قصيدة بعنوان(( صورة 4×6))

ثلاث سنين انا اخطط لهذا اليوم يا ابو سعود
تيسّر حالي وجاهز اوفي وعدي بوقتة
وفجأة جتني تتعذر تقول تأخرت الوعود
وانا مستغرب واسمع وكأني وعدها خنتة
حسبت انها تمازحني وتتصنع جفا وسدود
ضحكت بوجهها من قلب مع انها بايخة النكتة
وقالت ارضى بالواقع قلبي ماهو المعهود
تغيّر كل شئ صوبك نصيبي ما اظن انته
كنت فيوم محبوبي لكن ما اظن نعود
وصل قبل ما توصل وانا ذاك الصبر عفته
ولكن تكفى صدقني ويشهد ربّي المعبود
ترا ما خنتك بغفلة ولا كلمتة وشفة
صراحة اهلي قالوا لي بانه ولد اصل وجود
وجتني امه بالصورة وبكلمات المدح اخته
سكت وقلت لي فرصة دام الجود بالموجود
وقالوا كل من حولي علامات الرضى سكته
انا فكرت دام امه واخته ما عليهم زود
اكيد اني بارضيهم اذا وافقت واخترته
واراضي اهلي واخواني دام ان الفرح مقصود
عطيت الناس انا كلمة ومعاهم وقتي حددتة
ولا اقدر اغيرها ترا عند العرب منقود
اوفق واعتذر باكر واقول الراي غيرته
تبي تشرح لي المنقود تصّدق عاد يا ابو سعود
تبيني اقتنع وارضى بحال عمري ما عشته
انا ما نيب قايلها عسى يفرش ثراها ورود
بعد ما حطمت قلبي وطعم الموت جربته
عسى بفستانها اشواك وفي ثوبه عقارب سود
ونار تحرق الكوشة وتحرق بيتهم حته
وموت بليلة الدخلة تبرّد حرّتي يا كود
ولا احس انها بحضنة يلامس خد لامسته
علي اهون اذا ماتوا ولا في نفس السرير رقود
ترا صعب علي اتخيل اللي ما تخيلته
عسى قاع الثرى يقسى ويتحول صخر جلمود
وحفّار القبر يرفض يسوّي فوق مقدرته
ترا دفنت عديم الذات تلوّع حتى كبد الدود
ومن خان العهود ومات تعافة حتى مقبرته
عسى ربي يجازيهم بحبل من مسد مدود
ويعلقهم من اطرافة وفوقه نار وتحته
انا ماني حقود وشين ولاني من نسل نمرود
ومن حط نفسة بوضعي يقول اللي انا قلته
مادام الفعل له ردة فعل والله ابشري بردود
بادعي دامني حي وبأغرس للدعاء نبته
وبأسقيها نزيف القلب ودمع ما رحم الخدود
وتكبر والثمر ثاري من اللي خانني وخنته
ثلاث سنين انا اخطط لهذا اليوم يا ابو سعود
وتوافق من كلام اختة وصورة4×6