مشاهدة النسخة كاملة : الشاعر سطام الشلفان التميمي ومقتطفات من شعره
@ملكة الليل@
07-01-2011, 04:53 PM
الشعر سحر والسحر الشعري أفق يحتوي الأرواح وليس بضآرّها.
ونحن مقتنعين تماماً ان ليس كل شعر يصل لدرجة السحر السحري ..
هنا شاعر عندما نسبح في محيطاته الشعريه نجد الدرر الثمينه والمحار الغالي
ونُسحر من حرافة النوخذه وشموخ الأمواج وأنفتها...
شاعر عملاق بخلقه وشعره
مبدع ولاحد لثمالة ابداعه
ليت كل الشعر شعره وليت كل الشعراء هو.
http://4yuoo.net/kleeja/uploads/13094803891.gif
الشاعر الكبير: سطام الشلفان
أحد رموز الشعر الشعبي في جيلنا الحالي
وأحد المدارس الشبابيه التي تتوق لها اذواق من يعشق الشعر الجميل.
من مواليد الرياض سنة 1980م
درس في مدارس منارات الرياض
وحصل على جوائز عديدة في مسابقات الرسم وحصل
على المركز الاول على مستوى المنطقة عام 1414هـ,,,
ولكن ولعه بالشعر و رموزه غلب على ولعه بالفن التشكيلي .
وقد كانت له قصائد وطنية لاقت اصداء واسعة في فترة الدراسة في الكلية العسكرية قبل تخرجة منها عام 1423هـ
حضر في الساحة الشعرية عبر بوابة مجلة فواصل
التي كانت من الذين راهنوا على شاعريته..
كان لكثير من المجلات حوارات مثيرة مع شاعرنا ومنها :
مجلة سديم
مجلة بروز
مجلة فواصل
مجلة ملفات
مجلة روتانا
مجلة ليلة خميس
ومن البرامج التليفزيونية التي قامت باستضافة شاعرنا:
برنامج (عيشوا معنا) على قناة ال بي سي الفضائية اللبنانية
برنامج (يـاهلا)على قناة روتانا خليجية
برنامج (اخر الليل)على قناة فواصل
برنامج (بيت القصيد) على قناة روتانا خليجية
و قد تم اختيار الحلقة من افضل عشر حلقات في البرنامج خلال الثلاث اعوام
برنامج (عيد الرياض عيدين)على قناة ال بي سي الفضائية اللبنانية
برنامج (ليلة خميس) على قناة الساحة
@ملكة الليل@
07-01-2011, 04:56 PM
http://4yuoo.net/kleeja/uploads/13094804541.gif
نبذه عنه ~
من مواليد الرياض سنة 1980م
درس في مدارس منارات الرياض وحصل على جوائز عديدة في مسابقات الرسم وحصل
على المركز الاول على مستوى المنطقة عام 1414هـ
ولكن ولعه بالشعر و رموزه غلب على ولعه بالفن التشكيلي
وقد كانت له قصائد وطنية لاقت اصداء واسعة في فترة الدراسة في الكلية العسكرية قبل تخرجة منها عام 1423هـ
وبعد ذلك حضر في الساحة الشعرية عبر بوابة مجلة فواصل التي كانت من الذين راهنوا على شاعريته ومن ثم انطلق سطامღ¸¸.¨
وراح نبدي مع اول خاطره للشاعر ..
خاطره ...
سبحانه اللي بأطيب الطين.. سوًاك !
ومن شر شهقات الحسودين صانك
قـوًتـك في زيـنـك.. ولا زيـن يـقـواك !
لا من حضرتي و المزيـًـن وزانك
كن البنات اللي حواليك و هناك !
