مثــل ( ماجمعتكـ ) أقدر يعني رأسكـ لو رفعته أكسره

دارت الدنيا وتبيني [ أعذرك] !
نامت عيوني وعينك ساهره






إنت لي ماضي ومابي ..أذكرك
و الغلط وياك ... ماني مكرره




قلت لك..... إحذر غرورك يكسرك
ومن يحبّك واجب إنت تقدّره!!!



قبل لا تفكّر تهاجر بأهجرك
وعدّني غيمة حنان .. مهاجره



مثل ماجمعتك أقــــــدر( أ ن ث ر ك )
يعني راسك لو رفعته أكسره



كنت لك مثل المواني أنطرك
لين طاحت من عيوني الباخره


لا تظن أبكي عليك وأخسرك
إللي مثلك ( لازم ) إني أخسره


يا القليل الباقي طاحوا أكثرك
في بحر - دمع العيون - الطاهره


أبقى أكبر شخص مر بناظرك
وتبقى أصغر من نويت أكبّره


في فراقك ماحزنت آآبشرك
وكانت الفرحه معاك مسافره !


كيف ألوّح لك وأجبر خاطرك
وإنت إحساسي مكسّر خاطره



أشكر أعدائي كثير وأشكرك
من سبايبكم .. فقدت الذاكره ..



دارت الدنيا وتبيني [ أذكرك ] !!
شفت منّك خير لأجل أتذكره ؟



إكتب الشطر الأخير بدفترك
القلوب البيض .. جدا نادره !!! ...

راقت لي