gangahoba
10-03-2007, 01:03 AM
بعد ما جهزتي الأكل للعزومة فاضل أهم حاجة وهي إنك إزاي هتقدمي الأطباق دي على السفرة؛ لأن بصراحة كده لازم تكون السفرة مرتبة.
لأنه مش معقول بعد الوقوف على رجلك طول النهار والتعب اللي تعبتيه في عمل الأكل..
تييجي على الآخر وترصي الأكل كده من غير ترتيب...
علشان كده هنقول لك دلوقتي في 3 خطوات وبس إزاي إنك ترتبي السفرة بتاعتك بشكل شيك جدا يفتح النفس على الأكل.
نشوف مع بعض
_ _ _ _ _ _ _ _ _ _ _ _
الخطوة الأولى
زيني السفرة
شوفي يا ستي بعد ما تخلصي الأكل أو أثناء ما الأكل بيستوي ابدئي في تجهيز السفرة بتاعتك عن طريق إنك تجيبي مفرش أبيض مكوي وتحطيه على ترابيزة السفرة وبعد كده تجيبي أطقم مناديل السفرة وتحطيها بأي شكل إنتِ عايزاه، وخدي بالك إن ألوان المناديل تكون مناسبة للديكور ومناسبة لألوان مفرش السفرة.
وفي حاجة كمان شيك جدا ممكن إنك تعمليها وهي إنك تزيني السفرة بتاعتك بإنك تحطي في وسطها فازة فيها باقة من الورد سواء الطبيعي أو الصناعي لأن ده هيدي منظر شيك جدا وهيفتح النفس على الأكل وخدي بالك كمان إن باقة الورد دي ما تحجبش رؤية المدعوين لبعضهم البعض..
الخطوة التانية
ترتيب أدوات السفرة بشكل متناسق
طبعا هتسألي نفسك وتقولي إيه هي أدوات السفرة؟؟ وإزاي يكون شكلها متناسق؟؟
شوفي يا ستي أدوات السفرة دي زي الشِّوك والمعالق والسكاكين وكوبايات المية وملاحات الطعام...
ووضعها بشكل متناسق يعني مش مجرد إنك ترصي الأدوات دي على السفرة من غير أي ترتيب..
وعلى فكرة في طرق كتير جدا لترتيب أدوات السفرة بس احنا هنقول لك دلوقتي على الطريقة البسيطة والشيك في نفس الوقت...
بصي يا ستي بالنسبة لـ:
• الشوك والمعالق والسكاكين
خدي بالك وأنتِ بتحطيها أن لا تبتعد حافة مقابضها أكثر من 2 سم عن حافة السفرة، وده علشان تكون في متناول اليد وعلى فكرة عدد المعالق والشوك والسكاكين بيعتمد على عدد المعزومين وعلى الأصناف المقدمة يعني لما هتقدمي أكتر من صنف زي مثلا "لحمة وفراخ" يبقي هتحطي قدام كل فرد سكينة للحمة وسكينة للفراخ...
السكاكين: تحطيها ناحية اليمين ويكون وشها ناحية الطبق وده علشان تكون مناسبة للشخص لما ييجي يمسكها.
الملاعق: حطيها إلى يمين الطبق بعد مجموعة السّكاكين وتُتَكَوَّن من معلقتين معلقة للشوربة ومعلقة كمان لأي صنف موجود بتستخدم المعلقة فيه للأكل.
الشوك: حطيها إلى يسار الطبق وتكون أسنانها متجهة إلى أعلى وممكن إنك تحطي ثلاث شوك مرتبة من الخارج إلى الداخل شوكة السّلطة وشوكة للمكرونة على سبيل المثال وفي النّهاية شوكة للحمة أو الفراخ المقدمة.
• كوبايات المية
حطي كوبايات المية ناحية اليمين وخدي بالك إنك تحطي كوبايات مية بعدد المدعوين يعني يكون قدام كل واحد كوباية مية بالإضافة إلى كوباية كبيرة تحطيها في منتصف السفرة.
وخدي بالك إنك تملي الكوبايات دي قبل الضيوف ما ييجوا.
• بالنسبة للأطباق وملاحة الطعام
حطي الأول الطبق الأكبر للوجبة الرئيسية ويكون مسطحاً وفوقه طبق أصغر خاص بالسلطات وبداخله طبق أصغر عميق للشوربة.
وخدي بالك إن في طبق صغير تاني هتحطيه والطبق ده خاص بالخبز والزبدة أو الحلويات على الجانب الأيسر من الطبق الرئيسي.
وياريت إنك تحطي بجوار كل اتنين مثلا ملاحة طعام واحدة.
الخطوة الثالثة
تنسيق أطباق الطعام على السفرة
دي بقى في منتهى السهولة جدا وكل الحكاية إنك تحطي من كل صنف طبقين طبق في بداية السفرة وطبق في نهايتها.