صـاروا ضيـوفن للـزمـن في زمــانك
،
،
قصيدة
البنـدري
يا البنـدري سطـام مشتـاق.. مشتـاق
قلبه بليـا شـر.. ناصيـك.. ناصيـك
فيه الوله و الشوق.. حـارق و حـرًاق
من زود حبه ينبـض أغليـك.. أغليـك
قلبـي بأمـرك دوم منسـاق.. ينسـاق
لامن نطقتـي .. قـال: لبًيـك.. لبًيـك
دايم لكسب ارضـاك فايـق.. و تـوَاق
لو تطلبين الـروح يهديـك!!.. يهديـك
ما كل مـن سمُـو بعشـاق .. عشـاق
و ما كل من هو قال أفديـك!.. يفديـك
وما كل من يتصنًـع اخـلاق.. أخـلاق
لان الرخامـه سـر.. والوقـت يفشيـك
سر الرخـوم ايبـان لا عاقـك اعـواق
إليا حصل لك ما حصل لـك.. يخلًيـك
أما انـا.. لـي اربـع اسنيـن.. شفًـاق
مرخـص حياتـي.. لاي فـرحٍ يسلَيـك
وإليـا التقينـا ثـم عانقـتـك اعـنـاق
مدري من الفرحـه انـا ويـن اودَيـك؟
يا بعد روح الروح.. يا ساكـن احـداق
عيني.. وحتى العيـن بالشـوف تفديـك
يـا ذوق.. لا وش ذوق!! يـا أم الاذواق
ياعشـق.. لا وش عشـق!! الله يهْديـك
إنتي غـلاك ايفـوق الآفـاق.. بآفـاق
كل شئ احبـه فيـك .. حتـى تغليًـك
شاريك دامـك صـرت للبـال سـرًاق
بالطيب.. بالإلزام.. شاريك .. شاريـك
لانك سكنتي فـي ضميـري بالاعمـاق
حتـى عروقـي كلهـا.. هايمـه فيـك
مالـي محانـي بعـدك و قلـب خفَـاق
القلـب قلبـك.. والمحانـي.. محانيـك
وكانك غلطتـي ثـم.. خانقتـك اخنـاق
بعطيك سرَي كيـف أنسـى بلاويـك!!
مدي لي " بوزك " بيَني خاطرك ضاق..!
والله لأنسى وش غلطتـي.. و اراضيـك
بيروت ~ .
العام فـي بيـروت و بوقـت مصيـاف ~ سايـح واجنَـب عـن دروب الفسـادي
انا و ابـو جـوري وفيصـل و نواف ~ اربـع شبـابٍ مـن خـيـار العـبـادي
نسكن في موفنبيك فـي اربـع اغـراف ~ مـع رنـج أسـود والفيـراري رمـادي
مـرت ثمـان ايـام ماعندنـا اخــلاف ~ جـو السعـاده عـم فيـنـا و ســادي
إلين شفت اللـي بهـا كـل الاوصـاف ~ واصبحت فـي وادي و ربعـي بـوادي
بنت العبت فـي قلبـي وصابـه اتـلاف ~ هيبـه و خـد و قـد و المشـي هـادي
الرمش سيف و راعـي الرمـش سيًـاف ~ في نظرته ذبـح القلـوب امـر عـادي
إن كشًـرت آضيـق والقلـب يـنـلاف ~ واليا ضحكت..اضحـك كـذا.. لا إرادي
سألـت ابعـرف اسمهـا كـل عـرًاف ~ ومـن يقـرآ الفنجـال ويقـرآ ايــادي
هي من ديار الشـام او ربـع بالـزاف؟ ~ والا عطايـا الله بعـد مــن بــلادي!
قالو:ياعمـي.. هالبنيًـه علـى خـلاف ~ مـع زوجهـا والخلـع أمـرٍ وكــادي
بنـتٍ لهـا قلـب رهيـفٍ و شـفـاف ~ تبعـد عـن دروب السهـر والـنـوادي
تبدأ بحـرف السيـن و بالعائلـه كـاف ~ تسكن شمـال العـارض فبيـت عـادي
لبيـه.. ياللـي مسرفـه فينـي اسـراف ~ و لبـى خفوقـك يـا هنـاي و مـرادي
الله مزج وجهـك مـع الـوان الاطيـاف ~ الثغـر وردي..خلقـه!! و خـد كــادي
ما اريد منَـك غيـر يالحـور انصـاف ~ فكَي خفوقي مـن عثـا رمـش سـادي
و هاتي لي مصحف باقسم ايمان و احلاف ~ وبشهد شهـادة شخـص مؤمـن حيـادي
والله..لـو ريمـا وهيـفـا و انـصـاف ~ و نـوره و صيتـا والعنـود وهـنـادي
لـو جمًعوهـم وادمجوهـم بالاوصـاف ~ مجموعهـم.. وانتـي بزيـنٍ أُحــادي
زينك يـوازي زينهـم عشـرة اضعـاف ~ زيـنـك تخـطـى منتخبـهـم و زادي
مااعْرفْـك لكنـي علـى حسنـك آخـاف ~ وادعـي لـك الرحمـن حتـى برقـادي
ياالـله.. تحرسهـا مـن اللـي اذا شـاف ~ مايذكـر الرحـمـن وعيـنـه تـنـادي
@ملكة الليل@
07-01-2011, 04:58 PM
http://up.arab-x.com/pic/C3G91493.jpg
لاقلت تكفى.. فز لـي ألـف رجًـال
ذيبٍ و ربعـي كـل ابوهـم.. ذيابـه
ادري.. ولكنَي علـى الحال..أحتـال
مثل المُسـن اللـي تصنًـع شبابـه
لا من نشدني صاحبي كيف الاحوال؟؟
عقلي تبرمـج دايمـآ .. بالإجابـه..
