عايز تعرف بنات, والبنات برده تدخل [الأرشيف]

مشاهدة النسخة كاملة : عايز تعرف بنات, والبنات برده تدخل

mizo_wizo

01-04-2007, 06:58 PM

:g: عايز تعرف بنات, والبنات برده تدخل لازم يتثبت :g:
اول ما تدخل منتدانا لازم تعرف حاجات كتيــــــــــــر .. :g:
ولو انتا شاب روش..:1244: و شايف نفسه .. :1244: ونفسه يتعرف على بنات عن طريق النت .. والمنتديات والشات .. والرسائل الخاصة .. وتحب ان كل البنات اللي مسجلين عندنا يتعرفوا على الأيميل بتاعك ويضموك في الماسينجر وتقعد تدردش معاهم .. ويبعتولك ايميلات وتحبهم ويحبوك ... و كل الحاجات والحوارات الحلوة دي .. وكمان تبعت لهم صورتك الجميلة وانت متصور بستايل الشعر الجامد اللى مفيش زيه .. ولابس اجمل ماعندك .. عشان اجمل بنات الموقع يقعوا فيك .. ويتمنوا تراب رجليك ..
أنا اقولك على الطريقة .. والمفيد .. بس خليك معايا لغاية اخر الموضوع ..
طبعا انت عارف ان المنتدى ده يختلف عن بقية المنتديات ..
وكمان لازم تعرف ان بناتنا مش أي بنات .. عشان كده هما ليهم معاملة خاصة ..
يعني اللى انت بتعملوا في بقية المنتديات لازم تغيره شويه .. وتغير التكتيك هنا ..
وعشان تشوف نفسك .. مع أي بنت من بناتنا .. جوزين كناري ... يغردوا قصيدة العشق اللا نهائي والكلام دة .. اقولك أنا ..
لازم أولا تكون مسجل عندنا .. وده طبعا .. حصل منك ..
وأول ما تدخل على نادينا تخفف من تقل دمك .. يعني تبقى شاب روش ودمك خفيف .. وبعدها ,, الخطوة الثانية
شوف الاسهامات اللي بتساهم فيها البنات .. واقرأ كلماتهم الرقيقة .. واطلع شويه على مشاركاتهم ..
وشوف الردود الجميلة اللى بيردوا بيها على موضوعات الاعضاء الحلوة ..
وبعدين حاول انك تعرف ايه لغة الحوار التي تسود في هذا المنتدى ..
هل هي لغة سوقية .. تسمعها في الشارع ..
أم انها لغة راقية .. تسمعها في البيوت ..
اذا كانت الأولى .. وده مستبعد .. فلك الحق في اللى انت عاوزه ..
أما اذا رأيت انها لغة بيوت وناس محترمين فخش على الطريق ده ..
وبعدين تابع طريقة الاحترام الواجبة بين الاعضاء واللي بتطبق في المنتدى هنا ..
شفت الفاظ خارجة تخدش الحياء وشتايم وحاجات كدة ؟ ..
والا قريت تلميح زي التصريح بالدلع والميوعة والمياصة ..
والا انت شايف عكس كده .. ؟؟؟
طيب لو انت شايف عكس كده .. واعتقد ان ده الموجود عندنا ( حد يقدر يثبت العكس ؟؟؟ ) ..
ليه ما تدخلش من ناحية الكلام الموجود بالمنتدى وتحاول تكون جزء منه ..
يعني بالبلدي ليه ما تمثلش علينا انك مؤدب وكويس وابن ناس عشان تعيش مع البنات الحلوين الموجودين بالمنتدى ..
الخطوة التانية .. انك تتجاوب مع مشاركاتهم .. وكمان ترد وتشارك على المشاركات بتاعة الولاد والشباب والرجال كل ده عشان ما تبينش انك قصدك في الدخول الينا البنات وبس ..
عرفت بقى ياحلو ..:g: الطريقة ..
وبعدها اسأل نفسك .. هو فيه في بيتك كام أوضة .. ؟؟؟؟؟
السؤال ده ليه سبب .. والسبب ياجميل هو انك اللى بتعمله في الأوضة بتاعتك .. مش مفروض تعمله في باقي الاوض من بيتكم .. والا أيه
وأسال نفسك كمان سؤال تاني .
هو انت عندك كام اخت بنت .. طيب لو ماكانش عندك اخوات بنات .. عندك كام ابنة عم .. أو ابنة خال .. أو ابنة اخ .. كدة يعني
والسؤال المطروح دلوقتي .. هل تقبل بأن اخواتك البنات يسجلوا في منتدى .. طبعا بصفتك راجل متفتح حاتقول أه .. اسمح لهم طبعا ..
طيب سؤال تاني .. هل تقبل بأن احدى اخواتك البنات أو اقربائك .. يتعاملوا معاملة كويسه على النت والا معاملة مش كويسه ..
وفيه سؤال تاني احب اسأله عشان ما طولش عليك ..
بيتكم اللى انت عايش فيه ياترى تحب تخليه نظيف .. ومرتب .. ومحترم .. ولا تحت تخليه مهرجل ووسخ ( سوري في الكلمة ) .. مفيش فرق بينه وبين الشارع ..
طبعا تحب تخليه نضيف ومحترم ..
طيب ليه ما تخليش المنتدى زي بيتك .. وتخليه نظيف .. وتحاول المساهمة في تنظيفه .. وبعد ما تتعود تمثل علينا انك ابن ناس .. تبأة صحيح ابن ناس وابن احسن ناس كمان .. بأدبك وانسانيتك ..
وكمان ليه ما تخليش بنات المنتدى.. اخواتك وقرايبك .. وتعاملهم باحترام زي ما بتعامل اخواتك .. هو احنا لازم في كل تعاملنا مع الجنس اللطيف اننا نقصد الجانب الوحش بس ..
هل بتحاول تتعرف على اخواتك في السر وعن طريق الرسائل الخاصة .. أو طرح ايميلك للتعرف الغير مشروع .. لأ طبعا .. اخواتك بتتعرف عليهم في النور ومع الناس وفي الاماكن العامة والمحترمة
هل لما تحاول تتعرف على بنات السايت بالطريقة دي .. حاتكسب كام بنت .. واحد .. اثنين .. ثلاثة ..
طيب لما تطبق نظرية انك تعمل المنتدى زي بيتك والعضوات زي اخواتك البنات .. حاتكسب كام اخت .. عد انت بقى عندنا كام بنت .. حاتلاقيهم كلهم اخواتك وقرايبك
هو الواحد يحب دائما المواقع الى يخشها يعتبرها شارع أو ناصية .. أو أي شئ تاني .. ؟؟؟
طيب ليه ما تخليش المنتدى عبارة عن بيت .. وبلاش تخليه ناصيه أو شاعر .. وكمان تكسب فينا ثواب لما تساعدنا عشان نخليه نظيف زي بيتنا اللى اتربينا فيه واتعملنا فيه ان الحب يقوم على الاحترام ..
يمكن تقول اني قاعد اقلب دماغك وعامل عليك استاذ .. وبادي دروس .. وبلاش وجع دماغ ..
ويمكن تقول الواد ده قعد يخلينا نقرا الموضوع وبعدين طلعنا بمفيش ..
بس صدقني هي دي الطريقة اللى تتعرف بيها على بناتنا .. وتكسب قلوبهم وعقولهم .. وتبقى اخ لكل واحدة منهم .. وعلى فكره الشعور ده افضل بكثير من الشعور الثاني .. وجربه وانت مش حاتندم ..
اما لو كنت بتفضل المشاعر الرخيصة التانية ونفسك فيها .. فاحتمال تلاقيها على الناصية التانية .. وانصحك تدور عنها بعيد عن هنا .. وعلى فكره فيه منها كتير واكتر من الهم على القلب ..
ولو حبيت خلاص ومصمم انيك تتعرف علي بنت من المنتدي خلاص يا عم اعمل كدة في توقيعك
name@yahoo.com
او
name@hotmailcom
واللي عاوزة تدخلك وتتكلم معاك في الوقت دة هي حرة وانت حر
المهم انك تدخل بصورة بحلوة ولطيفة ويتعرف انك انسان مهذب ومحدش ياخد فكرة وحشة عنك
انا عارف انا طولت جدااااا عليكم بس اعزروني اصل انا بصراحة كنت بعمل كدة:roflmao:

dmX

01-04-2007, 09:34 PM

وأول ما تدخل على نادينا تخفف من تقل دمك .. يعني تبقى شاب روش ودمك خفيف .. وبعدها ,, الخطوة الثانية

بصراحة يا ميزو لسانى عجز عن كلمة شكر اقولهالك انت مبدع والله وموضوع رائع فوق التخيل بجد مش عارف اقولك ايه ومش لاقى اى كلمات تعبر عن مدى اعجابى بروعة الموضوع واهميته وجماله
لسانى يعجز عن الكلام بجد الف الف شكر لمشرف او عضو من اول المحترمين بالمنتدى

nAmLa

01-05-2007, 12:12 AM

حقيقى يا ميزو موضوع اكثر من هااااااااايل بجد انت انسان مبدع وطريقتك جميلة اوى

وياريت الناس تقرأ الموضوع دا ويستفيدوا منه

:rose: :congrats: :rose:

طمطم22

01-05-2007, 12:19 AM

ميززززو بجد ...
موضوعـــــك مش جميل خالص
_
-
-
-
-
-
-
-
-
-
-لا
=
=
=
=

مين قال
-
-
-
-
-
-
-
-
ده

-
-
-
-
-
بصراحه-
-
-

-
-
-
-
-
-

==
ده اكثرمن رائع
http://www.shakawetkalm.com/vb/images/smilies/tatam/a2d766a8b51a71178025fce3a0ada070.gif http://www.shakawetkalm.com/vb/images/smilies/tatam/imagessmiliessh.gifhttp://www.shakawetkalm.com/vb/images/smilies/tatam/imagessmiliessh.gifhttp://www.shakawetkalm.com/vb/images/smilies/tatam/imagessmiliessh.gif http://www.shakawetkalm.com/vb/images/smilies/tatam/a2d766a8b51a71178025fce3a0ada070.gif
وحقيقي غني عن التعليق
بس ممكن احب اضيف حاجه صغيرة جداااا

ههههههههههههه
(قلت تجرى شويه زى ما جرتنا قبل كده في موضوعك)
لو عضو عاوز يلفت نظر عضوة

عارف اجمل شيء انه يكون علي طبيعته تماماااااا
لان احنا ما زلنا في احيانا كتيرة لحد هذة اللحظه بنسمع لاحساسنا بالاخرين
واحيانا كثيرة ايضااا بنصدقه ,, وبيطلع صح
يعني نكون علي طبيعتنا .. ونتصرف عادى جدااا
وعلينا ان نتذكر دائما .. ان الصدق اقصر الطرق للاقنااااع
تحياتي لك يا ميززززو
موضوعك ممتازززز
http://www.t7mel.com/Files1/062dc97a18.gif http://www.t7mel.com/Files1/062dc97a18.gifhttp://www.t7mel.com/Files1/062dc97a18.gif
ملحوظه .. يا ريت بس تكبر الخط شويه ..الخط الضغير ده متعب جدااا وبالذات في المتابعه لاخر الموضوع
شكرا

mizo_wizo

01-05-2007, 12:45 AM

اولا
شكرا لمن ساهم بحرف او كلمة او جملة
ثانيا
يا طمطم قطعتي نفسي عقبال ما وصلت للرد ماشي ممشياها وحدة بوحدة
ثاثا
ودة اهم شئ في الموضوع
انا

بصراحة

كدة

كنت

كاتب

الموضوع

دة من حوالي 4 سنوات وانا بقول الكلام دة وانا في قواية العقلية علشان اللي يحب يدخل اي منتدي اخر ويلقي الموضوع ميقولش ان انا نقلة الموضوع دة كدة مكتوب بالنص الحقيقي اللي يروح منتديات اخري حيشوف ان النص الثاني متزود فية ملحوظة اللي يقرئها يشتم صاحب الموضوع لو تحبو اجبلكم الموضوع لحد عندكم انا تحت امركم
وعلي فكرة تانية انا اللي حاطط الثغرة دي علشان اما يتنقل اعرف اخد حقي منه ولكن مش بلساني بلسان الاخرين

