ابيات شعر عن العيد والغربة شعر سوداني جميل
عيد مبارك
شعر سوداني للشاعر الشفيع
العيد في بلاد الغربه حار يااخواني
لافيهو فرحه ولا فره علي جيراني
مسيخ لاليهو طعم لا لمه مع صحباني
عيدك يالغربه والله كتير ازاني
عيشني في الهم بدل الفرح وطال الشوق لسوداني
جالس براي انا والخيال والذكري في وجداني
عيدك يالغربه ماهو عيد كتير المني وجرحني
خلي نومي سهر ومن كاس الفراق جرعني
لا جلسه تحكي عن حنان لا فرحه تلهمني الصبر
شعر سوداني لعبد الله محمد خير
أمشى روح فوت بلا ندم
لى جيت يا عيد بلا طعم
فيك ما صبحت أهلى مشيت صليت
لا لا ما صافح صحاب للبينا صافيت
ما رجع لفيت بيوت حلتنا بيت بيت
لى يا عيد كان أريتك ضمه ما جيت
عمرى يا عيد ما بتجرسنى الشدايد
وما بتهد ايمانى أصناف المكائد
مافى عيداً ما بندور يجينا عايد
بس بدل أحزانا يبقى فرحنا زايد
وفى الختام لا شك العيد وسط الأهل
له مذاق خاص لكل الناس
ولكن للمغتربين يتبلد داخلهم الاحساس
وربنا يرد غربتكم سالمين غانمين .. وكل عام وأنتم بخير
ومن العائدين ومن الفائزين إن شاء الله
ابيات شعر عن العيد والغربة
ياغربه ياغشاشه يابكايه يامستهبـــــــــــــــــــله
تغرينا بي درهم قروش ووراه قنطار بهــــــــدله
جيناك نقعد بس سنه وحاجاتنا الناقصه نكمـــله
نبني البيوت في العاصمه ونفرش اثاثها نجمــله
وكرولا حاره نرسله اصله النقل صار مشكـــــله
نكمل الدين بمهل والسمحه جاهزه نحصـــــــــله
رد الله غربة كل مهاجر ومفارق خضرة النيلين
وإن شاء الله تامين ولامين
ابيات شعر عن العيد والغربة شعر سوداني جميل ومؤثر جداً
عيد مبارك
شعر سوداني حزين عن العيد
عيد بأية حال عدت يا عيد بما مضى أم لأمر فيك تجديد
أما الأحبة فالبيداء دونهم فليت دونك بيداً دونها بيد
صدقت يا المتنبئ أتى عيدنا ولم يكن به جديد أو تجديد
العيد وسط لمة الأهل له طعم ومذاق خاص
تخيل الناس من صباح الرحمن وهم لابسين بيض
الثياب يرددون الله اكبر الله أكبر والأطفال حولهم فرحين
دا.. كوم ومباركة العيد للأهل والجيران كوم تاني
ربنا يرجعنا لبلدنا ويعدل حالها المايل دا
وكل عام وانتم بخير وتامين ولامين
ابيات شعر عن العيد والغربة شعر سوداني جميل ومؤثر جداً
العيد في الغربة ما اسمو عيد
شعر سوداني المهندس/ إبراهيم عيسي البيقاوي
فرَاقُ أَحِبَتي في العِيدِ*** مَـزَّقَ مُهْـجَـتـِي إِرَبَـا
وَمرَّقَ في الأَسَي قَلْبِي * وَأَرْدَفَ حُـزْنَهُ نَـصَـبَــا
وأَمْسَي بِالجَوَي جَسَدِي * يُشَاطِرُ رُوحِــي التَّعَبـا
فنَفْسِي بهَوَي السُّودَان * مُغـْرَمَةٌ وَأَمْرُهَاَ عَجَبَـا
لَابهاءُ الحُسْنِ أَلْفتهَا***ولا الجَوُّ في أديس أبَبَا
أَيها العِيدُ الذي مَرَّ*** أَنْتَ مَطْلُوبٌ لَنَـا طَلَبَـا
فعَوِّضْنِي لَيالِي العِيدِ*** في وطنـي, ولَا هَـرَبَـا
وَأرْمِي بِي إلَي أُمِّـي * لِأرشُفَ حُبِّـــهَا حَبَبَــا
وَأَجمَعْنِي بِأَطْفَــالِي * وَزَوجَـاتـِي, وَزِدْ سَبَبَـا
فَطَــوِّفْنِي بأُمـــدُرّ * وَأُمْبَـدَّا ضُحَـيً سَــرَبَـا
وفِي الخُرْطُومِ أَسْتَلْقِي*** سعيداً مُتْرَعَاً طَــــرَبَا
هذا إذا ما تمّ يَاعِيدُ*** نَحَرْتُ خَرُوفًاً لَهُ نَسَبَـا
|