للاهميه الدخول فور يامقيمني سلبي

[غاادر]

السلام عليكم ورحمة الله وبركاته
من اللي مقيمني تقييم سلبي
وخفض نقاااطي

ارجو عدم التقييم سلبي
والا ساظطر لمغادرة المنتدى نهائيا

:231:

[mughader]

للأسف يافهد انت ماتتعلم من أخطائك

قبل فتره وعدت بالالتزام ولكن مااوفيت

ومازلت مصر على افعالك والشكاوى ضدك بازدياد

والتقييم السلبي هو ماتستحق في الوقت الحالي

إذا استمريت صدقني راح تخسر كل نقااطك

أتمنى أن تعود كما عهدناك سابقا بنشاطك وتوهجك وافادتك لإشراقك

وتلتزم بشروط المنتدى اذا كنت تريد أن تبقى معنا

والقرار لك

[ضجيج الصمت]

وعليكم السلام ورحمة الله..
أخ فهدطالما اني وحده من اللي قيموك بالسلب راح اقولك نقطتين اتمنى تحفظهم زين:
1/أنت اذا تبي الاعضاء يقيموك بالايجاب ويزيدون نقاطك قييمهم بدون منة مو تجلس تقولهم كل اشوي في مواضيعهم وملفاتهم انك قيمتهم وتبيهم يقيموك وتقلب التقييم ساحة دردشة كذا بتزهق الاعضاء منك وبيقيموك سلبي عناد.
2/بالنسبة لتقييمك لي وكل يوم سؤال اتفه من اللي قبله تكتبه لي بالتقييم راح اقييمك بالسلبي كرد على سؤالك^_^.

[mughader]

كنت أتمنى أن تملك الجرأة الكافية لترد

تفتح موضوع وماتناقش فيه هو اذعان منك بأنك أنت المخطيء

[غاادر]

طيب الحين من يوم رجعتوني وأنا ملتزم بالشروط
ياخوي من راقب الناس مات هما
خلوني بحالي
ليش كل يوم يامغادر تنبش وراي
ترى مو زينه مراقبة الناس
ويسلمووو

[غاادر]

أنا أحبكم كلكم

[mughader]

ضحكتني يافهد

كل هالي تسويه وملتزم

وعلى فكره انا مانبشت وراك لأن عندي ما هو أهم منك ومن ردودك

لكن تواجدي الدائم باشراق يجعلني على اطلاع بكل ما يصير بالمنتدى

وعلى فكره لو حبيت اني أوضح لك أخطائك وانك غير ملتزم فما راح

يكون ردي هنا راح يكون أمام الجميع عشان تتضح الصورة

بعدين أي التزام تتكلم عنه

تعليقات التقييم اشوفها كل يووم وحده تطلب منها ايميلهاا

والثانيه تقلها انت مخطوبه والثالثه تقول معجب فيك

غير ردودك بالمواضيع

فهمناك مليووون مرره تصرفاتك هذي بتخرب على الناس بيوتهم

وفيه مشاكل تصير من ورا ردودك وباقي تقول ملتزم


ااذا صادق بحبك لنا اثبت لنا وعامل البنات مثل خواتك ولا انت

ماعندك غيره على خوااتك ؟؟

[الهمس الجميل]

السلام عليكم ورحمه الله وبركاته

فهد الفهد أنت لا تحب المنتدى وتبغي تبعد الاعضاء عنه

كل ما سجلت عضوة وتفاعلت بالمنتدى صرت تركض وراها وتأذيها حتى تطفش وتروح من المنتدى

وللأسف بهذي الطريقة تنقل نظرة بايخه عن المنتدى

اي تقييم منك حق اي عضو ويكون فيه سؤال وكلام ماله داعي راح يحذف التقييم ورايح يكون لك تقييم سلبي

وللعلم مو معك مع الجميع

اي تقييم خارج عن الموضوع المقيم عليه رايح يحذف

شكراً

[غاادر]

اخبارك الهمس وحشتنا وينك من زمان؟

[ضجيج الصمت]

