
سعود وهو مهوب طايق لفلسفة الأطفال:ريم حبيبتي نادي لي شذى بسررررعه عشان أعطيك حلاوة كبر راسك...
ريم مستغربه:فيه حلاوة كبر راسي؟؟؟...
طووط...طووط...طووط....
قفل الخط سعود التليفون ودق على جوال شذى...
سعود يكلم نفسه:وش هالذكاء كان دقيت من البدايه على جوالها بدل زحمة البزارين هذي ...
شذى:إنت هيه تكلم نفسك؟؟؟...
سعود متفاجأ:إنتي من متى على الخط؟؟؟...
شذى:من أول ما دقيت...
سعود:بسم الله منك امداك تردين يوم سمعتيه يدق...
شذى:لأنه كان معي اقرا مسج توه جاي وإنت طلعت لي والعياذ بالله...
سعود:هذا جزاي تقولين كذا وأنا الحين داق عليك عشان تتجهزين بعد الصلاة آخذك للسوق...
شذى بفرح:والله؟؟ ياحياتي ياسعود آسفه وهذي كلمتي وسحبتها...
سعود :شوفي هذا أنا سامحتك،بعد الصلاة مباشرة ألاقيك مخلصه من ألحين استعدي وجهزي حالك...
شذى بابتسامه:طياره...
سعود:تشاو...
شذى:بايو...
بعد ما صكرت من سعود...((واااااااو وأخيرا ما بغى ياخذني السوق...بس غريبه هو يدق بنفسه ويعرض السوق علي من دون طلب او واسطة امي))
وبعدها قالت بخاطرها...((وأنا وش دخلني من نفسه او غيره خلني اروح ألبس واستعد...بس لا يهون))....
وبعدها راحت تلبس وتستعد وخلصت بسرعه...وبعد كذ صلت العشا، ونزلت بالصاله تنتظر اخوها وهي لابسه عبايتها ومتجهزة بس تنتظر
يدق عليها جوال وتطلع له....
*******
ريم:ماما...عم ثعود يقول بيجيب لي حلاوة كبر راسي...
كانت مريم ومعها الخدامه توكل بناتها الصغار بالصاله اللي فوق عشان تنومهم مبكر لأن ريم تروح الصباح الروضه ورنا النوم
المبكر أفضل لصحتها ولنموها وطبعا عشان تفتك منهم باقي الليل وتقعد على راحتهـــا...
مريم باستغراب:مين قالك كذا؟؟؟
ريم والشغاله تأكلها:عم ثعود...
مريم:متى قالك الكلام؟؟؟...
ريم ببرائة الأطفال:هو قال لي لما دق تليفون...
مريم تحقيقها يزيد:زين ماما وش كان يبي؟؟؟...
ريم:كان يقول يبي عمه ثذى...
مريم مستغربه:وش كان يبي فيها؟؟؟...
هزت ريم كتفها بالنفي ولفت تطالع التلفزيون...أما مريم فكانت تموت وتعرف وش كان يبي بها....
تحيــــــــــــــــــــاتي لكم
ولجزا اثاني جاي انشاء الله
شذى وهي مستغربه: هلا يمه شتقولين في ناس خطبوني؟
ام محمد وهي تناظر بنتها الوحيده:إيــــه خطبوك وينتظرون الرد عشان يجون يخطبون رسمي..
شذى بفضول : مين هم...انا اعرفهم ؟
ام محمد: لا ما تعرفينهم...ولا أنا اعرفهم بعد؟
شذى: إذا انا ولا انت نعرفهم مين يعرفهم؟
ام محمد : خالد اخوك يعرف المعرس...
شذى وهي تناظر امها: مرة وحده معرس زين يمكن ما أوافق...يا خوفي بس يطلع زي راكان اللي قبله ما يعرف...
امها تقاطعها: اخوك خالد يمدح فيه ويقول مثله ما ينرد...
شذى: يعني بس خالد يعرفه.....
امها وكأنها تذكرت حاجة: انت بعد تعرفين خالته اخت امه...
شذى باندهاش: خالته اعرفها انا ؟ من تقصدين يمه ؟
امها وهي تبتسم: فكري ...تتوقعينها مين؟
شذى وهي محتارة: مين من الجيران او من اصدقاء العيلة؟؟
امها: ما حزرت....و باقولك حاجة ترى اهل المعرس مو من الشرقيه؟
شذى واندهاشها زاد: مو من الشرقية...وانا اعرف خالته واخوي خالد يعرف مرس الغفلة...ومثلة ما ينرد.....يمه خلاص تراني خلاص وصلت حدي قولي لي مين وماله داعي هالفوازير اللي انت مسويتها..
امها: اوكيه بقولك...
تقاطعها شذى بضحتكتها الرنانة: هههههههههه احلى يمه اوكيه هذي من وين جابيتها....والله الوالده حركات..اوكية..بكرة ايش رح تقولين...تشاو...ههههههههههههه
ام محمد : تضحكين على امك هاه؟ زين يا شذى موتي بفضولك نامي الليلة بدون ما تعرفين عريس الغفلة على قولتك...
شذى وهي تحاول تكتم ضحكتها : خلاص يمه والله آسفه بس بالله من اللي علمك عليها أكيد سعود ما غيره صح
ام محمد: ماني بقايله زين...
شذى قامت وحبت فوق راس امها : خلاص السموحة يمة بس قولي لي من المعرس تكفين يمة الله يخليك الله يوفقك الله يـ....
ام محمد تقاطعها: خلاص زين زين باقول عاد انتي تلصقين بالواحد إلين يقولك....
شذى: زين مين المعرس؟؟؟
ام محمد: خالته تراها معيدة بالكلية عندك بقسم لغة عربية؟؟
شذى والفضول ذابحها: بالله عندي بالكليه وبقسمي بعد مين هذي؟
ام محمد:اسمها عبير...عرفتيها؟
شذى والبسمة شاقتها: من جد ونااااسة الصراحة اذا هو على خالته رح يكون جنتلمان...
ام محمد باستغراب: وش جنتلمانه انتي وخشتك؟
شذى وهي مبسوطة:ما عليك مني...زين اذا هو مش من الشرقيه اجل من وين؟
ام محمد: من الرياض...
شذى وهي تناظر امها: من الرياض...وجا الشرقية يخطبني...ليه خلصو بنات الرياض عشان يدور برا...
ام محمد:يقول لاخوك خالد احنا ندور على العرق الطيب...
شذى: اوكيه يمه قولي لي عنه نبذه مبسطة و موجزة اكيد خالد قال لك شي عنه لو بسيط؟؟
ام محمد: خالد يقول ان اسمه تركي وهو ضابط وان عايلته مشالله عليها ناس معروفين بسمعتهم الطيبة ويقول ان ابوه واخوه الكبير يشتغلون في التجارة وعندهم خير...
شذى وهي تبتسم: ضابط يمه انت تتكلمين من جد؟
ام محمد: تعرفيني يا شذى انا ما احب المزح في امور الجد اللي زي كذا
شذى:زين اسفه يمه...كملي
ام محمد: بس هذا اهم ما قاللي اخوك...
شذى بضيق: شوفي يمه قولي لي حتى الفتافيت اللي قالها السيد خالد زيــــــــن ؟؟
ام محمد: اوفففف زين بقولك...يقول ان تركي هذا جاء الشرقيه في دورة مدة ستة شهور وخالد خويه يوسف تعرفين في العسكريه بعد...يوم جا تركي دورته العسكريه كان يوسف معه اللي صار ان يوسف عزم تركي كذا مرة ونادى خالد اخوك....يقول عنه رجل والنعم فيه ما في مثله اثنين
شذى وهي تناظر امها بنص عين:كذا عزيمة تخلي تركي هذا...يخطب اخت خالد اللي شافه مرات معدودة هاه؟..
ام محمد وهي تضرب بنتها بخفه على كتفها: يا النبيهه توني اقولك خالته عندك بالكليه اكيد سألها عنك ومدحتك له(واخذت ام محمد تمسح على شعر بنتها) والله وكبرتي يا شذى وبنزوجك...
شذى وهي تبتسم لأمها:اكيد باكبر يا يمه مثل الناس...يعني تبيني اصغر مثلا؟...بس يمة كيف عرف تركي اني انا اخت خالد ادرس عند خالته هاه؟
ام محمد: خالته هذي عبير كلمتني وهي اصلا اللي دلته علينا بس لقاء تركي بخالد كان صدفة...
شذى: يمه توك تقولين ما اعرفهم...
ام محمد: والله ما اعرفهم هي كلمتني وعرفتني بنفسها و قالت لي الموضوع وخالد كلمه تركي وينتظرون الرد عشان زي ما قلتلك...
شذى: ارد على واحد ما اعرفه الله يهداك يمه....
ام محمد: اخوك يمدحه وانتي توك تمدحين خالته...
تقاطعها شذى : بس هذا ما يكفي يمه لازم نشوفهم ونسأل عنهم زين وبعد كذا لكل حادث حديث...
ام محمد:خلاص يعني انتي ما عندك اعتراض للحين؟
شذى:اعترض على ايش؟؟
ام محمد: يعني يا حبيبتي انتي مو معترضة(وبغت شذى تقاطعها) اسمعيني للآخر خليهم يجون ونشوفهم وبعدها نسأل عنهم اذا طلعوا اهل خير الله يحييهم واذا كان غير كذا ننهي الموضوع من اوله ولا كانه صار شي..
اعجبت شذى براي امها: يمشي اللي تقولينه يام محمد..
ام محمد:الله يحفظك يا شذى ويكتبلك اللي فيه الخير...
وقامت ام محمد عن بنتها وطلعت من غرفة شذى عشان تقول لابو محمد براي بنتهم الوحيده
شذى عمرها 19سنه اصغر وحده في اخوانها وحدانية بين ثلاثة اولاد حلوة مملوحة وهي طويلة وجسمها روعة و يسمونها البنات باربي من حلاوة جسمها و شعرها لآخر ظهرها حلو وكثيف وناعم وهي بيضاء صافيه تميزها بحة صوتها الناعمة وهي طيبة وحبوبة و شذى مجنونة بالموضة والأناقة..
اخوانها محمد اكبر واحد عمره 33 يشتغل مساعد طيار بالخطوط السعودية
متزوج مريم ومريم هذي ملقوفة وفيها لعانة احيانا تكون ملكة الطيبة واحيانا العكس
وعندهم بنتين ريم 5سنين و رنا سنتين
ومحمد ومرته ساكن مع اهله بحكم سفره الدائم ما يقدر يخليهم لوحدهم عشان كذا ساكن مع اهله..
خالد 28سنه ثاني واحد متزوج بنت عمه مها وساكن بفيلة جنب اهله وهو يشتغل مهندس بناء
سعود24سنة توه راجع من برا كان يدرس بجامعة اكسفورد ببريطانيا واول مارجع تعين مدير علاقات عامه باهم الشركات الكبرى بالشرقية هو احلى اخوانه واملحهم بس طبعا بعد شذى...
.................................................. ..............................
ام محمد بعد ما طلعت من غرفة شذى كانت بتروح لغرفتها إلا شافت رنا بنت محمد طايحة تبكي على الأرض...
ام محمد: وش فيها راني تبكي...(وشالتها من الأرض)...وش فيك يا رنا تبكين؟
إلا تجي مريم وتشيل بنتها من يد ام محمد وتقول وهي معصبة : خالتي ما تشوفينها طايحة على وجهها اكيد بتبكي...
ام محمد : وش فيك معصبة ؟؟
مريم : ما فيني شي بس بنتي طايحة...إلا شسالفة الرجال اللي خاطب شذى اسمعكم تتساسرون فيه ولا حد قال لي او افكر يقولي حتى مها مرة خالد تعرف السالفة وانا آخر من يعلم...
ام محمد تركتها لأنها ما تبي مشاكل ومشت عنها وقالت: ما حصل شي واذا صار شي قلنا لك ....
معروف عن مريم اللقافة واللعانة...بس قدام محمد حمامة سلام ...الكل منقهر منها حتى شذى بس دايم يوقفونها عند حدها ومحد يشكي لمحمد منها لانهم شايفينه يحبها ومرتاح معها..
مريم قعدت تاكل بنفسها من القهر لأنها ما تعرف شي في السالفة ومنقهرة من محمد زيادة لأنه اكيد بيعرف ولا قالها مع انه زوجته وام عياله...
________________________
وفي الرياض...
متعب: احلى يا تركي بتاخذ لك شرقاويه هاه
تركي وهو يبتسم لاخوه: شفت اخوك مب هين
متعب وهو يغمز لتركي: اهل الشرقية اهل الدلع يا تركي
هنا يتدخل اخوهم الكبير بندر: شوف يا تركي اذا المرة اللي بتاخذها زينة
حلوة...لا تنسى اخوك الكبير عشان اذا عجبتك باخذ اختها...
تركي وهو يناظر اخوه بندر نظرة سخرية: ما تقدر لأن المدام مارح توافق على هالشي...وبعدين خلك مرتاح ماعندها خوات...
بندر وهو معصب: وش دخل مرتي في السالفة هاه؟
متعب وهو يكلم بندر: بندر يا عمي خلك مع بنت عمك ام فارس احسن لك...
بندر ابو فارس: امزح على طول صدقت انت و اخوك.....
الكل ضحك عليه لما قال كذا
بندر: المهم ما علينا تركي لو تاخذ لك وحده من بنات عمانك او خوالك احسن لك
تركي: خلاص يا بندر قفل السالفه تعرف ما حد منهم عاجبني او حتى داخل مزاجي
متعب وهو يكلم بندر: تذكر بعض الناس يوم دموعهم اربع اربع لما خلصوا الثانوية توهم بزران يبون يتزوجون بنت عمك سلمى...
تركي وهو يضحك: عادكم تتذكرون انا نسيت السالفة تدرون لها 8سنين يعني فيه ناس ماتوا وناس ولدوا وناس تزوجوا وتطلقوا وانتم عادكم فيها
بندر ابو فارس: لا مو عادنا فيها بس تقول مو عاجبينك بنات عمك..
تركي بضيق: هذا حب مراهقه حب عيال...وبعدين خلاص انا بتزوج يعني خلاص قفلوا عليها...
ويقوم تركي عنهم ....
ابو فارس: وين تعال ...خلاص بنسكت...
تركي وهو ماشي:لا تسكتون كملوا كلامكم...بس ياليت تبعدوني وما أكون محور حديثكم....
متعب: اقول تركي وين رايح؟
تركي:بروح مع واحد من اخوياي عازمني على العشا...ويناظر تركي ساعته...شفتوا اخرتوني الساعة تسعة ونص ونا متفق على الساعة تسع...
متعب وهو يضحك:لما تودع العزوبية وتتزوج لازم تكون تسع ونص بالبيت مافيه سهر برا البيت...مافيه تاخير...
تركي وهو يبتسم:خير ان شالله انا لما اتعدل يكون بمزاجي وبراحتي...
وطلع تركي ...
تركي وهو في سيارته رايح لموعده...
دق جواله...
....: تركي
تركي:هلا والله يباه...
ابو بندر: تركي توني مسكر من ابو محمد ويقول حياكم الله ...
تركي :يعني موافقين...
ابو بندر:أكيــــــد...ومن يقدر يرفض تركي ولد عبدالله...
تركي:أخذت منهم موعد...
ابو بندر: إيه على الخميس الجاي بنروح الشرقية ....والله يعين على اختيار خالتك...
تركي:إن شاء الله خير ....
ابو بندر:إن شالله تامر على شي؟
تركي:ما يامر على عدو...
ابو بندر:في حفظ الله..
تركي:مع السلامة.....
ويقفل الجوال تركي ويفكر في مسقبله مع بنت ما يعرف عنها إلا اسمها
....
تركي عمره سبعة وعشرين سنه شاب الكل يحلم فيه وسيم لدرجة تبهر الاعين ورجل خلوق وطيب يحب الاعتماد على نفسه في كل الامور رفض يشتغل مع ابوه وحب يعمل لنفسه ومستقبله دخل العسكريه
لأنها حلمه من صغره ودايم يقول عنها مصنع الرجال...عيبه عصبيته الزايدة وغروره الزايد ويبي اللي معاه يمشون مثل الساعة يعني بدون اخطاء...
هو ترتيبة الرابع في العائله...
اكبر واحد ابوفارس بندر 40سنه متزوج عائشة بنت عمه
بعده فاطمة 37سنه متزوجة ولد خالها ناصر
وبعدها متعب 30 سنه متزوج سارا بنت عمته
وبعدين تركي...
وبعدين آخر العنقود بشاير18سنه حلوة ودلوعة...
في بيت شذى وبالتحديد بغرفتها مع صديقتها ريم...
ريم:الصراحة ما نقدر نتكلم خاطبك ضابط بناء على رغبتك وحلمك...
شذى وهي تناظر رفيقتها بفرح: شفت شلون...
وتزيدها ريم: لاااااااااااااا وبعد مثل ما تمنيت تسكنين بالرياض...
شذى وعيونها بتطلع:أنا؟؟؟ متى قلته؟؟؟.........
ريم بنص عين:لا تحاولين تنكرين(وتقلد صوت شذى)ياربي ياليت إحنا عايشين بالرياض مع بنات عمي سعد بدل هالرطوبة والحر اللي بالشرقية ذابحنا...
شذى وهي تسند ظهرها على الكرسي: هذا بس كلام وخرابيط....
ريم: إلا تعالي قلتي رح يجون يوم الخميس يعني(وتحسب ريم على اصابعها)يعني بعد خمس ايام
شذى: يالله مرة قريب...
ريم:بتشوفينه ويشوفك مثل ما قلت قبل شوي؟
شذى:yes
ريم:يعني سألتو عنه؟؟؟؟؟؟؟؟
شذى وهي تتربع وتعدل جلستها: طبعا ما خلى أبوي الله يحفظه أحد بالرياض نعرفوه إلا خلاه يسأل وشغل فريق التحري حقه بالرياض يسال عنه والنتيجة هي...إنهم مدحوه ومدحوه أهلة بعد...
ريم وهي تضحك:بالله من فريق التحري هذا؟؟؟هههههههههه
شذى وهي تضحك من ضحك صديقتها: هذول الله يسلمك يتكونون من ثلاثة أبطال هم عمي سعد وخالي فهد و خويه عبدالهادي...
ريم وهي تضحك:يعني النتايج تطمن...
شذى:ع الآخــــــر... وظحكوا....
وبعد فترة سكوت طويلة بينهم...
قامت شذى من على الكرسي وراحت وقفت قدام المرآية وقعدت تتأمل نفسها وبعدها لفت على ريم : ريم تتوقعين تركي بيرفضني.......لو رفضني والله أنهار إلا أموت...تذكرين أمل يوم رفضها خطيبها لما شافها البنت نهارت مسكينة...
ريم بجدية:شذى؟...إيش هالكلام أساسا مافي مقارنة بينك إنت وهي...صدق إنها حبوبة وطيبة بس إنت احلى...أساسا مافيه مجال للمقارنة بينك وبينها...هي جمالها متواضع مرررة
شذى: ولو...الجمال مو كل شي بالحياة أهم شي الراحة النفسية...يمكن مايرتاح معاي...
ريم: ما أدري شقول لك...بس احسن حل صلي استخارة واطلبي من الله إنه ينور بصيرتك
شذى:صليت استخارة وهذا دايم ادعوا الله إنه يكتبي لي الخيرة...
ريم:الله يوفقك...
شذى تقرب من ريم:ريم شوفي ألحين بفتح الباب وبلقى مريم تحاول تتسمع...
ريم وهي تحط يدها على راسها:ياربي...هذي ما تشبع دايم تتصنت؟؟
وتقوم شذى وتاشر لها على الباب وبخفة سريعة تفتح الباب ومثل ما توقعت مريم قدامها تسوي نفسها رايحة لغرفتها لأنها قريبة من غرفة شذى...
شذى وهي حاطة يدها لى خصرها:إنت شتسوين هنا؟؟؟
مريم تحاول تخفي ارتباكها:رايحة لغرفتي(وتقوي عينها وتقول بعصبية)ولا لازم آخذ الأذن من آنسة شذى قبل لأروح غرفتي هاه؟
شذى بتحدي:إيه لازم زين؟...وبعدين ترى حركاتك مكشوفة...
مريم بعصبية:أي حركات؟
وتدّخل ريم وتسحب شذى على داخل الغرفة...
ريم لمريم:هلا مريم...
مريم ببرود:هلا...
ريم لشذى:خلاص يا شيخة بلى مشاكل؟
شى بقهر:تقهرني يا عالم...أنا متأكدة إنها تتسمع بس..
ويقطع حديثهم صوت جوال ريم...
ريم:هلا...وين أنت؟...أوكيه لحظة....اوووووه زين خلاص جايية....لا تاكلني...بااااااي...
شذى:مين اخوك؟
ريم:إيه تحت ينتظرني...
شذى: طبعا تجين يوم الخميس...
ريم وهي تاخذ عبايتها:بشوف...
شذى: وش تشوفين تجين يعني تجين....
ريم تلبس العباية:بشوف...وبعدين التليفون بينا...
شذى:مثل ما قلتي...بينا التليفون...
ريم:أوكيه يلله باااي...
شذى:بااااي...ترا اليوم بكلمك...
ريم وهي طالعة: في انتظارك........
وبعد ما راحت ريم دخلت شذى غرفتها و وراحت وانسدحت على فراشها وقعدت تفكر...
غربية؟؟ليش اختارتها عبير من بين البنات...ليش ما اختارت ريم مع إن ريم املح منها واحلى بكثير...زين يعني يمكن وجود عبير معها كان صدفة ووجودهم الثنتين بنفس المكان صدفة...او يمكن هي اختارتها لتركي...طيب ليش مادور في الرياض اكيد بيلقى سكان الرياض بالملايين الله العالم...
ريم صديقة شذى حلوة وأحلى من شذى بكثير بس هي وشذى صديقات من الطفولة...
