ياذيب .... قصيدة الشاعر بدر الخالدي

[راسم العزه]

http://t5.imagechef.com/ic/imgout/sampe8fbd691839fed72.jpg
http://t5.imagechef.com/ic/imgout/samp6718e00df85216c1.jpg
http://t5.imagechef.com/ic/imgout/sampa1cf6b382cd7070d.jpg
http://t5.imagechef.com/ic/imgout/samp4a3ae69f140e0e4e.jpg
http://t5.imagechef.com/ic/imgout/samp78f2a1e0f06ee4cc.jpg
http://t5.imagechef.com/ic/imgout/samp9d89ca7a21df4e17.jpg
http://t5.imagechef.com/ic/imgout/samp5af43901340d687e.jpg
http://t5.imagechef.com/ic/imgout/samp85e0baf425ec0cbb.jpg

[*DALLO3H*]

شكرا اخوى وتسلم ونتظرجديدك

[نبض القوافي]

بسم الله الرحمن الرحيم


السلام عليكم ورحمة الله وبركاته


هذي قصيدة للشاعر بدر عبدالله الخالدي وهي بصراحة قصيدة قمه في الجمال

و

ايضا نالت اعجاب لجنة التحكيم في مسابقة شاعر المليون

صلوا على النبي

البارحه والجوع مس الذيـب يـوم انـه يعـوي
علـى سنـام طويـق والقـمـره وراه بليتـهـا

اخايلـه واقـول واعـزي لحـالـك يالـقـوي
اللي تنقـى فـي سمـان الفطـح لا مـن جيتهـا

واللي باساميـك يتقلدهـا الخـوي مـع الخـوي
والعـرب تبديـك التحايـا وانـت مـا حييتـهـا

واسمك على النخوه يعد وكل روس(ن) تشتـوي
والوجبـه الحيـه تعشـاهـا وتـتـرك ميتـهـا

الجوع لـو يدفعـك للمـوت الذحـاح المستـوي
حشمت نفسـك عـن عظـام الحرجـه وخليتهـا

ودامك طليق(ن) ما قهرك المعتـدي والمهتـوي
وخطاك مـن دون المغـازي مـا بعـد سجيتهـا

يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه لـيـا عشيتـهـا

يا موجل(ن) قلب حضري يا موجل(ن) قلب بدوي
ياللـي تشيّـم خــوة الرجلـيـه ان خاويتـهـا

عامل خوي الذيب في عصر الفـوات المنطـوي
وقصتـك فـآذان العـرب واليـا طـرت لبيتهـا

نحر ذلول(ن) من وصايفهـا شحمهـا مرتـوي
لعيـون خوتـك الفريـده والبقـا فـي صيتـهـا

يـا ذيـب يكوينـي قنيبـك لا توحّيتـه كـوي
علـى غشـاش الكبـد والخطـوه عمـد رديتهـا

مدري غبى مدري ذكى مدري تسرع فوضـوي
لكن خطواتـي علـى الهيبـه مـا قـد ضريتهـا

ياذيب عزك في زمان السيف مـن قبـل يهـوي
وقبـل زمـان العولـمـه للـنـاس وآتيكيتـهـا

وقبل يغيب المنطـق الحسـي ويبقـى المعنـوي
والغيـره تـوزع تجمّعـهـا عـلـى تشتيتـهـا

وقبـل النوايـا المستقيمـه ماتعـاج وتلـتـوي
والنـاس تمشـي فـي تعاملهـا حسـب توقيتهـا

يا ذيب مدري كيف ابوصف حالتـك يالمنـزوي
والهاشميـه فـي طـرف عيـنـي ولا دنيتـهـا

لا جيث ابرثي حالتـك ضـاع الكـلام اللغـوي
والمفـردات الـلـي تجملـنـي لـيـا عديتـهـا

والهاجس اللي كـل مـا فليـت حويـه ينحـوي
وافكـاري اللـي تتعـب الخافـق ليـا هليتـهـا

واخاف لا تكمـل وينحـاك النزيـف الدمـوي
وابقـى علـى قـول المثـل خميتهـا واخطيتهـا

ياذيب واقنب خل صوتـك يـدوي العالـم دوي
مـادام خانتـك الظـروف الله يخـرب بيتـهـا

و

سلامتكم

و

صح الله لسان شاعرها

[مـ غ ـرورة بس مـ ع ـذورة]

صح لسان شاعرها

ايي والله وايد حلوة


يسلموو ع الشعر الحلو

[درة الخليج]

صح لسآآنهـ الشآآعر ..


قصيده رووعهـ وماعليها كلآآم الصرآآآحهـ

يسلمو

[shgran]

الله لايهينك يانبض القوافي



قصيده رائعه

وجزلة من جزل

مبدع في اختياراتك يابوقهيدان

[Ra7aL_QaTaR]

صح لسان الشاعر على القصيده

ولا هنت على النقل

والقصيده تسرق اذن المستمع معها

[Louishic]

صح لساانه ويعطيه العاافيه
وتسلم اخوووي وماتقصر والله

عسااك عالقوووه ان شااء الله
تقبل مرووري

"قلب قطر"