المساعد الشخصي الرقمي

مشاهدة النسخة كاملة : رأي - مدونة " ود "


Louishic
01-09-2012, 10:40 PM
إذا ممكن ؟

ماتحطون صور فنانات
يعني هن قدوة للنساء ؟ لاوالله

إذا ودكم تحطون صور نساء ؟ هذا شيء يرجع لكم
بس تكون صور عامة



المعذره بس مااعرف وين مكانه المناسب 

ولكم الشكر
ود

alfares
01-09-2012, 11:01 PM
جزيتي خيرا استاذة ود
من المتابعين لعظم فكرك وتعليقاتك
وانني ارقب ذلك اليوم الذي تكوني فيه احد اعضاء اشراق واوفياءه


ملاحظتك
جعلها الله في ميزان حسناتك

الصور ونشرها حازت على اختلاف علماء المسلمين
البعض اجازها والبعض استكرهها والبعض حرمها

مقصدنا من عرض بعض اسرار الفن الغنائي والتمثيلي
هو تعرية هذا المجال القبيح وكشف زيفه وبريقه الخدّاع وبواطنه امام المتلقين
ومن وجهة نظري ان هذه رسالة مهمة لابد ان نؤديها عبر المنتديات!

لكِ التقديرالاحترام

Louishic
01-09-2012, 11:32 PM
الله يخليك أستاذنا ومعلمنا

أنا ترا مااقصد المواضيع وانا اوافقك بكلامك
الي اقصده صور الاعضاء


ود

Louishic
01-09-2012, 11:50 PM
رمي ؟؟؟

هو أنا الي كتبتها بالخطاء ! مااعتقد 
ولا انتم حطيتوها ؟

<<< وحده ماودها تعترف بالخطاء

ود

alfares
01-09-2012, 11:58 PM
فعلا هن لسن قدوة ولايمثلن من يرمزن بهن
لكن ربما تكون حرية شخصية لايمكن ان نقف في وجهها مهما كان
ونحن علينا النصح والارشاد


لم افهم قصدك من كلمة : رمي
بحثت عنها ولم اجدها ^_^

غادر
01-10-2012, 12:01 AM
يمكن يكون اعجاب في الشخصية فقط
مثل بعض الشباب يحطو صور شعراء او فنانيين
وهي على اسمها رمزية

وجزاك الله الف خير اخت ود

تقبلي مروري

Louishic
01-10-2012, 12:09 AM
معلمنا قل والله انه مافيه كلمة رمي ؟ 

<<< طيحت الميانه من الخوف 
<<< راحت تغسل عيونها
>>> رجعت وكلمة رمي موجوده *

alfares
01-10-2012, 12:14 AM
هههههههههههههه
وينها يابنت الحلال

قلبت الصفحة مالقيت لارمي ولامسدس ^^


وينها بالضبط ؟

Louishic
01-10-2012, 12:17 AM
يمكن يكون اعجاب في الشخصية فقط
مثل بعض الشباب يحطو صور شعراء او فنانيين
وهي على اسمها رمزية

وجزاك الله الف خير اخت ود

تقبلي مروري

يعجبني اسمك فهد عشان اسم واحد قريب لي 


صحيح كلامك بس الي هم مختارين تسبب غثيان
<<< مابقى الا يشاورونك !

<< راحت تدور صورة خالد عبدالرحمن 

ود

Louishic
01-10-2012, 12:31 AM
هههههههههههههه
وينها يابنت الحلال

قلبت الصفحة مالقيت لارمي ولامسدس ^^


وينها بالضبط ؟


تقول وينها ؟ ماادري
لاتكونون مطفين النور ؟ وشفت انا كلمة طايحتن منا ولا مناك
وأحسبها هي

الله يستر لاتكون تعلقت فيني رمي؟

<<< تذكرت الضب 

غادر
01-10-2012, 12:56 AM
هههههههه
مافي رمي ياود

ونبي قصة الضب اللي تعلق فيك ههههههههههه

الله يرج ابليسك
اتخيل الضب متعلق في خشتك

نظرة حياء
01-10-2012, 01:30 AM
جننتو ضيفتنا الله يهديكم فيه رمي هنا
رمي يا شباب موجوده كلمة دلاليه على الموضوع
مو اول مره ياود الكلمات الدلاليه تقلب الالف ميم
يعني عادي من نفسها تغير الحروف
ايش رايك نرفع عليها قضيه ^_^