شكسبير

01-05-2007, 12:52 AM

:33: I BELIEVE YOU ............:rose: :rose: :rose: ........I BELIEVE YO

طمطم22

01-05-2007, 12:54 AM

نقلك لموضوعك يا ميزوووو..
من منتدى لاخر .. لا يقلل قيمته ابدا
واديك شايف اهه .. انه ما شاء الله ملفت للنظر
حقيقي الموضوع مهم .. وتقريبا انت جبت المفيد
تسلم عليه للمرة الثانيه ..
للامام دايما يا ميزززو
اهه .. متزعلش علشان الجرى ده .. ده الجرى رياضه
علشان تعرف بس انت جرتنا وقطعت نفسنا ازاى وتحرم تجرينا تاني

mizo_wizo

01-05-2007, 12:59 AM

شكسبير
بس بلوبيف يو دي معنها اية هاااااااااااااااااااااااااااااااااا:g:
ياريت الرد:AR15firing:
:roflmao: :roflmao:

dmX

01-05-2007, 01:06 AM

يعنى صادق يا ميزو

شكسبير

01-05-2007, 01:23 AM

:1: :1: :1: مِِِِِِِِــــــــــــــــــــــــــــــــــــش هقوووووووووووول:1: :1: :1: :1:

mizo_wizo

01-05-2007, 01:23 AM

عارف يا ديمكس
انا بزاول بس
وشوف الكلمة كويس
بلوبيف يو

mody

01-06-2007, 12:13 AM

علي فكرة انت ياذكي جدا يا اما علي نياتك جدا جدا وانا شخصيا بستبعد الاختيار الثاني

mizo_wizo

01-06-2007, 01:30 AM

طب عاوز افهم وجهت نظرك لو سمحت زكي في اية وعلي نياتي في اية بالظبط ممكن ؟؟؟؟؟؟؟؟؟؟؟؟؟؟

mody

01-06-2007, 02:00 AM

بص ياسيدي انت اولا موضوعك بيتكلم عن الواد الفت الي عاوز يظبط بنات وبتاع
كله ...

انت قولت كذا اختيار للي يخش منتدانا ده يعملهم عشان يكون الفت مع البنات وكده
طيب انت حاطط موضوعك علي العام معني كده ان الاعضاء كلهم هيشوفوا الموضوع دي نقطه

النقطه التانيه : ان اللي عامل نفسه روش ده .. عمل بالنصايح بتاعتك وكتب ايميلاته وكده.. . . معني كده انه هيكوون كارت محروق لينا بمعني ان هيكون معروف لكل الاعضاء بنات وصبيان ان الولد ده داخل عشان يظبط بنات فقط
فالكل يعرفه ..

ودي حركه الذكاء اللي بقولك عليها .. واتمني ان ده يكون تفكيرك فعلا

لاكن ( علي نياتك جدا ) : الوصف ده انا بستبعده عنك تماما

ده لو كان انك حاطط الموضوع كده وخلاص من غير ما تعرف رد فعله

بس دي كل فكرتي .

وشكرا ليك وعلي موضوعك الجميل وياريت تكون فهمت وحجهه نظري ياميزووووووو.

dealo

01-06-2007, 02:39 AM

احلى حاجة فى موضوعك يا ميزو الجملة دى

وكمان لازم تعرف ان بناتنا مش أي بنات .. عشان كده هما ليهم معاملة خاصة ..

وجملتك دى بصراحة صح اوى ...
حد يسمع عن النمل الابيض اللى بياكل الخشب :g:
اهو بنات المنتدى دا بيبقوا نمل ابيض لما بيغضبوا على اى حد ...
واللى هيقرب منهم بطريقة وحشة ...:g:
هيحصله ايه ياميزو :g:
هتقولهم انت ولا اقول انا :g:
خلاص يعنى اقول انا :g:
طيب :ANSmile31:
من الاخر كدا اللى هيتقرب منهم بطريقة وحشة
مش هيكون فى بيتهم لوح خشب واحد :roflmao:
سريرك+دولابك+مكتبك+اى شىء مصنوع من الخشب
راح يقرقشوه :roflmao:
وتنام انت على الارض ياعينى وهدومك فى كل حتة وتذاكر على الارض :roflmao:
زى ما بيقولوا( هتبقى على الحديدة ) احنا بقىء هنا بنقولك (هتبقى على الخشبة ):roflmao:
ميزو :congrats: موضوع فظيع ياواد ايه الدماغ دى :AR15firing: نفى ادغدغها :roflmao:

