رباعيـــــــــــــــ جاهيـــ صلاح ـــن ــــــــــــات

[mizo_wizo]

رباعيــــــــ جاهيــن ــــــــات
من أحلي ما كتــــ صلاح ــب
اهداء خــ منّي ــاص

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!!!


خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!!


أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!


ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!!

أحب أعيش ولو في الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا الحياة.. حتي في هيئة نبات
عجبي !!!!

سهرت ليالي و ياما لفيت و طفت
و ف ليله راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!!!

كان فيه زمان سحليه طول فرسخين
كهفين عيونها و خشمها بربخين
ماتت لكين الرعب لم عمره مات
مع إنه فات بدل التاريخ تاريخين
عجبي !!!!

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!!

رقبه قزازة و قلبي فيها انحشر
شربت كاس و اتنين و خامس عشر
صاحبت ناس م الخمرة ترجع وحوش
و صاحبت ناس م الخمرة ترجع بشر
عجبي !!!!

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!!
ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!!

نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!!!

علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!!!

انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!!

ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!

يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!!

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!!!
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!!!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!!

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!!

سرداب في مستشفي الولاده طويل
صرخات عذاب ورا كل باب وعويل
.. وفي الطــــــريق متزوقين البنات
متزوقـــــــــــــين للحب و المواويل
عجبي !!!!

الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!!!

أيوب رماه البين بكل العـــــــــلـل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملـل
عجبي !!!!

نسمة ربيع لكن بتكوي الوشـــــــــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!!
الفيلسوف قاعد يفكر سيبوه
لا تعملوه سلطان و لا تصلبوه
ما تعرفوش إن الفلاسفه يا هوه
اللي يقولوه بيرجعوا يكدبوه
عجبي !!!!

علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!!!

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!!!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!!
- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!

السم لو كان في الدوا منين يضر ؟
و الموت لو عدونا .. منين يسر؟
حط القلم في الحبر و اكتب كمان
.. و العبد للشهوات .. منين هو حر؟
كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!!
ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـيت
عجبي !!!!
ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي ميـــــــــن؟
إنتي عروس النيل ... و أنا النيل بذاتــــه
عجبي !!!!

رقاصه خرسا و رقصه من غير نغــم
دنيا . . يا مين يصالحها قبل النـــــدم
ساعتين تهز بوجههـــــــــــــــا يعنـي
يترجرجوا نهديها يعني نعـــــــــــــــم
عجبي !!!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن - عجبي - كل شئ موجود
عجبي !!!!

جالك اوان وعرفت مشي الجنايــــــــز
كيف شفتها يا عبد رب اللذايــــــــــــذ
قال : شفت شيل بالحيل فقير أو اميـــر
كما شالوا في الخمامير فواضي القزايز
عجبي !!!!

أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!!!
يا مشرط الجراح أمانة علـــــــــــيك
و انت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!!!
كيف شفت قلبي و النبي يا طبيــــــــــــب
همد و مات و الا سامع له دبيـــــــــــــب
قاللي لقيته مختنق بالدمـــــــــــــــــــــوع
و ما لوش دوا غير لمسه من إيد حبيــــــــــــــــــــب
عجبي !!!!

تسلم يا غصن الخوخ يا عود الحطـــــــــب
بييجي الربيع .. تطلــــع زهورك عجب
و انا ليه بيمضـــي ربيع وييجي ربيع
و لسه برضك قلـــــــــــبي حتة خشب
عجبي !!!!
قلبي عليل يا ناس و في الكاس دواه
مديت له إيدي شربت م اللي حــواه
جنبي الشمال خف .. اليمين اتــــوجع
و إيه يداوي الكبد م اللي كـــــــــــواه
عجبي !!!!

.. دي مزكرات و كتبتها من ســـــــــنين
في نوتة زرقا لون بحور الحنيــــــــــــن
عترت فيها .. رميتها في المهمـــــــلات
وقلت صحيح أما صحيح كلام مخبولين
عجبي !!!!

دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!!!

