شيلة ابن بركي اهداء إلى عبدالرحمن الفهمي

[alfares]

شيلة( ابن بركي ) قصيدة مهداه من محمد السعدي لعبدالرحمن الفهمي . كلمات معيض العُمري/أداء علي المنجلي
http://eshraag.com/upload/viewimages/d309359831.png (http://eshraag.com/upload/download/d309359831.html)

سلام من شاعر على القمةْ صعد
يصافـح البــرق وينادي للرعـــد
يقلّط غيوم السما في دفتره
تصمت وتسمع مايقول وتستعد

هذي رسالة مدح خلّدها الزمن
من شاعرٍ شعره على الشارب جمد
فحوى الرسالةْ من محمد بن علي
على لســـانه طيّب المــعنى ورد

سلام يامن شمّر ذراعه وقام
يكفخ سواة الطير لا حان الهدد
يموج موج البحر في وقت النبا
ويمدّ يمنى الطيب ويصون العهد

إذا عطى يحرج ويعطي من سعه
واذا تأبّطْ شر ،، ما يــاوي لحد
هذا ابن بِركي والصداقة من دهَر
بيني وبينه كنها ســمن وشهد

ماهي غريبة وقفة الشهم الأبي
ابو تميم اللي على المجد استند
فهميْ وفهم اهل الفصاحة والكرم
ابوه واجـــداده من اعيان البلد

دمّ الشهامةْ في شرايينه جرى
يقْدِم ولا همّه عتاد ولا عـــدد
ما هو براعي لا ، ولا راعي نشوف
لا والله الاّ راعي ابشر بالسعد

سَمّيت باسمه والسماوه بالكفو
ترفع من الشان وتكسّبنا سند
لو كان تسمح لي سجلات النفوس
سميت ب اسمه كل ماجاني ولد !


YouTube (https://www.youtube.com/watch?v=L4UWvA5EINA)