المقادير

• 1 x معلقة صغيرة قرفة (او واحده قرفه عود)
• 1 x كوب خل
• 1 x معلقة صغيرة سكر
• 1 x معلقة صغيرة فلفل اسود مطحون
• 1 x عدد قلب بقري (يفضل طازة ماتجمدش)
• 1 x معلقة كبيرة زيت ذرة
• 1 x معلقة صغيرة ملح خشن

الخطوات

1. قطع القلب بسكينه حاميه شرايح سميكه على حوالى 5 قطع
2. جيب طبق غويط و حط الشرايح فيه و خرمهم بالسكينه و حط عليهم الملح و الفلفل و الخل , و سيبهم منقوعين من ساعة لساعتين.
3. هتلاقي الطبقه الخارجية بدأت لونها يبقي ابيض شويه. كده تمام شيله من الخل.
4. حط الطاسه على نار عاليه لحد ماتسخن جدا و بعدين ضيف الزيت
5. استني نص دقيقه و حط الشرايح بحذر. هتعمل صوت جامد. تمام كده صح
6. اقلبهم عالناحيه التانيه و النار لسه عاليه بعد دقيقه. و حط القرفه و السكر
7. حركه فى الطاسه بشوكه لحد ماياخد لون حلو مع السكر دقيقتين او 3 كمان
8. وطى النار خالص و غطيهم و بعد 5 دقايق اقلبهم الناحيه التانيه و سيبهم 5 دقايق كمان
9. على النار خليها متوسطه و شيل الغطا لحد ما الماء يتبخر وشوح شرائح اللحم شوية.. كده تمام

ملاحظات


ممكن تحط ماشروم كامل طازة معاها فى اخر مرحله تسويه. لو بتحب الركفورد. ممكن تهرس منها معلقه كبيره مع معلقه صغيره زبده و تقدمها معاها








المصدر: منتدى عدلات - من قسم: اكلات واطباق رئيسية