ايه رأيك فى التعارف عن طريق النت ؟؟؟؟؟

[nAmLa]

بسم الله الرحمن الرحيم
كل عام وانتم بخير ايه أريكم يا شباب نناقش بعض من مشاكلنا فى الحياة

ايه رأيكم فى التعارف عن طريق النت اكيد كل واحد فينا اتعرف على ناس كتير على النت كان فيهم الصادق وفيهم الكاذب !!
تعالوا نسأل نفسنا الاول احنا داخلين النت ليه
عشان نعمل شات ونتعرف على ناس ولا عشان حاجة تانية
واتعرفت على ناس ايه رأيك فيهم
حسيت معاهم بالصدق ولا بالكدب
انت كدبت زى ما :33: هما كدبوا عليك
بتحاول تعيش شخصية معينة على النت ولا بتعيش شخصيتك انت وبس
انا كدبت على حد اتعرفت عليه
ياترى اضيقت لما عرفت ان اللى بتكلمه بيكدب عليك
اضيقت اد ايه ؟؟؟ :g:
اضيقت لدرجة انك متدخلش نت تانى ولا اعتربته عادى
وقولت منا كمان كدبت

طيب لو انت ولد تحب تتعرف على بنات اكتر ولا ولاد
ولو انتى بنت بتحبى تتعرفى على اولاد اكتر ولا بنات


لازم نحاسب نفسنا ابل ما نحاسب غيرنا
:b020w: :AR15firing:
اتمنى انى اشوف مشاركتكم وتقولوا رأيكم

[dmX]

شكرا يا نملة على موضوعك الجميل
وانا عن نفسى الحمد لله عمرى مكدبت على حد فى النت
ودايما انا بتعامل بشخصيتى الحمد لله بس انا كدبت مرة واحدة بس كان علشان نخسرش واحد صاحبى عزيز عليا ولان صدقى فى الموضوع ده مكانش مهم اوى فعلشان كده انا كدبت بس علشان مخسرش صاحب بجد عزيز عليا بس بعد كده فهمت كله ان انا كدبت وقولت الحقيقة بعد لما فهمت صاحبى الاول انا كدبت ليه علشان لو كنت قلت الصراحة كان هيفهم الموضوع غلط وممكن يزعل لكن بعد لما فهمته قلت لليباقى ان انا كدبت وكده ودى كانت كدبتى الوحيدة فى النت وانا عن نفسى بدخل النت علشان افيد واستفيد فقط فليس من الضرورى بقى بالنسبالى اذا كان اللى هتعرف عليه ده بنت او ولد المهم ان يكون فى افادة بينا وشكرا مرة تانية يا نملة على موضوعك الرائع

[طمطم22]

موضوعك جميل يا نمله .. وكمااان مناسب جدااا
والاهم محتاجين نتكلم بصراحه .. عاوزين نقرب من بعض اكتر

تعالوا نسأل نفسنا الاول احنا داخلين النت ليه

انا دخلت النت ضرورة .. شغل يعني

واتعرفت على ناس ايه رأيك فيهم
حسيت معاهم بالصدق ولا بالكدب


فعلا اتعرفت علي ناس عن طريق المصادفه ..
فيهم الصادق .. ودائما نسال علي بعض في المناسبات
وكلامنا في حدود الاحترااام
وفيهم اللي بيهرررج .. علي طول بلوك
وفي الاثنين .. احساسي هو دليلي وف الغالب بيكون صح

انت كدبت زى ما :33: هما كدبوا عليك


لحد دلوقت لسه .. محصلش حاجه تخليني اكدب
لازم من البدايه الوضوح .. علشان اعرف نيه اللي بكلمه ده ايه

بتحاول تعيش شخصية معينة على النت ولا بتعيش شخصيتك انت وبس


طبعا يا نمله .. اعيش شخصيتي انا .. لازززم الصدق والصراحه .. اكيد احنا محتاجين دهه

اللي بتكلمه بيكدب عليك
اضيقت اد ايه ؟؟؟ :g:


محصلتش لحد دلوقتي .. الحمد لله

اضيقت لدرجة انك متدخلش نت تانى ولا اعتربته عادى
وقولت منا كمان كدبت


فعلا انا قعدت فترة .. رافضه اكلم احد .. بس كان لسوء موقف .. مش لشخص كذاااب
وقلت انا كمااان تعبت من الناس .. ( مش لكدبهم ) للتهريج وعدم الارتياح لاسلوبهم
ولو انتى بنت بتحبى تتعرفى على اولاد اكتر ولا بنات
اتعرف علي بنات اكتر شويه من الولاد .. هيكون طبعا في حريه اكتر في مجال الكلام .. مفيش احراج يعني
بجد يا نمله
تسلمي علي موضوعك
ما شاء الله .. جمل جداااوخفيف جداااا
تسمحي انتي بقي .. يا جميله النملات ...

تردى علي اسئلتك .. وتسعدينا بمشاركتك
شيدى حيلك يا جميل ...
منورة المنتدى يا جميل

[nAmLa]

مرسيه ديمكس انت وطمطم على مشاركتكم الجميلة دى

وانا معاكم ان مفيش احسن من الصراحة

بس انا مش عايزة اننا نرد على الأسئلة وبس يا طمطم عايزين كمان نناقش الموضوع بشكل عام من خلال اللى حصل معانا واللى بيحصل مع ناس تانية كتير وياريت كل الموجودين يشاركوا معانا ...

[طمطم22]

تمااام يا نمله .. كلامك صح
بس انا لحظت ان الشات فيه تهريج كتير ... ولو جاريتي التهريج
بيتقلب تطاول ,, وتبقي مشكله تانيه
طب نجيب وجع الدماغ لنفسنا ليه
انا شخصيا من زمااان برتاااح نفسيا مع افراد معينين ...
صدقيني والله .. باكتفي بيهم ومش بحاول اعمل صدقااات جديدة ..
ولو الظروف دفعتني بتبقي .. عاديه مش زى المقربين ليا اوى
بس لو اضطرت للتعارف .. بتعرف عادى ولو مفيش ارتياح ..
يبقي اتهرب بذوقك منعا لاحراج الشخص التاني
قوللي انتي بقي يا نمله .. رايك ايه في الليله دى
ههههههههههههههه
يا رب تنورينا دايما ...

[ahmed_kokoy]

بصراحه موضوع رائع جدا ومدام ها اتكلم فيه يبقى لازم اتكلم بصراحه انا ها ارود عليكى بصراحهاو ها ارود على اسئالتلك
واتعرفت على ناس ايه رأيك فيهم؟
انا اتعرفت على انس كتير اكيد كان فيهم كدابين واكيد كمان كان فيهم الصداقين
بتحاول تعيش شخصية معينة على النت ولا بتعيش شخصيتك انت وبس
انا كدبت على حد اتعرفت عليه ؟
ساعات وساعات مش على طول بعيش بشخصيتى ساعات بغير نفسى على حسب اللى قدامى ماهو بيتكلم وساعات بكداب بغير نفسى بس دلوقتى لا هزر بس مش اكتر
ياترى اضيقت لما عرفت ان اللى بتكلمه بيكدب عليك
اضيقت اد ايه ؟
لا عمرى ما اضيقت من حد كان بيكداب على يعنى على سبيل المثال اتعرفت واحدة وقالتلى ان هى مش متجوزة وبعد كدة قالتلى ان هى متجوزة وطالبت منى ان نكون اصحاب وافقت و مازعلتش
طيب لو انت ولد تحب تتعرف على بنات اكتر ولا ولاد
ولو انتى بنت بتحبى تتعرفى على اولاد اكتر ولا بنات؟
اكيد طبعا احب اتعرف الاتنين واكون اصحاب من الجنسين مش شرط ولاد بس او بنات بس

[mody]

ايوه فعلا ده موضوع جميل جدا

انا بصراحه مش عارف دخلت النت ليه .... ممكن لاني اكون حبيت الموضوع وقولت اعيش القصه مع الناس .. وسمعت ان في بنات في النت قولت اشطه هنظبط بقي ونعيش . دي فكرتي عن النت بصراحه ومن غير كسووف

بس لما دخلت وتعمقت في النت وعرفت يعني ايه منتديات ومشاركات شيلت حوارات الشات والتعارف الخاص ده من دماغي نهائي .. والحمد لله كونت اصدقاء كتير جدا من النت صبيان وبنات وبرده كله في حدود معينه (حدود الادب) . بمعني ان كل حاجه ليه حد معين .
والحمد لله بنسال عن بعض ولو غبت يوم واحد مفتحتش فيه الايميل بتاعي بلاقي معظمهم كلهم بعتينلي اوفلاين ماسج وبيسالو عليا وكده . وانا فعلا بفرح لما بلاقي كده

وهوه ده اللي بيخليني قاعد علي النت دلوقتي .