ahmed_kokoy

01-08-2007, 04:51 PM

موضوع رائع يعجز لسانى عن واصفو وزى ما انتا قولت او طمطم ان اهم حاجه ان الواحد يكون بطبعتو بالشخصيه اللى هو عايش بيها مش بس عشان يلفن نظر بنت او عضوة عشان نفسو قبل كل حاجه
:rose: :rose: :rose: موضــــــــــ رائع ــعك :rose: :rose: :rose:

mizo_wizo

01-08-2007, 05:35 PM

انا بجد شاااااااااااااكر جدااااااااااا وعاجز عن التعبير عن وصفي بالأعجاب عن رأيكم
الي الامام دائما
لتطوير وارتفاع ومجد منتديات نملة مان

اميرالقلوب

01-26-2007, 05:27 AM

كلمات نشيد مصر
تحيا مصر

بــــــلادى بـــــــلادى لك حبــى وفـــــؤادى

مصـــر يا أم البــــلاد أنت غايتى والمــــراد

وعلى كل العبـــــــــاد كم لنيــلك من أيـــادى

مصر يا أرض النعيم ســدت بالمجــد القديـم

مقصدى دفـــع الغريم وعلى الله اعتمـــــادى

مصــر أولادك كــرام أوفيـا يرعوا الزمــــام

سـوف تحظى بالمرام باتحـــادهم واتحـــادى

مصـر أنت أغلى درة فوق جبين الدهر غرة

يا بـلادى عيشى حرة واسلمى رغم الأعادى

زورونى كل سنة مرة مقام عجم
لحن سيد درويش كلمات سيد درويش

زورونى كل ســـــــــنة مرة حرام تنســـــــونى بالمرة

أنا عمـــــلت إيه فيــــــــــكم تشــــــاكونى واشــــاكيكم

أنا اللى العمر اداديــــــــــكم حرام تنســــــــونى بالمرة

يا عينى ع اللى مالوش حــد طول عمره يقاسى الوجــد

وتجـــرى دمعتــــه ع الخــد مســــكين حــــــاله بالمرة

زورونى كل ســــــــنة مرة

لحن الشيالين - شــــد الحــزام
مقام حجاز

كلمات بديع خيرى
ألحان سيد درويش

شــــد الحــزام على وسطك غيره ما يفيدك
لابـــــد عن يــــوم برضــه ويعـــدلها ســــــيدك

وان كان شيل الحمول على ضهرك يكيدك
أهــــــون عليــــك يا حـــــر من مــدة إيـــــــدك

ما تيالله بيـــنا انت ويـــــــاه
ونســــتعان ع الشــــــــقى بالله

واهو اللى فيه الفسمة طلنـاه
واللى مافيهشى ان شالله ما جاه

ما دام بتلقى عيش وغمـوس
يهمـــك ايـــه تفضل موحــوس

ماتحـط راســـك بين الروس
لا تقوللى لا خيــار ولا فاقـوس

شــــد الحزام

ح اقـــولك ايه واعيـــد لك ايه كله له آخــر
دى وكســة جامدة وجت على عينك ياتاجر

يا وكســتك دلـــوقت لا وارد ولا صــــادر
يحلـــــــها ألفيـــــن حـــلاّل ربـك قـــــــادر

قوللى فى عرض النبى يا حسين
رايحين نلاقيها منين ومنيـن

والإش متجــــــوز اتنيــــــــــــن
يا دنيا روقى جتك البيـــــــن

عمــر البخيل يفضل منحـــــوس
لو علقوا على بابه فانــــوس

فلـــوس دى إيه سكتر يا جاموس
هى السعادة فى غنى النفوس

شــــد الحزام

يالله بنا يالله نلحق لاكسبريس اهـو ع الرصيف
وادى احنا يا دوبك لسه ماعملناش بحق رغيف

كل المحطـات قبــــلى وبحـــرى بقت لماليـــف
يتـوب عليـنا من دى العيشــة يا لطيف يا لطيف

