dealo
01-31-2007, 09:42 PM
الجزء الأول
حصة بنت حلوة ومزيونة ماشاء الله عليها وبنت ناس محترمة والكل يتمناها
وهي داشة الكلاس عالبنات:يا مرحبا يا مرحبا الساع ..يا بوعيون سود ووساع..،،،،،،،هاااي بنات
البنات:باااااااي هههههههههههههههههه
حصة:ما علي بتجوفون يالسخيفات اصلا انتوا ما تنعطون ويه وهي ظاهرة زقرت ربيعتها شما وسارن يتمشن
حصة:اقول شما ؟؟ باجر عنا عزيمة تعالي عندنا؟!!
شما:شو المناسبة؟
حصة:ولد اخوي خلص الاربعين وابوه سوى عزيمة بتيين؟؟
شما: اوكي بسال اماية وبردلج خبر اوكيك يا كيك
حصة وهي مبتسمة:اوكيك ** وساروا كلاساتهم
*** في بيت محمد الفلاسي**
ام سالم يالسة في الصالة تطالع التلفزيون والشغالات ينظفن البيت عسب العزيمة
عقب شوي يدخل عبدالله البيت وهو يغني: غايب حبيبي ما وصلني سلامه مدري غيابه عذر او شي مقصود ..ويسلم على امه ويحبها عراسها: اشحالج اماية؟
ام سالم:بخير ربي يسلمك من كل شر وانت علومك وعلوم الكلية وياك؟
عبدالله: عال العال هههه اقول اماية بسير حجرتي الحين لاني تعبان وراسي بينفجر..
ام سالم: سلامتك حبيبي بس ما تبي تتغدى ؟؟؟؟
عبدالله: لا مشكورة هب يوعاان،،
وسار حجرته.. عبدالله عمره 21سنة يدرس في كلية الشرطة. مغازلجي درجة اولى دلوع امه لان اصغر الاولاد .
ردت حصة البيت ويا الدريول وحيلها منهد من الدوام فسارت رقدت ساعة ترتاح فيها عقب نشت على صوت الموبايل (شوشو يتصل بك(
حصة:الووو
شما:صح النوم يالكسلانة يلا نشي بسج كسل
حصة : خلاص كاني نشيت بس شو السالفة داقة هالوقت اكيد تبين شي؟
شما:لا والله قصدج اني ما ادق الا اذا كنت ابي شي؟
حصة:ههه يالسخيفة هب قصدي بس مستغربة ليش داقة هالوقت؟
شما:عالعموم بس حبيت اقولج اني مابي العزيمة.
حصة:افا ليش ؟
شما:استحي اقولج
حصة:اوه بدت المصاخة ،يلا صدق لا تصيرين سخيفة؟ ليش؟
شما: خطيبي بيي؟
حصة:والله اقول بلاها الحبيبة انقلبت علينا ثره هالخطيب.. اخ منه بعد شو نقول؟
شما:بس عاد امبوني متوترة ،الله يخليج اللي فيني كافيني
حصة:هذا وانتي مخطوبة جي ،عيل يوم تعرسين شو بيصير؟ على قولة المصريين'ربنا يستر من اللي جاااي'
شما:بس عاد هب جنج زودتيها حبتين
حصة: لا ما علي كلها جم شهر وتعرسين.. ههه اقول شمو بخليج الحين اوكي
شما:اوكيك يلا في امان الله
حصة:فوداعة الله.
وعقب تنش وتسير تغسل ويها وتصلي وطبعا تيلس عالكمبيوتر وتفتح النت ،حصة من النوع اللي تيلس عالكمبيوتر بالساعات فدشت الشات ويلست اتسولف
ملسونة:مرحبا شبااااااب
شيخ العرب: مرحبتين ملسونة هلا نور الشات
ملسونة:هلا فيك ادري بوجودي هههههه
الامبراطور :بدت بدت الحين ما بتسكت ام اللسان صدج ملسونة
ملسونة :وانت شو حارقنك يالامبراطور
الامبراطور:لسااني يحرقني هههه بمووت من الضحك ههههه
اماراتي حتى النخاع: اقول ملسونة لا تاخذين عرمستهم سوي
طـــــــــــــــــــاااااااااااااااااااااااااااااا ف
ملسونة: ومنو قال اني متفيجة لهم انا ما اخذ عرمسة اليهااال يعني قد عقولهم
الامبراطور وشيخ العرب : لااااااااا والله ما بقى غيرج بعد
شيخ العرب: ام اللسان وتتفلسف هاللي ناقص اصلا يكون في علمج ان شاتنا ما يستقبلج ههههه
ملسونة :جب جب روح اصلا انا هب فاضيتلك عندي اللي احبهم والله ههه ويلسوا يتضاربون فترة طويلة وكان في واحد يطرش اهداءات للملسونة واشعار
راعي الرنج:شفتك ولا ظنيت بهواك..ما هو بكيفي غصب عني (الى ملسونة(
راعي الرنج :والله ما يسوونك يالغالي يالمزيون كلهم عسى يفدونك ليه يالعذل يسعون ارفج انا بعيونك رفجة عرب يوفون لو كلهم ينسونك ما نساك مهما يكون
ملسونة: على مين تلعبها يا ابن الناس؟؟؟
راعي الرنج: (هذا المستخدم يريد محادثتك في غرفة خاصة) مرحبا الساع ملاايين ولا يسدن وان زادن لاباس..
ملسونة:مرحبتين هلا اشحالك
راعي الرنج: بخير ربي يسلمج وانت علومج
ملسونة:تماام الحمدلله اقول راعي انا بدش المسن الحين اوكي ارمسك المرة الياية
راعي الرنج :وانا شو اللي بيصبرني للمرة الياية ؟
ملسونة:انزين شو اسوي يعني؟
راعي الرنج: عطيني ايميلج؟ ممكن
ملسونة:تفضل ــــــــ> ×××××××@hotmail.com يلا اخليك الحين بااي
راعي الرنج:في امان الله
تدش حصوه المسن وترمس ربيعتها وتسولف وياها واشوي
اتدق الشغالة الباب وتزقر حصة،،
سينيتا:هسة ماما ينادي انتي يقول في عشا يلا سرعة
حصة:اوكي اوكي انا الحين نازلة يلا اطلعي
سينيتا:يلا ما في سوي قرقر واجد
حصة:جب جب هالي ناقص والله سيلانيات ويتفلسفن لا
تعالي اضربيني احسن بعد الله يخليج دخيلج فقدت هالويه
جان تسكر الباب بالقو عويه سينيتو السبالة ههه
وتظهر حصة من المسن وتيلس تتحرطم عالشغالة
نزلت حصة وحصلت عبدالله وامها في الصالة يتعشون ويلست حذالهم وبعد اشوي جي يرن تلفون عبدالله
(حبيبتي يتصل بك) يقوم عبدالله ويرمسها برا
عبدالله :هلا والله هلا بحبيبتي اشحالج
لطيفة:هلا فيك الغالي الحمدلله تماام شو مشغول
عبدالله :لا الغالية بس يالس اتعشى الحين عقب ما اخلص بدقلج
اوكي حياتي
لطيفة:اوكي حبيبي بااي
دش عبدالله الصالة ويلس يكمل عشاه سالته حصوه: منو داق؟
عبدالله ويطالعها بنظرات: وانتي اشعليج؟ حصووه ترى رزة الفيس من طبايع.... اكملي الفراغ؟ هههههههههههههه
حصة:جب ويا ويهك سخيف
ام سالم:اييه انتوا بسكم على الاقل حشموني..
حصة وعبدالله:انشاء الله (وتموا يتوعدون حق بعض بالنظرات)
…………….…
في اليوم الثاني كان بيت محمد الفلاسي حشرة وازعاج عسب العزيمة كل واحد فيهم يالس يتزهب ويتكشخ ..
**في بيت سالم محمد الفلاسي**
خديجة(مرت سالم): يلا سلوم اتاخرنا؟
سالم: اوكي حياتي دقيقة بس انتي زهبتي الياهل
خديجة: هههه حبيبي شلون ازهبه يعني بس لبسته ثيابه ويهزت شنطته اونلي.
سالم:اوكي خلاص يلا خلنا نظهر ..
خديجة:اوكي يلا ..
سالم ولد خالة خديجة اتزوجوا على حياة المرحوم بو سالم
وصارلهم سنة متزوجين وهذا اول ياهل يالهم وسموا (محمد) على اسم المرحوم وفي الطريق لبيت محمد الفلاسي (الله يرحمه) في السيارة..
كان سالم يفكر في بيت ابوه شلون كان والحين اشلون صار كان البيت في نوع من الحيوية خاصة يوم اخوه (خليفة) اللي اصغر منه بسنتين كان حي هو بعد توفى بحادث سيارة وصار له سنتين عوفاته.. يقطع حبل افكاره صوت خديجة..
خديجة:سالم ؟ اشفيك صاخ بشو تفكر ؟
سالم:آآآآآه يا خديجة افكر في بيت ابوي كيف كان والحين اشلون صار..
خديجة(وبحزن):هيه والله الله يعينها خالتي اقول حبيبي شو رايك نعيش عندهم على الاقل يبتعد الجو الهادي بوجود ولدي حمودي فديته.
سالم(بفرح):صددددج خدووي تدرين اني كنت حاط هالفكرة براسي بس خفت انج ما توافقين ؟
خدوي:داام ان هالشي بيفرحك انا موافقة وبعدين أي شي يونسك انا مستعدة اسويه.
سالم :فديت روحج خدووي والله ان قلبي ما غلط يوم اختارج وانا ما غلطت يوم فكرت اني اتيوزج خدوي
(وويها محمر من المستحى):بس عاد سلووم والله استحي.
سالم:فديت اللي يستحون والله واشوي شغل شلة(رفقة عليك تقولي تم وتقول حاضر يا غناتي لعود تراني حيل مغرم مشتاق شوفك يا شفاتي) تذكرت خديجة ان مرة اهدالها هالاغنية ايام الخطوبة يوم كان مسافر في دورة لمدة شهرين استانست وايد لان سالم متعلق فيها لحد الحين ودعت ربها ان ما يفرق بينهم أي شي ..
طبعا سالم عزم ربعه وعيال عمه وكانوا واايد ما ينعدون غير الاهل والييران
وفي عالم ثاني بعييد عن كل هالناس وحدة من ربيعاات حصووه اللي هي (الفن) متيمة عبدالله خو حصة كانت تموت في عبدالله وما زالت لحد الحين وتحب الارض اللي يمشي عليها بس هو ما كان يحس فيها لان همه كله اللعب عالبنات وخلاص
كانت الفن سرحانة وشوي يرن موبايلها (اخت حبيبي يتصل بك) تبتسم وترد:
الفن :هلا بالطيب عند ذكره
حصة:ليش لا يكون يالسة تغتابيني؟
الفن :افا انا اغتابج انتي حبيبتي وعزيزة وغالية علي..يا غالية يا اخت الغالي
حصة:الله الله خطييرة ما نقدر عليج المهم شو ما بتيين العزيمة اليوم
الفن :والله اسمحيلي تعبانة وما فيني حيل وابوي محد حتى اخواني ساروا العزبة
حصة:امممم خسارة يلا خيرها في غيرها عالعموم بخليج الحين تامريني بشي
الفن:ما يامر عليج قطوووو هههههههههه لا سلاامتج
حصة:هههههه اوكي ما علي يلا باااي
الفن:بااي
عقب بندت عن حصة واغلقت الموبايل وردت لاحلامها الوردية اللي مالها اول لا تالي..هي صدق حلوة بس فيها نوع من التكبر واذا حبت اتحب بضمير ..
**في بيت محمد الفلاسي**
نزلت حصة تجيك على الميالس اذا نظيفة ولا لأ وهي سايرة زقرتها امها عسب تودي صينية القهوة ميلس الرياييل دخلت الميلس وحطت الصينية ويلست اتعدل بعض الشغلات
واول ما ظهرت من الميلس دش واحد من ربع سالم ومر على جلوسه 5دقايق واشوي تدش ام سالم وتحط الفوالة وتسلم عربيع سالم اللي اسمه (سلطان) هو طيب وحبوب واجتماعي وماشاء الله عليه وسيم وحلو ماعليه كلام عسب جيه ام سالم تحترمه وتعتبره ولدها.
وبعد ساعة يوصل سالم وباقي ربعه ويسلمون عبعض ويتمون يسولفون (تعرفون خرابيط العزايم ما يحتاي اقولكم بعد (
ونفس الحال عند الحريم بس..بس كان فيه اختلاف بسيط صار شي محد كان يتوقع ان يصير (فجأة) يرن جرس الانذار استوى حريق في المطبخ (طبعا الناس كانوا على وشك انهم ايروحون ) شبت حريقة كبيرة واحترق المطبخ طبعا وكل الناس طلعت من البيت بس محد سال عن خديجة وولدها كانت يالسة في الطابق الثاني ترضع ولدها في غرفة حصة بس ما حست بكل اللي صار عقب يوم طلعت جافت البيت فاضي فدشت الغرفة ووايهت من الدريشة جافت كل الناس بره وكل واحد ساير بيته والدنيا ازعاج فزاغت واتصلت بسالم..
سالم كان واقف بره يجوف منو من اهله ما ظهر كان يبغي يدش بس ربعه واخوه منعوا.
فاتصلت خديجة (غناتي يتصل بك)
سالم:الوو خديجة وينج في؟
خديجة: انا في غرفة حصة ويا ولدي بلاهم الناس جي بره ومحتشرين.
سالم:انتي داخل البيت (وهو منفعل(
خديجة:هيه وحصة توها ظهرت من عندي ونزلت تحت ولين الحين ما ردت
سالم:خديجة خليج مكانج ما تطلعين من الغرفة مطبخ البيت احترق انا الحين ياي لا تطلعين
خديجة:لحظة سالم.. (سكر الخط في ويهها)
يالله الحين ها مينون يدش (وتمت خديجة على اعصابها تحاتي سالم من صوب وحصة من صوب ثاني ..
اما حصة يوم نزلت جافت الي صار حاولت انها ترد فوق بس ما قدرت بسبة الدخان وكانت تحس باختناق فعلى طول ظهرت من البيت وطاحت عالارض ..
شو تتوقعون يصير لحصة ؟ وشو المواقف اللي راح تصير ؟
الجزء الثاني
يوم طاحت حصة على الارض ما انتبه عليها غير شخص واحد اللي هو ولد عمها (سعيد(
لحق عليها على طوول هو ما عرفها بس نادى اخوها عبدالله
سعيد:عبدالله عبدالله تعاال هني ..
شهق (حصوووه حصة قومي فديتج بلاج صاخة) وبدى يضرب حصة عظهرها
حصة:وهي تكح:اييه انت بلاك جي تضربني كح كح كح
عبدالله:هذي يزاتي اني خايف علييج ..وتموا الاثنين يتناقرون..
اما سعيد فتم سرحان ما يعرف شو صارله من جافها معقولة هاي بنت عمي حصة اللي كنا انا وهي نتضارب وحنا صغار معقولة؟؟؟
انتبه كل من حصة وعبدالله حق سعيد اللي كان سرحان فيهم..
عبدالله:سوري والله تعرفها حصة لازم تتناقر اتطالعته حصة بنظرات عسب يسكت
سعيد:لا لا عادي مسموحين ..واحد من ربع سالم زقر عبدالله فسار عنهم
شوي تتذكر حصة خديجة وولدها وتنش عسب تسير داخل زخها سعيد من ايدها لفت وتطالعته :ممكن تهدني؟
سعيد:وين سايرة؟
حصة: يعني ما تجوف داخل بسير اييب حرمةاخوي وولدها
سعيد:مينونة انتي؟
حصة:هيه مينونة يلا هدني ..
ومن الصوب الثاني يظهر من البيت سالم ومرته وولدهم تسحب حصة ايدها من سعيد وتسير صوبهم ويتم سعيد مصوب عيونه تجاه حصة ..المهم عدا كل شي على خير واتصل سالم بشركة صيانة عسب المطبخ وجي وهالخرابيط
في غرفة حصة تيمعن البنات كلهم حصة وبنات عمها مبارك اللي هم اسما 35 سنة عانس ويالسة في البيت هادية ما ترمس وايد وعبير 19 سنة واايد ويا حصة واخيرا شيماء 17 سنة فنانة وعليها لسان ما شاءالله يسكت بلد اما خوات حصة اللي هم صالحة واميرة وسعاد.. صالحة نكيتة وتضحك وايد واميرة هادية بس حبوبة ومع الكل.. وسعاد عصبية راسها يابس ما تحب المزح واايد
عبير:اقول حصووه انتي أي تخصص؟ (حصة كانت في عالم ثاني كانت تفكر في الموقف اللي استوى بينها وبين سعيد)
عبير وهي تلوح بايدها قدام حصة:حوووووو وين وصلتي ارمسج؟
حصة: هااا ماسمعتج اشقلتي؟
عبير:انتي في تخصص؟
حصة: تقنيةمعلومات وانتي؟
شيماء(تدش في الخط):هذي لو يلست اعدد جم محاضرة تحضر ما بخلص؟! اميرة وحصة: لييش؟
شيما:حشى تاكل الكتب اكل مصرية على منو طالعةمادري لا امي ولا بويه كانوا جي بسم الله..
عبير وهي معصبة:جب جبما يخصج وبعدين انتي اشدخل عصج في شي ما يخصج والله من حقهم المسات يوم يتشكون منج كل يوم والتالي اتدق مس على البيت (وهي تقلد وحدة منهم:(هذا بيت شيما ممكن تعطوني ولية امرها شيما مشاغبة وشيما ترد عالمس وشيمامادري شو..
تقاطعها صالحة(اللي كانت تضحك):ههه بس بس هه خلاص كلتي البنت بقشورها ما صار تخصص هههه..
سعاد:انتي وبعدين وياج حشى..شو اتجوفينها يالسة اتقول نكتة ولا قصة تضحك عمري ما جفت اغبى عنج
صالحة:جب جب انتي محد طلب رايج..اقول بنات بقولكم نكتة واللي ما يبي يسمع (قصدها على سعاد) يدق راسه بالطوفة او احسن يسكر اذانه..
سعاد اتطالعت صالحة باحتقار بس سكتت..
