محاورة شقر رائعة ،للشعراء علي الزهراني و معيض الزهراني وشعلان الشمراني

[حلم سراب]

محاورة شقر مميزة ومعنى جميل
بين الشاعر معيض الزهراني والشاعر شعلان الشمراني والشاعر علي الزهراني

البدع معيض الزهراني
اهلاً *يابوحامد عدد ماي نهر وماي بور *
هات القصايد والقصايد كما صفق البحور
بعض القصايد بيت منها يوازن بيت مال*
وبعض القصايد عشرة ابيات منها بهلله

الرد شعلان الشمراني
ترى الكفو يمعيض وقت الشدايد مايبور
يطريه شعر اهل المعاريف في شتى البحور
والا النفوس المايله بالشدايد بي تمال
يقولها اللي ماربى في ظلال وبهلله

البدع علي الزهراني
حي الله اللي فعله اشد من فلج النحور
اذا بدا له بادي(ن) ما يلف ولايدور
يشيل حملن كايدن ما تقاويه الجمال
اذا تدعّى *القوم كلن يرد الوجه له

الرد معيض الزهراني
ماعاد عندي حلم غير الّتقي في الجنه حور
من كثر صدمات الليالي ودورٍ خلف دور*
القبح في عيني تساوى مع وصف الجمال*
واشوف كل الناس واحد شيابه وجهله


البدع شعلان الشمراني
بوفارس انحن ماذبحنا سوى حب الظهور
ماغشنا الا زخرف الوقت وايام الغرور
يالله دخيلك من عمى ناظرن زاد وتعال
وانت الكريم اللي درى عن خفاه ومنزله

الرد معيض الزهراني
اللي يحب الكف ياصاحبي حب الظهور
والمال ف الدنيا رفع طاري الطفل الغرور
دنيا الفنى من خلفها قبرٍ ينادي: تعال
والآدمي تحت النصايب حقيقة منزله


البدع علي الزهراني
بغيت لي ملحق ولكنّ زدت اشبكت دور
وارفعت عمدانه عن الارض واحميته بسور
واليوم عايش فيه مافيه للضيقه مجال
احميه واصونه عن اطماع ناس مهيبله

الرد معيض الزهراني
ياصاحبي ياراعي المحقرة وشبك تدور
ماقدْمك الا قايد محنّك وفارس جسور
الخيل الادهم في الميادين له صول ومجال
والفارس خيول الجرب والوهن ماهيب له

البدع شعلان الشمراني
يابو عبدالله وش معك قامت النيه تمور
يالله عسى سورك طويل وبعيد من النفور
منته من اهل الشام والا انت ضاري بالدلال
والا انت رجالن يبي شغلتن مهيّ له

الرد معيض الزهراني
قبل امس جاني من ديار الحسا حملة تمور
تمور طابت لي ولاجالنا منها نفور
ياقهوجي زوّد لي الهيل في صفر الدلال*
ودي بدلة *زايدٍ *بنّها * ومهيّله


البدع علي الزهراني
يقل علي مليت وانا ابصر الدنيا تجور
يالله تقديني لدرب *الرشاده والقى شور
كم لي وانا انقل لي حمولاً ثقيله ما تقال
اتعبت فكري واحسب ان العباد مغزله

الرد معيض الزهراني
افكارنا ياصاحبي ماهي بضاعة تجور
عشنا وشفنا واختطفنا النواة مع القشور
القلب الاخضر ينتزي في علومٍ ماتقال
يوم *العيون مكّحلة *والعبيّ امغزله


البدع شعلان الشمراني
ابطيت عن ميدان الافكار يالقلب الغيور
واليوم لك في درب الابيات والمعنى مرور
وانا اخبرك سمحان تحمل حمولن ماتشال
واذا لقيت الصف ماتوقف الا امع اوّله


الرد معيض الزهراني
الحد تحميه الصواريخ والجيش الغيور
والشارع ملغّم *بساهر ودورية مرور
الكلمة تهز الحكومات *وتجيب انتشال
عيون ولد الذيب خلف السجون معوّله