انواع الولاد على النت

[نورهان]

انواع الولاد على النت...

المرحلة الأولى : ( الي يدوبك لسه متعلم يدخل نت) http://www.anamasry.com/board/style_emoticons/masr/birgits_giggle.gif

طبعا العمر يتراوح من 22 الى ما فوق ... وتلاقيه اول ما يدخل هايممكننتعرف انا فلان ومن الحته الفلانيه وتحسي ان فيه حنفيه معلومات اتفتحت واي حاجة تقوليهاله يقولك يعني ايه مش فاهم وبعد كل كلمة يقولك
اصل انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه http://www.anamasry.com/board/style_emoticons/masr/birgits_giggle.gif



المرحلة الثانية: ( الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما يكلم شوية يقولك ممكن نكمل كلام في التليفون انا اصلي مبدخلش النت كتير ومليش خلق للكتابة والحاجات دي
والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك


المرحلة التالته : ( الي قاعد على النت ليل نهار) ده بقى شرحه يطول وينقسم لعدة انواع

1- المقموص
ده بقى قاعد وحاطط ايده على زرار الزعل اي حاجة تقوليها تبقي بتقصديه او بتقللي من شانه وبعد كام مرة كلام ممكن يقولك اديني نمرة تليفونك ولما تعتذري هيقولك انا هحترم رغبتك وهيركبلك الوش الخشب ومن وقت للتاني هتاخدي البلوك ف وشك فنصيحه من اولها كده اديله بلوك وديليت



2- ابو دم خفيف http://www.anamasry.com/board/style_emoticons/masr/crazy.gif

ده شلل مركز ومتعرفيش مين الي خدعه وقاله ان دمه خفيف وكل كلامه قفشات وضحك والمفروض انك تكوني مجامله وتضحكي بس منصحكيش تيجي على اعصابك


3-المودي http://www.anamasry.com/board/style_emoticons/masr/holiday.gif
دي بقة شخصية بتتنوع كل يوم على حسب المود وهتحسي انك بتكلمي واحد عنده انفصام ف الشخصية النهاردة رزين وعاقل وبكرة لاسع وبعد يومين رخم وبعدها كيوت وفريندلي طبعا الحكايه مش ناقصة جنان كفايه الي الواحد فيه


4- اللزقه http://www.anamasry.com/board/style_emoticons/masr/cursing.gif
والنوع ده عايز حزم ف التعامل معاه لأن كل كلامه انتي فين ؟ بتتاخري في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو قلتيله ثواني هيقولك ليه رايحة فين؟ متتاخريش ايه ده انتي لسه مجيتيش ؟؟؟


5- الناصح http://www.anamasry.com/board/style_emoticons/masr/flex.gif

صباح الصداع مع كل جمله هتقوليها هتاخدي نصيحة وفيه عرض خاص قولي جملتين وخدي اربع نصايح العرض مستمر حتى نفاد الكمية ولو على منتدى زينا كده هتلاقيه بيقولك ليه حطيتي التوبيك ده وليه شيلتى الصورة دي وحطيتي التانية انا انصحك انك تخليه يحصل اخواته الي فاتوا يعني بلوك وديليت


6- الحبيب http://www.anamasry.com/board/style_emoticons/masr/whistling.gif
هيقول
انا فيا جاذبية وكل البنات بتعجب بيا ....... ايام ما كنت فالكليه
كنت عامل ازمه والبنات بتتخانق عليا......
المصيبة بقى ان اي جمله هتقوليها هيفهم ان انتي معجبه اصله مش بمزاجك هتحبيه يعني هتحبيه


8- الكداب http://www.anamasry.com/board/style_emoticons/masr/kicking.gif

من اول الأسم والسن واي معلومة خدتيها كدب في كدب ومتعرفيش ليه ده بقىانصحيه وخليه يغير اسمه على الماسنجر ويخليه مسيلمة الكداب

9- العبيط http://www.anamasry.com/board/style_emoticons/masr/dance.gif
ده هتلاقيه على طول حاطط صورته وذنب عليكي تتفرجي ويشيل الصورة دي يحط التانية وكل شوية يفتح الكاميرا مع نفسه


10- بابا اوبح http://www.anamasry.com/board/style_emoticons/masr/renske.gif
ده ممكن يكون على النت من سنة 96 واتخرج واشتغل واتجوز وجاب عيال ولسه قاعد يتعرف على بنات وكل ما يكلم واحدة يقنعها انه مش متجوز وبيدور على عروسة وصباح السرحان ولو جربتي كل يوم تدخليله بايميل غير التاني هتسمعي قصة حياته كل يوم مختلفة

مش قولتلك ياميزو كل واحد لية يوم وجة يومك ياجميل

[نورهان]

اية ياميزو الموضوع مش على مزاجك ولا اية

[mer0o0]

بصراحه يا نورهااان موضوع عسل تسلم ايديكى

وفعلا مفيش نوع من الى انتى قلتيهم مش موجود ماعدا واحد

بيبقى فعلا فى ناس دخله عشان تكون اصحاب وتعيش حياتها

انا منهم وانا فعلا اتعرفت على ناس نضيفه وفى سنى بس مش فى الياهوو طبعا

[dmX]

موضوع جميل يا نورهان

بس انتى فى نوع نسيتى تذكريه

ان زى ما فى كده فى شباب برضه فعلا بيدخلوا النت يتسلوا

ومش بيبقى فى دماغه غير انه يتعرف على شباب وبنات ويعمل اصدقاء بدون اى حاجة من اللى انتى قولتيه فوق

وفى حاجة تانية الانواع اللى انتى قولتيها دى مش تطبق على الولاد بس بل وعلى البنات كمان

شكرا يا نورهان على موضوعك الجميل وفى انتظار مزيدك

[NONA_WIZO]

السلام عليكم ورحمة الله وبركاته

ههههههههههههههههههههههه

ده انتي حته بنت مشكلة يا نورهان

والله عندك حق يا حبيبتي فعلا الانواع دي كلها موجودة في النت بكل نوع انتي قولتيه وصنفتيه بس بردو يا نورهان والله في كتير كويس ومؤدب ويحترمك ما طبعا في الوحش وفي الحلو بس انتي الجانب اللي اتكلمتي فيه كان الوحش بس بتوع الايام دي بتوع الحوارات بمعنى اصح وكنتي صادقة في كل كلمة قولتيها وكل نوع اتكلمتي عنه

بجد برافوا عليكي يا نورهان وبالنسبة لميزو انا بأذن الله هاخليه يدخل النهارده ويشوف موضوعك ويرد كمان ولا تزعل يا قمر

ميرسي كتير ليكي وعايزن مواضيع اكتر واجمل ربنا معاكي يا روحي

الف شكر ليكي وتسلم ايديكي والى الامام دايما يارب

مشكوووووووووووووووووووووووووووووورة

ربنا يوفئيك
نـــــــــــــــونـــــــــــــا

[nAmLa]

موضوع حلو يا نورهان مش هقدر اقول اكتر من اللى قاله ديمكس ونونا

غير ان كل مكان فيه الحلو والوحش .. والنت كمان فى نسبة 1% حلو و99% وحش

ونتمنى ان نسبة الحلو تزيد

تسلمى نورهان على موضوعك

[zozo4love]

ههههههههههههههههههههههههههه
جميل يانورهان وبجد دا الموجود على النت بس برضو زى مافى الوحش فى الحلو