Fares-M
11-19-2016, 09:20 PM
قصيدة عبدالعزيز المشيعلي في الإبل
كل آهل البل وجهوا للمرابيع
.... وانا نياقي بالقصيم محجورة
بالديرة اللي ماوراها منافيع
.... الديرة اللي بالوخام مخبورة
ديرة وخام تضيع الحال تضييع
.... ياقو صبر البل عليها صبورة
والوادي اللي فيه للما مناقيع
.... الصرف زوده وجهوا له عبورة
والشاطي اللي يجمع الناس تجميع
.... لازم سرابيت المدينة تزوره
اهل البقر ومطردين الجرابيع
... واللي على الجاله تصيّد طيورة
مقطعين ارزاق الاجواد تقطيع
.... اللي بخلق الله عشاه وفطوره
رعيان اهلنا بالسنين المهازيع
.... كبروا علينا في ذرى اخوان نورة
ماعد للبل في بريدة مراتيع
.... ضيق بهم ربي بقرته وثوره
نويت اودع ديرة الضيق توديع
.... الديرة اللي بالعقوم امحكورة
حنين ذود يقطع القلب تقطيع
.... والغالية على الحنين امعسورة
والعشب يذكر والزبيدي مصاليع
.... والحشو تقهر والزمول مهجورة
واتلى على البل ماشين قبل اسابيع
..... يم الديار اللي بهلها معمورة
عين عليهم لين عدوا ورى الريع
.... ودي بهم مير الامور معسورة
كل جذب ذوده وجوله مفازيع
.... اللي براسه طيب يلزم حضوره
والبل لها عند الرياجيل تشجيع
.... تشجيعها ماهو بتشجيع كورة
عسى مضيع حقها حقه يضيع
... تضييع حق البل حرام ومعورة
واللي عليه من الليالي قواميع
.... ترى الحرام يحل عند الضرورة
وضح لنا مثل البنات المفاريع
.... وسم بوسم خريص جدي فخورة
لو الحقن وقت الجهل والملاويع
.... كم فارس يرسل عليهن سبورة
عاشن بضف منزحين الطماميع
.... معشين ذيب الخلا والنسورة
كم طامع خلوا دماغه طراشيع
.... عقب اندفع من قو غيه وجوره
اللي سقونا من غلاها قراطيع
.... اخوان صنتا واخو موضي ونورة
قلبي على اللي يدفعنه دوافيع
.... وابوي قد قاله بماضي عصورة
يويتوب القصيدة
https://www.youtube.com/watch?v=4gsqpfUNV_E
كل آهل البل وجهوا للمرابيع
.... وانا نياقي بالقصيم محجورة
بالديرة اللي ماوراها منافيع
.... الديرة اللي بالوخام مخبورة
ديرة وخام تضيع الحال تضييع
.... ياقو صبر البل عليها صبورة
والوادي اللي فيه للما مناقيع
.... الصرف زوده وجهوا له عبورة
والشاطي اللي يجمع الناس تجميع
.... لازم سرابيت المدينة تزوره
اهل البقر ومطردين الجرابيع
... واللي على الجاله تصيّد طيورة
مقطعين ارزاق الاجواد تقطيع
.... اللي بخلق الله عشاه وفطوره
رعيان اهلنا بالسنين المهازيع
.... كبروا علينا في ذرى اخوان نورة
ماعد للبل في بريدة مراتيع
.... ضيق بهم ربي بقرته وثوره
نويت اودع ديرة الضيق توديع
.... الديرة اللي بالعقوم امحكورة
حنين ذود يقطع القلب تقطيع
.... والغالية على الحنين امعسورة
والعشب يذكر والزبيدي مصاليع
.... والحشو تقهر والزمول مهجورة
واتلى على البل ماشين قبل اسابيع
..... يم الديار اللي بهلها معمورة
عين عليهم لين عدوا ورى الريع
.... ودي بهم مير الامور معسورة
كل جذب ذوده وجوله مفازيع
.... اللي براسه طيب يلزم حضوره
والبل لها عند الرياجيل تشجيع
.... تشجيعها ماهو بتشجيع كورة
عسى مضيع حقها حقه يضيع
... تضييع حق البل حرام ومعورة
واللي عليه من الليالي قواميع
.... ترى الحرام يحل عند الضرورة
وضح لنا مثل البنات المفاريع
.... وسم بوسم خريص جدي فخورة
لو الحقن وقت الجهل والملاويع
.... كم فارس يرسل عليهن سبورة
عاشن بضف منزحين الطماميع
.... معشين ذيب الخلا والنسورة
كم طامع خلوا دماغه طراشيع
.... عقب اندفع من قو غيه وجوره
اللي سقونا من غلاها قراطيع
.... اخوان صنتا واخو موضي ونورة
قلبي على اللي يدفعنه دوافيع
.... وابوي قد قاله بماضي عصورة
يويتوب القصيدة
https://www.youtube.com/watch?v=4gsqpfUNV_E