وشكراا

[mizo_wizo]

موضوع في غاية الاهمية وبصرااااااااااحة موضوع هااااااااايل جدااااااا وغصب عني لازم ارد بصراحة حاضر
احنا داخلين النت ليه؟
بصراحة كدة يمكن بنضيع وقت وممكن بنكون بنستفيد منه وممكن بنعرف من خلالة اخبار او اصحاب جدد
اتعرفت على ناس ايه رأيك فيهم؟حسيت معاهم بالصدق ولا بالكدب؟
انا اتعرفت على ناس كتير جدااكان فيهم كدابين ومنافقين واكيد كمان كان فيهم الصداقين والصالحين بس قليل جدا في النت
انت كدبت زى ما :33: هما كدبوا عليك؟
ساعات الواحد لازم يضحك علي الشخص اللي بيضحك علية بمعني ميدخلش ولد ويعمل نفسة بنت وانا علي طول اصدقة لازم اضحك علية وافهمه اني ساذج علشان يقع هو مش انا
بتحاول تعيش شخصية معينة على النت ولا بتعيش شخصيتك انت وبس؟
اكيد بشخصيتي انا فقط
انت كدبت على حد اتعرفت عليه ؟
ايوة بدون زكر السبب
ياترى اضيقت لما عرفت ان اللى بتكلمه بيكدب عليك
اضيقت اد ايه ؟؟؟
يااااااااه كان نفسي اروح اخد روحة واعلم الادب اللي علي حق
اضيقت لدرجة انك متدخلش نت تانى ولا اعتربته عادى
وقولت منا كمان كدبت (لالالا مش للدرجة دي يعني)
طيب لو انت ولد تحب تتعرف على بنات اكتر ولا ولاد
بصي بصراحة عن نفسي البنات اكتر ممكن تحسي بالامان معاهم اكتر من الشباب وانا عارف كلمي دة ممكن ناس تقول عليا انتي مش بصاحب ولد لا بالعكس انا بحب التقط الناس اللي احترمهم ويحترموني واقدرهم ويقدروني ونبقي محتاجين احنا الاثنين لبعض مش حد عاوز مصلحة من التاني
:b020w: شكرااااااااااااااااااااااااااااااا:b020w:

[nAmLa]

بسم الله الرحمن الرحيم

أولاً احب اشكركم على مشاركتكم فى الموضوع وردودكم عليه بس فى ملحوظة ابل ما اتكلم
لحظت ان اللى بيرد المشرفين بس مفيش اعضاء غير طمطم اومال باقى الأعضاء بيعملوا ايه!؟:g:
مرسيه ليكم طبعا على ردودكم وانا سعيدة بدا اوى بس نفسى كلنا نشترك فى كل الموضوع
المهم انى معاكم فى رأيكم ويمكن انا زى طمطم شوية لأنى برضه اتعرفت فى الاول على ناس كتير وبعد كدا اكتفيت بأصدقاء لالالا مش اصدقاء يعتبر صديق واحد بس وهو اللى عرفنى على ناس كتير كويسين وبقينا كلنا اصدقاء ... ومش بحاول اتعرف على ناس جديدة ... بس لو اطريت بتعرف يمكن يطلع انسان او انسانة كويسة .

[dealo]

اللى متاكد منه ان العدد مش مقياس ابدا ... يعنى مش مشكلة تتعرف على واحد فقط او اكتر ...
وطبعا مش كل اللى بنتعرف بيهم كويسين ومش كلهم وحشين وفى النهاية دايما اكيد بتفضل شخص عن شخص اخر حسب تقاربكم من بعض ..