.................................................. ..................
في غرتهم...
مريم بعصبية:ليش ما قلت لي يا محمد إن فيه أحد خطب أختك؟
محمد وهو تعبان متمدد على فراشه:نسيت...
مريم:ولو هذا مو عذر...
محمد معصب:خلاص نسيت يعني ما أنسى؟....
مريم:زين تدري إنهم بيجون يوم الخميس هذا؟
محمد:من قال لك؟
مريم:شذى قالت لي...(كذابة تتصنت عليها)....
محمد بينام خلاص:حلو...خلاص مادام شذى قالت لك خل تقولك الباقي...
مريم بقهر:ليش ما تقولي إنت؟ مو إنت زوجي؟
محمد: بكرة وراي سفر لجدة والمدينة خلاص خليني انام...
مريم مقهورة:زين...بس بكرة نكمل كلامنا على الفطور ...
محمد بضيق:خير إنشالله...
وبعدها نام محمد لأنه تعبان طول اليوم في المطار وبالليل راح المستشفى يزور خوية...وبعدها معزوم وما وصل البيت إلا متاخر ولقى مريم تنتظره يدري غنها صاحبة مشاكل بس حبوبة...
محمد عصبي ويحب اهلة ومرته وما يرضا لهم المهانة وبنفس الوقت ما يبيهم يغلطون....
.................................................. ................
في الصباح على الفطور.........
ام بندر: تركي لا تزال مصمم على رايك؟...
تركي زهق من هالسالفة: يمه خلاص كفاية خلاص خطبنا وبنروح نشوف العروسة....
ام بندر:بس انا...
يقاطعها تركي:على عيني وراسي بس بلاها سالفة إنتي تبيني ارتاح خليني على ما انا عليه...
ام بندر:ناس ما نعرفهم مهوب احسن من ناس نعرفهم منا وفينا...
تركي وهو يشرب الشاي:يمه...لما سألتك بالبداية وافقتك وألحين تعترضين ما يصلح يمه بعد ما كلمناهم ترضينها لبشاير؟؟
ام بندر:لأ.... يا تركي خالتك هي اللي دلتنا عليهم ويمكن بعدها ما تعجبك العروس وبعدين بس هي اللي تعرفها؟
تركي:وانا اعرف اخوها...مشالله عليهم....وانا استخرت و ربي ريح قلبي لهالشي....
ام بندر:بس عندي سلمى بنت عمك احسن ...او جواهر بنت خالتك...
تركي وهو قايم من الفطور:ما ابي لا الاولى ولا الثانية انا اعرفهم واحس ما بقدر اعيش معهم....
ام بندر:كمل فطورك؟
تركي:الحمدلله شبعت...بعد وراي دوام...
ام بندر :الله يحفظك.......
بعد ما طلع تركي...
قعدت ام بندر تفكر صح هي اللي غلطت في البداية ما اعترضت يوم الخطبة صارت رسمي توها تتكلم بعد ما يصير هذا مو من الأصول...
.................................................. ....
مريم:انا اشوف إن شذى مهوب صغيرة على الزواج خلها تتزوج ونفتك مو كل ما يجيها عريس تدور لها حجة وترفضة
محمد:كيفها....إنت شيخصك؟....
مريم بعصبية:كيف ما يخصني؟
محمد وهو يعدل شماغة: شوفي حبيبتي هذا وانا اخوها ما تدخلت فلا تدخلين احسن لك...انا وإنت مالنا شغل...
مريم تحرضه:بس هذي اختك؟
محمد وهو يناظرها:وهذي حياتها لوحدها إذا استانست لوحدها وإذا حزنت بعد لوحدها فلا ندخل فيها.......
مريم:............
محمد: زين إنك عرفت إذا انت فاضية اقعدي مع بناتك شوي مو قاطتهم على الشغالة
مريم:مين قال قاطتهم اصلا انا طول اليوم معهم...
محمد:باين...وهذا انا اشوف بعيوني...
يوم الخميس...
بغرفة شذى.....
شذى بارتعاش: يمه انا خايفة يا ريم احس خلاص بموت من الخوف...
ريم وهي تمسك يد شذى:خلاص يا بنت ايش هالحركات كلها نص ساعة وتشوفين المعرس؟
شذى: ريم لا تقولين كذا لك ثلاث ساعات الحين وانتي تحسبين الوقت باقي ساعتين باقي ساعة باقي نص ساعة يعني وبعدين؟؟
ريم:زين وليش ما احسب لك الوقت انا بعد تراني متوترة مثلك اذا هذا الشي يوترك يا.........يا عروسة...
شذى وهي معصبة: جب زين....عروسة بعينك...
ريم وهي حاطه يدها على صدرها: بسم الله علي وشفيك معصبة حد ضربك؟؟ انا ما قلت شي يزعل؟؟كل بنت تتمنى انها تصير عروس
شذى:ريم تكفين خلاص...انا متوترة مرة ...واحس ماني قادرة افكر والله كأني بامتحان آخر السنه إلا اشد من كذا...
ريم: شي طبيعي إنك تكونين متوترة وخايفة...بس(وتناظر ريم شذى من فوق لتحت) انت ووجهك ايش رح تلبسين لا تقولين...
تقاطعها شذى: إيه بدخل وانا لابسه كذا...عندك مانع؟؟؟
ريم: إيه عندي مانع...من جد هذا لبس انتي ووجهك...والله كأنك داخلة عزى بأحد ميت...
كانت شذى لابسه تنورة سوداء طويله مع بلوزة كم طويل تدرجات البني والبيج و رافعة شعرها بطريقة شوي رسمية وحاطه ماسكرا
خفيفه على عيونها...
شذى بعصبية: والله؟؟؟ انا عاجبني شكلي كذا...وبعدين عشان مايظن إني انا مو مصدقه فيه وطايره فيه...خليني كذا احسن ...
ريم: اتوقع لو يشوفك ينحاش...ابد بيقول داخله علي هذي بالغصب وما تبيني لا تصيرين خفيفه بس لا تسيرين كذا مره ثقيله...
شذى: الثقل زين...والبنت الخفيفه ماحد يبيها...
ريم: ماقلنا صيري خفيفه... بس شذى تكفين نزلي شعرك عشاني...بيني له انك حلوة...يله نزلي شعرك لا ترفعينه كذا...
شذى بعناد: لأ يعني لأ ...
ريم: بالله عليك نزليه و هالعناد ماله داعي يا بنت الناس...فلي شعرك وامسكي نصه من فوق بكليب احلى من هذا...
شذى:...................
ريم باقناع: والله شكلك كذا يقول عمرها 29سنه مو 19....
شذى: لاااااااا...لا تقولين كذا...امانه شكلي كذا اكبر من سني بكثير؟؟؟؟
ريم بمكر: إيـــــــه والله شكلك على حافة الثلاثينات...بس عدلي شكلك شوي عشاني...يالله مو عشاني عشانك نفسك انتي...
شذى:..........................
ريم تزيد: شذى والله اذا دخلت كذا احتمال99% انه يرفضك... كذا كأن احد مصفقك...أكيد بيقول هي مجبورة علي وانا ما ابي
وحده ما تبيني...فراح ينسحب بنفسه ويعتذر....
شذى: ريم رجاء لا تخوفيني...لهالدرجة شكلي رايح فيها...زين يالله شوري علي وش اسوي..بس لبس ماني مغيرته لو إيش...
ريم: بس غيري يا شــ....
تقاطعها شذى: ريم ملابسي مارح اغيرها لو يكون من يكون خليني كذا احسن وعن شعري بغير تسريحته عشانك...
وراحت شذى عند درجها وقاد تدور كليب احلى من اللي هي لابسته وطلعت كليب لونه بني مموج ببيج حلو وناعم...
ولفت على ريم وقالت لها: ريـم وش رايك في هذا؟؟؟
ريم: إيه هذا أحلى من اللي قبله...ألحين فلي شعرك من تحت وامسكي بس اطرافه من فووق..
وفكت شذى شعرها وقعدت تعدل فيه...وعملت مثل ما قالت لها رفيقتها ريم وبعد ما خلصت...
ريم بفرح: إيـــــــــــــه كان كذا احلى من الأول ...بس
شذى مقاطعتها بعصبيه: بس إيش بعد ؟؟؟....
ريم: بس كنت ابي اسأل ألحين انتي بتحطين مكياج ولا ايش السالفه؟؟؟...
شذى: طبعا لأ...انا بس حطيت ماسكرا وبس ....خليه يشوفني على طبيعتي أحسن...
ريم: زين حطي بس غلوس لا تحطين مكياج كامل...
شذى:ريــــــم رجاء بلى حنه زيادة على راسي...كذا وبس...
ريم: زيــــــن بس اخر شي أنتي بتلبسين اكسسوارت ولا لأ....بس لا تقولين لأ لأنك بجد بتثبتين لي إنك عجوز...
شذى: زين إنك ذكرتيني تصدقين والله نسيت...
وراحت شذى لعلبة اكسسواراتها وتبي تطلع شي تلبسه...إلا سحبت ريم العلبه منها وقالت لها:
انا اللي بختارك يا حلوة...لأن اليوم شكل ذوقك فيه زفت من كثر ما تفكرين...
شذى بابتسامه: ريموه...اعطيني العلبه تراني مهوب ناقصه لفلسفتك...
ريم برجاء: شذى الله يخليك انا خليني اختار لك والله انك اليوم رفعت ضغطي من لبسك...
شذى بمزح: لا تغلطين انتي ووجهك ولا تشوفين الباب هاه؟؟....((تقصد تطردها))...
ريم: اقول يله اقلبي ووجهك يا الحولا انا اللي باختار لك...
وتجرها شذى من شعرها بمزح: ريـــــم انا حولا يا الحولا لا تخليني الحين احذفك برا....
ريم بصراخ: آآآي....آآآي....عورتيني يالخايسه...ولا تخليني انا ألجأ للسلاحي الخاص اظافيري والعب بوجهك هاه...آآآي
شذى تفك ريم: امزح معك يا الهبله...وبعدين انتي من جدك انك تبين تشوهيني واليوم شوفتي؟؟؟....
ريم وهي تعدل شعرها: طبعا لأ...بس عشان تفكيني...وبعدين خليني أنا اللي اختار لك وش تلبسين من اكسسوارات بليــــز؟؟؟...
شذى تناظرها بابتسامه: اوكيــــه....خلاص اختاري لي ريم....بس هاه يكون ناعم ما فيه دفاشه... بليز ريم...
ريم وهي تحوس بالعلبه وتدور لها: خيـــــر انشالله...بما انك تبين ناعم باختار لك شي حلو...
.................................................. ............
بالصاله ببيت ابو محمد اهل شذى...
كانت مها زوجة خالد ومريم زوجة محمد وام محمد قاعدين...
بينما الرجال قاعدين بالمجلس مع اهل تركي اللي جو لما صارت الخطبه رســــمي....
مريم: مها...ايش قال لك خالد عن خطيب شذى؟؟؟
مها تعرف حشرية مريم ردت عليها: مثل اللي تعرفينه ما شي جديد...
مريم: وش دعوة؟؟؟ المعرس من طرف خالد وانت زوجته أكيـــــــد قال لك شي عنه...
مها: هو قال لي انهم مشالله عليهم اخلاق وسمعه طيبه...
مريم: وفلوس كثيره...
مها: مشالله عليك يا مريم هذا انتي تعرفين اجل ليش تسألين هاه؟؟....
مريم: اللي قلتيه شي معروف... وهم معروف عنهم فلوسهم الكثيره....
مها: اطمني من هالناحيه...خالد يقول إنه ما ياخذ ريال من اهله...هواللي يصرف على عمره من راتبه.... من شقاه...
مريم:يعني ما ياخذ من اهله فلوس؟؟؟؟...
مها:ولا ريال....وبعديـن انتي وش يهمك لو ياخذ او لأ... انتي بتاخذينه ولا شذى؟...
مريم:لأ مو قصدي كذا...بس كان ودي اعرف عنه اكثر...لأن محمد قال لي انهم ناس هوامير بالرياض...
مها ما حبت انها تكمل كلامها مع مريم فقعدت تكلم خالتها ام محمد اللي كانت ساكته وتناظرهم...
مها: اقول خالتي وينها العروس شذى هاه ؟....لي ساعه ونص من جيت ولا شفتها؟؟؟...
مريم تقاطعهم: وينها يعني..اكيد بغرفتها مع صديقتها ريم فوق من جات وهم الثنتين بالغرفه ماطلعت لهم 3ساعات...
مها وكأنها ما سمعت مريم: والله يا خالتي إني فرحت من قلبي بشذى وبنفس الوقت حزنت عليها مره...
ام محمد: ليـــه حزنت؟؟؟...
مها:لأن خالد قال لي ان تركي المعرس ساكن بالرياض واكيد إذا الله كتب نصيب بتروح الرياض وبنفارقها والله...
ام محمد بحزن:والله نفسي يا مها امس بالليل كانت سهرانه معي ولما راحت تنام قعدت ابكي من بعدها لان فراقها صعب علي...
مريم بخاطرها((إلا ابركها من ساعه خليها تذلف وتفكنا هالعله واحسن مافي زوجها انه بعيد منا))
مريم تكلم ام محمد: إي والله يا خالتي فراقها صعب علينا كلنا...وما اقدر اتخيل البيت من دون شذى حتى بناتي بيفارقونها...
ام محمد تناظرها باستغراب لأن المشاكل بين مريم وشذى ماتوقف فكيف رح تحزن عليها...
فهمت مريم القصد من نظرة ام محمد لها ومن متى هم حبوا بعض فقالت: تدرين يا خاله إن العشرة ماتهون لو يوم فما بالك بسنين...
ام محمد باقتناع:صدقت يابنتي العشرة ماتهون...وكل بنت لها يوم تفراق فيه بيت اهلها...
مها: خالتي اليوم تركي بيشوف شذى؟؟؟...
ام محمد: اليوم إيه بيشوفها وتشوفه...والله انها يامها مره مرعوبه من هاليوم...
مها: كل البنات كذا يا خاله واتذكر يوم جا خالد بيشوفني سويت بامي العيــــد من الخوف...
ام محمد: بس انتي تعرفين خالد من قبل وشفتيه وشافك بس هي مسكينه ما عمرها شافته ولا شي...
مها: وانتي صادقه يا خالتي...بس بعدين بتقعد تضحك على نفسها لما تتذكر.....
وفي هاللحظه يدق جوال مريم وترد مريم....وبعد ما سكرت....
مريم: اقول خالتي هذا محمد يبي يكلمك هناك بالصاله اللي بقسم الرجال....
وتقوم ام محمد لولدها....
مها: مريم محمد وش يبي بخالتي؟؟؟..
مريم: شكله يبيها تعدل شذى عشان تدخل تشوفه...لأنه سألني اذا شذى خلصت او لأ....
مها وهي تقوم: اجل خليني اطلع لشذى اشوف اذا خلصت او لأ....
وقامت مها عن مريم.....
وراحت مريم لام محمد ومحمد عشان تشوف وش صار بالمجلس عند الضيوف...
.................................................. ...............
....:انتي وش يعجبك؟؟...ما يعجبك العجب
شذى وهي تلبس عقد ناعم عندها: انا ما يعجبني العجب بمزاجي زين الحمدلله والشكر انتي من جدك ألبس الهبال اللي طلعتيه
ريم: أي هبال انتي يالهبله؟؟؟هذا اغراضك انا ماجبت شي من عندي...
شذى:أدري...بس والله لو اسمع كلامك بروح فيها...حشى كأني بعرس مو نظره عاديه...
ريم بنص عين: نظره عاديه؟؟؟((وتكمل بعصبية)) هذي يا مجنونه بتحدد مستقبلك وباقي عمرك...((وتقلدها)) نظره عاديه...
شذى: يعني انتي ووجهك تبيني اكشخ كأني رايحه عرس...اما عليك هبال مو طبيعي...
ريم: الصراحة يا شذى ياليتني اليوم ما جيت لأني ما استفدت غير انك رفعت الظغط والسكر عندي..
شذى تجاريها:إي والله...وانا بغيتك عون صرت فرعون...
ريم تبحلق بعيونها: انا فرعون يا شذى؟؟؟؟؟؟؟؟؟...
بهاللحظة دق باب غرفة شذى...
ريم وهي تطالع شذى وتقول بصوت واطي:هذي مريم؟؟..وش عندها صايره مؤدبه وتدق الباب خبري فيها انها تقط اذنها...
شذى وهي تضحك:انتي يالهبله هذي امي اكيد....الدنيا بتتعدل ومريم عمرها ما تعدلت...
وقامت شذى وفتحت الباب....
شذى بصراخ: مــــــــــــــــــهـــــــــــــا....هلا والله متى جيتي...والله انك جيتي بوقتك...انا موووت محتاجتك...
مها وهي تسلم على شذى: لي اكثر من ساعه تحت...بالبدايه بغيت اطلع لك بس قلت خليها تتعدل على راحتها...
وقامت ريم تسلم على مها: هلا مها شلونك؟؟؟...
مها: تمام وانتي...
ريم: بخير بس شكل شذى مطنشتنا....
مها: ليـه؟؟؟..
ريم: من لقى احبابه نسي اصحابه...انا لي معها اكثر من ثلاث ساعات واول ما شافتك نست قعدتي معها طول اليوم...
شذى وهي تضحك:ما عليك منها يامها انتي بس قولي لي وش رايك بشكلي كذا......حلو؟؟؟؟؟.
مها وهي تتأملها: إيه كذا حلو ...بس ما ادري احس ناقصك شي؟؟؟....
شذى بثقه: ابتسامتي....
ريم : اوووووووووووووووه يالثقه...
شذى وهي حاطه يدها على خصرها: اكيــــــــــــــــد واثقه اذا شذى ماهي واثقه بنفسها...أجل مين اللي يثق؟؟؟
مها:اقول خلصيني...استعدي ترى محمد يقول جهزوا...عشان تدخل...
وقتها تحولت ثقة شذى إلى خوف: تتكلمين من جد يا مها بلا مزح؟؟؟.....
ريم وهي تضحك: اقول يا الواثقه...وين الثقه اللي قبل شوي شكلها تبخرت من سمعت طاري انه يشوفك...
شذى: ريــــــم...تكفين خليني إلى ما ادخل وارجع اسوي فيك يوم ما تنسينه...
ريم شافت توتر شذى فقالت: شذى حبيبتي لا تتعبين عمرك لأنك بتدخلين من هنا وانا بروح لبيتنا من هنا....
شذى تبي تقهر ريم: احسن شي بتسوينه من يوم عرفتك...
ريم:اوكيه يا حلوة حطي يدك ورجولك بماي بارد...لأني بقعد عندك إلى ما يروح تركي الرياض زين؟؟؟
وهنا دخل ام محمد على شذى وريم ومها ومعها ريم الصغيره بنت محمد...
ام محمد:اقول حبيبتي شذى خلصتي محمد اخوك تحت ينتظرك عشان تدخلين تشوفين تركي...
شذى برعب: لا يمه باقي ما خلصت انتظري شوي...
وقتها تشيل ريم صديقة شذى ريم بنت محمد:احلى ما فيه هالبنت اسمها ...تهبل يا شذى طالعه علي...
شذى: طالعه عليك إلا على اخوي محمد يا الذكيه...
ريم تبي تلطف الجو: لأنها ماخذه نفس اسمي عرفت ليش؟؟؟
ابتسمت لها شذى ابتسامه سريعه وقالت لأمها: يمه ما ابي اشوفه خلاص هونت...
ام محمد باستغراب: إيش هونت؟؟؟....
شذى برعب:إيه هونت خليه يرسل صورته وانا بشوفها...كذا احسن...
ريم: هين انتي توافقين عليه...بس المشكله هو رح ينصدم يوم العرس لمن يشوفك...
شذى بضيق: كلي تبن زين...
ام محمد: شذى بلا دلع البنات ذا وقومي معي...ولا ترا انادي لك ابوك ياخذك...
مها: شوي شوي عليها ياخاله...كل البنات كذا...((وتلف على شذى)) شذى ليه ما تبين تدخلين؟؟؟....
شذى: مها تدرين إني ميته رعب وانا ما دخلت...فما بالك لو دخلت اتوقع يغمى علي من الخوف...
مها وهي ماسكه يدين شذى وتبي تطمنها: كل البنات كذا وبعد الزواج تتذكرين نفسك وصدقيني بتضحكين عليها...
شذى: ولو احس انا غير...... ما أدري لأني لا اعرفه ولا هم يحزنون...
هنا رق قلب ام محمد على وحيدتها فلمتها بحظنها وقالت: سمي بالرحمن ياشذى وتوكلي على الله واخوك محمد بيكون معك
شذى:ما ادري شأقول يمه ....
ام محمد: زين يالله نزلي معي.....
شذى بتوتر: زين يمه بس اعدل نفسي و انزل معك...
ام محمد: وطول الوقت اللي فات وش تسوين؟؟؟....
شذى: اجهز نفسي....
وراحت شذى لعند التسريحة وتعدل نفسها....
ريم: لا تحاولين يا شذى خايسه خايسه........
شذى: بعينك خايسه........
مها: لا تخافين تمزح والله تهبلين.......
وشذى وهي طالعه مع امها: اعرف ريم ومزحها....
وهنا تشد ريم شذى من يدها وتقول لها بصوت واطي: اقول شذى هالله هالله بالقز قزيه من راسه للرجوله زين؟؟؟....
شذى تفكها وتقول:زين إذا قدرت اشوف...تبيني اقز....
ونزلت شذى مع امها.....
ريم: تتوقعين يا مها ان تركي حلو؟؟؟........
مها: ما ادري......
ريم: زين ما سألت خالد زوجك؟؟؟........
مها باستغراب: اساله عن إيش؟؟؟؟....
ريم بضيق:إذا تركي حلو او لأ.....