أخ فهد جبت لك مثال بسيط لالتزامك بقوانين المنتدى
http://up.r99r.com/uploads/images/r99r-57e0f2a158.jpg (http://up.r99r.com/uploads/images/r99r-57e0f2a158.jpg)

ابي افهم وش تقصد ياملتزم؟

[الهمس الجميل]

أختي ضجيج الصمت استمري بالتواصل والتواجد وطرح ما يفيد الاعضاء من مواضيع حفظك الله

وانا مثل ما قلت سابقاً فهد الفهد وإللي على اشكاله همهم الأول هو التخريب وابعاد الاعضاء عن المنتدى بطرق بايخه

وصدقيني التجاهل منا رايح يقهرهم ويكيدهم

هناك ناس من كلمة يحس ويخجل من حاله

وهناك ناس لا يوجد في عروقهم دم ويحسون

للأسف

[ضجيج الصمت]

والله يا اخوي الهمس انا طنشته كثير وكل مرة اشوف تقييمه لي اسكت واسوي حالي ما قريت شي بس صراحه صار الوضع لايطاق بسببه مرة ليه شايفة نفسك ومرة انتي سحلية وكل يوم اطنشه اشوف يزيد ما ادري كيف ذا الانسان يفهم
وهو يظن سكوتي رضا مني على تصرفاته عشان كذا كتبت له هنا ابي اشوف والنهاية معه وابي اعلمه اني ساكته عشان اشراق مو عشاني راضية بتقييماته لي

[الهمس الجميل]

وأنتي قلتي على شان اشراق العالم
و اشراق العالم و أدارته ما راح يخسر عضوة متميزه مثلك ومبدعه ومخلصه لاشراق العالم بشهادة الجميع

ومن هنا ومن خلال هذا الموضوع اقول : يا فهد الفهد اعتبر هذا آخر تنبيه مني لك

[ضجيج الصمت]

تسلم اخوي الهمس وان شاء الله اكون عند حسن ظنكم دائماً.
ويشهد الله اني ما ابي مشاكل للمنتدى وتوقيف عضويات بسببي والاخ فهد ماراح ينفع معه انذار او توقيف او خصم اتمنى انه يكون قد ازعاجه للاعضاء ويجي هنا نتفاهم معه يايقنعنا بوجهة نظره او نقنعه بكلامنا مابقى الا ذا المحاوله معه عسى ولعل تفيد..

[الهمس الجميل]

أنا لن أنتظر طويلاً

وعندنا في المنتدى من هم اهم من فهد الفهد و يحتاجون منا التشجيع والشكر والتقييم

[mughader]

يعطيك الف عافيه ضجيج

فهد عاارف نفسه والدليل لما ردينا عليه تهرب من المناقشه

وغير الموضووع ورحب بالهمس مسوووي ذكي مااشاء الله عليه

انا حذرته أكثر من مره لكن يحط في باله ان هذي الأخيررره

وباند نهائي مهما اعتذرت فلن ترجع لك العضويه حتى لو اضطريت

لحذفها نهااااائياااا

ومهما سجلت من عضويات جديده فثق تماما انها لن تفيدك

[ضجيج الصمت]

الله يعافيك اخوي مغادر
مثل ماقلت قبل هو لو جد قد ازعاجه لنا يدخل هنا ويتناقش معنا لان التهرب مو اسلوب حضاري ولا من ثقافة الحوار اللي يبغى يعلمنا اياها

[alfares]

اولا: منع العضو فهد الفهد من استخدام التقييم
ثانيا: منعه من استخدام رسائل الزوار او مراسلة اي عضو بريدا عن طريق المنتدى
ثالثا: منعه من استخدام قائمة الاصدقاء
رابعا: تقييمه سلبيا بفارق -1000 نقطه تحت الصفر

حتى اشعار آخر

[alfares]

طبعا يافهد
التقييم الاحمر السلبي
سيتلاشى تلقائياً كلما احد قيمك ايجابي

احرص على ان تكون ايجابيا دائما ياأخي الكريم