إشـراق العالم
12-21-2018, 12:20 AM
قصيدة مشعل محماس الحارثي جنادرية 33 - مكتوبة كاملة - قصيدة يانجد دوبه
اقدم لكم قصيدة شاعر الوطن مشعل بن محماس الحارثي في جنادية 33 التي ألقاها أمام الملك سلمان في افتتاح جنادرية 33 يوم الخميس 13-5-1440هـ .
القصيدة مكتوبة وكاملة وتتكون من 60 بيت ...
من يرغب سماعها باليوتيوب ( تجدها في الرد التالي )
https://www.eshraag.com/vb/attachment.php?attachmentid=1479&stc=1&d=1545340737
صورة الشاعر مشعل بن محماس الحارثي
يانجد دوبه طرف الليل دوبه
وانا على جزل الطواريق شفقان
شفقان والشفقان تعرف سلوبه
خصّن اليا قامت تلافح بالارسان
غرب وشمال وشرق نجد وجنوبه
من وين ماوجّه لها قلب ولسان
والمملكة رمز الفخر والعروبة
والراية العليا على كل الاوطان
يانجد يادار الملوك مهيوبة
يزدان فيك الحفل والشعر يزدان
طل الربيع وجا لجوك عذوبة
وجاء للملك من يوم ماجاك ضيفان
مليكنا اللي باني الدار طوبة
واسس لشعبه طول الازمان ميدان
ان كان في الترحيب حنا ننوبه
يامرحبا بضيوف مولاي سلمان
صباح ياعزوة صباح محسوبة
أنتم هل الوقفة وهل قصر دسمان
والا ولد زايد إذا رحت صوبه
عز الله انه زايد الفعل برهان
والعاهل اللي يلبس الملك ثوبه
حمد ولد عيسى حمد عالي الشان
اقولها توبة وتسعين نوبة
يامرحبا بعمان وممثل عمان
خليجنا هذا وحنا شعوبه
وخليجنا واحد على مر الازمان
من خلقة الدنيا وحنا نجوبة
عشنا عليه اخوان واقران واعوان
نعطي متاهاته ونهدي دروبه
ونطرب عليه ان رفرفر البرق حنان
عسى السحاب اللي تهامل نصوبه
يغسل ترابه من دنس كل فتان
واللي يمس اهل الشرف به عقوبة
عقوبةٍ يدري بها الإنس والجان
ندمح عن المخطي صغاير ذنوبه
وام الكباير دونها السيف شامان
سلمان بن عبدالعزيز ابشروا به
لو تمتلي سبع الاراضين عدوان
هو الإمام وبيعته من وجوبه
ابن الأئمة طاعته شرع قرآن
الفيصلي والمفصلي في خطوبه
المعتلي والممتلي عدل واحسان
السيف في يمناك ماقلدوا به
ولي عهدك يوم روغات الاذهان
علم به اللي جاهلٍ مادروا به
لا هنت ومحمد بيمناك لا هان
لولا فعوله سيدي ماحكوا به
ولا درى عدله من الفعل شجعان
اركى على كبد المعادي شبوبه
في كل ساحة حرب وبكل ميدان
ضيق بهم صدر الحياة الرحوبه
والشعب ذخره محزم الشعب مليان
حرٍ نقل فيه العهد واسهروا به
في قمةٍ يذعن لها العالم اذعان
حول عليها والجموع ابتلوا به
ومن سطوته فيهم غدا الجمع قطعان
راعي المقصب شعبه اليا اعتزوا به
ماهوب في حمر الطرابيش بلشان
تنفذ مشاريعه وتكسب حروبه
ابن الملك والي العهد طير حوران
الروس تطبخ والقلوب معصوبة
وهقواتنا ترجح على كل ميزان
وعدونا سمٍ ذحاحٍ شروبه
وعلى الخوي حنا كما شهد دوعان
وارض اليمن منا ماهيب مغصوبه
وفيها نسل مدحج وحمير وهمدان
نجسٍ يمرغ في طرفهم جنوبه
مايتركونه باقيٍ منهم انسان
يوم انتخوا ب ابو فهد والتووا به
ولحقت على الهيجاء من الخيل فرسان
كم واحدٍ من سابقه حوّلوا به
وعوّد على ربعه من الذل شبعان