مها بابتسامه: تتكلمين من صدقك انتي،عشان خالد يذبحني...
ريم:ليـــــــــه؟؟؟...
مها:لأنه زوجي وبيغار علي منه....
ريم بمزح: اموت بالغيره انا....
مها:إيه خليك كذا بنت مؤدبه...
وضحكت ريم من كلام مها...
وقعدت ريم ومها فوق بغرفة شذى يسولفون....
.................................................. .......................
بالمجلس عند الرجال كان جالس تركي وابوه ابو بندر وابو محمد وعياله كلهم محمد وخالد و سعود ...
ابو بندر: وإذا ما عندكم مانع يابو محمد نبي تركي يشوف بنتكم ؟؟....
ابومحمد:ابد ما عندنا مانع...وهذا من حقه إنه يشوفها لو يبي ألحين......
ابو بندر:تسلم يابو محمد...
ابو محمد: ابد يابوبندر ما جبنا شي من عندنا هذا من الدين والسنه....
ابو بندر: اصيل وتعرف الأصول يابومحمد...وماعليك امر لو يشوفها ألحيـــن....
ابو محمد:مايامر عليك عدو....وشوف يا سعود لتركي طريق عشان يشوف اختك...
سعود:تامر يباه...((ويلف على تركي ))وحياك ياتركي معي...
تركي بابتسامه:الله يحييك....
ويقوم سعود من المجلس ومعه تركي للمجلس ثاني بجنب مجلس الرجال عشان تركي يشوف شذى وتشوفه.....
.................................................. ......................
بالمجلس الثاني....
سعود لتركي: حياك يا تركي البيت بيتك...
تركي: الله يسلمك...
ويروح تركي يجلس بالمجلس ويدخل سعود ينادي أخته....
تركي بخاطره((يارب اكتب لي الخير ووفقني باختياري))...
ويقعد تركي يحاول يرسم صورة تقريبيه عن شذى من خلال وصف خالته عبير لها.......
.................................................. ................................
سعود: اقول شذى يله قدامي بسرعه.....
شذى بخوف وهي متمسكه بأمها: يماه خايفه تعالي معي...
سعود يقلدها:يماه خايفه تعالي معي....اقول انتي هي بلا دلع يلا امشي قدامي انا اللي بدخل معك...
شذى متفاجأه: انت؟؟؟؟.........ليه وين محمد وخالد؟؟؟....
سعود يخزها: مع ابوي بمجلس...ليه انا مهوب عاجبك يا آنسه شذى؟؟؟.......
شذى: بصراحه انا كان ودي محمد او خالد....كبار ويعرفون بهالسوالف مهوب انت بزر باقي....
ام محمد: لا سعود فيه الخير والبركه....
سعود يعصب من كلام اخته ويقرب منها ويمسكها مع شعرها ويجرها على فوق إلى ما وقفت على اطراف اصابيع رجلها...
سعود بمكر:تبيني أدخلك يا شذى على تركي كذا???????...
ام محمد: سعود فك اختك....
شذى:آآآي....سعود حرام عليك فكني احس خلاص شعري بيتقطع في يدك...آآآي حشى هذي مو يد انسان...
ام محمد تفك شذى من سعود: سعود بس اترك اختك هذا بدال ما تطمنها...
سعود: امزح يمه معها وش فيك....
شذى وهي تعدل شعرها ونفسها: ألحين انت تمزح انت ووجهك؟؟؟...هذا وقت مزح...
سعود بابتسامه:وش رايك بمزحي حلو خفيف صح؟؟؟....
شذى بطنازة: إيــــه مزحك مووووت خفيف...
سعود:أوووووه نسيت الرجال بالمجلس...يلله شذى امشي معي...
شذى: يلله هذا انا معك...
ام محمد:الله يكتب لك الخير كله ياشذى...
سعود:الله عليك يماه تبين الخير كله لشذى وتنسين عيالك ...
ام محمد: كلكم يا سعود ولا تزعل...
سعود: اقول شذى يله ابطينا على الرجال بالمجلس...
وتمشي شذى مع اخوها والخوف متملك قلبها.................................
.................................................. ....................................
......:شذى حبيبتي تراه انسان مثلنا ما ياكل آوادم ...وش اللي يخوفك منه؟؟؟......
شذى وهي واقفه عند الباب:...انت ماتفهم خايفه...
سعود: اقول والله لو ما تمشين لأجرك بشعرك مثل قبل شوي احذفك عنده داخل...
شذى بنظرات حقد:.............
سعود بضيق:لنا ساعه عند الباب ليه ما تدخليــن؟؟..
شذى بعد ماجمعت باقي قوتها: يلله ادخل توكلنا على الله...
سعود:إيه خليك كذا....
ودخل سعود ومعه شذى اللي تمشي بخوف وارتباك....
سعود: حياك يا بنت فيصل...
ولما شاف تركي سعود وهو داخل وكان وراه طيف امرأه ما لمحها زين وقف...
سعود: ارتاح يا تركي...هذي اختي شذى...
وقعد تركي وسعود...وراحت شذى وقعدت بجنب اخوها سعود وهي عيونها بالأرض ماهي قادرة تشيلهم...
تركي:شخبارك يا شذى؟؟؟...
شذى بارتباك: بخـير....
وقعد تركي يقز بشذى ويناظرها...
تركي وهو ما شال عينه من شذى:شخبار الدراسه معك يا شذى؟؟؟...
شذى: بخيـر...
تركي يسألها:انشالله ناجحه هالسنه؟؟؟...
سعود يتدخل: من هالناحيه لا تخاف بالدراسه مصريه شذى...
تركي بابتسامه عريضه: صدق يا شذى اللي يقوله أخوك سعود؟؟؟....
شذى بخاطرها((هين يا سعود تقوله إني انا مصريه وتفشلني خل الناس تروح ويصير خير))وكل هذا وهي ما رفعت عيونها...
تركي: هاه شذى انتي بالدراسه مصريه ولا إيش يقصد سعود؟؟؟...
شذى بخجل: يبالغ سعود.....مهوب للدرجة المصريين عاد...
وقعد تركي وسعود يضحكون عليها....
و قعدت شذى تفكر((مشالله على الأخ تركي طايح فيني قز من أول مادخلت وانا ما لمحت شي منه غير ثوبه ياربي ابي اشوفه))
وقعدت تقول بخاطرها((لازم ارفع عيني واشوفه هالرجال باعيش معه طول عمري يارب عطني الشجاعه إني اقدر اشوفه واطالعه بس))
تركي حب يحرك الجو شوي وقال:وإذا شذى موافقه علي أباخذها الليله معي الرياض مره وحده وبلاعرس بلازحمه؟؟؟...
من صدمة شذى بهالكلام رفعت عينها وقعدت تطالع فيه من الصدمه...وش هالكلام؟؟؟ حلوة ياخذني بلوشي كذا؟؟؟....
سعود يبي يقهر شذى: وإذا علينا إحنا اهلها ماعندنا مانع....الله يستر عليها...
هنا كل تفكير شذى وقف وقعدت تطالعه وما قدرت تنزل عينها من اللي شافته...
كان حلو ووسيم....كان أحلى مما توقعت بكثير...للدرجه حست إنه هو أحلى منها بواااجد ...وفيه جاذبيه لها مهوب طبيعيه...
تركي بمكر:هاه شذى...وش قلت،سرينا الليله على الرياض؟؟؟...
شذى لا إيراديا: طبعا لأ......وبعدها استحت ونزلت عيونها....
هنا قعد يضحك سعود ومعه تركي على ردت فعلها...
تركي وهو يناظر شذى: لا تخافين امزح معك ومارح تمشين انشالله معي من الشرقيه للرياض إلا بعرس اهل السعوديه كلها تتكلم عنه.
حست شذى من كلامه إنه موافق عليها وراضي عنها....ويبيها...
.................................................. ...........................
بالصاله....
مريم: خالتي...وين شذى من رجعت ما شفتها؟؟؟....
ام محمد:اول ما دخلت طلعت فوق لغرفتها عند ريم صديقتها...
مريم: ومها وين؟؟؟....
ام محمد:مها قاعده تكلم أهلها داخل من الجبيل...
مريم منقهره: وشذى بتقعد طول اليوم كذا بغرفتها؟؟؟....
ام محمد: براحتها....هي دخلت وطارت على فوق حتى ما اعطتني فرصة اكلمها وسألها....
مريم:أكيد بتقول البير وغطاه لريم...مشالله ريم كل شي تعرفه...
ام محمد تبي تسكتها:صديقتها ورفيقتها...إذا ما قالت لها بيتقول لمن؟؟؟....
مريم تبي تشعلها:لك انتي...امها....
ام محمد:في الليل لمن الكل ينام اروح لها بغرفتها وتقول لي عن كل شي بعيد عن الزحمة....
مريم:.......................
.................................................. ............................
.......:ريم يجنن يجنن يجنن....
ريم بحماس: يجنن...من هذا تركي؟؟؟....
شذى:إيه....أجل مين يعني مثلا سعود؟....
ريم:ماعلينا من سعود..... وش رايك فيه؟؟؟.........
شذى متحمسه:الصراحه احلى مما توقعت جميل ووسيم ياريم للدرجه ما توقعتها...
ريم: يعني أحلى من اخوك سعود؟؟؟
شذى: مافيه مجال للمقارنة أحلى بمليووون مرة...
ريم: يعني مثل خالته عبير؟؟؟؟
شذى بحماس:أحلى احلى.....
وتكمل شذى كلامها:تصوري ياريم أحلى مني....
ريم: من جد تتكلمين؟؟؟....
شذى: والله العظيم احلى مني وانا ميتة خوف...
ريم: من إيش خايفة؟؟؟......
شذى:إنه يرفضني لأنه أحلى مني...
ريم:........................................
شذى:انا حسيت من كلامه إنه راضي عني ويبيني بس خايفه....
ريم :شوفي شذى انا ما بطلع من عندك إلا وقلتي لي وش صار من طلعت من الغرفه إلى ما رجعتي لي ألحين...
شذى: تآمرين آمر....
وقعدت شذى تحكي للريم من اول مانزلت إلى ما جا اخوها سعود و وسالفتها معه إلى ما رجعت يعني من طقطق إلى السلام عليكم...
.................................................. ...........................................
وبالليل بالفندق.....
كان تركي وابوه ابوبندر حاجزين جناح كامل لهم بفندق الميريديان....
تركي:هلا يباه....وش بغيت؟؟؟...
ابو بندر:سلامتك يا تركي....بس بغيت أسألك وش رايك بالجماعه اليـوم؟؟؟...
تركي : انت قول رايك بالأول يابو بندر؟؟؟ .....رايك يهمني؟؟؟....
ابو بندر:الصراحه ما توقعت إنهم كذا؟؟؟..مشالله عليهم شكلهم رجال أصول و يعجبونك...
تركي وكأنه ارتاح من كلام ابوه: حتى انا يابوبندر مثـــلك...اعرفهم ....ناس حسب ونسب...وطلعوا بعد اصحاب شهامه وخير
ابو بندر: انا في البدايه كنت متردد...بس ألحين توكلنا على الله...
تركي:يعني افهم من كلامك يايباه انهم عاجبينك ....وموافق عليهم....
ابو بندر:لو كنت رافض ماكنت جيت معك وخطبت لك...بس انا اقول إني متردد وكنت ابي اللي يريحك...
تركي وهو يبتسم لأبوه: طول عمرك يابو بندر حكيم وصاحب كلمه وانا ما اخترت هالعائله إلا لمن سألت عنهم وجاني اللي يسرك...
ابو بندر: وانت يا تركي يوم شفت البنت...اعجبتك؟؟؟...
تركي بابتسامة رضى:الصراحه يباه ارتحت لها مبين انها حبوبه...
ابو بندر: ومزيونه؟؟؟....
تركي بثقه:أكيد...لو خايسه ماخذيتها...
ضحك ابو بندر من كلام ولده وقال: تركي ترى الجمال مو اهم شي ...الجمال يروح...وتبقى الأخلاق والعشرة الحسنه...
تركي: وانت صادق...
ويزيد ابو بندر:جمال الوجه بتمل منه بعد شهر شهرين...سنه سنتين...ومايبقى من زوجتك إلا عشرتها الحسنه...
تركي وهو مقتنع:معك حق يباه..بس ترى انا ماكنت ادور على الجمال لوحده لو كنت ابي وحده حلوة يا كثرهم بنات اقاربنا...
ابو بندر وهو منتبه...
تركي يكمل كلامه:بس انا كنت ابي وحده مميزه في كل شي وبكل شي وتكون حبوبه....وجذابه...
ابو بندر: وبعدين....
تركي: المهم هذا الكلام قلته لأمي وفاطمه اختي وخالتي عبير وعمتي حصه، في البدايه كان يقولوا لي عن بنات اقاربنا وحده وحده
بس انا مافيه وحده داخله مزاجي بنات اخوالي...بنات اعمامي...بنات صديقات امي...الجيران...ولا وحده....
انتبه تركي لنظرة ابوه المستغربه له... وفهم قصده...
تركي: وقالوا لي سلمى...بس سلمى خلاص ماصرت أبيها مثل اول...صدق كانت تشد انتباهي بس هذا من زمان قبل 8سنين واكثر..
ابو بندر: بس كنت يا تركي تبيها وتبكي علشانها والدنيا كلها بكوم وسلمى عندك كوم ثاني...الصراحة ماتوقعت تاخذ غيرها...
تركي:هذا الكلام يوم كنت بالثانوي وقبل لا ادخل العسكريه يباه هذا حب مراهقين وكنت احبها لأنها الوحيده اللي في عمري من
اقاربنا وهي اصغر مني بسنه...وكانت هي الوحيده اللي اشوفها قدامي...بس الحين انا اعتبرها مثل اختي بشاير وبس مو أكثر...
ابو بندر: سبحان اللي يغير ولا يتغير....
تركي حب يغير السالفه: بس يباه انا مستغرب من شي ليه ماخليت امي تجي معنا...
ابو بندر: انا قلت هالمرة رجال...وإذا فيه نصيب المرة الثانيه تجي معنا...
تركي: وانت صادق...بس مسيكينه كانت تبي تشوف العروس...
ابو بندر بابتسامه:من ألحين عروس...
تركي:أكيــــــــد...هي تطول تركي...
وهنا دق جوال تركي...
تركي:هلا...هلا بخالتي عبير........انا........اوكيه..........زوجك وين..........نص ساعه واجيك.....يالله في امان الله...
ابو بندر:مين؟؟؟....خالتك عبير....
تركي:إيـــــــــــــه يباه......شكلك يباه تعبان تبي تنام...
ابو بندر:إي والله تعبان وهلكان ودي انام...
تركي:أجل انا استأذن يباه بروح لخالتي عبير الحين...
وناظر ابو بندر الساعه وقال:بس الحين الساعه11وين تروح وزوجها بيكون نام...
تركي وهو قايم: هي عزمتني...وسألتها عن زوجها قالت نام من الساعه ثمان وهي عازمتني على سهره عندها لما عرفت إن رحلتنا بكره
ابو بندر: خلاص...بس لا تتأخر تدري ...سبع الصبح وحنا بالمطار...
تركي:لا توصي حريص....تآمر على شي؟؟؟....
ابو بندر وهو رايح لفراشه: ابد....سلامتك...
تركي:مع السلامه ...
ابو بندر: في حفظ الله...
ويطلع تركي من غرفة ابوه ويروح لغرفته يعدل نفسه ويلبس ثوبه...و خطرت على باله شذى وابتسم لما تذكرها...
هو صح توقعها أحلى من الواقع بكثيــــــر...بس دخلت مزاجه وبقوووة بعد...حس إنها جذابه اكثر مما هي حلوة
"الله يهديك يا عبير عليك مبالغات في شكلها مهيب طبيعية" وابتسم لما تذكر كيف صورتها خالته في باله ملاك مامثلها في البشر
صدق انها حلوة...بس مومثل وصف عبير لها...بس شافها تناسبه ولايقه له....
وبعد كذا طالع الساعه إلا شاف نفسه تأخر على خالته اللي ساكنه بالمباركيه واللي تنتظره.........
اقدم لكم الجزء الثاني من القصه
الجزء [2] من قصة يا عيونه بس يكفيني عذاب..
......:لا يا يمه كان رحنا معهم مايصير كذا.... هذا اخوي موغريب عني...
ام بندر: وانا امه بس ما رحت معهم......خلاص يابشاير فكيني واللي يرحم والديك....
بشاير بزعل: والله قهر....كان رحنا وش رح يخسرون اليوم الصبح سافروا وبكره الصبح بعد بيرجعون...
ام بندر:زيـــن وانا وش بيدي....
بشاير:كان اصريتي على ابوي إنك تروحين...بعد هذا ولدك ........ خطيبته هذي ماعمرك شفتيها ولا تعرفينها....
ام بندر:حاولت فيـــه بس رفض....وقال المهم تركي يشوفها مو انتي...مش هو اللي بيتزوجها....
بشاير:اوففففف قهر كان ودي انا بعد اروح وأشوفها......بس حسافه إن شالله بالخطبه اروح واشوفها....
ام بندر:يصير خير.....
بشاير بحماس: عاد خالتي عبير ميته عليها تقول أحسن بنت عندها بالكليه هي.....وتقول إنها محبوبة بين البنات وطيبه وحبوبه...
ام بندر: دايم مايلعب براسكم انتي واخوك تركي ومتعب غير هالعبير....
بشاير ولا كأنها سمعت كلام امها وتكمل:وتقول بعد إنها أكبر مني بسنه....الله وناسه وأخيرا بألقى أحد بالعايله بسني...
ام بندر:ليـــــــــه وين الباقي؟؟؟....
بشاير:مين يمه تقصدين....عايشه مرة أخوي بندر اللي ولدها فارس بعمري...او مرة اخوي سارا اللي أكبر مني بثمان سنوات...
ام بندر: عندك فارس....
بشاير :فارس يمه الله يهداك هذا ولد ابي بنت وحده بعمري....تقولين لي فارس....
ام بندر: عندك نوف بنت اختك فاطمه.....
بشاير:يمه نوف؟؟؟....حرام عليك عمرها 14سنه توها بزر....
ام بندر:أي بزر؟؟؟...أنتي أكبر منها باربع سنوات بس ...بالأبتدائي كنت مع بعض....
بشاير: يمه...نوف بزر وانا كبيره عنها...حتى تفكيرها عن تفكيري غيــــــر.....
ام بندر:تدرين يا بشاير إن أختك فاطمه ماهي راضيه على هالزواج....
بشاير:أدري....اصلا من متى كانت فاطمة موافقه على زواج تركي من غير سلمى...
ام بندر: وهي صادقه مافي أحسن للولد من بنت عمه....
بشاير: اقول يمه بلا فاطمه بلا سلمى...تدرين إن اسم العروس شذى؟...اسمها عاجبني واحسها إنها بنوته مثلي وبنصير صديقات
ام بندر: وبعديــــــــــــن؟؟؟....
بشاير بضيق: وش بعدين يمه شكلك زهقتي مني؟؟؟.......
ام بندر: وانتي صادقه هذرة على راسي وبكره لازم اقوم الصباح بدري عشان ابوك واخوك راجعين من السفر....
بشاير بضحكه: قولي كذا....شوق الحبيب لحبيبه....
ام بندر: اقول يله اذلفي عن وجهي...ماتستحين وانتي تقولين كذا....
بشاير وهي عند الباب بتطلع من غرفة امها: لأ....ما أستحي تدرين ليش؟؟؟....لأنك امي وهذاك ابوي....
ام بندر: اقوووول.......
بشاير هربت وصكت الباب وراها....
ام بندر:الله يهديك ويصلحك يا بشاير.........
.................................................. ..........................
في بيت عبير وبالتحديد بالمجلس الخاص بالضيوف...
تركي:الصراحه يا عبير ماتوقعتها كذا.......
عبير بابتسامه:أكيـــــــــد أحلى مما تصورت....صح؟؟؟......
تركي: تبين الجد؟؟؟...الصراحه توقعتها أحلى بكثير مما شفت....
عبير بابتسامه باهته:.......يعني؟؟؟...................
تركي: الله يهداك صورتيها لي ملاك متلبس بصورة انسان....واللي شفته العـــكس....
عبير انبهتت زياده: وبعدين......يعني ماتبيها؟؟؟.......
تركي بحزن مصطنع: الصراحه ابيك تدورين لي حجه كيف انسحب؟؟؟...البنت ذي ما أبيها....أحس دمها ثقيل وسخيفه....
عبير بعصبيه:تبي تنسحب؟؟؟
تركي بحزنه المصطنع:صدقيني الأمر مو بيدي....النفس وماتهوى...نفسي عافت البنت وماأبيها....
عبير وهي معصبه:عفت البنت هاه؟؟؟...أصلا انت ماتستاهل إن الواحد تخليه يدور لك وحده مافيه مثلها ثنتين....وشذى والله وهذا
أنا أحلف إنها بنت مافيه أحسن منها....بس ما أقول إلا إن الله يعطيها اللي أحسن منك بألف مره وجعلك ما تلقى احسن منها...
تركي بعد ما شاف كيف خالته تأثرت قعد يضحك عليها وعلى موقفها بالسالفه...
عبير عرفت إنه كذاب: تكذب علي أنت ووجهك هاه؟؟....أقول لا تمزح معي كذا زين؟؟؟....من جد خرعتني يا الأهبـــــل...
تركي وهو يضحك:أنا أهبل؟؟...بس مقبوله منك يا أخت امي.....
عبير: تركي تكلم جد وش رايك بشذى؟؟؟.....
تركي وهو يعدل جلسته:تبين الجد يا عبير؟...شذى توقعتها أحلى من كذا على حسب كلامك...بس والله إني مرتاح لها وأبيها...
عبير باستغراب: ليه شذى مهوب حلوة؟؟؟....والله إنها تهبل...