ما قطعوا لنا التليفونــــات
وعطلوا التلغرافـــــــــــات

عمركش سمعت الدلنجات
بيسافروا لها بالباسبورتات

غلب حمار اللى له حما ر
يحمــله لك ست انفــــــــار

واهو السفر فى الأيام دى
صار ع البهايم ليل ونهــار

قرب شيــّـلنى شيّـــل
لا تقوللى كتيـر وقليّــل

لا تقوللى كتير وقليل
عمر الشـدة ما تطـــوّل

عمر الشدة ما تطـوّل
بكرة نهيص زى الأول

هيلا هيلا هيلة هــيلة
هيلا هيلا هيلة هـــــيلة

لحن الصنايعية - الحلــــوة دى مقام حجاز

لحن سيد درويش كلمات بديع خيرى

الحلــــوة دى قامت تعجـــن فى البدريـــــة والديك بيــدن كوكو كوكو فى الفجــــــرية

يالله بنــــــــا على بــــاب الله يا صـــنايعية يجعل صباحك صباح الخير ياسطى عطية

طلــــع النهــــار فتــــاح يا عليــــم والجيــــب مافيهــــشى ولا مليــــــم

مين فى اليومين دول شاف تلطيــم زى الصـــــــنايعية المظاليـــــــــــم

الصبر أمره طـــــــال وايش بعد وقف الحال

ياللى معاك المـــــــال برضه الفقيــر له رب كريم

أولاد أوربــــا ما بيناموش عن الصـــــــنايع ما يونوش

لافرنجى دايما حلق حوش والمصرى جنبه بيطلع بوش

ســبع صـنايع فى إيدينــــا والهـــــم جايــــــر عليــــــنا

يامـــا شــــكينا وبكــــــينا يا أغنيـــــا ليه ما تساعدوش

ما تشد حيلك يا بو صلاح إضربها صرمة تعيش مرتاح

خلى تكـــــالك ع الفتـــاح يالله بنا يالله الوقــت اهو راح

الشمس طلعــت والمــــــلك لله

ما تشيل قدومك والعـــدة ويالله

اجــرى لرزقك خليها على الله

طلعت يا محلا نورها مقام فا ماجير

لحن سيد درويش كلمات بديع خيرى

طلعت يا مـــــحلا نورها شــمس الشموســه

يالله بنـــا نمـــــلا ونحلب لبـــن الجاموســــه

قــاعد ع الســـاقية خللى اســــــمر وحليــوة

عـوج الطــــــاقية وقاللى غنى لى غنيــــــوة

قلت له يا محمد حبـــــك لخـــفن لى عــقلى

ميتى النـار تبرد واعرف راسى من رجــلى

طلعت يا مـــــحلا نورها

جاية من الترعة ســـمعوا رنـــة خلخـــــالى

لحقـــونى ســبع جدعــان طالبيـــن وصــالى

نظرونى يا خويا وراحوا واقعين فى جمـالى

قدمــــوا لأبويا مهــــرى ميتــين خيـــــــالى

طلعت يا مـــــحلا نورها

ســالمة يا سلامة مقام بياتى

كلمات بديع خيرى ألحان سيد درويش

ســــالمة يا ســـلامة رحنا وجينا بالسلامة

صفر يا وابور واربط عندك نزلنــــى فى البــــــلد دى

بلا أمـــــيركا بلا أوربـــــــا مافى شئ أحسن من بلدى

دى المركب اللى بتجيــــــب احســن من اللى بتــــودى

يا اسطى بشندى

سـالمة يا سلامة

سـلطة ما سلطة كله مكسب حوشــــنا مــال وجيــــــنا

شفنا الحرب وشفتا الضرب وشــــفنا الديناميت بعنــينا

ربك واحـــد عمرك واحــد ادى احنا رحـــنا وجيــــنا

ايه خس عليــنا

سالمة يا سلامة

صلاة النيى ع الشخص منا فرصـــة ميه بلا قافيــــــة

اللى ف جـــيبه يفنجــــر به والبركة فى العين والعافية

ح تـــاخد ايه م الدنيــا غيـر الستر يا شيخ خليها ماشـية

دنيـــا فانيــــــة

سالمة يا سلامة

دى الغربـــــــة ياما بتــــــــــورى بتخــــــلى الصــــنايعى بيـــرطن

