دلوعة نجد
01-01-2008, 05:05 PM
صعدت على السلم ولقيت الورد منثور بكل مكان
لي غرفة النوم
دشي غرفة النوم كانت روعه
كلها ورد جوري احمر بكل مكان على حتى الاثاث ما كان مبين من الورد شموع بكل مكان ودار ظلمه وشموع وورد
كان الجو وايد رومنسي
فيصل : شرايج ؟؟
قلت : وااي مكان صج ايين فيصل انت اللي مسوي جذي
فيصل : أي انا
قلت : فيصل صج المكان كله حلو
فيصل : يالله بعد يايبلج فلم رومنسي قوي صج
قلت : بعد
فيصل : اضبطج هههههههه
وقعدنا انا وفيصل نطالع الفلم صج كان حلو
وبعد الفلم ...........
قلت : فيصل تأخر الوقت يالله خلنا نروح ابي انام ارتاح
فيصل : نامي هني
قلت له : بس ماعندي هدووم شلون بنام بهدومي
فيصل : حياتي بطلي الكبت
بطلت الكبت ولا القى هدومي كلها موجوده
استغربت
قلت : بعد في مفاجأت اكثر من جذي بعد
فيصل : لا بس خلصت المفاجات
اليوم الثاني ...........................
قعدت من النوم وقلت ادش المطبخ وسوي ريوق حق فيصل لان امس ما قصر معاي
دشيت المطبخ
بس طبعا قاعده اكتشف البيت عدل
على ما دليت المطبخ وطبعا فيصل شاري ماجله البيت كلها
دشيت المطبخ
وسويت الريوق
وبعد نص ساعه وانا اعاني بالمطبخ لاني ماعرف اطبخ
دش على فيصل : شتسوين
قلت له : قاعده اسويلك ريوق
فيصل : اشوف شمسويه مسويه بيض
قلت : أي شوف ستوه ولا لا
فيصل : البيض صار لونه بني وتقوليلي ستوه ولا لا
قلت : هههههه فيصل يزاي بسوي ريوق
فيصل : روحي انتي قعدي وشوفي الريوق السنع
قلت : يالله ورني
فيصل : بسويلج بأن كيك مع مربى
قلت : صج تعرف
فيصل : افا عليج
قلت له :الله والله مايحتاج انا اطبخ وعندي شيف فيصل
فيصل : أي تدلعي وتدللي ترا هذا بس لان تونا متزوجين بعدين شغل البيت واليهال عليج
قلت : صج يالله ان ما خليتك انت تجابل اليهال وشغل البيت ابي عشر خدامات
فيصل : متزوج الاميره ديانه وانا مادري
قلت : انا احلى منها ههههههههههه
فيصل : هههههههههه بهذي صدقتي
قضيت اليوم مع فيصل وكان احلى ايام عمري حسيت اني متزوجه وكان فيصل ما عنده شغل ومتفرغلي وانا بعد كشت بدراستي
وشلون قعدنا البيت ما طلعنا ونكته اللي ما تخلص صج استمتعت باليوم وطبعا كان حساس يمكن ما اقدر اوصف لكم ياه
انشغت بالايام مع فيصل ونسيت حتى اني اجيك
الى شصار حق مشعل وقمت مارد على اتصالاته لان فيصل كان طول هل الاسبوع معاي
وستغليت الفرصه مره لما فيصل راح يكلم خاله
وتصلت على مشعل
الووو
مشعل : واخير ليش ماتردين علي
قلت له : مشعل انتقلت بيتي اليديد فنشغلت شوي انت صار عليك هناك
مشعل : الجوو عندنا ثلج ومناظر طبيعيه تينن وحتى المستشفى بين جبلين مسوينه تخيلي ويمه بحيره مجمده والمرضى مع دكاترتهم جنهم مينن يتزلجون
وفي وحده مسكينه كسرت خاطري عمرها خمس سنين وعندها سرطان بالمخ والله وعليه عليها وامها ماعندها فلوس تتعالج بنتها فيها وابوي مثل ماتعرفين عنده حلال وشركات فقتله ان يخلي علاج هل البنيه على حسابه انتي لا تشوفين امها لما قالو لها ان بنعالج بنتج والله قامت ولمت ابوي هههههههههههههههه
قلت له : ههههههه وطبعا ابوك ستانس
مشعل : الا تشقق من الوناسه اجنبيه شقره بيضه عيونها زرق ورشيقه لامته بس ابوي قام وقالها مو من عاداتنه ان وحده تلمه تدرين اهي شقالت
قلت : شنو شقالت ؟؟ اكيد قالت متخلفين
مشعل : لا بالعكس قالت ان جان زين ريايلهم مثلنا بكرم وشهامه ومحترمين لان اهي رفيجها هجرها وهي حامل بنته ومو معترف ببنته تصدقين
قلت : والله بلاوي بهل الدنيا
مشعل : تصدقين والله رتحت لما كلمتج
قلت : تصدق والله قاعده احاتيك
مشعل : لايبه انا ما فيني شي كلها جم سبوع وجابلج كل يوم
بعدين تذكرت بتفاقنا
قلت : انشالله ترد بسلامه هذا المهم
مشعل : انشالله
قلت له : يالله مشعل انا اكلمك بعدين وطمن عفيه لا دق لان ريلي عنده اجازه وكله معاي بس الحين استغليت الفرصه لانه طلع من البيت
مشعل : خلاص بس انتي لا تنسيني ودقي علي
قلت : انا عمري مانسيتك يا مشعل انت دايما في بالي يارب يشافيك
مشعل : يارب انا وايد مستانس لانج يمي وصحتي قاعده تصير احسن
قلت : يالله عيل مه الف سلامه ودير بالك على نفسك ما وصيك
مشعل : انشالله يالله يحفظج الله وسلمج
قلت : يالله مع السلامه
صكرت الخط....................
مر الاسبوعين من سفرت المشعل
وانا وايد انشغلت مع فيصل
وحسيت نفسي ان انا اللي صاكه قلبي عن فيصل ولا مافي ريال يستحمل هل اللي قاعده اسويه فيه ورمنسي لي ابعد الحدود ومو بس جذي مو مقصدر عني
وفي يوم بعد ما مرو الاسبوعين مع فيصل
ياللي فيصل وانا قاعده بالصاله
فيصل عندي هديه لج ياريتج ما تردينها عفيه
قلت له : وووي انت راح اسميك بو المفاجأت
فيصل : وهو يعطيني الصندوق فتحيه يالله
فتحته وشفت داخله كبوس ووشاح
ولما شلت الكبوس شفت تذكرتين سفر
فيصل : يمدحون فرنسا الحين
قلت : فيصل انا
فيصل : لا ترديني اذا على الدوام راح اخذلج اجازه زوجيه عفيه يالله عاد ما ستانسا بشهر العسل
قلت : خلاص موافقه بس نقضي سبوع واحد
فيصل : خلاص بس اسبوع يالله زهبي عمرج باجر السفره
دقيت على امي فاطمه وعمتي اللي نسيتهم تقريبا
وتطمنت عليهم وقلت لهم بسافر باجر
وفي الطياره ...................
ركبنه الطياره انا وفيصل
وطبعا انا اخاف من الطياره لما تطير
قعدنا انا وفيصل بكراسينا وانا عندي المعوذات قاعده اقراهم ووحاطه القران بجنطتي
ولما طارت الطياره
من غير شعور لميت فيصل
وقمت اقرى المعوذات
وفيصل بكل حنان ودفى
: بس حياتي لا تخافين مافي شي
الحين بطير الطياره ومراح يصير فينه شي
وبكل حنان قام يمسح على ظهري
ومن شدة خوفي نمت وانا لامه فيصل
ولما قعدت من النوم شفت فيصل ليلحينه يمسح على ظهري ويقرى القران اللي طلعه من جنطتي
فيصل : ها حياتي صحيتي
قلت : انا من متى وانا نايمه
فيصل : صار لج ساعتين تقريبا
وبعدين استوعبت اني نايمه على صدره وخرت عنه وانا اسوي عمري قاعده اتمقط
قلت له : وانت ما نمت
فيصل : شلون انام وانتي يمي ما شفتي ويهج وانتي نايمه جنج ياهل تصدقين صارلي يمكن ساعه وانا العب بشعرج وطالعج .
انا ما قدرت ارد على فيصل ستحيت وايد منه ومن كلامه لاني ما ستاهل أي شي منه
ولما وصلنا فرنسا
باريس تحديدا
وصلنا الفندق وكان الجو بارد وايد
دخلت السويت انا وفيصل من بعد ما توهقنا بالفندق لان لا انا اعرف فرنسي ولا فيصل والمشكله ان ما يبون احد يكلمهم انقليزي لازم فرنسي وعلى ما يه المترجم اونقذنا من هل موقف ووصلنا السويت من بعد ساعتين بهدله داخل الفندق
تصدقون اذا ما تبهدلنا بالسفر او صارت لنا مشكله ما نحس انه مسافرين هذي حقيقه
نرجع حق القصه
وصلنا السويت واول ما وصلت خذيتلي شور وبعدها فيصل خذاله شور بعدي وبعدها كان فيصل منظم لنا طلعه بمطعم وبعدها نروح متحف اللوفر وبعدها نرجع الفندق
بس انا من كثر ما تعبت اجلت كل الطلعه ونمت انا وفيصل
اليوم الثاني في باريس
قعدت من النوم ما شفت فيصل يمي
وقمت ادوره ما لقيته
وبعدين فيصل لقيته يطلع من الحمام
فيصل : ها قعدتي صباح الخير يا قمر
قلت له : صباح النور
فيصل : يالله يا عسل قومي خل نتريق بره وبعدها اخذج اوديج شارع الشانزليزية نتسوق وبعدها نفكر وين بروح
قلت له : ومتى بنروح متحف اللوفر متشوقه اشوفه
فيصل : خل نخليها باجر شرايج اليوم نروح نتسوق وبعدها اخذج مطعم ونرد الفندق
قلت : اوكي عادي يالله خل ابدل ثيابي ويلك
شارع الشانزليزية ..........................
فيصل : منار ترا الميزانيه اللي عطيتج ياها تجاوزتيها وايد
قلت : فيصل خلني استانس
فيصل : يا ريت شاريه شي حقج شاريه حق اختي وامي وخالتي شكو خالتي مادري وحق امج وعمتج واختج وولد عمتج بعد
قلت : فيصل انا ما سافر وايد ولما اسافر ماتبيني اونسهم كل ا للي شريتلهم يستاهلون
فيصل : أي شتري بعد علشان بعدين نقعد بالفندق وما نتحرك منه لان راح تخلص فلوسنا
قلت : خلاص بس هذا اخر محل خل ادشه وبعدين نطلع
فيصل : منارتي والله تعبت من المشي
قلت له : فيصل روح اقعد بالكراسي اللي يم باب المحل خل ادش وشتري منه ونطلع شرايك
فيصل : اوكي بس مو طولين علي
قلت : انشالله
ودشيت المحل كان محل ملابس رجاليه ونسائيه
وشريت منه قميص حق فيصل وبلوزه وشريتي جاكيت لان الجو كان وايد بارد
وطلعت
ولقيت فيصل قاعد وحاط يده على خده
يت صوب الكرسي من وراه وحرصت ان ما يشوفني
وغنيتله : احط ايدي على خدي وعاتب روحي بروحي
فيصل ضحك : ههههههههه والله خرعتيني ها شنو شريتي
قلت : لما نوصل الفندق اوريك
فيصل : عيل يالله جدامي طيران لي الفندق
قلت : اشدعوه مافيك صبر ؟؟
فيصل : لا بس انا ما حب اتسوق دخت من الافراره بروح ارتاح شوي ونغير ملابسنا ونروح نتغدى وبعدها بونسج بوديج مكان حده عجيب وبعدها نروح مطعم وبعدين نرد الفندق شرايج ؟؟
قلت : أي ليش لا
الفندق
فيصل : يالله وصلنا السويت وريني شنو شاريه
قلت له : ما بي اوريك استحي
فيصل : منار انا ريلج ما بيني وبينج مستحى عادي
قلت له : انزين خلاص
وطلعتلى البلوزه والقميص
قلت له : ها شرايك هذيله حقك
فيصل : ما شالله شدراج اني ادور على قميص حق دوامي اعيني اشوفه لا وشكله بعد مقاسي
قلت له : جربه انت
قام فيصل وفسخ بلوزته جدامي وانا ستحيت ولفيت ويهي
فيصل قام ومسك يدي وقالي : منار ليش لافه ويهج ابيج ما تستحين وطالعيني ترا صار لنا شهور مع بعض
قلت له : انت البس ابلوزتج وانا اطالعك
فيصل : مراح البسها وبيج اطالعيني صج مو جسم براد بيت بس مو اللي ما يطالع وبشع
قلت : فيصل استحي
اهني فيصل قرب يمي وحط يده على ويهي ولفه صوبه
فيصل : منار انا فاهمج ترا ادري انج الحين منحرجه بس ترا سالفة الاحراج طولت وابيج ماتنحرجين
قلت له : يعني شلون ؟؟
فيصل : يعني متى ما حبيتي تمسكين ايدي مسكيها بدون ما تنحرجين ومتى ما تبين تقربين صوبي قربي لا تستحين ترا انا مو قاعد اطلب اكثر من جذي والله
قلت وانا حاسه ان كلامه عدل وانا مقصره معاه : انشالله اللي تامر فيه
فيصل : صج
قلت له : شنو عبالك اتغشمر
فيصل : يالله عيل لبسيني القميص وزرريلي ياه
قلت : عاد مو جذي مره وحده
فيصل : يعني وانتي ليلحينج مو جاده بكلامج
قلت : امبلى جاده
وقمت وبجرئ لبسته القميص وزررت قميصه وايدي كانت قاعده ترجف
لمس فيصل ايدي وقال لي : ليش ايد الملاك ترجف مو قلنا ما كو مستحى
قلت : فيصل حس فيني اول مره اقرب جذي يمك وانت عارف
فيصل : أي خلاص معذوره روحي
ولما طلعنا من الفندق رحنا نتغدى بالمطعم وطبعا ايدي ما فارقت ايد فيصل ولما خلصنا فاجئني فيصل كعادته ووداني ديزني لاند وصج ستانسنا هناك لان ولا واحد فينا يخاف من الالعاب الخطره وقمنا نتحدى بعض منو يركبها وطبعا وانا هناك ما قمت استحي اني امسك ايد فيصل ولا حتى استحي لما اقرب وايد يمه
ولما صارت ساعه ثمان بتوقيت غرنش طلعنا من ديزني لاند ورحنا مطعم وبعدها الفندق وقعدنا نسوف مع بعض لي نمت واهو بعد نام
وطبعا الشي الحلو بفيصل كان ما ينسى صلاته كان يذكرني فيها وهو علمني اصلي الصلاة بوقتها من غير تأخير
واليوم الثاني رحنا متحف اللوفر واللي لمسته بفيصل ان مثقف يعرف منو له هل اللوحه وعن شنو مظمونها او تعبيرها
وبعدها رحنا نتعشى بالفندق
بعد اسبوع .......................
