ام وئام
01-13-2007, 09:32 PM
" يـــــــــــــا ليتني ولـــــــــــــــــــــــد"
كلمه دايم ارددها ودايم اسمعها في كل مكان وكل زمان..في مجتمعنا من البنات..
وبصراحه شفت هالموضوع في أحد المنتديات وقلت والله انه صادقه هالكاتبه<< بغيت اروح احب راسها
وابنقل لكم شي من كتاباتها وشي من جعبتي..
" ياليتني ولد"
لما تكونين طفشانه بالبيت وما عندك الا امك والخدامه .. والماما قاعده تكلم بالتلفون ومحد يعطيك وجه , و ودك تشغلين النت وما عندك خدمة Dsl وزهقانه وطفشانه وقتها تقولين..."ياليتني ولد"
"يا ليتني ولد"
لما يتفقون عيال خالاتك واخوانك وعيال عمانك انهم يطلعون للبر ويطقون مخيم للشباب""بس"".. وانت ماتشوفين بنات خالاتك الا الخميس .. وقتها تقولين " ياليتني ولد"..
"ياليتني ولد"
لما تكشخين انتي وامك وخواتك لأنكم معزومين .. وانتي قاعده تتكشخين وتتزينين من صباح رب العالمين, ولما تنزلين وتدق امك على ابوك يطلع جواله مقفل , وتدق على اخوك يقول: والله انا بمكان بعيد ومعي واحد من العيال ولا أقدر اجيكم.. ولا فيه احد يوديكم, وتتفركش الروحه وقتها وانتي طالعه لغرفتك تبدلين ملابسك تقولين بكل قهر::"آآآآآآآآآآآه يـــــاليــــــــــتني ولــــــــــــــــد".
"ياليتني ولد"
لما تطلبين انتي واخواتك من ابوك وتقولين: ياحبيلك يبه الله يجزاك الجنه تكفى خلنا نسافر هالصيفيه.. يرد عليكم ابوك ويقول: وانا ابوكم ما عندي اجازه هالسنه خلوها السنه الجايه..
وبنفس الوقت يدخل اخوك يقول: يبه الله يطول بعمرك تراي الاسبوع الجاي ابسافر مع الشباب بنفر شوي في ربوع مملكتنا الغاليه..
وأنتي وخواتك تآكلون تبن.. وقتها بتنفشين شوشتك وتقولين"ياااااليتني ولد" ..
"ياليتني ولد"
لما تروحين للسوق بتشترين اغراض لزواج احد اقاربك او للعيد .. ولا تلقين اللي انتي تبغينه وقتها تقولين.."ياربييييه ياليتني ولد!!"
"ياليتني ولد"
لما تكونين طفشانه ومالك خلق احد وصديقتك لك شهرين ما شفتيها, وتمرين من عند بنده وتشوفين الشباب جالسين مع اصدقائهم في مقهى يوم القهوه.. ضحك و وناسه..
وقتها تقولين "ياليتني ولد!!"
"ياليتني ولد"
لما يكون ضايق صدرك و ودك تطلعين وابوك مسافر.. وتطلبين من اخوك يطلع بك تتمشون وتقولين: الله يخليك ودي اطلع طفشانه!!!
ويرد عليك ويقول: والله اليوم علي الطلعه بالاستراحه << يعني علي العشاء!!
وقتها تقولين "ياليتني ولد"
"ياليتني ولد"
لما تشوفين اخوانك رايحين جايين على الاستراحات والا على صالات البلياردو والبولينغ .. وضحك و وناسه وفلة حجاج.. وقتها تقولين"ليتني ولد"..
"ياليتني ولد"
لما تطلعون للبر والكل مستانس ومبسوط وعيالكم يلعبون بالدبابات والا مطاعس بالنفود , وانتم تطلبون منهم بس طلب واحد بسيط مايتعدى فرة وحده بالسياره او ركوب دباب , ويقولون لكم وبكل بساطه لا لا لا ماحنا فاضين لكم!!!
وتظفون وجيهكم انتي والبنات عند الحريم وسوالفهم الممله.. وقتها بيطلع لك قرون من القهر وتقولين "يااااااااااليتني ولد".
