المساعد الشخصي الرقمي

مشاهدة النسخة كاملة : وين انت يا حمدان امـك تناديـك !!

ضجيج الصمت
06-18-2009, 09:11 PM
قصيده تقطع القلب
كتبتها أم لولدها الذي وضعها في دار المسنين
ولم يعد يسأل عنها ,,,,,



http://ali000a.jeeran.com/photos/1012747_l.jpg

وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك**** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك **** ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك ****واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك**** هذا جزا المعروف وهذا جزايـا

يـا ليتنـي خدامـة بيـن اياديـك ****من شان اشوفك كل يوم برضايـا

مشكور يا ولدي وتشكر مساعيـك**** وادعـي لـك الله دايـم بالهدايـا

حمدان يا حمـدان امـك توصيـك**** اخاف من تلحق تشوف الوصايـا

اوصيت دكتور المصحه بيعطيـك**** رسالتي واحروفهـا مـن بكايـا

وان مت لا تبخل علـي بدعاويـك**** واطلب لي الغفران وهذا رجايـا

وامطر تراب القبر بدموع عينيـك**** ما عـاد ينفعـك النـدم والنعايـا

(حسبي الله ونعم الوكيــــــــــــــل)
كننجافو
06-19-2009, 08:09 AM
بارك الله فيكم
alfares
06-19-2009, 10:55 AM
لست اتخيل ان يكون هناك عاااق لوالدته

معقووله يانااس هذه القلوب مع بعض البشررر !!!


وفقك الله ضجيج اشراق

دمتي
ضجيج الصمت
06-22-2009, 04:50 PM
الفارس للاسف ان هناك كثير من هم على شاكلة حمدان الابن العاق والله المستعان..

يعطيكم العافية على تشريفكم صفحتي..

دمتم بحفظ الله..
غاادر
06-22-2009, 09:02 PM
لاحول ولاقوه الا بالله
مشكوره ضجوجه
mughader
06-26-2009, 03:54 PM
جزاك الله الجنه ضجيج
ضجيج الصمت
06-27-2009, 09:08 PM
مشكورين على مروركم ..

دمتم.