مر الاسبوع علينا ضحك وغشمره ووناسه وحتى اني نسيت مشعل
واني اتصل فيه
فيصل : حياتي مر الاسبوع بسرعه مو جذي
قلت : أي تصدق ما حسينه فيه
فيصل : شرايج نمدد بعد اسبوع
قلت له : لا فيصل مو عدله
فيصل : حياتي ليش لا يالله والله انا مسنانس معاج احس اني صج بشهر عسل
قلت له : بس دوامي وشغلك
فيصل : عفيه روحي خل امدد اسبوع ثاني
وبعدين وافقت بعد عناء وقلت اسبوع مراح يضر مشعل اذا قعدت وبعدين مراح يحس فيه و مو حلوه اني ادق وقوله اني سافرت ما قتله وصارلي سبوع فقررت اني ما اتصل
في مطعم بباريس
قعدنا بمطعمنا اللي متعودين نقعد فيه طول هل الاسبوع اللي قضينا بباريس
وبعدين وداني فيصل مقهى يم برج ايفل ومسك يدي وقاعد وتغزل فيني
وبعد ما طلعنا من المقهى رحنا بحيرة واجرنا قارب وقعدنا ندور على اضواء القمر ودار مدار البحيره ضوء شموع البحيره مخصصينه للرومنسيه
والعشاق
وطول ما انا معاه بالقارب وهو يطالعني
فيصل : ااااااااااه بتينني انتي كل يوم اشوفج احلى من اللي قبله
انا يا روحي محظوظ لاني خذيتج
مسك ايده وقلت له : اسمله عليك من الينون والله انا اللي محظوظه فيك انت صبرت علي وايد محد كان يقدر يسوي كثر اللي انت سويته لي يا فيصل
فيصل : منار احبج من كل قلبي
قلت له : فيصل لا تحرجني زياده
فيصل : ياروح فيصل انتي نحرجي لي باجر تدرين شنو ودي
قلت له : شنو
فيصل : ودي اخطفج
رديت عليه : ههههههههههههه شلون تخطفني وانا زوجتك
فيصل : مادري مادري بس ياني احساس ابي اشيلج واركض فيج
قلت وانا ميته من الضحك : من صجك ههههههههه وين بتوديني اذا شلتني ؟
فيصل : لا تسئلين هههههههههههههه
ولما رجعنا الفندق
فيصل كان مثل السكران يضحك ويمشي وميل علي ويمسك ايدي
قلت له : انت شارب من وراي والله اللي يشوفك يقول سكران ؟؟
فيصل : أي شارب من نهر حبج وسكران من سواد عيونج
قلت له : يا انت يا رومنسي اليوم الرومنسيه شغاله عندك بزياده
فيصل : انا راح انفذ تهديدي
قلت له : شنو ؟ شقاعد تقول انت خرفت
فيصل : راح اشيلج وقطج بالفراش
قلت له : لا فيصل لا تسويها
فيصل ضحك وشالني وقام يفتر فيني
اليوم الثاني
فيصل : صباح الخير يا العروس صج الحين حسيت انه احنا متزوجين
قلت له : صباح النور
فيصل : صج الحين حسيت انه احنا متزوجين
وقام وباسني على خدي
قلت له : وانا بعد مو مصدقه شنو صار امس
فيصل : اللي صار ان انا زوجج اموت فيج وهذي حيات المتزوجين ولازم نتعود عليها
قلت له : انا بروح اخذ شور عن اذنك
فيصل : اوكي يالله بس مو طولين اذا طوليتي بدش الحمام عليج وبخليج تنحرجين
قلت له : انت قتلي جذي انا نحرجت عيل لو تسويها صدقني ما اكلمك
فيصل : لا يبه لا يحوشك انا ما اقدر على زعل الحلوه
يوم قبل العوده الى الكويت ............
مر هل الاسبوعين من غير ما فكر بمشعل مثل قبل حسيت اني احب فيصل وقلبي بدا يميل له هذا زوجي وحبي الاول راح ولازم اقول حق مشعل ان خلاص ما اقدر باشر علاجه معاه
فيصل : منورتي خل نمدد
قلت له : لا يعني لا فيصل بس شتقت حق اهلي
فيصل : يعني ما بذنج ماي
قلت له : لا
فيصل : لميتي اغراضج
قلت : أي وغراضك بعد
فيصل : بعد اغراضي والله مستعيله
قلت له : بس ما مليت وانا مجابلتك اربع وعشرين ساعه
فيصل : اخاف اذا وصلنا الكويت تخترب السعاده اللي انا حاس فيها الحين
قلت : انا زوجتك هني وبالكويت مراح تتغير هل السعاده انشالله
وانا قاعده ارتب جنطتي بطلت تلفوني لاني من زمان مو مستعملته وقمت استعمل تلفون فيصل لما اتصل على عمتي وشموس
لما بطلت تلفوني
لقيت مسج من مشعل
انا وصلت الكويت منار اليوم ابج دقين علي انزين
وشفت التاريخ اللي كان اول ما سافرت انا وفيصل باريس
يعني صارلي سبوعين اوكثر مو مكلمه مشعل ومطمنى عليه معقوله نسيته اعتقد ان راح يقدر يكمل علاجه بدوني انا الحين متزوجه
لازم يقدر ظروفي انا الحين صج احب فيصل ونسيته بس الله يشافيه يمكن شعوري الحين ناحيته شفقه بس مو حب ولقيت حبي بفيصل هو يستاهل حبي مو مشعل
لما وصلنا الكويت
وصلنا الكويت انا وفيصل الفير ساعه 3 تقريبا رجعنا تعبانين من المطار ورحنا بيتنا ونمنا
وبعدين تعذرت حق فيصل وقتله بزور اهلي
رحت المستشفى
ومالقيت مشعل بفراشه ؟؟؟؟
وينه قعدت مثل المينونه ادوره من مكان لي مكان
واسأل الدكاتره عنه
وشفت الدكتور المسوؤل
قلت له وانا منفعله : دكتور وين مشعل
الدكتور: مشعل صار له سبوعين مو خارج من المستشفى ماندري وين رايح وانا حذرته ان المرض راح ينتشر فيه اذا طلع لان بمرحلته مرض سرطان الرئه اخطر انواع السرطان واذا باليوم ما خذا علاجه راح يأثر عليه
قلت : وانتو ليش خليتوا يطلع ؟؟
الدكتور : احنا حاولنا نمنعه بس ما قدرنا هو بكامل ارادته العقليه ما نقدر نغصبه
قلت له : هذا يعتبر انتحار شلون تخلونه
الدكتور : حتى اهل المريض مو عارفين وينه وابوه المسكين كل يوم ايي المستشفى يسأل اذا لقيناه او يه لنا
قلت : ومايرد على تلفوناتكم انتو واهله ؟؟
الدكتور : لا ما يرد على احد
خليت الدكتور يتكلم وانا منهاره من البجي
ووخرت عنه وحاولت ادق على مشعل
مارد علي بعد المحاوله الرابعه رد على
الووووو
قلت : انت وينك
مشعل : انتي اللي وينج
قلت : اسبوعين اخليك تسوي جذي هذا يسمونه انتحار يا مشعل
مشعل كان صوته تعبان وايد ووايد يكح بشكل مو طبيعي
مشعل : انتي خلفتي بوعدج وهذا اللي انا وياج متفقين عليه
قلت له : مشعل انا سافرت مع ريلي انت لازم تقدر ظروفي انا احب فيصل ريلي يا مشعل ونسيتك انت لازم تنساني
مشعل : حاولت بس ما قدرت وانتي يا منار تحبيني وما تحبين ريلج لا جذبين على عمرج لو ما تحبين جان ما بجيتي الحين وكان عادي عندج امووت وجان ما دقيتي علي وقعدتي تدورين على واكيد انج تفكرين فيني مثل ما انا افكر فيج
قلت : مشعل حتى لو احبك انا يا مشعل مو ملكك مو ملكك انا الحين ملكك فيصل ريلي اهو كل الشي بحياتي الحين فات الاوان على حبنا يا مشعل فات
مشعل : اموت عيل طريجي اهو اللي بريحني من عذاب حبج يا منار
قلت : شلون تفكر انت مشعل لا تنسى روحك عفيه لا تسوي بعمرك جذي
مشعل : انتي اللي خترتي يا منار قتلج تطلقي وانا اخذج يا منار والله
قلت : فرصتك يا مشعل انت اللي ضيعتها بيدك مرتين قبل لا اتزوج لما كنت تراقبني ولما كنت حبيبتك وكنت لي كل ما املك
مشعل : اعوضج يا منار بس هدي فيصل وتعالي انا اخذج خل اعوض الايام الباقيه بعمري
قلت : لا تقول جذي يا مشعل وتعال الحين المستشفى على شاني اذا يت راح افكر بموضوع اني اهد فيصل والله بس انت تعال بس خل اشوفك عفيه مشعل عفيه
مشعل : خلاص يا عمري لا تبجين الحين راح ايي المستشفى بس ما بي اشوف دمعتج انزين
قلت : انت تعال وراح تشوف ضحكتي يا عمري
مشعل : انا عمرج
قلت : وحياتي بعد صدقني انا احبك بس قاعده اقص على عمري والله انا احبك بس قاعده احاول اخليك تنساني
مشعل : لا تحركين انا الحين يايلج المستشفى
قلت له : انا مراح اروح ولا مكان نا طرتك
وصكرت الخط
وانا مو مستوعبه شلون تطلع ني هل كلمات انا من صجي ولا بس ابي مشعل ايي المستشفى عشان اعالج انا الحين بحالت تشويش ماني فاهمه مشاعري وتجاه منو راحت قاعد يصير فيني صراع داخلي
وبعد انتظار طويل يه مشعل وهو بحاله تخرع كان ويهه ازرق وطالعته شوي لحيه وشعر هذا دليل ان هد العلاج الكيماوي
قلت له : مشعل
مشعل : حياتي منار اشتقتلج روحي معاج يل منار لا تهديني وتخليني جذي امووت اهون لي يا منار اهون
قلت : مشعل عفيه روح عالج لا تهد العلاج انتي تبيني اموت وانا حيه ليش يا مشعل
الدكتور لما شاف مشعل مسكه وقاله : ليش ياولدي جذي تسوي كانت حالتك مستقره امش معاي خل نشوف انت لي وين وصلت أي مرحله
قلت : يالله يا مشعل امش مع الدكتور خل يفحصك وانا راح اكون معاك لو اليوم بطوله
مشعل : انزين بس راح تبقين معاي لي نخلص من علاجي
قلت له : راح ابقى معاك يا مشعل صدقني
وبعد ما دخل مشعل مع الدكتور يفحصه وحين اهو أي مرحله وصل لها
لان لما اتشفنه المرض فيه كان بمرحله الثانيه واللي هي ورم كبير بصدره صوب رئته وبعد العلاج الكيماوي قدر مشعل يخلي الورم اصغر من حجمه عشان ينتقلون جراحه ويستأصلونه
بس عقب ما كشفوا على مشعل من بعد الاسبوعين اللي فات اتضح ان مشعل انتقل للمرحله الرابعه وهي اخطر مرحله ما يقدرون يساعدونه لا ان يشلون رئة وحطون له رئه ثانيه والكيماوي تخفيف الالم اللي فيه بس وخلي حالته مستقره وما ينتشر السرطان لي جسمه
بس المشكله اللي واجهتنا ان وين نلقى متبرع حق الرئة
وبعد شهر ...................
