(عيـد حب سعيـد - valentine day)

الســلآم عليكم !!

معظم تاللي اخش مواضيعهم يقولون " ما اعرف اكتب مقدمه - فاشل بالمقدمه "

انا مثلهم:bleh:


الموضووع /

غداً يصآدف يوم مهم لبلدآن غربيه كثيره !!
14 - فبرآير ..
هاليوم شي .. يعني الكل يحتفل معا اللي يحبه ويعيش يوم رمنسي
وكأنه عمره ما شاف الي يحبه ابد الا هذا اليووم !!

طيب لكل سالفه وذكرى قصه .. ولكل قصه بدايه خلونا نشوف وش سالفة عيد الحب الي مأذينآ @@

**
بدأيت السالفه بدأ في كنيسة كاثوليكية على شرف القديس فلنتاين (Saint Valentine) ، واللي كانت تحت حكم الإمبراطور الروماني كلاديوس الثاني في أواخر القرن الثالث الميلادي ..

هذا الإمبراطور كلاديوس يصنف أنذل مخلق خلقه ربي .. قولوا ليش ؟
ليــش ؟؟
طيب ! ، هذا الله يسلمكم يعشق الحرب والحروب ويحب أن تكون ديرته الأولى عالمياً بالحرب وكل شوي يهجم ع مكان ينسفه بجيشه القوي ويرد وع هالحال .. لما لاحظ ان كل جيشه عزآآب وجيشه بكل حرب يموت فيه 70 او 90 على الأقل ..
رأح عند الوزير وين المتزوجين من شعبي ؟
رد عليه الوزير : والله كل المتزوجين مو فاضين لك ولحروبك وجالسين معا حريمهم وبزارينهم
الإمبراطور هنا عصب وقال : اجل انا ودولتي نروح وطي والسبب حريم وبزارين ..
ويصدر قرار رسمي ملكي امبراطوري ( منع عقـد أي قران بالدوله نهائياً ) وما نبي عيال نبي حرب الحين

عصبوا العزآب وضاعوآ ومالهم الا الحرب وقلوبهم معلقه ..
هنا طرطع القديس فلنتاين وقال : والله لا ازوج كل عزاب الدوله دام رأسي يشم الهواء ..
وصار القديس يزوجهم بمكان ورا الكنسيه سراً !!
والشباب يتزوجون ومعينين خير والإمبراطور ع باله محد يتزوج !!

شوي طاح الفأس برأس وانصاد القديس وأسحبوووه ورموه قدام الإمبراطور ..
قال له : أجل تزوج العزآب وتخليهم متزوجين وينشغلون ببيوتهم وانا ضايع بالحرب يآآ .... !!!
رد عليه : ايييه .. ازوجهم مين انت تمنع ( الحب أقوى من كل الحروب ) > الي بين القوس قالها صدق
رد عليه : لك زتووه بالسجن لا يخييس !!
والله زتووه زته قويه !

ما وقف هنا صار العالم تجيه لسجن ويزوجهم واللي ضحا بحياته وصار ينسجن لفتره بس عشان ينسجن .. سنه سنتين ثلاث والقديس شغاال تزويج
وبنفس الوقت طاح بغرآم بنت الإمبراطور وصار يرسل لها مسجات ع الجوال .. بس ما توصل لها لان الشبكه على أيامهم لاهي موبايلي ولا كانت الأتصالات

وكان يرسل لها خطابات معا بعض الجواسيس بالقصر لما اكتشف وقالوا هذا ميؤؤس منه ..
مافي الا أعـــدآآم ..
يوم وصل الخبر رسل لبنت الإمبراطور رساله غراميه واخرها " من فالانتاين حبيبك "
> مصدق عمره عمره صك الـ 300 وهو من حبيبك

وبيوم 14 - 1969 ..
وقفوا فالنتاين عجوز النار واعدموه علناً وخلوه عبره !!

**

من جد يا عالم كيف لنا نحتفل بعيد هذي قصته ؟؟
يعني شالذكاء تحتفل بموت شخص " مغفل "

يعني اذا انت تحب ما نزل الوحي وخلاك شاعري الا ذا اليوم !
غير كلامي عيد الحب محرم تحريم من قبل فتوى الشيخ عثمان صالح العثيمين ، وهنا التحريم صوره

فماهي وجهة نظركم خلال هـ اليوم ؟

ملاحضه / يمنع الكتابه باللون الأحمر:bleh: