!!!!الله من قلب عوى عويت الذيـــب!!!!!!

الله من قلبٍ عوى عويت الذيب=
ذيب عوى لجت ضلوعه ولجي
عليك ياراعي العيون المهاديب=
سودٍ مضاليلٍ وساع ٍ وبجي
سودٍ تشذب بسرة القلب تشذيب=
طحت بخطرهن يالله انك تنجي
سهومهن تسطي على القلب وتصيب=
تخج صندوق المعاليق خجي
ياصاحبي حبك لقلبي عواقيب=
ارفق علي شوي قبل استلجي
يا اللي عليك عيون الامه مراقيب=
تقول بين شفاك درٍ يمجي
والخد براق المزون المهاضيب=
اللي رعوده رجت القاع رجي
يامنوتي مافيه شك ولاريب=
منساك كود انسى صيامي وحجي
يابو نهودٍ شلعن مقدم الجيب=
كمشمشٍ عرقه من الماء ينجي
من فوقهن شقرٍ تغذى على الطيب=
ريح الشمطري في طرفهن يعجي
ذيل اشقرٍ ينسف خلاف العراقيب=
تطلب عياله بالمهر والترجي
هزت وزرفات السبايا جناديب=
لوما شليل الصبر والمال هجي
ذبحتني ياسيد كل الرعابيب=
فجيت قلبي يأريش العين فجي
فجن مثل مظراب شلفاء تراحيب=
شلفاءاً تخل الدم الاحمر يكجي
لا وردة من كف مرو المغاليب=
والخيل كاسيها ضبابٍ وعجي
ياعاذل المشتاق مابالهوى عيب=
ماذقت لذاته عسى امك تدجي
لو ذقت من حلوه ومره تجاريب=
مالمت طراد البني الغنجي
نجل العيون مزعلات الخطاطيب=
شعوٍ عذاب مقطعين الفرجي
يم الحبيب اللي هروجه تعاجيب=
ياعين لديله ويارجل سجي

مشكوره رفحاويه
يعطيك العافيه
لاتحرمينا من جديدك

هلا فيك أخوي
مشكوووووووووور على المرور

تسلمين يالغاليه على هالموضوع الجميل

وتقبلي مروري

الله يعطيك العافيه
على مرورك الرائع

تسلمين أختي على هاذي القصايد الرائعه
وأحب أهنيك على روح البداوء الي فيك


تحيااااااااااااااااااااااااااااااااااااتي
ريـــــــــــــــــــم الليالــــــــــــــــــــــــــــــــــــــــــــ ــــــــــــــي

مشكوره اختي ويعطيكي العافيه


°ˆ~*¤®§(*§*)§®¤*~ˆ°محمد المطيري°ˆ~*¤®§(*§*)§®¤*~ˆ°

هلا وغلا فيكم

مشكورين على المرور الرائع

العفووووااا

إبداع شعري لاحدود له

قريحه فذه ، كلها عذوبه

صح لسانك بنت رفحاء