تغيرت شوي على فيصل لاني قاعده احاتي مشعل وايد هل الايام بس مارست دوري كزوجه لفيصل وما قصرت معاه بشي بس قلبي اللي مشغول عنه
واكيد ما بينتله شي عشان ما يشك وقتله تغير البسيط محاتات لدراستي بس
ومشعل ازوره بنتظام وتابع علاجه معاه
وكانت حالة مو زينه وايد كان عايش على الكيماوي واذا هدى يموت وكان ويهه مصوفر وسواد تحت عيونه كبير وبين عليه التعب
بس كان طول ما انا معاه يتغشمر معاي وجنه ما فيه شي
وليلحين ما لقوا حق مشعل متبرع رئه
وفي يوم وانا كنت عند مشعل حسيت بدوار واغمى علي بس مو جدام مشعل كنت بطلع من المستشفى
ومن مستشفى مكي جمعه حولوني على مستشفى الصباح لان مكي جمعه مو متخصص الا للسرطان
ولما بطلت عيني انصدمت اني بالمستشفى
و لما الدكتور كشف علي قالي خبر صدمني
وليلحين اسمع كلمات الدكتور الف مبروك يا ستي انتي حــــــــــامل
انا حامل مو معقوله لا انا مابي احمل الحين اذا درا مشعل راح يكتئب وفيصل راح يشدد علي بطلعاتي ويياتي و الحمل بأثر على دراستي
طلعت من المستشفى وانا حايره من امري شسوي
اقول حق مشعل
فيصل راح يستانس ولا لا
هل الحمل باثر على صحت مشعل
فيصل اكيد مراح يخليني اطلع وايد وهذا اكيد
وشراح يصير فيني انا ودراستي
امي اكيد بطير من الفرحه وشموس وعمتي
اول ماوصلت بيتنا شفت فيصل وبجيت ولميته
وقالي فيصل : شفيج
قلت له : مافيني شي
فيصل : منار حياتي قوليلي اللي بقلبج
هو قالي هل جمله انا قمت ابجي زياده
قام فيصل ومسح دموعي وباسني على راسي
فيصل : لا يا روحي لا تبجين انتي تستاهلين عمري لو تبينه شفيج
قلت : توني رحت المستشفى وقالولي
ما قدرت اكمل جملتي منالبجي
فيصل: شقالولج فيج شي منار قولي ؟؟
قلت : انا حامل فيصل حامل
فيصل : شنو ؟؟ حامل انتي متاكدا منار
قلت : شفيك مو مستانس
فيصل : بصير ابو شلون ما استانس حبيبتي روحي انتي انا شوي متفاجئ
وبعد سكوت رهيب قال فيصل : انتي لازم توقفين قيدج هل كورس
قلت : فيصل مابي اقول حق اهلي ولا اهلك الحين وبعدين انا بالاسبوع الاول من الحمل يعني ليلحين ماتكون الجنين والكورس بخلص بسرعه حرام اوقف قيدي
فيصل : ليش ماتبين تقولين حق اهلي وهلج
قلت له : بس مو مستعده ليلحين ابيه هل الشي بيني وبينك
فيصل : انا مو مصدق ليلحين والله خليتيني اطير من الفرحه
وناسه صج بصير ابو مو مصدق
قلت له : فيصل انا مابي اكون ام انا مو مستعده حق ياهل الحين
فيصل : هذا مو أي ياهل هذا ولدنا واكيد ياروحي راح تستعدين بعدين مو الحين
قلت له : فيصل يصير اطيح الياهل اهو توه ما صار له ليلحينه لحمه بطني ما فيه روح
فيصل قال لي وبعصبيه وصوت اول مره يكلمني فيه : سمعيني اذا سمعت انج فكرتي بس فكرتي هل تفكير راح تشوفين شي ما شفتيه هذا ولدي ما ارضى تذبحينه حتى لو لحمه وحرام حرام ما يجوز
قلت : فيصل سامحني والله مو قادره افكر عدل
فيصل : ادري قمتي تخربطين شوي تعالي يمي وانسي الدنيا ترا انا وايد مستانس ومستعد اني اشيل المسوؤليه وما قصر على الياهل اللي ياي بالطريج
طمني فيصل شوي بس انا كنت خايفه على مشعل لان مرده راح يدري اني حامل
اليوم الثاني
كان امس فيصل وايد حنون معاي قاعد ويكلم بطني ويلمسه
وطمني ان مافي شي بيتغير واني انا قد المسوؤليه ووايد كلام مابي اقوله عشان ما طول القصه لانها على وشك النهايه
رحت المستشفى عند مشعل
بعد طول عناء لان فيصل ما كان يبيني اطلع وانا حامل وكام خايف علي
ولما وصلت المستشفى
دشيت على مشعل
مشعل : سلامات شفيج خفت عليج بغيت ادق عليج بس قلت مابي احرجج مع شسمه .................
قلت : ريلج قصدك
مشعل : مهم شفيج ذاك اليوم قالولي طحتي غشيانه
قلت بقلبي : اذا قتلك اني حامل شنو بتكون ردت فعلك وانت عندك امل ان نرجع وطلق خلاص راح الامل اخاف تسوي بعمرك شي اذا دريت
مشعل : منار تحجي قوليلي ؟؟ شنو كان فيج ؟؟
قلت : لا ما فيني شي بس ضغطي نازل لان وايد نفعلت امس
مشعل : ماتشوفين شي يا الغاليه
قلت : الشر ما يك
مشعل : الدكتور قالي اني بالمرحله الثالثه اخرها يعني مافي تحسن مادري شسوي
قلت : راح تتحسن انشالله يا رب هي مسئلة وقت
مشعل : الله يسمع منج
بعد شهرين ...............
بطني بدا يكبر وانا مو قايله حق اهلي ولا اهل فيصل وفيصل ملزم اقول حق اهله بس انا مابي اسون لي ربكه ولا تطلعين ويهمتون لي زياده
لان اهم دايم الحين اعاتبونه ليش مانروح لهم الا بالاسبوع مره
وحتى اهلي مقصره بحقهم
نرجع حق الاحداث المهمه
مشعل بدا يلاحظ الوزني قاعد يزيد وشهيتي منفتحه وايد
بس مو قاعد يقولي شي مايبي يحرجني
وصحة مشعل قاعده تدهور مو قاعده تتقدم
ومشعل اخر الايام قام ييب سيرة الموت وايد على اللسانه
المستشفى ..................................
رحت حق مشعل كل عاده الصبح عشان فيصل ما يشك
رحت دار مشعل ولقيته قاعد يقرى قران
مشعل : صدق الله العظيم , منار انا فكرت وو
قلت له : شفيك ؟؟
مشعل : منار انتي حامل صح
قلت له : أي يا مشعل انا حامل بس مابغيت اقوو...
مشعل : ادري ليش مابغيتي تقطعين الامل اللي انا كنت عايش فيه
منار انتي تحبينه ؟؟
قلت له : اكيد احبه ريلي شلون ماحبه
مشعل : بس مو مثل حبي صح
قلت له وانا الدمعه بعيني : أي يا مشعل انا مابقى لي قلب عشان احب فيصل بنفس الطريقه اللي حبيتك فيها
مشعل : منار عيونج فضحتج ادري ان قلبج ليلحينه عندي بس انتي تكابرين
قلت وانا ابجي : مشعل ما اقدر اطلق ولد الناس مو مقصر بحقي حاطني بعينه هذا اللي ذابحني آآآآآآآه وانا الحين حامل
مشعل : لا تبجين ياروح مشعل انا يا منار وصلت اليوم المرحله الرابعه يعني مافي علاج لي انتشر المرض بجسمي
قمت وصرخت : لا انت ليش تقول جذي مراح تموت لا مشعل لا تذبحني وانا حيا انت راح تعيش مشعل لا تقول جذي
قمت وركضت حق الدكتور اللي عالج مشعل
دشيت عليه وهو كان عنده ممرضات ومشغول
وانا دشيت عليه وانا متهاره
قلت له بنفعال : مشعل دكتور مشعل
ونهرت من البجي شلون اقوله وشقوله مشعل بموت ولا لا ما في علاج له
الدكتور : مشعل محتاج معجزه يا ستي , استريحي وهذا امر الله
قلت : ما اعترض على امر الله بس ماتقدرون تسون شي مو معقوله انتشر بسرعه خلال اشهر انا قاريه ان خمس سنين على ما ينتشر دكتور كلامكم مو منطقي فهمني
الدكتور : مشعل اول ماوصل كان بالمرحله الثالثه بس الدكتور اللي شخص له الحاله ماعرف هل الشي وو
قلت : لا تكمل يا دكتور انتو اللي راح تذبحونه حرام عليكم
وقمت ورحت غرفة مشعل
مشعل : منار هذا امر الله ومو زين الانفعال على الجنين
قلت له : مشعل انا وين وانت وين مشعل لا تروح مني مشعل انا احبك مشعل أي انا احبك انت
مشعل : ادري يا منار
قلت له : تبيني اطلق من فيصل ونربي ولدي انا معاك مشعل قولي شنو تبي عفيه مشعل قولي شنو تبي
مشعل : ابيج ماتبجين لان بجيتيني معاج
قلت : مشعل راح تسافر بره علاجهم احسن من اهني مشعل راح ادق على ابوك الحين وقوله
مشعل : منار انا حالتي ميئوس منها خلاص انا الحين ابي اعيش الايام اللي بقت من حياتي ومابيج تيين المستشفى من يوم ورايح واذا يتي باجر راح اطلع من المستشفى ومراح تشوفيني مره ثانيه
قلت له : ليش تبي تسوي جذي فيني تبي تذبحني يا مشعل لا مراح اقدر ما ايلك ما اقدر
مشعل : منار روحي حق ريلج الله يوفقج معاه والله يخليلج الولد اللي بيلج ولا تسمينه على اسمي مابيج تذكريني
قلت : انت اللي طلعت فجاه بحياتي ليش يت ها ليش طلعتلي فجأه ليش ؟؟ علشان عذابي انت تحب تشوفني اتعذب ولا شنو ياليتني ما عرفتك لو اقدر اعيد الايام والاسنين و الاشهور جان ما تعرفت عليك آآآآآآآآه يا غلطت عمري
مشعل قام يبجي : منار لا تقولين جذي وتذكريني شكثر كنت اناني ومغرور ومافكر الا بنفسي اذيت اخر انسان حبني من قلبه حبني لنفسي مو لشي ثاني
انا حسيت ان في شي داخلي يقولي قومي وطلعي من المستشفى وين مادري بس اطلع
وقمت وطلعت وما سمعت شقالي مشعل
وطلعت وانا بحالة صدمه على قاعده استوعب شنو قاعد يصير
وتذكر اول ما كلمت مشعل وتعرفت عليه وذكريات قديمه تردلي وتذكرت ابوي وقعدت بسياره ابجي
مشعل من كثر مو تعبان ما يقدر يلحقني وكان قاعد يصرخ يناديني عفيه منار لا تسوين بنفسج جذي
وفيصل المسكين انا قاعده اخونه مع مشعل
وولدي اللي ياي بطريج شلون بربيه
بعد سبوعين................................
وخلال الايام كنت ازور مشعل بس من بعيد
كنت اشوفه يتعذب ويبجي من الالم بس كنت ما اقدر اسوي له شي كنت ابجي بالساعات وانا بالبيت مع فيصل وكنت اقوله بطني يعورني
واهلي درو اني حامل وستانسوا وامي فاطمه ستانسة وايد وشموس وعمتي بس انا ماكنت مستانسه ولا متحمسه حق الجنين اللي بطني وكنت اعتبر فترة حملي جنها مرض يايلي ولازم اتحمل عوارضه
كنت قاسيه على فيصل ونفسي وايد
واهل زوجي حتى لاحظو هذا لاني ما كنت ازورهم مع فيصل وتحجج بالتعب والوعت جبد اللي تحوش الحامل
والمشكله ان فيصل ليلحين متحمل وصابر علي
انا ضايعه مادري شسوي ؟؟؟؟؟؟؟
وبعد ستة اشهر
خلال هل خمس تشهر عانيت وايد وانا الحين بشهر الثامن اوله بطني وايد كبر فما قدرت ازور مشعل بالمستشفى بس كنت على اتصال مع دكتور مشعل وكان يقولي تفاصيل عن حالته
اما حياتي مع فيصل كانت خلال هل الاشهر معدومه من الحب مني انا
وفيصل كان قاعد يحاول فيني بس المشكله مني انا قبل كنت اجامله بس الحين ما اقدر
وغير انه الحمل وايد تعبني وقمت حتى ما اقدر اتحرك
بس يتني لحضات واستني وايد
لما تحرك ولدي او بنتي اول مره
ولما سمعت دقات قلب الجنين
هذا حسسني بالشوق حق الياهل اللي ياي بالطريج
وفي يوم دقيت على الدكتور بسأل عن حالة مشعل
الووو
الدكتور : هلا اختي منار
رديت : هلا دكتور شلون مشعل اليوم
الدكتور : مشعل يا ستي عايش على العلاج
رديت : ادري يا دكتور ادري
الدكتور : مشعل الحين بحالة لاوعي يعني تقدرين تزورينه لان الكيماوي اثر على وعي مشعل وايد وصار ما يقدر يتحرك
لا تستغربون لان الدكتور يدري عن قصتي مع مشعل بس مو بتفصيل
رديت : مو هني القصه دكتور القصه اني حامل بشهر الثامن بدايات الثامن وحس بتعب ما اقدر اتحرك من مكاني
الدكتور : أي انتي وايد تنفعين وقاعده تعبين عمرج وجنين وياج حاولي انج تسترخين
قلت له : شلون استرخي ومشعل بموت وانا ما اقدر اسوي شي دكتور ما اقدر
وقمت ابجي
الدكتور : مشعل يا اخت منار الحين ما يهد المصحف من يده ومرتاح لا تبجين ادعيله بالرحمه ولازم تتقبلين خبر ان ما لا علاج عندنا
قلت له : ما اقدر يا دكتور ما اقدر
صكرت الخط من الدكتور لاني ما قدرت اسمع اخبار مشعل اللي ماتسر
قلت بقلبي : اتمنى لو كنت زوجتك يا مشعل والحين اكون يمك اواسيك ياعمري في اخر ايام حياتك ما شيل ايدي من ايدك وما شيل عيني من عينك بس انا مو ملكك انا ملك غيرك وانت ملك المرض
منت ملكي
يا ابتسامة دنيتي
واطهر ذنوبي
منت ملكي
يا شروقي
في متاهات الليالي
خايفٍ
تصبح غروبي
غروبي
خايفٍ ..
لحظه وداعك
منت لي
وادري بضياعك
ادري وانسى
وانت تنسى
لي متى واحنا
مركب حبنا محتاج مرسى
لي متى نقسى علينا
مثل ما هالعمر يقسى
م انت ملكي..
م انت ملكي
لي متى اغمض عيوني
م انت ملكي
م انت ملكي
لي متى تسكت ضنوني
م انت ملكي
لي متى ..
