***للكوسه ف بلادى شئون***

[mizo_wizo]

للكوسه ف بلادى شئون
بتخلي المسنود فرعون
يتفرعن فين مهما يكون
الجاهل تخلي أستاذ
والأعرج لاعب جمباز
وتخلي الأحول هداف
والكوره الآوت ف الجون
للكوسه ف بلادي شئون
لو تعرف واحد ف الشرطه
راح تخرج من أجدع ورطه
والراجل اللي انت ظلمته
تلاقيه متلقح مسجون
أو تعرف شخصيه كبيره
شغاله ف البنك مديره
راح تاخد من غير ضمانات
قرض بكام مليون
وهروبك طبعا مضمون
ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهرية
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون
ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون
وإذا ساكن ف عماره جديده
وحبيبك راجل مسئول
فسيادتك من غير ما تقول
يركب لك فورا تليفون
ولو انت عندك عربيه
ونمرها سوده بنسرين
حتعدي أجدعها كمين
وهاتكسر أجدعها إشارة
ماهو نمرك سوده جباره
ولا تعرف أيتها قانون
ولو انت بتعرف فرّان
أو واحد بياع جرنان
راح تاخد طلبك وحتمشي
من غير ولا دوشه ولا دور
والناس الغلبانه حتاخد
طلباتها بعدك وتغور
ماهو كله غيرك بيهون
ولو انت زميل الحلاق
راح تحلق اولها زبون
وإذا كنت بتعرف دكتور
حتعيش متطمن مسرور
وحتسلك ف لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
المهنه المدفون عن شرف
لكن لو شاعر غلبان
قلت اللي ف نفسك على طول
حيقولو مين قال لك قول
إنسان ويهاجمك مليون إنسان
http://www.hamasna.com/200154291-001.jpg

[dmX]

ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون



يا نهار ابيض موضوع رائع رائع رائع يا ميزو
وعجبنى اوى وكل الكلام مظبوط احييك يا ميزو لاختيارك للمواضيعالرائعة

[طمطم22]

ولو انت عندك عربيه
ونمرها سوده بنسرين
حتعدي أجدعها كمين
وهاتكسر أجدعها إشارة
ماهو نمرك سوده جباره
ولا تعرف أيتها قانون



بجد يا ميزووو ..

تسلم ايدك ماشااااء الله

انت تقريبا اتكلمت علي 90 % من مشاكل خناقنا الضعيف والغلبااان

وكل اللي بيحصل تماااام في الواقع المولم للاسف

تسلم ايديك يا ميزززو :congrats:

للامام دايما:rose:

[NONA_WIZO]

http://www3.0zz0.com/2007/02/05/10/46531506.gif
ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهرية
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون

بجد كل كلمة انت قولتها فعلا صح لان الزمن اللي احنا فيه بقى كله كده

ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون

بالنسبة بقى للكلام ده انا قولتلك امبارح وانت بتكتبها فاكر لما قولتلك الكلام ده بيفكرني بحكاية احمد الفشاوي وهند ساعتها ضحكت لان هو كان مع عمرو خالد على طول فهمت كان قصدي اية

بجد يا ميزو كلام جااااامد جداااااا ومش اي حد يقدر معناه الا لما يقراه ويتمعن فيه كويس علشان ده كلام كبير ومعناه اكبر وبيتكلم عن الواقع اللي احنا عايشين فيه

بجد تسلم يا ميزو تسلم ايديك ويارب تكون دايما كده في تقدم على طووووووووووووووووووووول

ربنا يوفئك
نــــونــــا

[osha soft]

رائع يا شباب انا بجد مش عارف الموضوع ده كان تايه بعيد عني ليه
ولكن انا بشكر طمطم هي اللي نبهتني ليه
بجد موضوع اكثر من رائع
وللامام دايما يا ميزو

[mizo_wizo]

بنأ علي طلب الجمااااااهير تم تثبيت الموضوع بنجاااح بعد الترشحات الاعضااء
وشكرا لكم جدااااااااااااا
الموضوع مثبت لمدة اسبوع من الان يعني الاحد القادم سوف ألغي التثبيت ونبدأ العد التنازلي من الان
7

[طمطم22]

يا ميزووو ..

يا ريت تثبته علي طول

للامام ديما يا رب

[osha soft]

عن جداره والله يا ميزو وللامام يا حبي

[askor]

بجد موضوع هايل
وكل الكلام دة فعلا حقيقى
يارب
اصلح حالنا
وحال البلد كلها
امين