- الدنيا من غير الربيع مــــــــيته
ورقة شجر ضعفـــــــانه و مـــفـــــتــته
- لا يا جدع غلطان تأمل وشـــــوف
زهر الشتا طالع فــــــــي عز الشـــــتا
عجبي !!!!

ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!!!

سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي !!!!

بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!!

فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبي !!!!

كان فيه قمر كأنه فرخ الحمام
علي صغره دق شعاع شق الغمام
أنا كنت حاضر قلت له ينصرك
إشحال لما حتبقي بدر التمام
عجبي !!!!

النهد زي الفهد نط اندلع
قلبي انهبش بين الضلوع و انخلع
ياللي نهيت البنت عن فعلها
قول للطبيعة كمان تبطل دلع
عجبي !!!!

صوتك يا بنت الإيه كأنه بدن
يرقص يزيح الهم يمحي الشجن
يا حلوتي و بدنك كأنه كلام
كلام فلاسفه سكروا نسيوا الزمن
عجبي !!!!

كرباج سعاده وقلبي منه اجلد
رمح كأنه حصان و لف البلد
و رجع لي نصل الليل و سألني .. ليه
خجلان تقول انك سعيد يا ولد
مزيكة هادية الكون فيها انغـــــمر
وصيف و ليل و عقد فل و سمر
يا هلتري الناس كلهم مبسوطين
و يا هلتري شايفين جمال القمر ؟
عجبي !!!!
إنشد يا قلبي غنوتك للجمــــــــــــــــــال
و ارقص في صدري من اليمين للشمال
ما هوش بعيد تفضل لبكره سعيــد
ده كل يوم فيه الف الف احتمـــــــــــــــــال
عجبي !!!!

آه لو انا و محبوب جزنا الفضـــــا
في سفينة وحدينا .. واشيا رضـــا
ساعة صفا تعجبنا نرجع لهــــــــــا
و الهم قبل ما ييجي .. يبقي مضـى
عجبي !!!!

أنا إله الوجد رب الهيــــــــــــــــام
أضرب بسهم الوهم وهم الغـــــرام
و هم الغرام من كتر ما هو لذيـــــذ
رشقت انا ف صدري جميع السهام
عجبي !!!!

حدوته عن جعران و عن خنفســــــــــه
اتقابلوا حوا بعض ساعة مســـــــــــــــا
و لا قال لهم حد اختشوا عيب حــــــــرام
و لا حد قال دي علاقة متدنســــــــــــــة
عجبي !!!!

ياللي عرفت الحب يوم و انطــــــــــــوي
حسك تقال مشتاق لنبع الهـــــــــــــــوي
حسك تقول مشتاق لنبع الغــــــــــــــــرام
ده الحب .. مين داق منه قطره...ارتوي
زحام و أبواق سيارات مزعجـــــة
للي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة
عجبي !!!!

إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!!!

يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!!!

مرحب ربيع مرحب ربيع مرحبــــــــــه
يا طفل يا للي ف دمي ناغا وحبــــــــا
علشان عيونك يا صغنن هويــــــــــــت
حتي ديدان الأرض و الأغربــــــــــــــة
عجبي !!!!

فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!!

غمست سنك في السواد يا قلـــــــــــــــم
عشان ما تكتب شعر يقطر ألــــــــــــــــم
مالك جرالك إيه يا مجنون ... و ليــــــــه
رسمت ورده وبيت و قلب و علـــــــــــم
عجبي !!!!

[dealo]

تمام يا ميزو ... صلاح جاهين دا مشكلة :congrats:
عجبى !!!