نرجع للصور اعتقد اشراق من اقل المنتديات استخداما لصور الفنانات كصوره رمزيه
وهذا من اهم اسباب شعوري بالراحه فيه
وفقك الله الجميع لكل خير وجزاك الله الجنه على حرصك

غادر
01-10-2012, 01:58 AM
اهاااااااااا

وربي انتي قوية ملاحظة يامامتي

Louishic
01-10-2012, 02:43 AM
هههههههه
مافي رمي ياود

ونبي قصة الضب اللي تعلق فيك ههههههههههه

الله يرج ابليسك
اتخيل الضب متعلق في خشتك

لاوالله يتعلق بخشتك <<< عصبت 

قصة الضب الله يسلمك ... ولا تدري هونت اقول القصه
إن شاء يتعلق بخشتك <<< مانست كلامه 

Louishic
01-10-2012, 02:51 AM
وياااك يانظرة

اعرف انه فيه تغيير بحرف بدل ثاني



صحيح مافيه كثير
بس النوعيه


نحط ورد ولا اطفال هو فيه أحلى منهم 
ولا خيووول. 



ود

Louishic
01-11-2012, 10:58 PM
مديرنا الفارس ؟

ليييه الردود الخاصه فيني ماتظهر ؟
لايكون صدر مني شيء يغضب الخاطر ؟


ود

Louishic
01-13-2012, 03:28 AM
ودي يكون لي صفحه خاصه فيني
اكتب فيها اي شيء يخطر على بالي
وين مكانها المناسب ؟

بس على شرط تكون ظاهره مو تخفونها مثل بعض الردود
أخاف اجي ماالقاها ولا مااشوفا

<<< تراها تدق بكلامها السابق على المدير شخصيا 

ود

( رد الادارة : نتشرف بك اختي ود ولكن لابد ان يكون لك عضوية في اشراق حتى يكون مدونة خاصة في قسم مدونات الاعضاء )

Louishic
01-21-2012, 06:53 AM
إذا سمحتواااا لي
تكون هذي صفحه خاصه فيني
أكتب الي ودي اقوله أو أشارك فيه
وتشاركوني الرأي
تميل نفسي للأخذ والرد
غير أني أحب النقاش بس بدون التعرض للشخص نفسه

ود

Louishic
01-21-2012, 07:15 AM
وحتى تصدر الموافقه ...

لكم مني ...



يا أيها العشّاقْ، لا قبلي ولا بعدي ولا مثلي عشقْ*
إني أنا المفتونُ والمجذوبُ في أحلى حبيبٍ قد خُلِقْ*
لا تسألوني منْ يكون*
هذا الغرامُ العاصفهْ*
جرفَ الرّكامَ بداخلي ثم استراحْ*
أزِفَتْ بقلبي الآزفهْ*
لما رأيتُ بأنه عَشِقَ الجراحْ*
لم أشكُ من سهدٍ ولا عزّ يُباحْ*
****
هل تذكرين الأمس حين توسلتْ*
عينان من فرط الجوى*
بين التولّهِ والذهولْ*
لما دوى صوت النوى*
وكأنه صوت الردى*
حان الرحيلْ*
حان الرحيلْ*
وسمعت صوتك كالغريقْ*
نادى لينقذه غريقْ*
هل نبتعدْ؟*
وبُهِتُّ من هَوْلِ السؤالْ*
ورأيتُ أنَّ الكونَ طيرٌ يرتعدْ*
ومضى يبعثرنا الطريقْ*
وتعثرتْ قدمي على دربِ الشجونْ*
وعرفتُ أني لا محالة سائرٌ نحو المنونْ*
ولمحتُ أسرابَ المحالْ*
في الأُفقِ تصرخُ بالمآل*
لا بدَّ يوماً نبتعدْ*


*
*



د .. عبدالعزيز خوجه



ود

Louishic
01-22-2012, 06:21 AM
اممممم مارديتواااا علي

تراني وحده مسالمة جدا
أعرف الأصول واعشق التعامل بها


أنا يمكن ماني معروفة للجميع
لكن أنا متأكده اني قريبة منكم
عشاني اشبه الكثير منكم
او فيني أشياء تشبهكم



