الفقير.....قصيدة حزينه.....كتبها الفقير

...الفقير...

من دون كل الناس راكبلي دنبر
وبعيني جنة بي أم وأكشخ من السوبر
أصيحن غاز واصعد وأنزل قناني
ومن الفجر لليل آني أظل أفتر
مدري أحير بعيشة أهلي وجهالي
مدري أداوي عظم ظهري التكسر
ومن يجي الليل ترتاح الخلق
وآني أظل أسجل الدين بالدفتر
ريحتي غاز ودهن والقهر كاتلني
والناس حارت بين المسك والعنبر
الغني والشيخ بهالبلد ألهم معززة
وأسمي أننسه..وينادوني أبو الدنبر
كل همي اوفي الدين العليه
ولا النذر صارله ثلث سنين وأكثر
موتعبتني ياوكت شلك عليه
على هونك خلي العظم يجبر
ماريد أعمر قصر ولا أبني دبل
بس غرفه ليه وأرتاح من المؤجر
متواضع حسبالي كل الناس مثلي
ثاري العالم كلها علي أتكبر
وعلى الشرع والدين آني تربيت
وعلمني القرآن عالمصيبه شلون أصبر
عفوا ياوكت آني بكلامي ظلمتك
ثاري الناس يوم عن يوم أتغيير
ونحمد الله اللي سترنا ورزقنا
والعيشه بأذن الله غير أتدبر
وكل من طغى وكل من تكبر
حسبي الله عليهم والله أكبر

مشكوره على القصيددددده

هلا الهرم



عفوا


تحياتي للجميع