تعبت أضحك .. وجرح القلب تعبني .. ولاقدرت أخفيه

[هاجر كيان]

تعبت أكتب على اوراقك غرام وحضرتك تمحيه
تعبت اصبر وانا أتأمل تحس في يوم وش فيني



تعبت اضحك وجرح القلب تعبني ولا قدرت اخفيه..
واداري شلون ياقلبي وحزني واضح في عيني




تعبت اسقي ورود الغير ووردي ماعرفت اسقيه
اطاوع قلبي المجنون واجني الهم بايديني


تعبت اشكي تعبت ابكي وجرح القلب كيف اطويه
وارجع وابتدي من اول وألملم باقي سنييني


تعبت اتامل اوصالك ودربك من كثر ما امشيه
تعب من خطوتي ورجلي ترا ماعاد تقويني..


تعبت وضاعت سنيني وعمري بأوله وتاليه
تعبت اذكرك كل لحظة واحاتي وانته ناسييني


تعبت اقبل عزا في خافقي ياصاحبي وارثيه..
حرام اشلون كل ما احتجت لوجودك تخليني


ابا ارحل واوعدك قلبي اقص في لهفته رجليه
وابي ترتاح لاتسال بغير كل عناويني..


وابا ابعد لاخر الدنيا مكان(ن)مستحيل اتجيييه
وابي تذكر غرورك لي وقف مابينك وبيييني..


تعبت أكتب على اوراقك غرام وحضرتك تمحيه
تعبت اصبر وأنا اتأمل تحس في يوم وش فيني


تعبت اضحك وجرح القلب تعبني ولا قدرت اخفيه
واداري شلون ياقلبي وحزني واضح في عيني

[انتهت اللعبه]

يالله


كلماتك جداً رائعة ... وهمساتك رقيقة محزنه ....

حروفك تعبر عن مدى تميز تلك الأبيات الرنانة ......

أعجبني كثيراً .......

[ضجيج الصمت]

وابا ابعد لاخر الدنيا مكان(ن)مستحيل اتجيييه
وابي تذكر غرورك لي وقف مابينك وبيييني..

رااائعه جدا تلك المنظومة العذبة .
سلمت يد من كتبها..

[:دلــوعـة الـمـنـتـدى]

وااااااااااااااااااااااااك ابدعتي..
يسلمووووووووووووووووو ع هالشعر الجنان..

تقبلي مروري..
دمتي بود