|
|
|||||||
|
|
|
|
أدوات الموضوع | انواع عرض الموضوع |
|
#1
02-28-2017, 07:31 PM
|
|||
|
|||
رواية انت تدري البنت لا عشقت وش ممكن يصير - راما الدلوعة
روايه انت تدري البنت لا عشقت وش ممكن يصير!!
بقلم:**راما الدلوووعه** او Яąṁά●̮̮̃•̃ả๔ĐĽǿǿ3ά << نبدأ بسم الله الرحمن الرحيم <<<<<<<<<<<<<<<<<<<<التمــــــــــــرد!!>>>>>>>> >> >>>>>>>>>>>>> البـــــــــــــــــــــــــــــــــــــــــــــــ ـــــارت الاول 1 البدايه.......... فتاه في عمر الورد محطمه..................... وحيده...................... يتيمــــــه................... #ونت روحي أنين الميت.. من بعد ضياع حروف الآهات# كانت جالسه على الكنبه في الصاله وتتفرج على التلفزيون وبالها مشغول تفكر بالايام الجايه والفرح انمحى من وجهها وحل مكانه الالم والحزن الي كبرها 10 سنوات على عمرها ............. مرت ثلاثه شهور من يوم الحادث الي صار لها ماتو فيه سندها بهالحيـــاه عزوتها امها وابوهـــا وضلت لحالها لا انيس ولا ونيس اختفت الحيويه من حياتها وصارت جمــــــــــــــــــــــــــــــــــاد.^.^.^.^ رغد بنت زي القمر عمرها 19 سنه جميـــله بكل المقاييس بس مرجوجه شوي ولسانها طويــل وشعرها طويل يوصل نص ظهرها لونه اسوود سواد الليل وجاي مع بياضها وجسمها عذاااب عيونها خضر وواسعه لان اصل امها ايطاليه وفيها غميزه صغنونه في خدها تبان اذا ضحكت تحب المقالب مخلصه ثنويه بس مادخلت الجامعه بسبب وفاة اهلها والظروف الي مرت فيها وكان عندها اخو واحد بس وما عندها اخوات واخوها اسمه نايف... كانت نسسسخه منو بس الفرق ان اخوها لون عيونه بنيه زي ابوه وفي جرح في خده اليسار حصل من حادث وهو صغير طاح من الدباب بس الجرح كان مخليه احلى كله رجوله وهو كان عايش مع اهله بس فجاءه اختفى ومحد يدري وين راح لان كل أغراضه موجوده الين مافقدو الامل انو يرجع فاعتبرو انه مات وكانت رغد هي الوحيد الي مو متقبله انو نايف مات وحاسه انو عايش وبيرجع.. نروح لامها اسمها (ساره ) عمرها 45سنه كانت امها جميييله وجذابه مع انها كبرت بس مو باين ابد عليها الكبر وكانت حنونه على رغد ونايف جاتها ازمه نفسيه يوم راح نايف بس بعدين تقبلت الوضع ... اما ابو رغد( بندر)عمره48سنه كان رجل طيب وعلى نياته وكان وسيم وملامحه تدل على الرجوله والشهامه جاه السكر والضغط بعد روحه نايف الي مجهول سبب اختفاءه..ز<< نايف سبب لهم ازمه> المهم كانت عايشه مع اهلها والسعاده ماليه حياتهم ويوم من الايام راحو هي و اهلها المستشفى لان ابوها ارتفع عنده السكر وهم راجعين حصل لهم حادث وماتو امها وابوها اما هي ربي نجاها ولحقو يسعفونها وانكتبت لها الحياه من جديد بس فقدت اغلى شخصين في حياتها امها وابوها وصارت وحيده بس عندها امل ان نايف يرجع بس الامل ضعيييييف....... نرجع لرغد قامت تتوضى وتصلي وهي تفكر كيف بتكمل حياتها وتعيش بدونهم وكيف بتصرف على نفسها والفواتير والكهرباء والدراسه وو...... ابوها كان يشتغل فما بقي لها الا معاش التقاعد ...