منتديات اشراق العالم - آيه .. آنتي .. تعالـي .. آخر كلامـي لك .. لازم تسمعينه

http://img229.imageshack.us/img229/2...dac23d4mx2.gif

دقيقه من فضلك قبل لا تروحين ** عندي كلام ولازم تسمعينه

يمكن كلامي ينفعك عقب تقفين ** ويمكن كلامي صعب ما تفهمينه

يمكني اكبر من خيالك وتدرين ** اني كبير وعالمي تجهلينــــــه

انا الذي جيتك على ما تمنين ** عشق وقصيد وكل شي تبينــــه

لكن عقلك تاه واخطى العناوين ** تهتي وانا اللي كنت احسبك فطينه

كتبت فيك الشعر يمكن تحسين ** بس الشعر يا بنت وينك ووينه

واليوم ماني لاعن حظي الشين ** ولاني بقايل قلبي الله يعينـــه

باقول جعلك في صدودك تمادين ** لانك رخصتي عقب منتي ثمينه

ولاني عطيتك فوق ما تستحقين ** لا بد اصون القلب عن عاذلينه

ولان وعندي للمحبه قوانين ** لا يناسبك قلبي ولا تناسبينـــه

روحي وانا بروح لا بد تلقين ** شخص مثل طبعك ولا تتركينـــه

ولي ابتعدنا عن بعض لا تظنين ** اني على فرقاك نفسي حزينه

بالعكس انا ودي فرقاك من الحين ** لن الجفااا حقك وتستاهلينـه

شفتي وفا قلبي ولازم تشوفين ** وشلون قلبي يحتقر خاذلينه

من باعني لا بد اوريله الشيـــن ** واقطع حباله لو حباله متينـه
خلاص في نفسي ولا عاد تسوين ** ولا عاد لك في القلب غير الضغينه

حتى لو اني قلت لك شيخه الزين ** تاكدي في عيني اليوم شينه

وباختصرها جمله بين قوسين ** ( عشق على غير كرامه غبينــه )

عيب على الرجال طرد المقفين ** وعيب على الرجال بنت تهينه

واخر كلامي لازم انك تعرفين ** اني كرهت العشق والعن سنينـه

http://img229.imageshack.us/img229/6...68bd2a8fa1.gif