[طمطم22]

تسلم يا ميزوووزز
انا كنت بفكر اقدم راباعيات جاهين الرائعه بشكل تاني
بس انت بقي سبقتني
صلاح جاهين رباعياته اكتر من فائقه الوصف
تعرف ان الرباعيه الواحدة تناسب حالاتك المزاجيه المختلفه
يعني الرباعيه ممكن تتفال بيها .. وانت متضايق ممكن تكون سبب لتشاؤمك
ولو حبينا نتاكد .. اختار عزيزى القاري اي رباعيه
وتمعن في صورها .. وشوف نتيجه تمعنك ايه
رحم الله جاهين .. ابن البلك
تسلم يا رب ميزززو
حقيقي جاهين ده .. له غلالالالالالالالالاوة خاصه جدا عندى
تحياتي لك
وشكرا علي المرور يا ديليو

[طمطم22]

قمت الصبح اغسل سناني
قالت لي شوف قوتي ولمعاني
ايش تطليب مني اليوم ؟؟؟
ضحكه اسد ولا ابتسامه اعلاناات امريكاني ؟؟؟
عـــــــــــــــــجـــبي !!
شكرا للجميع في المنتدى

[cheecky]

Exclusive

3adel ebd el kreem

Ya ba7'tak be 2lbak

Full Song@CD (Song@CD) Quality

[HIDE-REPLY] (http://lordfonekat4.hub.io/Fonekat.NeT_3ADEL 3BD EL KREEM_ YA BA5TAK BE 2ALBAK.mp3)Download NOW (http://lordfonekat4.hub.io/Fonekat.NeT_3ADEL%203BD%20EL%20KREEM_%20YA%20BA5TA K%20BE%202ALBAK.mp3)[/HIDE-REPLY] (http://lordfonekat4.hub.io/Fonekat.NeT_3ADEL 3BD EL KREEM_ YA BA5TAK BE 2ALBAK.mp3)

[mahamedzahran]

شكرا على الأغنية

[عاد سجلوني]

thx broooooooooo

[ashly]

hx youuuuuuuuuu

[mesho_eng2006]

thnxxxxxxxxxxxxxxxxxxxxxxxxx

[tay]

شكراااااااااااااااااااااااااااااااااااااااااا ااااا اااااااااااااااااااااااااااااااااا

[المبدع2008]

thaaaaaaaaaaaaaannnnnnnnnnnnnnnnxxxxxxxxxxxxxxxxxx xx

[Abood930]

Thanks So So So Mush

[alaa_law]

thank you basha

[magdy x]

thankssssssssssssssssssssssssssssssssssssssssss

[NANCY]

agmal montad wallahy mori7 we sals we gamd gdan
wallahy ashad montada da7'lto men awl lama at3alamt al net ya3ny men 15 sana keda

[الطيار]

thxxxxxxxxxxxxxx

[mr.Diaa]

12222222222222222222222222222

[mody_dj]

thanxxxxxxxxxxxxxxxxxxxxxxxxxxxx

[ahmed_ramdan]

thaaaaaaaaaaaaaaaaanx

[أبو أحمد]

thanxxxxxxxxxxxxxxxxxxxxxxxxxxxxxx

[ABD_ELMALEK]

thanxxxxxxxxx

[الجــfefeــواد]

thaaaaaaaaaaaaaaaaaaaaaaaanks

[a_elzafrany]

thxxxxxxxxxxxxxxxx

[sara_mm]

thaaaaaaaaaaaaaaaaanxxx

[كلي حلا]

Meeeeeeeeen Da :)

[rahooba007]

thnxxxxxxxxxxxxxxxxxxxxxxxxxxxxxxxxxxxxxx

[J300]

thnxxxxxxxxxxxxxx

[m_n6567]

goooooooooooooooooood

[tigermotaz]

thnxsssssssssssssssssssssss

[المشتاق]

مشكوووووووووووووووووووووووووووووووووووووووووو ووور

[mahmmoudmagdy]

شكرااااااااااااااااااااااااااا

[ehab3019]

thanxxxxxxxxxxxxxxxxxxxxxxxxxxxx

[مروة2008]

thxxxxxxxxxxxxxxxxxxxxxxxxxxxxxxxxxxxx

[shetos_basha]

niceeeeeeeeeeeeeeeeeeeeeeeeeeeeeeeeeeeeeeeeeeeeee

[CraZy DoT]

thanksssssssssssssssssssssssssssssssss