ميدي خذوها والمخى روحوا به
عقب الجنوب وشرق مآرب وبيحان
أما هدا شان اليمن واهتدوا به
والا فزيدوا ياهل الحرب نيران
جو الحديدة والثرى ولعوا به
قدامكم صنعاء وصعدة وعمران
دكوا جبلها والعدوّ امسحوا به
اصل العرب ماهوب فرعٍ من ايران
والاعجميّ اللي ينفّخ ذروبه
هذاك هوّ اللي من الخبث نشوان
واللي معه جميع من في دروبه
فاجر وتاجر وانتهازي وخوان
الشام باعوا والعراق اشتروا به
ولبنان برخيص وفلسطين مجان
في شرعهم غزة مجرد لعوبة
تتصدر المشهد على قدر الامكان
زدنا من احداث الليالي عجوبة
ونزيدك اكثر ياوطن عزم وايمان
يكفيك عن مافيك قدر ومثوبة
قبر الرسول اللي ختم ذيك الاديان
وهذا المليك اللي حماك وحموا به
صفوة هل العوجاء مقابيس الاكوان
وشعبٍ على عرش الكرامة ربوا به
الين بان وغاب من كان قد بان
ماعاد باقي كان باقي صعوبة
والصعب قدمك ياوطن ذل وانهان
سر للتقدم وازدهر في ظروبه
حان المضي وحان ضرب العدو حان
اللي تبيه ابطالك الحزم جوا به
والتنمية والنهضة اشكال والوان
يامن دمانا في ثراك مخضوبة
سبحان من عزك بالاسلام سبحان
وخلى الشهادة من غلاك مخطوبة
من عهد سيدنا محمد إلى الآن
يادارنا مالك من العشق توبة
ومن المعزة مانبي منك غفران
الأرض خضراء والقلوب معشوبة
وغرد لك القمري على عذب الالحان
وطويق هبات السعد من هبوبة
ضلعٍ حصاته من زبرجد ومرجان
في قلب نجد وعينك اللي محبوبه
مساء الرياض وجمع الشوق خلان
خليجنا هذا وحنا شعوبه
والله مانرضى لاحد فيه نقصان
ستين مع ستين شطر محسوبة
أمرك تمام القاف مولاي سلمان
اقدم لكم قصيدة شاعر الوطن مشعل بن محماس الحارثي في جنادية 33 التي ألقاها أمام الملك سلمان في افتتاح جنادرية 33 يوم الخميس 13-5-1440هـ .
القصيدة مكتوبة وكاملة وتتكون من 60 بيت ...
من يرغب سماعها باليوتيوب ( تجدها في الرد التالي )
https://www.eshraag.com/vb/attachment.php?attachmentid=1479&stc=1&d=1545340737
صورة الشاعر مشعل بن محماس الحارثي
يانجد دوبه طرف الليل دوبه
وانا على جزل الطواريق شفقان
شفقان والشفقان تعرف سلوبه
خصّن اليا قامت تلافح بالارسان
غرب وشمال وشرق نجد وجنوبه
من وين ماوجّه لها قلب ولسان
والمملكة رمز الفخر والعروبة
والراية العليا على كل الاوطان
يانجد يادار الملوك مهيوبة
يزدان فيك الحفل والشعر يزدان
طل الربيع وجا لجوك عذوبة
وجاء للملك من يوم ماجاك ضيفان
مليكنا اللي باني الدار طوبة
واسس لشعبه طول الازمان ميدان
ان كان في الترحيب حنا ننوبه
يامرحبا بضيوف مولاي سلمان
صباح ياعزوة صباح محسوبة
أنتم هل الوقفة وهل قصر دسمان
والا ولد زايد إذا رحت صوبه
عز الله انه زايد الفعل برهان
والعاهل اللي يلبس الملك ثوبه
حمد ولد عيسى حمد عالي الشان
اقولها توبة وتسعين نوبة
يامرحبا بعمان وممثل عمان
خليجنا هذا وحنا شعوبه
وخليجنا واحد على مر الازمان
من خلقة الدنيا وحنا نجوبة
عشنا عليه اخوان واقران واعوان
نعطي متاهاته ونهدي دروبه
ونطرب عليه ان رفرفر البرق حنان