صالحة :مرة صعيدي يلحق حرامي جان يسبقه هههه..كلهم ضحكوا حتى اسما الهادية اما سعاد تمت معصبة:ههه سخيفة شراتج طنشتها صالحة وتمت تضحك وتتمصخر وتسولف ويا شيما لان اغلب تصرفاتهم شرات بعض ويلسوا يسولفون وجي لحزة متاخرة اشوي عقبها اتيي خديجة :يلا اسما وعبير وشيما امكم تزقركن تحت سيروا.. وبعدين سلموا على بعض وجي تيلس خديجة ويا البنات وتقول: اقول بنات ابغي اقولكم شي واجوف رايكم فيه؟
حصة:قولي نسمعج؟
خديجة: شو رايكم اعيش عندكم؟؟؟
هنيه كانت المفاجاة اللي الكل انصدم منها ما توقعوا هالشي بس استانسوا فعلا..
طبعا رحبوا بالفكرة وقالولها من اليوم اذا ما عندج مانع بس اعتذرت لان وراها نشة من الصبح عندها موعد ..بعدين طلعن البنات سعاد سارت حجرتها.. وخديجة سارت عند اميرة.. اميرة تعلقت بخديجة واايد وحبتها فعلا كانت تستانس عسوالفها..في غرفة حصة يرن تلفونها(فنونة يتصل بك) ردت حصة:هلا الفن اشحالج؟
الفن:هلا فيج الحمدلله علومج؟
حصة:تمام شو السالفة داقة هالوقت
الفن:ماشي بس اتخبر عن العزيمة شو استانستوا؟
حصةبخبث:ما بخبرج..ليش ماييتي؟ وبعدين تسالين اذا استانسنا ولا لا ولا عن حبيب القلب؟
الفن:لا لا والله ..ااصلاا ههذاا ..وسكتت ما عرفت شو اتقول؟
حصة: والله ما صار شي استانسنا بس استوت مشكلة صغيرونة والحمدلله عدا كل شي على خير ..
الفن:اها الحمدلله انزين امممممم..
تقاطعها حصة:: خلاص خلاص فهمت عبدالله صح الحمدلله تمام وما فيه شي وبالنسبة لي بعدني ما خبرته وبرمسه عقب يوم تهدا الاوضاع في البيت اوكيك
الفن وهي مستانسة :اوكي وتسلمين غناتي على هالخدمة
حصة:الله يسلمج..
تبند حصة عنها وتسير تبا ترقد بس ما تقدر اتم تفكر في الموقف اللي صار اخر شي قررت تيلس عالنت..
يوصلون البنات بيتهم وكل وحدة تسير حجرتها تغير وترقد بس في شخص واحد لين الحين ما يا رقاد بعده واعي اللي هو سعيد يفكر في الغرشوبة الللي جافها اليوم والموقف الي استوى ويفكر في شي ثالث هل هي تفكر فيه شرات ما هو يفكر فيها ولا بيكون هالحب من طرف واحد؟ تم حيران ما عرف اجابات اسئلته.. وحاول يتناسى هالشي فدش الجات اشوي ما حصل حد وكان سخيف فدش المسنmsn كانت ملسونة موجودة اونلاين
راعي الرنج ا هو نفسه سعيد ما كان يحب الملسونة صدق بس يتسلى..
راعي الرنج: مرحبا ملايين ولا يسدن وان زادن لاباس
حصة يوم جافت ان حد اوللاين قالت يلا خلنا نسولف:مرحبتين يا هلا شحالك؟
راعي الرنج:يسرج الحال وانت علومج؟
ملسونة:الحمدلله تمام منو وياااي؟
راعي الرنج:وياج حمدان من بوظبي وانتي
ملسونة:وياك فاطمة من دارك..
راعي الرنج:عاشت الاسامي
ملسونة:عاشت ايامك..
راعي الرنج:جم عمرج؟
ملسونة:19 سنة
راعي الرنج:العمر كله ..صدق الشيخة انت وين تدرسين؟
ملسونة:كلية التقنية تخصص تقنية معلومات
راعي الرنج :يلاعيل شدي حيلج اوكي
-نشاء الله تامر امر
وتمو يسولفون لوقت متاخر اشوي عقب طلعوا اثنينهم حصة اتعذرت من سعيد وسارت تبا ترقد وسعيد نفس الشي طبعا لا سعيد ولا حصة يعرفون بعض وانهم عيال عم
***** ثاني يوم في الكلية******
حصة عيونها مبققة من السهر وحالتها حالة..اييون عبير وشما عند حصة في الكافتيريا..
عبير:السلام عليكم...بسم الله الرحمن الرحيم بلاها جي عيونج تقول بومة حصة:وعليج السلام والله امس كنت سهرانة وما ياني رقاد جان اقوم وابطل النت وايلس.
شما:هيه..هذا همج Netوسهر وهالخرابيط خافي ربج ما تتعبين
حصة:يعني هب وااااايد.. وتموا شما وعبير يتحرطمون عليهاوعقب ساورا محاضراتهم وخلصوا وكل وحدة سارت بيتها
*****في بيت محمد الفلاسي****
ترد حصة وكعادتها اتسلم عأمها وخواتها :السلام عليكم
البنات :وعليج السلام ..
صالحة:هيه حصووه ليش اتاخرتي..؟
حصة:ياخي وانت اشرزج؟
صالحة:امااااااية فديتها هههههه..
حصة:زين زين جب ويا ويهج
سكتت صالحة وفي خاطرها تضحك ..
سعاد:اقول اانا بسير الحجرة اوكي ويوم تيي خديجة خلي الشغالة تزقرني ..
اميرة :اوكي
اعتذرت حصة لانها ما بتتغدى وياهم وسارت اتغدت بروحها ورقدت لين الساعة 7المغرب..
عقب نشت ووصلت المغرب ويلست اتسوي بروجكتات ودخلت المسن منها تتسلى ..
(قام راعي الرنج بتسجيل الدخول) استانست حصة يوم جافت ان حمدان موجود حست عمرها متعلقة فيه ما تدري شو السبب ؟
****في الصـــــــــــــــــــــــــــــــــالــــــــــــ ــــة*******
يت خديجة ويهزوا لها الغرفة اللي بترقد فيها لانها قررت تعيش عندهم ..نزلت سعاد وسلمت عخديجة ويلست حذال امها.. واميرة كانت حذال خديجة: تصدقين خدووي قبل ما كنت اتدشين مزاجي بس الحين صدق حبيتج.. خديجة: الحمدلله انشاء الله دووم
تدش صالحة في الخط اتقول اييه بنات بقولكم نكتة..
خديجة:هيه والله يا صالحة امس استانست عسوالفج وطول الوقت وانا ارمس سالم عنج..
صالحة وهي منتفخة:احم احم طبعا يكون لكم الشرف هههههه..
سعاد:اقوول خديجة انت المفروض ماتعطينها ويه تراها ما تستاهل ..
صالحة:اووه اتذكرت نكتة كان في صعيدي رمى كتاب النكت في البحر جان يطلع السمك وهو يضحك ههههه
اميرة:ههههههه حلوة حلوة وتموا البنات يضحكون على قرض صالحة ونكتها وسعاد ميته قهر منها
***في بيت مبارك الرميثي****
كان شي شخص سرحان ويالس ستذكر ايام اول ايامه مع بنت عمه وحبيبته صار له جم يوم راد من السفر..بس رد وسمع خبر زواجها اللي هي (خديجة) كان سيف يموت فيها ويحب الارض اللي تمشي عليها كانت هي اميرة احلامه بس للاسف ياه واحد وخطفها منه خديجة بعد كانت تحب ولد عمها سيف
**قبل سنة تقريبا***
سيف:بس ياخديجة ما تسوى عليج هالسفرة
خديجة وهي تمش دموعها:والله اني بوله عليك يا سيف مادري اشلون بقضي هالسنة بدونك..
سيف:ماعلي اسبوع واثنين بتتعودين وبعدين نحن بنكون على اتصال
خديجة:انشاء الله تروح وترد بالسلامة..
ساعات ويسافر سيف ويترك قلب حزين راح يوله عليه واااايد..بس بعد جم شهر يتقدم لخديجة سالم ولد خالتها ..
في يوووم الخطبة
خديجة: ماريده والله ماريده وطول الوقت كانت اتصيح..
أم خديجة:يا بنيتي الريال ما عليه قصور انتي ليش ما تبينه..هنيه سكتت خديجة وتذكرت سيف وايامها وياه فقالت حق امها:خلاص امايه انا بفكر وبردلج خبر عطيني مهلة..استخارت خديجة ربها وحست بالراحة والاطمئنان وقالت:اصلا محد يدري يوم سيف بيي شو بيكون موقفه مني..ووافقت خديجة واتيوزت..
مرة من المرات كانت حصة تبي تتشرى اشويت بدل من المارينا فسارت ويا خديجة وولدها وكان سيف واقف جدام البيت يبا يطمن على خديجة لو من بعيد يوم ظهروا اتوقع سيف ان اللي تكون عندها ياهل هي خديجة فكان بينزل، بس مسك روحه وقال اتريا اشوي احسن ..ويتم ملاحقنهم بالسيارة خديجة حست ان في شي كان قلبها يدق بسرعة وماتعرف السبب يوم وصلوا المول قالت خدوي: اقول حصووه شيلي حمود واسبقيني انا بيي وراج
حصة:اوكي بس لا تتأخرين وسارت ..
يلست خديجة في السيارة وكانت تطالع من المنظرة ان في حد ياي صوبها فتظهر وتقول للدريول يروح ويوم يخلصون بيدقوون عليه..لفت خديجة وما ظهر في ويهها الا شخص واحد اللي هو سيف..كان قلبها يدق بسرعة وكانت شريط الذكريات الي قضته ويا سيف يمر بسرعة: الحمدلله عالسلامة سيف.. سيف:ليش ليش اتسوين جي فيني وين الكلام والوعود اللي كنتي اتقولينها؟ انا شو سويتلج ها؟ ردي؟
خديجة: قبل لا ارد عليك هاي حركة اتسويها اتم اتلاحقنا من البيت للمول ولو اني سكت وطنشتك كنت لاحقتني من مكان لمكان بعد..افرض حد جافني وياك شو بيقولون ترضى يرمسون عبنت عمك؟
سيف:ما جاوبتيني عالسؤال..خديجة انا توقعتج تترييني بس للاسف خاب ظني فيج ..انا ماريد شي منج بس ابغي اعرف السبب ؟؟؟
خديجة وبدت اتدمع:ياسيف اللي ما تعرفه اني انا اعتبرك شرات اخوي خلاص ما كان عندي سبب ارد فيه سالم يوم خطبني..والحين انا مرة متزوجة ما يصير انجوف بعض ونتقابل او نرمس بعض..
انقهر سيف من رمستها وقال: اخواااااان الحين صرنا اخواااااان..اتقولين انج ما تبيني اهون من هالكلمة،حراام عليج حراام..
رن موبايل خديجة: سيف اسكت اشوي هذي صهرتي: الوو هلا حصوه شوو؟ حصة:ولدج مطفرني ويالس يصيح شسوي؟
خديجة: فديته ولدي خلاص الحين انا ياية انتي وين ..اوكي خلاص الحين بيي.
سيف:مبروك عليج الياهل شسمه ؟
خديجة:محمد..اسمع سيف انا سايرة الحين ولو سمحت ابتعد عن طريقي انا مرة متزوجة لا تخرب سمعتي جدام اللي يسوى واللي ما يسوى.
سيف:لاا انا الحين صرت اخرب سمعة..هين يا خدووي انا ما بخليج وبتمين طوول عمرج لي انا وبس ..
خديجة:سوي اللي تباه وانت اللي راح تتبهدل برااايك باي..
صخ سيف ما عرف شيقول وكان قلبه يحترق مع كل كلمة اتقولها خديجة..سارت عنه وهي مرتاحة نفسياً بس كانت خايفة من اللي بيسوي سيف محد يعرف شو ممكن يصير ؟؟؟
سعيد و ربعه كانوا يتمشون وحركات المغازل ما تفارقهم خير شر
فيصل: يا ويل حالي انا طالع طالع هناك..سعيد ما كان مهتم بس فضوله اعماه واتطالع غصب،عرف ان هي حصة وخديجة وياها من حمود..سعيد تطالع فيصل بنظرات وقال: فيصل لا ترمس عن أي حد ترضى لو رمست عن اهلك وانت موجود حذالي..
استحى فيصل واتعذر من سعيد ،سعيد تم يطالع حصة وهي مسويتله طااااف لان عندها اللي تحبه خلاص اللي هو راعي الرنج (حمدان) اتشرت لين ما قالت بس وظهرت من المول وسارت البيت حصة في حجرتها تجرب البدل اللي شرتهن
بعد أسبوع كامل عبدالله رد من الكلية لان كانوا حاجزينه..سلم على امه وخواته وسار حجرته يغير جاف 3 مس كول ،2 من لطيفة و1 من فريسة يديدة طنشهم بس قال: اتصل في لطيفة احسن مليت من الحكرة في الدوام..مرحبا الساع..
لطيفة:مرحبتين هلا والله وينك يالقاطع؟
عبدالله:والله كنا محجوزين عسب جي كان مبايلي مغلق..
لطيفة:اها انزين شخبارك؟
عبدالله:والله بخير دام اني اسمع هالصوت..
-وهي مستحية:ايه كلك ذوووق
- لكاااان هههه وتموا يسولفون عقب اتعذرت لطووف تبا ترقد واتواعدوا باجر يتقابلون في مطعم من المطاعم ..عبدالله سار عند حصة وهي كانت ترمس الفن،
دق الباب:حصة فجي الباب انا عبدالله ..
حصة:اقول الفن برمسج عقب هذا عبد الله عند الباب اوكي
الفن:اوكي الغالية يلا باي ..
حصة:اتفضل عبادي..عبدالله :اهلين اشحالج؟
- الحمدلله تمام علومك انت؟
- عال العال
- اقول عبدالله امممممم مادري بس....
- يلا عاد ما يحتاي مقدمات ارمسي
- انت لين متى بتم جي مجافي الفن بهالطريقة ؟ انصدم عبدالله من رمستها بس رد بكل برود :منو هاي؟.. انقهرت حصة من بروده: عبادي افهم البنية شاريتك وبايعة الدنيا كلها عشانك بس تصدق انت ما تستاهلها لانك تحب تلعب وبس حرام وحدة شراتها تسويلك سالفة جي كل هالرمسة قالتها من القهر اللي فيها ،عبدالله تم صاخ وبعدين قال: خلصتي؟
- حتى لو خلصت شو بتقول مثلا احبها او بتغير رايك اكييد لا...والله
يقاطعها عبدالله :سمعي يا حصة انا ما ريد العب عالفن مثل غيرها وغيرها هي لها سمعتها وانا لي سمعتي وخلينا بعاد احسن وبذمتج هاي حركة تسوينها في ربيعتج..لو وحدة يت عندج وقالت والله اخوي يحبج ومعجب فيج بترضين على طول؟ ها قولي يلا..يا حصة يا حبيبتي اريد اقولج شي حطيه في بالج أي حد من الشباب طلب يرمس بنية وهي رضت يحط الريال في باله ان هي اكيد ترمس غيري بعد ومستحيل يتزوجها لو منو كانت فهمتي؟
- هيه(ما توقعت ردة فعل عبدالله اتكون جي )بس استانست من موقفه) عبدالله سوري ومشكووور عالنصايح .
- اوكي خلاص اخليج الحين اوكيكك
- اوكي وتمت اتفكر في حمدان بعدين دشت Msnوحصلت شيماء بنت عمها وحمدان ..
ملسونة :مرحبا ملايين ولا يسدن وان زادن لاباس
شيخة المزايين:مرحبا بج اشحالج حصووووه
ملسونة: تسرج الاحواال انتي علومج ؟
شيخة المزايين:تمااامووووو(وتموا يسولفون فيدش راعي الرنج عالملسونة(
شو تتوقعون راح يصير بين الملسونه وراعي الرنج !! وشو الصدف اللي بتجمعهم !!
الجزء الثالث
راعي الرنج:مرحبا مليااار ولايسدن ياهلا
ملسونة:مرحبتين اشحالك؟
راعي الرنج:احسن عن حالج ههه وانتي؟
ملسونة:بس انا احسن واحسن ههه (عقب دشوا في سوالف مالها اول ولا تالي)..
-اقول حمدان في خاطري شي اريد اقولك اياه ؟
- هيه تفضلي الشيخة ...
ملسونة:الصراحة انا هب اسمي فاطمة
انصدم سعيد فقال:عيل؟
ملسونة:اسمي..حصــــــــــة.
زادت صدمة سعيد تم صاخ مارد عليها ..
ملسونة:بلاك صاخ؟
راعي الرنج:وشو اللي خلاج تعترفين لي
ملسونة:مادري بس حسيت بالراحة تجاهك..
راعي الرنج:ما علي حصل خير
ملسونة:يعني ما زعلت ؟
راعي الرنج:لا افا ما عاش من يزعل حصة
ملسونة:تسلم الغالي يعلني ما خلا منك
راعي الرنج:الله يسلمج
**** بعد فترة جي هب طويلة سعيد طلب من حصة ان يرمسها بالتلفون****
ملسونة:لا اسمحلي كله ولا هالشي
راعي الرنج:ليش انزين شو بتخسرين..رمسيني مرة وحدة وان ما عيبج الموضوع لا ترمسيني ابد
ملسونة:والله يا حمدان لي سمعة واخاف عليها من أي شي حتى لو رمستك عالمسن هذا مو يعني اني راح اقبل ارمسك بالتلفون ..
سكت راعي اشوي قال:خلاص برايج بس بعطيج الرقم لاني يمكن ما ادش المسن اسبوع (كان يقص عليها بس يبا يجوف ردة فعلها (
ملسونة:ليــــــــــــــــــــــــــــــــــــش؟
راعي الرنج :يهمج تعرفين؟؟؟
ملسونة:ها...هيه..
راعي الرنج:لاني بسافر مليت من القعدة في البلاد.
ملسونة(بحزن):تروح وترد بالسلامة
راعي الرنج:اوكي الحين بخليج وهاج الرقم××××××××××..
ملسونة:فداعة الله باااي
راعي الرنج:بااي
طبعا حصة ايدينها كانت تقرصها ما قدرت تفوت هالفرصة فسجلت الرقم عندها في الموبايل وطبعا باسم(حبيبي).. عقب سكرت النت ونزلت تجوف اهلها ..اما عبدالله فسار المطعم اللي تواعد هو ولطيفة فيه....
