أمي في الانترنت

[غادر]

أمي الغاليه

يامن غيرتي قناعاتي
وبدلتي تصرفاتي
ودرستيني معنى احترام النفس
وجعلتي الكل يحترمني

أمي الغاليه
انتي جعلتيني أشعر بقيمة الانترنت
واهميته
اخرجتيني من روتين استهبالي واستعباطي
انتي زرعتي داخلي عظمة الذات
واحترام الصبيان والفتيات
علمتيني أن الضمائر تنبض وفاء
وتبرق صفاء
وتمطر عطاء

أمي الغاليه
انتي معلمتي ومغيرة حياتي
قلبتيها بسمو عقلك
وكبر قلبك
وصدقك وشعورك الذي لن أنساه ماحييت
أقسم لك ان شعوري لك مايوصف
وطيبة قلبك تجبرني على طاعتك
أوعدك على احترام ذاتي واحترام اخواني واخواتي

أمي الغاليه : نظرة حياء
أنا احبك حب الولد لأمه
واعترف أن
"جنة الانترنت تحت قدميك"

[نظرة حياء]

لي عودة باذن الله تعالى
وفقك الله

[نظرة حياء]

كلامك يا فهد كبيرر ويحسسني اني انجزت إنجاز عظيم ..

ويسعدني جدا تشوفني زي الوالده الله يخليها لك ويخليك لها ويفرحها فيك يارب ..

الكل راهن والكل قالو مالك امل اللي صرح واللي لمح ..

صحيح اشراق العالم مكان ساحر ,, لكن بصدق فهد الفهد كان من أكبر وأكثر اسباب تمسكي باشراق العالم ...

وحتى اكون صادقه اكثر يا فهد لازال في داخلي شيء من الخوف انك ترجع لتصرفاتك ..

لكن ثقتي الا محدوده فيك تقتل كل خوف او شك في مهده ..

احب اعرفك على نفسي اكثر ..

انا نظرة حياء عمري 33 سنه صحباتي اللي في سني اولادهم ما بين 8 \ 11 سنه ..

انا حالة استثنائيه عندي ولدين عمر الكبير 18 والصغير 15 ..

الفرق بيني وبينك خلاني افهم احتياجاتك وسبب بعض تصرفاتك ..

والفرق البسيط بينك وبين ولدي خلاني اشوفك بعيون الأم تخيلت ولدي في مكانك ...

راهنت عليك ومعك كسبت الرهان ..

قرأت سوالف ساخنه واستغربت ليه كاتب بهذه العقليه عضويته موقوفه ..

قرأت كرسي الاعتراف مع فهد الفهد وشفت قد ايش الكل يحبك وزادت الحيره عندي..

لفت نظري تركيزك على حاجتين حبك الكبير لأمك وتصريحك الدائم بحبك للبنات ..

ومنه عرفت ان فهد ما يحب الدراسه ومهمل جدا فيها :sad_1:

ولما قلت لي انك متخرج كان صعب اواجهك لكن مغادر قطع الطريق..

عرفت الصيرمي يومين وبعدها وقفت عضويته كمان في نفس اليوم بدأ غامض ..

ناقشتني في لحظة عتاب وعرفت بنفسك ..

وبعدها وعدتني تتحسن وتتغير عشان نظرة الكل لك تتغير ..

اليوم الثاني فتحت المنتدى لقيت غامض بح ..

حزنت جدا جدا جدا ,, بعدها جاني رد من الصيرمي وكان يقول انا فهد الفهد لما كتب اخوك ف\ف ..

وقتها عصبت عليك وقلت لك لا اشوف صاحبك الغامض مره ثانيه ..

بعد كم يوم لقيت فهد عبدالعزيز الفهد ..

وقتها قررت اساعدك تحافظ على فهد الجديد وانت فعلا وعدتني وسمعت كلامي ..

لكن للاسف ما لحقت ابدأ احقق معك شي من النجاح الا وعضويتك توقفت مره ثانيه ..

ما كان قدامي الا اني انا اتدخل واكلم الفارس واتحمل مسؤوليتك ..

كان من شروط رجعتها انك ان ما انعدل حالك تكون اخرفرصه لك يعني بعد الباند الجاي غير مسموح لفهد التواجد باي اسم ..

وبصدق يا فهد تمنيت تساعدني على نفسك ولأنك من الداخل ولد ممتاز ما تعبتني معك ..

فهد انا أم كانت تجربتي مع ولدي وهو طفل قاسيه علي وعليه ..

كنت صغيره جدا وقتها ما افهم اي شي من اساليب التربيه ابدا ..

ولدي كان حيروح مني لكن الله الهمني استشير ناس منهم اخصائيين نفسيين واجتماعيين ..

صرت اركز على برامج التربيه اسمع كثير واتعلم اكثر ..

لحد ما تجاوزت معاه هذه العقبه ولدي دحين الحمدلله واثق من نفسه محبوب من الناس اللي حوله ..

اثبت كثير من النجاحات في النشاطات الحمدلله هو مشرف معي على اقسام الكمبيوتر والتقنيه ..

ومن هنا اسأل الله لك النجاح الدائم في حياتك ..

وتأكد ان امك في عالم الانترنت مستحيل تتخلى عنك ان شاء الله ..

واي مساعده او خدمه تحتاجها انا معك بإذن الله تعالى ..