قلبي كبير
وهذا عيب فيني وخاصه في هالزمن



دمعتي قريبة ...
سريعة التأثير


وصباحكم ورد
وسعاده أن شاء الله



Louishic
01-22-2012, 06:35 AM
أتابع الشعر بجميع أشكاله وألوانه
أحرص على القراءة أكثر من اني اسمعه بصوت الشاعر
احب افهمه بطريقتي

القصيدة لما تكون أمامي احسها انسان .. عشان كذا تلقاني أخذ معها
واعطي .. اتحاور معها .. أناقشها
وقتها أنسى كاتبها تماما


الكثير يفهمني غلط بهالجزئية تحديدا
بعض الشعراء والكتاب يتصور ان الرد خاصه فيه
وهذا أبدا مو صحيح




تزيد سنوات عمري
ومع هذا قلبي لازال قلب طفلة
تفرح بأي شيء
تخجل من اي شيء
الرد الغاضب يزعلها وكثير أوقات يبكيها




Louishic
01-22-2012, 06:45 AM
آآأه من قلبي يوم يضعف
وآآأ من الظروف لماتحدني على شيء أنا ماني مقتنعه فيه



وآآآه منك يازمن




كل انسان فيه جانب صالح وجانب سيء
وبعضنا يغلب جانب على الأخر


بعضهم يفرح من كلمه
ويمكن تزعله نفس الكلمه

وكلمه ثانيه يمكن تخليه يطير معها بالفضاء



مشكلتنا نكبر بس داخلنا أطفال



بتقولون طيب حنا وش دخلنا برأيك
ولا تفاصيل حياتك ؟ ولا تحليلك لنفسك؟


اقووول صحيح مالكه دخل
بس يمكن بعضكم تحاكي شيء بداخله
يلقى فيها مايشبهه


يكفيني منكم سماحكم لي بأني أشارك معكم



Louishic
01-22-2012, 06:56 AM
قلبي مليان دموع
وعيوني حزينه

عمركم سمعتوا قلب مليان دموع ؟ هذا هو قلبي
من كنت صغيرة يبكيني أي شيء أي تصرف اي منظر
وبنفس اللحظه تلقاني يمكن أبتسم من كلمة


تناقض غريب في داخلي

فيني براءة الطفلة
وفيني إغراء الأنثى


قلت لكم فيني تناقض عجيب



Louishic
01-22-2012, 06:59 AM
لي لكم لكل من مر من هنا




لا تخفي ما فعلت بك الاشــــواق
وإشرح هواك فكلنا عــــــــــشاق
فعسى يعينك من شكوت له الهوى
في حمله فالعاشقون رفــــــــاق
لا تجزعن فلست اول مـــــــــغرم
فتكت به الوجنات والاحـــــــــداق
وإصبر على هجر الحـــــــــــــبيب
فربما عاد الوصال وللهوى اخلاق
كـــــم ليلة اسهرت احداقي بها
وجـــدا وللأفـــكار ذي احــــداق
يارب قد بعد الذين احــبهم عني
وقــــــــــــــد الفى الفــراق فراقِ




Louishic
01-22-2012, 07:11 AM
حروفي وكلماتي بسيطه جداً وسهله
تشبهني تماماً ...

بس تحمل بداخلها الصدق
صدق مشاعرها
صدق رأيها




قلبي من عرفت نفسي ..
وهو ينزف ... ما قدرت ألقى طريقة توقف نزفه
كبرت ... ومع هذا ماكبر فيني إلا الجسد
لكني كل مافيني بقى ...



