alfares
12-01-2012, 12:20 PM
يارب / لي في رحاب الكون تحديقه،،
في تالي الليل ، صاحي ، والندم نابه
جفني جفا نومه وحلقي نشف ريقه
ولاغيرك اللي سجد طرفي على بابه
ماهي حكاية هواوي مع معاشيقه،،،
ولا هي حكاية وحيد انفضّوا اصحابه
هذي حكاية عمر جفّت معاليقه
ياليتها ماتخون يمينه كتابه
اطيح وآقوم واحمل حمل ماطيقه
والشيب / عكّاز ماتحلى له العابه
العمر نصفه سعي والربع تعويقه
والثمن حظ الصقر والثمن مخلابه
ياربي آعوذ بك من دمعة الضيقة
ومن القَهَر والجفا والموت واسبابه
والظلم والجوع والجهل وطواريقه
والسمعة البايره والكيد واحزابه
ومن الندم والخويْ خاين مواثيقه
وفعلي الطايش اللي ما احسب حسابه
في تالي الليل ، صاحي ، والندم نابه
جفني جفا نومه وحلقي نشف ريقه
ولاغيرك اللي سجد طرفي على بابه
ماهي حكاية هواوي مع معاشيقه،،،
ولا هي حكاية وحيد انفضّوا اصحابه
هذي حكاية عمر جفّت معاليقه
ياليتها ماتخون يمينه كتابه
اطيح وآقوم واحمل حمل ماطيقه
والشيب / عكّاز ماتحلى له العابه
العمر نصفه سعي والربع تعويقه
والثمن حظ الصقر والثمن مخلابه
ياربي آعوذ بك من دمعة الضيقة
ومن القَهَر والجفا والموت واسبابه
والظلم والجوع والجهل وطواريقه
والسمعة البايره والكيد واحزابه
ومن الندم والخويْ خاين مواثيقه
وفعلي الطايش اللي ما احسب حسابه