عسى السحاب اللي تهامل نصوبه
يغسل ترابه من دنس كل فتان
واللي يمس اهل الشرف به عقوبة
عقوبةٍ يدري بها الإنس والجان
ندمح عن المخطي صغاير ذنوبه
وام الكباير دونها السيف شامان
سلمان بن عبدالعزيز ابشروا به
لو تمتلي سبع الاراضين عدوان
هو الإمام وبيعته من وجوبه
ابن الأئمة طاعته شرع قرآن
الفيصلي والمفصلي في خطوبه
المعتلي والممتلي عدل واحسان
السيف في يمناك ماقلدوا به
ولي عهدك يوم روغات الاذهان
علم به اللي جاهلٍ مادروا به
لا هنت ومحمد بيمناك لا هان
لولا فعوله سيدي ماحكوا به
ولا درى عدله من الفعل شجعان
اركى على كبد المعادي شبوبه
في كل ساحة حرب وبكل ميدان
ضيق بهم صدر الحياة الرحوبه
والشعب ذخره محزم الشعب مليان
حرٍ نقل فيه العهد واسهروا به
في قمةٍ يذعن لها العالم اذعان
حول عليها والجموع ابتلوا به
ومن سطوته فيهم غدا الجمع قطعان
راعي المقصب شعبه اليا اعتزوا به
ماهوب في حمر الطرابيش بلشان
تنفذ مشاريعه وتكسب حروبه
ابن الملك والي العهد طير حوران
الروس تطبخ والقلوب معصوبة
وهقواتنا ترجح على كل ميزان
وعدونا سمٍ ذحاحٍ شروبه
وعلى الخوي حنا كما شهد دوعان
وارض اليمن منا ماهيب مغصوبه
وفيها نسل مدحج وحمير وهمدان
نجسٍ يمرغ في طرفهم جنوبه
مايتركونه باقيٍ منهم انسان
يوم انتخوا ب ابو فهد والتووا به
ولحقت على الهيجاء من الخيل فرسان
كم واحدٍ من سابقه حوّلوا به
وعوّد على ربعه من الذل شبعان
ميدي خذوها والمخى روحوا به
عقب الجنوب وشرق مآرب وبيحان
أما هدا شان اليمن واهتدوا به
والا فزيدوا ياهل الحرب نيران
جو الحديدة والثرى ولعوا به
قدامكم صنعاء وصعدة وعمران
دكوا جبلها والعدوّ امسحوا به
اصل العرب ماهوب فرعٍ من ايران
والاعجميّ اللي ينفّخ ذروبه
هذاك هوّ اللي من الخبث نشوان
واللي معه جميع من في دروبه
فاجر وتاجر وانتهازي وخوان
الشام باعوا والعراق اشتروا به
ولبنان برخيص وفلسطين مجان
في شرعهم غزة مجرد لعوبة
تتصدر المشهد على قدر الامكان
زدنا من احداث الليالي عجوبة
ونزيدك اكثر ياوطن عزم وايمان
يكفيك عن مافيك قدر ومثوبة
قبر الرسول اللي ختم ذيك الاديان
وهذا المليك اللي حماك وحموا به
صفوة هل العوجاء مقابيس الاكوان
وشعبٍ على عرش الكرامة ربوا به
الين بان وغاب من كان قد بان
ماعاد باقي كان باقي صعوبة
والصعب قدمك ياوطن ذل وانهان
سر للتقدم وازدهر في ظروبه
حان المضي وحان ضرب العدو حان
اللي تبيه ابطالك الحزم جوا به
والتنمية والنهضة اشكال والوان
يامن دمانا في ثراك مخضوبة
سبحان من عزك بالاسلام سبحان
وخلى الشهادة من غلاك مخطوبة
من عهد سيدنا محمد إلى الآن
يادارنا مالك من العشق توبة
ومن المعزة مانبي منك غفران
الأرض خضراء والقلوب معشوبة
وغرد لك القمري على عذب الالحان
وطويق هبات السعد من هبوبة
ضلعٍ حصاته من زبرجد ومرجان
في قلب نجد وعينك اللي محبوبه
مساء الرياض وجمع الشوق خلان
خليجنا هذا وحنا شعوبه
والله مانرضى لاحد فيه نقصان
ستين مع ستين شطر محسوبة
أمرك تمام القاف مولاي سلمان