لما تشبكين النت وقاعده وما عندك من الشيطان طريق ومستانسه..
يجيك اخوك يقول سكري النت ابكلم!! تقولين : اصبر بس شوي!!!
يقول لااااا .. يالله بسرعه!! وقتها تقولين:"ياليتني ولد"
"ياليتني ولد"
لما تبغين شي ضروري من السوق والا السوبرماركت ..
وتروحين تطلبين من اخوك .. يقول لك : انا مشغول!!
والثاني يقول مانيب فاضي!!
وتروحين للثالث تلقينه نايم ولا فيه امل يقوم.. وقتها بتقولين "ياليتني ولد"
"ياليتني ولد"
لما تروحين للمشغل بتقصين او تصبغين شعرك. وتلقينه زحمه والحريم الراس على الراس ولا فيه امل يجي موعدك الا بعد ثلاث ساعات<< يعني مت ياحمار لين يجيك الربيع, مع احترامي لكم.. ومالك خلق تنتظرين وقتها تقولين "ياليتني ولد"..
"ياليتني ولد"
لما تروحين للسوق وتخلصين اغراضك وتدقين على اخوك , ويقول بس عشر دقايق واجي!! ويرصك ابو الشباب ساعه الا ربع وانتي تطبخين من القهر,, وقتها تقولين "ياليتني ولد".
"ياليتني ولد"
اذا صرتي بالجامعه تدرسين وما عندك الا محاظره وحده , و ودك تطلعين بس الباب مسكر وما يفتح لك يعني ممنووووع تطلعين بدري. وتقعدين اربع ساعات بالفاضي..
والعيال يقدرون يطلعون متى ما خلصوا ويدبخونها نومه إلى الظهر.. وانتي تآكلين هواا. وقتها تقولين.. "ياليتني ولد"..
والله ان عندي الكثير والكثير بخصوص هالموضوع بس وش اقول اكثر من كذا!!
وفي الاخير اقول الحمدلله الذي خلقني فأحسن خلقي وفضلني على كثير من خلقه..
ولكم تحياتي
كلمه دايم ارددها ودايم اسمعها في كل مكان وكل زمان..في مجتمعنا من البنات..
وبصراحه شفت هالموضوع في أحد المنتديات وقلت والله انه صادقه هالكاتبه<< بغيت اروح احب راسها
وابنقل لكم شي من كتاباتها وشي من جعبتي..
" ياليتني ولد"
لما تكونين طفشانه بالبيت وما عندك الا امك والخدامه .. والماما قاعده تكلم بالتلفون ومحد يعطيك وجه , و ودك تشغلين النت وما عندك خدمة Dsl وزهقانه وطفشانه وقتها تقولين..."ياليتني ولد"
"يا ليتني ولد"
لما يتفقون عيال خالاتك واخوانك وعيال عمانك انهم يطلعون للبر ويطقون مخيم للشباب""بس"".. وانت ماتشوفين بنات خالاتك الا الخميس .. وقتها تقولين " ياليتني ولد"..
"ياليتني ولد"
لما تكشخين انتي وامك وخواتك لأنكم معزومين .. وانتي قاعده تتكشخين وتتزينين من صباح رب العالمين, ولما تنزلين وتدق امك على ابوك يطلع جواله مقفل , وتدق على اخوك يقول: والله انا بمكان بعيد ومعي واحد من العيال ولا أقدر اجيكم.. ولا فيه احد يوديكم, وتتفركش الروحه وقتها وانتي طالعه لغرفتك تبدلين ملابسك تقولين بكل قهر::"آآآآآآآآآآآه يـــــاليــــــــــتني ولــــــــــــــــد".
"ياليتني ولد"
لما تطلبين انتي واخواتك من ابوك وتقولين: ياحبيلك يبه الله يجزاك الجنه تكفى خلنا نسافر هالصيفيه.. يرد عليكم ابوك ويقول: وانا ابوكم ما عندي اجازه هالسنه خلوها السنه الجايه..