وبكده تكوني فعلا رتبتي سفرتك بمنتهى البساطة والشياكة.
http://www.openiu.com/upload/071003/13321669784702ea0b8cad0.jpg
لأنه مش معقول بعد الوقوف على رجلك طول النهار والتعب اللي تعبتيه في عمل الأكل..
تييجي على الآخر وترصي الأكل كده من غير ترتيب...
علشان كده هنقول لك دلوقتي في 3 خطوات وبس إزاي إنك ترتبي السفرة بتاعتك بشكل شيك جدا يفتح النفس على الأكل.
نشوف مع بعض
_ _ _ _ _ _ _ _ _ _ _ _
الخطوة الأولى
زيني السفرة
شوفي يا ستي بعد ما تخلصي الأكل أو أثناء ما الأكل بيستوي ابدئي في تجهيز السفرة بتاعتك عن طريق إنك تجيبي مفرش أبيض مكوي وتحطيه على ترابيزة السفرة وبعد كده تجيبي أطقم مناديل السفرة وتحطيها بأي شكل إنتِ عايزاه، وخدي بالك إن ألوان المناديل تكون مناسبة للديكور ومناسبة لألوان مفرش السفرة.
وفي حاجة كمان شيك جدا ممكن إنك تعمليها وهي إنك تزيني السفرة بتاعتك بإنك تحطي في وسطها فازة فيها باقة من الورد سواء الطبيعي أو الصناعي لأن ده هيدي منظر شيك جدا وهيفتح النفس على الأكل وخدي بالك كمان إن باقة الورد دي ما تحجبش رؤية المدعوين لبعضهم البعض..
الخطوة التانية
ترتيب أدوات السفرة بشكل متناسق
طبعا هتسألي نفسك وتقولي إيه هي أدوات السفرة؟؟ وإزاي يكون شكلها متناسق؟؟
شوفي يا ستي أدوات السفرة دي زي الشِّوك والمعالق والسكاكين وكوبايات المية وملاحات الطعام...
ووضعها بشكل متناسق يعني مش مجرد إنك ترصي الأدوات دي على السفرة من غير أي ترتيب..
وعلى فكرة في طرق كتير جدا لترتيب أدوات السفرة بس احنا هنقول لك دلوقتي على الطريقة البسيطة والشيك في نفس الوقت...
بصي يا ستي بالنسبة لـ:
• الشوك والمعالق والسكاكين
خدي بالك وأنتِ بتحطيها أن لا تبتعد حافة مقابضها أكثر من 2 سم عن حافة السفرة، وده علشان تكون في متناول اليد وعلى فكرة عدد المعالق والشوك والسكاكين بيعتمد على عدد المعزومين وعلى الأصناف المقدمة يعني لما هتقدمي أكتر من صنف زي مثلا "لحمة وفراخ" يبقي هتحطي قدام كل فرد سكينة للحمة وسكينة للفراخ...
السكاكين: تحطيها ناحية اليمين ويكون وشها ناحية الطبق وده علشان تكون مناسبة للشخص لما ييجي يمسكها.
الملاعق: حطيها إلى يمين الطبق بعد مجموعة السّكاكين وتُتَكَوَّن من معلقتين معلقة للشوربة ومعلقة كمان لأي صنف موجود بتستخدم المعلقة فيه للأكل.
الشوك: حطيها إلى يسار الطبق وتكون أسنانها متجهة إلى أعلى وممكن إنك تحطي ثلاث شوك مرتبة من الخارج إلى الداخل شوكة السّلطة وشوكة للمكرونة على سبيل المثال وفي النّهاية شوكة للحمة أو الفراخ المقدمة.
• كوبايات المية
حطي كوبايات المية ناحية اليمين وخدي بالك إنك تحطي كوبايات مية بعدد المدعوين يعني يكون قدام كل واحد كوباية مية بالإضافة إلى كوباية كبيرة تحطيها في منتصف السفرة.
وخدي بالك إنك تملي الكوبايات دي قبل الضيوف ما ييجوا.
• بالنسبة للأطباق وملاحة الطعام
حطي الأول الطبق الأكبر للوجبة الرئيسية ويكون مسطحاً وفوقه طبق أصغر خاص بالسلطات وبداخله طبق أصغر عميق للشوربة.
وخدي بالك إن في طبق صغير تاني هتحطيه والطبق ده خاص بالخبز والزبدة أو الحلويات على الجانب الأيسر من الطبق الرئيسي.
وياريت إنك تحطي بجوار كل اتنين مثلا ملاحة طعام واحدة.
الخطوة الثالثة
تنسيق أطباق الطعام على السفرة
دي بقى في منتهى السهولة جدا وكل الحكاية إنك تحطي من كل صنف طبقين طبق في بداية السفرة وطبق في نهايتها.
وبكده تكوني فعلا رتبتي سفرتك بمنتهى البساطة والشياكة.
http://www.openiu.com/upload/071003/13321669784702ea0b8cad0.jpg