شاعر الملك هو الدكتور الشاعر حمد بن وصل العصيمي - معلومات - قصائد شاعر الملك - يوتيوب الفائز بلقب شاعر الملك الشاعر حمد وصل العصيمي - صور شاعر الملك [الأرشيف]

غادر

11-29-2011, 09:56 PM

شاعر الملك هو الدكتور الشاعر حمد بن وصل العصيمي - معلومات - قصائد شاعر الملك - يوتيوب الفائز بلقب شاعر الملك الشاعر حمد وصل العصيمي - صور شاعر الملك
http://www.alapn.com/upload/u43_954f1478867549a890b07c6b833e101amlk.jpg

صور الشاعر
http://www.tanomah.com/magz/contents/albumsm/6998.jpg

http://a1.sphotos.ak.fbcdn.net/hphotos-ak-snc7/309843_148147155275693_100002412294154_243168_2002 181594_n.jpg

http://www.tanomah.com/magz/contents/albumsth/6999.jpg

قصائد الشاعر حمد بن وصل العصيمي

البيرق اللي كلمـة التوحيـد فوقـه والرسـول
الكلمتيـن اللـي نقـدس لفظهـا وحروفـهـا

بيرق عيال اللي سرى ليله على كـور الذلـول
كن الحصى يشتب نـار ليـا وطتـه خفوفهـا

الموت ماردها وهي ماهي عن المـارد جفـول
اعطت نحرهـا للمنايـا وذخـرت سرجوفهـا

صولة وجولة كونت دولة عساهـا مـا تـزول
ولا تغيرهـا صواديـف العبـر وصروفـهـا

دار ٍ غلاها عندنا ما يقبـل انصـاف الحلـول
مغروس باقفاص الصدور وحافظينـه جوفهـا

فيها الزعيم اللي كلامه فعـل وافعالـه تقـول
ان المناصب مـن وصوفـه تستمـد وصوفهـا

السيف قاطع والمليك القاطـع البـر الوصـول
راعـي يميـن ٍ تاصـل ولا ينقطـع معروفهـا

واخوانه اعوانه كعام الروس ماضيـن الفعـول
موطية هامـات روس الشـر تحـت كتوفهـا

واخص ابو خالد وابو خالد عسى عمره يطـول
غانم وسالـم مـن مقاديـر الدهـر وصدوفهـا

راع اليدين اللي على المدات ما تقصر تطـول
كن السحايب بيـن اصابعهـا وبطـن كفوفهـا

تعقل مطاليـق بنداهـا الغمـر وتفـك معقـول
من تحت قوم ٍ جردت يوم القصـاص سيوفهـا

يا مرحبا حييت يا مـن فيـك حيـرت العقـول
وابكيت فـي غيبتـك سكـان البلـد وضيوفهـا

قلوبنا بصدورنا تركض مثل ركـض الخيـول
خطوة رجاها فيك تبعد منـك خطـوة خوفهـا

والبحر والبيد الوسيعـه والنوايـف والسهـول
والكعبة اللي كل مسلم فـوق الارض يطوفهـا

ماهي على خبرك( تراها في مطارات الوصول)
تبغاك مـع مستقبلينـك بـا العيـون تشوفهـا

غادر

11-29-2011, 09:59 PM

قصيده للشاعر الدكتور /حمد وصل العصيمي

سرى بـــــــــــــــرق الحجاز

ذلولي يا ذلولي درهمي بي والدروب اثنين

ترى اية درب تعطينه على العليا موديني

ابنزل بك مكان ما نزل فيه الشريف حسين
ولا وصله ملوك ولا تحلوه السلاطـــــيني

مكان ما يليق الا براع السيف ابو حدين
وانا راعيه واعرف كيف اقل السيف بيديني

ذلولي بعد ما صليــــــــــــــت لله والعرب غافين
ونا مت كل عين وروح من الليل ثلـــــــثيني

قريت الراجفه والزلزله والقا رعه والتـــــــين
(والم نشرح)(وتبت) والفلق واكملت يا سيني

وقلت ارتاح من دنيا العنا يا الله عساك تعين
واعوذ من الشيا طين ومن عيال الشيا طيني

ولكني حلمت بحلم مدري زين والا شــــــــين
ولا ادري حلم والا علم مير العلم ناصـــــــيني

حلمت ابنت عذرى جات في صورة قمر عشرين
تحلت بالجمال وعمرها خمســـــــه وعشريني

وقلت الها هلا يا مرحــــــبا بك يا احمر الخدين
انا قلـــــــــبي هواوي والحلا والزين يغريني

تعالي واقربي مني وخلي ليلـــــــــــنا ليلين
على درب الشرف والعز اســــــليك وتسليني

تبسم ثغرها اللـــــي فيه من لول البحر عقدين
وقالت عـــــــــشت(راعيها) وانا ربي يحييني

ولكنك تركد لا تــــــــــــــــــسرع والتركد زين
انا ما جيت غير الدم يغلي في شرايــــــــيني

وصلتك بعد ما ســـــــــــيرت للاقصين والادنين
ودلوني على درب الطـــــــبيب اللي يداويني

انا حامل وفي بطــــــني عجوز وعمرها ستين
وبا التحديد والتدقيق قل ســــــبعه وستيني

وفي بطن العــــجوز عيال لو عدو يجون الفين
ونص عيالها ف البطن صاحين ومجانيــــــــني

وجيتك با المــــــــطمه مير اخاف ان العلوم تبين
لكن اما تحل المشكله والا تخليــــــــــــــــــني

وقلت الها ابشري با للي تبــــين وحلها بعدين
ليا صار العجاج ركووود قرن الموازينـــــــــي