اسرق دقايق شوفتك
واحيا عليها
لي متى
تمدلي ايدينك
واحلف ماابيها
كاذبٍ حلفي حبيبي
غصب عني .. عارفٍ مانت نصيبي
منت ملكي
بس احبك
لي متى يا الشمس احبك
منت ملكي
بس اودك
لي متى كلي اودك
ماتمنيت اعشقك
صرت مااقدر اعتقك
صرت مااقدر افقدك
آآآه يا انقى ذنوبي
اغفر احساس جمعنا
اغفرلي ضعفي ترانا
مثل ماجينا رجعنا
قال هالعالم بصوته
م انت ملكي
م انت ملكي
ونمت وماتدري
بشخص كل ليله
عند بابك
واقف مكسور يبكي
يبكي
منت ملكي
قلت لك مليون مره
منت ملكي
منت ملكي
وقلت لك مليون مره
منت ملكي
مسامع اغنيه احمد الهرمي يت على الجرح لان كل حرف فيها انا عشته
كل حرف فيها انا ذقته كانها غناها لي ولي مشعل
وقمت ابجي بنهيار وبعدها سمعت صوت فيصل فمسحت ادموعي
ولما قرب فيصل يمي ودخل الدار
فيصل : ها شلون الحلوين اليوم
قلت له : والله تعبانه وايد
فيصل : ما تشوفين شر عمري انتي
قلت له : الشر مايك
فيصل :قومي اوديج الطبيب
قلت : مابي بس ابي ارتاح ونام
فيصل : على راحتج عمري
وبعد ثلاث ساعات
قعدت من النوم من الالم اللي حسيت فيه كان الم فضيع
غير عن كل مره
ما اقدر اقعد بطني يعورني
حاولت اصرخ بس من كثر العوار ما اقدر
قمت من الفراش بصعوبه
وطلعت من داري
بس الالم زاد ماقدرت اتحمله
طلعت ادور فيصل بس مالقيته بالصاله
وقعدت على القنفه
واغمى علي
وبعد جم دقيقه يه فيصل وشافني وانا على القنفه
فيصل : حياتي شفيج منار منار ردي علي
فيصل قاعد يحاول يقعدني بس ما قعدت
ولما بطلت عيني
قلت : فيصل فيصل ويني انا ؟؟
فيصل : انتي بالمستشفى
لما قالي فيصل انا بالمستشفى رد العوار مره ثانيه
من كثره صرخة
فيصل : شفيج حياتي
قلت : عوار فيصل ما اقدر استحمل
فيصل ناده الممرضه والدكتور
الدكتور : احنا ناطرين التحاليل اللي خذيناها منها على شان نشوف شنو حالتج لان اذا ضغطج نازل ومعدل الاكسجين نازل راح الحين اوديج انسويلج عمليه قيصريه لان الطفل يمكن يتعرض للتشوه او الاعاقه اذا نقص الاكسجين من دمج
فيصل : متى تطلع النتايج يا دكتور ؟؟
الدكتور : بعد شوي
ولما يت النتايج .................................
الدكتور : اخ فيصل لازم ننقل المدام غرفة العمليات حالا
قلت : دكتور مابي ولاده قيصريه يصير اولد ولاده طبيعيه
الدكتور : بيصر بس راح تتعين وايد وهذا يشكل خطر على حيات الجنين
قلت له : خلاص
فيصل : الجنين شلون حالته الحين ؟؟ هو ليلحينه مو مكتمل شلون بتولد الحين ؟؟ وهي توها صار لها ايام داشه الثامن
الدكتور : يا اخ فيصل اذا بشرح لك مراح اخلص فخل الشرح ورا العمليه لما تم بسلام ما اقدر اضيع وقت اكثر
وطلع الدكتور من الغرفه
ويو الممرضات وخذوني وفيصل يمي قاعد يدز الفراش معاهم وماسك ايدي
فيصل : حياتي الحين ولدنا ياي بالطريج اظاهر التعبان اشتاق لنا ويبي يطلع مبجر
انا حتى ما قدرت ابتسم وجامله من الالام اللي قاعده احس فيها
غرفة العمليات
ما تذكر شصار بس اتذكر لما عطوني البنج وهني قمت ابستم لان الالم راح وبديت افقد وعيي ونام
بس كنت اسمع الدكتور وهو يتكلم مع الممرضات
وسمعت صوت فيصل لان دش الغرفه معاي ومسك ايدي طول الوقت
ولما خلصت العمليه
قعدت من النوم وقبل لا ابطل عيني حطيت ايدي على بطني
وحسيت بجرح العمليه
ولما بطلت عيني شفت شموس قاعده يمي مع امي وعمتي
قعدة اطالعهم بس ما تكلمة ولا كلمه
عمتي لاحظتني وقالت : الحمدلله على سلامه يا بعد اهلي انتي
شموس : ماني مصدقه مناروه صارت ام
امي : يالله عاد البنيه توها قاعده وتأذونها
شموس : بعد عمري اختي ما عاش من ااذيها
عمتي : شفتي ولدج
قلت : ياني ولد ؟؟
أمي : اي والحمدلله مافيه شي طبيعي الدكتور عليه بس صغير لان مو ياي بشهره فحطوه بالحضانه
قلت : وين فيصل ؟؟
امي : مسكين قاعد يطالع ولده صارله ربع ساعه مجابله
قلت : يمه مشتاقتلج وايد
امي : وانا بعد يا عمري مشتاقتلج
قلت لها : يمه مشتاقه حق ابوي
وقمت ابجي
وبجيت كل اللي بالغرفه معاي
شموس : كلنا مشتاقين له يا منار
قلت : يمه تعبانه يمه مادري شسوي محتاجتج يمه
امي ردت علي وبكل ثبات بدون دموع وبجديه : انتي يا منار مو محتاجتني انتي محتاجه هذا
وطلعت القران من جنطتها ومحتاجه ربج
شكثر اهملتيه يا يمه
كنتي تتعبين اكثر وحده فينا وما سألتي عمرج ليش
كلنا عندنا مشاكل مثلج واكبر شنو اللي صبرنا غيره العزيز انتي يا يمه الحين محتاجته استغفري ربج باللي تسوينه بعمرج وتوجهي له
اول خطوه تسوينها تقرين قران وما تهجرينه وخشوع في صلاتج واذا بتشكين اشكي الله سبحانه وتعالى الشكوا لغير الله مذله يا بنتي
راح تحسين بعد الخطوه الاولى انج قويه وراح تتقبلين قدر الله سبحانه وتعالى
قلت لها وانا امسح دموعي : وشنو الخطوه الثانيه ؟؟
الخطوه الثانيه انج تتحجبين يا بنتي ماتدرين متى الله ياخذ امانة عبده وهل خطوه ضروريه لانها تكمل الخطوه الاولى ولانها فرض عينه
واذا ما سويتها شلون الله بتقبل منج وانتي مو طايعتة
امي هني يابتها على الجرح
قلت لها : فعلا يما الصلاة ماتكفي هذي فرض والحجاب فرض وانشالله خل اطلع من هل مستشفى راح اتحجب وطيع كلامج
صج كلام امي ريحني وحسيته هو الحل لكل مشاكلي
الله يعلم ان قلبي مو بيدي وما اقدر اتحكم فيه
وقلبي انا عند مشعل ومشعل ايامه معدوده يعني انا قلبي قاعد
يحتضر معاه
يعني مخرج مشكلتي اهي ان انا اتجه لربي وهو اللي راح يصبرني
ومن بعد موت مشعل راح ادعي ربي ان يشافي قلبي وخليه لريلي اللي ما قصر معاي وستغفر الله على الايام اللي خنت فيصل فيها مع مشعل لاني جذب عليه على شان اشوف مشعل ووالايام اللي كنت اتصل فيها على مشعل
كلام امي وعاني عدل وخلاني اشوف المستقبل بعد ماكنت اقول ان مالي مستقبل من بعد مشعل
ثاني يوم في المستشفى ...............
فيصل نام عندي بالمستشفى وطبعا قتله برغبتي في الحجاب وستانس واهو كان يبي يبطل هل موضوع معاي من زمان بس كان كل مره ااجله
ويولي يباركوني ام فيصل واخته وخالته وجم وحده من قرايبه
وامي وشموس وعمتي ما خلوني بعد
ومن بعد ما راحوا كلهم وفيصل معاهم راح
رحت اشوف ولدي
اللي كان نايم بالحضانه كان ويهه احمر وبشرته بيضه على فيصل وملامحه كلها فيصل بس ماخذ عيوني الاوساع ابتسمت له وطبعا ما قدرت اشيله لان بالحضانه او الشيشه مثل ما يسمونها الكويتين
كان وايد صغير وحاطين له بخشمه وايرات عشان يتغذى وبيده ابر مثل ابر الدرب واللي ضحكني ان حفاضته اكبر من جسمه
كان ودي لمه وانا قاعده اشوفه يتثاوب جنه واحد كسلان
قلت له : ها يا روحي يا قطعه مني انت معقوله انت ولدي
اسفه حبيبي جسمي ما ستحملك وايد بس انا اللي بستحملك وايد يا روحي يالله متى تطلع من الشيشه ولمك وحطك بصدري ودفيك وغنيلك وعطيك حنان الامومه اللي ما عشت فيه انا وما حسيته من امي الصجيه
متى تطلع وتنسيني الهموم اللي فيني متى
فيصل : شهر ويطلع وترضعينه وتغيرين حفاظاته وتركضين وراه وتينين منه ومن حنته
قلت : انت من متى وانت هني
فيصل : قالولي انج عنده رحت لكم ركض عشان الم شمل العايله
قلت : هذا ابوك آآآآآآآآه لو تدري شمسوي فيني ابوك
فيصل : وامك لو تدري شكثر عذبتني
قلت : وابوك شكثر محيرني بطيبته وحبه
فيصل : انتي تستاهلين اكثر
قلت : انا مقصره بحقك يا عمري
فيصل : الله يا منار اول مره تقولين لي يا عمري
قلت : انت تستاهل اكثر من هل كلمه
فيصل مسك ايدي وحبها
قلت له : فيصل مو جدام الياهل
فيصل : ولييييه انت بعد غمض عينك
قلت له : لا بلى فهمك
فيصل : ليش ما لمستيه
قلت : شنو يصير المسه
فيصل قام ودخل ايدي بفتحة الزجاج اللي فيها مثل سوس
فيصل : جربي وحطي ايدج على ايده شوفيه شسوي
حطيت ايدي على ايده ومسك ايدي
قلت : مسك ايدي فيصل مسك ايدي
فيصل : أي ادري مسك ايدي اليوم العيار
قلت : واي يا علني افديك بروحي مابيك تهد ايدي
فيصل : حم حم ترا اغار شنو تغازلينه يمي
قلت له : هاو ولدك ؟؟
فيصل : اغار ولدي مو ولدي
قلت : خلاص افديك بروحي وعمري انت
فيصل : ما اقدر على هل كلام
ضحكة منه صج حسيت بفرحه ماتنوصف وقتها
وبعد شهر وثلاث اسابيع ............................
فيصل : ديري بالك على الولد
قلت له : ترا هو ولدي مثل ما اهو ولدك
فيصل : حلات الصبيان والله
احنا الحين تونا بندخل المستشفى لان اليوم بطلعون ولدي لان صار بصحه زينه وانا بعد ما رضيت اطلع من المستشفى الا وولدي معاي بس طلعني فيصل غصب لان المسكين يتنقل الظهر عندي انا وولدي وبالليل يروح ينام بالبيت والصبح يداوم
وبالويك اند عندي ينام
وانا تحجبة وصار لي سبوعين
هذا الجانب المفرح فيني
اما الجانب المظلم مشعل فقطت اتصالي من الدكتور وقاعده احاول انسى وخذيت بكلام امي وصج الله سبحانه وتعاله عطاني قوه قدرة اني ما اسأل عنه وقل تفكيري فيه بس ما نقطع
وسمية الولد عبدالله على اسم ابوي الله يرحمه
وعقب ما خذيت عبودي
قالتلي الممرضه ان فيه واحد سأل عن ولدي وشافه من بعيد ومشى وكان هل واحد بويل جير وكمام الاكسجين على حلجه
دمعت عيني لاني دريت منو سأل عنه هذا مشعل
الله كريم يارب تصبرني
وفيصل مسكين حيل يسأل منو هذا ومنو هذا وشلون يسأل عنج وعن ولدج وفيصل عباله ان هذا شايب لان لما قالت بويل جير وكمام الاكسجين فوحى له هل الشي ان شايب
وخلاص ساعات نسى الموضوع ولها بعبودي
وعلى فكرة خلصت فترة النفاس وهي الاربعين ويوم
وبالليل ،،،،،،،،،
وانا نايمه يم فيصل ياني مسج قعدني من نومي
كان من الدكتور يقول فيها
البقيه بحياتج ......... ان الله وان اليه راجعون
قريت المسج فوق الخمس مرات ابي استوعب الكلام اللي فيه ما قدرت ولا حتى دموع عيني راضيه تنزل احسها واقفه بعيني بس مو راضيه تنزل مشعل توفى
وبكل ثبات رحت تيددت وقمت اصلي واشكي همي لله وبجي وقراى قران ودعي له
يارب ما جمعتنا بالدنيا يا رب اجمعنه بالاخره يارب العالمين
يارب ترحمه ودخله جنتك من اوسع ابوبها يارب يا رحيم
يارب تغفر حساس الحب اللي جمعنه يا عزيز يا غفور
يارب تصبر اهله وتصبرني على فرقاه وتعطيني القوة يا قدير
يا رب يا حبيبي يا ارحم الراحمين
وخلصت قصتي مع قلبي اللي توفى مابين ايدي وما قدرت اسوي شي فيه
اخر كلمه اقولها قبل لا اغلق مذكراتي هي
الورد اللذي عنيته في عنوان قصتي هم البنات
فلا تفكر يا عزيزي الرجل في الركض وراء ملذاتك وتقطف الورود دون مبالات
وحتى الورد ينجرح
ولكن ليس كل ورده فتاة
ولا كل فتاة ورده
لي غرفة النوم
دشي غرفة النوم كانت روعه
كلها ورد جوري احمر بكل مكان على حتى الاثاث ما كان مبين من الورد شموع بكل مكان ودار ظلمه وشموع وورد
كان الجو وايد رومنسي
فيصل : شرايج ؟؟
قلت : وااي مكان صج ايين فيصل انت اللي مسوي جذي
فيصل : أي انا
قلت : فيصل صج المكان كله حلو
فيصل : يالله بعد يايبلج فلم رومنسي قوي صج
قلت : بعد
فيصل : اضبطج هههههههه
وقعدنا انا وفيصل نطالع الفلم صج كان حلو
وبعد الفلم ...........
