منتديات اشراق العالم - ####00بدوووون كلام00###

[align=center]####00بدوووون كلام00###

دام النصيب اللي علق في جبينـي
لزمني الطيب وأنـا فيـه لزمـت
فأنـا علـى ماكنـت ياخابرينـي
أجي لها راغب وأذا عفتها شمـت
أرجع ورى خطوه عن كارهينـي
وعشرين خطوه للمحبيـن قدمـت
من قلبي اللـي فالهـواء مبتلينـي
اللي تحزم بي وأنا بـه تحزمـت
والجادل اللي مـا أظنـه نسينـي
في وعدها من حين ماوافقت قمت
واخـذت ورده قاطفتهـا يمينـي
لعلهـا تقبـل ملامـي اذا لمـت
ثم جيت موعدنا وهـي تحترينـي
وقامت عن الكرسي تسلم وسلمت
قالت يـا... خيـر قالـوا تبينـي
وهي تحاكيني وأنا فالحكي همـت
قالت يا... قـول قلـت اعذرينـي
كل ماأشوفك في كلامي تلعثمـت
لكـن باقـول وطالبـك تفهمينـي
وتكفين مابغى احس انـي تندمـت
قالت وش المطلوب قلت اسمعيني
أنا مـن اللوعـات يامـا تألمـت
صبرت لين الصبر بيـح كنينـي
وانتي ظلمتيني وأنـا ماتظلمـت
وأنا ومن جور الزمـان وسنينـي
منـي أعلمهـا ومنهـا تعلـمـت
انتي تبين الصمت بينـك وبينـي
طيب (أحبك) كيف تنقال في صمت
قولـي أحبـك كـذا صارحينـي
أو لمحي والعيب لـو ماتفهمـت
قالـت المـح قلـت هاخلصينـي
وتنهّـدت وتبسمـت ثـم تبسمـت
قالت بلاش أقـول طالـع فعينـي
وطالعت في عينه وسلهم وسلهمت
وحسيت شي يجرني مـع يدينـي
وبغيت أطيح وفي يدينـه تلزمـت
وكنه يقول العشـق فيكـم وفينـي
مع انه الساكـت وأنـا ماتكلمـت
وعرفت مما صـار بينـه وبينـي
ان الشعور أحيان ينقال في صمت

قصيده أكثر من رائعه أعجبتني وحبيت أنقلها لكم
وان شاء لله تنال أعجابكم

:

تحيااااااااتي

سوندريلا[/align]