بيـــــــــــــــــن ناريـــــــــــــــــن

[كلي احساس]

:flowers: :ketab: :ketab: :ketab: هلا وغلا ..

عيــــــــــدكم مبارك

والله اني خجلانه وحاسة بتقصيري معاكم ،، بس حسبي الله على الظالم ..

اجل ندرس فيه 256 صفحهفيس كل ماده :ketab: ،، شخلينا للفاينل ؟؟ واللي يقهر زيادة ان كل مادة كتابها كبر علبة نوكيا للتليفونات << والله ما اتغشمر ..

صدق من قال ..

حالتي مو مثل كل البشر
ولهانه على الطلعة والسفر
أي مكان ان شالله للخبر
ودي اغيب مو يوم ،، لأ شهر
شفت من هالكليه نجوم الظهر
طالبة قانون واحس بقهر << ثبَت يا يكره ثبَت ..

<< عطوها مجال وبتجيب العيد بالكليه ودكاترتها..

الله يعين بس،، المهم ..

بعد ما خلصت امتحاناتي بنتايج تسود الوجه ،، سيرنا على عمتي تو بنتها والده وتحمدنا لها بالسلامه ،، وفجأه << بتعيشكم جو ,,دخلت علينا وحدة من قرايبنا ،،

بنت الحلال ماهيب شينه ولا مزيونه << تسمع بالوصف ،، وما شالله معاها ماجستير وموظفه ومعاش ماهو بهين ،، وماشالله اخلاق << اذكروا الله لا تبلشونا بديتَها ..


المهم هالبنت ما تزوجت الا بعمر 29 وخذت واحد الكل يعرف عنه انه ما هو بمضبوط وعنده حركات ارعه << امنيتها تعرف شعلاقه القرعه ،، وفوق هذا وهذا راعي بنات وسهرات << شين وقوي عيــــن ،، والبنت كانت تدري بكل هذا قبل ما تملك عليه ..


المسكــــــــينه من قعدت معانا واهي تشكي منه مذوقها المر من اول ما خذاها << يا جعله ... << تحمست ،، مع انه ما صار لها وياه اكثر من سنه وشهرين ،، اللي المفروض تكون بداية الحب والرومانســـيه << تخق عند هالكلمه ..



والسبب في هالمعاناة ؟؟



أنها على قولتها ،، انها ما تبي احد يقول عنها عنست عقب هالعلم وهالوظيفه ،، وانها كانت تحس ان اهلها متضايقين من قعادها عندهم ..


بصراحه تعجبت من حالها ،،وحبيت اشوف رايكـــــــــم بهالقضيه ..




1-هل يتوافق معها مثل " صام صام ،، وفطر على بصله ؟؟ "

2-هل تؤيد مثل ظل راجل ولا ظل حيـــــطه << تحن للصعايده ..

3-هل الزواج الفاشل اخف وطأة من العنوسه ؟؟

4-هل سن 28-29 يعتبر سن عنوسـه ؟؟ وما هو سن العنوسة برأيك ؟؟

5-لماذا تأخر زواج الفتيات في هذا الوقت عن السابق ؟؟

6-هل اصبحت هناك اولويات مثل العمل والدراسه بدلا من الزواج وتكوين الأسرة الصالحه ؟؟




سامحونا على القصور وان طاب لكم ردوا ،، وان ماطاب لكم لا تعطونه بال :mnwall1: ..

[سندريلا طيبه]

/



طيب البصل صح ريحته غير مقبوله إلا انه مفيد صحيـا <<

وزواجها مع احترامي الشديد غير مفيد لا صحيــا ولا نفسيــا

.

شوفي أنــا مع مبدأ الطيبون للطيبــات

مو معقول واحد " تافه "

وفوق هذا وهذا راعي بنات وسهرات


معقول وحدهـ توافق تتزوجه وهي وصلت لمرحلــة عالية من العلم + الثقافه

لكن عمرهــا 29 !!

الحين اذا الوحدهـ تزوجت عن قناعة وبعد فتره اكتشفت ان زوجها كان راعي حركات سابقا

تحس انها انخدعت وتجيها ضيقات صدر إلى مالا نهاية .. فما بالك بوحدهـ تزوجت وهي عارفة ان زوجها راعي خرابيط

اصلـ"ن" حتى لو واجهته يقول انتي عارفة قبل لا تتزوجيني

يعني ما احد ضربك على يدك وقال وافقي !!

ياربي جد شي يضيق الصدر

وحتى لو كانت متزوجة حتى تتخلص من كلام النــاس

النــاس ما جابوا خبر احساسها وضيقة صدرها في بيت اللي ما يتسماش

بينما تكون هي ما جابت خبرهم لو قعدت في بيت اهلها حتى يجي اللي يستاهلها ولو بعد حين

.

[بنت سكر]

-هل يتوافق معها مثل " صام صام ،، وفطر على بصله ؟؟ "
اكيد

2-هل تؤيد مثل ظل راجل ولا ظل حيـــــطه << تحن للصعايده ..
لا لان فيه رجال الحيطه تصير افود منهم

3-هل الزواج الفاشل اخف وطأة من العنوسه ؟؟
لا يمكن العانس احسن نفسيه من الف وحده متزوجه

4-هل سن 28-29 يعتبر سن عنوسـه ؟؟ وما هو سن العنوسة برأيك ؟؟
لا
سن العنوسه من 35 وما فوق

5-لماذا تأخر زواج الفتيات في هذا الوقت عن السابق ؟؟
والله معد فيه رجال كفوا يعتمد عليهم
والزمن هذا صار يخوف
ماتدرين وش يصير فيك

6-هل اصبحت هناك اولويات مثل العمل والدراسه بدلا من الزواج وتكوين الأسرة الصالحه ؟؟ له زوجته

لا اكيد لو كان هناك رجل صالح رح تتنازل المراء عن هذه الاولويات بس المهم
يكون الرجل قد التضحيه الي قدمتها