((( بنت العــم تحت القــدم ،، و بنت النــاس فوق الرأس )))

[بائعة الورد]

يا الله إنك تحييهم ..

كيفكم يا الغوالي ..

أبي أسألكم عن مقووولة منتشرة من قديييييييم الزمان <<<<< شكل الأخت تبي تقص قصة كان يا ما كان خخخ

المهم

<<<<< اخلصي

(( بنت العــم تحت القــدم ،،، و بنت النــاس فوق الرأس ))

ما مدى تأييدك لهذه المقولة .. هل تؤيدينها ؟ و بنسبة كم 100% أم 80% أم صفر% خخخ و لماذا ؟؟
نريد تجارب واقعية ..

يا عااااااالم وعّووووونا <<< قامت البنت تعووووي يا ساتر خخخخخ

قصدي ثقفونا ..

هل ابن العم أو ابن الخال أو ابن العمة أو .. الخ يسترخص قريبته و هي كذلك ؟؟

هل تلعب الميانة دوووور في كسر الحواجز و التغاضي عن بعض الحقوق ؟؟؟

هل يعقل ان يهتم الرجل بزوجته اذا كانت غريبه ويهملها اذا كانت قريبه

يا ليت تشاركونا ..

[ام وئام]

مقووله غير صحيحه ..
شووفي كل شي يعتمد ع الرجال والحرمة وطبيعة العلاقة بينهم .. وأساس كل شي الاحترام ..
والاخلاق .. واذا كانت حياتهم من البداية قايمة على الود والاحترام والمحبة .. بتمشي زينه سواء بنت عمه أو من بعيد ..
وبعد يعتمد على الر جالل يعني لازم يكون يريد هالإنسانه ومختارنها من نفسه مب إرضاءن لأهله أو تحت ضغط منهم لااا لازم يكون مقتنع قناعه شخصية تامه بهذي الإنسانه ولازم يكون شخص مسؤول قادر أنه يتحمل مسؤولية بيت .. وعلى الاثنين يراعون بعض وحقوق بعض ويخافون ربهم في بعض .. هذا رايي الشخصي

لاني اشوف ازواج يعزون بنت عمهم اكثر من بنت الغريب .. احتراما لابوها او امها .. وبعد العكس صحيح ....


يعني مالها صحه من الواقع لان الواقع غييير

[كلي احساس]

المقولة فيها شي من الصحه وبنت العم حسب العم!! يعني في ازواج ما يحاتون
ابوها ليش رابي معاه وعمه وميانه يعني عارف اللي وراها واللي قدامها وعارف
انه غالي عند عمه ولا هو صاكه صكه محترمه.. على عكس الغريب إذا اخطى على بنت
غريب مايقدر يتوقع وش بيصير له؟ ليش دايماً ننصح المتزوجه انها ما ترخص اهلها قدام
زوجها؟ عشان هالسالفه!!

بس بيني وبينج الر جال السنع سواء بنت عمه ولا بنت غريب

وعموماً اتوقع سبب المقوله انه البنت العم تكون مثل الفرض عليه
غير يوم ياخذ غريبه يتنقى ويتخيّر أما بنت عمه اغلب الأحيان ياخذها لأنها بنت عمه.

[بنت النور]

با عتقادي غير صحيحه
يعني في كثير يتزوجون بنات عمهم عن حب
ويعزونهم كثير واما الي ياخذ بنت عمه
وهم مغصوبين على بعض مثل ما نسمع
انو بنت العم لازم لولد عمها
اكيد ما راح يتافهون وراح تصير بينهم مشاكل
يعطيك العافيه على النقاش الحلو

[بنت سكر]

مقوله غير صحيحه

والدليل انا اعرف كثير من قريباتي متزوجين
اولاد عمهم
والحمد الله متوفقين وسعيدين في حياتهم
مشكوره قلبي على الموضوع

[بائعة الورد]

مشكورين على الاجابات الحلوه

[سندريلا طيبه]

لالا

ما اظن


يعطيك العافيه

[بائعة الورد]

مشكورين على هذه الطله

[تعبت اشكي]

لا مااتوقع صحيحه

لان في كل الحالات تعتمد على الرجال في تعامله مع زوجته



يعطيك الف عافيه عالموضوع

[الجوري**]

اول مرة اسمع هذي المقووولة

[صدى الوجدان]

بالعكس المقوله غريبة من نوعها وغير صحيحة
أن ما أخذه ولد عمي بل العكس يحب الارض الي أمشي عليها صحيح تونا متزوجين ولكن بينا حب وصراحة وتفاهم غير طبيعي ورومانسيه