قلت : فيصل تأخر الوقت يالله خلنا نروح ابي انام ارتاح
فيصل : نامي هني
قلت له : بس ماعندي هدووم شلون بنام بهدومي
فيصل : حياتي بطلي الكبت
بطلت الكبت ولا القى هدومي كلها موجوده
استغربت
قلت : بعد في مفاجأت اكثر من جذي بعد
فيصل : لا بس خلصت المفاجات
اليوم الثاني ...........................
قعدت من النوم وقلت ادش المطبخ وسوي ريوق حق فيصل لان امس ما قصر معاي
دشيت المطبخ
بس طبعا قاعده اكتشف البيت عدل
على ما دليت المطبخ وطبعا فيصل شاري ماجله البيت كلها
دشيت المطبخ
وسويت الريوق
وبعد نص ساعه وانا اعاني بالمطبخ لاني ماعرف اطبخ
دش على فيصل : شتسوين
قلت له : قاعده اسويلك ريوق
فيصل : اشوف شمسويه مسويه بيض
قلت : أي شوف ستوه ولا لا
فيصل : البيض صار لونه بني وتقوليلي ستوه ولا لا
قلت : هههههه فيصل يزاي بسوي ريوق
فيصل : روحي انتي قعدي وشوفي الريوق السنع
قلت : يالله ورني
فيصل : بسويلج بأن كيك مع مربى
قلت : صج تعرف
فيصل : افا عليج
قلت له :الله والله مايحتاج انا اطبخ وعندي شيف فيصل
فيصل : أي تدلعي وتدللي ترا هذا بس لان تونا متزوجين بعدين شغل البيت واليهال عليج
قلت : صج يالله ان ما خليتك انت تجابل اليهال وشغل البيت ابي عشر خدامات
فيصل : متزوج الاميره ديانه وانا مادري
قلت : انا احلى منها ههههههههههه
فيصل : هههههههههه بهذي صدقتي
قضيت اليوم مع فيصل وكان احلى ايام عمري حسيت اني متزوجه وكان فيصل ما عنده شغل ومتفرغلي وانا بعد كشت بدراستي
وشلون قعدنا البيت ما طلعنا ونكته اللي ما تخلص صج استمتعت باليوم وطبعا كان حساس يمكن ما اقدر اوصف لكم ياه
انشغت بالايام مع فيصل ونسيت حتى اني اجيك
الى شصار حق مشعل وقمت مارد على اتصالاته لان فيصل كان طول هل الاسبوع معاي
وستغليت الفرصه مره لما فيصل راح يكلم خاله
وتصلت على مشعل
الووو
مشعل : واخير ليش ماتردين علي
قلت له : مشعل انتقلت بيتي اليديد فنشغلت شوي انت صار عليك هناك
مشعل : الجوو عندنا ثلج ومناظر طبيعيه تينن وحتى المستشفى بين جبلين مسوينه تخيلي ويمه بحيره مجمده والمرضى مع دكاترتهم جنهم مينن يتزلجون
وفي وحده مسكينه كسرت خاطري عمرها خمس سنين وعندها سرطان بالمخ والله وعليه عليها وامها ماعندها فلوس تتعالج بنتها فيها وابوي مثل ماتعرفين عنده حلال وشركات فقتله ان يخلي علاج هل البنيه على حسابه انتي لا تشوفين امها لما قالو لها ان بنعالج بنتج والله قامت ولمت ابوي هههههههههههههههه
قلت له : ههههههه وطبعا ابوك ستانس
مشعل : الا تشقق من الوناسه اجنبيه شقره بيضه عيونها زرق ورشيقه لامته بس ابوي قام وقالها مو من عاداتنه ان وحده تلمه تدرين اهي شقالت
قلت : شنو شقالت ؟؟ اكيد قالت متخلفين
مشعل : لا بالعكس قالت ان جان زين ريايلهم مثلنا بكرم وشهامه ومحترمين لان اهي رفيجها هجرها وهي حامل بنته ومو معترف ببنته تصدقين
قلت : والله بلاوي بهل الدنيا
مشعل : تصدقين والله رتحت لما كلمتج
قلت : تصدق والله قاعده احاتيك
مشعل : لايبه انا ما فيني شي كلها جم سبوع وجابلج كل يوم
بعدين تذكرت بتفاقنا
قلت : انشالله ترد بسلامه هذا المهم
مشعل : انشالله
قلت له : يالله مشعل انا اكلمك بعدين وطمن عفيه لا دق لان ريلي عنده اجازه وكله معاي بس الحين استغليت الفرصه لانه طلع من البيت
مشعل : خلاص بس انتي لا تنسيني ودقي علي
قلت : انا عمري مانسيتك يا مشعل انت دايما في بالي يارب يشافيك
مشعل : يارب انا وايد مستانس لانج يمي وصحتي قاعده تصير احسن
قلت : يالله عيل مه الف سلامه ودير بالك على نفسك ما وصيك
مشعل : انشالله يالله يحفظج الله وسلمج
قلت : يالله مع السلامه
صكرت الخط....................
مر الاسبوعين من سفرت المشعل
وانا وايد انشغلت مع فيصل
وحسيت نفسي ان انا اللي صاكه قلبي عن فيصل ولا مافي ريال يستحمل هل اللي قاعده اسويه فيه ورمنسي لي ابعد الحدود ومو بس جذي مو مقصدر عني
وفي يوم بعد ما مرو الاسبوعين مع فيصل
ياللي فيصل وانا قاعده بالصاله
فيصل عندي هديه لج ياريتج ما تردينها عفيه
قلت له : وووي انت راح اسميك بو المفاجأت
فيصل : وهو يعطيني الصندوق فتحيه يالله
فتحته وشفت داخله كبوس ووشاح
ولما شلت الكبوس شفت تذكرتين سفر
فيصل : يمدحون فرنسا الحين
قلت : فيصل انا
فيصل : لا ترديني اذا على الدوام راح اخذلج اجازه زوجيه عفيه يالله عاد ما ستانسا بشهر العسل
قلت : خلاص موافقه بس نقضي سبوع واحد
فيصل : خلاص بس اسبوع يالله زهبي عمرج باجر السفره
دقيت على امي فاطمه وعمتي اللي نسيتهم تقريبا
وتطمنت عليهم وقلت لهم بسافر باجر
وفي الطياره ...................
ركبنه الطياره انا وفيصل
وطبعا انا اخاف من الطياره لما تطير
قعدنا انا وفيصل بكراسينا وانا عندي المعوذات قاعده اقراهم ووحاطه القران بجنطتي
ولما طارت الطياره
من غير شعور لميت فيصل
وقمت اقرى المعوذات
وفيصل بكل حنان ودفى
: بس حياتي لا تخافين مافي شي
الحين بطير الطياره ومراح يصير فينه شي
وبكل حنان قام يمسح على ظهري
ومن شدة خوفي نمت وانا لامه فيصل
ولما قعدت من النوم شفت فيصل ليلحينه يمسح على ظهري ويقرى القران اللي طلعه من جنطتي
فيصل : ها حياتي صحيتي
قلت : انا من متى وانا نايمه
فيصل : صار لج ساعتين تقريبا
وبعدين استوعبت اني نايمه على صدره وخرت عنه وانا اسوي عمري قاعده اتمقط
قلت له : وانت ما نمت
فيصل : شلون انام وانتي يمي ما شفتي ويهج وانتي نايمه جنج ياهل تصدقين صارلي يمكن ساعه وانا العب بشعرج وطالعج .
انا ما قدرت ارد على فيصل ستحيت وايد منه ومن كلامه لاني ما ستاهل أي شي منه
ولما وصلنا فرنسا
باريس تحديدا
وصلنا الفندق وكان الجو بارد وايد
دخلت السويت انا وفيصل من بعد ما توهقنا بالفندق لان لا انا اعرف فرنسي ولا فيصل والمشكله ان ما يبون احد يكلمهم انقليزي لازم فرنسي وعلى ما يه المترجم اونقذنا من هل موقف ووصلنا السويت من بعد ساعتين بهدله داخل الفندق
تصدقون اذا ما تبهدلنا بالسفر او صارت لنا مشكله ما نحس انه مسافرين هذي حقيقه
نرجع حق القصه
وصلنا السويت واول ما وصلت خذيتلي شور وبعدها فيصل خذاله شور بعدي وبعدها كان فيصل منظم لنا طلعه بمطعم وبعدها نروح متحف اللوفر وبعدها نرجع الفندق
بس انا من كثر ما تعبت اجلت كل الطلعه ونمت انا وفيصل
اليوم الثاني في باريس
قعدت من النوم ما شفت فيصل يمي
وقمت ادوره ما لقيته
وبعدين فيصل لقيته يطلع من الحمام
فيصل : ها قعدتي صباح الخير يا قمر
قلت له : صباح النور
فيصل : يالله يا عسل قومي خل نتريق بره وبعدها اخذج اوديج شارع الشانزليزية نتسوق وبعدها نفكر وين بروح
قلت له : ومتى بنروح متحف اللوفر متشوقه اشوفه
فيصل : خل نخليها باجر شرايج اليوم نروح نتسوق وبعدها اخذج مطعم ونرد الفندق
قلت : اوكي عادي يالله خل ابدل ثيابي ويلك
شارع الشانزليزية ..........................
فيصل : منار ترا الميزانيه اللي عطيتج ياها تجاوزتيها وايد
قلت : فيصل خلني استانس
فيصل : يا ريت شاريه شي حقج شاريه حق اختي وامي وخالتي شكو خالتي مادري وحق امج وعمتج واختج وولد عمتج بعد
قلت : فيصل انا ما سافر وايد ولما اسافر ماتبيني اونسهم كل ا للي شريتلهم يستاهلون
فيصل : أي شتري بعد علشان بعدين نقعد بالفندق وما نتحرك منه لان راح تخلص فلوسنا
قلت : خلاص بس هذا اخر محل خل ادشه وبعدين نطلع
فيصل : منارتي والله تعبت من المشي
قلت له : فيصل روح اقعد بالكراسي اللي يم باب المحل خل ادش وشتري منه ونطلع شرايك
فيصل : اوكي بس مو طولين علي
قلت : انشالله
ودشيت المحل كان محل ملابس رجاليه ونسائيه
وشريت منه قميص حق فيصل وبلوزه وشريتي جاكيت لان الجو كان وايد بارد
وطلعت
ولقيت فيصل قاعد وحاط يده على خده
يت صوب الكرسي من وراه وحرصت ان ما يشوفني
وغنيتله : احط ايدي على خدي وعاتب روحي بروحي
فيصل ضحك : ههههههههه والله خرعتيني ها شنو شريتي
قلت : لما نوصل الفندق اوريك
فيصل : عيل يالله جدامي طيران لي الفندق
قلت : اشدعوه مافيك صبر ؟؟
فيصل : لا بس انا ما حب اتسوق دخت من الافراره بروح ارتاح شوي ونغير ملابسنا ونروح نتغدى وبعدها بونسج بوديج مكان حده عجيب وبعدها نروح مطعم وبعدين نرد الفندق شرايج ؟؟
قلت : أي ليش لا
الفندق
فيصل : يالله وصلنا السويت وريني شنو شاريه
قلت له : ما بي اوريك استحي
فيصل : منار انا ريلج ما بيني وبينج مستحى عادي
قلت له : انزين خلاص
وطلعتلى البلوزه والقميص
قلت له : ها شرايك هذيله حقك
فيصل : ما شالله شدراج اني ادور على قميص حق دوامي اعيني اشوفه لا وشكله بعد مقاسي
قلت له : جربه انت
قام فيصل وفسخ بلوزته جدامي وانا ستحيت ولفيت ويهي
فيصل قام ومسك يدي وقالي : منار ليش لافه ويهج ابيج ما تستحين وطالعيني ترا صار لنا شهور مع بعض
قلت له : انت البس ابلوزتج وانا اطالعك
فيصل : مراح البسها وبيج اطالعيني صج مو جسم براد بيت بس مو اللي ما يطالع وبشع
قلت : فيصل استحي
اهني فيصل قرب يمي وحط يده على ويهي ولفه صوبه
فيصل : منار انا فاهمج ترا ادري انج الحين منحرجه بس ترا سالفة الاحراج طولت وابيج ماتنحرجين
قلت له : يعني شلون ؟؟
فيصل : يعني متى ما حبيتي تمسكين ايدي مسكيها بدون ما تنحرجين ومتى ما تبين تقربين صوبي قربي لا تستحين ترا انا مو قاعد اطلب اكثر من جذي والله
قلت وانا حاسه ان كلامه عدل وانا مقصره معاه : انشالله اللي تامر فيه
فيصل : صج
قلت له : شنو عبالك اتغشمر
فيصل : يالله عيل لبسيني القميص وزرريلي ياه
قلت : عاد مو جذي مره وحده
فيصل : يعني وانتي ليلحينج مو جاده بكلامج
قلت : امبلى جاده
وقمت وبجرئ لبسته القميص وزررت قميصه وايدي كانت قاعده ترجف
لمس فيصل ايدي وقال لي : ليش ايد الملاك ترجف مو قلنا ما كو مستحى
قلت : فيصل حس فيني اول مره اقرب جذي يمك وانت عارف
فيصل : أي خلاص معذوره روحي
ولما طلعنا من الفندق رحنا نتغدى بالمطعم وطبعا ايدي ما فارقت ايد فيصل ولما خلصنا فاجئني فيصل كعادته ووداني ديزني لاند وصج ستانسنا هناك لان ولا واحد فينا يخاف من الالعاب الخطره وقمنا نتحدى بعض منو يركبها وطبعا وانا هناك ما قمت استحي اني امسك ايد فيصل ولا حتى استحي لما اقرب وايد يمه
ولما صارت ساعه ثمان بتوقيت غرنش طلعنا من ديزني لاند ورحنا مطعم وبعدها الفندق وقعدنا نسوف مع بعض لي نمت واهو بعد نام
وطبعا الشي الحلو بفيصل كان ما ينسى صلاته كان يذكرني فيها وهو علمني اصلي الصلاة بوقتها من غير تأخير
واليوم الثاني رحنا متحف اللوفر واللي لمسته بفيصل ان مثقف يعرف منو له هل اللوحه وعن شنو مظمونها او تعبيرها
وبعدها رحنا نتعشى بالفندق
بعد اسبوع .......................