***في المطـــــــــعم***
عبدالله:ها غناتي عساج مستانسة..
لطيفة:دام انك ويااي اكييد مستانسة
عبدالله:انشاء الله دوم
لطيفة:تسلم ..عقب سكتت اشوي وقالت :عبدالله متى بتخطبني؟؟ (انصدم عبدالله من سؤالها ما توقع منها ان تسأله في يوم من الايام) ..
لطيفة:مارديت علي تدري ان في ثلاث خطبوني بس انا رفضتهم عسباتك بس..
عبدالله: بس انا ما افكر في الزواج الحين
لطيفة:نعم نعم وين الرمسة اللي كنت اتقولي اياها قبل ما عرفك عدل..
عبدالله: قومي خلنا نظهر وافهمج بره مافي داعي للفضايح جدام خلق الله .
لطيفة:شرّف
وظهروا عقب قال عبدالله:جوفي يا لطيفة انا شو اللي بيوثقني انج ما ترمسيني انا بس..دام انج رضيتي فيني كيد بترضين بالف غيري واعتقد ان هالسبب مقنع ويمنع الزواج ..عصبت لطيفة من رمسته وقالت لا اراديا: اكرهك يا عبدالله انت خاين وهمك اللعب وبس وبدت تصيح عقب نزلت من السيارة وردت البيت بالتاكسي اما عبدالله فطنش السالفة وافتك ..بس حز في خاطره انها صاحت وقال: بروحها بترضى ..
****بيت مبارك الفلاسي ****
اسما في الصالة اتطالع تلفزيون فتيي امها وتيلس حذالها
ام سعيد:بلاج يا بنيتي جي معتفسة و...(يرن التلفون واتقوم ام سعيد ترد(
ام سعيد:الوو السلام عليك والرحمة
----:وعليج السلام والرحمة
ام سعيد: منو وياي ؟
----: افا يا ام سعيد ما عرفتيني انا ام منصور يارتكم الجديمة
ام سعيد :يا هلا والله ياهلا وينج يا القاطعة ما صرتي تيين صوبنا
ام منصور:والله الدنيا شاغلتنا يا ام سعيد شنسوي بعد؟ عالعموم انا ناوية اييكم البيت الخميس الياي مع ولدي منصور واخوانه
ام سعيد :حياكم الله في أي وقت البيت بيتكم ..
ام منصور:ماسالتي ليش؟
ام سعيد:والله مو مهم السبب المهم انكم اتييون واتنورون بيتنا
ام منصور:والله تسلمين الغالية وما تقصرين بس بقولج ليش انا ناوية اخطب بنتج عبير لولدي منصور..
ام سعيد:والله هذي هي الساعة المباركة وحياكم الله في أي وقت البيت بيتكم وتبند عنها وترد تيلس عند اسما :تدرين منو داق؟
اسما:منو؟
ام سعيد:هذيل ييرانا الجدامى قوم راشد المحيربي اتذكرتيهم؟؟
اسما وهي اتحاول تتذكر :اها هيه عرفتهم غريبة شو السالفة ؟
ام سعيد:واللله ام منصور تبا اتناسبنا ؟!!
اسما:ومنو انشاء الله سعيدة الحظ
ام سعيد جافت ان اسما ترمس من طرف خشمها فقالت:يا بنيتي يا اسوم الزواج قسمة ونصيب وانتي.......
تقاطعها اسما بصراخ:وانا شو ها خلاص انا السبب كثرة الرفض سوت جي قدري مكتوب اني اعيش طول عمري عانس خلاص وسارت حجرتها وتمت اتصيح اما ام سعيد تحسفت على انها فتحت الموضوع ويا اسما
****في بيت منصور الرميثي****
سيف كان منقهر من خديجة ومن الرمسة اللي عقتها عليه ويالس يخطط يسوي شي يخرب بينها وبين ريلها بس مب قادر كيف يخطط للانتقام من ريـــــم قلبه كيف؟؟
هذا السؤال اللي محيرنه صدق..فقرر ان يتصل على موبايلها لان لقط رقمها (عاد تعرفون الشباب وحركاتهم (
اتصل سيف..خديجة كانت يالسة ويا سالم رن تلفونها كان الرقم هب غريب عليها بس ردت: الوو السلام عليكم (تم سيف ساكت ويسمع صوت خدووي ) اخر شي خديجة سكرت الموبايل في ويها ..
سالها سالم:منو ها؟
خديجة وهي مرتبكة :ما عرف وسكتت ..رن التلفون مرة ثانية ردت خديجة:الووو ميين ؟
سيف:اقدر اسوي اللي اباه ولا لا ..سكرت خديجة الخط في ويها..
سالم شك في السالفةوقال:خديجة منو هاي؟
خديجة:ها ناس فاضية ما عندها سالفة..ويرد سيف يتصل مرة ثانية وثالثة وسالم كان يطالع خديجة لانها صدق كانت متوترة..اخر شي اخذ التلفون منها فاتصل سيف رد سالم وتم ساكت اخر شي سيف قال: يا خديجة دام كنتي لي بتمين لي ومحد يقدر ياخذج مني..
كان كل كلمة يقولها سيف سجين في قلب سالم.. سالم من العصبية:انت ياللي ما تستحي عويهك ترضى حد يسوي جي في مرتك صدق انك جليل الحيا
سيف:اصلا اللي ما تعرفه.. (وسكر سالم الموبايل في ويه سيف) وتم يطالع خديجة بقهر: ليش يا خديجة انا شو اللي ما وفرته لج..اذا نقص لج شي يبته لج واذا...
قاطعته خديجة :والله حرام عليك اصلا انا ما عرفه ومنو هذا اللي ترمس عنه .. سالم بلييز لا تظلمني ؟!!!
سالم:اظلمج؟؟ أي ظلم ترمسين عنه وهو يقول دام انج له بتمين له منو هذا..ارمسي قوووولي؟؟
خديجة:انزين اهدا وخليني افهمك السالفة..بس اهدى
سالم وهو يطالعها باستهزاء: ارمسي يلا..
وقالتله خديجة كل السالفة كان منقهر من الرمسة اللي قالتها خديجة بس زخ روحه عن يغلط عليها
خديجة:وهذا كل شي بس انت يا سالم ريلي وبو ولدي و..حبيبي و لا تتوقع اني بخونك عسب خاطر ولد عمي..واذا غلطت ترى حقك علي..انا اسفة ..
سالم(وهو بعده شايل في خاطره من خديجة):خديجة لو اني ما احبج كنتي جفتي روحج في بيت اهلج وما كنت تفاهمت وياج اصلا بس انا احبج واخاف عليج من رمسة الناس..عالعموم كان مفروض ترمسيني بالسالفة من زمان بس الحمدلله عدا كل شي عخير اما عن الموبايل انا باخذه لين ما تهدى الاوضاع عقب برده لج..ارتاحت خديجة نفسيا بس اللي كانت شايلة همه صدج هو (سيف(
مرت الايام وسافر سعيد كل واحد شايل همومه في بيته..بس في بيت مبارك الفلاسي كانت خطوبة عبير الكل تيمع يوم الخميس عندهم..عبير ميته من الزيغة وحصة تضحك عليها..
عبير:والله حصة يالماصخة ترى ما في شي يضحك يوم بيي دورج بنجوف شو بتسوين؟
حصة:مابسوي شي بيلس شرات الناس والعالم وخلاص..زقروني بسير عندهم ما زقروني بيلس مكان واحد وانا صاخة..
عبير:اقوول جب جب بلا فلسفة زايدة..وكانت يالسة على اعصابها..يدش المعرس اللي هو منصور ويجوف عبير: اشحالج عبير؟
عبير:الحمدلله يسرك الحال..
عيبته عبير وجاف انها المناسبة له ..حدووا الملجة والعرس ..الملجة عقب اسبوع والعرس شهر سبعة..الكل فرحان لفرحة عبير ..الا وحدة اللي كله حاكرة روحها في الغرفة (اسماء) هي بروحها ماتعرف شو صارلها..كله صاكة الحجرة عروحها ..
تيي حصةوتدق الباب:اسما اسما فجي الباب انا حصة
بس اسما صاخة ما ترد
حصة:غناتي اسوم حرام اتسوين في روحج جي هذا هب يعني نهاية الدنيا وانت بنية عاقلة وكبيرة وو.......
تفج اسماء الباب وتصرخ :بس خلاص كافي لين متى بتموون ترددون نفس الرمسة من وقت ماصار عمري 25سنة وانتي جي وانتي جي حشرتونا تراكم..بس هالللي فالحين فيه ..وتصك الباب وراها وتيلس تصيح ..حز هالشي في خاطر حصة وما عرفت حل لمشكلتها..
اسماء كانت من النوع الهادي وماكانت تظهر من لابيت وايد شرات خواتها الباقيات وان زاروهم ضيوف ما تظهر تسلم عليهم عسب جي محد يعرفها.. والمفروض انها تعرف السبب ..مع ان امها كانت خايفة عليها من هالشي وحتى خوانها واهلهات الكل يخاف عليها وعلى غيرها..بس دام الدنيا قررت شي خلاص مستحيل تتراجع عن قرارها ...
طبعا في يوم الملجة يت الكوافيرة البيت هي وجم وحدة وياها بعد لانهم كانوا واايد اما العروس الي عبير استلموها ثنتين..طبعا كل وحدة كانت احلى عن الثانية بس احلى وحدة واللي كانت شادة انظار الجميع لها هي (شيماء( كانت حلوة صج حتى حصة وصالحة واميرة وخديجة وسعاد واسماء اللي كانت متضايقة حلوين بس هي اللي كانت ماخذة رقم 2 بعد العروس ماشاء الله عليها كان فستانها احمر وعليه ميكاب احمر عاسود سكت الكل كانت لافتة للانظار ..كانت هي الكل بالكل..سألوا عنها وايد بس امها كانت ترد بانها تريد تكمل دراسة..وبكل تاكيد بدون أي شي هل العروس احلى عن هل المعرس ..دخلوا العروس على اغنية راشد المااجد(يابدر)..زفتها كانت روعة مع انها ملجة ..يلسوا البنات يرقصون وحشرة وحالتهم حالة عقب دش المعرس وسلم عليها وهي كانت محمرة من المستحى ..
منصور:اشحالج عبير؟
عبيربصوت واطي:الحمدلله
منصور:قلنا تستحين بس هب لهالدرجة..
صخت عبير ما عرفت شتقول..الكل استانس لوناسة عبير ومنصور..يوم ردوا البيت حصة كانت طول الوقت تضحك على عبير لان منصور يوم بغى يشربها العصير هي شرقت وتمت تكح حتى صالحة طاحت قرض في بنت عمها لين ما قالت بس(هاي لو عطوها فرصة ما تسكر(
**بعد ثلاثة ايام **حصةيالسةتطالع الارقام في تلفونها وقفت عند رقم (حبيبي) وسوسلها الشيطان وما حست بروحها الا وهي داقة عالرقم رد عليها:الوو
حصة سكتت اشوي عقب ردت:الووو السلام عليك
سعيد:وعليج السلام والرحمة منو ؟
حصة:انا حصة..شو حمدان ما عرفتنيه؟
سعيد:هلا والله هلا اتوقعتج اتدقين اشحالج ؟
حصة:يسرك الحال..تدري جفت رقمك وما حسيت بروحي الا وانا داقة عليه..
سعيد:تسلمين الغالية عالعموم فرحت يوم اني سمعت صوتج...(ويلست ترمسه لوقت متاخر اشوي عقب بندت ..بس حست باحساس غريب انها مستانسة وندمانه في نفس الوقت ما تدير شالسبب) ..
ثاني يوم في الكلية كانت محاضرة حصة والفن في نفس الوقت لحسن الحظ ،يلسوا ويا بعض وتموا يسولفون اشوي..سكتت حصة وابتسمت للفن..الفن:بلاج؟
حصة:الفن في حقيقة لازم اتواجهينها بنفسج وهذا شي مقدر من ربج ؟
زاغت الفن وقالت:شو هي ؟
حصة:يالفن انتي لج سمعة ولازم اتخافين عليها من أي حد ولا تحسبين اني ما رمست عبدالله في الموضوع ..بلا رمسته بس..
الفن:بس شو؟
حصة:تدرين شو قال؟ قال اني خايف عالفن شرات ما اخاف عليج وما ريد اخرب سمعتها لازم تقتنعين بهالشي..
الفن وهي مرتاحة نفسيا:صدق اناكنت غبية يوم كنت اطلب ارمس عبدالله وهو معاه حق وانا اسفة اذا ضايقتج بشي والسموحة غناتي..
حصة وهي مبتسمة :مسموحة بالحل الغالية ومافي داعي لكل هذا اهم شي انتي... وتيي شما صوبهم وتضرب حصة عظهرها :وينج يا القاطعة؟ حصة:آآآآآآآآآآآآآآآي يالسخيفة أي قاطعة أي خرابيط تونا صارلنا يومين وتجاوفنا حشى
شما:هيه هيه يومين صح انا غلطت بحقج...
حصة بلؤم:هيه غلطتي بعد شو يلا اترجيني اسامحج
شما:جب ويا ويهج احمدي ربج بعد اني افتكرت ان عندي ربيعةههه .. حصة:الحمدلله والشكر
شما سكتت وعصبت اما الفن كانت سرحانة وافكارها بعيدة عنهم وساكتة.. حصةوشما جافوها مندمجة فخوفوها:بووووووووووو
الفن شهقت:يالماصخات خرعتوني كريهات..
حصة وشما ويا بعض:ياللي ماخذ عقلك يتهنى بك..سكتت الفن واتذكرت عبدالله ..
امـــــــــــــــــــــا سعيـــــــــــــــد..
حتى وهو في لندن تفكيره كله في حصة بنت عمه..اخر شي قرر ان يخطبها فقال في خاطره انا احبها وخاطري فيها ليش ما اخطبها والاهم من كل ها اني ولد عمها واخاف عليها بس تذكر حصة اللي يرمسها وقال اما هاي حصة لازم انهي علاقتي وياها من اليوم ..***في نفس اليوم في الليل تدق حصة لسعيد رنة وتسكر ويدق هو عليها
سعيد:سلااااااااااااااااااام
حصة:وعليك السلام والرحمة يا مرحبا اشحالك حمدان؟
سعيد:يسرج الحال وانتي؟
حصة:الحمدلله
سعيد:اقول حصة بسالج سؤال بس جاوبيني بصراحة؟
حصة:اوكي تفضل
سعيد:دام فضلج الغالية...انا شو بالنسبة لج ؟
حصة:انت؟ (هالوقت المناسب اني اعترف لحمدان بحبي له) انت بالنسبة لي واايد اشياء..معزتك عندي تساوي الدنيا ومافيها الصراحة...انا أحبك.. (طلعت لا اراديا (
انصدم سعيد من رمستها ما توقع هالشي ابدا بس لازم يحسم الموضوع الحين: حصة انتي عزيزة على بس ما توقعت اني اكون جي بالنسبة لج حصة:والزبدة؟
سعيد:حصة انتي اتعرفين ان نهاية كل واحد سواء كان ولد او بنت هو الزواج واذا الله ما كتب نصيب هالشي الله مقدرنه..بس انا الحين مقرر اني اتزوج يعني لازم(وسكت(
حصة هني كان ودها اتصيح بس مسكت روحها وقالت:لازم شو ؟
سعيد:مثل مابدينا بهدوووء ننهي بهدووء وبدون فضايح..
سعيد ماكان يحس باللي يقوله بس كل كلمة تنقال سجين في قلب حصة المسكينة محد يعرف شو بيكون حالها بعد هااليوم...اه يالدنيا الواحد كثر ما يكون مستانس يدش في احزان مالها اول ولا تالي..وهاللي عايشته حصة الحين ....
ردت عليه حصة:انت شو ماتحس ولا ما عنك احساس بالاصل حرام عليك حرام تسوي فيني جي وتسكر حصة في ويه وتم تصيح على حظها الكئيب ..
مرت ايام وايام ورد سعيد من السفر طبعا حصة من ذاك اليوم وهي صايرة كئيبة وما تنجاف الا وقت الغدا حتى العشا ما تتعشى شرات الناس..بس قالت: انا لازم انساه وانسى كل شي عنه،وعقب جم يوم راحت واشترت بطاقة يديدة وغيرت الرقم وقبل لا ترمي البطاقة الجديمة يلست اتسجل ارقام ربيعاتها في التلفون اليديد ويوم ياه الدور على حمدان (سعيد) كانت تبا تشطبه بس ما قدرت راحت وسجلته عندها باسم (حب مضى) كان الجرح عمييق ..طبعا هي ماخبرت بعلاقتها حتى شما مع انها لاحظت على حصة هالتغيير وكل ما تسالها عن السبب ما ترد عليها او اذا ردت اتقول ما فيني شي؟؟؟!!!!!
تعودت حصة على هالمواال اما عن سعيد فرمس امه عن حصة
ام سعيد:زين يا يمه هذي هي الساعة المباركة
سعيد:يلا اماية دقي الحين وقولي ان نحن ياايين عندهم الخميس الياي
ام سعيد:بسم الله بلاك جي مستعيل
-اماية يلا عاد
-خلاص خلاص لو تبا الحين بدق جم سعيد عندنا؟(ترمس ام سعيد ام عبدالله(
ام عبدالله:حصة حصة تعالي ابيج انا تحت
حصة:نعم اماية انشاء الله خير
ام عبدالله:خير انشاءالله سمعي ياحصة انتي الحين بنية كبيرة وعاقلة وصرت عروس والف من يتمناج
حصة اتذكرت حمدان وتنهدت تنهيدة عميقة وقالت:انزين
ام عبدالله:سعيد ولد عمج خطبج وهم ياايين الخميس الياي
حصة وهي هب مصدقة:بس يا اماية؟
ام عبدالله:لا بس ولا شياته..هذا ولد عمج ومن لحمج ودمج واحسن لج من الغريب واذا ما كنتي تبين العرس املجوا والعرس عقب هب مشكلة..
تطلع حصة فوق لحجرتها وتيلس اتصيح:الحين ما خطبني الا هاللي اكره ليش ليش جي يستوي فيني حتى لو ولد عمي..وتسكت وتتذكر حمدان والكلام اللي قاله وقالت:دام ان نساني انا بعد بنساه بس هب بزواجي من سعيد
---يوم الخميس---
كان هاليوم يوم ممات حصة وبداية حياة سعيد وماكان ودها الا انها تموت وخلاص بس هالشي بيد الله سبحانه وتعالى ومحد راح يغيره..