مستواهم المعيشي كان عالي بس مو ذاك الزود وكان لابوها نصيب كبيـــر في الورث عشان كذا فلتهم كبيــــــــــره <اهم شيء خلصت صلاتها وجلست تستغفر وتدعي لهم بالرحمه والمغفره سمعت صوت جرس الباب يرن ترررن ترررن راحت تفتح الباب وطلع عمها الي جاي فصخت شرشف<جلال> الصلاه فتحت له الباب ودخل.. عمها ابو طارق: السلام عليكم رغد: وعليكم السلام هلا عمي حياك ابو طارق: كيفك انشا الله احسن اليوم رغد: ماشي الحال عايشه لا تشيل همي دخل ابو طارق المجلس وجلس على اقرب كنبه تنهد بصوت يرتب افكاره وبدا يتكلم بجديه كاأنه مجهز الكلام الي ناوي يقوله ابو طارق :رغد اظن انه لازم نتكلم الحين رغدارتبكت وبان عليها : تفضل اسمعك ابو طارق: زاد فضلك رغد بهدوء:لحظه ايش تشرب ابو طارق :بس جيبي مويه احس اني عطشان رغد وقفت: لحظه بس وتكون عندك بعد خمس دقايق رجعت رغد بكاس مويه بارد: تفضل عمي ابو طارق وهو يشرب المويه : مشكوره تعبتك يابنيتي رغد:ولو عموو تعبك راحه ( ابو طارق اسمه محمد يصير عم رغد وهو الوحيد الي يقرب لها لان امها يتيمه وابوها ما عنده الا اخوه محمد وهو انسان عصبي ومتسلط واهم شي عنده الفلووووس $ يبيع نفسه عشانها وعنده شركه يشتغل فيها مع ولده طارق طمعان في ورث رغد الي هو الفله متزوج وهو اكبر من ابو رغد بسنتين يعني عمره 50سنه عنده ولدين وبنتين وحده بعمر رغد والثانيه صغيره وراح تعرفوهم اكثر مع الاحداث V نرجع للاحداث: ابوطارق طلع عيونها: شوفي يارغد اهلك صار لهم ثلاث شهور من ماتو وانتي عارفه انو مالك اقارب غيري امك يتيمه وانا اخو ابوك الوحيد يعني انا الحين صرت ولي امرك والمسؤول عنك صح كلامي والا لا رغد بحزن: الا صح ابوطارق:................... رغد : كمل ياعمي انااسمعك ابو طارق بارتباك: يعني يارغد لازم تعيشي معانا انا وعيالي و.. رغد قاطعته بصرامه: اسفه ياعمي احنا اتكلمنا فهذا الموضوع انا مارح اطلع من بيتنا (بحزن)هذا فيه ريحه الغوالي واذا كنت حاب تعال زورني عشان تتطمن علي ابو طارق : الله يرحمهم طيب خليني اخلص كلامي رغد بطفش: تفضل ابو طارق : رغد انا ابغى ازوجك من طارق ولدي اشرايك رغد انصدمت: اييييييييش؟ ابو طارق عاد عليها بهدوء: طارق يبغاك وش قلتي ... رغد بنفي مو مستوعبه الي سمعته:طبعاً لا .......... انا مو موافقه ابو طارق ماسك اعصابه : وليش انشالله مو موافقه شايفه عليه شئ رغد: عمي اسمح لي انا ما افكر بالزواج وطارق مثل اخويا نايف مستحييل اتزوجه ابو طارق بعصبيه: رغد انا سكت لك وكنت ابا هذا الشي برضاك بس الظاهر باخذ اسلوب ثاني معك رغد بخوف: وش قصدك؟؟ ابو طارق بنفاذ صبر: يعني بتتزوجي طارق غصب عنك رضيتي والا مارضيتي رغد برجاء : عمي الله يخليك افهمني انا اعتبر طارق اخوي كيف اتزوج اخوي.. ها كيف و كماان الزواج مو بالغصب ابو طارق عاند : بتتزوجينه ورجلك فوق راسك هه ما بقى الي انتي تقولين لي لا ما جابته امه الي عارضني رغد:طيب وانا ما ابي ولدك ليش موراضي تفهم ما ابييييه وما ابي منك شي انا ادبر اموري بنفسي واذا مصر اني اعيش معاك شيل فكره الزواج من بالك ابو طارق: انتي اش تبغين الناس تقول علينا هاااا كيف تعيشي لحالك فالبيت وكيف اخليك تعيشي معنا وعيالي مومحرم لك رغد:.............................................. .