مطـــــرح ما يـــروح المصــــرى برضــه طـــول عمــره ذو تفنــن

وحيـــــــاة ربنـــــــــا المعبـــــــود وى آر فرى جود ياسطى محمود

قــدها وقــدود

سالمة ياسلامة

والله تستاهل يا قلبى مقام عجم

لحن سيد درويش كلمات أمين صدقى

والله تســــــتاهل يا قلبى ليه تميــــــــل ما كنت خالى

انت أســــباب كل كربى وانت أســـــــباب ما جرالى

إيه بقى اللى ح يواسينى بعد ما انهــــــــدت آمــــالى

اذا كان حظى ناســــينى مين اروح له اشكى له حالى

ان شكيت قلبى وحواسى يعمــــلوا مؤامــــــــرة علىّ

وان بكيـت والحب قاسى تشــــــتكى منـــــــــى عينىّ

أعمل ايه واحنا ف غربة والأغـراب دول زى اليتامى

يا مين يواسيهم فى كربه يامــــا بيقاســـــــــوا ويامــا

يارب كل من له حبيــب طــــــال بعــــاده وللا قريب

ما تحـــــــــــرموش منه وهــــــــاته له بالســـــــلامة

خفيــــف الـــــروح

طقطــــوقة

تلحين سيد درويش

مقام بياتى

خفيف الروح بيتعـاجب

برمش العيــن والحاجب

خفيف الروح

غمـــز لى مرة بعيونـــه

لقيت الحــب مضمـــونه

حرام ان كنت انا اخونه

وعشقى له من الواجــب

خفيف الروح

تملى يحب يشــــــغلنى

بســـهم اللحـــــظ والننى

أخاف اتقل يخاصــمنى

ويهجـــرنى ويحـــرمنى

خفيف الروح

رأيت الأوفق ان جـانى

حبيب القــلب نــــــادانى

أرد عليــه بأجفـــــــانى

ولا أحسب حساب عازل

خفيف الروح

داركوولف

01-26-2007, 05:08 PM

تشلم ايديك ياباشا

داركوولف

01-26-2007, 05:09 PM

اللة عليك ياباشاااااااااااااااااااااااااااااااااا

اميرالقلوب

01-26-2007, 05:28 PM

الله يخليك يا ميدو على زوقك وكلامك الجميل
واهلا بيك فى المنتدى

astray

04-04-2007, 12:07 PM

السلام عليكم ورحمه الله بركاتة
فى البداية احب اشكرك جدا ياميزو على موضوعك الرائع
اللى بيناقش موضوع جاد
وكل الناس بتغلط وبتقع فيه لأننا مش انبياء
بس الواحد على قد مابيقدر بيتعامل مع الموجودين كلهم سواء كانو ولاد او بنات بحترام
كما قال الرسول
(صلى الله عليه وسلم)
فيما معناه
يابن أدم افعل ماشئت ولكن اعلم جيدا انهو كما تدين تدان
او كما قال رسول الله

ومره تانيه احييك على الموضوع الجميل جدا دا

astray

04-04-2007, 12:07 PM

الملاك الاحمر

04-06-2007, 08:28 PM

مرسي جدا ياعم ميزو على الموضوع الحلو ده...في شباب كتير بيحبوا يشتركوا في المنتديات مش عشان يستفيدوا ويفيدوا غيرهم عشان يكلموا البنات ويضيعوا وقتهم على الفاضي كلنا عارفين انها مبتجبش اي فايدة في الاخر بس هو مجرد تقضية وقت ..والحمد لله ان منتدانا الرائع مفهوش الكلام ده ابدا وهو اللي مخلي منتدانا سمعته حلوة بين كل المنتديات واكيد الكلام ده صحيح جدا والدليل ان في ناس كتير قبلوه يكونوا اعضاء فيه ...اسفة لو كنت طولت عليكم بس ده موضوع جميل ويستحق الواحد يضيع وقته فيه ....مرسي ياميزو جداااااااااااااااا.....

mori22

04-10-2007, 11:39 AM

موضوع جميل قوى يا ميزو

فروله

04-11-2007, 02:00 PM

الموضوع فوق الهايل يا ميزو
وبيناقش حاجه مهمه
وديما كده تقدم الاحسن وتتحفنا
الى الامام والرقى بالمنتدى
مرسي