تركي يماشي خالته: حلوة ما اختلفنا...بس انتي من وصفك لها توقعتها ملاك...
عبيـــــر: تقصد يا تركي إني مبالغه بوصفي لها...
تركي: بصريح العبارة إيــــه وبقوة بعد....بس لا تخافين شذى أبيها وعاجبتني وداخله مزاجي بعد....
عبير: داخله مزاجك ليه هي كورة؟....
تركي ضحك من كلام خالته ومن تعليقه عليها...
عبير: تضحك....بس يله ما علينا...أبيك تقول لي وش صار معك لما رحت لهم...
تركي:أدري ما عزمتيني إلا عشان اقول لك....
عبير : اخلص علي وقول....
تركي بابتسامته الفاتنه: تآمرين آمـــــــــــر....يا أحلى خطابه شفتها...
وقعد تركي يحكي لخالته وش صار معه لما راح لهم وشاف شذى العروس ووصف لها شعوره ناحية شذى واهلها اللي ارتاح لهم.....
.................................................. ..........................................
في الصباح يوم الجمعه.....
وبالتحديــــــد في بيت ابو بندر....
ام بندر: بشاير شوفي الشغاله حضرت كل شي ترى ابوك وتركي بيوصلون بعد نص ساعه تقريبا...
بشاير وهي تعدل شعرها : لا تخافين مامي كل شي تمام واوكيـــــــــــه....
ام بندر: شوفي بشاير مو اول ما يجي ابوك تنطين عنده وتقعدين تسوين مناحه عشان ما رحت معه...لأنه بيجي تعبان...
بشاير ولا كأنها سمعت كلام امها:يمه شعري كذا حلو؟؟؟....
ام بندر: انتي سمعت اللي قلته ولا لأ؟؟؟....
بشاير: ياحياتي يا يمه...هذا ثالث مرة تقولين لي الكلام نفسه درينا وعرفنا وفهمنا...خلاص اللي يشوفك يقول إني بزر...
ام بندر:أعرفك اول مايجي ابوك تنسين كل اللي قلته...
بشاير: خلاص خلاص فهمنا والله فهمنا....بس ماقلتي لي شرايك بشعري ؟؟؟...
ام بندر: تدرين إني ما احب الشعر الأجعد ...حلاة البنت يكون شعرها ناعم وحلو....مو مثلك كل شوي وانتي تلعبين فيه بهالجل...
بشاير: بالعكــس شعري وهو مجعد شكل احلى ويعطني لوك اجنبي...الشعر الناعم ما احبه...
ام بندر: كيفك....بس هذا رايي...
بشاير:يمه....عزمتي سارا ومتعب على الغدا تراني ما اتصلت عليهم...بس اتصلت على بندر وفاطمه وقلت لهم يجون على الغدا...
ام بندر: لا متعب انا كلمته من أمـــــــس...ورح يجي هو وزوجته ....
بشاير: زين طمنتيني...بعد خفت سارا تزعل مني...
ام بندر: لااا سارا اعرفها قلبها ابيض وطيبه ما تشيل بخاطرها....
وبعد كذا طلعت بشاير لغرفتها وقعدت ام بندر بالصاله تنتظـــــــــر زوجها وولدها وأخبارهم....
.................................................. ...............................
........:ليـــــه مو عاجبك ؟؟؟.....
محمد: ما أدري يامريم احسه مغرور ومتكبــــر...وانا هالفئه ما اطيقها...
مريم: ولو هذا مو سبب....اخوانك وابوك الكل يمدح فيه....
محمد: وش اسوي لهم؟؟؟....الولد هذا مهوب عاجبني وماني مرتاح ازوجه ختي...
مريم: احسن شي لشذى إنكم تزوجونه لها....بيعيشها بنعيم ماحلمت فيـــه...
محمد: الغنى والفلوس موسبب يخلينا نزوجه لاختي.....تركي هذا ما عمرنا شفناه إلا لما جا يخطب...
مريم انقهرت من محمد الكل موافق على تركي حتى شذى اللي ما يعجبها احد موافقه عليه إلا هو وهي ما تصدق متى الفكه من شذى
ام المشــــاكل برايها...
مريم تحاول تقنع محمد:محمد حبيبي...لا توقف في طريق اختك...إذا تبيه خلها على راحتها...موهذا كلامك....
محمد بضيق:إيــــه كلامي...بس ابوي طلب رايي بالموضوع...ورح اقوله اللي بخاطري...
مريم: محمد....قول لأبوك رايي من رايك يا يباه.... والراي المهم للشذى وابوك...
محمد: وأنــــــا...ولا تكونين ناسيه إني اخوها الكبير...
مريم:لأ...مانسيت يا عمري....بس انت كذا بتوقف بطريق اختك....ويمكن تقعد حاقده عليك طول حياتها لأنه ما رح تلقى مثله...
محمد:بس يا مريم هذا ما نعرفه.....ولو نزوجها واحد من اقاربنا أحسن وافضل....
وقعدت مريم تقنع في محمد إلى ما حست إنه مش رافض بس بنفس الوقت مهوب موافق....
.................................................. .....................
كانت الساعه تدق على الواحده ظهرا....
كانت شذى قاعده بالصاله اللي بالطابق الثاني ببيتهم وتطالع التي في وحاطه على مسلسل مصري تابعه، وهي بنفس الوقت سرحانه
بعالم ثاني ولا هي حاسه باللي حواليها....
شذى بخاطرها تفكر بصالح ولد صديقة امها فوزيه اللي كانت بينهم قصة حب ملتهبه بس المشكله كانت إنها من طرف واحد بس اللي
هو من طرف شذى، كان صالح هذا رفيق وصديق الطفوله بالنسبه لشذى، صدق ما كان حلو بس هو في نظرها انسان مافيه احلى و
املح منه، صالح أكبر من شذى بسنتين كان ولد مشكلجي وصاحب هواش وفزعات وكانو كل الأولاد اللي بسنه يخافون منه وهو وحيد
امه وابوه ومع هذا ماكان دلعهم مأثر فيه وكان يعتبر شذى مثل أخته لأن ماعنده اخوات...صـــالح كان ماخذ عقل شذى من أيام
الطفوله إلى أيـــام الصبا...كان في نظرها الحبيب والصديق...بس اللي صدمها لما عرفت إنه ينظر لها كأخت وليس كحبيبه...كانت
تشوف إنه شريك حياتها المستقبليه وإيش أحلى من حياه تقضيها مع صالح...بس اللي جرحها زياده هو لمن قالت أمه فوزيه صديقة
ام محمد إنه مايفكر يتزوج بوحده غير ببنت خاله...ولحظتها عرفت إنه حتى ما يفكر فيها وبكت على حظها الي خلها تحبه
وتعرفه...وحاولت تتنسى حبها الأولاني، وقعدت تفكر بتركي اللي شاغل هو تفكيرها ألحيــن و حياتها معه إذا بتتزوجه...وكيف
رح تقـــدر تعيش بعيد عن أهلها وتصير متزوجه وتترك عالم البنات و أحلامهم وتدخل الحيــــاة الزوجيه.......
وهي قاعده سرحانه ما تحس إلا بصوت أفلام الكرتون على سبيس تون وتطالع إلا بنات محمد ريم ورنا يطالعون التلفزيون....
شذى: من غير القناة وحط على سبيس تون؟؟؟......
ريــــم:مامــا....
شذى: وبعدين مع امكم...ماتشوفيني قاعد اتابع التلفزيون تجي تغير القناة....
وتدخل مريم بهاللحظة وسمعت كلام شذى....
مريم: اولا المسلسل هذا اللي كنت تابعينه انتهى...وشفتك بوادي ثاني والبنات ازعجوني قلت اشغلهم بالتلفزيون ويفكوني...
شذى:اوكيــــــــه خلاص...وين محمد؟؟؟....
مريم: راح المطار من قبل نص ساعه لأن عنده رحلـه لدبي....
شذى:يرجع بالسلامه إن شالله....
مريم:ليـــــــه بغتي منه شي؟....
شذى تبي تقهرها:سالفه خاصه بيني وبينه....
وقامت شذى من الصاله ونزلت تقعد مع ابوها بالطابق اللي تحت، وهي ماكان عندها لا سالفه محمد ولا شي بس كانت تبي تقهر
مريم لأنها فضوليه....
.................................................. .........................................
بالريــــاض ببيت ابو بنـــدر......
وبعد ماقام الكل من الغدا....
فاطمه لأبوها: مشالله عليك يباه رحت خفيف انت وتركي ورجعتوا خفاف....
ابو بندر: إيــــــــــــه يا بنتي كذا أحسن و أفضل في امور مثل كذا.....
فاطمه: بس ما كأنكم استعجلتو شوي بالروحه...كان سألتوا عن البنت زياده وعن اهلها...
و خزها تركي بقوة على كلامها...
فاطمه تكمل: أنا قلت شي غلط يا تركي؟؟؟....
تركي:إيــه لأن خلاص خطبنا وقضينــا....فكلامك هذا ماله داعــــي...
عصبت فاطمه من كلامه: تركي...انا ماقلت كذا إلا عشان مصلحتك......
تركي:اقـــــول كلامك مامنه فايده....فعشان كذا ياليت تسكرين هالسيــــرة....
فاطمه بعصبيه: تراني اختك....ومصلحتك تهمني...وأنا ماقلت كذا إلا عشان بعدين ماتتحسف او تقول إنك استعجلت...
تركي:آسف يافاطمه ولا تزعليـــن...وإعرفي إنك عزيزة وغاليه بس هالكلام من جد مامنه فايده....
يتدخل متعب:بس أما يا تركي شذيت عن القاعده وأخذت وحده من برا العايله.....
فارس:وانت صادق...الصراحه ياعم تركي...أنا معك في إن إحنا نضخ دماء جديدة في العائله ونغير شوي وناخذ من برا...
وقعد الكل يضحك من كلام فارس ولد بندر....
تركي بابتسامه: سمعت يا فاطمه هذا الكلام ولا بلاش.....
متعب بمزح: مافيــــه ...فارس ياخذ بنت عمه نجود اللي هي بنتي....
ابو فارس بندر: عزالله كدينا خيــر إذا بزوج بنتك ولدي...بنتك هذيك ولد اعوذ بالله مو بنت قشرا ومفترسه...
متعب وهو يمدح بنته:أقول لا يغركم مظهرها من برا تراها كلها نعووومه ورقه...
ابو بندر: ما علينا ألحيـــن من انجود المهم....ترى إذا تركي بياخذ بنت ابو محمد بتصير الخطوبه بعيــد الأضحى والزواج بالصيف..
ابو فارس: مشالله يباه اتفقتوا بعد على كل شي....كان جبتوا البنت معكم مرة وحده...
تركي:بندر اقول اترك عنك الطنازة انت ووجهك....ابوي نفسه بكذا.... الخطبه بعد شهرين بعيد الأضحى والزواج بالصيف...
متعب:أنا اقول بعد كذا أحســــــن...إذا ردوا بجواب اهل العروس اتفقوا معهم على كذا...
تركي وهو يناظر اخته فاطمه اللي حس إن الكلام مو عاجبها: وش رايك يا فاطمه براي ابوي؟؟؟....
فاطمه من غير نفس:وش لي كلام وراي من بعد كلام ابوي...اللي يبيه ابو بندر يصير.....
ابو بندر:بارك الله فيك يافاطمه وانا دايم اقول ماحد في الحريم مثل فاطمه......
تركي بابتسامه خبيثه:اقول فاطمه....وين ناصر عن الكلام هذا والمدح عشان يسمعه....
فاطمه بثقه: تطمن ناصر يعرف مكانتي زيـــن.....
.................................................. ...............................................
سارا:هاه بشاير وش قال تركي عن العروس لمن شافها؟؟؟.....
بشاير: تركي هذا لعين يوم سألته عن شكلها وأوصافها ما جاوب علي طنشني وقال لي باختصار إنها حلوة وعاجبته....
سارا:اسمع خالتي ام بندر تقول إن عبير هي اللي دلتكم عليها وإنها مستخفه على البنت وهي اللي قعدت ورى تركي لين خطبها...
بشاير:إيه صادقه امي...بس تركي بعد يوم راح دورته العسكريه اللي بالشرقيه شاف اخوها وتعرف عليه عن طريق زميل له....
سارا بتعجب: سبحان الله...صدفه خير من ألف ميعاد...
بشاير: فاطمه اختي مهوب راضيه....وكانت تبي لتركي سلمى بنت عمي اخت عايشه مرة بندر اخوي....
سارا: لا وش يبي بسلمى...سلمى ألحين بالأردن مع اخوها تكمل دراستها بالكيميا وتبي تصير ياحظي دكتوره فيها...
بشاير: بيني وبينك أحسن خل تذلف سلمى ما أطيقها ولا أحبها....مغرورة بعمرها ودراستها خليهم ينفعونها....
سارا:لا تقولين كذا هذي بنت عمك.....
بشاير: روحي زين...أصلا هي ترد المعاريـس من زمان عشان حجة هالدراسه والقرف حقها....
سارا: بس بيرجعون بعد سنه وهي مشالله عليها بتصير الدكتورة سلمى...يعني هي مهوب هينه...
بشاير: ما علينا من هالسلمى....تدرين عن مرة تركي اسمها شذى؟؟؟....
سارا:إيــــه اعرف تو خالتي ام بندر قالت لي....اسمها ناعم ودلوع....
بشاير قعدت تضحك من سارا....
سارا: ممكن اعرف وش اللي قلته يضحك....
بشاير بضحكه: وش دلوع؟؟؟....اول مره بحياتي اشوف اسم دلوع....
سارا بابتسامه: وانتي انشالله تقعدين تعلقين على كل كلمه اقول لها....انا اقصد إنه اسم دلع...
وهنا دخلت عليهم عايشه مرة بندر وسكتوا....
عايشه لبشاير: مبروك يا بشاير على خطبة تركي....
بشاير:الله يبارك فيك...وعقبال ولدك فارس...
عايشه:آمــــــــــــــين....
وقعدوا يسولفون سارا وبشاير وعايشه بمواضيع ثانيه ....عشان عايشه أخت سلمى معروف إنها كانت تتمنى إن اختها تتزوج تركي
بس الأمـــور سارت عكس هواها وهذا الشي قهرها....
الجـــزء الثاني....
كان ابو محمد وعيالــه الثلاثه محمد وخالد وسعــود وام حمد كلهــــم مجتمعيــن بالمجلس عنده بالبيـت...
عشـــان ياخذ ابو محمد رايهم بزواج شذى وخطيبها تـركـــي....
سعود: الصراحـــه يا يباه انا ماعندي مانــع من تركي مادام الكل يمدح فيـــه وهو مشالله عليه مبين إنه رجل بمعنى الكلمه...
ابو محمد:يعني يا سعود مانت معترض على زواج اختك شذى من تركي؟؟؟
سعود: وليه اعترض...مشالله رجال ينشد الظهر فيه...والراي رايك يا بومحمد انت والوالده....وصاحبة الشان شذى...
خالد: حتى انا يا يباه ماعندي أي اعتـــراض بالعكس،ناس يشرفون....
ابو محمد وهو ناظر ولــده محمد: هاه يا محمد وش رايك؟؟؟....عندي احساس يقول انت مهوب راضي على تركي...
محمد: الراي رايك يابو محمد....اللي تقوله يصيـــر...
ابومحمد: لا...بس رايك يهمني، اخوانك كلن قال رايه وانت بعد قــــول رايــك؟...تراه يهمنا كلنا...
محمد بغى يقول اللي بخاطره بس تذكر زوجته مريم وكلامها له وكيف إنه بيوقف في طريق اخته شذى إذا اعترض لأن ابوه دايم يقتنع بشوره
ورايه،وفي نفس الوقت حس إن اهله يبونه وإن شذى تبيه وماحب إنه يخرب عليهم...
محمد: تركي ما ينرفض يايباه....وإذا شذى تبيه على بركة الله...
ام محمد:الله يوفقك يا محمد...الصراحه كلامك عيــن العقل وكنت اشوف وش كنت بتقول لأني اثق برايك وكلامك...
خالد:هالله هالله يا يماه...عشان محمد ساكن عندك تقولين كذا وانا ما كأني ولدك ولا كأن كلامي يهمك...
سعود: ما عليــك ياخالد من الوالده...الله لنا....
ام محمد بابتسامه: لا والله بالعكس رايكم كلكم يهمني...بس لأن محمد الكبير وبكري بعد... فلازم اعرف وش رايه ولا كلامكم كله صح...
ابو محمد بجديته المعروفه:أقـــــول يام محمد أنتي وش رايــك بالموضوع؟...
ام محمد:اللي تشوفونه...انا ماعندي مانع و الخيـــر في المكتوب إن شالله...
ابو محمد:إنشالله...عاد انا باكلم ابو بندر وأرد لهـــم خبر عشان نحدد باقي الأمـــور...
محمد:يعني يباه شذى موافقه؟؟؟...
ابومحمد:أكيــــد رايها الأول....امك سألتها وانا كنت جامعكم عشان أشوف إذا أحد عنده اعتراض او لأ......
سعــود بابتسامه:والله وكبرتي ياشذى وصرتي عروس؟؟؟....
ام محمد:سبحان الله ما اسرع الأيـــام.....
*******
وببيت خالد أخـــو شذى...
كان خالد وزوجته مها قاعدين بالصاله يتابعون التلفزيون....
خالد وكأنه مل من الفيلم اللي يطالعونه:أقــــول مهاوي...وش اخبار عمي والله من زمان عنه...
مها وهي تناظره:والله هذا من كثر ماتكلمه مشالله عليك....
خالد وهو يمدد رجله :تدرين والله مشغول وماني فاضي...
مها:أنــا ما قلتلك رح زوره بالجبيل...قلت تكلمه بالجوال كلها خمس دقايق ولا خايف على فاتورتك؟؟؟...
ابتسم خالد من كلام زوجته وقال:يعني انا بخيل؟؟؟...بس الحق معك والله خليني اكلمه الحيــن...
وياخذ الجوال ويدق على عمه...ويلقى الجوال مغلق...وحاول كذا مرة ويطلع الجوال مغلق...
خالد يناظر مها بقلة حيله: الجوال مغلق...
مها:أكيد ألحين تتعذر لي بهالعذر....حاول مرة ثانيه دق عليه بوقت ثاني...
خالد:إيه بدق عليه بوقت ثاني...بس تدرين جهزي نفسك على الأسبـــوع الجاي نروح الجبيل زيارة لأهلك...
مها والفرحه طايره من عيونها:والله؟؟...من جد تتكلم خالد نروح لهم...
خالد:إيـــــه اتكلم من جد...وش فيك ماتصدقيني يعني؟؟؟....
مها:إلا مصدقتك...بس هاه مو قبل السفر بليله تأجله وتقول عندك شغل وما أدري ايش عندك...
خالد بابتسامه:لا إنشالله مايصير عندي ظروف ونروح لهم....بس عندي شرط...
مها: وشو؟؟؟...
خالد:بنروح لهم الأربعاء بستأذن من شغلي ونروح لهم...بس كلها يوم واحد ماتفشليني هناك وتطلبين ننام عندهم...
مها: خلاص ولا يهمك اللي تبيه بيصير....بس تدري خلني أدق على اخواتي وأبشرهم...
خالد:لا خليهم مفاجأه أحســـن....
مها بفرح: وأنت الصادق....مفاجأة احسن...
خالد:إلا ما سألتيني وش صار اليوم لمن دعاني أبوي عنده...
مها وكأنها تتذكــر:إي صح نسيت أسألك وش صار...أكيد عشان زواج شذى صح؟؟....
خالد:إي صح...
مها:يعني يبي ياخذ رايـــكم بالموضوع؟؟؟...
خالد:إيـــه ،طبعا الكل موافق...أمي سعود ابوي وحتى شذى أمي تقول إنها موافقه...بس محمد...
مها باستغراب:وش فيه محمد؟؟..
خالد وهو يفكر:أحس إنه مو موافق...كأنه متردد...حتى ذاك اليوم لمن جا ابو بندر وتركي...أحس إن محمد مهوب عاجبه تركي...
مهــا:يعني محمد معتـــرض؟؟؟...
خالد: مو معترض...لمن سأله الوالد ما قال إنه موافق...قال اللي تشوفونه...غريبه من محمد عمره ماكان سلبي كذا وماله راي...دائما رايه
يمشي...عند أبوي...تدرين لو قال محمد مانبيه ارفضوه...ابوي بيرفضه....
مها:غريبـــه من محمد....
خالد:بسابوي بيرد لهم خبر إن إحنا موافقين عليهم....
مها:إيـــه....لهم من خطبوا وجو الشرقيه أسبوعين وأكثـــر....
خالد:ما أصدق شذى بتتزوج....والله كأني أذكرها باقي مالبست العبايه صغيرة كأنه يوم أمس...
مها:إي والله حتى أنا...بنفقدها...
كان خالد ومها كأنهم اصدقاء مو بس أزواج يسولفون مع بعض وياخذون راي بعض في أبسط الأمور ولو تكون تافهه وعلى كذا دايم متفاهمين
ونادر مايجي واحد منهم ويزعل الثاني...وتجمع بينهم طيبة قلبهم وطولة بالهم...
*******
كانت شذى و سعود قاعدين بالصاله عندهم بالطابق الاول...
شذى: ياربـــــــي وبعدين معك....متى توديني السوق لي يومين وانا أطر منك...
سعود وهو يلعب بجواله:نعم خيـــــر وش تبين؟؟؟....
شذى بضيق: أنت ماتفهم عربي...أقولك ابي السوق...
سعود:زين وأنا إيش دخلني إذا تبين السوق....
شذى مقهورة: يا أخي عليك برود ماشفته على أحد....أبيك توديني السوق فاهم؟...
سعود وهو يطالعها:أنــا أوديــك؟؟؟....لا اسمحيلي اليوم بطلع مع أخوياي معزوم...