وبنفس الوقت يدخل اخوك يقول: يبه الله يطول بعمرك تراي الاسبوع الجاي ابسافر مع الشباب بنفر شوي في ربوع مملكتنا الغاليه..
وأنتي وخواتك تآكلون تبن.. وقتها بتنفشين شوشتك وتقولين"ياااااليتني ولد" ..
"ياليتني ولد"
لما تروحين للسوق بتشترين اغراض لزواج احد اقاربك او للعيد .. ولا تلقين اللي انتي تبغينه وقتها تقولين.."ياربييييه ياليتني ولد!!"
"ياليتني ولد"
لما تكونين طفشانه ومالك خلق احد وصديقتك لك شهرين ما شفتيها, وتمرين من عند بنده وتشوفين الشباب جالسين مع اصدقائهم في مقهى يوم القهوه.. ضحك و وناسه..
وقتها تقولين "ياليتني ولد!!"
"ياليتني ولد"
لما يكون ضايق صدرك و ودك تطلعين وابوك مسافر.. وتطلبين من اخوك يطلع بك تتمشون وتقولين: الله يخليك ودي اطلع طفشانه!!!
ويرد عليك ويقول: والله اليوم علي الطلعه بالاستراحه << يعني علي العشاء!!
وقتها تقولين "ياليتني ولد"
"ياليتني ولد"
لما تشوفين اخوانك رايحين جايين على الاستراحات والا على صالات البلياردو والبولينغ .. وضحك و وناسه وفلة حجاج.. وقتها تقولين"ليتني ولد"..
"ياليتني ولد"
لما تطلعون للبر والكل مستانس ومبسوط وعيالكم يلعبون بالدبابات والا مطاعس بالنفود , وانتم تطلبون منهم بس طلب واحد بسيط مايتعدى فرة وحده بالسياره او ركوب دباب , ويقولون لكم وبكل بساطه لا لا لا ماحنا فاضين لكم!!!
وتظفون وجيهكم انتي والبنات عند الحريم وسوالفهم الممله.. وقتها بيطلع لك قرون من القهر وتقولين "يااااااااااليتني ولد".
لما تشبكين النت وقاعده وما عندك من الشيطان طريق ومستانسه..
يجيك اخوك يقول سكري النت ابكلم!! تقولين : اصبر بس شوي!!!
يقول لااااا .. يالله بسرعه!! وقتها تقولين:"ياليتني ولد"
"ياليتني ولد"
لما تبغين شي ضروري من السوق والا السوبرماركت ..
وتروحين تطلبين من اخوك .. يقول لك : انا مشغول!!
والثاني يقول مانيب فاضي!!
وتروحين للثالث تلقينه نايم ولا فيه امل يقوم.. وقتها بتقولين "ياليتني ولد"
"ياليتني ولد"
لما تروحين للمشغل بتقصين او تصبغين شعرك. وتلقينه زحمه والحريم الراس على الراس ولا فيه امل يجي موعدك الا بعد ثلاث ساعات<< يعني مت ياحمار لين يجيك الربيع, مع احترامي لكم.. ومالك خلق تنتظرين وقتها تقولين "ياليتني ولد"..
"ياليتني ولد"
لما تروحين للسوق وتخلصين اغراضك وتدقين على اخوك , ويقول بس عشر دقايق واجي!! ويرصك ابو الشباب ساعه الا ربع وانتي تطبخين من القهر,, وقتها تقولين "ياليتني ولد".
"ياليتني ولد"
اذا صرتي بالجامعه تدرسين وما عندك الا محاظره وحده , و ودك تطلعين بس الباب مسكر وما يفتح لك يعني ممنووووع تطلعين بدري. وتقعدين اربع ساعات بالفاضي..
والعيال يقدرون يطلعون متى ما خلصوا ويدبخونها نومه إلى الظهر.. وانتي تآكلين هواا. وقتها تقولين.. "ياليتني ولد"..
والله ان عندي الكثير والكثير بخصوص هالموضوع بس وش اقول اكثر من كذا!!
وفي الاخير اقول الحمدلله الذي خلقني فأحسن خلقي وفضلني على كثير من خلقه..
ولكم تحياتي