أشتاق لحضن أب حتى أشعر بالآمان
ودي أتخبى بصدره
عن الناس عن الزمن

عن كل شيء




Louishic
01-22-2012, 11:47 AM
أوقات تتزاحم العواطف والكلمات بداخلك
وأوقات يجف كل مافي داخلك

مو معناه ان عاطفتك طاغية وواضحه
انها محصوره برغبتك الجسدية فقط لإنسان اخر


العاطفة معناها أكبر من مانتصور

Louishic
01-22-2012, 12:26 PM
كونك انسان عاطفي معناه تحب الحب وتعيشه لانه نوع من أنواع الجمال
وهذا يدل على جمال روحك

تحب الأطفال
كل منظر جميل
كل تصرف راقي
حتى الصدق هو نوع من أنواع الجمال
والدليل على هذا مو الكل يقدر يكون صادق

تحب عاطفتك يوم توديك وتوصلك لروح ثانية .. مع انها بعييييده عنك
الا انك متمسك فيها

Louishic
01-22-2012, 03:19 PM
عندي سؤال ولا إستفسار
الواتس آب انحذف من جوالي
كيف ارجعه ؟

تعودت عليه طول الوقت سوالف مع خواتي
وزميلاتي .. وتبادل أخبار مصوره وغير مصوره 

بالله كيف ارجعه
ولا ارسله لكم تضبطونه لي 


تحيات ود

غادر
01-22-2012, 03:37 PM
حمليه من الاب ستور اذا جهازك ايفون
او من هالرابط
http://arabfire.com/تحميل-واتس-اب-مسنجر-للايفون-والايباد-م/





واذا نوكيا
هذا الراااابط
http://arabfire.com/تحميل-واتس-اب-مسنجر-لجوال-نوكيا-whatsapp-messenger-nokia/

غادر
01-22-2012, 03:39 PM
اعجبتني خاطرتك هذي:


أتابع الشعر بجميع أشكاله وألوانه
أحرص على القراءة أكثر من اني اسمعه بصوت الشاعر
احب افهمه بطريقتي

القصيدة لما تكون أمامي احسها انسان .. عشان كذا تلقاني أخذ معها
واعطي .. اتحاور معها .. أناقشها
وقتها أنسى كاتبها تماما


الكثير يفهمني غلط بهالجزئية تحديدا
بعض الشعراء والكتاب يتصور ان الرد خاصه فيه
وهذا أبدا مو صحيح




تزيد سنوات عمري
ومع هذا قلبي لازال قلب طفلة
تفرح بأي شيء
تخجل من اي شيء
الرد الغاضب يزعلها وكثير أوقات يبكيها




Louishic
01-22-2012, 03:49 PM
[QUOTE=فهد عبدالعزيز الفهد;773526]حمليه من الاب ستور اذا جهازك ايفون
او من هالرابط
http://arabfire.com/تحميل-واتس-اب-مسنجر-للايفون-والايباد-م/




جوالي اي فون
وقبل هالمره حملته
بس هالمره ماقدرت


تعتقد مل مني وانحرف بكبره ومن جذوره ؟ 

Louishic
01-22-2012, 04:06 PM
اعجبتني خاطرتك هذي

يسعدني رأيك
ويشرفني تواجدك



ود

Louishic
01-22-2012, 08:53 PM
نرجع للشعر ...

الشعر أنواع وكل نوع له معجبيه ومتابعيه
كل الأنواع تعجبني إلا المدح والذم احس صاحبهم
ينظم الشعر لهدف في نفسه هذا غير انه يقول كلام ماهو مقتنع منه
او يقوله بلحظة غضب اولحظة خضوع

Louishic
01-22-2012, 09:01 PM
من الشعراء الي تعجبني أغلب قصائده
مع اني مالي شاعر محدد بس هو الي اتابعه

خالد الفيصل .. يعجبني طريقته بالوصف
فيها إحساس قصائده وفيها روح
مع هذا ملاحق سماع قصائده منه


هو الي يقول :

هل رذراذك على روض الحشـا
ربِّع بقلـبٍ دوامٍ لـك شبـاب
*

Louishic
01-22-2012, 09:04 PM
مانسيتك ياهـوى بالـي حشـا
حبَّك بروحـي وبالخفـاق ذاب

عادنـي شـوقٍ قديـمٍ وانتشـى
في هواكم مولـعٍ ماقـط غـاب

لـو غشانـي بالمـودَّه ماغشـى
أشتهي فيك الهوى لو هو عـذاب

Louishic
01-23-2012, 08:07 AM
* ليس معنى أن الانسانه المثقفه ذات العقل الراقي عندما تتخاطب بكل سمو وعلوّ وجمال أدبي وروحي مع الكتّاب أنها ( تُحبّ وتعشقّ) .....


