كلنا عشاق لكن ب استخاره

[غريب الشمال]

كلنا نخشى بداية كل حب
كلنا عشاق لكن ب استخاره



ندري ان بأخر العشقه مطب
وان ذاك الحب ذاك الحزن جاره


وانا عذري للذي مثلي تعب
من شرى شي ولقآه بفم فآره


ما فهمنا بالحياه الا نسب
وماسمعنا بالوفا الا عباره


ما عرفنا لا نخون ولا نحب
و ما لمحنا لا عشيق ولا غباره


وانت يالي ماعلى مثلك عتب
ليه عينك تذرف الدمع بغزاره


من بربه يسرف ويحلف كذب
مستعده انهي علاقته ب اشاره



الخيانه لي بعينك مو سبب !
اني أبكي واشتكيك بكل ماره


نفسها كانت عناوين الكتب
الي كاتبها كتبها من مراره !


ونفسها شاعر بكى منها وكتب
ونفسها قلبي لقى فيها دماره


ونفسها ذاك الوفي منها اكتئب
وصار يسدل في محباته ستاره


لو هي فرحه ، كان صوتي ماارتعب
كان قلبي مايردد ياخساره !


لو هي فرحه ، كان بقلبها طرب
من متى والصد ياعمري بشاره !


ماعماني حبك وشفتك شهب !
لا ولاحتى بقولتنا فغاره


كنت ادري انك تحب اللعب
وانك اصل الغدر واصولك حقاره


وانت تدري ان حالي ملتهب
واغلب اوقاتي ثنايا مستعاره


كان ودي قبل جرحك ينحسب
ترحل بصمتك ، ولا تنوي غياره


ليه تجرح قبل ترحل يا عجب !
من متى والموت يعطينا اشاره

[// عين الفهد //]

تسلم غريب علي الطرح

[بــنــــدر]

عواااافي ع الطرح
لا عدمنااااك
ننتظر جديدك
الله يعطيك العافيه

[غريب الشمال]

ياهلا وغلا نورتوووو