خديجة:خلاص يا حصة مايصير جي تسوين بروحج حتى لو ما تبينه بتتعودين مع الايام وتبين الصدق انا ما كنت ابي سالم في لبداية ..اتطالعتها حصة بتعجب وقالت:بس شكلج اتموتين عليه
تنهدت خديجة وقالت:بقولج سالفة طويلة وعريضة بس بشرط؟
حصة:شو؟
خديجة :تمسحين دموعج وتتكشخين
حصة وهي تقوم:عسب خاطرج بس ... only//
خديجة:اوكي يلا قومي
عقب ما خلصت حصة يت ويلست حذال خديجة:يلا شو السالفة ؟خديجة:تدرين اني كنت احب ولد عمي...
انصدمت حصة من الخاطر:هااااا ووينه الحين؟ وهو يحبج؟..
طبعا خديجة ردت على كل تساؤلات حصة وخبرتها كل السالفة من اول ما سافر سيف لين ما سالم رمسه عالتلفون ..
خديجة:وبس هذي كل السالفة ..
حصة:تدرين ما يبين عليج انج كنتي اتحبين واحد قبل سالم؟!
خديجة:الله عوضني عنه بس مع ذلك اعزه
سكتت حصة وقارنت حالها بحال خديجة هي كان حبها من طرف واحد يعني تقدر تستغنى عنه اما خديجة وسيف كان حبهم من الطرفين فاستغربت شلون استغنوا عن بعض وكانت طول الوقت سرحانة ،فتدش شيما الحجرة وتخرعهم:بووووو انا ييت تخترع حصة بس تسكت ما ترد عليها وتسلم عليهم وتيلس عند حصة:ها العروس اخبارج؟
حصة(باستهزاء):اخباري شرات كل مرة ما تغير شي..يعني شو بيصيرمثلا.. تطالعتها خديجة بنظرة حادة فسكتت حصة..فهمت شو قصدها من هالنظرة .. يلتمون البنات ويدقونها سوالف،اما حصة فطول الوقت سرحانة ما تعرف شو تسوي تبا سبب مقنع يمنع زواجها من سعيد بس هب محصلة لان اول شي هو ولد عمها ويخاف عليها ومن لحمها ودمها والاهم من كل ها ان لو رفضته كيف بتواجه بنات عمها يمكن هي بالنسبة لها عادي بس هم شو بيكون موقفهم ..صالحة كانت حاسة بهدووء اختها:حصة بلااج ؟
حصة:ها لا ماشي..
**اما عند الرياييل سعيد يالس ويا عبدالله **
عبدالله:دام انك معزم عالعرس انا بعرس وياك الصراحة شجعتني
سعيد(يستهبل):هذي الساعة المباركة(يسوي عمره ييب شرات الحريم(
عبدالله:جب ويا ويهك اماية تعرف احسن عنك بخليها اتيبب لي...
يلس سعيد يضحك وقال:ومنو في خاطرك؟
عبدالله:وحدة من بنات العرب هب من العايلة
سعيد:اهااا عيل مبرووك مقدما..
عبدالله:الله يبارك فيك
بعدين نزلت حصة والبنت عند الحريم ويلسوا وحطوا العشا والكل اكل الا حصة ما كان لها نفس على شي..طبعا طلب سعيد يجوفها،حصة كانت يالسة ويا الحريم ما قدرت ترفض فسكتت
سارت الميلس ويا اخوها عبدالله وقالت:حووو ترى والله ان ما ييت بسرعة انا بظهر وبخليه بروحه جان يسمعها سالم ويقول: ومنو قال ان بنخليج ساعة ولا ساعتين بالكثير 10دقايق
ارتاحت حصة من رمسته ودشت كان سعيد موجود يوم جافها قام وقف.. سعيد:السلااام عليج والرحمة
حصة(من دون نفس):وعليك السلام
سعيد:اشحالج؟
حصة:الحمدالله..سكتوا اشوي عقب رمس سعيد: حصة تدرين اني اخاف عليج واحس انج انتي الوحيدة المناسبة لي من اول ما جفتج وهالشعور يراودني..
حصة:انزين شو يعني؟صار شي غير انك خطبتني؟؟؟!
كان رد حصة لسعيد جارح بلعها سعيد وقال:خطبتج وعقبال العرس انشاء الله..
حصة في خاطرها:فال الله ولا فالك...ظهر سعيد من عندها حس انها واايد جافة معاه بس قال يمكن هي جي في البداية بس..لو ارمسها بالتلفون يمكن اتقرب منها اكثر وهي نفس الشي..
حصة في حجرتها ودها تصيح بس هب قادرة ما تعرف شو تسوي لو الانتحار هب حرام بتنتحر..
دق عبدالله الباب ودخل..جاف حصة يالسة عشبريتها وموايهة الدريشة يلس عدالهاا وقال:حصووه بلاج حزينة جي هذا بدال ما تفرحين...
تبتسم حصةابتسامة باهتة:افرح ليش شو بيصير يعني زواج وبتزوج وبتفتكون من حشرتي..
عبدالله:حصة انتي شو اتقولين اصلا الريال لو عليه قصور كنت انا رفضته قبل أي احد وبعدين بدال ما تمين حزينة جي عالاقل قولي مبروك لاخوج
حصة:ليش شو صار ليكون بتتيوز وحدة من هاييل اللي في الشوارع
عبدالله ويدزها دزة معتبرة:ايخسون الا هم اصلا انا ودرتهم كلهم وغيرت رقمي بعد..
حصة:انزين ومنو سعيدة الحظ؟
عبدالله:خمني؟
حصة:وحدة من بنات عمك او...اممممم ماعرف منو ؟
عبدالله(بصوت واطي):الفـــــــــــــــــــــــــــن
نقزت حصة من مكانها وصارخت:اونى احلف (من الفرحة(
عبدالله يلسها مكانها وحط ايده عحلجها وقال:والله والله بس انتي انجبي ويلسي ساكتة..
حصةمن الفرحة ما عرفت شو تسوي ودها تتصل في الفن واتقولها او تنشر الخبر في الجريدة او.....او.....اي شي اخيرا بتجوف ربيعتها تضحك وتسولف شرات اول وترجع الفن الاولية اللي الكل يعرفها..
عبدالله:اسمعي شقولج اريد منج تاخذين رايها قبل لا اخطبها اوكيك
حصة: لوتبا الحين !
عبدالله:والله؟
حصة:هيه لحظة اشوي يابت موبايلها ودقت عالفن..جافت الفن موبايلها (اخت حبيي يتصل بك):الووو
حصة:هااي
الفن:شو السالفة داقة هالوقت؟
حصة وهي تبعد عبدالله منها لان ملصق اذنه عالموبايل:اقول الفن بسالج سوال بس جاوبيني بصراحة
الفن:اكييد بقولج الصدق،ليش اجذب عليج بعد..
حصة:اذا عبدالله خطبج بتوافقين عليه(في هاللحظة حصة حطت اسبيكر عسب عبداله يسمع الرد(
الفن :يعني هاي سؤال تسالينه وانتي تعرفين اجابته عدل مع اني واثقة ان ما بيصير
حصة:موافقة ولا لا ؟
الفن:طبعا هيه..ارتاح عبدالله يوم سمع هالكلمة فاخذ الموبايل من حصة ويقول: الفن صج ان هالحركة سخيفة بس مضطر اسويها انا ارتحت فعلا يوم سمعت كلمة هيه منج وانا مستعد اخطبج الاسبوع الياي اوباجر لو تبين.. انصدمت الفن من عبدالله ما توقعت ابدا هالشي يصير بس من حسن حظها.. الله يحبها وحمدت ربها مليون مرة عالنعمة طبعا تمت صاخة طول الوقت..
عبدالله:ها شو قلتي ؟
الفن:سوي اللي تباه..موافقة يلا بااي،
وسكرت الموبايل في ويه عبدالله من الربكة والمستحى..كانت الارض هب شالتنها من الفرحة بس الحمدلله ان الله تقبل دعاءهاوعبدالله بيكون لها..
واكثر وحدة استانست هي حصة رغم كل اللي الحزن اللي فيها فرحت لفرحة عبدالله والفن واتمنت لهم السعادة بس شي اكيد انها ما تقدر اتغطي هالحزن اللي هي فيه..كانت مبتسمة بس اختفت الابتسامة فجأة..لاحظ عبدالله هالشي وسالها:حصوه بلاج جي عابسة مفروض اتكونين مستانسة هب جي معصبة جن حد ضاربنج ضرب ومقعدنج..حصة ما كانت تبا اتحسس اخوها باللي فيها فقالت:لا ما فيني شي بس شايلة هم الكلية،
عبدالله حس انها تجذب عليه بس طنش وقال:اها عيل شدي حيلج اوكي وهو طالع: ترى الخميس الياي بنسير بيت الفن عسب الخطوبة..
حصة:اوكي خلاص..
ومر الاسبوع بسرعة وتمت الخطوبة واتفقوا عالملجة والعرس يوم واحد طبعا عقب ما تخلص دراسة في الكلية لان باقيلها كورس وبتتخرج..وحصة وياها ، اما شما فكان عرسها شهر5..وسعيد كل اسبوع يي ويزور حصة..
**مرة من المـــــــــــــــراات**
سعيد:حصة صح اني اييج كل اسبوع بس احس اني ما اعرفج عدل ولا انتي بعد..بس لو رمستج بالتلفون بنتقرب اكثر وبالنسبة لاهلج تراني رمستهم في الموضوع قبل لا ارمسج بس اتريا ردج ها اشقلتي؟
سكتت حصة وتمت اتطالعه ببرود بس بدون حس قالت:اوكي
طلعت لا اراديا بعدين يوم انتبهت للي قالته انصدمت عقب سعيد قال:اوكي عطيني موبايلج وبسجلج الرقم
حصة:لا لا (بارتباك) ها اسمع انت سجل رقمي عندك احسن..سعيد ابتسم وقال:اوكيك وسجل رقمها بعدها بيوم الساعة 12بالليل..كانت حصة حاطة تلفونها عالجارج فرن التلفون راحت تبا تجوف الرقم انصدمت صدمة فظيعة كان اللي داق(حب مضى) حمدان استغربت من وين ياب الرقم وهو شو يبا مني الحين ارتبكت بس قالت لازم اسويله حد ردت:الووو
سعيد:هلاوالله بحصة ؟
حصة:منو انت؟
سعيد:افا ما عرفتيني؟
حصة:السموحة انا ما ارمس شباب وبعدين انت ما.....
وقبل لا تكمل قاطعها سعيد:حصة انا سعيد ولد عمج
في هالساعة وهالدقيقة اتيبست حصة في مكانها ما عرفت شو تسوي تذكرت اللي طاف واللي صار..الحين تلخبطت مشاعرها ما تعرف شو تقول او شلون ترمسه على اساس ان هو سعيد وهو حمدان بالاصل..للاسف حمدان اللي تحبه طلع هو نفسه ولد عمها اللي تكره..سبحان الله يا محاسن الصدف ..الله اراد هالشي اراد ان يجمع الاثنين..
ردت عليه :سعيد سوري ما كنت قاصدة
سعيد:لا افا عليج كم حصة عندنا؟
حصة: وهي بعدها مرتبكة:اقول سعيد انا عقب ساعة بدقلك اوكي
سعيد:ليش الوقت اللي داق فيه هب مناسب؟
حصة:لا لا عادي بس انا مشغولة اشوي برد بدقلك عقب ساعة
سعيد:اوكي في امان الله
حصة:بااي
يلست حصة عالشبرية ما تعرف شو الشعور اللي لازم تعطيه سعيد حب..كره..تعتبره كولد عم..او اشياء ثانية..تنهدت وقالت:هذا ولد عمي واحسن لي من غريب وبعدين انا ما كنت اعرفه عدل بس قررت شي و ظلمته بهالقرار..حمدان هو نفسه سعيد يعني كل صفات حمدان تنطبق على سعيد..اخر تعبت من التفكير وقالت:صج كلام عبدالله يوم قال ان الشباب يتسلون وبس..عقب سارت رقدت ونست سعيد الي يترياها اخر شي طفر وطرشلها مسج ((لو تخليت عني لدقايق بنتظرك..لو تخليت عني لسنين بنتظرك..لو تخليت عني العمر كله بنتظرك..(أحبج مووتH ).. ))طبعا كانت راقدة ما ردت عالمسج فقال الظاهر انها راقدة يحليلها اكيد تعبانة باجر برمسها..ثاني يوم حصة قامت وجافت المسج ابتسمت وردت عالمسج (ما وصل بيني وبينك أي شعور..ما كنت تهمني..بس الحين صرت لي احلى شعور (صباح الخير سعيد)) قام سعيد على صوت المسج وقراه واستانس وايد ورد طرش مسج كتب فيه (احبك يا شقى نفسي وعمري..احبك يا شمس روحي واقماري..انت بدنيتي كل شي..احبك مووت والله واهواك) قرته حصة واستانست بس هالمرة ما ردت عليه حطت مبايلها عالطاولة ونزلت تحت تسلم على اهلها..بعد هاليوم سعيد صار دايما يرمس حصة وصار هالشي شرات الفرض حتى هي ما تقدر تستغنى عنه..
اما الفن صارت احسن عن قبل تضحك وترمس وتسولف غير عن اول..
**** بعد شهر تقريبا****
تخرجوا حصة والفن وشما وعبير بعد والحين هي عرست وحامل ..هي حملت بسرعة مع انها ما كانت تبا هالشي وشما عرست بعدها باسبوع يعني ورى بعض..اما الفن وحصة كان عرسهم في يوم واحد ..
**يوم العرس..
الكل في الصالون من كبيرهم لصغيرهم وكان العرس في نادي الضباط
حصة:اقول شيما سعيد لازم يدش الصاله انا استحي
شيما بلؤم:اقوول حصووه الظاهر انتي وايد رايقة اليوم مع ان اللي اعرفه ان العرايس يكونون متوترين بس الظاهر انتي عكسهم ما الومج ويهج لوح..
حصة وهي تضحك:ههههه طالعة عليج
شيما كانت متوترة لان امها قالتلها اتجوف البنات اللي خلوصوا وتخليهم يسيرون يعني عطوها جم شغلة اتسويهم..
كانت حصة صج مستانسة لانها بتاخذ واحد يحبها ويخاف عليها وعلى مصلحتها ..الفن بعد نفس الشي والاحلى من ها كله ان الشعور بين الفن وعبدالله متبادل..
وصللوا القاعة زفوا حصة اول عقب الفن بس كانت الزفة روووعة مؤثرات صوتية انواع واشكاال زفة حلوة وستايل يديد والبنات ماشاء الله عليهم هزوا الكوشة بالرقص ما قصروا وبعدين يلسوا يتصورون وكان سعيد وعبدالله محتشرين بره يبون يدشون بس طبعا قالوا بندخل سعيد اول..
سعيد:وييييوه حرة بدش قبلك
عبداالله:جب انت مالك خص لو اريد الحين بقول انا بدش قبل ترى ما كنت بتعرس في مثل هالقاعة الا بواسطتي ضابط من قدي
سعيد:اوووه بدى بدى الحين ما بيسكر ياخي تراك ذليتنا حشى هب قاعة.. امحق قاعة..
ويلسوا يضحكون
طبعا قبل لا يدخلون سعيد قالت المغنية: هالاغنية اهداء خاص من راعي الرنج للملسونة (خايف عليك) هنيه اخترعت واندهشت في نفس الوقت معقولة يعرف ان اللي يرمسها هي نفسها انا وساكت ما قال شي وتمت تتساءل..يوم دخل سعيد سلم على حصة وتمت تطالعه بنظرات استغراب وهو تطالعها وقال: ادري انج مستغربة..وسكت ويوم يلسوا: حصة انا ما كنت اعرف في البداية بس عقب عرفت من صوتج من طريقة رمستج نفس الشي، ادري انج هب قاصدة وهاي حركات مراهقين بس لاني خايف عليج خطبتج وهذي هي كل السالفة ..اتطالعته حصة وابتسمت:
شفتك ولا ظنيت بهواك..ما هو بكيفي غصب عني
لا والذي في الكون وسواك..صدق المشاعر لك خذني
اتطالعها وسكت بس كانت الدنيا هب شايلتنه من الفرحة عقب ما خلصوا ظهروا سعيد وحصة اتطالعت حصة السيارة وجافت سعيد اللي كان مبتسم: لهاليوم خصيصا يبت هالسيارة (سيارة رنج) ضحكت حصة وركبوا السيارة.. ويا وقت الفن وعبدالله وكانت هاي من اسعد لحظات حياة الفن كم اتمنت هاللحظة ما توقعت ان في يوم من الايام بيتحقق حلمها..بس كل شي يصير بارادة الله
العرس كان في منتهى الروعة لو يلست اوصفلكم اياه ما بخلص
سعيد وعد حصة يسيرون شهر العسل(سويسرا(
اول شي راحوا البيت عسب تبدل فستانها وتلبس ثوب مخور وهم في السيارة حصة تلعب بتلفونها وسعيد يسوق ويوم وقف عند الاشارة طلع سعيد ورقة من جيبه وعطاها حصة:لين ما نوصل اقريها
حصة:اوكي..
يلست تقراها وكان مكتوب فيه قصيدة حلوة وهي احلى قصيدة عند سعيدة بعد ما عرف حصة...
ياللي تيمني حبك..مش خايف ليه من ربك
باسبابي تكسب ذنبك..والله خايـــف عليك
ليتك دايـــم معانــــــا..يحصل دايـم لقانــا
الله محلـــى هـــــوانا..ما أشـــرك بشــريك
حيرتنــا ياقـــاسـي..تجــفينا ومرة ناســــي
والقلـــب اللي حســاسي..ما يــقدر يخليــك
ما اقدر اعيش بدونك..واموت انا في عيونك
لا تلــومني ولا الـــومك..لانـي مغـرم ابيــك
ياللــي تيمني حبك..مش خايف ليه من ربك
باسبــابي تكســب ذنبك..اناخايــف عليــك
عقب ما قرته قالت: تدري سعيد أجمل شي في حياتي انك حياتي وانا بعد اخاف عليك..