أنت .. لافض فوك .. ولا أحد غيرك


صحيح ماقلته عن الشك
إذا كان الانسان رجلا كان او امرأة .. قلبه مفتوح على مصرعيه
يدخل به من يشاء ويعبث به من يشاء .. فهذا والله مكان أخر غير القلب


القلب صندوق محكم الأغلاق صعب فتحه
فكيف بالدخول اليه ...

هل كل من مازحته ، مدحته ، جاملته ، صار حبيبا
هل كل من أعجبك كتاباته أو طربت لقصائدك .. أتخذته حبيب ؟

اي حب هذا
وأي قلب تحمل


الحب شيء أخر مختلف
لغته لها شفرتها الخاصة .. لا يعرفها إلا روح أخرى في هذا الكون

اما الكتابة والقصائد فهي لغة مفتوحة للجميع



تحيات ود

alfares
01-23-2012, 09:54 AM
تم اعتماد مدونتك الخاصة ياود
ونقلها لقسم المدونات
هنا فقط نقرأ لك
لن يستطيع احد الرد غيرك

بالتوفيق

Louishic
01-23-2012, 10:56 AM
تم اعتماد مدونتك الخاصة ياود
ونقلها لقسم المدونات
هنا فقط نقرأ لك
لن يستطيع احد الرد غيرك

بالتوفيق


لك الشكر .. أنت أستاذ ي ومعلمي



Louishic
01-23-2012, 11:49 AM
وقت شعورك بالحنيييين تجاههم ..
وبنفس الوقت مابيدك حيلة
مالك إلا الصمت


شعووور جارف
مافيه شيء يقدر يوقفه
ولا يوقف بطريقه
ولا تقدر توصفه
ولا تتحكم فيه

هذا هو الحنييين لهم

Louishic
01-24-2012, 06:11 AM
يالله صبح خير

سبحان الله
سبحان الله
سبحان الله

Louishic
01-24-2012, 06:21 AM
عجزت أكتب ولاحرف
مع ان قلبي مليان كلام


تلومني ليه أحبك ؟
وليه متعلقه فيك
وليه انت دايم على بالي
ولييه أنا متمسكة فييييك

لوم الظروف الي جابتك في طريقي
لوم قلبي كيف ما اقتنع الا فيك
ولا سمح لغيرك يسكن فيه


يمكن هو أصدق مني واعرف
يمكن هو شايف شيء أنا مااشوفه



ود

Louishic
01-24-2012, 06:25 AM
يعني نايم ؟ ومخليني لحالي ؟
حتى النوم ماابيه يأخذك مني

ابيك دايم معي حاضر
احس اني بوجودك اتنفس


وربي اني اتنفسك كل لحظه
اعيشك / اتخيلك

Louishic
01-24-2012, 06:39 AM
كنت دايم اسمع وحده دايم تتكلم عن حب مضى في حياتها
وتقول لايمكن انساه وكل كالكفر يزيد حبه ويثبت اكثر
وكنت ليؤلف معها وأقول معقول مع هالوقت مانسيتيه !
قالت احد ينسى حبيبه كل من له حياته

هالكلام قبل ...


الحين توني اصدق واقتنع
وش الي يخليك تنسى حبيبك ؟
ولا قلبك يتوقف عن حبه
ولا روحك كيف تنتزعه منها بعد ما تكامل معها واندمج بتكوينها
وأختلط مع كل ذره فيها ؟


ان عمرك يزيد سنوات
ان شعرك يخالطه بياض

وغيرها من الاسباب والمسببات ؟

كل هالاشياء مالها دخل لا .. بالقلب ولا بالروح
هذي اشياء وتغييرات تحصل لكل انسان
تغييرات ظاهرية .. من سنن الله بهالكون



Louishic
01-24-2012, 06:51 AM
أستاذنا ومعلمنا الفارس

رسالة خاصه لك
لانك مؤسس الموقع والمسؤول عنه

أفوضك واتمنى عليك

أي كلمة تشوف اني كتبتها ومن موقعك تشوف انها ماهي مناسبه
أحذفها .. بدون ماترجع لي

أي فكرة تشوف ان طرحها مو مناسب هنا
يمكن تناسب في مكان أخر
كذلك احذفها

يهمني بالدرجة الاولى رضاكم عني
ودعواتكم لي
وراحتكم للتعامل معي


بس لي طلب ...
أنا ماقد كتبت وحفظت مااكتب
ولا قد كتبت وراجعت الي اكتبه
مخليه كل شيء يطلع بوقت إحساسي فيه
احساسي وصدق مشاعري هي الي تكتبني

