لهجة أهل البحرين

[مايهزها الا عزها]

--------------------------------------------------------------------------------

طبعا كل منطقة في المملكة يتميز أهاليها بشي




مال محرق : يمه راشد هات الكاب إلي يم البالدي إلي على الموقعه صوب
الترييج مال بانوش ابوك وحاسب لا تتحنقل بالقبان في دربوك ( طبعا محد
بيفهم شي


مال الحاله: إنته شسموك وجم عمرووك والباقي يالسين على الدجه يم
البراده..


مال قلالي : مب زين لك تفتر هناك بعد الساعه 12بدون ما تعرف احد من
قلالي صبيانهم مسوين عقد مع الداخليه


مال الحد : واحد يكلم رفيجه ، الله يا بو راشد شزين هالوييييه
ناقصتنه بس حلويييه من شويطر .



مال عراد: واحد زنده يمشي عليه التيس من البحر لي البيت ومن البيت لي
البحر.


مال الرفاع الشرقي: واحد حده صية يازعم بدوي وراكب نيسان وآخرته يطلع
هولي!!!!


مال الرفاع الغربي: واحد في يده طاره ومعلق في رقبته درنكات والعود على ظهره.


مال مدينة عيسى: 24 ساعه طق باليس بالموتر وياخذ له فرتين ويرجع يطقه
باليس!.


مال مدينة حمد : منخشين مالهم حس.


مال البحير : واحد متسبب عليك مني والدرب معنك لازم تنزل
رقبتك عشان تقدر تجوفه من قصره!!.


مال عسكر: لازم تقول دعاء السفر قبل ما تروح لهم


مال الحوره: تبي تدل بيتنه؟ سهل! جفت الدواعيس إلي يمه داعوسين وسط
الدواعيس الثلاثه إحنه بيتنه في الداعوس الوسطي.


مال ستره : ويش بو عبد علي شحوال الشمس معاك.


مال سند : ماما بليييييز أبي آروح وذ ربعي عشان وي هاف سوم فن.

مال المنامة : أقر تو مردي در بيو سيم تو فيريج خارت در ميارم




مال الصخير: غير الينانوه ودكاتره الجامعه محد ساكن.

وفعلا انة ساكنة في مدينة عيسى و24 ساعة يطقون سياراتهم باليس اشمعنى اهما بس مادري

[عزوتي ديرتي]

هههههههه

والله فعلا ما فهمت الا يمكن 5% من الكلام كله


وعلى طاري اللهجات


انا بنزل موضوع عن اللهجات السعودية تضامنا معاك ههههههه


يعطيك العافية

[مايهزها الا عزها]

افا عليك احين باروح اجوف موضوعك

والله يعافيك

[وفيت وبسببهم بكيت]

ودي ود ودي ودي يوم افهم واحد يتكلم بحريني هههههههه

اي لغه تبغيني ادرسها الا لغه البحرين وايد صعبه مودري ليش بس تصدقين احس لغتهم حماس ماحد يتقنها الا هما >>>سؤال محترم وداخل عرض انتي بحرينيه ؟


مشكوره مايهزها
لاتحرمينا من جديدك

[الغالي]

شكرا يلأخت






تحياتي: °ˆ~*¤®§(*§*)§®¤*~ˆ°الغالي°ˆ~*¤®§(*§*)§®¤*~ˆ°

[imported_بنت النور]

انه من البحرين وما سمح لش اتقلطين اوكو
يسلمو على الموضوع
ننتظر جديدك

[عاشق الددسن]

×?°هع هع هع هع هع هع مافهمت الا قليل×?°

[شهاب الليل]

وبي ما فهمت 5% ولا شي
على اني درست في البحرين المتوسطه لاكن في المعهد وكانت اجلس مع سعوديين تبع السفاره السعوديه

[مايهزها الا عزها]

اقول بنت النور اشفيج متسببة وبعدين انة ماقلت شي غلط واذا مو عاجبج الموضوع مو لازم تشاركين فيه


هلا وفيت وليش انت شاك..اذا تبي دليل عشان تتأكد انة بحرينية ولا لا انة حاضرة

ومشكورين على مروركم

[وفيت وبسببهم بكيت]

والنعم والله بااهل البحرين>>اعصابك ياهو

[مايهزها الا عزها]

الله ينعم بحالك وفيت

[سعودي رافع الرس]

والله ما فهمت شي
ومشكورررره

[مايهزها الا عزها]

مشكورين على مروركم وان شاء الله بتفهمون بحريني احسن مني

[بنوتة السعوديه]

هههههههههههههههههههههههه

...ونعم بأهل البحرين...

تسلمين حبيبتي على المشاركه الرائعه

ويعطيك العافيه

[بداية أمل]

هههههههههه حلوة رمستهم تبالنا نتعلم اشوووي ^ ^ يعطيج العافية غلاي ع طرحج الطيب

و لا هنتي ان شاء الله

[مايهزها الا عزها]

هلا والله بنوتة السعودية الله ينعم بحالج والله يسلمج ومشكورة على مرورج الطيب

[مايهزها الا عزها]

هلا وغلا بداية امل عيونج الحلوة والله يعافيج ومشكورة على مرورج الرائع

[محمدي]

يعني تبي تضحك العالم انت لاتتبلى الناس انا اهلي من المنامه ولا تكذب على الناس وش سويتهم ايرانيين ماقول الا الي نفس هذا لاتعطوه وجه

[مايهزها الا عزها]

شسالفة وبعدين مالهم شغل الايرانيين في السالفة عالعموم مشكور اخوي على مرورك الطيب