مر الاسبوع علينا ضحك وغشمره ووناسه وحتى اني نسيت مشعل
واني اتصل فيه
فيصل : حياتي مر الاسبوع بسرعه مو جذي
قلت : أي تصدق ما حسينه فيه
فيصل : شرايج نمدد بعد اسبوع
قلت له : لا فيصل مو عدله
فيصل : حياتي ليش لا يالله والله انا مسنانس معاج احس اني صج بشهر عسل
قلت له : بس دوامي وشغلك
فيصل : عفيه روحي خل امدد اسبوع ثاني
وبعدين وافقت بعد عناء وقلت اسبوع مراح يضر مشعل اذا قعدت وبعدين مراح يحس فيه و مو حلوه اني ادق وقوله اني سافرت ما قتله وصارلي سبوع فقررت اني ما اتصل
في مطعم بباريس
قعدنا بمطعمنا اللي متعودين نقعد فيه طول هل الاسبوع اللي قضينا بباريس
وبعدين وداني فيصل مقهى يم برج ايفل ومسك يدي وقاعد وتغزل فيني
وبعد ما طلعنا من المقهى رحنا بحيرة واجرنا قارب وقعدنا ندور على اضواء القمر ودار مدار البحيره ضوء شموع البحيره مخصصينه للرومنسيه
والعشاق
وطول ما انا معاه بالقارب وهو يطالعني
فيصل : ااااااااااه بتينني انتي كل يوم اشوفج احلى من اللي قبله
انا يا روحي محظوظ لاني خذيتج
مسك ايده وقلت له : اسمله عليك من الينون والله انا اللي محظوظه فيك انت صبرت علي وايد محد كان يقدر يسوي كثر اللي انت سويته لي يا فيصل
فيصل : منار احبج من كل قلبي
قلت له : فيصل لا تحرجني زياده
فيصل : ياروح فيصل انتي نحرجي لي باجر تدرين شنو ودي
قلت له : شنو
فيصل : ودي اخطفج
رديت عليه : ههههههههههههه شلون تخطفني وانا زوجتك
فيصل : مادري مادري بس ياني احساس ابي اشيلج واركض فيج
قلت وانا ميته من الضحك : من صجك ههههههههه وين بتوديني اذا شلتني ؟
فيصل : لا تسئلين هههههههههههههه
ولما رجعنا الفندق
فيصل كان مثل السكران يضحك ويمشي وميل علي ويمسك ايدي
قلت له : انت شارب من وراي والله اللي يشوفك يقول سكران ؟؟
فيصل : أي شارب من نهر حبج وسكران من سواد عيونج
قلت له : يا انت يا رومنسي اليوم الرومنسيه شغاله عندك بزياده
فيصل : انا راح انفذ تهديدي
قلت له : شنو ؟ شقاعد تقول انت خرفت
فيصل : راح اشيلج وقطج بالفراش
قلت له : لا فيصل لا تسويها
فيصل ضحك وشالني وقام يفتر فيني
اليوم الثاني
فيصل : صباح الخير يا العروس صج الحين حسيت انه احنا متزوجين
قلت له : صباح النور
فيصل : صج الحين حسيت انه احنا متزوجين
وقام وباسني على خدي
قلت له : وانا بعد مو مصدقه شنو صار امس
فيصل : اللي صار ان انا زوجج اموت فيج وهذي حيات المتزوجين ولازم نتعود عليها
قلت له : انا بروح اخذ شور عن اذنك
فيصل : اوكي يالله بس مو طولين اذا طوليتي بدش الحمام عليج وبخليج تنحرجين
قلت له : انت قتلي جذي انا نحرجت عيل لو تسويها صدقني ما اكلمك
فيصل : لا يبه لا يحوشك انا ما اقدر على زعل الحلوه
يوم قبل العوده الى الكويت ............
مر هل الاسبوعين من غير ما فكر بمشعل مثل قبل حسيت اني احب فيصل وقلبي بدا يميل له هذا زوجي وحبي الاول راح ولازم اقول حق مشعل ان خلاص ما اقدر باشر علاجه معاه
فيصل : منورتي خل نمدد
قلت له : لا يعني لا فيصل بس شتقت حق اهلي
فيصل : يعني ما بذنج ماي
قلت له : لا
فيصل : لميتي اغراضج
قلت : أي وغراضك بعد
فيصل : بعد اغراضي والله مستعيله
قلت له : بس ما مليت وانا مجابلتك اربع وعشرين ساعه
فيصل : اخاف اذا وصلنا الكويت تخترب السعاده اللي انا حاس فيها الحين
قلت : انا زوجتك هني وبالكويت مراح تتغير هل السعاده انشالله
وانا قاعده ارتب جنطتي بطلت تلفوني لاني من زمان مو مستعملته وقمت استعمل تلفون فيصل لما اتصل على عمتي وشموس
لما بطلت تلفوني
لقيت مسج من مشعل
انا وصلت الكويت منار اليوم ابج دقين علي انزين
وشفت التاريخ اللي كان اول ما سافرت انا وفيصل باريس
يعني صارلي سبوعين اوكثر مو مكلمه مشعل ومطمنى عليه معقوله نسيته اعتقد ان راح يقدر يكمل علاجه بدوني انا الحين متزوجه
لازم يقدر ظروفي انا الحين صج احب فيصل ونسيته بس الله يشافيه يمكن شعوري الحين ناحيته شفقه بس مو حب ولقيت حبي بفيصل هو يستاهل حبي مو مشعل
لما وصلنا الكويت
وصلنا الكويت انا وفيصل الفير ساعه 3 تقريبا رجعنا تعبانين من المطار ورحنا بيتنا ونمنا
وبعدين تعذرت حق فيصل وقتله بزور اهلي
رحت المستشفى
ومالقيت مشعل بفراشه ؟؟؟؟
وينه قعدت مثل المينونه ادوره من مكان لي مكان
واسأل الدكاتره عنه
وشفت الدكتور المسوؤل
قلت له وانا منفعله : دكتور وين مشعل
الدكتور: مشعل صار له سبوعين مو خارج من المستشفى ماندري وين رايح وانا حذرته ان المرض راح ينتشر فيه اذا طلع لان بمرحلته مرض سرطان الرئه اخطر انواع السرطان واذا باليوم ما خذا علاجه راح يأثر عليه
قلت : وانتو ليش خليتوا يطلع ؟؟
الدكتور : احنا حاولنا نمنعه بس ما قدرنا هو بكامل ارادته العقليه ما نقدر نغصبه
قلت له : هذا يعتبر انتحار شلون تخلونه
الدكتور : حتى اهل المريض مو عارفين وينه وابوه المسكين كل يوم ايي المستشفى يسأل اذا لقيناه او يه لنا
قلت : ومايرد على تلفوناتكم انتو واهله ؟؟
الدكتور : لا ما يرد على احد
خليت الدكتور يتكلم وانا منهاره من البجي
ووخرت عنه وحاولت ادق على مشعل
مارد علي بعد المحاوله الرابعه رد على
الووووو
قلت : انت وينك
مشعل : انتي اللي وينج
قلت : اسبوعين اخليك تسوي جذي هذا يسمونه انتحار يا مشعل
مشعل كان صوته تعبان وايد ووايد يكح بشكل مو طبيعي
مشعل : انتي خلفتي بوعدج وهذا اللي انا وياج متفقين عليه
قلت له : مشعل انا سافرت مع ريلي انت لازم تقدر ظروفي انا احب فيصل ريلي يا مشعل ونسيتك انت لازم تنساني
مشعل : حاولت بس ما قدرت وانتي يا منار تحبيني وما تحبين ريلج لا جذبين على عمرج لو ما تحبين جان ما بجيتي الحين وكان عادي عندج امووت وجان ما دقيتي علي وقعدتي تدورين على واكيد انج تفكرين فيني مثل ما انا افكر فيج
قلت : مشعل حتى لو احبك انا يا مشعل مو ملكك مو ملكك انا الحين ملكك فيصل ريلي اهو كل الشي بحياتي الحين فات الاوان على حبنا يا مشعل فات
مشعل : اموت عيل طريجي اهو اللي بريحني من عذاب حبج يا منار
قلت : شلون تفكر انت مشعل لا تنسى روحك عفيه لا تسوي بعمرك جذي
مشعل : انتي اللي خترتي يا منار قتلج تطلقي وانا اخذج يا منار والله
قلت : فرصتك يا مشعل انت اللي ضيعتها بيدك مرتين قبل لا اتزوج لما كنت تراقبني ولما كنت حبيبتك وكنت لي كل ما املك
مشعل : اعوضج يا منار بس هدي فيصل وتعالي انا اخذج خل اعوض الايام الباقيه بعمري
قلت : لا تقول جذي يا مشعل وتعال الحين المستشفى على شاني اذا يت راح افكر بموضوع اني اهد فيصل والله بس انت تعال بس خل اشوفك عفيه مشعل عفيه
مشعل : خلاص يا عمري لا تبجين الحين راح ايي المستشفى بس ما بي اشوف دمعتج انزين
قلت : انت تعال وراح تشوف ضحكتي يا عمري
مشعل : انا عمرج
قلت : وحياتي بعد صدقني انا احبك بس قاعده اقص على عمري والله انا احبك بس قاعده احاول اخليك تنساني
مشعل : لا تحركين انا الحين يايلج المستشفى
قلت له : انا مراح اروح ولا مكان نا طرتك
وصكرت الخط
وانا مو مستوعبه شلون تطلع ني هل كلمات انا من صجي ولا بس ابي مشعل ايي المستشفى عشان اعالج انا الحين بحالت تشويش ماني فاهمه مشاعري وتجاه منو راحت قاعد يصير فيني صراع داخلي
وبعد انتظار طويل يه مشعل وهو بحاله تخرع كان ويهه ازرق وطالعته شوي لحيه وشعر هذا دليل ان هد العلاج الكيماوي
قلت له : مشعل
مشعل : حياتي منار اشتقتلج روحي معاج يل منار لا تهديني وتخليني جذي امووت اهون لي يا منار اهون
قلت : مشعل عفيه روح عالج لا تهد العلاج انتي تبيني اموت وانا حيه ليش يا مشعل
الدكتور لما شاف مشعل مسكه وقاله : ليش ياولدي جذي تسوي كانت حالتك مستقره امش معاي خل نشوف انت لي وين وصلت أي مرحله
قلت : يالله يا مشعل امش مع الدكتور خل يفحصك وانا راح اكون معاك لو اليوم بطوله
مشعل : انزين بس راح تبقين معاي لي نخلص من علاجي
قلت له : راح ابقى معاك يا مشعل صدقني
وبعد ما دخل مشعل مع الدكتور يفحصه وحين اهو أي مرحله وصل لها
لان لما اتشفنه المرض فيه كان بمرحله الثانيه واللي هي ورم كبير بصدره صوب رئته وبعد العلاج الكيماوي قدر مشعل يخلي الورم اصغر من حجمه عشان ينتقلون جراحه ويستأصلونه
بس عقب ما كشفوا على مشعل من بعد الاسبوعين اللي فات اتضح ان مشعل انتقل للمرحله الرابعه وهي اخطر مرحله ما يقدرون يساعدونه لا ان يشلون رئة وحطون له رئه ثانيه والكيماوي تخفيف الالم اللي فيه بس وخلي حالته مستقره وما ينتشر السرطان لي جسمه
بس المشكله اللي واجهتنا ان وين نلقى متبرع حق الرئة
وبعد شهر ...................
