منتدى اشراق العالم - [من مطبخي] البطاطس باللحمة من مطبخي, تعرفي علي كيفية تحضير صينية البطاطس باللحمة من مطبخي

http://upload.3dlat.net/uploads/3dla...5d88c4b0d5.png
صينية البطاطس باللحمة من مطبخي, تعرفي علي كيفية تحضير صينية البطاطس باللحمة من مطبخي
صينية البطاطس باللحمة من مطبخي, تعرفي علي كيفية تحضير صينية البطاطس باللحمة من مطبخي
http://upload.3dlat.net/uploads/3dla...a57837d4b6.gif
ازيكم يابنات وحشتوني جيبالكم انهرده وصفه اظنها سهلة علي كتير مننا بس انا عملتها للمبتدئات
اتمني الوصفه تعجبكم حبيباتي
اول حاجه يابنات المقادير تكفي لخمس افراد
http://upload.3dlat.net/uploads/3dla...5bac5cc7c6.png
للبطاطس:
2 بصله متوسطه وتقطع حلقات
4 حبات بطاطس وسط وتقطع حلقات سميكه
توابل حسب الرغبه انا بحط (فلفل اسود- كمون - قرفه وشوية شطه صغيرين عشان العيال مش بكتر هههه)
3 ملاعق صلصه بيوريه او 2كوباية صلصه فريش زي ماتحبي
2 ماجي
3 حبات طماطم مقطعه شرائح ولو عايزة تضيفي فلفل حطي بس جوزي مش بيحب الفلفل فيها
عشان كده انا محطتش
معلقة سمن
اللحمه:-
1بصله متوسطه
توابل(فلفل اسود- قرفه-ورق لاورا - كمون)
نص كيلو الي كيلو الا ربع حسب العدد الموجود
http://upload.3dlat.net/uploads/3dla...14de11ed07.png
سلق اللحمة:-
1- بعد متغسلي اللحمة كويس حطيها في حلة السلق بدون ماء هنشوح اللحمة مع البصل الاول
حطينا اللحمة وعليها التوابل فقط بدون ملح علي نار هاديه هتلاقي اللحمة طلعت مايه لوحده سبيها تاخد وتدي
مع البصل تمام
2- افتحي الحله هتلاقي لون اللحمة اتغير وابتدت الميه تقل زودي مايه براحتك (املي الاوضه شوربه ههههه)
بس مش براحتك اوي يعني هههه
3- عند تمام النضج حطي ملح عادي زي ماتحبي
تحضير صينية البطاطس:_
1- قطعنا البصل شرائح حطي عليه التوابل وقالب ماجي واحد وقلبي البصل مع الماجي والتوابل بايديك كده
http://upload.3dlat.net/uploads/3dla...5d059b7701.gif
2- رصي البطاطس في الصينية علي البصل وبعدين حطي عليه طبقه من الطماطم المقطعه شرائح
وحطي راق بطاطس تاني وراق الطماطم علي الوش زي اللي في الصورة كده
http://upload.3dlat.net/uploads/3dla...62a7369342.gif
http://upload.3dlat.net/uploads/3dla...fbb5cd45e3.gif
3- حطي الصلصه البيوريه وزود شوية شربه من اللحمة علي البطاطس حوالي 2 كوبايه كده يعني تغطي البطاطس
http://upload.3dlat.net/uploads/3dla...4d53c2c064.gif
4- حطيها علي النار وعند الغليان حطي معلقة السمن وقالب الماجي وحركي الصينيه بايدك او بمعلقه
http://upload.3dlat.net/uploads/3dla...ee57933ca5.gif
5- سبيها علي النار حوالي ربع ساعه واقفلي البوتجاز رصي اللحمة علي الوش وحطي شوية من
الصلصه بتاعة البطاطس علي اللحمة من فوق وحطيها في الفرن تاخد وش بس من فوق
http://upload.3dlat.net/uploads/3dla...a57837d4b6.gif
تقدم مع طبق الارز الابيض الساخن والمخلل
وبالهنا والشفا ياقمرات اتمني تكون الوصفه نالت اعجباكم ومكنش رخمت عليكم
ونورتوني بوجودكم اللي هترد وتقيم هبعتلها طبق هههه:228::227:

http://upload.3dlat.net/uploads/3dla...667e2a0008.png

للوصول الينا ومتابعة كل جديداكتبي بمحرك البحث (منتدى عـدلات) او (3dlat)