ادب مساعد الرشيدي

[eshrag]

أدب مساعد الرشيدي

بغرد لكم بأبيات شعرية للشاعر الكبير الراحل : مساعد الرشيدي رحمه الله

أخت القصيد وشيخته ريميه
الساس نجدي والترف بحريني

مرت على بال المطر عصريه
القاع جرداء والعرب مضميني

غنت وهلت وامطرت وسميه
ماها قراح وعشبها يغريني

الله هو اللي عالم بالنيه
الرب داري والبشر داريني

[eshrag]

يا ابن الحلال انت وش تبغي بها الدمعه
بتموت ماشفت دمعة ذل من عيني

ماني حبيبك اذا ضحيت بالسمعه
لاذلني حب ويش اللي تبي فيني؟

[eshrag]

ليالي الصيف جمّاعه
والدار تزهى باواليده

والشعر بالقلب مرباعه
تسقيه غيمه وتنهيده

[eshrag]

سودة ابها يدين العذر ممدوده
حجّتي ماتبي قاضي..ولاشاهد

يوم شفتك لصدْر الغيم مشدوده
وردةٍ تستغيث..وعطرها ساجد

[eshrag]

احبك من هنا حتى طلوع الفجر حتى النور
صحيح انك قدر محتوم بس اجمل مقاديري

احد ربي يحطك له حبيب ومايجيه غرور ؟
انا ليه التفت للناس وعيونك جماهيري

[eshrag]

ويش اباخذ من طعوني واخلي
والملامح تشابة ماعدا :
ظل نعناعةٍ قامت تصلي
في حشاية على قطر الندى..!

[eshrag]

بني رشيد ان عتم الجو الجو تعتيم
ماللردى فينا ملامح وليحة

أجسر من الرعاد واكرم من الديم
سمر الجباه اهل الوجية الفليحة

[eshrag]

جادلٍ كل الدروب المعشبة تنبت بثرها
جت تبي جرح وقصيد وخلت الثنتن ليه

من يحدثني حديث الثلج للجمر بثغرها
والله اني كنت ناوي لي بهاك الجمر نية..!

[eshrag]

لاقديم الجرح يقوى ولاجرح الجديد
يخلف الناس العزيزه عن اللي ودها

والله اني ما اتنازل .. لي رايٍ عنيد
لين أداعب غرة الشمس ..والثم خذها

[eshrag]

مادام فيني نفس يذري وفيني طموح
باب وراه اعتزازي...طارقه..طارقه

رغم امتداد التعب عيا يموت الطموح
والشمس بكره رغم أنف الدجى شارقه

[eshrag]

هيّضني الضلع في كبد الثرى راكن
و ان حدّك الضيم قل للضلع يا سيدي

و اركيت ظهري على ظل الجبل لكن
ماجت مواعيد ظلّه مع مواعيدي

[eshrag]

ليه يا درّة شبابي ولولي...وذهبي
ليه خليت الحنايا عروشٍ خاويه

يوم تضحك لي عيونك...عيونك وش تبي؟
كم لها تشرب نحولي ولا هي راويه

لا غلاك ..اكبر ذنوبي..ولا قلبي نبي
الله اعلم والمقابيل وشهي ناويه؟

[eshrag]

آخر عباراتي وداع ..وآخر مشاويري رحيل
جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه

وأنتي بمتناول يدي ... تبدين مثل المستحيل
في عشرتك صوت العقل يقتل طموح العاطفه

[eshrag]

مـرات اشوفـك بنفس الوقت واتخيـلك
وانشد كفـوفي عن اخر سالفة من يديك

أعـنّ لك لـو تصّـب المـوت ...واتهيّلك
واجـوع لـك وآتمـنى خنجـرك واشتهيـك

ماقلـت لك عمر سيـف العشق مايقتلك
ماتشوفني حي قدامك وانا امـوت فيك

[eshrag]

عين تشربك شوف وعين تظماك
لاذبحني ظماك ولا رويتك

قمت اخيلك هنا ... وهناك .. وهناك
وين ترحل بي النظره نصيتك

ان تبسمت قلت الموعد شفاك
وان تمنعت بانفاسي دعيتك

وان طلبت الغلا قلت الغلا جاك
وان سكنت الخفوق البيت بيتك