أبشَرك مبسوط.. ويسـرًك الحـال..
واحاول اخفـي ضيقتـي.. بالذرابـه
و انا لها.. والمتـن للحمـل شيًـال
والقلب .. غير الله مـا احـدٍ يهابـه
أضعف.. و امثَل قوتـي.. زي تمثـال
شامخ.. ولو هالراس بالجد.. ما بـه
إلا.. ضغوط.. و زعزعة فكر.. وآمال
وصراع ما بيـن الفـرح.. والكأآبـه
والحين انا.. لياقتي بالصبر .. عـااال
لو كل مـن حولـي نهشنـي بنابـه
ما اقول تكفى.. بس .. لو قلت!! تنقال
لك.. يا بعـد كـل الاهـل و القرابـه
لك يا شعور العز.. و الجاه.. و المال
والذوق.. و الفكر النقي.. و الحبابـه
انا اشهد ان ما كـل الازوال... ازوال
و لوها تشابه.. انت ما لـك مشابِـه
إنت الغلا.. وانت السعد.. وانت الآمال
وانته دعاء امي.. بوقـت استجابـه
عقلي.. بنا لك داخـل القلـب منـزال
تسكن و ما احدٍ قبل مشيك.. مشى به
ملاذ روحي لا بلا الحـال... زلـزال
و إن ضاق وقتي شفت.. فيك الرحابه
بطلبك.. يا عشقي.. و يا رااااحة البال
ارجوك.. و بجاه النبـي و الصحابـه
انك تغاضى... لو بدى منـي اهمـال
و عقلي سرح.. في عزلته.. و ابغيابه
في عزلتي.. ابحث مخارج.. و مدخال
و احاول اكشف حل..!! و انزع نقابه
آسرني الهوجاس والفـال.. مـا زال
اقشر.. و هالهوجاس.. ينهب نهابـه
مشغول في نفسي.. و لانيب محتـال
والله يجعـل كـل ضيـق... ابثوابـه
هذا اعتذاري قول.. وإبشر بالافعـال
والله.. لاعوًض خافقك مـا عنـا بـه
‘,
http://up.arab-x.com/pic/YOy91369.jpg
البال سجن الهم.. و الصبـر حـرًاس
واليوم مثل الأمس.. والأمـس قاسـي
أصبح على هوجاس..وامسي بهوجاس
رآسي وما ادراك باللـي فـي راسـي
اليآس طاغي والامل!! ضاع فاليـاس
هذا وانا اللي ميزتـي قـو .. باسـي
جالس في وسط الناس.. ماني مع الناس
ربعي و ناسـي كنهـم غيـر ناسـي
يا وجد حالي كل مـا هـب نسنـاس
ابحـر مـع اهجـوسٍ بليـا مراسـي
مع كل هبًه.. يبتدي حبـس الانفـاس
واعقد حجاجـي والخفـوق امتناسـي
اللي وهبته حب..وافـراح..و ألمـاس
واسقيـه كاسـي وقـت ذروة يباسـي
كنت آتنومـس فـي محبتـه نومـاس
وكان الوحيـد اللـي بقلبـي اساسـي
شخصٍ حسبته صافي القلـب حسـاس
ظنيت قلبـي طـاح فيـه امتواسـي
واثري انا واحلامـي البيـض يئًـاس
غدره!! غرف قلبي.. و موًت حماسي
يا هم عينٍ مـا لفـى حولهـا نعـاس
دقـات قلبـي حارمتـنـي نعـاسـي
مغبون.. غبن اكليب من غدر جسـاس
و ازريت اكون ابـرد فعلـي سياسـي
ماهيب والله خفـة القلـب و الـراس
ثقلـي.. يحطـم كـل رقـمٍ قياسـي
لكن انا ما نيـب واحـد مـن النـاس
وهذا ماهو قـدري ولا هـو مقاسـي
واسمي اذا حطوه من بيـن الاقـواس
ما هو ترى من صورتـي او لباسـي
باقواس لاني بالشعـر طيـر قرنـاس
ويطيب شعري من بعض طيب رآسي
و كاني انا اخطيت و امًنت (جسًاس)..