شذى:لاااا إلعب على غيري دائما تقول(وتقلده) ...أبطلع اليوم مع اخوياي...أنا معزوم عند أخوياي....
سعود يبي يقهرها: اعذريني اليوم باطلع وبكره واللي بعده ؛خويي سلطان جاي الشرقيه من الرياض ...اللي كان معي ببريطانيا يدرس...
شذى:أوكيه إذا أنت لهالدرجه مو قادر تأجل موعدك كذا خذني معك وقطني بالسوق ولمن تخلص مر علي وخذني من السوق...
سعــود بطنازة:باللــه؟؟؟....تصدقين فكرة...
شذى:تتطنـــز؟؟؟...
سعود بجديه:طبعا أتطنز أنتي ووجهك تتكلمين من جد ،حلوة هذي أخليك بالسوق لحالك...
شذى:حبيبي ماأحد يوديني السوق غيرك...
سعود:وانا يوم كنت أدرس من كان يوديك؟؟؟...خلي محمد ولا خالد ياخذونك السوق مشالله كل واحد فيهم مثل كبر الباب...
شذى:هذول متزوجين وعندهم حريم وعيال...أنت عزابي لاعندك شغل ولا حرمه ولاعيــال بمعنى أصح فاضي ماعندك إلتزامات...
سعود بطنازة:حلوة إلتزامات ذي،بس تتطنزين علي ياشذى؟ الأسبوع هذا كله مافيه سوق وخلي غيري يوديك اوكيـــه؟؟....
شذى:عـــادي آخذ تاكسي وأروح يعني ابد متكسرة انا عندك...
سعود وهو يقوم ويحط جواله بجيبه:تاكسي أنتي ووجهك هاه؟عشان وجهك هذا أغير معالمه وزين إذا تذكرتي إن اسمك شذى...
شذى مقهورة:............
سعود وهو طالع عند الباب:سي يو.......
شذى بعد ماطلع أخوها:اقلب وجهك ياالنذل...تهدد مالت عليك يا الخايس يعني أبد متقطعه أنا عندك...
وقامت وشغلت التلفزيون وقعدت تطالع فيـــلم أجنــبي....من الزهق اللي هي فيه....
كانت مريم وبناتها عند أهلها طول هذاك اليوم،وام محمد عند صديقتها فوزيه ام صالح....وابومحمد معزوم عشا عند صديق قديم له...
*******
بالريــــاض...الليل الساعه عشر...
بشــاير:أقــــول تـــركي...
تركي وهو يقرا المجله:نعـــم....
بشاير:وش رايك لو تكلم أمي....
تركي بدون مايرفع عينه :في إيــش اكلمها؟؟؟....
بشاير:في إنها تخليني أروح عند صديقتي مرام...
تركي ومايزال مطنشها:ليه هي رافضه؟؟؟....
بشاير بضيق:إيه رافضه....
تركي يقرا:خلاص مو لازم تزورينها...
بشاير بقهر:زين ياخي على الأقل عبرنا،طالع فينا شوي إيش هذا؟؟؟.... ما أحب اكلم أحد وهو ملتهي في شي ثاني...
تركي توه يرفع عيونه يطالع أخته:نعم إيش تبين؟؟.....
بشاير بهدوء:تركي كلم أمي الله يخليك،البنات كلهم مجتمعين عندها بعد بكره وأمي رافضه هالشي بتاتا إني أروح...
تركي:ليـــــــه رافضه؟...أكيد قلتي لها شي يزعل او إنك سويتي شي...
بشاير متردده:تقريبـــا...بس أمي الله يهداها زعول...بسرعه تزعل...
تركي رجع يقرا المجله وطنشها....
بشاير بقهر:تـــــــــــــركـــــــــــــــــي....
تركي يناظرها:خير وش تبين...
بشاير : ابيك تكلم امي...
تركي ببرود:آسف أنا مالي دخل بينكم انتي وامي...
بشاير:تكفى الله يخليك....
تركي:زين انتي مع هالوجه إيش سويتي علشان تزعل...
بشاير:لأني رفضت إني اروح معها بيت خالي المصون اللي هو أخوها وقلت قرف ما ابي اروح لهم لأنه ببيت خالي تجيني الغلقه...
تركي:وبعدين...
بشاير تكمل:بعدين امك زعلت ومارضت اقول عن اخوها كذا،فقالت لي ترضين احد يقول عن بيت اخوك متعب كذا قلت بطنازة وبمزح طبعا
إنه عادي عندي إذا احد قال كذا عن متعب وبيته وبالعكس رح أشجعه فزعلت وانقهرت مني فقالت لي:أنا ماني ام بندر إذا رحتي لخويتك..
تركي بابتسامه:عشان كذا رافضه...بس ليه زعلتيها كان رحتي مجامله لها...
بشاير:ياخي طول عمري وانا اجامل قلت بس هالمره...بس طلعت امك ياي ماعندها ديمقراطيه....
ابتسم لها تركي وقال:الصراحه كسرتي خاطري،بس اعذريني مااقدر اكسر كلمة امي...
بشاير:بس امي تعزك ولو كلمتها انت... وجيت واعتذرت انا لها بتوافق....
تركي:اولا تستاهلين لأنك رفعت ظغط امي ثانيا ما أحب اتدخل ثالثا تراني اقدر اخليك تروحين بس كذا منذله مارح اكلم امك على قولتك...
بشاير:بليـــــــــز تركي...
تركي:خلاص اقلبي وجهك مارح اكلمها...
بشاير:بس انا اختك الوحيده...
تركي:ووحده كبر امك اسمها فاطمه وين راحت...
بشايربرجاء:طالعني انا بشورة أختك اشاركك البيت وفاطمه هذي متزوجه وعندها عيال وتاركه البيت من يوم انا وانت صغار،انا اختك الصغيرونه
تركي بجديه:أنتي هيه لا تتمسكنين...ما رح اكلمها....
بشاير:ليه خايف تكسحك وترفض؟؟؟.....
تركي بثقه:لو انتي مو متأكده إن كلمتي عند امي ماتطيح ماكان كلمتيني يا الهبله بس على كلامك ذا مارح اكلمها....
بشير بتوسل:تكفى تركي الله يخليك...
تركي:لأ....
بشاير بابتسامه:زين وإذا قلت عشان خاطر شذى كلمها بس.....
تركي وهو يبحلق فيها بعيونه:وش دخل شذى ألحين...
بشاير تزيدها:الله يخليك زين موعشاني انا اختك اللي أدري انك تموت فيني وعلي...
تركي بطنازة:إي موت انا احبك...
بشاير:بس عشان خاطر البنت الأمورة اللي تنتظرك بالشرقيه وقطعت الصحاري والفيافي عشانها وعشان تطلب يدها من السلطان...
قعد تركي يضحك من كلامها...وبعدها قال:خلاص بشاير باكلم أمي بس هاه هذي اخر مرة تطلبيني بشي اسمه شذى ولا ترى اذبحك...
بشاير:اوكيه اخر مرة...بس هذي يسمونها غيره؟؟؟...
تركي وهو راجع يقرا المجله:لأ ...يسمونه الغلا...
بشاير وهي قايمه:بدينــــا....
تركي يخزها.....
بشاير وهي فرحانه وقايمه من عنده تبي تبشر صديقاتها:آسفه على كلمتي ...بأسحبها...
وطلعت تركض لحجرتها...
تركي بخاطره ((من جد هالبنت هبله إذا اندلت على شي تعلق فيه))....
ورجع يكمل يقرا المجله الي ماخلته بشاير يقراها زيـــن....
*******
وبالخبر كان سعود وخويه سلطان قاعدين بستار بكس....
سعود بابتسامه:هاه شرايك بالشرقيه...ماتغيرت للأحسن؟؟؟...
سلطان:وأنت صادق...طالعه أحسن وأحلى من الأول....
وقعدوا يسولفون وياخذون أخبار بعض خاصه إن لهم سنتين ماشافوا بعض......
وبعدها قال سعود:الصراحه ياسلطان في سالفه ودي أفاتحك فيها بس خايف...
سلطان:لا وش دعوة...قول اللي بخاطرك إحنا أخوان وأكثر...
سعود بتردد:ولا تزعل؟؟...
سلطان:ولا آخذ بخاطري بعد...
سعود:الصراحه ياسلطان الآسباب والاعذار اللي خلتك تقطع دراستك في بريطانيا وترجع السعوديه مهيب مقنعتني واحس إنــك...
ووقف سعود عن الكلام ويبي يشوف تعابير وجه خويه سلطان إذا ماشيه معه ولا لأ...
سلطان:كمل كلامك وش فيك وقفت؟؟؟....
سعود:أحس إنك تخبي وراها أسباب ثانيه،يعني بالله عليك سبب إنك تخلي دراستك وباقي لك سنه ونص وتاخذ الشهاده عشان إنك اشتقت
للسعوديه ولأهلك وحنينك زاد لهم....
سلطان بدفاع عن نفسه:يعني الواحد مايشتاق لأهله؟ لبلده؟....
سعود وهجومه زاد:لأ مو كذا ياسلطان،كلنا اللي معك إشتقنا لأهلنا حتى زياد أذكر كان والله بالليل يوم عيد الفطر يبكي وكأن ميت له احد
منة كثر مااشتاق لهم،بس إحنا بغربه كلنا مو لوحدك،وبعدين رجعتك كانت غريبه ياخي حتى وداع ماودعتنا ولا تركت لنا خبر ومادرينا
إحنا أخوياك اللي معك بالشقه إنك سافرت إلا لمن دقيت علينا وقلت إنك وصلت السعوديه وحتى الجامعه فصلتك،ورجعتك كانت غريبه...
سلطان مارد وقعد يطالع بسعود وهو يشرب قهوته....
سعود:لأنك كنت متفوق وشاطر،ولأن طموحك كان أعلى من كذا،أذكر إنك كنت تقولي تبي منصب يهز بلد....وإنك كنــ...
سلطان يقاطعه بسخريه:من كثر الوظايف ألحين...
سعود وهو يشرب قهوته:لا بس بشهادتك كنت تقدر تسوي اللي تبيه وفجأة رجعت كذا وبوظيفه اسمح لي أقول إنها صغيره بحقك،إنك تشغل
بشركه خاصه وبراتب ضئيل...
سلطان وهو يطالعه:وبعدين وش عندك؟؟؟؟....
سعود وهو يشد على يد سلطان:سلطان أنا خويك وماحد يعرفك بالشله كثري، فضفض قول اللي بخاطرك وصدقني بترتاح وتريحني معك...
سلطان وهو يناظر سعود:لهالدرجه يهمك أمري؟؟؟...
سعود بجديه:وأكثر مماتتصور،صدقني ياسلطان إنت اخوي اللي ماجابته أمي....
سلطان:باقولك ياسعود،بس ياليت الكلام مايطلع لأحد....
سعود بشدة:أفا بس ياسلطان عيب عليك هالكلام،كلامك في بير ماله نهايه...
سلطان بحزن:سامحني ياسعود،بس اللي فيني يهد الصخر...
سعود يناظره:قول يا سلطان اللي مضيق عليك انا كنت متوقع وراك شي....
وناظره سلطان بحزن،وقعد يحكي له همومه وش اللي صار معه وسعود كان منصدم من اللي قاله سلطان...
حتى نسى إنه يبشره بخطبة أختـــه شذى....
*******
ام بندر:لأ يا تركي...مارح أخليها تروح عقابا لها على كلامها على بيت خالها...
تركي:وإذا قلت ياام بندر عشاني هالمرة بس،هي قالت لي ماكان لها نفس تطلع من البيت هذاك اليوم مهوب بس بيت خالي اللي ماتبيه...
ام بندر:طيب وبعدين....
تركي :خلاص عديها لها هالمرة عشاني وبعدها سوي اللي يريحك...
ام بندر:تركي سامحني ما أقدر،خلها تتأدب...
تركي:يمه أفا انا مالي قدر عندك أطلبك وترديني؟؟؟...
ام بندر تراضي ولدها:ولا تزعل تركي،خلاص هذي المره سماح بس هاه لاتعيدها...
تركي يبتسم لأمه:ياحياتي والله يا يمه، وعلى كذا بأجيب بشاير تعتذر لك...
ويطلع تركي من غرفة أمه وراح ينادي بشاير من غرفتها...
تركي يدق الباب على غرفة بشاير:بشاير...بشاير...افتحي الباب...
وتفتح الباب بشاير و كان فيها النوم:نعم خير تركي بغيت شي؟؟؟...
كانت مرتبكه وخايفه لأن تركي عمره ماجا يدق الباب عليها هالوقت لأن الساعه 12 الليل.....
تركي وهو يتسند على الباب:لا يا حلوة،جيت اقولك روحي اعتذري لأمك عشان تروحين لصديقتك مرام...
بشاير والنوم طارمن عينها: كلمت أمي؟؟؟...
تركي وهو رايح لغرفة أمه: الحقيني يلا روحي اعتذري لها...
بشاير وهو تمشي وراه: أظمن يا تركي إنها موافقه؟؟؟...
تركي :إي افا عليك بس ترى واسطتك مهيب هينه...
ودخل تركي ومعه بشاير لغرفة امه ام بندر....
تركي وهو يأشر على بشاير: وهذي هي جايه تعتذر لك عشان تسامحينها....
بشاير راحت تبوس راس امها وقالت لها: آسفه يمه بس كانت نفسي ذاك اليوم منسده...
ام بندر:ماعلينا،بس ترى عشان تركي سامحتك...
بشاير بترد على كلام أمها إلا أشر لها تركي تطلع وتقول لها تصبحين على خير....
بشاير:تصبحين يا يمه على ألف خير...
ام بندر:وأنتي من أهله....
تركي:تصبحين يا الغاليه على ألف خير...
ام بندر:وانت من اهله يا الغالي...
وبعدها طلعت بشاير وتركي من غرفة ام بندر....
بشاير:مشالله عليك ياتركي امداك؟؟،مالي من كلمتك ساعتين...
تركي:قلت لك خلاص يعني خلاص بتروحين لخويتك...
بشاير:صدق دهنت سيري عند الوالده بسرعه...
تركي:اقول يله انتي بعد تصبحين على خير ورانا بكرة دوام...
بشاير وقفت لأخوها وضربت له تحيه عسكريه وقالت:تصبح على خير أيها الضابط....
طالعها تركي وقال: زين يله وانتي من أهله...
وراح لغرفته ينام،لأن بعد ماكلمته بشاير دق عليه رفيق عمره طلال وطلعوا هم بعد لمشوار ساعتين وتوه راجع....
*******
كانت الساعه وحده بالليل وتو سعود راجع البيت وهو مهوب طايق يشوف أحد....
كان يفكر في كلام سلطان صديقه،مو معقول اللي يقوله...كل هذا صار لسلطان وأنا ما ادري...((ونعم الخوي والله انا له)) كان كذا يقول عن نفسه
باستهزاء وسخريه...لأن كان لسلطان معزه خاصه بقلب سعود،،،
شذى كانت قاعده مع أمها ام محمد بالصاله يسولفون وسمرانين وماخذين راحتهم لأن مريم ماكانت موجودة،ويدخل سعود بهاللحظه
وقعد يناظر أمه وأخته شذى...
ام محمد:هلا والله بسعود...وينك للحين؟؟؟....
شذى بلقافه:وين يعني...معــزوم كالعادة...الأخ مشالله بزنس مان مهوب فاضي...
سعودبعصبيه:جب زين تتطنزين مع هالخشه...
ام محمد:بسم الله عليك وش فيك كذا معصب،أختك تمزح ماقالت شي...
سعود وهو داخل غرفته وماله نفس يطالع بوجه احد:تصبحــون على خيــر...
ودخل وام محمد تطالع بنتها شذى بإستغراب...
ام محمد:وش فيه سعود معصب وزعلان كذا؟؟؟....
شذى:والله ما أدري عنه...أكيد ألحين متهاوش ولا زعلان مع واحد من شلة المحبه أصدقاه...
ام محمد سكتت وماعلقت على كلام شذى اللي تتطنز فيه على أخوهــا....
قعدت تفكر في سعود إيش فيه،،،دايما ولو يكون زعلان ما يدخل بهالطريقه دائما يسلم ويبتسم لها....
*******
وفي الكليه الصبــاح....
ريم: شذى قومي يللا خلينا نروح الكفتيريا أنا جايعه موووت...
شذى وهي تطالع ريم:أنتي هيه يالهبله،تراك انتفختي هاليومين،بسك أكل...
ريم بدهشه:حــــرااام عليك،أنا متنت...ولا تقولين هالكلام عشان إنك أضعف مني وجسمك أحلى مني...
شذى بغرور:من ناحية الجسم لا تتكلمين ولا تقارين نفسك فيني،بس من جد يا ريم أحس إنك زايده كم كيلو....
ريم:لا ما أتوقع إني زايده يا حلوة،يمكن تظنين كذا لأني القميص اللي لابسته الأبيض هذا مقلم بالوردي بالعرض فصاير مزودني كم كيلو...
شذى:على بالك ما أشوف،بس ولو أحسك زايده كم كيلو خففي ياشيخه مو كل ماتحسين إنك جايعه تروحين ركض تاكلين...
ريم وهي تقوم:اقول اذلفي عن وجهي والله بروح أشتري لي فطيرة مع بيبسي...
شذى تقاطعها:بيبسي لا يا الهبله يساعد على السمنه...تو جسمك يحلو هالسنه ترجعين تخربينه...
ريم بلا مبالاه: شذى أنتي ووجهك لاتسوي لي فيها أخصائية تغذيه ويعني إنك فاهمه ترى كلنا ندري ،بس أنا اقاطع الدنيا كلها إلا البيبسي
شذى:براحتـــك...بس هاه تراني بروح للشله تلقيني عندهم...
ريم وهي رايحه: وانا بروح مع ضحى ورفيقتها ينتظروني هناك...
شذى قامت وتطالع ساعتها باقي على المحاظرة الثانيه ساعه إلا ربع...وهي سنه ثانيه ملت من الدراسه،بس يلله مابقى إلا سنتين هانت كانت
كذا شذى تواسي عمرها خاصه إنها مو رتاحه مرة للقسم اللي هي فيه((لغه عربيه)) بس دخلت عشان أغلب شلتها فيه....
وهي ماشيه دقت جوال على أمل...
أمـــل:هــــــــلا والله بهالصوت....
شذى بضحكه:هلا بالمهلي هلا...
أمل:وينك من زمـــان عن هالصوت،أول ماشفت اسمك بشاشة الجوال ماصدقت...
شذى:ليــــــه حرام عليك،والله إني دايم اسأل عنك...حتى إني الحين داقه أسال وينك ودي اقعد معك انتي والبنات...
أمل بفرح:والله؟ حياك إحنا في مكانا القديم لا تغير ولا شي .....عاد أبيك تقولين لنا بالتفصيل اللي يجيب السكته عن خطبتك...
شذى بضحكه:أووووه منكم يا البنات تبون تعرفون كل شي... يلا سي يو...أنا جايتكم...
وسكرت شذى وكان مكان شلتهم شوي بعيد...
وشذى ماشيه حست بعيون تراقبها فخاطرها(وبعدين مع هالمعجبات)<<<البنت واااثقه...
كانت اللي تطالعها عبير،حست شذى بعد كذا إنها عبير: ياربي على الإحراج والله فشله أروح أسلم عليها بس أخاف تظن إني فرحانه بولد
أختها أو أطنش بس بعد فشيـــله مو من الذوق اطنش...وبالذات عبير...
وبعد مد وجزر وتفكير قررت الخيار الثاني اللي هو تطنش ولا كأنها شافتها او لمحتها....
كانت عبير تطالع شذى ومنبهرة منها... البنت هذي تحبها حييييل ودخلت قلبها من أول ما شافتها...
كانت شذى لابسه تنورة جينز ميدي فوق الكعب بشوي والجينز كان شوي باهت لونه،مع تي شيرت أورانج روعه من زارا وجزمه سبورت
من نايك لونها سماوي مع جوارب برتقاليه قصيرة، وشعرها كان مرفوع بطريقه مهمله مع خصل مجعده نازله من على ألاطراف وعلى وجهها
وكان مكياجها ناعم وحلو غلوس اورانج مائي مع بلاش اورانج كانت حاطته بطريقه دائريه أبزرت فيه حلاوة خدودها المدورة طبعا مع
الكحل العربي اللي داعجه عيونها فيه بطريقه جذابه ولابسه عدسات بحريه وطالع شكلها روووووعه...
عبير بهاللحظه خطر على بالها تدق على تركي...وبالفعل دقت عليه...
تركي:هلا والله...
عبير بابتسامه:هلا بولد أختي هلا بالعريس ...
تركي وهو يكلم اللي عنده:خلاص أنتوا اطلعوا وبعد شوي بلحقكم...
عبير:تكلمني؟؟؟...
تركي:لا أبد اكلم اللي عندي...
عبير: تركي...خف على الجنود شوي أحس إنك جلف وجاف معهم...
تركي بجديه:شوفي حبيبتي العسكريه كذا شده وغلظه ما فيها يمه ارحميني،هذي يا حلوة تعرفين وش يسمونها؟؟؟..
عبير:وش يسمونها؟؟؟...
تركي بثقه:هذي مصنع الرجال،هذي الشده والقوة...
عبير تغير السالفه:ماعلينا أنا مادقيت عشان كذا،بس بغيت اقولك إن شذى هذي هي قدامي...
تركي:والله؟؟...
عبير:إي والله هذي هي ماره من عندي قبل شوي تهبل لابسه اورانج طالعه قمر...
تركي:أكيد...بس سؤال طالعه مغرورة هي او لأ؟؟؟..
عبير:شي مهوب هين شذى...ماتعطي أحد وجه، تصدق قبل شوي مرت من جنبي ولا طالعتني...
تركي:ياويلي على هالغرور...كل هذا كبر فيها...
