[من مطبخي] المكرونه البشاميل علي قد الايد , كيفية تحضير المكرونه البشاميل من مطبخي وغير مكلفه

المكرونه البشاميل , كيفية تحضير المكرونه البشاميل من مطبخي


كيلو الا ربع كيلو مكرونه قلم
نص ملعقة كبيرة ملح
ماء للسلق
حوالي 2 ملعقة كبيرة زيت
للبشاميل:-
4 ملاعق دقيق كبار
2 بيض
كوباية لبن + كوباية مرقة لو عندك(لو معندكيش مرقة يبقي نص كيلو لبن)
وماء (حسب اللزوم)
1 ماجي + توابل
للعصاج:-
نص كيلو لحمة مفرومه
1 ماجي
بصله متوسطه
فصين ثوم
توابل حسب الرغبه
وطبعا صينية متوسطة الحجم مدهونه بملعقة سمن

1- سلق المكرونه:-
هتحطي حلة فيها الميه والملح والزيت وعند الغليان حطي المكرونه واسلقيها نص سوا

2- العصاج:_
حطي المقادير تبع العصاج كلها علي بعضها زي الصورة وممكن تحطي معلقه معجون الصلصه الجاهزة
بتديها لون وطعم حكايه

3- البشاميل:-

تجيبي حله وتحطي فيها 2 ملعقة سمنه الي ان تقدح حطي الدقيق وقلبي الاول بمعلقه

وبعدين لونه هتلاقيه اتغير حطي اللبن واحده واحده مع التقليب المستمر بالمضرب
حطي المرقه وقلبي جامد وبعدين البيضه وقلبي برده باستمرار عشان متكلكعش منك

4- والاخيرة هتجيبي طبق غويط تاخدي نص البشاميل مع المكرونه وقلبيهم فبعض
هاتي الصينية المدهونه وحطي النص ده ، هاتي الللحمة المفرومه وافرشيها وبعدين حطي
باقي المكرونه وعليها البشاميل وبعدين البيضه علي الوش وتكوني مشغله الميكرويف او الفرن
علي درجة حرارة عاليه حطي المكرونه هتاخد حوالي من نص ساعه الي ساعه الا ربع .

وبالهنا والشفا

للوصول الينا ومتابعة كل جديداكتبي بمحرك البحث (منتدى عـدلات) او (3dlat)