كتبت الشعر ما دور على الشهرة مع الشعار

بسم الله الرحمن الرحيم
السلام عليكم ورحمة الله وبركاته


كتبت الشعر ما أدور على الشهرة مع الشعار
كتبت الشعر أدور بسمة الغالــــــــي ورضــوانه

هــاذيك الي ليا زعــلت زعـــــلها شين ياستار
يقوم إلها القلم والبـــوك والشاعـــــــــــر وقيفانه

هاذيك الي إذا زعلت علي مخلق لها الاعذار
رضاها عند عاشقها قصايــــــــد نزف وجـــدانه

هاذيك الي لها عندي غلا وحب وفاء ومقدار
هاذيك الي لها عيني وأنا بالنـــــــوم سهـــرانه

هاذيك الي إذا جتني تضوي لي بنات أفـكار
ليا ناظـــــــــرتها ما بين فرحـــانه وخجــــلانه

توريني بنظرتها من أســــرار الغرام أســرار
ليا قامـــت تسلهم لي بطــرف عيون نعسانه

بحورالارض كم يغرق عليها من الطمع بحار
وبحر الشعر ما يصعب على الموعود بالدانه

أدورها ورى حدود الخيال وهاجس الاشعار
وألاقيها على شاطــــي بحور القلب غرقانه

تنادينــــي وأجـــيها والمسافـــة بيننا التـــيار
وموج البحر ضد المركب الي صرت ربانه

ليا قربت انا منها تحذرني من الاخـــــطار
وإذا بعت قالت لي تراني منك زعــــــلانه

وأعود ونتشلها وأزبن الصحراء وأشب النار
من ضلوعي وأدفيها وهي ترجـــف وبردانه

وقبل ندفا تهب العاصفة والريـــح والامطار
وتطير بنار شوقي فالهواء جمره وضيانه

وحط أيدي بيديها وحال السيل دون الغار
ولا أدري كيف أخذها من يديني عند بيبانه

وأضيعها ودورها وألاقيها بصيف(ن) حار
تناديني وترفــع يـــدها وتقــــول ضمـــــــيانه

وأسيل للضماء فيها من أشواقي بحر وأنهار
وأخـــــليها تخيل كن روحــــي ظل رمــــانه

تعانقنا من الفرحة وغفينا والجـــــروح أكثار
أقــــول إلها أنا ولهان وهي تقـــول ولهانه

وقبل مابل ريق الروح بركان المفارق ثار
فتحــــت العين أدورها لقيت العين عميــانه

أناديها وصيح أنتي يمين الصوت ولا يسار
ويجيني ردها لا لا ما بيك تشم دخــــــانه

هقيت أن القضاء جاها وقلت آمنت بالاقدار
ورحت أكتب حكاية حبها وماتت على شانه

يعزيني عليه الياس ويبشرني بها الاصرار
وأنشد ياعــــرب من شاف للهيمان هيمانه

أسولف عن فتاة(ن) يذكرون إلها بعيد اذكار
تنشد عن فتى وسم الهوى بطــراف حجـــــانه

أظن أحد(ن) على الطاري يجي من يمها بخبار
وحــــــــن إلها حنــــين المغتــــرب لـــديار خـــلانه

يبون الوصف مني بس انا في وصفها محتــــار
أنا وشلــــون أوصـــــف خلقة الرحمن سبحــــانه

ما قول ألا هاذيك الي عليها العين ما تختار
إليا بانت على مـــد النظر للشـــوف فـــــــتانه

وللقا من يخبرني وقــــــوم أواصل المشـــــوار
وأحسد الطير جـــــــنحانه ليا ستل بجنحـــــانه

وألاقيها على عهـدي تغنــــيلي على التــــذكار
على التذكار انا ما خنت عهد الحب لو خانه

تسولـف للفضاء عني تقول أبطى عساه أمجار
ياليته قبل ما يرحل عطاني كــــــــرت عنوانه

وترفع يدها من فوق خد(ن) كن فيه أزهار
تمسح دمعة(ن)طاحت على الخـــــــدين تعبانه

وقفت أقول أنا ما قلتلك إن الزمــــــن دوار
وجتني من فـــرحها ثــوبها ترثـــــــع بشـلانه


الشاعر/ بندر بن تراحيب النفيعي

صح لسان بندر وسلمت يمينك

والله روعه وكلمة روعه قليله في حقك

الله يعطيك العافيه

تقبل مروري

طبعا اقصيده هذي مكتوبه لي ههههههههههههه
تسلمين على المرور
لاهنتي

خيااال صح لسان الشاعر بندر

وتسلم يدك عالنقل

يعطيك ربي الف عافيه

يسلمو على المرور العطر


لاهنتي

صح لسانك ولاهنت يالبى عمرك

انت تستاهل كل خير

القصيده حلوه والي محليها انها مكتوبه لك

يالبى عمرك

فديتك

تقبل مروري

شكرا على مرورك
لاهنت

صـح لسـآن بدر

وسلمت يمينك عالنقل


سطور في قمة الروعه

دمت كمـآ تحب

صح لسان قايلها وتسلم يمناك

تقبل مروري

صح لسان بندر وسلمت يمينك

والله روعه وكلمة روعه قليله في حقك

الله يعطيك العافيه

تقبل مروري