النهـــــــــــــــــاية..
حصة بنت حلوة ومزيونة ماشاء الله عليها وبنت ناس محترمة والكل يتمناها
وهي داشة الكلاس عالبنات:يا مرحبا يا مرحبا الساع ..يا بوعيون سود ووساع..،،،،،،،هاااي بنات
البنات:باااااااي هههههههههههههههههه
حصة:ما علي بتجوفون يالسخيفات اصلا انتوا ما تنعطون ويه وهي ظاهرة زقرت ربيعتها شما وسارن يتمشن
حصة:اقول شما ؟؟ باجر عنا عزيمة تعالي عندنا؟!!
شما:شو المناسبة؟
حصة:ولد اخوي خلص الاربعين وابوه سوى عزيمة بتيين؟؟
شما: اوكي بسال اماية وبردلج خبر اوكيك يا كيك
حصة وهي مبتسمة:اوكيك ** وساروا كلاساتهم
*** في بيت محمد الفلاسي**
ام سالم يالسة في الصالة تطالع التلفزيون والشغالات ينظفن البيت عسب العزيمة
عقب شوي يدخل عبدالله البيت وهو يغني: غايب حبيبي ما وصلني سلامه مدري غيابه عذر او شي مقصود ..ويسلم على امه ويحبها عراسها: اشحالج اماية؟
ام سالم:بخير ربي يسلمك من كل شر وانت علومك وعلوم الكلية وياك؟
عبدالله: عال العال هههه اقول اماية بسير حجرتي الحين لاني تعبان وراسي بينفجر..
ام سالم: سلامتك حبيبي بس ما تبي تتغدى ؟؟؟؟
عبدالله: لا مشكورة هب يوعاان،،
وسار حجرته.. عبدالله عمره 21سنة يدرس في كلية الشرطة. مغازلجي درجة اولى دلوع امه لان اصغر الاولاد .
ردت حصة البيت ويا الدريول وحيلها منهد من الدوام فسارت رقدت ساعة ترتاح فيها عقب نشت على صوت الموبايل (شوشو يتصل بك(
حصة:الووو
شما:صح النوم يالكسلانة يلا نشي بسج كسل
حصة : خلاص كاني نشيت بس شو السالفة داقة هالوقت اكيد تبين شي؟
شما:لا والله قصدج اني ما ادق الا اذا كنت ابي شي؟
حصة:ههه يالسخيفة هب قصدي بس مستغربة ليش داقة هالوقت؟
شما:عالعموم بس حبيت اقولج اني مابي العزيمة.
حصة:افا ليش ؟
شما:استحي اقولج
حصة:اوه بدت المصاخة ،يلا صدق لا تصيرين سخيفة؟ ليش؟
شما: خطيبي بيي؟
حصة:والله اقول بلاها الحبيبة انقلبت علينا ثره هالخطيب.. اخ منه بعد شو نقول؟
شما:بس عاد امبوني متوترة ،الله يخليج اللي فيني كافيني
حصة:هذا وانتي مخطوبة جي ،عيل يوم تعرسين شو بيصير؟ على قولة المصريين'ربنا يستر من اللي جاااي'
شما:بس عاد هب جنج زودتيها حبتين
حصة: لا ما علي كلها جم شهر وتعرسين.. ههه اقول شمو بخليج الحين اوكي
شما:اوكيك يلا في امان الله
حصة:فوداعة الله.
وعقب تنش وتسير تغسل ويها وتصلي وطبعا تيلس عالكمبيوتر وتفتح النت ،حصة من النوع اللي تيلس عالكمبيوتر بالساعات فدشت الشات ويلست اتسولف
ملسونة:مرحبا شبااااااب
شيخ العرب: مرحبتين ملسونة هلا نور الشات
ملسونة:هلا فيك ادري بوجودي هههههه
الامبراطور :بدت بدت الحين ما بتسكت ام اللسان صدج ملسونة
ملسونة :وانت شو حارقنك يالامبراطور
الامبراطور:لسااني يحرقني هههه بمووت من الضحك ههههه
اماراتي حتى النخاع: اقول ملسونة لا تاخذين عرمستهم سوي
طـــــــــــــــــــاااااااااااااااااااااااااااااا ف
ملسونة: ومنو قال اني متفيجة لهم انا ما اخذ عرمسة اليهااال يعني قد عقولهم
الامبراطور وشيخ العرب : لااااااااا والله ما بقى غيرج بعد
شيخ العرب: ام اللسان وتتفلسف هاللي ناقص اصلا يكون في علمج ان شاتنا ما يستقبلج ههههه
ملسونة :جب جب روح اصلا انا هب فاضيتلك عندي اللي احبهم والله ههه ويلسوا يتضاربون فترة طويلة وكان في واحد يطرش اهداءات للملسونة واشعار
راعي الرنج:شفتك ولا ظنيت بهواك..ما هو بكيفي غصب عني (الى ملسونة(
راعي الرنج :والله ما يسوونك يالغالي يالمزيون كلهم عسى يفدونك ليه يالعذل يسعون ارفج انا بعيونك رفجة عرب يوفون لو كلهم ينسونك ما نساك مهما يكون
ملسونة: على مين تلعبها يا ابن الناس؟؟؟
راعي الرنج: (هذا المستخدم يريد محادثتك في غرفة خاصة) مرحبا الساع ملاايين ولا يسدن وان زادن لاباس..
ملسونة:مرحبتين هلا اشحالك
راعي الرنج: بخير ربي يسلمج وانت علومج
ملسونة:تماام الحمدلله اقول راعي انا بدش المسن الحين اوكي ارمسك المرة الياية
راعي الرنج :وانا شو اللي بيصبرني للمرة الياية ؟
ملسونة:انزين شو اسوي يعني؟
راعي الرنج: عطيني ايميلج؟ ممكن
ملسونة:تفضل ــــــــ> ×××××××@hotmail.com يلا اخليك الحين بااي
راعي الرنج:في امان الله
تدش حصوه المسن وترمس ربيعتها وتسولف وياها واشوي
اتدق الشغالة الباب وتزقر حصة،،
سينيتا:هسة ماما ينادي انتي يقول في عشا يلا سرعة
حصة:اوكي اوكي انا الحين نازلة يلا اطلعي
سينيتا:يلا ما في سوي قرقر واجد
حصة:جب جب هالي ناقص والله سيلانيات ويتفلسفن لا
تعالي اضربيني احسن بعد الله يخليج دخيلج فقدت هالويه
جان تسكر الباب بالقو عويه سينيتو السبالة ههه
وتظهر حصة من المسن وتيلس تتحرطم عالشغالة
نزلت حصة وحصلت عبدالله وامها في الصالة يتعشون ويلست حذالهم وبعد اشوي جي يرن تلفون عبدالله
(حبيبتي يتصل بك) يقوم عبدالله ويرمسها برا
عبدالله :هلا والله هلا بحبيبتي اشحالج
لطيفة:هلا فيك الغالي الحمدلله تماام شو مشغول
عبدالله :لا الغالية بس يالس اتعشى الحين عقب ما اخلص بدقلج
اوكي حياتي
لطيفة:اوكي حبيبي بااي
دش عبدالله الصالة ويلس يكمل عشاه سالته حصوه: منو داق؟
عبدالله ويطالعها بنظرات: وانتي اشعليج؟ حصووه ترى رزة الفيس من طبايع.... اكملي الفراغ؟ هههههههههههههه
حصة:جب ويا ويهك سخيف
ام سالم:اييه انتوا بسكم على الاقل حشموني..
حصة وعبدالله:انشاء الله (وتموا يتوعدون حق بعض بالنظرات)
…………….…
في اليوم الثاني كان بيت محمد الفلاسي حشرة وازعاج عسب العزيمة كل واحد فيهم يالس يتزهب ويتكشخ ..
**في بيت سالم محمد الفلاسي**
خديجة(مرت سالم): يلا سلوم اتاخرنا؟
سالم: اوكي حياتي دقيقة بس انتي زهبتي الياهل
خديجة: هههه حبيبي شلون ازهبه يعني بس لبسته ثيابه ويهزت شنطته اونلي.
سالم:اوكي خلاص يلا خلنا نظهر ..
خديجة:اوكي يلا ..
سالم ولد خالة خديجة اتزوجوا على حياة المرحوم بو سالم
وصارلهم سنة متزوجين وهذا اول ياهل يالهم وسموا (محمد) على اسم المرحوم وفي الطريق لبيت محمد الفلاسي (الله يرحمه) في السيارة..
كان سالم يفكر في بيت ابوه شلون كان والحين اشلون صار كان البيت في نوع من الحيوية خاصة يوم اخوه (خليفة) اللي اصغر منه بسنتين كان حي هو بعد توفى بحادث سيارة وصار له سنتين عوفاته.. يقطع حبل افكاره صوت خديجة..
خديجة:سالم ؟ اشفيك صاخ بشو تفكر ؟
سالم:آآآآآه يا خديجة افكر في بيت ابوي كيف كان والحين اشلون صار..
خديجة(وبحزن):هيه والله الله يعينها خالتي اقول حبيبي شو رايك نعيش عندهم على الاقل يبتعد الجو الهادي بوجود ولدي حمودي فديته.
سالم(بفرح):صددددج خدووي تدرين اني كنت حاط هالفكرة براسي بس خفت انج ما توافقين ؟
خدوي:داام ان هالشي بيفرحك انا موافقة وبعدين أي شي يونسك انا مستعدة اسويه.
سالم :فديت روحج خدووي والله ان قلبي ما غلط يوم اختارج وانا ما غلطت يوم فكرت اني اتيوزج خدوي
(وويها محمر من المستحى):بس عاد سلووم والله استحي.
سالم:فديت اللي يستحون والله واشوي شغل شلة(رفقة عليك تقولي تم وتقول حاضر يا غناتي لعود تراني حيل مغرم مشتاق شوفك يا شفاتي) تذكرت خديجة ان مرة اهدالها هالاغنية ايام الخطوبة يوم كان مسافر في دورة لمدة شهرين استانست وايد لان سالم متعلق فيها لحد الحين ودعت ربها ان ما يفرق بينهم أي شي ..
طبعا سالم عزم ربعه وعيال عمه وكانوا واايد ما ينعدون غير الاهل والييران
وفي عالم ثاني بعييد عن كل هالناس وحدة من ربيعاات حصووه اللي هي (الفن) متيمة عبدالله خو حصة كانت تموت في عبدالله وما زالت لحد الحين وتحب الارض اللي يمشي عليها بس هو ما كان يحس فيها لان همه كله اللعب عالبنات وخلاص
كانت الفن سرحانة وشوي يرن موبايلها (اخت حبيبي يتصل بك) تبتسم وترد:
الفن :هلا بالطيب عند ذكره
حصة:ليش لا يكون يالسة تغتابيني؟
الفن :افا انا اغتابج انتي حبيبتي وعزيزة وغالية علي..يا غالية يا اخت الغالي
حصة:الله الله خطييرة ما نقدر عليج المهم شو ما بتيين العزيمة اليوم
الفن :والله اسمحيلي تعبانة وما فيني حيل وابوي محد حتى اخواني ساروا العزبة
حصة:امممم خسارة يلا خيرها في غيرها عالعموم بخليج الحين تامريني بشي
الفن:ما يامر عليج قطوووو هههههههههه لا سلاامتج
حصة:هههههه اوكي ما علي يلا باااي
الفن:بااي
عقب بندت عن حصة واغلقت الموبايل وردت لاحلامها الوردية اللي مالها اول لا تالي..هي صدق حلوة بس فيها نوع من التكبر واذا حبت اتحب بضمير ..
**في بيت محمد الفلاسي**
نزلت حصة تجيك على الميالس اذا نظيفة ولا لأ وهي سايرة زقرتها امها عسب تودي صينية القهوة ميلس الرياييل دخلت الميلس وحطت الصينية ويلست اتعدل بعض الشغلات
واول ما ظهرت من الميلس دش واحد من ربع سالم ومر على جلوسه 5دقايق واشوي تدش ام سالم وتحط الفوالة وتسلم عربيع سالم اللي اسمه (سلطان) هو طيب وحبوب واجتماعي وماشاء الله عليه وسيم وحلو ماعليه كلام عسب جيه ام سالم تحترمه وتعتبره ولدها.
وبعد ساعة يوصل سالم وباقي ربعه ويسلمون عبعض ويتمون يسولفون (تعرفون خرابيط العزايم ما يحتاي اقولكم بعد (
ونفس الحال عند الحريم بس..بس كان فيه اختلاف بسيط صار شي محد كان يتوقع ان يصير (فجأة) يرن جرس الانذار استوى حريق في المطبخ (طبعا الناس كانوا على وشك انهم ايروحون ) شبت حريقة كبيرة واحترق المطبخ طبعا وكل الناس طلعت من البيت بس محد سال عن خديجة وولدها كانت يالسة في الطابق الثاني ترضع ولدها في غرفة حصة بس ما حست بكل اللي صار عقب يوم طلعت جافت البيت فاضي فدشت الغرفة ووايهت من الدريشة جافت كل الناس بره وكل واحد ساير بيته والدنيا ازعاج فزاغت واتصلت بسالم..
سالم كان واقف بره يجوف منو من اهله ما ظهر كان يبغي يدش بس ربعه واخوه منعوا.
فاتصلت خديجة (غناتي يتصل بك)
سالم:الوو خديجة وينج في؟
خديجة: انا في غرفة حصة ويا ولدي بلاهم الناس جي بره ومحتشرين.
سالم:انتي داخل البيت (وهو منفعل(
خديجة:هيه وحصة توها ظهرت من عندي ونزلت تحت ولين الحين ما ردت
سالم:خديجة خليج مكانج ما تطلعين من الغرفة مطبخ البيت احترق انا الحين ياي لا تطلعين
خديجة:لحظة سالم.. (سكر الخط في ويهها)
يالله الحين ها مينون يدش (وتمت خديجة على اعصابها تحاتي سالم من صوب وحصة من صوب ثاني ..
اما حصة يوم نزلت جافت الي صار حاولت انها ترد فوق بس ما قدرت بسبة الدخان وكانت تحس باختناق فعلى طول ظهرت من البيت وطاحت عالارض ..
شو تتوقعون يصير لحصة ؟ وشو المواقف اللي راح تصير ؟
الجزء الثاني
يوم طاحت حصة على الارض ما انتبه عليها غير شخص واحد اللي هو ولد عمها (سعيد(
لحق عليها على طوول هو ما عرفها بس نادى اخوها عبدالله
سعيد:عبدالله عبدالله تعاال هني ..
شهق (حصوووه حصة قومي فديتج بلاج صاخة) وبدى يضرب حصة عظهرها
حصة:وهي تكح:اييه انت بلاك جي تضربني كح كح كح
عبدالله:هذي يزاتي اني خايف علييج ..وتموا الاثنين يتناقرون..
اما سعيد فتم سرحان ما يعرف شو صارله من جافها معقولة هاي بنت عمي حصة اللي كنا انا وهي نتضارب وحنا صغار معقولة؟؟؟
انتبه كل من حصة وعبدالله حق سعيد اللي كان سرحان فيهم..
عبدالله:سوري والله تعرفها حصة لازم تتناقر اتطالعته حصة بنظرات عسب يسكت
سعيد:لا لا عادي مسموحين ..واحد من ربع سالم زقر عبدالله فسار عنهم
شوي تتذكر حصة خديجة وولدها وتنش عسب تسير داخل زخها سعيد من ايدها لفت وتطالعته :ممكن تهدني؟
سعيد:وين سايرة؟
حصة: يعني ما تجوف داخل بسير اييب حرمةاخوي وولدها
سعيد:مينونة انتي؟
حصة:هيه مينونة يلا هدني ..
ومن الصوب الثاني يظهر من البيت سالم ومرته وولدهم تسحب حصة ايدها من سعيد وتسير صوبهم ويتم سعيد مصوب عيونه تجاه حصة ..المهم عدا كل شي على خير واتصل سالم بشركة صيانة عسب المطبخ وجي وهالخرابيط
في غرفة حصة تيمعن البنات كلهم حصة وبنات عمها مبارك اللي هم اسما 35 سنة عانس ويالسة في البيت هادية ما ترمس وايد وعبير 19 سنة واايد ويا حصة واخيرا شيماء 17 سنة فنانة وعليها لسان ما شاءالله يسكت بلد اما خوات حصة اللي هم صالحة واميرة وسعاد.. صالحة نكيتة وتضحك وايد واميرة هادية بس حبوبة ومع الكل.. وسعاد عصبية راسها يابس ما تحب المزح واايد
عبير:اقول حصووه انتي أي تخصص؟ (حصة كانت في عالم ثاني كانت تفكر في الموقف اللي استوى بينها وبين سعيد)
عبير وهي تلوح بايدها قدام حصة:حوووووو وين وصلتي ارمسج؟
حصة: هااا ماسمعتج اشقلتي؟
عبير:انتي في تخصص؟
حصة: تقنيةمعلومات وانتي؟
شيماء(تدش في الخط):هذي لو يلست اعدد جم محاضرة تحضر ما بخلص؟! اميرة وحصة: لييش؟
شيما:حشى تاكل الكتب اكل مصرية على منو طالعةمادري لا امي ولا بويه كانوا جي بسم الله..
عبير وهي معصبة:جب جبما يخصج وبعدين انتي اشدخل عصج في شي ما يخصج والله من حقهم المسات يوم يتشكون منج كل يوم والتالي اتدق مس على البيت (وهي تقلد وحدة منهم:(هذا بيت شيما ممكن تعطوني ولية امرها شيما مشاغبة وشيما ترد عالمس وشيمامادري شو..
تقاطعها صالحة(اللي كانت تضحك):ههه بس بس هه خلاص كلتي البنت بقشورها ما صار تخصص هههه..
سعاد:انتي وبعدين وياج حشى..شو اتجوفينها يالسة اتقول نكتة ولا قصة تضحك عمري ما جفت اغبى عنج
صالحة:جب جب انتي محد طلب رايج..اقول بنات بقولكم نكتة واللي ما يبي يسمع (قصدها على سعاد) يدق راسه بالطوفة او احسن يسكر اذانه..
سعاد اتطالعت صالحة باحتقار بس سكتت..
