منتديات اشراق العالم - قصيدة ياخوي من بعدك

http://www.eshrag.net/vb/mwaextraedit4/frames/tr13.gif http://www.eshrag.net/vb/mwaextraedit4/frames/tl13.gifياخوي من بعدك

للشاعر / سالم بن محمد القحطاني

البارحه يوم المخاليق ممسين **** والقلب في بحر الهواجيس داوي

عذلت قلبي قال وينك وأنا وين **** ما ينعذل قلب لدربه نحاوي

هاجوس قلبي حطني بين رايين **** راي قريب به وراي قصاوي

يا راكب من عندنا فوق ثنتين **** باقي لها من ني عام شلاوي

متيهات في المرابيع عامين **** ما ربعت وسط الشعيب السناوي

يركب على أكوارالنجايب غلامين **** شجعان روس وطيبين الهقاوي

تكفون ريضوها عسى فالكم زين **** يا اهل النجايب مسعات المضاوي

خلوني اعبر كتاب بسطرين **** وخذ الكتاب اللي لرده شفاوي

عطوه عايض يوم تاتون ملفين **** سلم عليه وخبره بالدعاوي

وانشد عن أحواله عسى كلش زين **** اربه على الدنيا بخير وغناوي

ياخوي من بعدك ترا خاطري شين **** بين العرب مثل الوحيد الخلاوي

وأعوي كما ذيب زعج له بصوتين **** عداه من صيده عشاه الضراوي

ذيب جويع وأكد الصبح بالعين **** صاحو عليه البدو واخطا الشواوي

لا قلت يا عين الشقا ما تهيدين **** ماجت مع جولات قلب شقاوي

وجدي عليكم وجد من حده الدين **** والا غريب راح عمره جلاوي

يا الله ياقابل صلاة المصلين **** يا اللي له العبد المصلي رجاوي

اجمع لنا شمل من البعد قسمين **** وافرج على قلب من الهم ذاوي

وسلامتكم

ارجو ان تنال اعجابكم ورضاكم

تقبلو تحياتي http://www.eshrag.net/vb/mwaextraedit4/frames/br13.gif http://www.eshrag.net/vb/mwaextraedit4/frames/bl13.gif

المصدر...