منتديات اشراق العالم - كلمات بالهجة الكويتية

[align=center]

http://www.hawahome.com/MySmiles/Smi...-03_27_108.gif
السلام عليكم شلونكم شخباركم

واخواتي

هذه بعض الكلمات من اللهجه الكويتيه الي تستخدم في وصف الناس

http://www.hawahome.com/MySmiles/Smi...-03_27_108.gif

غشمرجي : يحب الضحك والمداعبه مع غيره

امخدي : ما يفهم غبي

رقله : غير رزين

كور مخلبص : ما يعرف يتصرف في حياته

هذار : الي يتكلم وااايد

قرقه : يتكلم في كل الامور وما يسكت

مسلون : السانه طويل يعني متكلم بطلاقه

دروو : يعني خبل

امصرقع : عصبي

بو شلاخ : كثير الكذب

اخواره : عن الي ما يفهم ويتصرف غلط

هاب ريح : عن الشخص الشاطر

بو قلبين : الشخص الذكي الي ما ينصاد ولا ينضحك عليه

تكانه : الرزين

كلكجي : الي يقول كلام ويفعل غيره

بودماغ : الشخص الذكي جدا

امشلوط : عصبي وحار ولسانه طويل

افتيني : صاحب النميمه بين الناس

حجاي : ينقل الكلام وينشره بين الناس

بو ويهين : بو وجهين

ربادي : كسلان

انفيسه : روحه غير مرحه

ثقيل طينه : انسان كئب غير مرح

خفيف طينه : انسان مرح

مري : الشخص السهل وطيب والمحبوب

امبعبس : غير متوفق في حياته

أقشر : الشخص القوي

ملقوف : الشخص الفضولي الي يتدخل فيما لا يعنيه

بلاغة شف : الشخص الي يحب يعرف كل شي في خصوصيات الناس

مشفوح : كل شي يبيه له بدون خجل

وي عريض : صاحب الوجه العريض وهو الشخص الغير خجول مع عيبه

دفش : الشخص الغير منظم او فوضوي في حياته أو كلامه سوقي

ذرب : الشخص المؤدب المتربي

لـُـوتي : الشخص غير الجدي والمتلاعب

عـيّـار : الشخص المراوغ

أثول : تطلق على الشخص الذي لا يجيد تدبير عمله

http://www.hawahome.com/MySmiles/Smi...-03_27_108.gif
ان شا الله يعجبكم القااامووس الكويتي
http://www.asmilies.com/smiliespic/FAWASEL/014.gif[/align]