لازلت ثقتي في فهد عبدالعزيز الفهد بلا حدود فكون عند حسن ظني فيك.

بارك الله لنا بك ..

دمت ومن تحب بألف خير وسعادة وحب ..

[عسووولة]

اتمنى من كل قلبي ان يكون هذا التغيير تغيير حقيقي في حيااة فهد الفهد ..مو مجرد فترة ويرجع زيما كااان ..
والوقت كفيل حتى يثبت لنا ان كان فهد تغير ام لا ..

[عبدالله بن سالم]

مجرد توقيع حضور لا أريد الفهم فالتظاهر بالغباء بين أذكياء هو قمة الذكاء
يقول الرسول صلى الله عليه وسلم بمعنى الحديث (الخير باقٍ في أمتي إلى قيام الساعة)
تحياتي لكل الموجودين

[ابـوالعز]

السلام عليكم...اخوي وحبيبي صديقي باشراق العالم انت والله نعم الاخو..عارف وفاهم حنا شباب ونفهم بعض وان الشاب وش يبي يوم يسوي نفس الحركات الي يااااارب ما نشوفها مره ثانيه انت وعدت ويارب هذي المره تثبت وتكون يافهد ياولد عبدالعزيز الفهد شخص له شان في المجتمع ولك شان بالرقي باشراق العالم..والله اعزك واغليك وامك الي بالنت خير اختيار وامثل طريق فهد اعتبرني اخوك وصديقك انا معاك في كل شي تريده بس كل شي له حرمته وله حقوقه وله اسلوب حبيبي انتظر فرح الناس بتالقك واحترامك لهم احبك حب الاخ لاخوه...ربي يسعدك ويوفقك...ولعلمك صراحتك حلوه وتعجبني بس لو كانت بطريقه ثانيه احلى واريح للناس تحياتي لك يالغااالي

[غادر]

أنا تفكيري نظيف
وربي حبيت أمي نظره من قلبي
حب الابن لامه وحب الاخ لاخته
واللي يرمي كلام بين السطور
لايظلم الظلم ظلمات

[نظرة حياء]

وانا سعيده فيك وفي تفكيرك النظيف لأنك صادق

وقلتها لك من البدايه انت يافهد زي اخويا وهنا كررتها لك انا تعاملت معك زي ولدي كمان

ومافيه احد رمى كلام هم بس خايفين يكون اللي هنا محرد كلام بدون فعلا ..

عشان كذا خلنا انا وانت نثبت للكل انك صح وتغيرت ..

اتفقنا يا فهد ..

وصدقوني كلكم فهد صاحب انظف واطهر قلب وعقل عرفته ..

والايام كفيله بإذن الله تثبت انه صح واني بالنسبه له الاخت والام ..

نسيت اقول لك شي يافهد فاكر بطاقتي الشخصيه اللي ضيعتها ..

الظاهر كانت هنا في سوالف ساخنه ..

انت شرريرر خليتني اجاوب على كل اسئلتك اللي تهربت منها بكامل ارداتي هنا ..
:nosweat:

[غادر]

هههههههه
تقولين فهد يبي يدخل البيت

بس بصراحه انتي زرعتي فيني اشياء ماتوقعت انها بتكون فيني

صرت اتأثر من كل شيء
مع اني كان عادي عندي

اتوقع لو يعطوني باند الآن
ماراح أرجع مره ثانيه

[نظرة حياء]

”

اقتباس:

المشاركة الأصلية كتبت بواسطة فهد عبدالعزيز الفهد
هههههههه
تقولين فهد يبي يدخل البيت

ههههههههههه

وسويتها يعني :schmoll:

بس بصراحه انتي زرعتي فيني اشياء ماتوقعت انها بتكون فيني

صرت اتأثر من كل شيء
مع اني كان عادي عندي

انت يا فهد من البداية شاب رائع لكن كنت تخفي شخصيتك ورى لا مبالاتك ..

فهد انت من وجهة نظري روح اشراق العالم آكل الجو عـ الكل ...

وجودك فيه تنقلك في جميع الاقسام روحك المرحه مداخلاتك المميزه خصوصا على مواضيعي لها مذاق خاص ..

صدقني ان من اهم ما يميز لحن القلب ويخليه قسم ممتع لي هو مداخلاتك اللي تقلب مواضيعي وتغير مسارها 180% ..

وطبعا ما يهون بقية الاخوه والاخوات ..

استمر بنفس النشاط والروح المرحه وخفة الدم اللي تميزك لكن بدون اخطاء ولا عناد ولا تجاوز ..

اتوقع لو يعطوني باند الآن
ماراح أرجع مره ثانيه

ياويلك لو تسمح لاحد يسوي لك باند ..

لانو لو خسرت عضويتك وسبت اشراق العالم ..

اكون انا خسرت ولدي وقلبي ما يتحمل ابدا اخسر واحد من اولادي

اياك يا فهد ثم اياك تسويها فاهم ..

وللمره المليون اقول لك اذا ما غلطت تأكد انو مستحيل احد يغلط عليك ..

وحلمك الصغير فاكرو حيتحقق وتصير مشرف اذا مو في اشراق فالاكيد في اي مكان ثاني ..

لان احترامك لنفسك اولا يفرض على الجميع يحترموك ..

الله يوفقك ويسعدك ويحفظك لأمك واشراقك ..