عبير:لااا...بس أكيد ما انتبهت لي...ولا هي اول كل تلمحني تجي تسلم علي...بس بغيت أخبرك فيها...
تركي:ياحبي لها تهبل...تدرين أبيك توصفين لي شكلها يا عبير...
عبير:اوصفلك شكلها...((وتقلد المصريين))ده بعدك...
تركي بعصبيه:أجل ليه داقه علي أنتي ووجهك؟؟؟....
عبير:كذا...تقدر تقول عبط...
تركي:اوكيه عبير بس مارح انساها لك...تدقين على كذا تبين تشوقني بس...
عبير:وانا تراني...
يقاطعها تركي:خلاص خلاص درينا إنك عبير يلا باي عندي شغل وتدريب وأنتي معطلتني...
عبير:زين يا تركي مسوي لي فيها شخصيه مهمه...
تركي ضحك من خالته اللي يعزها: إي شخصيه مهمه عندك مانع؟؟؟...
عبير من غير نفس: بـــااااي...
تركي:بايات....
وبعد ما سكرت من تركي تنهدت فخاطرها تقول((يا حبي لهالتركي على غروره وثقتهة الزايده بس حبيب))...
********
وبعد هذا اليوم بيومين دق ابو محمد على ابو بندر يبلغه موافقتهم وإنه يشرفهم مناسبتهم والزواج منهم...
ابو بندر لتركي:أبشر بعزك يا تركي اهل العروس وافقوا...
تركي:والله ...الله يبشرك بالخير...
ابو بندر:الصراحه توقعت ردة فعلك أكبر من كذا...
تركي:بس انا كنت واثق إنهم بيوافقون...
ابو بندر:تركي...ترى الغرور مهوب زين...
تركي بجديه:المسأله مهيب غرور يابو بندر قد ماهي ثقه بنفسي وبمكانتي وإني ما انرد...
ابو بندر:ما اقول غير الله يصلحك يا تركي...
تركي:آميــــن....
ابو بندر: اجل إستعد الاسبوع الجاي نروح الشرقيه ونتفق معهم على كل شي...
تركي بحماس:اللي تامر به يا يباه...
ويدق جوال تركي...
تركي: هلا بمتعب...
متعب: وين الوالد دق على جواله مغلق...
تركي وهو يناظر أبوه:الناس تسلم بالأول...وبعدين هذا هو أبوي عندي...
متعب:عطني ابوي باكلمه...
تركي يمد لجوال لأبوه...
تركي:يباه هذا متعب...
ابو بندر يكلم متعب:هلا بمتعب وينك...
متعب:هلا فيك يباه،بس وينك الله يهداك أدق على جوالك مقفل...
ابو بندر:إيه صح نسيته قفلته بالصلاه وماتذكرت افتحه ،ليه خير إنشالله...
متعب:ماعلينا،بس بغيت أقول لك الأرض اللي عندك بالروضه بيعها لأني لقيت لها مشتري اللي وصيتني عليها...
ابو بندر:زين الله يبشرك...وبيدفع قيمتها؟؟؟...
متعب:أفا عليك بس والسعر اللي حددناه وفوق اللي شرطته لي...
ابو بندر:اقول متعب أهل عروسة تركي ردوا علينا إنهم موافقين ...
متعب فرحان لأخوه:مبروك والله يستاهل تركي...
ابو بندر:الاسبوع الجاي بنروح لهم عشان نتفق معهم على كل شي...
متعب:زين والله..
ابو بندر:عاد قلت تخاوينا؟؟؟...
متعب:أفا عليك بس أكيد بروح معكم...
ابو بندر:أجل يله ما اطول عليك...في حفظ الرحمن...
متعب:في حفظ الله يا الغالي...
وسكر متعب من ابوه...
ابو بندر:متعب اخوك بيخاوينا لأهل عروسك...
تركي بابتسامه:عز الخوي والله متعب....
وهو بسيارته راجع البيت فكـر بشذى..(والله مسكينه لها أسبوع وهي تبيني أخذها للسوق)..فكر باقي على بال مايوصل للبيت ربع ساعه
ويمكن أكثر من هالزحمه اللي بالشوارع خاصه إن الوقت عشا...
أخذ الجوال اللي كان حاطه بجنبه ويبي يدق عليها طالع الساعه بالجوال ماكان باقي على صلاة العشا شي وأخذ يتأكد من ساعة يده
إلا يسمع الآذان بكل مكان بدت المساجد تأذن ويطالع المحلات بعد هي بدت تسكر وتغلق أبوابها إلى بعد الصلاه(الأسواق بالسعوديه تسكر بوقت الصلاة)...
فكر وقال((بعد الصلاة أمر عليها،وخلني أدق عليها من ألحين تتجهز مو تتركني ساعه أنتظرها))...
دق على تليفون البيت...
ريم بنت محمد بصوت طفولي:ألــــو...
سعود:ألو هلا ريم...
ريم بتعجب:مين على التليفون...
سعود بضيق:أنا عم سعود...
ريم بفرحة الأطفال:عم ثعود...أنا أحبك...
سعود بضيق أكثر:ثعود بعد غيرتي اسمي.....وأنا بعد أحبك...وين شذى؟؟
ريم:من زمان ماثفتك...انا أحبك مرررره...
سعود وهو مهوب طايق لفلسفة الأطفال:ريم حبيبتي نادي لي شذى بسررررعه عشان أعطيك حلاوة كبر راسك...
ريم مستغربه:فيه حلاوة كبر راسي؟؟؟...
طووط...طووط...طووط....
قفل الخط سعود التليفون ودق على جوال شذى...
سعود يكلم نفسه:وش هالذكاء كان دقيت من البدايه على جوالها بدل زحمة البزارين هذي ...
شذى:إنت هيه تكلم نفسك؟؟؟...
سعود متفاجأ:إنتي من متى على الخط؟؟؟...
شذى:من أول ما دقيت...
سعود:بسم الله منك امداك تردين يوم سمعتيه يدق...
شذى:لأنه كان معي اقرا مسج توه جاي وإنت طلعت لي والعياذ بالله...
سعود:هذا جزاي تقولين كذا وأنا الحين داق عليك عشان تتجهزين بعد الصلاة آخذك للسوق...
شذى بفرح:والله؟؟ ياحياتي ياسعود آسفه وهذي كلمتي وسحبتها...
سعود :شوفي هذا أنا سامحتك،بعد الصلاة مباشرة ألاقيك مخلصه من ألحين استعدي وجهزي حالك...
شذى بابتسامه:طياره...
سعود:تشاو...
شذى:بايو...
بعد ما صكرت من سعود...((واااااااو وأخيرا ما بغى ياخذني السوق...بس غريبه هو يدق بنفسه ويعرض السوق علي من دون طلب او واسطة امي))
وبعدها قالت بخاطرها...((وأنا وش دخلني من نفسه او غيره خلني اروح ألبس واستعد...بس لا يهون))....
وبعدها راحت تلبس وتستعد وخلصت بسرعه...وبعد كذ صلت العشا، ونزلت بالصاله تنتظر اخوها وهي لابسه عبايتها ومتجهزة بس تنتظر
يدق عليها جوال وتطلع له....
*******
ريم:ماما...عم ثعود يقول بيجيب لي حلاوة كبر راسي...
كانت مريم ومعها الخدامه توكل بناتها الصغار بالصاله اللي فوق عشان تنومهم مبكر لأن ريم تروح الصباح الروضه ورنا النوم
المبكر أفضل لصحتها ولنموها وطبعا عشان تفتك منهم باقي الليل وتقعد على راحتهـــا...
مريم باستغراب:مين قالك كذا؟؟؟
ريم والشغاله تأكلها:عم ثعود...
مريم:متى قالك الكلام؟؟؟...
ريم ببرائة الأطفال:هو قال لي لما دق تليفون...
مريم تحقيقها يزيد:زين ماما وش كان يبي؟؟؟...
ريم:كان يقول يبي عمه ثذى...
مريم مستغربه:وش كان يبي فيها؟؟؟...
هزت ريم كتفها بالنفي ولفت تطالع التلفزيون...أما مريم فكانت تموت وتعرف وش كان يبي بها....
اقدم لكم الجزء الثاني من القصه
الجزء [2] من قصة يا عيونه بس يكفيني عذاب..
......:لا يا يمه كان رحنا معهم مايصير كذا.... هذا اخوي موغريب عني...
ام بندر: وانا امه بس ما رحت معهم......خلاص يابشاير فكيني واللي يرحم والديك....
بشاير بزعل: والله قهر....كان رحنا وش رح يخسرون اليوم الصبح سافروا وبكره الصبح بعد بيرجعون...
ام بندر:زيـــن وانا وش بيدي....
بشاير:كان اصريتي على ابوي إنك تروحين...بعد هذا ولدك ........ خطيبته هذي ماعمرك شفتيها ولا تعرفينها....
ام بندر:حاولت فيـــه بس رفض....وقال المهم تركي يشوفها مو انتي...مش هو اللي بيتزوجها....
بشاير:اوففففف قهر كان ودي انا بعد اروح وأشوفها......بس حسافه إن شالله بالخطبه اروح واشوفها....
ام بندر:يصير خير.....
بشاير بحماس: عاد خالتي عبير ميته عليها تقول أحسن بنت عندها بالكليه هي.....وتقول إنها محبوبة بين البنات وطيبه وحبوبه...
ام بندر: دايم مايلعب براسكم انتي واخوك تركي ومتعب غير هالعبير....
بشاير ولا كأنها سمعت كلام امها وتكمل:وتقول بعد إنها أكبر مني بسنه....الله وناسه وأخيرا بألقى أحد بالعايله بسني...
ام بندر:ليـــــــــه وين الباقي؟؟؟....
بشاير:مين يمه تقصدين....عايشه مرة أخوي بندر اللي ولدها فارس بعمري...او مرة اخوي سارا اللي أكبر مني بثمان سنوات...
ام بندر: عندك فارس....
بشاير :فارس يمه الله يهداك هذا ولد ابي بنت وحده بعمري....تقولين لي فارس....
ام بندر: عندك نوف بنت اختك فاطمه.....
بشاير:يمه نوف؟؟؟....حرام عليك عمرها 14سنه توها بزر....
ام بندر:أي بزر؟؟؟...أنتي أكبر منها باربع سنوات بس ...بالأبتدائي كنت مع بعض....
بشاير: يمه...نوف بزر وانا كبيره عنها...حتى تفكيرها عن تفكيري غيــــــر.....
ام بندر:تدرين يا بشاير إن أختك فاطمه ماهي راضيه على هالزواج....
بشاير:أدري....اصلا من متى كانت فاطمة موافقه على زواج تركي من غير سلمى...
ام بندر: وهي صادقه مافي أحسن للولد من بنت عمه....
بشاير: اقول يمه بلا فاطمه بلا سلمى...تدرين إن اسم العروس شذى؟...اسمها عاجبني واحسها إنها بنوته مثلي وبنصير صديقات
ام بندر: وبعديــــــــــــن؟؟؟....
بشاير بضيق: وش بعدين يمه شكلك زهقتي مني؟؟؟.......
ام بندر: وانتي صادقه هذرة على راسي وبكره لازم اقوم الصباح بدري عشان ابوك واخوك راجعين من السفر....
بشاير بضحكه: قولي كذا....شوق الحبيب لحبيبه....
ام بندر: اقول يله اذلفي عن وجهي...ماتستحين وانتي تقولين كذا....
بشاير وهي عند الباب بتطلع من غرفة امها: لأ....ما أستحي تدرين ليش؟؟؟....لأنك امي وهذاك ابوي....
ام بندر: اقوووول.......
بشاير هربت وصكت الباب وراها....
ام بندر:الله يهديك ويصلحك يا بشاير.........
.................................................. ..........................
في بيت عبير وبالتحديد بالمجلس الخاص بالضيوف...
تركي:الصراحه يا عبير ماتوقعتها كذا.......
عبير بابتسامه:أكيـــــــــد أحلى مما تصورت....صح؟؟؟......
تركي: تبين الجد؟؟؟...الصراحه توقعتها أحلى بكثير مما شفت....
عبير بابتسامه باهته:.......يعني؟؟؟...................
تركي: الله يهداك صورتيها لي ملاك متلبس بصورة انسان....واللي شفته العـــكس....
عبير انبهتت زياده: وبعدين......يعني ماتبيها؟؟؟.......
تركي بحزن مصطنع: الصراحه ابيك تدورين لي حجه كيف انسحب؟؟؟...البنت ذي ما أبيها....أحس دمها ثقيل وسخيفه....
عبير بعصبيه:تبي تنسحب؟؟؟
تركي بحزنه المصطنع:صدقيني الأمر مو بيدي....النفس وماتهوى...نفسي عافت البنت وماأبيها....
عبير وهي معصبه:عفت البنت هاه؟؟؟...أصلا انت ماتستاهل إن الواحد تخليه يدور لك وحده مافيه مثلها ثنتين....وشذى والله وهذا
أنا أحلف إنها بنت مافيه أحسن منها....بس ما أقول إلا إن الله يعطيها اللي أحسن منك بألف مره وجعلك ما تلقى احسن منها...
تركي بعد ما شاف كيف خالته تأثرت قعد يضحك عليها وعلى موقفها بالسالفه...
عبير عرفت إنه كذاب: تكذب علي أنت ووجهك هاه؟؟....أقول لا تمزح معي كذا زين؟؟؟....من جد خرعتني يا الأهبـــــل...
تركي وهو يضحك:أنا أهبل؟؟...بس مقبوله منك يا أخت امي.....
عبير: تركي تكلم جد وش رايك بشذى؟؟؟.....
تركي وهو يعدل جلسته:تبين الجد يا عبير؟...شذى توقعتها أحلى من كذا على حسب كلامك...بس والله إني مرتاح لها وأبيها...
عبير باستغراب: ليه شذى مهوب حلوة؟؟؟....والله إنها تهبل...
تركي يماشي خالته: حلوة ما اختلفنا...بس انتي من وصفك لها توقعتها ملاك...
عبيـــــر: تقصد يا تركي إني مبالغه بوصفي لها...
تركي: بصريح العبارة إيــــه وبقوة بعد....بس لا تخافين شذى أبيها وعاجبتني وداخله مزاجي بعد....
عبير: داخله مزاجك ليه هي كورة؟....
تركي ضحك من كلام خالته ومن تعليقه عليها...
عبير: تضحك....بس يله ما علينا...أبيك تقول لي وش صار معك لما رحت لهم...
تركي:أدري ما عزمتيني إلا عشان اقول لك....
عبير : اخلص علي وقول....
تركي بابتسامته الفاتنه: تآمرين آمـــــــــــر....يا أحلى خطابه شفتها...
وقعد تركي يحكي لخالته وش صار معه لما راح لهم وشاف شذى العروس ووصف لها شعوره ناحية شذى واهلها اللي ارتاح لهم.....
.................................................. ..........................................
في الصباح يوم الجمعه.....
وبالتحديــــــد في بيت ابو بندر....
ام بندر: بشاير شوفي الشغاله حضرت كل شي ترى ابوك وتركي بيوصلون بعد نص ساعه تقريبا...
بشاير وهي تعدل شعرها : لا تخافين مامي كل شي تمام واوكيـــــــــــه....
ام بندر: شوفي بشاير مو اول ما يجي ابوك تنطين عنده وتقعدين تسوين مناحه عشان ما رحت معه...لأنه بيجي تعبان...
بشاير ولا كأنها سمعت كلام امها:يمه شعري كذا حلو؟؟؟....
ام بندر: انتي سمعت اللي قلته ولا لأ؟؟؟....
بشاير: ياحياتي يا يمه...هذا ثالث مرة تقولين لي الكلام نفسه درينا وعرفنا وفهمنا...خلاص اللي يشوفك يقول إني بزر...
ام بندر:أعرفك اول مايجي ابوك تنسين كل اللي قلته...
بشاير: خلاص خلاص فهمنا والله فهمنا....بس ماقلتي لي شرايك بشعري ؟؟؟...
ام بندر: تدرين إني ما احب الشعر الأجعد ...حلاة البنت يكون شعرها ناعم وحلو....مو مثلك كل شوي وانتي تلعبين فيه بهالجل...
بشاير: بالعكــس شعري وهو مجعد شكل احلى ويعطني لوك اجنبي...الشعر الناعم ما احبه...
ام بندر: كيفك....بس هذا رايي...
بشاير:يمه....عزمتي سارا ومتعب على الغدا تراني ما اتصلت عليهم...بس اتصلت على بندر وفاطمه وقلت لهم يجون على الغدا...
ام بندر: لا متعب انا كلمته من أمـــــــس...ورح يجي هو وزوجته ....
بشاير: زين طمنتيني...بعد خفت سارا تزعل مني...
ام بندر: لااا سارا اعرفها قلبها ابيض وطيبه ما تشيل بخاطرها....
وبعد كذا طلعت بشاير لغرفتها وقعدت ام بندر بالصاله تنتظـــــــــر زوجها وولدها وأخبارهم....
.................................................. ...............................
........:ليـــــه مو عاجبك ؟؟؟.....
محمد: ما أدري يامريم احسه مغرور ومتكبــــر...وانا هالفئه ما اطيقها...
مريم: ولو هذا مو سبب....اخوانك وابوك الكل يمدح فيه....
محمد: وش اسوي لهم؟؟؟....الولد هذا مهوب عاجبني وماني مرتاح ازوجه ختي...
مريم: احسن شي لشذى إنكم تزوجونه لها....بيعيشها بنعيم ماحلمت فيـــه...
محمد: الغنى والفلوس موسبب يخلينا نزوجه لاختي.....تركي هذا ما عمرنا شفناه إلا لما جا يخطب...
مريم انقهرت من محمد الكل موافق على تركي حتى شذى اللي ما يعجبها احد موافقه عليه إلا هو وهي ما تصدق متى الفكه من شذى
ام المشــــاكل برايها...
مريم تحاول تقنع محمد:محمد حبيبي...لا توقف في طريق اختك...إذا تبيه خلها على راحتها...موهذا كلامك....
محمد بضيق:إيــــه كلامي...بس ابوي طلب رايي بالموضوع...ورح اقوله اللي بخاطري...
مريم: محمد....قول لأبوك رايي من رايك يا يباه.... والراي المهم للشذى وابوك...
محمد: وأنــــــا...ولا تكونين ناسيه إني اخوها الكبير...
مريم:لأ...مانسيت يا عمري....بس انت كذا بتوقف بطريق اختك....ويمكن تقعد حاقده عليك طول حياتها لأنه ما رح تلقى مثله...
محمد:بس يا مريم هذا ما نعرفه.....ولو نزوجها واحد من اقاربنا أحسن وافضل....
وقعدت مريم تقنع في محمد إلى ما حست إنه مش رافض بس بنفس الوقت مهوب موافق....
.................................................. .....................
كانت الساعه تدق على الواحده ظهرا....
كانت شذى قاعده بالصاله اللي بالطابق الثاني ببيتهم وتطالع التي في وحاطه على مسلسل مصري تابعه، وهي بنفس الوقت سرحانه
بعالم ثاني ولا هي حاسه باللي حواليها....
شذى بخاطرها تفكر بصالح ولد صديقة امها فوزيه اللي كانت بينهم قصة حب ملتهبه بس المشكله كانت إنها من طرف واحد بس اللي
هو من طرف شذى، كان صالح هذا رفيق وصديق الطفوله بالنسبه لشذى، صدق ما كان حلو بس هو في نظرها انسان مافيه احلى و
املح منه، صالح أكبر من شذى بسنتين كان ولد مشكلجي وصاحب هواش وفزعات وكانو كل الأولاد اللي بسنه يخافون منه وهو وحيد
امه وابوه ومع هذا ماكان دلعهم مأثر فيه وكان يعتبر شذى مثل أخته لأن ماعنده اخوات...صـــالح كان ماخذ عقل شذى من أيام
الطفوله إلى أيـــام الصبا...كان في نظرها الحبيب والصديق...بس اللي صدمها لما عرفت إنه ينظر لها كأخت وليس كحبيبه...كانت
تشوف إنه شريك حياتها المستقبليه وإيش أحلى من حياه تقضيها مع صالح...بس اللي جرحها زياده هو لمن قالت أمه فوزيه صديقة
ام محمد إنه مايفكر يتزوج بوحده غير ببنت خاله...ولحظتها عرفت إنه حتى ما يفكر فيها وبكت على حظها الي خلها تحبه
وتعرفه...وحاولت تتنسى حبها الأولاني، وقعدت تفكر بتركي اللي شاغل هو تفكيرها ألحيــن و حياتها معه إذا بتتزوجه...وكيف
رح تقـــدر تعيش بعيد عن أهلها وتصير متزوجه وتترك عالم البنات و أحلامهم وتدخل الحيــــاة الزوجيه.......
وهي قاعده سرحانه ما تحس إلا بصوت أفلام الكرتون على سبيس تون وتطالع إلا بنات محمد ريم ورنا يطالعون التلفزيون....
شذى: من غير القناة وحط على سبيس تون؟؟؟......
ريــــم:مامــا....
شذى: وبعدين مع امكم...ماتشوفيني قاعد اتابع التلفزيون تجي تغير القناة....
وتدخل مريم بهاللحظة وسمعت كلام شذى....
مريم: اولا المسلسل هذا اللي كنت تابعينه انتهى...وشفتك بوادي ثاني والبنات ازعجوني قلت اشغلهم بالتلفزيون ويفكوني...
شذى:اوكيــــــــه خلاص...وين محمد؟؟؟....
مريم: راح المطار من قبل نص ساعه لأن عنده رحلـه لدبي....
شذى:يرجع بالسلامه إن شالله....
مريم:ليـــــــه بغتي منه شي؟....
شذى تبي تقهرها:سالفه خاصه بيني وبينه....
وقامت شذى من الصاله ونزلت تقعد مع ابوها بالطابق اللي تحت، وهي ماكان عندها لا سالفه محمد ولا شي بس كانت تبي تقهر
مريم لأنها فضوليه....