<لا تعليق> ابو طارق : الحل الوحيد انك تتزوجي وما دام انو طارق يبيك فهو اولى بك من الغريب وكذا تنحل المشكله وبلا كثره هرج<كلام> رغد: بس انا ما ابغى اتزوج خير شر لا ولدك ولا غيره ابو طارق باستحقار: انتي احمدي ربك اني ابي ازوجك واحد من عيالي واعيشك ببيتي واصرف عليك زي الاوادم والا انتي ما تستاهلين ريال واحد بس ايش اسوي بلوه وطاحت على راسي ولو مو كلام الناس كان وديتك دار الرعايه او شفت لك صرفه وانفكيت من همك رغد صدمه:...................................... رغد تمالكت نفسها ماسكه دموعها: خلاص خليني هنا زي ماقلت لك وتعال زورني وتطمن علي مولازم اعيش عندك ابو طارق بعناد: قلت لا يعني لا وببتتزوجيه برضاك والا غصب عنك وفكري بكلامي زين رغد بامل: طيب يمكن طارق مايبيني ليش تفرضنا على بعض ابو طارق : طارق يبيك اليوم قبل بكره وهو الي كلمني بنفسه وقالي افاتحك بالسالفه رغد تبكى بهستيريه : بس انا مو موافقه تسمع ما ابغى اتزوجه ابو طارق بصراخ: ررررررررغد انكتمييييييييييييييييييييييي لا يجيك كف يعدلك رغد تبكي وتشاهق: لو ابوي عايش ماكان رضى بالي تسويه فيني ابو طارق: انا الي اسويه لمصلحتك رغد والدموع على خدها : ..اهى .تشهق...اهى..اهى ابو طارق : جهزي نفسك يوم الخميس ملكتك وزواجك اصلا انا كنت مجهز لكل شئ قبل شهر وانا بارسل لك مرام وخالتك نوره وما ابغى مشاكل والا والله لتشوفين شي عمرك ما شفتيه انا مو ابوك الي مدلعك ومخليك على هواك وطلع بدون سلام رغد بحقد: اكررررررررررهك ياحيـxxx وصفقت الباب بكل قوتها من القهر بس هو ما سمعها نزلت دموعها تحرق خدها بالم بعد السعاده الي كانت عايشه فيها انقلبت حياتها من البنت الدلوعه الي ماينرفض لها طلب لوحده مسيره ومغصوبه ومنبوذه "اااااااااااااه وينك يا امي وينك ياابوي ياليتني رحت معاكم وارتحت من هالدنيا ... شوفو الي صار لي من بعدكم ياربي ايش المصيبه هاذي ما توقعت عمي بكل ها الطمع والقسوة كل هذا عشان ياخذ البيت انا متأكدة... شم ريحة الفلوس جاني زي الكـ XX ....ويبى يتحكم فيني وفي حياتي... بس والله لاوريه هو ما عرف مع مين يتعامل ان ما طلعت عيونه وحرقت دمه ما اكون رغد بنت بندر والله لاوريه رغد الثانيه بس ايش اسوى اممممم................. <<الله يستر منك يارغد وش بتسوين؟؟؟ همسـه رمـاديـة:[الموت مـاهو مشكـلة//المشكلة لا ماتت الازهـار والمثوى"الرصيف".. 
|
| الكلمات الدلالية (Tags) |
| لآكن, البنت, الدلوعة, تخرج, يسير, راما, رواية, عشقت |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ممكن بهالتوقيت يصير حمل أو لا ؟؟؟ | اشراق العالمrss | اشراق شامل - منوعات | 0 | 10-14-2012 07:11 AM |
| رواية انت تدري البنت لا عشقت وش ممكن يصير للكاتبة راما الدلوعة | eshrag | اشراق شامل - منوعات | 0 | 06-17-2012 01:21 PM |
| ممكن برنامج acronis true image enterprise server باخر نسخة ومن البوت | eshrag.net | المنتدى العام - مواضيع عامة | 0 | 09-04-2010 07:22 PM |
| هل سبق لك أن عشقت قلماً ومن ثم عشقت صاحبه | الصمت | المنتدى العام - مواضيع عامة | 4 | 01-02-2010 02:20 PM |
العرض الشجري