الــــرجــــال الي يهــــجر حرمتــــه بدون سبب ،،،، وش وضـــعه بالضبط ؟

هذي زوجها وش وضعه برايكم؟
انا اقول يا ان الحرمه شينه !!
او الرجال عايش قصة حب او متزوج بالسر
او يسوي كذا حركة تطفيش علشان تخلعه ويستفيد ماديا وانتم ابخص بنفسية الرجال


السلام عليكم
اختي اذا ممكن تنزلي مشكلتي ربي يجزيك الجنه انا عمري 25 سنه و زوجي عمره 37 سنه تزوجت من 8 سنوات ومعي ولدين
وعايشه بمدينه بعيده عن اهلي يعني ما اشوفهم الا مره بالشهر تقريبا ومرات اكثر ومرات اقل مشكلتي هي انو زوجي هاجرني بالنوم بشكل كبير ، تجيه فتره ثلاث شهور مايقربني نهائي ومافيني لاعيب ولانقص وجميله واكبر دليل اني لارحت الزواجات كثير يخطبوني يحسبوني مش متزوجه
تكلمت معه اكثر من مره بس مافي فايده ،،كل مره يقول هو مشغول او عنده ضغوطات نفسيه او يتحجج بالعيال وهما نايمين بغرفتهم. طيب حتئ لو افترضت انو عنده ضغوطات نفسيه مثل مايقول ،، هالضغوطات تظل معه لشهرين وثلاثه!!!
رغم انو هو مرتاح بعمله كثير وماعليه ديون والوضع المادي جدا ممتاز عندنا بس دايم هاذي اعذاره
وقد مره جيته ورفض رفض تام قلت له انو الملائكه تلعنك وانت نايم لانك تحرمني من حقوقي رد بكل برود ،، عادي خل تلعني !!
والمشكله مو بس كذا ،المشكله انو حاسه ان وجودي بحياته مثل الخدامه ،، بس تنظيف بالبيت ومذاكره للعيال ،،و ويلي وسواد ليلي اذا قصرت بشغل البيت ولا راحة علي نومه بالظهر وماسويت الغدا يظل عافس وجهه ويذم فيني انتي مهمله وانتي فوضويه وانتي وانتي ،، يسحب علا كل الايام اللي انا اكرف فيها ويمسك علي بس شي واحد عشان يظل يهذر علا راسي ومايسكت عني الا لزين ابكي واقوله خلاص ماعاد ابيك ابي اروح لاهلي نهائي مافي اهتمام ،، مافي شي يخليني اقول اني بتحمل كل هالجفاف منه غير عيالي
انا الان محتاره ،، اصبر عليه وعلا تعامله معي عشان عيالي ولا انفصل منه ،، وحتا لو انو اخترت اني انفصل ايش يكون السبب اقول لعند اهلي
.