صالحة :مرة صعيدي يلحق حرامي جان يسبقه هههه..كلهم ضحكوا حتى اسما الهادية اما سعاد تمت معصبة:ههه سخيفة شراتج طنشتها صالحة وتمت تضحك وتتمصخر وتسولف ويا شيما لان اغلب تصرفاتهم شرات بعض ويلسوا يسولفون وجي لحزة متاخرة اشوي عقبها اتيي خديجة :يلا اسما وعبير وشيما امكم تزقركن تحت سيروا.. وبعدين سلموا على بعض وجي تيلس خديجة ويا البنات وتقول: اقول بنات ابغي اقولكم شي واجوف رايكم فيه؟
حصة:قولي نسمعج؟
خديجة: شو رايكم اعيش عندكم؟؟؟
هنيه كانت المفاجاة اللي الكل انصدم منها ما توقعوا هالشي بس استانسوا فعلا..
طبعا رحبوا بالفكرة وقالولها من اليوم اذا ما عندج مانع بس اعتذرت لان وراها نشة من الصبح عندها موعد ..بعدين طلعن البنات سعاد سارت حجرتها.. وخديجة سارت عند اميرة.. اميرة تعلقت بخديجة واايد وحبتها فعلا كانت تستانس عسوالفها..في غرفة حصة يرن تلفونها(فنونة يتصل بك) ردت حصة:هلا الفن اشحالج؟
الفن:هلا فيج الحمدلله علومج؟
حصة:تمام شو السالفة داقة هالوقت
الفن:ماشي بس اتخبر عن العزيمة شو استانستوا؟
حصةبخبث:ما بخبرج..ليش ماييتي؟ وبعدين تسالين اذا استانسنا ولا لا ولا عن حبيب القلب؟
الفن:لا لا والله ..ااصلاا ههذاا ..وسكتت ما عرفت شو اتقول؟
حصة: والله ما صار شي استانسنا بس استوت مشكلة صغيرونة والحمدلله عدا كل شي على خير ..
الفن:اها الحمدلله انزين امممممم..
تقاطعها حصة:: خلاص خلاص فهمت عبدالله صح الحمدلله تمام وما فيه شي وبالنسبة لي بعدني ما خبرته وبرمسه عقب يوم تهدا الاوضاع في البيت اوكيك
الفن وهي مستانسة :اوكي وتسلمين غناتي على هالخدمة
حصة:الله يسلمج..
تبند حصة عنها وتسير تبا ترقد بس ما تقدر اتم تفكر في الموقف اللي صار اخر شي قررت تيلس عالنت..
يوصلون البنات بيتهم وكل وحدة تسير حجرتها تغير وترقد بس في شخص واحد لين الحين ما يا رقاد بعده واعي اللي هو سعيد يفكر في الغرشوبة الللي جافها اليوم والموقف الي استوى ويفكر في شي ثالث هل هي تفكر فيه شرات ما هو يفكر فيها ولا بيكون هالحب من طرف واحد؟ تم حيران ما عرف اجابات اسئلته.. وحاول يتناسى هالشي فدش الجات اشوي ما حصل حد وكان سخيف فدش المسنmsn كانت ملسونة موجودة اونلاين
راعي الرنج ا هو نفسه سعيد ما كان يحب الملسونة صدق بس يتسلى..
راعي الرنج: مرحبا ملايين ولا يسدن وان زادن لاباس
حصة يوم جافت ان حد اوللاين قالت يلا خلنا نسولف:مرحبتين يا هلا شحالك؟
راعي الرنج:يسرج الحال وانت علومج؟
ملسونة:الحمدلله تمام منو وياااي؟
راعي الرنج:وياج حمدان من بوظبي وانتي
ملسونة:وياك فاطمة من دارك..
راعي الرنج:عاشت الاسامي
ملسونة:عاشت ايامك..
راعي الرنج:جم عمرج؟
ملسونة:19 سنة
راعي الرنج:العمر كله ..صدق الشيخة انت وين تدرسين؟
ملسونة:كلية التقنية تخصص تقنية معلومات
راعي الرنج :يلاعيل شدي حيلج اوكي
-نشاء الله تامر امر
وتمو يسولفون لوقت متاخر اشوي عقب طلعوا اثنينهم حصة اتعذرت من سعيد وسارت تبا ترقد وسعيد نفس الشي طبعا لا سعيد ولا حصة يعرفون بعض وانهم عيال عم
***** ثاني يوم في الكلية******
حصة عيونها مبققة من السهر وحالتها حالة..اييون عبير وشما عند حصة في الكافتيريا..
عبير:السلام عليكم...بسم الله الرحمن الرحيم بلاها جي عيونج تقول بومة حصة:وعليج السلام والله امس كنت سهرانة وما ياني رقاد جان اقوم وابطل النت وايلس.
شما:هيه..هذا همج Netوسهر وهالخرابيط خافي ربج ما تتعبين
حصة:يعني هب وااااايد.. وتموا شما وعبير يتحرطمون عليهاوعقب ساورا محاضراتهم وخلصوا وكل وحدة سارت بيتها
*****في بيت محمد الفلاسي****
ترد حصة وكعادتها اتسلم عأمها وخواتها :السلام عليكم
البنات :وعليج السلام ..
صالحة:هيه حصووه ليش اتاخرتي..؟
حصة:ياخي وانت اشرزج؟
صالحة:امااااااية فديتها هههههه..
حصة:زين زين جب ويا ويهج
سكتت صالحة وفي خاطرها تضحك ..
سعاد:اقول اانا بسير الحجرة اوكي ويوم تيي خديجة خلي الشغالة تزقرني ..
اميرة :اوكي
اعتذرت حصة لانها ما بتتغدى وياهم وسارت اتغدت بروحها ورقدت لين الساعة 7المغرب..
عقب نشت ووصلت المغرب ويلست اتسوي بروجكتات ودخلت المسن منها تتسلى ..
(قام راعي الرنج بتسجيل الدخول) استانست حصة يوم جافت ان حمدان موجود حست عمرها متعلقة فيه ما تدري شو السبب ؟
****في الصـــــــــــــــــــــــــــــــــالــــــــــــ ــــة*******
يت خديجة ويهزوا لها الغرفة اللي بترقد فيها لانها قررت تعيش عندهم ..نزلت سعاد وسلمت عخديجة ويلست حذال امها.. واميرة كانت حذال خديجة: تصدقين خدووي قبل ما كنت اتدشين مزاجي بس الحين صدق حبيتج.. خديجة: الحمدلله انشاء الله دووم
تدش صالحة في الخط اتقول اييه بنات بقولكم نكتة..
خديجة:هيه والله يا صالحة امس استانست عسوالفج وطول الوقت وانا ارمس سالم عنج..
صالحة وهي منتفخة:احم احم طبعا يكون لكم الشرف هههههه..
سعاد:اقوول خديجة انت المفروض ماتعطينها ويه تراها ما تستاهل ..
صالحة:اووه اتذكرت نكتة كان في صعيدي رمى كتاب النكت في البحر جان يطلع السمك وهو يضحك ههههه
اميرة:ههههههه حلوة حلوة وتموا البنات يضحكون على قرض صالحة ونكتها وسعاد ميته قهر منها
***في بيت مبارك الرميثي****
كان شي شخص سرحان ويالس ستذكر ايام اول ايامه مع بنت عمه وحبيبته صار له جم يوم راد من السفر..بس رد وسمع خبر زواجها اللي هي (خديجة) كان سيف يموت فيها ويحب الارض اللي تمشي عليها كانت هي اميرة احلامه بس للاسف ياه واحد وخطفها منه خديجة بعد كانت تحب ولد عمها سيف
**قبل سنة تقريبا***
سيف:بس ياخديجة ما تسوى عليج هالسفرة
خديجة وهي تمش دموعها:والله اني بوله عليك يا سيف مادري اشلون بقضي هالسنة بدونك..
سيف:ماعلي اسبوع واثنين بتتعودين وبعدين نحن بنكون على اتصال
خديجة:انشاء الله تروح وترد بالسلامة..
ساعات ويسافر سيف ويترك قلب حزين راح يوله عليه واااايد..بس بعد جم شهر يتقدم لخديجة سالم ولد خالتها ..
في يوووم الخطبة
خديجة: ماريده والله ماريده وطول الوقت كانت اتصيح..
أم خديجة:يا بنيتي الريال ما عليه قصور انتي ليش ما تبينه..هنيه سكتت خديجة وتذكرت سيف وايامها وياه فقالت حق امها:خلاص امايه انا بفكر وبردلج خبر عطيني مهلة..استخارت خديجة ربها وحست بالراحة والاطمئنان وقالت:اصلا محد يدري يوم سيف بيي شو بيكون موقفه مني..ووافقت خديجة واتيوزت..
مرة من المرات كانت حصة تبي تتشرى اشويت بدل من المارينا فسارت ويا خديجة وولدها وكان سيف واقف جدام البيت يبا يطمن على خديجة لو من بعيد يوم ظهروا اتوقع سيف ان اللي تكون عندها ياهل هي خديجة فكان بينزل، بس مسك روحه وقال اتريا اشوي احسن ..ويتم ملاحقنهم بالسيارة خديجة حست ان في شي كان قلبها يدق بسرعة وماتعرف السبب يوم وصلوا المول قالت خدوي: اقول حصووه شيلي حمود واسبقيني انا بيي وراج
حصة:اوكي بس لا تتأخرين وسارت ..
يلست خديجة في السيارة وكانت تطالع من المنظرة ان في حد ياي صوبها فتظهر وتقول للدريول يروح ويوم يخلصون بيدقوون عليه..لفت خديجة وما ظهر في ويهها الا شخص واحد اللي هو سيف..كان قلبها يدق بسرعة وكانت شريط الذكريات الي قضته ويا سيف يمر بسرعة: الحمدلله عالسلامة سيف.. سيف:ليش ليش اتسوين جي فيني وين الكلام والوعود اللي كنتي اتقولينها؟ انا شو سويتلج ها؟ ردي؟
خديجة: قبل لا ارد عليك هاي حركة اتسويها اتم اتلاحقنا من البيت للمول ولو اني سكت وطنشتك كنت لاحقتني من مكان لمكان بعد..افرض حد جافني وياك شو بيقولون ترضى يرمسون عبنت عمك؟
سيف:ما جاوبتيني عالسؤال..خديجة انا توقعتج تترييني بس للاسف خاب ظني فيج ..انا ماريد شي منج بس ابغي اعرف السبب ؟؟؟
خديجة وبدت اتدمع:ياسيف اللي ما تعرفه اني انا اعتبرك شرات اخوي خلاص ما كان عندي سبب ارد فيه سالم يوم خطبني..والحين انا مرة متزوجة ما يصير انجوف بعض ونتقابل او نرمس بعض..
انقهر سيف من رمستها وقال: اخواااااان الحين صرنا اخواااااان..اتقولين انج ما تبيني اهون من هالكلمة،حراام عليج حراام..
رن موبايل خديجة: سيف اسكت اشوي هذي صهرتي: الوو هلا حصوه شوو؟ حصة:ولدج مطفرني ويالس يصيح شسوي؟
خديجة: فديته ولدي خلاص الحين انا ياية انتي وين ..اوكي خلاص الحين بيي.
سيف:مبروك عليج الياهل شسمه ؟
خديجة:محمد..اسمع سيف انا سايرة الحين ولو سمحت ابتعد عن طريقي انا مرة متزوجة لا تخرب سمعتي جدام اللي يسوى واللي ما يسوى.
سيف:لاا انا الحين صرت اخرب سمعة..هين يا خدووي انا ما بخليج وبتمين طوول عمرج لي انا وبس ..
خديجة:سوي اللي تباه وانت اللي راح تتبهدل برااايك باي..
صخ سيف ما عرف شيقول وكان قلبه يحترق مع كل كلمة اتقولها خديجة..سارت عنه وهي مرتاحة نفسياً بس كانت خايفة من اللي بيسوي سيف محد يعرف شو ممكن يصير ؟؟؟
سعيد و ربعه كانوا يتمشون وحركات المغازل ما تفارقهم خير شر
فيصل: يا ويل حالي انا طالع طالع هناك..سعيد ما كان مهتم بس فضوله اعماه واتطالع غصب،عرف ان هي حصة وخديجة وياها من حمود..سعيد تطالع فيصل بنظرات وقال: فيصل لا ترمس عن أي حد ترضى لو رمست عن اهلك وانت موجود حذالي..
استحى فيصل واتعذر من سعيد ،سعيد تم يطالع حصة وهي مسويتله طااااف لان عندها اللي تحبه خلاص اللي هو راعي الرنج (حمدان) اتشرت لين ما قالت بس وظهرت من المول وسارت البيت حصة في حجرتها تجرب البدل اللي شرتهن
بعد أسبوع كامل عبدالله رد من الكلية لان كانوا حاجزينه..سلم على امه وخواته وسار حجرته يغير جاف 3 مس كول ،2 من لطيفة و1 من فريسة يديدة طنشهم بس قال: اتصل في لطيفة احسن مليت من الحكرة في الدوام..مرحبا الساع..
لطيفة:مرحبتين هلا والله وينك يالقاطع؟
عبدالله:والله كنا محجوزين عسب جي كان مبايلي مغلق..
لطيفة:اها انزين شخبارك؟
عبدالله:والله بخير دام اني اسمع هالصوت..
-وهي مستحية:ايه كلك ذوووق
- لكاااان هههه وتموا يسولفون عقب اتعذرت لطووف تبا ترقد واتواعدوا باجر يتقابلون في مطعم من المطاعم ..عبدالله سار عند حصة وهي كانت ترمس الفن،
دق الباب:حصة فجي الباب انا عبدالله ..
حصة:اقول الفن برمسج عقب هذا عبد الله عند الباب اوكي
الفن:اوكي الغالية يلا باي ..
حصة:اتفضل عبادي..عبدالله :اهلين اشحالج؟
- الحمدلله تمام علومك انت؟
- عال العال
- اقول عبدالله امممممم مادري بس....
- يلا عاد ما يحتاي مقدمات ارمسي
- انت لين متى بتم جي مجافي الفن بهالطريقة ؟ انصدم عبدالله من رمستها بس رد بكل برود :منو هاي؟.. انقهرت حصة من بروده: عبادي افهم البنية شاريتك وبايعة الدنيا كلها عشانك بس تصدق انت ما تستاهلها لانك تحب تلعب وبس حرام وحدة شراتها تسويلك سالفة جي كل هالرمسة قالتها من القهر اللي فيها ،عبدالله تم صاخ وبعدين قال: خلصتي؟
- حتى لو خلصت شو بتقول مثلا احبها او بتغير رايك اكييد لا...والله
يقاطعها عبدالله :سمعي يا حصة انا ما ريد العب عالفن مثل غيرها وغيرها هي لها سمعتها وانا لي سمعتي وخلينا بعاد احسن وبذمتج هاي حركة تسوينها في ربيعتج..لو وحدة يت عندج وقالت والله اخوي يحبج ومعجب فيج بترضين على طول؟ ها قولي يلا..يا حصة يا حبيبتي اريد اقولج شي حطيه في بالج أي حد من الشباب طلب يرمس بنية وهي رضت يحط الريال في باله ان هي اكيد ترمس غيري بعد ومستحيل يتزوجها لو منو كانت فهمتي؟
- هيه(ما توقعت ردة فعل عبدالله اتكون جي )بس استانست من موقفه) عبدالله سوري ومشكووور عالنصايح .
- اوكي خلاص اخليج الحين اوكيكك
- اوكي وتمت اتفكر في حمدان بعدين دشت Msnوحصلت شيماء بنت عمها وحمدان ..
ملسونة :مرحبا ملايين ولا يسدن وان زادن لاباس
شيخة المزايين:مرحبا بج اشحالج حصووووه
ملسونة: تسرج الاحواال انتي علومج ؟
شيخة المزايين:تمااامووووو(وتموا يسولفون فيدش راعي الرنج عالملسونة(
شو تتوقعون راح يصير بين الملسونه وراعي الرنج !! وشو الصدف اللي بتجمعهم !!
الجزء الثالث
راعي الرنج:مرحبا مليااار ولايسدن ياهلا
ملسونة:مرحبتين اشحالك؟
راعي الرنج:احسن عن حالج ههه وانتي؟
ملسونة:بس انا احسن واحسن ههه (عقب دشوا في سوالف مالها اول ولا تالي)..
-اقول حمدان في خاطري شي اريد اقولك اياه ؟
- هيه تفضلي الشيخة ...
ملسونة:الصراحة انا هب اسمي فاطمة
انصدم سعيد فقال:عيل؟
ملسونة:اسمي..حصــــــــــة.
زادت صدمة سعيد تم صاخ مارد عليها ..
ملسونة:بلاك صاخ؟
راعي الرنج:وشو اللي خلاج تعترفين لي
ملسونة:مادري بس حسيت بالراحة تجاهك..
راعي الرنج:ما علي حصل خير
ملسونة:يعني ما زعلت ؟
راعي الرنج:لا افا ما عاش من يزعل حصة
ملسونة:تسلم الغالي يعلني ما خلا منك
راعي الرنج:الله يسلمج
**** بعد فترة جي هب طويلة سعيد طلب من حصة ان يرمسها بالتلفون****
ملسونة:لا اسمحلي كله ولا هالشي
راعي الرنج:ليش انزين شو بتخسرين..رمسيني مرة وحدة وان ما عيبج الموضوع لا ترمسيني ابد
ملسونة:والله يا حمدان لي سمعة واخاف عليها من أي شي حتى لو رمستك عالمسن هذا مو يعني اني راح اقبل ارمسك بالتلفون ..
سكت راعي اشوي قال:خلاص برايج بس بعطيج الرقم لاني يمكن ما ادش المسن اسبوع (كان يقص عليها بس يبا يجوف ردة فعلها (
ملسونة:ليــــــــــــــــــــــــــــــــــــش؟
راعي الرنج :يهمج تعرفين؟؟؟
ملسونة:ها...هيه..
راعي الرنج:لاني بسافر مليت من القعدة في البلاد.
ملسونة(بحزن):تروح وترد بالسلامة
راعي الرنج:اوكي الحين بخليج وهاج الرقم××××××××××..
ملسونة:فداعة الله باااي
راعي الرنج:بااي
طبعا حصة ايدينها كانت تقرصها ما قدرت تفوت هالفرصة فسجلت الرقم عندها في الموبايل وطبعا باسم(حبيبي).. عقب سكرت النت ونزلت تجوف اهلها ..اما عبدالله فسار المطعم اللي تواعد هو ولطيفة فيه....