مليون (زيرٍ) بيـن ربعـي و ناسـي
‘,
http://up.arab-x.com/pic/Z2x91368.jpg
ذكـــــــــريـــــــات.... الــحـــب
حاولت ابمحي ذكريات الحب لكـن ماانمحـت
كل ما عزمت ابنسى صرت اشوف الناس إنـت
أنقلب حالي بعد فرقاك مـن فـوق.. إلـتحـت
من قال كيف الحال؟ طيب؟ قلت له: والله.. كنت
كفًة النسيـان خابـت وانـت كفًتـك ارجحـت
بعدك الدنيا ما تسوى بعملـة الـدولار "سنـت"
قد سألني شخص عن حالك و دمعاتي افضحـت
وآنا كنت استحقر اللي يرخص ادموعـه لبنـت
قلت ابكتب هالقصيدة!! و إن على القول إلقحت
تدري باشواقي وحزني والالم. والسبًًه... إنـت
@ملكة الليل@
07-01-2011, 05:01 PM
السسلام عليكم ورحمة الله وبركاته
صبااح \ مسساء يعبق بروح هذا الشششاعر الرائع
أحببت فقط وضع شيء من إحساسه
يعجبني كثييير وأحب ششعره و شخصيته ..
وأتمنى ان يعجبكم ماوضعته هنا
الموضوع من تجميعي وتنسيقي
لبعض الصور
موودتي لكم و اكثر
http://4yuoo.net/kleeja/uploads/13095265411.gif
سابع المستحيلات
تكفى يا طيري وصًل الدمـع للولـف
وإمطر دموعي فـوق داره رشاشـات
قل له عن اللي يذكره.. بالوغى صلف
اليوم حالـه بعـد فرقـاك.. مأسـات
يرجع بفكره بضعة اعـوام.. للخلـف
يسترجع الماضي و بالصـدر شهقـات
يصحى في عز النوم.. و يدق لك سلف
ويوقف على الاطلال و يدنَ عبـرات
حاااالي غدى متلوف.. يا صاحبي تلف
رحت وبقى لك داخل القلب بصمـات
إٍسأل طيوفك.. دااايم احلف لها حلـف
أحلف لِطيفك كـل مـا مـر بسكـات
والله انا لو عشت.. فوق العمر.. ألـف
انساك.. هذي.. سابـع المستحيـلات
‘,
http://www.dohaup.com/up/2009-12-11/dohaup_1153449092.png
راحت يا سطام ,,
بالله يـا روح الحيـاه إذكريـنـي
حتى ولو عدا على فراقـي أعـوام
أنا عجزت أنساك مـا عـاد فينـي
وما لي سوا الشكوى على الله مـادام
مكتوب أفارق وأبتعد عـن ضنينـي
وبعده ثمان سنين مشتـاق وأنضـام
أذكر وداعك وأكتـم اللـي يجينـي
عبره وضيقة صدر والمـوت قـدام
والله مـن فكـت يدينـك يديـنـي
وأقفيتي.. وعيني بها حزن الإيتـام
سجنت دمعي يوم غمضـت عينـي
و صوت الرياح يقول راحت ياسطام
حاولت انبسى وقت بينـك وبينـي
ويأست من تعويض هذيـك الأيـام
أنساك ثم أذكرك وأمسـك جبينـي
أنساك ساعة وأذكرك باقـي العـام
مشتاق لك..الا عثى الشـوق فينـي
ياكم دعيـت الله أشوفـك بالأحـلام
طيفك وهو طيفك!! تكاثـر يجينـي
وأنا أتوق لشوفتـه قبـل مـا انـام
بقلبي سؤالـن حايـر و جاوبينـي
يجري بدم القلـب صمـام صمـام
أموت وأعرف هو حنينـك حنينـي
وإلا غدى سطام مثـل أي سطـام؟
http://4yuoo.net/kleeja/uploads/13095586241.gif
بــنــــدر
07-02-2011, 01:14 AM
يسلموووو ملكه على الطرح الرائع
يعطيك العافيه
@ملكة الليل@
07-02-2011, 02:23 AM
بندر
الله يسلمك يارب
يسسسلمووو عالطلة العطرة
لاعدمناها يارب
الســـــامي
07-02-2011, 06:14 AM
شاعر مبدع يستحق الإشآادة..
وطرح رائع يفوق الخيآآأل...
لك شكري ملكة الليل
أبوي نبض قلبي
07-02-2011, 02:42 PM
بارك الله فييك
ماجد القحطاني
07-02-2011, 07:24 PM
تسلمين اختي ملكه على الطرح الجميل
وبلا مجامله انتي ملكه ايضآ بإطروحاتك الرائعه
شكرآآآآآآآ
ماجد القحطاني
07-02-2011, 07:51 PM
تسلمين اختي ملكه على الطرح الجميل
وكعادتك ملكه بإطروحاتك الرئعه
تقبلي مروري
عسووولة
07-02-2011, 10:01 PM
جهد رااائع ملكة كاالعاادة مبدعة ..
لكي شكري .دمتي مبدعة
@ملكة الليل@
07-04-2011, 12:29 AM
الله يعافيكم ويسلمكم يارب
يسسسلمووو عالطلات العطرة
لاعدمناها يارب
vBulletin® v3.8.12 by vBS, Copyright ©2000-2024, TranZ by Almuhajir