عشان كذا إذا فيه امكانية ؟ الاشياء الي تحذفها
تعطيني خبر عشان ترجعها لي  بعد ماتشوفها
وترجعها لي

<<< بدت خرابيط الحريم
تحسبها تطلب إسترجاع صحن ولا بيالة 


ود بنت أبا الود

Louishic
01-25-2012, 12:37 PM
زعلاااانه
زعلاااانه
زعلاااااااانه

ودي احد يراضيني
يمسح الدمعه من عيني
يحيي فيني الأمل
يجدد لي حياتي

يأخذني من نفسي
يكلمني ويسمع لي


<<< الحمدلله تبي تستمر بقلب واحساس طفله
>>> 



كل واحد فيكم بداخله يتمنى مثل ماااتمناه
كل واحد داخله طفل
يستمر يبحث عن قلب يفهمه
ويعرف كيف يتصرف معه

Louishic
01-25-2012, 02:09 PM
من زماااان وأنت بقلبي
يمكن من قبل ماأجي للدنيا

يعني مني وفيني
من تكوين قلبي



بتستمر بداخلي
أنبضك
أتنفسك


طول مافيني نفس
وطول ماهالروح داخل هالجسد

Louishic
01-25-2012, 02:14 PM
تصورت اني لما أكبر ويتقدم فيني العمر
ان كل مافيني يتخلى عني
ولا أنا ماراح يكون من أهتماماتي

بلحظه تصورت هذا


تقدمت سنيني
وتخليت عن كل شيء
وصار وراء ظهري
بقتناع مني ولا غصب عني
كل شيء تركته
أهتمامي بنفسي
لبسي
كل شيء .. كل شيء

إلا شيء واحد
هو أنت ... ماقدرت
وربي ماقدرت

بس لو قدرت .. معناه موتي

Louishic
01-25-2012, 03:13 PM
.
.
.


احبك كلمه بقلبي تحبك
غارمك ما قوى صدري يشيله
وانا الي لاسجدت اسال ربك
حبيب صد عن قلبي يجيله
تذكر قلت مره احبك
عهد من يومها شايل ثقيله
وفيت ولا نسيت ايام حبك
وهذي عادت النفس الاصيله
رسمت الشوق في نبض يحبك
على لوحة حسن طيفك جميله
غروب الشمس فيها مثل خدك
مثل عين الي فارق خليله
عسى في يوم تعرف كبر قدرك
كثير الناس من دونك قليله
عيوني تحتري في الامر وصلك
واخاف ادموعها تبقى هميله




Louishic
01-26-2012, 09:57 PM
وين باقي إضافاتي
وين باقي ماااكتبته ؟


ترا خلقه فيني بكى
فيني ضيقه

Louishic
02-05-2012, 12:29 PM
ليه آخي الفارس تمنعني كل هالفترة من التواصل معكم ؟
والله كنت سعيدة بتواجدي معكم
ياليت بس وضحت لي السبب
ولو بكلمة هنا .. في مكاني
حتى أرتاح ..




Louishic
02-06-2012, 02:34 AM
حاولت أنام بس ماقدرت
فيه موضوع شاغلني ومشغلني
الله لايشغلنا إلا بطاعته ..آمين


كثير أحيان يكون داخلك مشاعر مختلفه متناقضه
ماتعرف كيف تتعامل معها ولا كيف تتخلص منها


تعال قرب مني ودي أقولك كلام ماابي غيرك يسمعه
ولا يعرف فيه
بس قرب مني أكثر .. عشان مايسمعه غيرك
ايييه كذا .. خل أقولك عن السر
بس انتبه حافظ علييه ..

الحين ابي اقوووله ..بس قرب
هات أذنك ..
ولا اقولك قرب بعد أكثر
.... ... .. ًهذا هو كلامي
وهذا الي كنت أقصده



.
.