تغيرت شوي على فيصل لاني قاعده احاتي مشعل وايد هل الايام بس مارست دوري كزوجه لفيصل وما قصرت معاه بشي بس قلبي اللي مشغول عنه
واكيد ما بينتله شي عشان ما يشك وقتله تغير البسيط محاتات لدراستي بس
ومشعل ازوره بنتظام وتابع علاجه معاه
وكانت حالة مو زينه وايد كان عايش على الكيماوي واذا هدى يموت وكان ويهه مصوفر وسواد تحت عيونه كبير وبين عليه التعب
بس كان طول ما انا معاه يتغشمر معاي وجنه ما فيه شي
وليلحين ما لقوا حق مشعل متبرع رئه
وفي يوم وانا كنت عند مشعل حسيت بدوار واغمى علي بس مو جدام مشعل كنت بطلع من المستشفى
ومن مستشفى مكي جمعه حولوني على مستشفى الصباح لان مكي جمعه مو متخصص الا للسرطان
ولما بطلت عيني انصدمت اني بالمستشفى
و لما الدكتور كشف علي قالي خبر صدمني
وليلحين اسمع كلمات الدكتور الف مبروك يا ستي انتي حــــــــــامل
انا حامل مو معقوله لا انا مابي احمل الحين اذا درا مشعل راح يكتئب وفيصل راح يشدد علي بطلعاتي ويياتي و الحمل بأثر على دراستي
طلعت من المستشفى وانا حايره من امري شسوي
اقول حق مشعل
فيصل راح يستانس ولا لا
هل الحمل باثر على صحت مشعل
فيصل اكيد مراح يخليني اطلع وايد وهذا اكيد
وشراح يصير فيني انا ودراستي
امي اكيد بطير من الفرحه وشموس وعمتي
اول ماوصلت بيتنا شفت فيصل وبجيت ولميته
وقالي فيصل : شفيج
قلت له : مافيني شي
فيصل : منار حياتي قوليلي اللي بقلبج
هو قالي هل جمله انا قمت ابجي زياده
قام فيصل ومسح دموعي وباسني على راسي
فيصل : لا يا روحي لا تبجين انتي تستاهلين عمري لو تبينه شفيج
قلت : توني رحت المستشفى وقالولي
ما قدرت اكمل جملتي منالبجي
فيصل: شقالولج فيج شي منار قولي ؟؟
قلت : انا حامل فيصل حامل
فيصل : شنو ؟؟ حامل انتي متاكدا منار
قلت : شفيك مو مستانس
فيصل : بصير ابو شلون ما استانس حبيبتي روحي انتي انا شوي متفاجئ
وبعد سكوت رهيب قال فيصل : انتي لازم توقفين قيدج هل كورس
قلت : فيصل مابي اقول حق اهلي ولا اهلك الحين وبعدين انا بالاسبوع الاول من الحمل يعني ليلحين ماتكون الجنين والكورس بخلص بسرعه حرام اوقف قيدي
فيصل : ليش ماتبين تقولين حق اهلي وهلج
قلت له : بس مو مستعده ليلحين ابيه هل الشي بيني وبينك
فيصل : انا مو مصدق ليلحين والله خليتيني اطير من الفرحه
وناسه صج بصير ابو مو مصدق
قلت له : فيصل انا مابي اكون ام انا مو مستعده حق ياهل الحين
فيصل : هذا مو أي ياهل هذا ولدنا واكيد ياروحي راح تستعدين بعدين مو الحين
قلت له : فيصل يصير اطيح الياهل اهو توه ما صار له ليلحينه لحمه بطني ما فيه روح
فيصل قال لي وبعصبيه وصوت اول مره يكلمني فيه : سمعيني اذا سمعت انج فكرتي بس فكرتي هل تفكير راح تشوفين شي ما شفتيه هذا ولدي ما ارضى تذبحينه حتى لو لحمه وحرام حرام ما يجوز
قلت : فيصل سامحني والله مو قادره افكر عدل
فيصل : ادري قمتي تخربطين شوي تعالي يمي وانسي الدنيا ترا انا وايد مستانس ومستعد اني اشيل المسوؤليه وما قصر على الياهل اللي ياي بالطريج
طمني فيصل شوي بس انا كنت خايفه على مشعل لان مرده راح يدري اني حامل
اليوم الثاني
كان امس فيصل وايد حنون معاي قاعد ويكلم بطني ويلمسه
وطمني ان مافي شي بيتغير واني انا قد المسوؤليه ووايد كلام مابي اقوله عشان ما طول القصه لانها على وشك النهايه
رحت المستشفى عند مشعل
بعد طول عناء لان فيصل ما كان يبيني اطلع وانا حامل وكام خايف علي
ولما وصلت المستشفى
دشيت على مشعل
مشعل : سلامات شفيج خفت عليج بغيت ادق عليج بس قلت مابي احرجج مع شسمه .................
قلت : ريلج قصدك
مشعل : مهم شفيج ذاك اليوم قالولي طحتي غشيانه
قلت بقلبي : اذا قتلك اني حامل شنو بتكون ردت فعلك وانت عندك امل ان نرجع وطلق خلاص راح الامل اخاف تسوي بعمرك شي اذا دريت
مشعل : منار تحجي قوليلي ؟؟ شنو كان فيج ؟؟
قلت : لا ما فيني شي بس ضغطي نازل لان وايد نفعلت امس
مشعل : ماتشوفين شي يا الغاليه
قلت : الشر ما يك
مشعل : الدكتور قالي اني بالمرحله الثالثه اخرها يعني مافي تحسن مادري شسوي
قلت : راح تتحسن انشالله يا رب هي مسئلة وقت
مشعل : الله يسمع منج
بعد شهرين ...............
بطني بدا يكبر وانا مو قايله حق اهلي ولا اهل فيصل وفيصل ملزم اقول حق اهله بس انا مابي اسون لي ربكه ولا تطلعين ويهمتون لي زياده
لان اهم دايم الحين اعاتبونه ليش مانروح لهم الا بالاسبوع مره
وحتى اهلي مقصره بحقهم
نرجع حق الاحداث المهمه
مشعل بدا يلاحظ الوزني قاعد يزيد وشهيتي منفتحه وايد
بس مو قاعد يقولي شي مايبي يحرجني
وصحة مشعل قاعده تدهور مو قاعده تتقدم
ومشعل اخر الايام قام ييب سيرة الموت وايد على اللسانه
المستشفى ..................................
رحت حق مشعل كل عاده الصبح عشان فيصل ما يشك
رحت دار مشعل ولقيته قاعد يقرى قران
مشعل : صدق الله العظيم , منار انا فكرت وو
قلت له : شفيك ؟؟
مشعل : منار انتي حامل صح
قلت له : أي يا مشعل انا حامل بس مابغيت اقوو...
مشعل : ادري ليش مابغيتي تقطعين الامل اللي انا كنت عايش فيه
منار انتي تحبينه ؟؟
قلت له : اكيد احبه ريلي شلون ماحبه
مشعل : بس مو مثل حبي صح
قلت له وانا الدمعه بعيني : أي يا مشعل انا مابقى لي قلب عشان احب فيصل بنفس الطريقه اللي حبيتك فيها
مشعل : منار عيونج فضحتج ادري ان قلبج ليلحينه عندي بس انتي تكابرين
قلت وانا ابجي : مشعل ما اقدر اطلق ولد الناس مو مقصر بحقي حاطني بعينه هذا اللي ذابحني آآآآآآآه وانا الحين حامل
مشعل : لا تبجين ياروح مشعل انا يا منار وصلت اليوم المرحله الرابعه يعني مافي علاج لي انتشر المرض بجسمي
قمت وصرخت : لا انت ليش تقول جذي مراح تموت لا مشعل لا تذبحني وانا حيا انت راح تعيش مشعل لا تقول جذي
قمت وركضت حق الدكتور اللي عالج مشعل
دشيت عليه وهو كان عنده ممرضات ومشغول
وانا دشيت عليه وانا متهاره
قلت له بنفعال : مشعل دكتور مشعل
ونهرت من البجي شلون اقوله وشقوله مشعل بموت ولا لا ما في علاج له
الدكتور : مشعل محتاج معجزه يا ستي , استريحي وهذا امر الله
قلت : ما اعترض على امر الله بس ماتقدرون تسون شي مو معقوله انتشر بسرعه خلال اشهر انا قاريه ان خمس سنين على ما ينتشر دكتور كلامكم مو منطقي فهمني
الدكتور : مشعل اول ماوصل كان بالمرحله الثالثه بس الدكتور اللي شخص له الحاله ماعرف هل الشي وو
قلت : لا تكمل يا دكتور انتو اللي راح تذبحونه حرام عليكم
وقمت ورحت غرفة مشعل
مشعل : منار هذا امر الله ومو زين الانفعال على الجنين
قلت له : مشعل انا وين وانت وين مشعل لا تروح مني مشعل انا احبك مشعل أي انا احبك انت
مشعل : ادري يا منار
قلت له : تبيني اطلق من فيصل ونربي ولدي انا معاك مشعل قولي شنو تبي عفيه مشعل قولي شنو تبي
مشعل : ابيج ماتبجين لان بجيتيني معاج
قلت : مشعل راح تسافر بره علاجهم احسن من اهني مشعل راح ادق على ابوك الحين وقوله
مشعل : منار انا حالتي ميئوس منها خلاص انا الحين ابي اعيش الايام اللي بقت من حياتي ومابيج تيين المستشفى من يوم ورايح واذا يتي باجر راح اطلع من المستشفى ومراح تشوفيني مره ثانيه
قلت له : ليش تبي تسوي جذي فيني تبي تذبحني يا مشعل لا مراح اقدر ما ايلك ما اقدر
مشعل : منار روحي حق ريلج الله يوفقج معاه والله يخليلج الولد اللي بيلج ولا تسمينه على اسمي مابيج تذكريني
قلت : انت اللي طلعت فجاه بحياتي ليش يت ها ليش طلعتلي فجأه ليش ؟؟ علشان عذابي انت تحب تشوفني اتعذب ولا شنو ياليتني ما عرفتك لو اقدر اعيد الايام والاسنين و الاشهور جان ما تعرفت عليك آآآآآآآآه يا غلطت عمري
مشعل قام يبجي : منار لا تقولين جذي وتذكريني شكثر كنت اناني ومغرور ومافكر الا بنفسي اذيت اخر انسان حبني من قلبه حبني لنفسي مو لشي ثاني
انا حسيت ان في شي داخلي يقولي قومي وطلعي من المستشفى وين مادري بس اطلع
وقمت وطلعت وما سمعت شقالي مشعل
وطلعت وانا بحالة صدمه على قاعده استوعب شنو قاعد يصير
وتذكر اول ما كلمت مشعل وتعرفت عليه وذكريات قديمه تردلي وتذكرت ابوي وقعدت بسياره ابجي
مشعل من كثر مو تعبان ما يقدر يلحقني وكان قاعد يصرخ يناديني عفيه منار لا تسوين بنفسج جذي
وفيصل المسكين انا قاعده اخونه مع مشعل
وولدي اللي ياي بطريج شلون بربيه
بعد سبوعين................................
وخلال الايام كنت ازور مشعل بس من بعيد
كنت اشوفه يتعذب ويبجي من الالم بس كنت ما اقدر اسوي له شي كنت ابجي بالساعات وانا بالبيت مع فيصل وكنت اقوله بطني يعورني
واهلي درو اني حامل وستانسوا وامي فاطمه ستانسة وايد وشموس وعمتي بس انا ماكنت مستانسه ولا متحمسه حق الجنين اللي بطني وكنت اعتبر فترة حملي جنها مرض يايلي ولازم اتحمل عوارضه
كنت قاسيه على فيصل ونفسي وايد
واهل زوجي حتى لاحظو هذا لاني ما كنت ازورهم مع فيصل وتحجج بالتعب والوعت جبد اللي تحوش الحامل
والمشكله ان فيصل ليلحين متحمل وصابر علي
انا ضايعه مادري شسوي ؟؟؟؟؟؟؟
وبعد ستة اشهر
خلال هل خمس تشهر عانيت وايد وانا الحين بشهر الثامن اوله بطني وايد كبر فما قدرت ازور مشعل بالمستشفى بس كنت على اتصال مع دكتور مشعل وكان يقولي تفاصيل عن حالته
اما حياتي مع فيصل كانت خلال هل الاشهر معدومه من الحب مني انا
وفيصل كان قاعد يحاول فيني بس المشكله مني انا قبل كنت اجامله بس الحين ما اقدر
وغير انه الحمل وايد تعبني وقمت حتى ما اقدر اتحرك
بس يتني لحضات واستني وايد
لما تحرك ولدي او بنتي اول مره
ولما سمعت دقات قلب الجنين
هذا حسسني بالشوق حق الياهل اللي ياي بالطريج
وفي يوم دقيت على الدكتور بسأل عن حالة مشعل
الووو
الدكتور : هلا اختي منار
رديت : هلا دكتور شلون مشعل اليوم
الدكتور : مشعل يا ستي عايش على العلاج
رديت : ادري يا دكتور ادري
الدكتور : مشعل الحين بحالة لاوعي يعني تقدرين تزورينه لان الكيماوي اثر على وعي مشعل وايد وصار ما يقدر يتحرك
لا تستغربون لان الدكتور يدري عن قصتي مع مشعل بس مو بتفصيل
رديت : مو هني القصه دكتور القصه اني حامل بشهر الثامن بدايات الثامن وحس بتعب ما اقدر اتحرك من مكاني
الدكتور : أي انتي وايد تنفعين وقاعده تعبين عمرج وجنين وياج حاولي انج تسترخين
قلت له : شلون استرخي ومشعل بموت وانا ما اقدر اسوي شي دكتور ما اقدر
وقمت ابجي
الدكتور : مشعل يا اخت منار الحين ما يهد المصحف من يده ومرتاح لا تبجين ادعيله بالرحمه ولازم تتقبلين خبر ان ما لا علاج عندنا
قلت له : ما اقدر يا دكتور ما اقدر
صكرت الخط من الدكتور لاني ما قدرت اسمع اخبار مشعل اللي ماتسر
قلت بقلبي : اتمنى لو كنت زوجتك يا مشعل والحين اكون يمك اواسيك ياعمري في اخر ايام حياتك ما شيل ايدي من ايدك وما شيل عيني من عينك بس انا مو ملكك انا ملك غيرك وانت ملك المرض
منت ملكي
يا ابتسامة دنيتي
واطهر ذنوبي
منت ملكي
يا شروقي
في متاهات الليالي
خايفٍ
تصبح غروبي
غروبي
خايفٍ ..
لحظه وداعك
منت لي
وادري بضياعك
ادري وانسى
وانت تنسى
لي متى واحنا
مركب حبنا محتاج مرسى
لي متى نقسى علينا
مثل ما هالعمر يقسى
م انت ملكي..
م انت ملكي
لي متى اغمض عيوني
م انت ملكي
م انت ملكي
لي متى تسكت ضنوني
م انت ملكي
لي متى ..