.................................................. .........................................
بالريــــاض ببيت ابو بنـــدر......
وبعد ماقام الكل من الغدا....
فاطمه لأبوها: مشالله عليك يباه رحت خفيف انت وتركي ورجعتوا خفاف....
ابو بندر: إيــــــــــــه يا بنتي كذا أحسن و أفضل في امور مثل كذا.....
فاطمه: بس ما كأنكم استعجلتو شوي بالروحه...كان سألتوا عن البنت زياده وعن اهلها...
و خزها تركي بقوة على كلامها...
فاطمه تكمل: أنا قلت شي غلط يا تركي؟؟؟....
تركي:إيــه لأن خلاص خطبنا وقضينــا....فكلامك هذا ماله داعــــي...
عصبت فاطمه من كلامه: تركي...انا ماقلت كذا إلا عشان مصلحتك......
تركي:اقـــــول كلامك مامنه فايده....فعشان كذا ياليت تسكرين هالسيــــرة....
فاطمه بعصبيه: تراني اختك....ومصلحتك تهمني...وأنا ماقلت كذا إلا عشان بعدين ماتتحسف او تقول إنك استعجلت...
تركي:آسف يافاطمه ولا تزعليـــن...وإعرفي إنك عزيزة وغاليه بس هالكلام من جد مامنه فايده....
يتدخل متعب:بس أما يا تركي شذيت عن القاعده وأخذت وحده من برا العايله.....
فارس:وانت صادق...الصراحه ياعم تركي...أنا معك في إن إحنا نضخ دماء جديدة في العائله ونغير شوي وناخذ من برا...
وقعد الكل يضحك من كلام فارس ولد بندر....
تركي بابتسامه: سمعت يا فاطمه هذا الكلام ولا بلاش.....
متعب بمزح: مافيــــه ...فارس ياخذ بنت عمه نجود اللي هي بنتي....
ابو فارس بندر: عزالله كدينا خيــر إذا بزوج بنتك ولدي...بنتك هذيك ولد اعوذ بالله مو بنت قشرا ومفترسه...
متعب وهو يمدح بنته:أقول لا يغركم مظهرها من برا تراها كلها نعووومه ورقه...
ابو بندر: ما علينا ألحيـــن من انجود المهم....ترى إذا تركي بياخذ بنت ابو محمد بتصير الخطوبه بعيــد الأضحى والزواج بالصيف..
ابو فارس: مشالله يباه اتفقتوا بعد على كل شي....كان جبتوا البنت معكم مرة وحده...
تركي:بندر اقول اترك عنك الطنازة انت ووجهك....ابوي نفسه بكذا.... الخطبه بعد شهرين بعيد الأضحى والزواج بالصيف...
متعب:أنا اقول بعد كذا أحســــــن...إذا ردوا بجواب اهل العروس اتفقوا معهم على كذا...
تركي وهو يناظر اخته فاطمه اللي حس إن الكلام مو عاجبها: وش رايك يا فاطمه براي ابوي؟؟؟....
فاطمه من غير نفس:وش لي كلام وراي من بعد كلام ابوي...اللي يبيه ابو بندر يصير.....
ابو بندر:بارك الله فيك يافاطمه وانا دايم اقول ماحد في الحريم مثل فاطمه......
تركي بابتسامه خبيثه:اقول فاطمه....وين ناصر عن الكلام هذا والمدح عشان يسمعه....
فاطمه بثقه: تطمن ناصر يعرف مكانتي زيـــن.....
.................................................. ...............................................
سارا:هاه بشاير وش قال تركي عن العروس لمن شافها؟؟؟.....
بشاير: تركي هذا لعين يوم سألته عن شكلها وأوصافها ما جاوب علي طنشني وقال لي باختصار إنها حلوة وعاجبته....
سارا:اسمع خالتي ام بندر تقول إن عبير هي اللي دلتكم عليها وإنها مستخفه على البنت وهي اللي قعدت ورى تركي لين خطبها...
بشاير:إيه صادقه امي...بس تركي بعد يوم راح دورته العسكريه اللي بالشرقيه شاف اخوها وتعرف عليه عن طريق زميل له....
سارا بتعجب: سبحان الله...صدفه خير من ألف ميعاد...
بشاير: فاطمه اختي مهوب راضيه....وكانت تبي لتركي سلمى بنت عمي اخت عايشه مرة بندر اخوي....
سارا: لا وش يبي بسلمى...سلمى ألحين بالأردن مع اخوها تكمل دراستها بالكيميا وتبي تصير ياحظي دكتوره فيها...
بشاير: بيني وبينك أحسن خل تذلف سلمى ما أطيقها ولا أحبها....مغرورة بعمرها ودراستها خليهم ينفعونها....
سارا:لا تقولين كذا هذي بنت عمك.....
بشاير: روحي زين...أصلا هي ترد المعاريـس من زمان عشان حجة هالدراسه والقرف حقها....
سارا: بس بيرجعون بعد سنه وهي مشالله عليها بتصير الدكتورة سلمى...يعني هي مهوب هينه...
بشاير: ما علينا من هالسلمى....تدرين عن مرة تركي اسمها شذى؟؟؟....
سارا:إيــــه اعرف تو خالتي ام بندر قالت لي....اسمها ناعم ودلوع....
بشاير قعدت تضحك من سارا....
سارا: ممكن اعرف وش اللي قلته يضحك....
بشاير بضحكه: وش دلوع؟؟؟....اول مره بحياتي اشوف اسم دلوع....
سارا بابتسامه: وانتي انشالله تقعدين تعلقين على كل كلمه اقول لها....انا اقصد إنه اسم دلع...
وهنا دخلت عليهم عايشه مرة بندر وسكتوا....
عايشه لبشاير: مبروك يا بشاير على خطبة تركي....
بشاير:الله يبارك فيك...وعقبال ولدك فارس...
عايشه:آمــــــــــــــين....
وقعدوا يسولفون سارا وبشاير وعايشه بمواضيع ثانيه ....عشان عايشه أخت سلمى معروف إنها كانت تتمنى إن اختها تتزوج تركي
بس الأمـــور سارت عكس هواها وهذا الشي قهرها....
الجـــزء الثاني....
كان ابو محمد وعيالــه الثلاثه محمد وخالد وسعــود وام حمد كلهــــم مجتمعيــن بالمجلس عنده بالبيـت...
عشـــان ياخذ ابو محمد رايهم بزواج شذى وخطيبها تـركـــي....
سعود: الصراحـــه يا يباه انا ماعندي مانــع من تركي مادام الكل يمدح فيـــه وهو مشالله عليه مبين إنه رجل بمعنى الكلمه...
ابو محمد:يعني يا سعود مانت معترض على زواج اختك شذى من تركي؟؟؟
سعود: وليه اعترض...مشالله رجال ينشد الظهر فيه...والراي رايك يا بومحمد انت والوالده....وصاحبة الشان شذى...
خالد: حتى انا يا يباه ماعندي أي اعتـــراض بالعكس،ناس يشرفون....
ابو محمد وهو ناظر ولــده محمد: هاه يا محمد وش رايك؟؟؟....عندي احساس يقول انت مهوب راضي على تركي...
محمد: الراي رايك يابو محمد....اللي تقوله يصيـــر...
ابومحمد: لا...بس رايك يهمني، اخوانك كلن قال رايه وانت بعد قــــول رايــك؟...تراه يهمنا كلنا...
محمد بغى يقول اللي بخاطره بس تذكر زوجته مريم وكلامها له وكيف إنه بيوقف في طريق اخته شذى إذا اعترض لأن ابوه دايم يقتنع بشوره
ورايه،وفي نفس الوقت حس إن اهله يبونه وإن شذى تبيه وماحب إنه يخرب عليهم...
محمد: تركي ما ينرفض يايباه....وإذا شذى تبيه على بركة الله...
ام محمد:الله يوفقك يا محمد...الصراحه كلامك عيــن العقل وكنت اشوف وش كنت بتقول لأني اثق برايك وكلامك...
خالد:هالله هالله يا يماه...عشان محمد ساكن عندك تقولين كذا وانا ما كأني ولدك ولا كأن كلامي يهمك...
سعود: ما عليــك ياخالد من الوالده...الله لنا....
ام محمد بابتسامه: لا والله بالعكس رايكم كلكم يهمني...بس لأن محمد الكبير وبكري بعد... فلازم اعرف وش رايه ولا كلامكم كله صح...
ابو محمد بجديته المعروفه:أقـــــول يام محمد أنتي وش رايــك بالموضوع؟...
ام محمد:اللي تشوفونه...انا ماعندي مانع و الخيـــر في المكتوب إن شالله...
ابو محمد:إنشالله...عاد انا باكلم ابو بندر وأرد لهـــم خبر عشان نحدد باقي الأمـــور...
محمد:يعني يباه شذى موافقه؟؟؟...
ابومحمد:أكيــــد رايها الأول....امك سألتها وانا كنت جامعكم عشان أشوف إذا أحد عنده اعتراض او لأ......
سعــود بابتسامه:والله وكبرتي ياشذى وصرتي عروس؟؟؟....
ام محمد:سبحان الله ما اسرع الأيـــام.....
*******
وببيت خالد أخـــو شذى...
كان خالد وزوجته مها قاعدين بالصاله يتابعون التلفزيون....
خالد وكأنه مل من الفيلم اللي يطالعونه:أقــــول مهاوي...وش اخبار عمي والله من زمان عنه...
مها وهي تناظره:والله هذا من كثر ماتكلمه مشالله عليك....
خالد وهو يمدد رجله :تدرين والله مشغول وماني فاضي...
مها:أنــا ما قلتلك رح زوره بالجبيل...قلت تكلمه بالجوال كلها خمس دقايق ولا خايف على فاتورتك؟؟؟...
ابتسم خالد من كلام زوجته وقال:يعني انا بخيل؟؟؟...بس الحق معك والله خليني اكلمه الحيــن...
وياخذ الجوال ويدق على عمه...ويلقى الجوال مغلق...وحاول كذا مرة ويطلع الجوال مغلق...
خالد يناظر مها بقلة حيله: الجوال مغلق...
مها:أكيد ألحين تتعذر لي بهالعذر....حاول مرة ثانيه دق عليه بوقت ثاني...
خالد:إيه بدق عليه بوقت ثاني...بس تدرين جهزي نفسك على الأسبـــوع الجاي نروح الجبيل زيارة لأهلك...
مها والفرحه طايره من عيونها:والله؟؟...من جد تتكلم خالد نروح لهم...
خالد:إيـــــه اتكلم من جد...وش فيك ماتصدقيني يعني؟؟؟....
مها:إلا مصدقتك...بس هاه مو قبل السفر بليله تأجله وتقول عندك شغل وما أدري ايش عندك...
خالد بابتسامه:لا إنشالله مايصير عندي ظروف ونروح لهم....بس عندي شرط...
مها: وشو؟؟؟...
خالد:بنروح لهم الأربعاء بستأذن من شغلي ونروح لهم...بس كلها يوم واحد ماتفشليني هناك وتطلبين ننام عندهم...
مها: خلاص ولا يهمك اللي تبيه بيصير....بس تدري خلني أدق على اخواتي وأبشرهم...
خالد:لا خليهم مفاجأه أحســـن....
مها بفرح: وأنت الصادق....مفاجأة احسن...
خالد:إلا ما سألتيني وش صار اليوم لمن دعاني أبوي عنده...
مها وكأنها تتذكــر:إي صح نسيت أسألك وش صار...أكيد عشان زواج شذى صح؟؟....
خالد:إي صح...
مها:يعني يبي ياخذ رايـــكم بالموضوع؟؟؟...
خالد:إيـــه ،طبعا الكل موافق...أمي سعود ابوي وحتى شذى أمي تقول إنها موافقه...بس محمد...
مها باستغراب:وش فيه محمد؟؟..
خالد وهو يفكر:أحس إنه مو موافق...كأنه متردد...حتى ذاك اليوم لمن جا ابو بندر وتركي...أحس إن محمد مهوب عاجبه تركي...
مهــا:يعني محمد معتـــرض؟؟؟...
خالد: مو معترض...لمن سأله الوالد ما قال إنه موافق...قال اللي تشوفونه...غريبه من محمد عمره ماكان سلبي كذا وماله راي...دائما رايه
يمشي...عند أبوي...تدرين لو قال محمد مانبيه ارفضوه...ابوي بيرفضه....
مها:غريبـــه من محمد....
خالد:بسابوي بيرد لهم خبر إن إحنا موافقين عليهم....
مها:إيـــه....لهم من خطبوا وجو الشرقيه أسبوعين وأكثـــر....
خالد:ما أصدق شذى بتتزوج....والله كأني أذكرها باقي مالبست العبايه صغيرة كأنه يوم أمس...
مها:إي والله حتى أنا...بنفقدها...
كان خالد ومها كأنهم اصدقاء مو بس أزواج يسولفون مع بعض وياخذون راي بعض في أبسط الأمور ولو تكون تافهه وعلى كذا دايم متفاهمين
ونادر مايجي واحد منهم ويزعل الثاني...وتجمع بينهم طيبة قلبهم وطولة بالهم...
*******
كانت شذى و سعود قاعدين بالصاله عندهم بالطابق الاول...
شذى: ياربـــــــي وبعدين معك....متى توديني السوق لي يومين وانا أطر منك...
سعود وهو يلعب بجواله:نعم خيـــــر وش تبين؟؟؟....
شذى بضيق: أنت ماتفهم عربي...أقولك ابي السوق...
سعود:زين وأنا إيش دخلني إذا تبين السوق....
شذى مقهورة: يا أخي عليك برود ماشفته على أحد....أبيك توديني السوق فاهم؟...
سعود وهو يطالعها:أنــا أوديــك؟؟؟....لا اسمحيلي اليوم بطلع مع أخوياي معزوم...
شذى:لاااا إلعب على غيري دائما تقول(وتقلده) ...أبطلع اليوم مع اخوياي...أنا معزوم عند أخوياي....
سعود يبي يقهرها: اعذريني اليوم باطلع وبكره واللي بعده ؛خويي سلطان جاي الشرقيه من الرياض ...اللي كان معي ببريطانيا يدرس...
شذى:أوكيه إذا أنت لهالدرجه مو قادر تأجل موعدك كذا خذني معك وقطني بالسوق ولمن تخلص مر علي وخذني من السوق...
سعــود بطنازة:باللــه؟؟؟....تصدقين فكرة...
شذى:تتطنـــز؟؟؟...
سعود بجديه:طبعا أتطنز أنتي ووجهك تتكلمين من جد ،حلوة هذي أخليك بالسوق لحالك...
شذى:حبيبي ماأحد يوديني السوق غيرك...
سعود:وانا يوم كنت أدرس من كان يوديك؟؟؟...خلي محمد ولا خالد ياخذونك السوق مشالله كل واحد فيهم مثل كبر الباب...
شذى:هذول متزوجين وعندهم حريم وعيال...أنت عزابي لاعندك شغل ولا حرمه ولاعيــال بمعنى أصح فاضي ماعندك إلتزامات...
سعود بطنازة:حلوة إلتزامات ذي،بس تتطنزين علي ياشذى؟ الأسبوع هذا كله مافيه سوق وخلي غيري يوديك اوكيـــه؟؟....
شذى:عـــادي آخذ تاكسي وأروح يعني ابد متكسرة انا عندك...
سعود وهو يقوم ويحط جواله بجيبه:تاكسي أنتي ووجهك هاه؟عشان وجهك هذا أغير معالمه وزين إذا تذكرتي إن اسمك شذى...
شذى مقهورة:............
سعود وهو طالع عند الباب:سي يو.......
شذى بعد ماطلع أخوها:اقلب وجهك ياالنذل...تهدد مالت عليك يا الخايس يعني أبد متقطعه أنا عندك...
وقامت وشغلت التلفزيون وقعدت تطالع فيـــلم أجنــبي....من الزهق اللي هي فيه....
كانت مريم وبناتها عند أهلها طول هذاك اليوم،وام محمد عند صديقتها فوزيه ام صالح....وابومحمد معزوم عشا عند صديق قديم له...
*******
بالريــــاض...الليل الساعه عشر...
بشــاير:أقــــول تـــركي...
تركي وهو يقرا المجله:نعـــم....
بشاير:وش رايك لو تكلم أمي....
تركي بدون مايرفع عينه :في إيــش اكلمها؟؟؟....
بشاير:في إنها تخليني أروح عند صديقتي مرام...
تركي ومايزال مطنشها:ليه هي رافضه؟؟؟....
بشاير بضيق:إيه رافضه....
تركي يقرا:خلاص مو لازم تزورينها...
بشاير بقهر:زين ياخي على الأقل عبرنا،طالع فينا شوي إيش هذا؟؟؟.... ما أحب اكلم أحد وهو ملتهي في شي ثاني...
تركي توه يرفع عيونه يطالع أخته:نعم إيش تبين؟؟.....
بشاير بهدوء:تركي كلم أمي الله يخليك،البنات كلهم مجتمعين عندها بعد بكره وأمي رافضه هالشي بتاتا إني أروح...
تركي:ليـــــــه رافضه؟...أكيد قلتي لها شي يزعل او إنك سويتي شي...
بشاير متردده:تقريبـــا...بس أمي الله يهداها زعول...بسرعه تزعل...
تركي رجع يقرا المجله وطنشها....
بشاير بقهر:تـــــــــــــركـــــــــــــــــي....
تركي يناظرها:خير وش تبين...
بشاير : ابيك تكلم امي...
تركي ببرود:آسف أنا مالي دخل بينكم انتي وامي...
بشاير:تكفى الله يخليك....
تركي:زين انتي مع هالوجه إيش سويتي علشان تزعل...
بشاير:لأني رفضت إني اروح معها بيت خالي المصون اللي هو أخوها وقلت قرف ما ابي اروح لهم لأنه ببيت خالي تجيني الغلقه...
تركي:وبعدين...
بشاير تكمل:بعدين امك زعلت ومارضت اقول عن اخوها كذا،فقالت لي ترضين احد يقول عن بيت اخوك متعب كذا قلت بطنازة وبمزح طبعا
إنه عادي عندي إذا احد قال كذا عن متعب وبيته وبالعكس رح أشجعه فزعلت وانقهرت مني فقالت لي:أنا ماني ام بندر إذا رحتي لخويتك..
تركي بابتسامه:عشان كذا رافضه...بس ليه زعلتيها كان رحتي مجامله لها...
بشاير:ياخي طول عمري وانا اجامل قلت بس هالمره...بس طلعت امك ياي ماعندها ديمقراطيه....
ابتسم لها تركي وقال:الصراحه كسرتي خاطري،بس اعذريني مااقدر اكسر كلمة امي...
بشاير:بس امي تعزك ولو كلمتها انت... وجيت واعتذرت انا لها بتوافق....
تركي:اولا تستاهلين لأنك رفعت ظغط امي ثانيا ما أحب اتدخل ثالثا تراني اقدر اخليك تروحين بس كذا منذله مارح اكلم امك على قولتك...
بشاير:بليـــــــــز تركي...
تركي:خلاص اقلبي وجهك مارح اكلمها...
بشاير:بس انا اختك الوحيده...
تركي:ووحده كبر امك اسمها فاطمه وين راحت...
بشايربرجاء:طالعني انا بشورة أختك اشاركك البيت وفاطمه هذي متزوجه وعندها عيال وتاركه البيت من يوم انا وانت صغار،انا اختك الصغيرونه
تركي بجديه:أنتي هيه لا تتمسكنين...ما رح اكلمها....
بشاير:ليه خايف تكسحك وترفض؟؟؟.....
تركي بثقه:لو انتي مو متأكده إن كلمتي عند امي ماتطيح ماكان كلمتيني يا الهبله بس على كلامك ذا مارح اكلمها....
بشير بتوسل:تكفى تركي الله يخليك...
تركي:لأ....
بشاير بابتسامه:زين وإذا قلت عشان خاطر شذى كلمها بس.....
تركي وهو يبحلق فيها بعيونه:وش دخل شذى ألحين...
بشاير تزيدها:الله يخليك زين موعشاني انا اختك اللي أدري انك تموت فيني وعلي...
تركي بطنازة:إي موت انا احبك...
بشاير:بس عشان خاطر البنت الأمورة اللي تنتظرك بالشرقيه وقطعت الصحاري والفيافي عشانها وعشان تطلب يدها من السلطان...
قعد تركي يضحك من كلامها...وبعدها قال:خلاص بشاير باكلم أمي بس هاه هذي اخر مرة تطلبيني بشي اسمه شذى ولا ترى اذبحك...
بشاير:اوكيه اخر مرة...بس هذي يسمونها غيره؟؟؟...
تركي وهو راجع يقرا المجله:لأ ...يسمونه الغلا...
بشاير وهي قايمه:بدينــــا....
تركي يخزها.....
بشاير وهي فرحانه وقايمه من عنده تبي تبشر صديقاتها:آسفه على كلمتي ...بأسحبها...
وطلعت تركض لحجرتها...
تركي بخاطره ((من جد هالبنت هبله إذا اندلت على شي تعلق فيه))....
ورجع يكمل يقرا المجله الي ماخلته بشاير يقراها زيـــن....
*******
وبالخبر كان سعود وخويه سلطان قاعدين بستار بكس....
سعود بابتسامه:هاه شرايك بالشرقيه...ماتغيرت للأحسن؟؟؟...
سلطان:وأنت صادق...طالعه أحسن وأحلى من الأول....
وقعدوا يسولفون وياخذون أخبار بعض خاصه إن لهم سنتين ماشافوا بعض......
وبعدها قال سعود:الصراحه ياسلطان في سالفه ودي أفاتحك فيها بس خايف...
سلطان:لا وش دعوة...قول اللي بخاطرك إحنا أخوان وأكثر...
سعود بتردد:ولا تزعل؟؟...