***في المطـــــــــعم***
عبدالله:ها غناتي عساج مستانسة..
لطيفة:دام انك ويااي اكييد مستانسة
عبدالله:انشاء الله دوم
لطيفة:تسلم ..عقب سكتت اشوي وقالت :عبدالله متى بتخطبني؟؟ (انصدم عبدالله من سؤالها ما توقع منها ان تسأله في يوم من الايام) ..
لطيفة:مارديت علي تدري ان في ثلاث خطبوني بس انا رفضتهم عسباتك بس..
عبدالله: بس انا ما افكر في الزواج الحين
لطيفة:نعم نعم وين الرمسة اللي كنت اتقولي اياها قبل ما عرفك عدل..
عبدالله: قومي خلنا نظهر وافهمج بره مافي داعي للفضايح جدام خلق الله .
لطيفة:شرّف
وظهروا عقب قال عبدالله:جوفي يا لطيفة انا شو اللي بيوثقني انج ما ترمسيني انا بس..دام انج رضيتي فيني كيد بترضين بالف غيري واعتقد ان هالسبب مقنع ويمنع الزواج ..عصبت لطيفة من رمسته وقالت لا اراديا: اكرهك يا عبدالله انت خاين وهمك اللعب وبس وبدت تصيح عقب نزلت من السيارة وردت البيت بالتاكسي اما عبدالله فطنش السالفة وافتك ..بس حز في خاطره انها صاحت وقال: بروحها بترضى ..
****بيت مبارك الفلاسي ****
اسما في الصالة اتطالع تلفزيون فتيي امها وتيلس حذالها
ام سعيد:بلاج يا بنيتي جي معتفسة و...(يرن التلفون واتقوم ام سعيد ترد(
ام سعيد:الوو السلام عليك والرحمة
----:وعليج السلام والرحمة
ام سعيد: منو وياي ؟
----: افا يا ام سعيد ما عرفتيني انا ام منصور يارتكم الجديمة
ام سعيد :يا هلا والله ياهلا وينج يا القاطعة ما صرتي تيين صوبنا
ام منصور:والله الدنيا شاغلتنا يا ام سعيد شنسوي بعد؟ عالعموم انا ناوية اييكم البيت الخميس الياي مع ولدي منصور واخوانه
ام سعيد :حياكم الله في أي وقت البيت بيتكم ..
ام منصور:ماسالتي ليش؟
ام سعيد:والله مو مهم السبب المهم انكم اتييون واتنورون بيتنا
ام منصور:والله تسلمين الغالية وما تقصرين بس بقولج ليش انا ناوية اخطب بنتج عبير لولدي منصور..
ام سعيد:والله هذي هي الساعة المباركة وحياكم الله في أي وقت البيت بيتكم وتبند عنها وترد تيلس عند اسما :تدرين منو داق؟
اسما:منو؟
ام سعيد:هذيل ييرانا الجدامى قوم راشد المحيربي اتذكرتيهم؟؟
اسما وهي اتحاول تتذكر :اها هيه عرفتهم غريبة شو السالفة ؟
ام سعيد:واللله ام منصور تبا اتناسبنا ؟!!
اسما:ومنو انشاء الله سعيدة الحظ
ام سعيد جافت ان اسما ترمس من طرف خشمها فقالت:يا بنيتي يا اسوم الزواج قسمة ونصيب وانتي.......
تقاطعها اسما بصراخ:وانا شو ها خلاص انا السبب كثرة الرفض سوت جي قدري مكتوب اني اعيش طول عمري عانس خلاص وسارت حجرتها وتمت اتصيح اما ام سعيد تحسفت على انها فتحت الموضوع ويا اسما
****في بيت منصور الرميثي****
سيف كان منقهر من خديجة ومن الرمسة اللي عقتها عليه ويالس يخطط يسوي شي يخرب بينها وبين ريلها بس مب قادر كيف يخطط للانتقام من ريـــــم قلبه كيف؟؟
هذا السؤال اللي محيرنه صدق..فقرر ان يتصل على موبايلها لان لقط رقمها (عاد تعرفون الشباب وحركاتهم (
اتصل سيف..خديجة كانت يالسة ويا سالم رن تلفونها كان الرقم هب غريب عليها بس ردت: الوو السلام عليكم (تم سيف ساكت ويسمع صوت خدووي ) اخر شي خديجة سكرت الموبايل في ويها ..
سالها سالم:منو ها؟
خديجة وهي مرتبكة :ما عرف وسكتت ..رن التلفون مرة ثانية ردت خديجة:الووو ميين ؟
سيف:اقدر اسوي اللي اباه ولا لا ..سكرت خديجة الخط في ويها..
سالم شك في السالفةوقال:خديجة منو هاي؟
خديجة:ها ناس فاضية ما عندها سالفة..ويرد سيف يتصل مرة ثانية وثالثة وسالم كان يطالع خديجة لانها صدق كانت متوترة..اخر شي اخذ التلفون منها فاتصل سيف رد سالم وتم ساكت اخر شي سيف قال: يا خديجة دام كنتي لي بتمين لي ومحد يقدر ياخذج مني..
كان كل كلمة يقولها سيف سجين في قلب سالم.. سالم من العصبية:انت ياللي ما تستحي عويهك ترضى حد يسوي جي في مرتك صدق انك جليل الحيا
سيف:اصلا اللي ما تعرفه.. (وسكر سالم الموبايل في ويه سيف) وتم يطالع خديجة بقهر: ليش يا خديجة انا شو اللي ما وفرته لج..اذا نقص لج شي يبته لج واذا...
قاطعته خديجة :والله حرام عليك اصلا انا ما عرفه ومنو هذا اللي ترمس عنه .. سالم بلييز لا تظلمني ؟!!!
سالم:اظلمج؟؟ أي ظلم ترمسين عنه وهو يقول دام انج له بتمين له منو هذا..ارمسي قوووولي؟؟
خديجة:انزين اهدا وخليني افهمك السالفة..بس اهدى
سالم وهو يطالعها باستهزاء: ارمسي يلا..
وقالتله خديجة كل السالفة كان منقهر من الرمسة اللي قالتها خديجة بس زخ روحه عن يغلط عليها
خديجة:وهذا كل شي بس انت يا سالم ريلي وبو ولدي و..حبيبي و لا تتوقع اني بخونك عسب خاطر ولد عمي..واذا غلطت ترى حقك علي..انا اسفة ..
سالم(وهو بعده شايل في خاطره من خديجة):خديجة لو اني ما احبج كنتي جفتي روحج في بيت اهلج وما كنت تفاهمت وياج اصلا بس انا احبج واخاف عليج من رمسة الناس..عالعموم كان مفروض ترمسيني بالسالفة من زمان بس الحمدلله عدا كل شي عخير اما عن الموبايل انا باخذه لين ما تهدى الاوضاع عقب برده لج..ارتاحت خديجة نفسيا بس اللي كانت شايلة همه صدج هو (سيف(
مرت الايام وسافر سعيد كل واحد شايل همومه في بيته..بس في بيت مبارك الفلاسي كانت خطوبة عبير الكل تيمع يوم الخميس عندهم..عبير ميته من الزيغة وحصة تضحك عليها..
عبير:والله حصة يالماصخة ترى ما في شي يضحك يوم بيي دورج بنجوف شو بتسوين؟
حصة:مابسوي شي بيلس شرات الناس والعالم وخلاص..زقروني بسير عندهم ما زقروني بيلس مكان واحد وانا صاخة..
عبير:اقوول جب جب بلا فلسفة زايدة..وكانت يالسة على اعصابها..يدش المعرس اللي هو منصور ويجوف عبير: اشحالج عبير؟
عبير:الحمدلله يسرك الحال..
عيبته عبير وجاف انها المناسبة له ..حدووا الملجة والعرس ..الملجة عقب اسبوع والعرس شهر سبعة..الكل فرحان لفرحة عبير ..الا وحدة اللي كله حاكرة روحها في الغرفة (اسماء) هي بروحها ماتعرف شو صارلها..كله صاكة الحجرة عروحها ..
تيي حصةوتدق الباب:اسما اسما فجي الباب انا حصة
بس اسما صاخة ما ترد
حصة:غناتي اسوم حرام اتسوين في روحج جي هذا هب يعني نهاية الدنيا وانت بنية عاقلة وكبيرة وو.......
تفج اسماء الباب وتصرخ :بس خلاص كافي لين متى بتموون ترددون نفس الرمسة من وقت ماصار عمري 25سنة وانتي جي وانتي جي حشرتونا تراكم..بس هالللي فالحين فيه ..وتصك الباب وراها وتيلس تصيح ..حز هالشي في خاطر حصة وما عرفت حل لمشكلتها..
اسماء كانت من النوع الهادي وماكانت تظهر من لابيت وايد شرات خواتها الباقيات وان زاروهم ضيوف ما تظهر تسلم عليهم عسب جي محد يعرفها.. والمفروض انها تعرف السبب ..مع ان امها كانت خايفة عليها من هالشي وحتى خوانها واهلهات الكل يخاف عليها وعلى غيرها..بس دام الدنيا قررت شي خلاص مستحيل تتراجع عن قرارها ...
طبعا في يوم الملجة يت الكوافيرة البيت هي وجم وحدة وياها بعد لانهم كانوا واايد اما العروس الي عبير استلموها ثنتين..طبعا كل وحدة كانت احلى عن الثانية بس احلى وحدة واللي كانت شادة انظار الجميع لها هي (شيماء( كانت حلوة صج حتى حصة وصالحة واميرة وخديجة وسعاد واسماء اللي كانت متضايقة حلوين بس هي اللي كانت ماخذة رقم 2 بعد العروس ماشاء الله عليها كان فستانها احمر وعليه ميكاب احمر عاسود سكت الكل كانت لافتة للانظار ..كانت هي الكل بالكل..سألوا عنها وايد بس امها كانت ترد بانها تريد تكمل دراسة..وبكل تاكيد بدون أي شي هل العروس احلى عن هل المعرس ..دخلوا العروس على اغنية راشد المااجد(يابدر)..زفتها كانت روعة مع انها ملجة ..يلسوا البنات يرقصون وحشرة وحالتهم حالة عقب دش المعرس وسلم عليها وهي كانت محمرة من المستحى ..
منصور:اشحالج عبير؟
عبيربصوت واطي:الحمدلله
منصور:قلنا تستحين بس هب لهالدرجة..
صخت عبير ما عرفت شتقول..الكل استانس لوناسة عبير ومنصور..يوم ردوا البيت حصة كانت طول الوقت تضحك على عبير لان منصور يوم بغى يشربها العصير هي شرقت وتمت تكح حتى صالحة طاحت قرض في بنت عمها لين ما قالت بس(هاي لو عطوها فرصة ما تسكر(
**بعد ثلاثة ايام **حصةيالسةتطالع الارقام في تلفونها وقفت عند رقم (حبيبي) وسوسلها الشيطان وما حست بروحها الا وهي داقة عالرقم رد عليها:الوو
حصة سكتت اشوي عقب ردت:الووو السلام عليك
سعيد:وعليج السلام والرحمة منو ؟
حصة:انا حصة..شو حمدان ما عرفتنيه؟
سعيد:هلا والله هلا اتوقعتج اتدقين اشحالج ؟
حصة:يسرك الحال..تدري جفت رقمك وما حسيت بروحي الا وانا داقة عليه..
سعيد:تسلمين الغالية عالعموم فرحت يوم اني سمعت صوتج...(ويلست ترمسه لوقت متاخر اشوي عقب بندت ..بس حست باحساس غريب انها مستانسة وندمانه في نفس الوقت ما تدير شالسبب) ..
ثاني يوم في الكلية كانت محاضرة حصة والفن في نفس الوقت لحسن الحظ ،يلسوا ويا بعض وتموا يسولفون اشوي..سكتت حصة وابتسمت للفن..الفن:بلاج؟
حصة:الفن في حقيقة لازم اتواجهينها بنفسج وهذا شي مقدر من ربج ؟
زاغت الفن وقالت:شو هي ؟
حصة:يالفن انتي لج سمعة ولازم اتخافين عليها من أي حد ولا تحسبين اني ما رمست عبدالله في الموضوع ..بلا رمسته بس..
الفن:بس شو؟
حصة:تدرين شو قال؟ قال اني خايف عالفن شرات ما اخاف عليج وما ريد اخرب سمعتها لازم تقتنعين بهالشي..
الفن وهي مرتاحة نفسيا:صدق اناكنت غبية يوم كنت اطلب ارمس عبدالله وهو معاه حق وانا اسفة اذا ضايقتج بشي والسموحة غناتي..
حصة وهي مبتسمة :مسموحة بالحل الغالية ومافي داعي لكل هذا اهم شي انتي... وتيي شما صوبهم وتضرب حصة عظهرها :وينج يا القاطعة؟ حصة:آآآآآآآآآآآآآآآي يالسخيفة أي قاطعة أي خرابيط تونا صارلنا يومين وتجاوفنا حشى
شما:هيه هيه يومين صح انا غلطت بحقج...
حصة بلؤم:هيه غلطتي بعد شو يلا اترجيني اسامحج
شما:جب ويا ويهج احمدي ربج بعد اني افتكرت ان عندي ربيعةههه .. حصة:الحمدلله والشكر
شما سكتت وعصبت اما الفن كانت سرحانة وافكارها بعيدة عنهم وساكتة.. حصةوشما جافوها مندمجة فخوفوها:بووووووووووو
الفن شهقت:يالماصخات خرعتوني كريهات..
حصة وشما ويا بعض:ياللي ماخذ عقلك يتهنى بك..سكتت الفن واتذكرت عبدالله ..
امـــــــــــــــــــــا سعيـــــــــــــــد..
حتى وهو في لندن تفكيره كله في حصة بنت عمه..اخر شي قرر ان يخطبها فقال في خاطره انا احبها وخاطري فيها ليش ما اخطبها والاهم من كل ها اني ولد عمها واخاف عليها بس تذكر حصة اللي يرمسها وقال اما هاي حصة لازم انهي علاقتي وياها من اليوم ..***في نفس اليوم في الليل تدق حصة لسعيد رنة وتسكر ويدق هو عليها
سعيد:سلااااااااااااااااااام
حصة:وعليك السلام والرحمة يا مرحبا اشحالك حمدان؟
سعيد:يسرج الحال وانتي؟
حصة:الحمدلله
سعيد:اقول حصة بسالج سؤال بس جاوبيني بصراحة؟
حصة:اوكي تفضل
سعيد:دام فضلج الغالية...انا شو بالنسبة لج ؟
حصة:انت؟ (هالوقت المناسب اني اعترف لحمدان بحبي له) انت بالنسبة لي واايد اشياء..معزتك عندي تساوي الدنيا ومافيها الصراحة...انا أحبك.. (طلعت لا اراديا (
انصدم سعيد من رمستها ما توقع هالشي ابدا بس لازم يحسم الموضوع الحين: حصة انتي عزيزة على بس ما توقعت اني اكون جي بالنسبة لج حصة:والزبدة؟
سعيد:حصة انتي اتعرفين ان نهاية كل واحد سواء كان ولد او بنت هو الزواج واذا الله ما كتب نصيب هالشي الله مقدرنه..بس انا الحين مقرر اني اتزوج يعني لازم(وسكت(
حصة هني كان ودها اتصيح بس مسكت روحها وقالت:لازم شو ؟
سعيد:مثل مابدينا بهدوووء ننهي بهدووء وبدون فضايح..
سعيد ماكان يحس باللي يقوله بس كل كلمة تنقال سجين في قلب حصة المسكينة محد يعرف شو بيكون حالها بعد هااليوم...اه يالدنيا الواحد كثر ما يكون مستانس يدش في احزان مالها اول ولا تالي..وهاللي عايشته حصة الحين ....
ردت عليه حصة:انت شو ماتحس ولا ما عنك احساس بالاصل حرام عليك حرام تسوي فيني جي وتسكر حصة في ويه وتم تصيح على حظها الكئيب ..
مرت ايام وايام ورد سعيد من السفر طبعا حصة من ذاك اليوم وهي صايرة كئيبة وما تنجاف الا وقت الغدا حتى العشا ما تتعشى شرات الناس..بس قالت: انا لازم انساه وانسى كل شي عنه،وعقب جم يوم راحت واشترت بطاقة يديدة وغيرت الرقم وقبل لا ترمي البطاقة الجديمة يلست اتسجل ارقام ربيعاتها في التلفون اليديد ويوم ياه الدور على حمدان (سعيد) كانت تبا تشطبه بس ما قدرت راحت وسجلته عندها باسم (حب مضى) كان الجرح عمييق ..طبعا هي ماخبرت بعلاقتها حتى شما مع انها لاحظت على حصة هالتغيير وكل ما تسالها عن السبب ما ترد عليها او اذا ردت اتقول ما فيني شي؟؟؟!!!!!
تعودت حصة على هالمواال اما عن سعيد فرمس امه عن حصة
ام سعيد:زين يا يمه هذي هي الساعة المباركة
سعيد:يلا اماية دقي الحين وقولي ان نحن ياايين عندهم الخميس الياي
ام سعيد:بسم الله بلاك جي مستعيل
-اماية يلا عاد
-خلاص خلاص لو تبا الحين بدق جم سعيد عندنا؟(ترمس ام سعيد ام عبدالله(
ام عبدالله:حصة حصة تعالي ابيج انا تحت
حصة:نعم اماية انشاء الله خير
ام عبدالله:خير انشاءالله سمعي ياحصة انتي الحين بنية كبيرة وعاقلة وصرت عروس والف من يتمناج
حصة اتذكرت حمدان وتنهدت تنهيدة عميقة وقالت:انزين
ام عبدالله:سعيد ولد عمج خطبج وهم ياايين الخميس الياي
حصة وهي هب مصدقة:بس يا اماية؟
ام عبدالله:لا بس ولا شياته..هذا ولد عمج ومن لحمج ودمج واحسن لج من الغريب واذا ما كنتي تبين العرس املجوا والعرس عقب هب مشكلة..
تطلع حصة فوق لحجرتها وتيلس اتصيح:الحين ما خطبني الا هاللي اكره ليش ليش جي يستوي فيني حتى لو ولد عمي..وتسكت وتتذكر حمدان والكلام اللي قاله وقالت:دام ان نساني انا بعد بنساه بس هب بزواجي من سعيد
---يوم الخميس---
كان هاليوم يوم ممات حصة وبداية حياة سعيد وماكان ودها الا انها تموت وخلاص بس هالشي بيد الله سبحانه وتعالى ومحد راح يغيره..
