انت وبس

[mizo_wizo]

انت وبس
=========
بدون مقدمات ومن غير ما اقول كلام وشعارات زهئت قبلكم منها..
تعالوا ننسى الحكومة شوية ...
تعالوا ننسى لنفسنا وبنفسنا ..
تعالوا نرسم خريطة لحياتنا كمان 20 سنة ..
تعالوا نفكر ازاي نرجع من جديد اهم شعوب العالم ..
تعالوا نبطل نتكلم عن تاريخنا وحضارتنا ..
تعالوا نجبر الجميع على احترام تفكيرنا واسلوبنا وطريقتنا في الحياة ..
تعالوا ننقذ مصر قبل لبنان ..
تعالوا نقول لامريكا واسرائيل اننا لسه عايشين .. لسه قادرين نفكر ولسه قادرين على اتخاذ قرارنا بنفسنا ..
لسه قادرين على حماية اخواننا واهلنا من غير حروب ولا اسلحة ولا وسائل من تلك التي تستخدمها اسرائيل.
من النهاردة تعالوا ما نتفرجش على اي فيلم امريكي ..
تعالوا نبطل نعمل http://www4.0zz0.com/2007/01/05/17/17530779.gif (http://www.7-secret.com/vb/forumdisplay.php?f=12) لأية اغنيه او فيلم اجنبي على الانترنت..
تعالوا نبطل نشرب بيبسي او كوكاكولا ..
تعالوا نختبر ارادتنا ..
تعالوا نساعد لبنان والعراق والقدس قبل ما يجي علينا الدور ..
فقط اعلم ان انت وبس القادر على تغيير بلدك ونفسك وحياتك ..
انا منتظرة رأيكم..
هل نحن جيل تافه؟؟؟؟

[dmX]

بالفعل معظمنا تافه

ده ردى على الموضوع وشكر يا ميزو على ابداعاتك الجميلة

[شكسبير]

اولا:احنا مش تافهين ابداااااااااااااا
ثانيا:الفكره دي مجربه 100% واثبتت نجاح 100%
ثالثا:احب اعرفك اني بعمل كدا بقالي اكتر من سنتين ولسه عايشه اهه ومجراليش حاجه والحمد لله
تقولي بتعملي ايه وازاي؟؟؟؟؟؟
اقولك بسهوله جدا انا واصحابي عاملين مقاطعه للمنتجات الامريكيه وكنا فكرين انا اخرررررررررر الدنيا بس لقينا والحمد لله لها بدائل اه صحيح مش مصريه كلها بس مصريه ومن دول عربيه تانيه ,,,,,,,,ومش كدا وبس دا كمان الحمد لله من سنتين مبنسمعش اغاني ومش كدا وبس ومحافظين علي السنن والحمد للهوكمااااااااان بندعي لاخواتنا في فلسطين والعراق وكل مكان لان ببساطه ربنا لما يسالنا لما حصلهم كدا انتوا كنتوا عملتوا ايه يبقي حفظنا ماء وجهنا.......شفت الموضوع سهل ازاي وللعلم انا من العشرينات مش موضه قديمه يعني <<<<<<<<<<معلش لو كنت طولت عليكم
:rose: سبحانك اللهم وبحمدك اشهد ان لا اله الا انت استغفرك واتوب اليك:rose: استغفرك واتوب اليك :rose: استغفرك واتوب اليك:rose:

[طمطم22]

مين اللي قال اننا تافهين ..
احنا زى ما فينا التافهين .. فين ناس بتسعي بجهد
وبتوصل والحمد لله نماذج ظاهرة قدامنا ,,
تحياتي لكي شكسبير انتي واصدقائك ..
ده بياكد ليا فكرة اننا محتاجين لفكرة روح الجماعه
هتقوى فينا ضعفنا ,, ونقدر نوصل باحلامنا الي بر الاماااان
بس انتي بتقولي قاطعتي المنتجات الامريكيه .. ده ممتاز بس بصراحه انا ملقيتش بدائل
والاهم جربت المنتجات فعلا لفترة (المصريه )
والله اضطريت اني ارجع تاني للمنتجات المعتااادة
للاسف دخلت بينا بخطه محكمه .. واصبح خروجها صعب شويه

فقط اعلم ان انت وبس القادر على تغيير بلدك ونفسك وحياتك

دى حقيقه فعلا يا ميزو .. بس نقدر عليها برده بروح الجماعه
انا لوحدى صعب .. ومجهودى مستحيل يبان
ونتشجع اكتر .. لما الجهات العليا تمنع التعامل .. وتشجه علي الانتاج بجوده
بدل نظام مشي حالك اللي مودينا في داهيه

[dealo]

احنا ممكن منكونش تافهين بس الاكيد اننا مش ناجحين او اصحاب مجد زى زمان ...
ازاى تتفرج على طفل او امراءة تقتل فى فلسطين على التليفزيون وانت فى ايدك زجاجة بيبسى او كوكاكولا ..
ازاى تتفرج على منظر المجازر الاسرائيلية اللى بتحصل وانتى كبنت بتستعملى مكياجك كله مستورد من دول اجنبية تساعد اسرائيل ماديا وعسكريا..
للاسف طول ما بنستمر فى دعم منتجات الغرب هنفضل تحت سيطرتهم ... على الاقل سياسيا..
لو فكرت كويس هتلقى ان معظم المنتجات دى انت شخصيا فى غنى عنها...وهتكون انت المستفيد الاول ...
بدل البيبسى والكولا اشرب عصير وصحتك هتكون افضل ...
بدل المكياج خليكى طبيعى واجمل بكتير وربنا هيبارك فيكى ...
وامثلة من دى كتير اوى ...
بس للاسف الكلام عندنا ببلاش وبعد كلامى دا ولا هياثر فى اى حد ...اللى بيشرب بيبسى هيفضل يشربها ومنتجات الغرب هتفضل تتباع بغزارة...
لانى مش اول واحد اقول كدا ...الكلام دا اتقال كتير اوى ...
== حسبى الله ونعم الوكيل ==

[askor]

فعلا المقاطعة مهمة جداااااااااااااااااا
المشكلة ان احنا متفرقين
يا رب نتجمع
لا الله الاانت ......سبحانك......انى كنت من الظالمين
بالتوفيق

[mody]

ياجماعه خلينا واقعين بلاش شغل الخيال ده

اولا احنا في بلد واحده ومعظم الي فيها متفرقين & حاقودين علي بعض & بيحسدوا بعض & وفي الغالب مش بيحبوا بعض ..

طيب ازاي هنجتمع سوا ... ازاي هنبني مستقبلنا سوا ... ازاي وازاي و ازاي ؟

احنا في بلد لاحياه فيها للضعيف ؟
احنا في بلد فيها الخيانه شعاار ؟؟

طيب ازاي واحنا شايفين اهالينا ومعظم معارفنا بالشكل ده ؟؟ ونفكر اساسا بمستقبلنا ؟؟

ياريت تكونوا فهمتوني كويس ؟؟

وكفايه كده لاني لو فتحت في الكلام مش هعرف اسكت ولا انتم هتخلصوا قرأه ؟


وشكرااااااااا


سلامي للجميع