سلطان:ولا آخذ بخاطري بعد...
سعود:الصراحه ياسلطان الآسباب والاعذار اللي خلتك تقطع دراستك في بريطانيا وترجع السعوديه مهيب مقنعتني واحس إنــك...
ووقف سعود عن الكلام ويبي يشوف تعابير وجه خويه سلطان إذا ماشيه معه ولا لأ...
سلطان:كمل كلامك وش فيك وقفت؟؟؟....
سعود:أحس إنك تخبي وراها أسباب ثانيه،يعني بالله عليك سبب إنك تخلي دراستك وباقي لك سنه ونص وتاخذ الشهاده عشان إنك اشتقت
للسعوديه ولأهلك وحنينك زاد لهم....
سلطان بدفاع عن نفسه:يعني الواحد مايشتاق لأهله؟ لبلده؟....
سعود وهجومه زاد:لأ مو كذا ياسلطان،كلنا اللي معك إشتقنا لأهلنا حتى زياد أذكر كان والله بالليل يوم عيد الفطر يبكي وكأن ميت له احد
منة كثر مااشتاق لهم،بس إحنا بغربه كلنا مو لوحدك،وبعدين رجعتك كانت غريبه ياخي حتى وداع ماودعتنا ولا تركت لنا خبر ومادرينا
إحنا أخوياك اللي معك بالشقه إنك سافرت إلا لمن دقيت علينا وقلت إنك وصلت السعوديه وحتى الجامعه فصلتك،ورجعتك كانت غريبه...
سلطان مارد وقعد يطالع بسعود وهو يشرب قهوته....
سعود:لأنك كنت متفوق وشاطر،ولأن طموحك كان أعلى من كذا،أذكر إنك كنت تقولي تبي منصب يهز بلد....وإنك كنــ...
سلطان يقاطعه بسخريه:من كثر الوظايف ألحين...
سعود وهو يشرب قهوته:لا بس بشهادتك كنت تقدر تسوي اللي تبيه وفجأة رجعت كذا وبوظيفه اسمح لي أقول إنها صغيره بحقك،إنك تشغل
بشركه خاصه وبراتب ضئيل...
سلطان وهو يطالعه:وبعدين وش عندك؟؟؟؟....
سعود وهو يشد على يد سلطان:سلطان أنا خويك وماحد يعرفك بالشله كثري، فضفض قول اللي بخاطرك وصدقني بترتاح وتريحني معك...
سلطان وهو يناظر سعود:لهالدرجه يهمك أمري؟؟؟...
سعود بجديه:وأكثر مماتتصور،صدقني ياسلطان إنت اخوي اللي ماجابته أمي....
سلطان:باقولك ياسعود،بس ياليت الكلام مايطلع لأحد....
سعود بشدة:أفا بس ياسلطان عيب عليك هالكلام،كلامك في بير ماله نهايه...
سلطان بحزن:سامحني ياسعود،بس اللي فيني يهد الصخر...
سعود يناظره:قول يا سلطان اللي مضيق عليك انا كنت متوقع وراك شي....
وناظره سلطان بحزن،وقعد يحكي له همومه وش اللي صار معه وسعود كان منصدم من اللي قاله سلطان...
حتى نسى إنه يبشره بخطبة أختـــه شذى....
*******
ام بندر:لأ يا تركي...مارح أخليها تروح عقابا لها على كلامها على بيت خالها...
تركي:وإذا قلت ياام بندر عشاني هالمرة بس،هي قالت لي ماكان لها نفس تطلع من البيت هذاك اليوم مهوب بس بيت خالي اللي ماتبيه...
ام بندر:طيب وبعدين....
تركي :خلاص عديها لها هالمرة عشاني وبعدها سوي اللي يريحك...
ام بندر:تركي سامحني ما أقدر،خلها تتأدب...
تركي:يمه أفا انا مالي قدر عندك أطلبك وترديني؟؟؟...
ام بندر تراضي ولدها:ولا تزعل تركي،خلاص هذي المره سماح بس هاه لاتعيدها...
تركي يبتسم لأمه:ياحياتي والله يا يمه، وعلى كذا بأجيب بشاير تعتذر لك...
ويطلع تركي من غرفة أمه وراح ينادي بشاير من غرفتها...
تركي يدق الباب على غرفة بشاير:بشاير...بشاير...افتحي الباب...
وتفتح الباب بشاير و كان فيها النوم:نعم خير تركي بغيت شي؟؟؟...
كانت مرتبكه وخايفه لأن تركي عمره ماجا يدق الباب عليها هالوقت لأن الساعه 12 الليل.....
تركي وهو يتسند على الباب:لا يا حلوة،جيت اقولك روحي اعتذري لأمك عشان تروحين لصديقتك مرام...
بشاير والنوم طارمن عينها: كلمت أمي؟؟؟...
تركي وهو رايح لغرفة أمه: الحقيني يلا روحي اعتذري لها...
بشاير وهو تمشي وراه: أظمن يا تركي إنها موافقه؟؟؟...
تركي :إي افا عليك بس ترى واسطتك مهيب هينه...
ودخل تركي ومعه بشاير لغرفة امه ام بندر....
تركي وهو يأشر على بشاير: وهذي هي جايه تعتذر لك عشان تسامحينها....
بشاير راحت تبوس راس امها وقالت لها: آسفه يمه بس كانت نفسي ذاك اليوم منسده...
ام بندر:ماعلينا،بس ترى عشان تركي سامحتك...
بشاير بترد على كلام أمها إلا أشر لها تركي تطلع وتقول لها تصبحين على خير....
بشاير:تصبحين يا يمه على ألف خير...
ام بندر:وأنتي من أهله....
تركي:تصبحين يا الغاليه على ألف خير...
ام بندر:وانت من اهله يا الغالي...
وبعدها طلعت بشاير وتركي من غرفة ام بندر....
بشاير:مشالله عليك ياتركي امداك؟؟،مالي من كلمتك ساعتين...
تركي:قلت لك خلاص يعني خلاص بتروحين لخويتك...
بشاير:صدق دهنت سيري عند الوالده بسرعه...
تركي:اقول يله انتي بعد تصبحين على خير ورانا بكرة دوام...
بشاير وقفت لأخوها وضربت له تحيه عسكريه وقالت:تصبح على خير أيها الضابط....
طالعها تركي وقال: زين يله وانتي من أهله...
وراح لغرفته ينام،لأن بعد ماكلمته بشاير دق عليه رفيق عمره طلال وطلعوا هم بعد لمشوار ساعتين وتوه راجع....
*******
كانت الساعه وحده بالليل وتو سعود راجع البيت وهو مهوب طايق يشوف أحد....
كان يفكر في كلام سلطان صديقه،مو معقول اللي يقوله...كل هذا صار لسلطان وأنا ما ادري...((ونعم الخوي والله انا له)) كان كذا يقول عن نفسه
باستهزاء وسخريه...لأن كان لسلطان معزه خاصه بقلب سعود،،،
شذى كانت قاعده مع أمها ام محمد بالصاله يسولفون وسمرانين وماخذين راحتهم لأن مريم ماكانت موجودة،ويدخل سعود بهاللحظه
وقعد يناظر أمه وأخته شذى...
ام محمد:هلا والله بسعود...وينك للحين؟؟؟....
شذى بلقافه:وين يعني...معــزوم كالعادة...الأخ مشالله بزنس مان مهوب فاضي...
سعودبعصبيه:جب زين تتطنزين مع هالخشه...
ام محمد:بسم الله عليك وش فيك كذا معصب،أختك تمزح ماقالت شي...
سعود وهو داخل غرفته وماله نفس يطالع بوجه احد:تصبحــون على خيــر...
ودخل وام محمد تطالع بنتها شذى بإستغراب...
ام محمد:وش فيه سعود معصب وزعلان كذا؟؟؟....
شذى:والله ما أدري عنه...أكيد ألحين متهاوش ولا زعلان مع واحد من شلة المحبه أصدقاه...
ام محمد سكتت وماعلقت على كلام شذى اللي تتطنز فيه على أخوهــا....
قعدت تفكر في سعود إيش فيه،،،دايما ولو يكون زعلان ما يدخل بهالطريقه دائما يسلم ويبتسم لها....
*******
وفي الكليه الصبــاح....
ريم: شذى قومي يللا خلينا نروح الكفتيريا أنا جايعه موووت...
شذى وهي تطالع ريم:أنتي هيه يالهبله،تراك انتفختي هاليومين،بسك أكل...
ريم بدهشه:حــــرااام عليك،أنا متنت...ولا تقولين هالكلام عشان إنك أضعف مني وجسمك أحلى مني...
شذى بغرور:من ناحية الجسم لا تتكلمين ولا تقارين نفسك فيني،بس من جد يا ريم أحس إنك زايده كم كيلو....
ريم:لا ما أتوقع إني زايده يا حلوة،يمكن تظنين كذا لأني القميص اللي لابسته الأبيض هذا مقلم بالوردي بالعرض فصاير مزودني كم كيلو...
شذى:على بالك ما أشوف،بس ولو أحسك زايده كم كيلو خففي ياشيخه مو كل ماتحسين إنك جايعه تروحين ركض تاكلين...
ريم وهي تقوم:اقول اذلفي عن وجهي والله بروح أشتري لي فطيرة مع بيبسي...
شذى تقاطعها:بيبسي لا يا الهبله يساعد على السمنه...تو جسمك يحلو هالسنه ترجعين تخربينه...
ريم بلا مبالاه: شذى أنتي ووجهك لاتسوي لي فيها أخصائية تغذيه ويعني إنك فاهمه ترى كلنا ندري ،بس أنا اقاطع الدنيا كلها إلا البيبسي
شذى:براحتـــك...بس هاه تراني بروح للشله تلقيني عندهم...
ريم وهي رايحه: وانا بروح مع ضحى ورفيقتها ينتظروني هناك...
شذى قامت وتطالع ساعتها باقي على المحاظرة الثانيه ساعه إلا ربع...وهي سنه ثانيه ملت من الدراسه،بس يلله مابقى إلا سنتين هانت كانت
كذا شذى تواسي عمرها خاصه إنها مو رتاحه مرة للقسم اللي هي فيه((لغه عربيه)) بس دخلت عشان أغلب شلتها فيه....
وهي ماشيه دقت جوال على أمل...
أمـــل:هــــــــلا والله بهالصوت....
شذى بضحكه:هلا بالمهلي هلا...
أمل:وينك من زمـــان عن هالصوت،أول ماشفت اسمك بشاشة الجوال ماصدقت...
شذى:ليــــــه حرام عليك،والله إني دايم اسأل عنك...حتى إني الحين داقه أسال وينك ودي اقعد معك انتي والبنات...
أمل بفرح:والله؟ حياك إحنا في مكانا القديم لا تغير ولا شي .....عاد أبيك تقولين لنا بالتفصيل اللي يجيب السكته عن خطبتك...
شذى بضحكه:أووووه منكم يا البنات تبون تعرفون كل شي... يلا سي يو...أنا جايتكم...
وسكرت شذى وكان مكان شلتهم شوي بعيد...
وشذى ماشيه حست بعيون تراقبها فخاطرها(وبعدين مع هالمعجبات)<<<البنت واااثقه...
كانت اللي تطالعها عبير،حست شذى بعد كذا إنها عبير: ياربي على الإحراج والله فشله أروح أسلم عليها بس أخاف تظن إني فرحانه بولد
أختها أو أطنش بس بعد فشيـــله مو من الذوق اطنش...وبالذات عبير...
وبعد مد وجزر وتفكير قررت الخيار الثاني اللي هو تطنش ولا كأنها شافتها او لمحتها....
كانت عبير تطالع شذى ومنبهرة منها... البنت هذي تحبها حييييل ودخلت قلبها من أول ما شافتها...
كانت شذى لابسه تنورة جينز ميدي فوق الكعب بشوي والجينز كان شوي باهت لونه،مع تي شيرت أورانج روعه من زارا وجزمه سبورت
من نايك لونها سماوي مع جوارب برتقاليه قصيرة، وشعرها كان مرفوع بطريقه مهمله مع خصل مجعده نازله من على ألاطراف وعلى وجهها
وكان مكياجها ناعم وحلو غلوس اورانج مائي مع بلاش اورانج كانت حاطته بطريقه دائريه أبزرت فيه حلاوة خدودها المدورة طبعا مع
الكحل العربي اللي داعجه عيونها فيه بطريقه جذابه ولابسه عدسات بحريه وطالع شكلها روووووعه...
عبير بهاللحظه خطر على بالها تدق على تركي...وبالفعل دقت عليه...
تركي:هلا والله...
عبير بابتسامه:هلا بولد أختي هلا بالعريس ...
تركي وهو يكلم اللي عنده:خلاص أنتوا اطلعوا وبعد شوي بلحقكم...
عبير:تكلمني؟؟؟...
تركي:لا أبد اكلم اللي عندي...
عبير: تركي...خف على الجنود شوي أحس إنك جلف وجاف معهم...
تركي بجديه:شوفي حبيبتي العسكريه كذا شده وغلظه ما فيها يمه ارحميني،هذي يا حلوة تعرفين وش يسمونها؟؟؟..
عبير:وش يسمونها؟؟؟...
تركي بثقه:هذي مصنع الرجال،هذي الشده والقوة...
عبير تغير السالفه:ماعلينا أنا مادقيت عشان كذا،بس بغيت اقولك إن شذى هذي هي قدامي...
تركي:والله؟؟...
عبير:إي والله هذي هي ماره من عندي قبل شوي تهبل لابسه اورانج طالعه قمر...
تركي:أكيد...بس سؤال طالعه مغرورة هي او لأ؟؟؟..
عبير:شي مهوب هين شذى...ماتعطي أحد وجه، تصدق قبل شوي مرت من جنبي ولا طالعتني...
تركي:ياويلي على هالغرور...كل هذا كبر فيها...
عبير:لااا...بس أكيد ما انتبهت لي...ولا هي اول كل تلمحني تجي تسلم علي...بس بغيت أخبرك فيها...
تركي:ياحبي لها تهبل...تدرين أبيك توصفين لي شكلها يا عبير...
عبير:اوصفلك شكلها...((وتقلد المصريين))ده بعدك...
تركي بعصبيه:أجل ليه داقه علي أنتي ووجهك؟؟؟....
عبير:كذا...تقدر تقول عبط...
تركي:اوكيه عبير بس مارح انساها لك...تدقين على كذا تبين تشوقني بس...
عبير:وانا تراني...
يقاطعها تركي:خلاص خلاص درينا إنك عبير يلا باي عندي شغل وتدريب وأنتي معطلتني...
عبير:زين يا تركي مسوي لي فيها شخصيه مهمه...
تركي ضحك من خالته اللي يعزها: إي شخصيه مهمه عندك مانع؟؟؟...
عبير من غير نفس: بـــااااي...
تركي:بايات....
وبعد ما سكرت من تركي تنهدت فخاطرها تقول((يا حبي لهالتركي على غروره وثقتهة الزايده بس حبيب))...
********
وبعد هذا اليوم بيومين دق ابو محمد على ابو بندر يبلغه موافقتهم وإنه يشرفهم مناسبتهم والزواج منهم...
ابو بندر لتركي:أبشر بعزك يا تركي اهل العروس وافقوا...
تركي:والله ...الله يبشرك بالخير...
ابو بندر:الصراحه توقعت ردة فعلك أكبر من كذا...
تركي:بس انا كنت واثق إنهم بيوافقون...
ابو بندر:تركي...ترى الغرور مهوب زين...
تركي بجديه:المسأله مهيب غرور يابو بندر قد ماهي ثقه بنفسي وبمكانتي وإني ما انرد...
ابو بندر:ما اقول غير الله يصلحك يا تركي...
تركي:آميــــن....
ابو بندر: اجل إستعد الاسبوع الجاي نروح الشرقيه ونتفق معهم على كل شي...
تركي بحماس:اللي تامر به يا يباه...
ويدق جوال تركي...
تركي: هلا بمتعب...
متعب: وين الوالد دق على جواله مغلق...
تركي وهو يناظر أبوه:الناس تسلم بالأول...وبعدين هذا هو أبوي عندي...
متعب:عطني ابوي باكلمه...
تركي يمد لجوال لأبوه...
تركي:يباه هذا متعب...
ابو بندر يكلم متعب:هلا بمتعب وينك...
متعب:هلا فيك يباه،بس وينك الله يهداك أدق على جوالك مقفل...
ابو بندر:إيه صح نسيته قفلته بالصلاه وماتذكرت افتحه ،ليه خير إنشالله...
متعب:ماعلينا،بس بغيت أقول لك الأرض اللي عندك بالروضه بيعها لأني لقيت لها مشتري اللي وصيتني عليها...
ابو بندر:زين الله يبشرك...وبيدفع قيمتها؟؟؟...
متعب:أفا عليك بس والسعر اللي حددناه وفوق اللي شرطته لي...
ابو بندر:اقول متعب أهل عروسة تركي ردوا علينا إنهم موافقين ...
متعب فرحان لأخوه:مبروك والله يستاهل تركي...
ابو بندر:الاسبوع الجاي بنروح لهم عشان نتفق معهم على كل شي...
متعب:زين والله..
ابو بندر:عاد قلت تخاوينا؟؟؟...
متعب:أفا عليك بس أكيد بروح معكم...
ابو بندر:أجل يله ما اطول عليك...في حفظ الرحمن...
متعب:في حفظ الله يا الغالي...
وسكر متعب من ابوه...
ابو بندر:متعب اخوك بيخاوينا لأهل عروسك...
تركي بابتسامه:عز الخوي والله متعب....
وهو بسيارته راجع البيت فكـر بشذى..(والله مسكينه لها أسبوع وهي تبيني أخذها للسوق)..فكر باقي على بال مايوصل للبيت ربع ساعه
ويمكن أكثر من هالزحمه اللي بالشوارع خاصه إن الوقت عشا...
أخذ الجوال اللي كان حاطه بجنبه ويبي يدق عليها طالع الساعه بالجوال ماكان باقي على صلاة العشا شي وأخذ يتأكد من ساعة يده
إلا يسمع الآذان بكل مكان بدت المساجد تأذن ويطالع المحلات بعد هي بدت تسكر وتغلق أبوابها إلى بعد الصلاه(الأسواق بالسعوديه تسكر بوقت الصلاة)...
فكر وقال((بعد الصلاة أمر عليها،وخلني أدق عليها من ألحين تتجهز مو تتركني ساعه أنتظرها))...
دق على تليفون البيت...
ريم بنت محمد بصوت طفولي:ألــــو...
سعود:ألو هلا ريم...
ريم بتعجب:مين على التليفون...
سعود بضيق:أنا عم سعود...
ريم بفرحة الأطفال:عم ثعود...أنا أحبك...
سعود بضيق أكثر:ثعود بعد غيرتي اسمي.....وأنا بعد أحبك...وين شذى؟؟
ريم:من زمان ماثفتك...انا أحبك مرررره...
سعود وهو مهوب طايق لفلسفة الأطفال:ريم حبيبتي نادي لي شذى بسررررعه عشان أعطيك حلاوة كبر راسك...
ريم مستغربه:فيه حلاوة كبر راسي؟؟؟...
طووط...طووط...طووط....
قفل الخط سعود التليفون ودق على جوال شذى...
سعود يكلم نفسه:وش هالذكاء كان دقيت من البدايه على جوالها بدل زحمة البزارين هذي ...
شذى:إنت هيه تكلم نفسك؟؟؟...
سعود متفاجأ:إنتي من متى على الخط؟؟؟...
شذى:من أول ما دقيت...
سعود:بسم الله منك امداك تردين يوم سمعتيه يدق...
شذى:لأنه كان معي اقرا مسج توه جاي وإنت طلعت لي والعياذ بالله...
سعود:هذا جزاي تقولين كذا وأنا الحين داق عليك عشان تتجهزين بعد الصلاة آخذك للسوق...
شذى بفرح:والله؟؟ ياحياتي ياسعود آسفه وهذي كلمتي وسحبتها...
سعود :شوفي هذا أنا سامحتك،بعد الصلاة مباشرة ألاقيك مخلصه من ألحين استعدي وجهزي حالك...
شذى بابتسامه:طياره...
سعود:تشاو...
شذى:بايو...
بعد ما صكرت من سعود...((واااااااو وأخيرا ما بغى ياخذني السوق...بس غريبه هو يدق بنفسه ويعرض السوق علي من دون طلب او واسطة امي))
وبعدها قالت بخاطرها...((وأنا وش دخلني من نفسه او غيره خلني اروح ألبس واستعد...بس لا يهون))....
وبعدها راحت تلبس وتستعد وخلصت بسرعه...وبعد كذ صلت العشا، ونزلت بالصاله تنتظر اخوها وهي لابسه عبايتها ومتجهزة بس تنتظر
يدق عليها جوال وتطلع له....
*******
ريم:ماما...عم ثعود يقول بيجيب لي حلاوة كبر راسي...
كانت مريم ومعها الخدامه توكل بناتها الصغار بالصاله اللي فوق عشان تنومهم مبكر لأن ريم تروح الصباح الروضه ورنا النوم
المبكر أفضل لصحتها ولنموها وطبعا عشان تفتك منهم باقي الليل وتقعد على راحتهـــا...
مريم باستغراب:مين قالك كذا؟؟؟
ريم والشغاله تأكلها:عم ثعود...
مريم:متى قالك الكلام؟؟؟...
ريم ببرائة الأطفال:هو قال لي لما دق تليفون...
مريم تحقيقها يزيد:زين ماما وش كان يبي؟؟؟...
ريم:كان يقول يبي عمه ثذى...
مريم مستغربه:وش كان يبي فيها؟؟؟...
هزت ريم كتفها بالنفي ولفت تطالع التلفزيون...أما مريم فكانت تموت وتعرف وش كان يبي بها....
تحيــــــــــــــــــــاتي لكم
ولجزا اثاني جاي انشاء الله