خديجة:خلاص يا حصة مايصير جي تسوين بروحج حتى لو ما تبينه بتتعودين مع الايام وتبين الصدق انا ما كنت ابي سالم في لبداية ..اتطالعتها حصة بتعجب وقالت:بس شكلج اتموتين عليه
تنهدت خديجة وقالت:بقولج سالفة طويلة وعريضة بس بشرط؟
حصة:شو؟
خديجة :تمسحين دموعج وتتكشخين
حصة وهي تقوم:عسب خاطرج بس ... only//
خديجة:اوكي يلا قومي
عقب ما خلصت حصة يت ويلست حذال خديجة:يلا شو السالفة ؟خديجة:تدرين اني كنت احب ولد عمي...
انصدمت حصة من الخاطر:هااااا ووينه الحين؟ وهو يحبج؟..
طبعا خديجة ردت على كل تساؤلات حصة وخبرتها كل السالفة من اول ما سافر سيف لين ما سالم رمسه عالتلفون ..
خديجة:وبس هذي كل السالفة ..
حصة:تدرين ما يبين عليج انج كنتي اتحبين واحد قبل سالم؟!
خديجة:الله عوضني عنه بس مع ذلك اعزه
سكتت حصة وقارنت حالها بحال خديجة هي كان حبها من طرف واحد يعني تقدر تستغنى عنه اما خديجة وسيف كان حبهم من الطرفين فاستغربت شلون استغنوا عن بعض وكانت طول الوقت سرحانة ،فتدش شيما الحجرة وتخرعهم:بووووو انا ييت تخترع حصة بس تسكت ما ترد عليها وتسلم عليهم وتيلس عند حصة:ها العروس اخبارج؟
حصة(باستهزاء):اخباري شرات كل مرة ما تغير شي..يعني شو بيصيرمثلا.. تطالعتها خديجة بنظرة حادة فسكتت حصة..فهمت شو قصدها من هالنظرة .. يلتمون البنات ويدقونها سوالف،اما حصة فطول الوقت سرحانة ما تعرف شو تسوي تبا سبب مقنع يمنع زواجها من سعيد بس هب محصلة لان اول شي هو ولد عمها ويخاف عليها ومن لحمها ودمها والاهم من كل ها ان لو رفضته كيف بتواجه بنات عمها يمكن هي بالنسبة لها عادي بس هم شو بيكون موقفهم ..صالحة كانت حاسة بهدووء اختها:حصة بلااج ؟
حصة:ها لا ماشي..
**اما عند الرياييل سعيد يالس ويا عبدالله **
عبدالله:دام انك معزم عالعرس انا بعرس وياك الصراحة شجعتني
سعيد(يستهبل):هذي الساعة المباركة(يسوي عمره ييب شرات الحريم(
عبدالله:جب ويا ويهك اماية تعرف احسن عنك بخليها اتيبب لي...
يلس سعيد يضحك وقال:ومنو في خاطرك؟
عبدالله:وحدة من بنات العرب هب من العايلة
سعيد:اهااا عيل مبرووك مقدما..
عبدالله:الله يبارك فيك
بعدين نزلت حصة والبنت عند الحريم ويلسوا وحطوا العشا والكل اكل الا حصة ما كان لها نفس على شي..طبعا طلب سعيد يجوفها،حصة كانت يالسة ويا الحريم ما قدرت ترفض فسكتت
سارت الميلس ويا اخوها عبدالله وقالت:حووو ترى والله ان ما ييت بسرعة انا بظهر وبخليه بروحه جان يسمعها سالم ويقول: ومنو قال ان بنخليج ساعة ولا ساعتين بالكثير 10دقايق
ارتاحت حصة من رمسته ودشت كان سعيد موجود يوم جافها قام وقف.. سعيد:السلااام عليج والرحمة
حصة(من دون نفس):وعليك السلام
سعيد:اشحالج؟
حصة:الحمدالله..سكتوا اشوي عقب رمس سعيد: حصة تدرين اني اخاف عليج واحس انج انتي الوحيدة المناسبة لي من اول ما جفتج وهالشعور يراودني..
حصة:انزين شو يعني؟صار شي غير انك خطبتني؟؟؟!
كان رد حصة لسعيد جارح بلعها سعيد وقال:خطبتج وعقبال العرس انشاء الله..
حصة في خاطرها:فال الله ولا فالك...ظهر سعيد من عندها حس انها واايد جافة معاه بس قال يمكن هي جي في البداية بس..لو ارمسها بالتلفون يمكن اتقرب منها اكثر وهي نفس الشي..
حصة في حجرتها ودها تصيح بس هب قادرة ما تعرف شو تسوي لو الانتحار هب حرام بتنتحر..
دق عبدالله الباب ودخل..جاف حصة يالسة عشبريتها وموايهة الدريشة يلس عدالهاا وقال:حصووه بلاج حزينة جي هذا بدال ما تفرحين...
تبتسم حصةابتسامة باهتة:افرح ليش شو بيصير يعني زواج وبتزوج وبتفتكون من حشرتي..
عبدالله:حصة انتي شو اتقولين اصلا الريال لو عليه قصور كنت انا رفضته قبل أي احد وبعدين بدال ما تمين حزينة جي عالاقل قولي مبروك لاخوج
حصة:ليش شو صار ليكون بتتيوز وحدة من هاييل اللي في الشوارع
عبدالله ويدزها دزة معتبرة:ايخسون الا هم اصلا انا ودرتهم كلهم وغيرت رقمي بعد..
حصة:انزين ومنو سعيدة الحظ؟
عبدالله:خمني؟
حصة:وحدة من بنات عمك او...اممممم ماعرف منو ؟
عبدالله(بصوت واطي):الفـــــــــــــــــــــــــــن
نقزت حصة من مكانها وصارخت:اونى احلف (من الفرحة(
عبدالله يلسها مكانها وحط ايده عحلجها وقال:والله والله بس انتي انجبي ويلسي ساكتة..
حصةمن الفرحة ما عرفت شو تسوي ودها تتصل في الفن واتقولها او تنشر الخبر في الجريدة او.....او.....اي شي اخيرا بتجوف ربيعتها تضحك وتسولف شرات اول وترجع الفن الاولية اللي الكل يعرفها..
عبدالله:اسمعي شقولج اريد منج تاخذين رايها قبل لا اخطبها اوكيك
حصة: لوتبا الحين !
عبدالله:والله؟
حصة:هيه لحظة اشوي يابت موبايلها ودقت عالفن..جافت الفن موبايلها (اخت حبيي يتصل بك):الووو
حصة:هااي
الفن:شو السالفة داقة هالوقت؟
حصة وهي تبعد عبدالله منها لان ملصق اذنه عالموبايل:اقول الفن بسالج سوال بس جاوبيني بصراحة
الفن:اكييد بقولج الصدق،ليش اجذب عليج بعد..
حصة:اذا عبدالله خطبج بتوافقين عليه(في هاللحظة حصة حطت اسبيكر عسب عبداله يسمع الرد(
الفن :يعني هاي سؤال تسالينه وانتي تعرفين اجابته عدل مع اني واثقة ان ما بيصير
حصة:موافقة ولا لا ؟
الفن:طبعا هيه..ارتاح عبدالله يوم سمع هالكلمة فاخذ الموبايل من حصة ويقول: الفن صج ان هالحركة سخيفة بس مضطر اسويها انا ارتحت فعلا يوم سمعت كلمة هيه منج وانا مستعد اخطبج الاسبوع الياي اوباجر لو تبين.. انصدمت الفن من عبدالله ما توقعت ابدا هالشي يصير بس من حسن حظها.. الله يحبها وحمدت ربها مليون مرة عالنعمة طبعا تمت صاخة طول الوقت..
عبدالله:ها شو قلتي ؟
الفن:سوي اللي تباه..موافقة يلا بااي،
وسكرت الموبايل في ويه عبدالله من الربكة والمستحى..كانت الارض هب شالتنها من الفرحة بس الحمدلله ان الله تقبل دعاءهاوعبدالله بيكون لها..
واكثر وحدة استانست هي حصة رغم كل اللي الحزن اللي فيها فرحت لفرحة عبدالله والفن واتمنت لهم السعادة بس شي اكيد انها ما تقدر اتغطي هالحزن اللي هي فيه..كانت مبتسمة بس اختفت الابتسامة فجأة..لاحظ عبدالله هالشي وسالها:حصوه بلاج جي عابسة مفروض اتكونين مستانسة هب جي معصبة جن حد ضاربنج ضرب ومقعدنج..حصة ما كانت تبا اتحسس اخوها باللي فيها فقالت:لا ما فيني شي بس شايلة هم الكلية،
عبدالله حس انها تجذب عليه بس طنش وقال:اها عيل شدي حيلج اوكي وهو طالع: ترى الخميس الياي بنسير بيت الفن عسب الخطوبة..
حصة:اوكي خلاص..
ومر الاسبوع بسرعة وتمت الخطوبة واتفقوا عالملجة والعرس يوم واحد طبعا عقب ما تخلص دراسة في الكلية لان باقيلها كورس وبتتخرج..وحصة وياها ، اما شما فكان عرسها شهر5..وسعيد كل اسبوع يي ويزور حصة..
**مرة من المـــــــــــــــراات**
سعيد:حصة صح اني اييج كل اسبوع بس احس اني ما اعرفج عدل ولا انتي بعد..بس لو رمستج بالتلفون بنتقرب اكثر وبالنسبة لاهلج تراني رمستهم في الموضوع قبل لا ارمسج بس اتريا ردج ها اشقلتي؟
سكتت حصة وتمت اتطالعه ببرود بس بدون حس قالت:اوكي
طلعت لا اراديا بعدين يوم انتبهت للي قالته انصدمت عقب سعيد قال:اوكي عطيني موبايلج وبسجلج الرقم
حصة:لا لا (بارتباك) ها اسمع انت سجل رقمي عندك احسن..سعيد ابتسم وقال:اوكيك وسجل رقمها بعدها بيوم الساعة 12بالليل..كانت حصة حاطة تلفونها عالجارج فرن التلفون راحت تبا تجوف الرقم انصدمت صدمة فظيعة كان اللي داق(حب مضى) حمدان استغربت من وين ياب الرقم وهو شو يبا مني الحين ارتبكت بس قالت لازم اسويله حد ردت:الووو
سعيد:هلاوالله بحصة ؟
حصة:منو انت؟
سعيد:افا ما عرفتيني؟
حصة:السموحة انا ما ارمس شباب وبعدين انت ما.....
وقبل لا تكمل قاطعها سعيد:حصة انا سعيد ولد عمج
في هالساعة وهالدقيقة اتيبست حصة في مكانها ما عرفت شو تسوي تذكرت اللي طاف واللي صار..الحين تلخبطت مشاعرها ما تعرف شو تقول او شلون ترمسه على اساس ان هو سعيد وهو حمدان بالاصل..للاسف حمدان اللي تحبه طلع هو نفسه ولد عمها اللي تكره..سبحان الله يا محاسن الصدف ..الله اراد هالشي اراد ان يجمع الاثنين..
ردت عليه :سعيد سوري ما كنت قاصدة
سعيد:لا افا عليج كم حصة عندنا؟
حصة: وهي بعدها مرتبكة:اقول سعيد انا عقب ساعة بدقلك اوكي
سعيد:ليش الوقت اللي داق فيه هب مناسب؟
حصة:لا لا عادي بس انا مشغولة اشوي برد بدقلك عقب ساعة
سعيد:اوكي في امان الله
حصة:بااي
يلست حصة عالشبرية ما تعرف شو الشعور اللي لازم تعطيه سعيد حب..كره..تعتبره كولد عم..او اشياء ثانية..تنهدت وقالت:هذا ولد عمي واحسن لي من غريب وبعدين انا ما كنت اعرفه عدل بس قررت شي و ظلمته بهالقرار..حمدان هو نفسه سعيد يعني كل صفات حمدان تنطبق على سعيد..اخر تعبت من التفكير وقالت:صج كلام عبدالله يوم قال ان الشباب يتسلون وبس..عقب سارت رقدت ونست سعيد الي يترياها اخر شي طفر وطرشلها مسج ((لو تخليت عني لدقايق بنتظرك..لو تخليت عني لسنين بنتظرك..لو تخليت عني العمر كله بنتظرك..(أحبج مووتH ).. ))طبعا كانت راقدة ما ردت عالمسج فقال الظاهر انها راقدة يحليلها اكيد تعبانة باجر برمسها..ثاني يوم حصة قامت وجافت المسج ابتسمت وردت عالمسج (ما وصل بيني وبينك أي شعور..ما كنت تهمني..بس الحين صرت لي احلى شعور (صباح الخير سعيد)) قام سعيد على صوت المسج وقراه واستانس وايد ورد طرش مسج كتب فيه (احبك يا شقى نفسي وعمري..احبك يا شمس روحي واقماري..انت بدنيتي كل شي..احبك مووت والله واهواك) قرته حصة واستانست بس هالمرة ما ردت عليه حطت مبايلها عالطاولة ونزلت تحت تسلم على اهلها..بعد هاليوم سعيد صار دايما يرمس حصة وصار هالشي شرات الفرض حتى هي ما تقدر تستغنى عنه..
اما الفن صارت احسن عن قبل تضحك وترمس وتسولف غير عن اول..
**** بعد شهر تقريبا****
تخرجوا حصة والفن وشما وعبير بعد والحين هي عرست وحامل ..هي حملت بسرعة مع انها ما كانت تبا هالشي وشما عرست بعدها باسبوع يعني ورى بعض..اما الفن وحصة كان عرسهم في يوم واحد ..
**يوم العرس..
الكل في الصالون من كبيرهم لصغيرهم وكان العرس في نادي الضباط
حصة:اقول شيما سعيد لازم يدش الصاله انا استحي
شيما بلؤم:اقوول حصووه الظاهر انتي وايد رايقة اليوم مع ان اللي اعرفه ان العرايس يكونون متوترين بس الظاهر انتي عكسهم ما الومج ويهج لوح..
حصة وهي تضحك:ههههه طالعة عليج
شيما كانت متوترة لان امها قالتلها اتجوف البنات اللي خلوصوا وتخليهم يسيرون يعني عطوها جم شغلة اتسويهم..
كانت حصة صج مستانسة لانها بتاخذ واحد يحبها ويخاف عليها وعلى مصلحتها ..الفن بعد نفس الشي والاحلى من ها كله ان الشعور بين الفن وعبدالله متبادل..
وصللوا القاعة زفوا حصة اول عقب الفن بس كانت الزفة روووعة مؤثرات صوتية انواع واشكاال زفة حلوة وستايل يديد والبنات ماشاء الله عليهم هزوا الكوشة بالرقص ما قصروا وبعدين يلسوا يتصورون وكان سعيد وعبدالله محتشرين بره يبون يدشون بس طبعا قالوا بندخل سعيد اول..
سعيد:وييييوه حرة بدش قبلك
عبداالله:جب انت مالك خص لو اريد الحين بقول انا بدش قبل ترى ما كنت بتعرس في مثل هالقاعة الا بواسطتي ضابط من قدي
سعيد:اوووه بدى بدى الحين ما بيسكر ياخي تراك ذليتنا حشى هب قاعة.. امحق قاعة..
ويلسوا يضحكون
طبعا قبل لا يدخلون سعيد قالت المغنية: هالاغنية اهداء خاص من راعي الرنج للملسونة (خايف عليك) هنيه اخترعت واندهشت في نفس الوقت معقولة يعرف ان اللي يرمسها هي نفسها انا وساكت ما قال شي وتمت تتساءل..يوم دخل سعيد سلم على حصة وتمت تطالعه بنظرات استغراب وهو تطالعها وقال: ادري انج مستغربة..وسكت ويوم يلسوا: حصة انا ما كنت اعرف في البداية بس عقب عرفت من صوتج من طريقة رمستج نفس الشي، ادري انج هب قاصدة وهاي حركات مراهقين بس لاني خايف عليج خطبتج وهذي هي كل السالفة ..اتطالعته حصة وابتسمت:
شفتك ولا ظنيت بهواك..ما هو بكيفي غصب عني
لا والذي في الكون وسواك..صدق المشاعر لك خذني
اتطالعها وسكت بس كانت الدنيا هب شايلتنه من الفرحة عقب ما خلصوا ظهروا سعيد وحصة اتطالعت حصة السيارة وجافت سعيد اللي كان مبتسم: لهاليوم خصيصا يبت هالسيارة (سيارة رنج) ضحكت حصة وركبوا السيارة.. ويا وقت الفن وعبدالله وكانت هاي من اسعد لحظات حياة الفن كم اتمنت هاللحظة ما توقعت ان في يوم من الايام بيتحقق حلمها..بس كل شي يصير بارادة الله
العرس كان في منتهى الروعة لو يلست اوصفلكم اياه ما بخلص
سعيد وعد حصة يسيرون شهر العسل(سويسرا(
اول شي راحوا البيت عسب تبدل فستانها وتلبس ثوب مخور وهم في السيارة حصة تلعب بتلفونها وسعيد يسوق ويوم وقف عند الاشارة طلع سعيد ورقة من جيبه وعطاها حصة:لين ما نوصل اقريها
حصة:اوكي..
يلست تقراها وكان مكتوب فيه قصيدة حلوة وهي احلى قصيدة عند سعيدة بعد ما عرف حصة...
ياللي تيمني حبك..مش خايف ليه من ربك
باسبابي تكسب ذنبك..والله خايـــف عليك
ليتك دايـــم معانــــــا..يحصل دايـم لقانــا
الله محلـــى هـــــوانا..ما أشـــرك بشــريك
حيرتنــا ياقـــاسـي..تجــفينا ومرة ناســــي
والقلـــب اللي حســاسي..ما يــقدر يخليــك
ما اقدر اعيش بدونك..واموت انا في عيونك
لا تلــومني ولا الـــومك..لانـي مغـرم ابيــك
ياللــي تيمني حبك..مش خايف ليه من ربك
باسبــابي تكســب ذنبك..اناخايــف عليــك
عقب ما قرته قالت: تدري سعيد أجمل شي في حياتي انك حياتي وانا بعد اخاف عليك..
النهـــــــــــــــــاية..