منتدى اشراق العالم - قصة معاصرة عن طائرات الشبح الأمريكية

السلام عليكم ورحمة الله

اسرائيل بتستعرض قوتها وعملت غارة بطائرات الشبح الجديدة f-35 على مطار المزة السورى وضربته ب 8 صواريخ .... طبعا نظام s-400 الروسي اللى موجود فى سورية لم يتعرض للطائرات الشبح (اما لم يرصدها او بالاتفاق المسبق ... منعرفش لسه)

السؤال اللى حيتبادر لذهنكم كلكم هو طب احنا (مصر) حنعمل ايه مع الطيارات دى ؟

طبعا انا مقدرش اقولكم حنعمل معاها ايه بس اقدر اقولكم عملنا معاها ايه قبل كده ... والحكاية دى كتبتها من سنوات لو انتوا متابعيين (شكلكم مش فاكرين .. طب احكى لكم الملخص تانى) ...

فى حرب تحرير الكويت (حرب الخليج الثانية) ... استخدمت امريكا الطائرات الشبح f-117 لتدمير الدفاعات الجوية العراقية التى بالفعل لم تستطيع رصدها ... ولم تستطيع ردارات اى دولة من ال 35 دولة المشاركة فى العملية رصد الطائرات دى .... ما عدا الردارات المصرية اللى كانت بترصدها وتصورها كمان .... لان المصريين جابوا معاهم ردارات قديمة جدا من ايام الحرب العالمية الثانية اسمها p-1 ودى بتشتغل بموجات vhfطويلة المدى اللى انتهى استخدامها من الستينات (دلوقتى كله بيستخدم ردارات بتشتغل بموجات uhf قصيرة المدى)... وكان الكل بيستعجب ليه المصريين لسه بيستخدموها بجانب احدث نظام ساعتها (سكاى جارد اساس نظام امون الحالى) ... طب انتوا عارفين ان نظام الدفاع الجوى المصري الرابع على العالم؟ ... وواحد من ثلاثة فقط فى العالم بيستخدم نظم غربية وشرقية معا (مع الهند ويوغسلافيا)؟

بعد ما المصريين اذاعوا انهم قدروا يرصدوا الطائرات الشبح f-117.(واظهروا الفيدوهات للعالم) .. استفادت يوغسلافيا بالطريقة دى وبالفعل فى حرب كوسوفو قدرت تسقط طائرة شبح f-117 برصدها بردار بيشتغل بموجات vhf .. وطبعا كان الحطام بتاعها كنز عشان يعرفوا تكوين المادة اللى بتمص موجات الرادار ... اتبعت جزء من الحطام الى روسيا وجزء الى الصين ... وتم الشحن عن طريق سفارة الصين فى العاصمة بلجراد .. اللى امريكا قصفتها فورا بحجة انه بالخطأ ... بس طبعا مكنش خطأ .. ولكن لمنع وصول الحطام الى الصين وورسيا .... ولكن نجحت روسيا فى تطوير الشبح بتاعتهاt-50 ونجحت الصين فى تطوير الشبح بتاعتها j-20 بناء على تكنولوجيا ال f-117 بل فاقاها فى التكنولوجيا ... فقررت امريكا عمل الشبح الجديدة f-35 اللى ادتها لاسرئيل وبريطانيا فقط.

عمر ما كان السلاح هو اللى بيفرق ... اللى بيفرق هو عقلية وعقيدة المقاتل ... السلاح اللى فى الدول الخليجية اغلى واعلى من السلاح بتاعنا ولكنهم بيدوروا على اى حد يحيمهم رغم ذلك ولم يستطيعوا الفوز فى اى حرب.

ثقوا فقط بعقلية وعقيدة الجيش المصري ... عاشت مصر وعاش جيش مصر .... خالد

منقول بتصرف بسيط

تعليقي :

اللهم أصلح قادة مصر وجيشها وإجعلهم مع بقية جيوش المسلمين درعا قويا

اللهم إهزم دول الكفر التي صدت عن دينك وأثارت الفتن والحروب ودعمت الفرق الضالة

اللهم صل وسلم على محمد