سمعت اعلومك اللي جاتني مير اسمعي ذلحين
كلام ما كتبــــــــته قبل اشوفك في دواويني

انا حالم بحلم ولا نســـــــــيت الحلم من يومين
ابيك تفسرين الحلم يا ســـــــــــــتت المزاييني

حلمت بيوج مع ماجوج جونا من جبال الصــين
مية مليون والرجال منهم قيــــــــــــس شبريني

يسفون التراب ويزحفون ويلحسون الطـــــــين
ومن مر المراغه ما سلم ثوبه من الطينـــــــــي

وانا احسبهم بعد جونا يخلون البــــحور طحين
وراحو مثل حـــــــــبات الذره تحت الطواحيني

وضحكت لي وقالت ( يا المصيبه جبتها من وين
اثرك الداهيه؟ قلت ايه عاش اللي مســـــميني

صراحه ما يفـــــــسر حلمك الا الشيخ ابن سيرين
وابن سيرين مات وباقي كتـــــــاب ابن سيريني

اجل يا بنت غير المطلب اللي قيل وش تبغين؟
انا رجال عجل وكثر هرج الغــــــــــــيد يلهيني

تثنت ثم قالت ودي اســـــــــــــمع منك لوبيتين
وابيها فا الفخر لو بيت واحد منك يكفيــــــــني

وقلت الها ابشري تكرم مدينه لاجل خاطر عين
على شرط ان سمعتي وقفي ساعه وحييني

انا يا بنت من شــــــــــجرة عتيبه مقتضين الدين
بعيدين المدى لطم العدى سم المــــــــــــعاديني

هل السيف المحنا لا تلاقى الــــــــــصف والصفين
هل الهيله رجال الحرب ملحقة المخــــــــــــــــليني

لنا العليا وحنا الاولين وغيرنا التـــــــــــــــــالين
على مد النظر تلقين عزوتنا وتلقيـــــــــــــــني

تعرفين القبايل وانــــــــــشدي راكان ابن حثلين
ومحسن والدويش وراجعي شيخ القحاطــــــــيني

اخذنا قســـــــــــــــمنا وافي ولا اذم العرب وافين
خذو واعطو وقنعو واقتنـــــــــــــعنا با لبراهيني

ولا اســــــــــــــب القبايل كلها وقت القسا واللين
انا رجال اعرف الطيبه والزين والشيــــــــــــــــني

وقالت لي عليك الله وش خليـــــــــــــــــت للباقين
كفى ما جا دخيلك لا تولعني وتشـــــــــــــــقيني

كفى ما جا لكن اختار في وحده من الثــــــــنتين
ترى مالك مجال الا تخير بين ثنتــــــــــــــــيني

غزل والا هجا قلت استوت يا راعي المرتيــــــــن
عليها ركب الحبه على روس النياشيـــــــــــــني

مقابيس الغضب برق ورعد والقاســـــــــيات تلين
تلين القاسيات وتخشع قلوب المســــــــــا كيني

سرى برق الحجاز من الحــــــجاز ليا بحر قزوين
وكم بعد الطريق من الحـــــــــــجاز لبحر قزويني

لمع من وســــــط مزن شللت ما ها على الضلعين
عسا ها تروي الظميان من ما ها وتروينــــــــــي

يسوقنه هبوب الريح نوب يســــــــــار نوب يمين
يغسل الارض ويقض الحــــــــــجار من الضلا عيني

بعد ليله حدر ســــــــــــيله وقش اهل المعز والضين
وراحو واما انا ســـــــــــــــــالم ولا راحت بعاريني

وانا من خلقـــــــــتي ما احد سكيني على ام قرين
ولكن جا بها الله وبحثت عن حد سكـــــــــــــــيني

من اللي حدها بيدينها تبحث عن الســــــــــــــــكين
ولولا الحظ ربي ما عطا ها راس وقرينــــــــــــــي

ولا اصـــــــــــــيد الجراده لوقعدت بلا عشا شهرين
الي يمنى طويله وان قلطت ابها تعــــــــــــشيني

وانا يا بنت ما احب الشـــــــــــــمات وتبعة المقفين
ولكن حدني للعلم صعلوك متقفـــــــــــــــــــــــيني

قليل الاصل ملـــــــــــــــعون الصلايب هامل الجدين
لك الله ما البسه حذيان ( في حضرة كراعينـــــــي)

ولا يكرم ولا يحشم ولكن تكرم الرجلــــــــــــــــين
عن اشباه الرجال اعز روس اقدام رجلـــــــــــــيني

قليل احـــــــــــــــسان خبث لسان لا مله ولا له دين
صحيح ان الــــــــــــــــعجم والترك لا مله ولا ديني

على خير اخذ اخبــــــــــــــار الغليم بعد عشر سنين
هذا العام الجبل يا بنت فوقه ذيب وحصــــــــــــيني

اعرف الذيب با سمه ما جهلته والحصـــــــين حصين
وقالت ردها قلت اصـــــــــــــــبري ما عاد يمديني

على روس الجبال النايفه ينعق غراب البين
وانا ما وحيت صوته والجبل ما بينه وبيني

مصير الحي يلقى الحي والحظ يجمع الحيين
وابيعه واشتريه وقيمته فا لسوق قرشيني

على بسطة رصيف وكل سلعه سعرها قرشين
وانا عن راعي القرشين تغنـــــــــيني ملاييني

صغير السن لو يكبر ويا صل عمره التسعين
يعيش يموت لكنه صغير في نظر عيــــــــني

كتبت اسمه واسم جده وابوه وكلها حرفين
ولو يقدر يفك رموزها با لله تصحيــــــــني

وصاحت حل مشكلتي وقلت احلها بعدين
ليا صار العجاج ركود قرن الموازينــــــــي