اسرق دقايق شوفتك
واحيا عليها
لي متى
تمدلي ايدينك
واحلف ماابيها
كاذبٍ حلفي حبيبي
غصب عني .. عارفٍ مانت نصيبي
منت ملكي
بس احبك
لي متى يا الشمس احبك
منت ملكي
بس اودك
لي متى كلي اودك
ماتمنيت اعشقك
صرت مااقدر اعتقك
صرت مااقدر افقدك
آآآه يا انقى ذنوبي
اغفر احساس جمعنا
اغفرلي ضعفي ترانا
مثل ماجينا رجعنا
قال هالعالم بصوته
م انت ملكي
م انت ملكي
ونمت وماتدري
بشخص كل ليله
عند بابك
واقف مكسور يبكي
يبكي
منت ملكي
قلت لك مليون مره
منت ملكي
منت ملكي
وقلت لك مليون مره
منت ملكي
مسامع اغنيه احمد الهرمي يت على الجرح لان كل حرف فيها انا عشته
كل حرف فيها انا ذقته كانها غناها لي ولي مشعل
وقمت ابجي بنهيار وبعدها سمعت صوت فيصل فمسحت ادموعي
ولما قرب فيصل يمي ودخل الدار
فيصل : ها شلون الحلوين اليوم
قلت له : والله تعبانه وايد
فيصل : ما تشوفين شر عمري انتي
قلت له : الشر مايك
فيصل :قومي اوديج الطبيب
قلت : مابي بس ابي ارتاح ونام
فيصل : على راحتج عمري
وبعد ثلاث ساعات
قعدت من النوم من الالم اللي حسيت فيه كان الم فضيع
غير عن كل مره
ما اقدر اقعد بطني يعورني
حاولت اصرخ بس من كثر العوار ما اقدر
قمت من الفراش بصعوبه
وطلعت من داري
بس الالم زاد ماقدرت اتحمله
طلعت ادور فيصل بس مالقيته بالصاله
وقعدت على القنفه
واغمى علي
وبعد جم دقيقه يه فيصل وشافني وانا على القنفه
فيصل : حياتي شفيج منار منار ردي علي
فيصل قاعد يحاول يقعدني بس ما قعدت
ولما بطلت عيني
قلت : فيصل فيصل ويني انا ؟؟
فيصل : انتي بالمستشفى
لما قالي فيصل انا بالمستشفى رد العوار مره ثانيه
من كثره صرخة
فيصل : شفيج حياتي
قلت : عوار فيصل ما اقدر استحمل
فيصل ناده الممرضه والدكتور
الدكتور : احنا ناطرين التحاليل اللي خذيناها منها على شان نشوف شنو حالتج لان اذا ضغطج نازل ومعدل الاكسجين نازل راح الحين اوديج انسويلج عمليه قيصريه لان الطفل يمكن يتعرض للتشوه او الاعاقه اذا نقص الاكسجين من دمج
فيصل : متى تطلع النتايج يا دكتور ؟؟
الدكتور : بعد شوي
ولما يت النتايج .................................
الدكتور : اخ فيصل لازم ننقل المدام غرفة العمليات حالا
قلت : دكتور مابي ولاده قيصريه يصير اولد ولاده طبيعيه
الدكتور : بيصر بس راح تتعين وايد وهذا يشكل خطر على حيات الجنين
قلت له : خلاص
فيصل : الجنين شلون حالته الحين ؟؟ هو ليلحينه مو مكتمل شلون بتولد الحين ؟؟ وهي توها صار لها ايام داشه الثامن
الدكتور : يا اخ فيصل اذا بشرح لك مراح اخلص فخل الشرح ورا العمليه لما تم بسلام ما اقدر اضيع وقت اكثر
وطلع الدكتور من الغرفه
ويو الممرضات وخذوني وفيصل يمي قاعد يدز الفراش معاهم وماسك ايدي
فيصل : حياتي الحين ولدنا ياي بالطريج اظاهر التعبان اشتاق لنا ويبي يطلع مبجر
انا حتى ما قدرت ابتسم وجامله من الالام اللي قاعده احس فيها
غرفة العمليات
ما تذكر شصار بس اتذكر لما عطوني البنج وهني قمت ابستم لان الالم راح وبديت افقد وعيي ونام
بس كنت اسمع الدكتور وهو يتكلم مع الممرضات
وسمعت صوت فيصل لان دش الغرفه معاي ومسك ايدي طول الوقت
ولما خلصت العمليه
قعدت من النوم وقبل لا ابطل عيني حطيت ايدي على بطني
وحسيت بجرح العمليه
ولما بطلت عيني شفت شموس قاعده يمي مع امي وعمتي
قعدة اطالعهم بس ما تكلمة ولا كلمه
عمتي لاحظتني وقالت : الحمدلله على سلامه يا بعد اهلي انتي
شموس : ماني مصدقه مناروه صارت ام
امي : يالله عاد البنيه توها قاعده وتأذونها
شموس : بعد عمري اختي ما عاش من ااذيها
عمتي : شفتي ولدج
قلت : ياني ولد ؟؟
أمي : اي والحمدلله مافيه شي طبيعي الدكتور عليه بس صغير لان مو ياي بشهره فحطوه بالحضانه
قلت : وين فيصل ؟؟
امي : مسكين قاعد يطالع ولده صارله ربع ساعه مجابله
قلت : يمه مشتاقتلج وايد
امي : وانا بعد يا عمري مشتاقتلج
قلت لها : يمه مشتاقه حق ابوي
وقمت ابجي
وبجيت كل اللي بالغرفه معاي
شموس : كلنا مشتاقين له يا منار
قلت : يمه تعبانه يمه مادري شسوي محتاجتج يمه
امي ردت علي وبكل ثبات بدون دموع وبجديه : انتي يا منار مو محتاجتني انتي محتاجه هذا
وطلعت القران من جنطتها ومحتاجه ربج
شكثر اهملتيه يا يمه
كنتي تتعبين اكثر وحده فينا وما سألتي عمرج ليش
كلنا عندنا مشاكل مثلج واكبر شنو اللي صبرنا غيره العزيز انتي يا يمه الحين محتاجته استغفري ربج باللي تسوينه بعمرج وتوجهي له
اول خطوه تسوينها تقرين قران وما تهجرينه وخشوع في صلاتج واذا بتشكين اشكي الله سبحانه وتعالى الشكوا لغير الله مذله يا بنتي
راح تحسين بعد الخطوه الاولى انج قويه وراح تتقبلين قدر الله سبحانه وتعالى
قلت لها وانا امسح دموعي : وشنو الخطوه الثانيه ؟؟
الخطوه الثانيه انج تتحجبين يا بنتي ماتدرين متى الله ياخذ امانة عبده وهل خطوه ضروريه لانها تكمل الخطوه الاولى ولانها فرض عينه
واذا ما سويتها شلون الله بتقبل منج وانتي مو طايعتة
امي هني يابتها على الجرح
قلت لها : فعلا يما الصلاة ماتكفي هذي فرض والحجاب فرض وانشالله خل اطلع من هل مستشفى راح اتحجب وطيع كلامج
صج كلام امي ريحني وحسيته هو الحل لكل مشاكلي
الله يعلم ان قلبي مو بيدي وما اقدر اتحكم فيه
وقلبي انا عند مشعل ومشعل ايامه معدوده يعني انا قلبي قاعد
يحتضر معاه
يعني مخرج مشكلتي اهي ان انا اتجه لربي وهو اللي راح يصبرني
ومن بعد موت مشعل راح ادعي ربي ان يشافي قلبي وخليه لريلي اللي ما قصر معاي وستغفر الله على الايام اللي خنت فيصل فيها مع مشعل لاني جذب عليه على شان اشوف مشعل ووالايام اللي كنت اتصل فيها على مشعل
كلام امي وعاني عدل وخلاني اشوف المستقبل بعد ماكنت اقول ان مالي مستقبل من بعد مشعل
ثاني يوم في المستشفى ...............
فيصل نام عندي بالمستشفى وطبعا قتله برغبتي في الحجاب وستانس واهو كان يبي يبطل هل موضوع معاي من زمان بس كان كل مره ااجله
ويولي يباركوني ام فيصل واخته وخالته وجم وحده من قرايبه
وامي وشموس وعمتي ما خلوني بعد
ومن بعد ما راحوا كلهم وفيصل معاهم راح
رحت اشوف ولدي
اللي كان نايم بالحضانه كان ويهه احمر وبشرته بيضه على فيصل وملامحه كلها فيصل بس ماخذ عيوني الاوساع ابتسمت له وطبعا ما قدرت اشيله لان بالحضانه او الشيشه مثل ما يسمونها الكويتين
كان وايد صغير وحاطين له بخشمه وايرات عشان يتغذى وبيده ابر مثل ابر الدرب واللي ضحكني ان حفاضته اكبر من جسمه
كان ودي لمه وانا قاعده اشوفه يتثاوب جنه واحد كسلان
قلت له : ها يا روحي يا قطعه مني انت معقوله انت ولدي
اسفه حبيبي جسمي ما ستحملك وايد بس انا اللي بستحملك وايد يا روحي يالله متى تطلع من الشيشه ولمك وحطك بصدري ودفيك وغنيلك وعطيك حنان الامومه اللي ما عشت فيه انا وما حسيته من امي الصجيه
متى تطلع وتنسيني الهموم اللي فيني متى
فيصل : شهر ويطلع وترضعينه وتغيرين حفاظاته وتركضين وراه وتينين منه ومن حنته
قلت : انت من متى وانت هني
فيصل : قالولي انج عنده رحت لكم ركض عشان الم شمل العايله
قلت : هذا ابوك آآآآآآآآه لو تدري شمسوي فيني ابوك
فيصل : وامك لو تدري شكثر عذبتني
قلت : وابوك شكثر محيرني بطيبته وحبه
فيصل : انتي تستاهلين اكثر
قلت : انا مقصره بحقك يا عمري
فيصل : الله يا منار اول مره تقولين لي يا عمري
قلت : انت تستاهل اكثر من هل كلمه
فيصل مسك ايدي وحبها
قلت له : فيصل مو جدام الياهل
فيصل : ولييييه انت بعد غمض عينك
قلت له : لا بلى فهمك
فيصل : ليش ما لمستيه
قلت : شنو يصير المسه
فيصل قام ودخل ايدي بفتحة الزجاج اللي فيها مثل سوس
فيصل : جربي وحطي ايدج على ايده شوفيه شسوي
حطيت ايدي على ايده ومسك ايدي
قلت : مسك ايدي فيصل مسك ايدي
فيصل : أي ادري مسك ايدي اليوم العيار
قلت : واي يا علني افديك بروحي مابيك تهد ايدي
فيصل : حم حم ترا اغار شنو تغازلينه يمي
قلت له : هاو ولدك ؟؟
فيصل : اغار ولدي مو ولدي
قلت : خلاص افديك بروحي وعمري انت
فيصل : ما اقدر على هل كلام
ضحكة منه صج حسيت بفرحه ماتنوصف وقتها
وبعد شهر وثلاث اسابيع ............................
فيصل : ديري بالك على الولد
قلت له : ترا هو ولدي مثل ما اهو ولدك
فيصل : حلات الصبيان والله
احنا الحين تونا بندخل المستشفى لان اليوم بطلعون ولدي لان صار بصحه زينه وانا بعد ما رضيت اطلع من المستشفى الا وولدي معاي بس طلعني فيصل غصب لان المسكين يتنقل الظهر عندي انا وولدي وبالليل يروح ينام بالبيت والصبح يداوم
وبالويك اند عندي ينام
وانا تحجبة وصار لي سبوعين
هذا الجانب المفرح فيني
اما الجانب المظلم مشعل فقطت اتصالي من الدكتور وقاعده احاول انسى وخذيت بكلام امي وصج الله سبحانه وتعاله عطاني قوه قدرة اني ما اسأل عنه وقل تفكيري فيه بس ما نقطع
وسمية الولد عبدالله على اسم ابوي الله يرحمه
وعقب ما خذيت عبودي
قالتلي الممرضه ان فيه واحد سأل عن ولدي وشافه من بعيد ومشى وكان هل واحد بويل جير وكمام الاكسجين على حلجه
دمعت عيني لاني دريت منو سأل عنه هذا مشعل
الله كريم يارب تصبرني
وفيصل مسكين حيل يسأل منو هذا ومنو هذا وشلون يسأل عنج وعن ولدج وفيصل عباله ان هذا شايب لان لما قالت بويل جير وكمام الاكسجين فوحى له هل الشي ان شايب
وخلاص ساعات نسى الموضوع ولها بعبودي
وعلى فكرة خلصت فترة النفاس وهي الاربعين ويوم
وبالليل ،،،،،،،،،
وانا نايمه يم فيصل ياني مسج قعدني من نومي
كان من الدكتور يقول فيها
البقيه بحياتج ......... ان الله وان اليه راجعون
قريت المسج فوق الخمس مرات ابي استوعب الكلام اللي فيه ما قدرت ولا حتى دموع عيني راضيه تنزل احسها واقفه بعيني بس مو راضيه تنزل مشعل توفى
وبكل ثبات رحت تيددت وقمت اصلي واشكي همي لله وبجي وقراى قران ودعي له
يارب ما جمعتنا بالدنيا يا رب اجمعنه بالاخره يارب العالمين
يارب ترحمه ودخله جنتك من اوسع ابوبها يارب يا رحيم
يارب تغفر حساس الحب اللي جمعنه يا عزيز يا غفور
يارب تصبر اهله وتصبرني على فرقاه وتعطيني القوة يا قدير
يا رب يا حبيبي يا ارحم الراحمين
وخلصت قصتي مع قلبي اللي توفى مابين ايدي وما قدرت اسوي شي فيه
اخر كلمه اقولها قبل لا اغلق مذكراتي هي
الورد اللذي عنيته في عنوان قصتي هم البنات
فلا تفكر يا عزيزي الرجل في الركض وراء ملذاتك وتقطف الورود دون مبالات
وحتى الورد ينجرح
ولكن ليس كل ورده فتاة
ولا كل فتاة ورده