الجبال اللي تزحـزح مـا تزيـح

[برنسيسه@]

الجبال اللي تزحـزح مـا تزيـح
والغصون أدنـى هبـوب تزولهـا

اعتنـز علـى جبـل و لا تطيـح
الجبـال تـذرّي الـلـي حولـهـا

والصراحة مزعجة وأنـا صريـح
تزعجـك مـا تزعجـك بآقولهـا

شاعر ٍ(ن) موهوب و لساني فصيح
وسابح ٍ(ن)عرض البحور و طولها

و الأفاعـي روسهـا تنـدح نديـح
والعقـارب سمّهـا فـي ذيولـهـا

ما على الدنيا ضمير ٍ(ن) مستريـح
كـل خلـق الله تـعـن خيولـهـا

ذا يـون و ذا يحـن و ذا يصيـح
و ذا يخطّـف راسهـا و رجولهـا

والشعر .. هـذا قبيـح و ذا مليـح
وكلبوهـا سـاري ٍ(ن) مفعولـهـا

اجلـد القبيـح فـي وجـه القبيـح
وقول وش رايك ..؟ و أقول أصولها

و إلا أنا ما قد مدحـت إلا المديـح
الجمـال اللـي تشيـل حمولـهـا

و الصراحة مزعجة و أنا صريـح
تزعجـك مـا تزعجـك بأقولهـا

و إلا تدري ما يصح إلا الصحيـح
خاطـب العـالم بقـد عقــولـــهـــا ..


رآقـ لـي ..فعسـى أن يروق لكـم ..

[ملاك وحبي هلاك]

يعطيك العافية عيوني

روووعة الف تحية لكِ

[بــنــــدر]

قصيدة رااائعه جدااا
راقت لي كثير
تسلم الايادي
الله يعطيك العافيه

[برنسيسه@]

مَروركم فيْضَ مَن اليْآسميَنْ

رَشه نَدِيه لحضوٍركم آلْعّذبْ

ودي لروحكم..~